ལ་དྭགས་པ་བློ་བཟང་འཇམ་དཔལ། (ཀོ་ལིམ་སྦི་ཡ།)

རྩོམ་ཡིག་ཆ་ཚང་འདིར་(PDF) ནང་བཅུག་ཡོད་པས། དེ་ལ་གཟིགས་རོགས།ched-tshom-2
རྒྱལ་བའི་གསུང་རབ་ཆེད་དུ་བརྗོད་པའི་ཚོམས་འདི་ཉིད། བོད་ཀྱི་ཤེས་རིག་ཉམ་ཐག་པའི་སྐབས་སུ་བོད་གཞུང་གླེགས་བམ་སྡུད་ཅིང་། ཆོས་འབྱུང་ལ་མཁས་པའི་མཆོག་གྱུར། སྐུ་གཤེགས་གེ་ནེ་སྨིཐ། འཇམ་དབྱངས་རྣམ་རྒྱལ་མཆོག་གི་དགོངས་རྫོགས་ཕྱིར་དུ། ཀློག་པ་པོ་རྣམས་ལ་སྐྱེས་ལ་ཕུལ་པ་འདི་ཉིད་བཀླགས་ཏེ་བོད་ཀྱི་ཆོས་སྐད་ཡུན་རིང་དུ་གནས་པར་དམ་པ་དེའི་དགོངས་པ་བཞིན་གྲུབ་པར་གྱུར་ཅིག
ཆེད་དུ་བརྗོད་པའི་ཚོམས་ཀྱི་དཔེ་ཆ་འདི་ཉིད་ཀློག་གྲོགས་ཞུ་བའི་དམིགས་ཡུལ་གཙོ་བོ་ནི། ང་འདྲ་བའི་བོད་ཀྱི་གནའ་བོའི་སྐད་ཡིག་ལ་གཅེས་པ་རྣམས་ཀྱིས་ཡང་དང་ཡང་དུ་བལྟས་ཏེ། གནའ་བོའི་སྐད་ལ་སྦྱང་ཕྱིར་ལགས་ན། དེ་བཞིན་མཛོད་ཅིག ཞུ་བ་ཡིན། དཔེ་ཆ་འདི་བསྐྲུན་སྐབས་དང་། སྔོན་ལོ་བརྒྱ་ཕྲག་ནས་འོངས་པའི་ཡིག་ནོར་ཡང་ཡོད་སྲིད་པས་མཁྱེན་ལྡན་བློ་གསར་རྣམས་ཀྱིས་དག་པར་བྱས་ཏེ། བདག་ལ་གསུང་བ་དང་། རང་གི་བློ་གྲོས་ཀྱི་རྒྱ་མཚོ་ཆེན་པོའང་བོད་སྐད་ཡིད་བཞིན་ནོར་བུས་གཏམས་པར་མཛོད་ཅིག་ཅེས་ཞུ་བ་ལགས།
གསུང་རབ་འདི་ཉིད་ཚིགས་བཅད་སོ་སོར་ཕྱེས་ཏེ། ཨང་གྲངས་འགོད་པར་རྫོང་རྩེ་བྱམས་པ་ཐུབ་བསྟན་མཆོག་གིས་དེ་ལྟར་བཀོད་ཅིང་༡༩༩༠ ལོར་སྤར་པའི་དཔེ་ཆ་དེ་ཕན་ཐོགས་ཆེར་གྱུར་པས། དེ་ལྟར་མཛད་པར་ཁོང་ལ་བཀའ་དྲིན་ཆེའོ་ཞེས་ཞུ་འོས་པ་ལགས།
ཆེད་དུ་བརྗོད་པའི་ཚོམས་ཀྱི་ཚིགས་སུ་བཅད་པ་དག་ཏུ། ད་ལྟ་འདས་མ་འོངས་བསྐུལ་ཚིག་རྣམས་ན་གང་ཡོད་པ་དེའི་བྱ་ཚིག་གཞན་རྣམས་གང་ཡིན་པ་ལྟ་རྟོག་ཡོད་ན། བྱ་ཚིག་གཞན་ཀུན་ཤེས་པ་ལ་ཕན། དཔེར་ན། བྱེད་ཅེས་ཡོད་ན། དེ་ཉིད་ཀྱི་འདས་མ་འོངས་བསྐུལ་ཚིག རིམ་པ་བཞིན་དུ། བྱས། བྱ། བྱོས། ཞེས་པ་ཡིན་ཅིང་། དེ་བཞིན་དུ། བགྱིད་ཅེས་པ་ལ་ བགྱིས། བགྱི། གྱིས། ཞེས་པ་ལྟ་བུ་དང་། བྱེད་དང་བགྱིད་ཅེས་བྱ་ཚིག་འདི་གཉིས་དོན་གཅིག་པར་མཐོང་། སྩོལ། སྩལ། སྩལ། སྩོལ། ཞེས་ད་ལྟ་འདས་མ་འོངས་བསྐུལ་ཚིག་བཅས་རིམ་བཞིན་ལགས་ཤིང་། ད་ལྟ་དང་བསྐུལ་ཚིག་ལ་སྩོལ་ཞེས་ཡིག་གཟུགས་འདྲ་ཡང་། སྔོན་གྱི་ཡི་གེ་འབྲི་ལུགས་ལྟར་ན་ད་ལྟ་བའི་སྩོལ་ལ་ད་ཡང་འཇུག་མེད། བསྐུལ་ཚིག་གི་སྩོལ་ལ་ད་ཡང་འཇུག་ཡོད། དེ་བཞིན་འདས་པའི་སྩལ་ལ་ད་ཡང་འཇུག་ཡོད། མ་འོངས་སྩལ་ལ་ད་ཡང་འཇུག་མེད། འོན་ཀྱང་།

དེ་ལས་མང་བ་། “སྩོལ། སྩལ། སྩལ། སྩོལ།” »

བུ་རྫོང་ལྷ་མོ་ཚང་ཚེ་རིང་དབང་ཕྱུག

༄༅། །འདི་ལོའི་ཕྱི་ཟླ་ ༡༢ ཚེས་ ༡༠ ཉིན་མོ་དེ་ནི་ནོ་སྦེལ་ཞི་བདེའི་གཟེངས་རྟགས་ཕུལ་བའི་ཉིན་མོ་ཞིག་རེད། འདི་ལོའི་བྱ་དགའ་དེ་རྒྱ་ནག་ནང་མང་གཙོ་དོན་གཉེར་བ་སྐུ་ཞབས་ལིའུ་ཤའོ་ཕོ་ལ་གནང་ཡོད་ཀྱང༌། ཁོང་དོ་བདག་དང་ནང་མི་སོགས་བྱ་དགའ་ལེན་པར་བསྐྱོད་ཐུབ་མེད་པར། བྱ་དགའ་དེ་ནོ་སྦེལ་གཟེངས་རྟགས་ཀྱི་མཛད་སྒོ་ཚོགས་སའི་སྐུ་མགྲོན་བཞུགས་སའི་སྡིང་ཆའི་རྐུབ་བཀྱག་སྟོང་པ་ཞིག་སྟེང་བཞག་དགོས་བྱུང་ཡོད། རྒྱ་ནག་གཞུང་གི་ཆབ་སྲིད་དང་དཔལ་འབྱོར་སོགས་ཀྱི་གནོན་ཤུགས་འོག་ར་ཤི་ཡ་དང༌། དབྱི་རང༌། ཀུ་པ། ཝེ་ནེ་རུ་ཡ་སོགས་རྒྱལ་ཁབ་ ༡༧ ད་རེས་ཀྱི་བྱ་དགའ་ཕུལ་བའི་མཛད་སྒོར་བཞུགས་ཡོད་པ་མ་རེད།
རྒྱ་ནག་གཞུང་གིས་ནོ་སྦེལ་གཟེངས་རྟགས་ལྷན་ཚོགས་ཀྱིས་གཟེངས་རྟགས་བྱ་དགའ་དེ་ཛྲརྒྱལ་ཁབ་མགོ་གཏིང་སློག་པའི་ཛྲཉེས་མིང་འོག་ད་ལྟ་བཙོན་ཁང་ནང་ཉེས་ཆད་འཁུར་བཞིན་ཡོད་པའི་ལིའུ་ཤའོ་ཕོ་ལ་སྤྲད་པ་དེར་ཁོངས་ཁྲོ་ཆེན་པོ་ལངས་ནས། དེ་ནི་ཛྲམངོན་གསལ་དོད་པོས་རྒྱ་ནག་ནང་ཁུལ་དུ་ཁྲིམས་བརྒལ་ཉེས་ཅན་པ་ཞིག་ལ་རྒྱབ་སྐྱོར་བྱས་ཏེ། རྒྱ་ནག་གི་ནང་སྲིད་ལ་རྩུབ་སྤྱོད་ཀྱིས་ཐེ་ཇུས་བྱས་ཛྲཔར་ངོས་འཛིན་བྱས་འདུག
ཡིན་ནའང༌། ཨ་རི་དང་ཡུ་རོབ་གཙོས་རང་དབང་དང་མང་གཙོར་ཕྱོགས་པའི་རྒྱལ་ཁབ་མང་ཆེ་བས་ད་རེས་ཀྱི་ནོ་སྦེལ་ཞི་བདེའི་བྱ་དགའ་ལིའུ་ཤའོ་ཕོ་ལ་གནང་བ་དེ་རྒྱ་ནག་གི་མང་གཙོའི་བརྒྱུད་རིམ་སྐུལ་དེད་གཏོང་བའི་འབད་བརྩོན་བྱས་པར་རྒྱབ་སྐྱོར་བྱས་པ་ཞིག་ལ་ངོས་འཛིན་བྱས་ཏེ། རྒྱ་ནག་པེ་ཅིན་གཞུང་གིས་ལིའུ་ཤའོ་ཕོ་འཕྲལ་དུ་གློད་བཀྲོལ་གཏོང་དགོས་པའི་འབོད་སྐུལ་གནང་འདུག།

དེ་ལས་མང་བ་། “རྒྱ་ནག་གཞུང་གིས་སྲིད་བློན་ཝུན་ཅཱ་བའོ་ལ་ནོ་སྦེལ་ཞི་བདེའི་བྱ་དགའ་རག་ཐབས་བྱས་པ།” »

རྔ་བ་རྒྱལ་ཁམས།
ད་ང་ཚོ་ཚང་མ་ངན་ལངས་ལ་ཤོར་ཚར་བ་རེད། སྔོན་ནས་འཐེན་ནི་ཞིག་དང་། རྒྱབ་ནས་གཏོད་ནི་ཞིག་མེད་ན། མི་རྒན་འཆོས་པོ་ལྟར་ཡར་ལངས་ཐུབ་ནི་མ་རེད། ངོ་མ་སེམས་སྐྱོ་བའི་རྒྱུ་རེད། རྫོགས་པའི་སངས་རྒྱས་བཅོམ་ལྡན་འདས་ནས་བཟུང་སྟེ། རྟག་པའི་ཆོས་ཤིག་ཡོད་ནི་མ་རེད། ༧སྐུ་མདུན་ཡང་མིའི་ཤ་ཚུགས་ཅན་རེད། ནམ་ཕེབས་མ་གཏོགས་ཕེབས་རྒྱུ་ཡིན་པ་ཕལ་ཆེར་གྱིས་ཧ་གོ་བཞིན་ད་དུང་སྐུ་མདུན་མཁྱེན་བསམས་ནས། ཡོད་ཚད་ཞེ་ས་མ་ཞུས་ན་མི་རྒན་གཅིག་གི་སྒང་འཁེལ་ཐབས་བྱེད་ཀྱིན་ཡོད་པ་རེད། ངས་བོད་རིགས་མང་བོ་ཞིག་ལ་ཚོད་སྒམ་གྱི་དྲི་བ་འགའ་རེ་བཏང་བ་ཡིན། ཁོང་ཚོ་རང་ཉིད་ལ་ཡིད་ཆེས་ཡོད་མཁན་ཧ་ལམ་དཀོན་པོ་རེད། དམིགས་ཡུལ་དང་འཆར་གཞི་སོགས་དྲིས་པ་ཡིན་ན། ཕལ་ཆེར་གྱིས་སོ་སོར་ལས་ཤིག་ཡོད་ན་ལམ་ཤིག་ཡོང་གི་རེད་ཟེར་བ་ཙམ་ལས་ཅང་མེད་གི ང་སེམས་ཧ་ཅང་སྐྱོ་སོང་། རྒྱ་རིགས་འགའ་ཞིག་ལ་དྲིས་པ་ཡིན། སློབ་སྦྱོང་དང་། དཔལ་འབྱོར། དམིགས་འབེན་སོགས་རང་ཉིད་ཀྱི་འཁོས་ཀར་དཔགས་པའི་འཆར་གཞི་རེ་མེད་ས་ཕལ་ཆེར་མེད་ཀི གལ་ཏེ་ང་ཚོས་༧རྒྱལ་བ་རིན་པོ་ཆེ་མེད་པའི་ཉིན་ནས་ང་ཚོ་ཚར་བ་རེད་བསམ་གིན་ཡོད་ན། ཚར་འགྲོ་གི་རེད། ང་ཚོ་རང་ཉིད་ཀྱིས་ཚར་རྒྱུ་ཡིན་པ་ཐག་བཅད་ཚར་བ་རེད། བསམ་བློ་དེ་འདྲ་ཞིག་ཁུར་ནས་ལས་ཀ་ཅི་ཞིག་བྱས་རུང་། ལས་ངག་གཉིས་ཀ་སེམས་ཀྱི་རྗེས་སུ་འགྲོ་གི་ཡོད་སྟབས། ནུས་པ་ཐོན་ཐུབ་ཀི་མ་རེད། གལ་སྲིད་ང་ཚོས་མི་གཞན་གྱིས་བྱེད་ཐུབ་པ་ངས་ཅིའི་ཕྱིར་བྱ་མི་ཐུབ། ངས་འདི་འཇོན། ངས་འདི་བྱེད་ཐུབ་སྙམ་པའི་ཆོད་སེམས་དང་། སྙིང་སྟོབས་ཡོད་ན་དམིགས་ཡུལ་གང་ཡོད་ཕལ་ཆེར་འགྲུབ་འགྲོ་གི་རེད། ངས་འདི་ནས་ང་ཧ་ལས་པ་ཞིག་ཡིན་ཞེས་བཤད་ཀི་མེད། འོན་ཏེ་ངས། འཇིག་རྟེན་འདིའི་ཐོག་གི་ཆེ་གཉན་མང་བོའི་སེམས་ཁམས་ལ་ཞིབ་འཇུག་བྱེད་ཀི་ཡོད། ཁོང་ཚོ་རང་རང་ལ་དམིགས་ཡུལ་དང་། འཆར་གཞི་འདུག དམིགས་ཡུལ་དེ་མ་འགྲུབ་པར་བློས་བཏང་མེད་ཀི དེ་ལ་བརྟེན་ནས་ཆུང་ས་རང་ཁྱིམ་ནས་ཆེ་ས་འཛམ་གླིང་བར་ནུས་པ་རེ་བཏོན་ནས་ཕུགས་འདུན་མངོན་དུ་གྱུར་མཁན་རྐྱང་རྐྱང་རེད།

དེ་ལས་མང་བ་། “རང་དོན་རང་གིས་བྱེད། རང་ཉིད་རང་གི་མགོན།” »

ཁང་གསར་རྡོ་རྗེ།

(བློ་རྒྱ་ཆེ་བའི་དཔྱད་ཞིབ་དང་བསམ་རྒྱ་ཡངས་པའི་འཆར་སྣང་མེད་ན། རང་དབང་ཆེ་བའི་དམངས་གཙོ་མེད།)

༡༽ གོ་རྟོགས།
ཐེངས་འདིའི་བཀའ་ཁྲི་དང་སྤྱི་འཐུས་ཀྱི་འོས་བསྡུའི་ཐད། བལ་འབྲུག་གཉིས་ཀྱིས་འགལ་རྐྱེན་བརྩམས་ཡོད་ཀྱང་། དེ་ནི་རང་ཅག་གི་ལག་ཏུ་མེད་པས་བཞག རང་ཅག་གིས་འཐུས་ཤོར་བ་ནི། མང་ཚོགས་ཀྱི་ངོས་ནས་དེབ་སྐྱེལ་བྱས་ཀྱང་འོས་བསྡུའི་ཆ་ཤས་ནང་ཞུགས་མ་ཐུབ་པ་ད་དུང་ཁྲི་གསུམ་སྐོར་ཡོད་པ་དེ་རེད། མང་ཚོགས་དཀྱུས་མ་ཙམ་མ་ཟད། གཞུང་གི་གནད་ཡོད་ལས་བྱེད་དང་ཐ་ན་འོས་བསྡུའི་འགན་འཛིན་བཅས་པར་ཡང་ཞན་ཆ་མི་ཉུང་བ་ཞིག་སྔར་བཞིན་འདུག་པ་དཔེར་ན། འོས་བསྡུའི་འགན་འཛིན་རྣམ་པས་སྒྲིག་གཞི་དང་མཐུན་པའི་ལམ་སྟོན་གསལ་པོ་དང་ཡང་དག་པ་གནང་ཐུབ་མེད་པ་དང་གཅིག འབྲུག་ཡུལ་དུ་འོས་བསྡུའི་སྐོར་ལ་འབྲེལ་བ་བྱེད་སྐབས་ས་གནས་ཀྱི་ཆབ་སྲིད་གནས་སྟངས་ལ་དགོངས་བཞེས་མ་ཐུབ་པ་དང་གཉིས། འོས་བསྡུ་དང་འབྲེལ་བའི་ཁྲིམས་སྒྲིག་དང་ལམ་སྟོན་ཁག་བོད་དབྱིན་གཉིས་ནང་བྲིས་ཏེ་དྲྭ་ལམ་ཁག་ཏུ་འཇོག་མ་ཐུབ་པ་ཙམ་མ་ཟད། འཇོག་རྩིས་ཙམ་ཡང་མེད་པ་དང་གསུམ་ལྟ་བུ་ཡིན། ད་དུང་སྔོན་འགྲོའི་འོས་མིའི་ཐོ་གཞུང་གསལ་བསྒྲགས་བྱས་པ་དེའི་ནང་། མི་དང་ས་ཆའི་མིང་འབྲི་ནོར་ཤོར་བ་དང་ཡིག་ནོར་ཧ་ཅང་མང་བ་ནི། བོད་ནང་བོད་ཡིག་གི་ཆེད་དུ་སྲོག་བཏང་སྟེ་སྐད་འབོད་བྱེད་བཞིན་པའི་སྐབས་འདི་ལྟ་བུར་ལྷག་པར་དུ་མིག་ལ་མི་མཛའ་བའི་ལས་ཀ་རེད།

གཞུང་གི་གནད་ཡོད་ལས་བྱེད་ལ་མཚོན་ན། ཨོ་སི་ཊི་ལི་ཡའི་སྐུ་ཚབ་དོན་གཅོད་ཀྱིས་ས་གནས་ཀྱི་འོས་གྲངས་སྐོར་གསར་ལམ་དུ་བསྒྲགས་པ་དང་། ཨ་རི་སྐུ་ཚབ་དོན་གཅོད་ཀྱིས་ས་གནས་འོས་བསྡུའི་མི་སྣར། འོས་དངོས་སུ་བསྡུ་བའི་སྐབས་སུ་གཞན་གྱིས་བཀྲམས་པའི་འོས་གཞིའི་ཐོ་གཞུང་བེད་སྤྱོད་ཆོག་པའི་ལམ་སྟོན་ལོག་པ་བྱས་པ། ས་གནས་འོས་བསྡུ་ཚོགས་ཆུང་ཁག་གིས་འོས་བསྡུའི་ཉིན་ལྟ་རྟོག་སྟངས་འཛིན་སྒྲིག་གཞི་དང་མ་མཐུན་པ་མང་དུ་བྱུང་བ་ལྟ་བུ་ཡིན། བདག་གིས་བལྟས་ན། སྐྱོན་ཆ་འདི་དག་གི་རྩ་བ་གཅིག་ནི། དབུས་འོས་བསྡུ་ལས་ཁང་ནས་བྱུང་བ་རེད། དབུས་འོས་བསྡུ་ལས་ཁང་ཞེས་པ་ཞིག་གཏན་འཛུགས་ཡོད་ཀྱང་།

དེ་ལས་མང་བ་། “སྔོན་འགྲོའི་འོས་བསྡུ་མདོར་གླེང་།” »

རིག་འབྱུང་དོན་གྲུབ་བཀྲ་ཤིས། ཨ་རི།

བོད་ནང་དུ། སྐད་ཡིག་གི་གནད་དོན་དང་རྩོད་རྙོག་ཆེ་རུ་འགྲོ་བཞིན་འདུག རྒྱ་ཆེན་པོའི་མི་རིགས་ཀྱི་སྐད་ཡིག་དེས་གྲངས་ཉུང་མི་རིགས་ཀྱི་སྐད་ཡིག་དེ་མཐའ་ལ་འདེད་བཞིན་པའི་གནས་སྟངས་ཤིག་ཆགས་བཞིན་འདུག དཔྱད་གཞིའི་ཡིག་ཆ་ལྟར་ན། གནས་སྟངས་འདི་མདོ་སྨད་ཁུལ་གྱི་སློབ་གྲ་ཕལ་ཆེ་བའི་ཀློག་དེབ་སྒང་ན་མི་འདུག ལྷ་ས་དང་ཁམས་ཁུལ་དུ་སྔ་མོ་ནས་སླེབས་ཚར་འདུག ལྷ་ས་ཁུལ་དང་ཁམས་ཁུལ་གྱི་སློབ་གྲ་མང་པོའི་ཀློག་དེབ་དེ་རྒྱའི་སྐད་ཡིག་གི་འོག་ལ་ཤོར་ཚར་ནས་འདུག མདོ་སྨད་ཁུལ་དུ་བོད་ཀྱི་སྐད་ཡིག་དེ་མ་ཤི་བར་འདུག སློབ་གྲའི་ཀློག་དེབ་ཀྱི་སྒང་ན་མ་ཤི་བར་འདུག ཉེ་ཆར། མདོ་སྨད་ཁུལ་དུ་སྐད་ཡིག་གི་གནད་དོན་ཐད་སློབ་ཕྲུག་ཚོས་ཞི་བའི་ངོ་རྒོལ་བྱས། ཁྲིམས་མཐུན་གྱི་ངོ་རྒོལ་བྱས། ཞི་བའི་ངོ་རྒོལ་གྱི་ཁྲོད་དུ། ལོ་ན་དགུ་ལ་སོན་པའི་སློབ་ཕྲུག་ཀྱང་འདུག ལོ་ན་དགུ་ལ་སོན་པའི་སློབ་ཕྲུག་་ཨེ། རེད། སྙིང་རྗེ། བྱིས་བ་ཆུང་ཆུང་འདི་འདྲ་ཞིག་གིས་ཀྱང་རང་གི་མི་རིགས་དང་དེའི་སྐད་ཡིག་གི་རིན་ཐང་རྙེད་པའི་ཚད་ལ་སླེབས་ཡོད། སློབ་ཕྲུག་ཚོའི་ངོ་རྒོལ་གྱི་གནས་ཚུལ་དག་ནུབ་ཕྱོགས་རྒྱལ་ཁབ་ཁག་གི་གསར་འགྱུར་བརྒྱུད་ལམ་དུ་ཡང་སླེབས་ཡོང་། འོན་ཀྱང་། གསལ་བོ་དང་ཞིབ་ཚགས་ཤིག་སླེབས་མེད། ཐ་རེ་ཐོར་རེ་ཞིག་སླེབས་ཡོད། ད་དུང་སླེབས་བཞིན་འདུག

ཨ་རིའི་ནེའུ་ཡོག་དུས་བབ་(The New York Times)དང་སིས་ཨན་ཨན།(CNN)དབྱིན་ཇིའི་རྦིས་རྦིས་སིས་(BBC) སོགས་ཀྱི་དྲ་ངོས་སུ་གནས་ཚུལ་འདི་དག་བཀོད་འདུག འོན་ཀྱང་། ཁོང་ཚོའི་གནས་ཚུལ་དེ་ཚོ་མགོ་སྔ་མི་ཚང་བ་ཤ་སྟག་རེད། ཁོང་ཚོ་གསུམ་ཀས་མདོ་སྨད་རེབ་གོང་དུ་བྱུང་བའི་གནས་ཚུལ་མ་གཏོགས་བཀོལ་མེད། ཁོང་ཚོས་བཀོལ་བའི་གྲངས་ཀ་དེ་ཚོ་ཡང་མི་མཐུན།ནེའུ་ཡོག་དུས་བབ་ཀྱིས་ སློབ་ཕྲུག་ངོ་རྒོལ་བ་ཆིག་སྟོང་ཙམ་ཟེར། ད་དུང་གྲ་བ་འགའ་ཡང་མཉམ་ཞུགས་བྱས་འདུག་ཟེར།(ཁུངས།) ནེའུ་ཡོག་དུས་བབ་ཀྱིས་གནས་ཚུལ་གྱི་ཁུངས་གཏུགས་ས་དེ་རྒྱལ་སྤྱིའི་བོད་དོན་ལས་འགུལ་ཁང་ཡིན། རྒྱལ་སྤྱིའི་བོད་དོན་ལས་འགུལ་ཁང་གིས་སློབ་ཕྲུག་ཚོའི་ངོ་རྒོལ་གྱི་སྐོར་ལ་གནས་ཚུལ་ཅུང་ཞིབ་ཚགས་ཤིག་བྲིས་འདུག འོན་ཀྱང་། གནས་ཚུལ་འགའ་འགོད་ནོར་ཐེབས་འདུག དཔེར་ན། རྒྱལ་སྤྱིའི་བོད་དོན་ལས་འགུལ་ཁང་(ICT) གིས་རེབ་གོང་ཁུལ་དུ་བྱུང་བའི་ངོ་རྒོལ་གྱི་སྐད་འབོད་དེ་”བོད་ཡིག་གི་བདག་དབང་ཕྱིར་སྤྲོད་རོགས་”ཟེར་བ་དེ་བེད་སྤྱོད་ཡོད། (ཁུངས།) “བོད་ཡིག་གི་བདག་དབང་ཕྱིར་སྤྲོད་རོགས་”ཟེར་བ་དེ་རེབ་གོང་ཁུལ་གྱི་འབོད་ཚིག་མ་རེད། རེབ་གོང་ཁུལ་གྱི་སློབ་ཕྲུག་ཚོའི་སྐད་་འབོད་དེ། “མི་རིགས་འདྲ་མཉམ། སྐད་ཡིག་རང་དབང་’ཟེར་བ་དེ་རེད།(ཁུངས།) རྦིས་རྦིས་སིས་(BBC)ཀྱིས་སློབ་ཕྲུག་ངོ་རྒོལ་བའི་གྲངས་ཀ་དེ་ཆིག་སྟོང་ཙམ་ཟེར། ཚོད་དཔག་ལྟར་ན། ཆིག་སྟོང་ནས་བདུན་སྟོང་བར་ཟེར། ད་དུང་ལྔ་སྟོང་ནས་དགུ་སྟོང་བར་ཟེར། (ཁུངས།) སིས་ཨན་ཨན་(CNN)གྱིས་ཐོག་མར་ཆར། སློབ་ཕྲུག་བརྒྱད་བརྒྱ་ཙམ་ཟེར། དེ་ནས་བཞི་སྟོང་ནས་དྲུག་སྟོང་བར་ཟེར།(ཁུངས།) གོང་གི་གསར་འགྱུར་བརྒྱུད་ལམ་འདི་གསུམ་གྱིས་གྲངས་ཀ་དེས་ཀྱང་མདོ་སྨད་རེབ་གོང་ཁུལ་གཅིག་པོ་གླེང་གི་ཡོད། བོད་ཡིག་གི་གསར་འགྱུར་བརྒྱུད་ལམ་ཁག་ན། མདོ་སྨད་རེབ་གོང་ཁུལ་གྱི་ངོ་རྒོལ་བའི་གྲངས་ཀ་དེ་ཆིག་སྟོང་ཙམ་ཡིན། (ཁུངས།) བསྐྱར་དུ། སྤྱི་ཚེས་༢༢ཉིན། པེ་ཅིང་དུ་གནས་སྡོད་ནེའུ་ཡོག་དུས་བབ་ཀྱི་གསར་འགོད་པ་ (EDWARD WONG)ཟེར་བས།

ཐེངས་འདིའི་སློབ་ཕྲུག་གི་ངོ་རྒོལ་སྐོར་ལ་གནས་ཚུལ་ཞིག་སྤེལ་ཡོད། ཁོང་གི་གནས་ཚུལ་དེ་ཅུང་ཙམ་ཞིབ་ཚགས་པ་འདུག ཁོང་གིས་རེབ་གོང་ཁུལ་གཅིག་པོ་མ་ཡིན་པར། མདོ་སྨད་ཆབ་ཆའི་ཁུལ་དང་ཐ་ན་པེ་ཅིང་གྱི་ཀྲུང་དབྱང་མི་རིགས་སློབ་གྲ་ཆེན་མོའི་བོད་རིགས་སློབ་མ་ཚོའི་ངོ་རྒོལ་གྱི་སྐོར་དེ་ཡང་བྲིས་འདུག (ཁུངས།)

དེ་ལས་མང་བ་། “ཁྲིམས་ཀྱིས་བཙིར་བའི་བོད་ཀྱི་སྐད་ཡིག འཆི་གསོན་ལ་འཐབ་བཞིན་པའི་བོད་ཀྱི་སྐད་ཡིག” »

མགོ་ལོག་པ་འཇིགས་བྱེད་ཚེ་རིང་།

ཉེ་ལམ་དྲ་བ་དང་མི་སྒེར་གང་རུང་བརྒྱུད་ནས་ཤེས་གསལ་ལྟར་ན་ད་ལོ་ནས་མགོ་རྩོམ་སྟེ་བོད་ཁུལ་གྱི་ས་གནས་སོ་སོའི་སློབ་གྲྭ་ཁག་ལ་སློབ་ཆུང་ལོ་རིམ་གསུམ་པའི་ཡན་ཆད་དུ་བོད་ཡིག་སློབ་ཁྲིད་ཇེ་ཉུང་དུ་བཏང་བའམ་ཡང་ན་བོད་ཡིག་གཏན་ནས་མི་ཁྲིད་པར་རྒྱའི་སྐད་ཡིག་གཙོ་བོར་བྱེད་དགོས་པའི་བླངས་བྱ་བཏོན་འདུག ངའི་གྲོགས་པོ་སློབ་ཆེན་སློབ་མ་ཞིག་གིས་གསུང་བ་ལྟར་ན་ཁོང་ཚོའི་ཕ་ཡུལ་ནས་ས་ གནས་མགོ་ཁྲིད་ཀྱིས་དེའི་ཐད་ལ་འཐད་པ་ཡིན་མིན་མིང་རྟགས་འགོད་དགོས་གསུང་བཞིན་ འདུག་ཟེར། ང་རང་གི་རེ་བ་ཡིན་ན་བོད་མི་ཚང་མའི་དེ་ལ་དོ་སྣང་བྱས་ནས་གལ་ཏེ་འཐད་མིན་གྱི་ དྲི་བ་ཡོད་ཚེ་ཚང་མས་མི་འཐད་པའི་རེ་བ་བཏོན་ན་འགྲིག་གི་འདུག་བསམ།རྒྱུ་མཚན། འཛམ་གླིང་གི་མཁས་པ་ཚོས་མགྲིན་གཅིག་དང་དབྱངས་གཅིག་གིས་མི་རིགས་ཤིག་གི་ངོ་བོ་ དང་ཡང་ན་མི་རིགས་དེ་ལ་མི་རིགས་ཤིག་གི་ཚད་གཞི་ཚང་མི་ཚང་མི་རིགས་གང་དེའི་རིག་ གཞུང་དང་སྐད་ཡིག་ལ་གཙོ་བོ་རག་ལས་གསུང་བ་བཞིན། ང་ཚོ་བོད་ལ་དུས་རབས་དང་མཐུན་པའི་ཡི་གེ་ཡག་པོ་ཞིག་ཡོད་པ་ཚང་མས་ཤེས་གསལ་རེད། གལ་ཏེ་བོད་ཡིག་སློབ་པའི་གོ་སྐབས་དང་བྲལ་ཚེ་བོད་ཅེས་པ་མིང་གི་ལྷག་མར་གྱུར་ སོང་བ་རེད། སློབ་གསོ་བ་མཁས་ཅན་ནམ་བསམ་བློ་བ་གྲགས་ཅན་ལེ་ཉིན་གྱིས་མི་རིགས་འདྲ་མཉམ་དང་ སྐད་ཡིག་འདྲ་མཉམ་སོགས་ཁས་མ་བླངས་པ་དང་རྒྱུན་འཁྱོངས་མ་བྱས་ན། མི་རིགས་གཉའ་གནོན་དང་འདྲ་མཉམ་མིན་པས་དེ་ལ་འཐབ་རྩོད་མ་བྱས་ཚེ་གནོད་པ་སྐྱེལ་ གྱི་རེད་གསུང་བ་བཞིན།ང་ཚོས་དེ་ལ་ངོ་ཡ་བྱེད་དགོས་པས་ཚད་ལ་ཐོན་ཡོད།

དེ་ལས་མང་བ་། “བོད་སྐད་ཡིག་ལ་ཉམས་ཉེས་ཚབ་ཆེན་ཐེབས་བཞིན་པ། བོད་འབྱོར།” »

རྔ་བ་རྒྱལ་ཁམས་པ།
དེང་སང་འཛམ་གླིང་གི་ཡུལ་གྲུ་མང་བོར༼བོད་ཀྱི་ནང་ཆོས༽ཞེས་བོད་བརྒྱུད་ནང་བསྟན་དར་རྒྱས་ཤུགས་ཆེར་འགྲོ་བཞིན་ཡོད། དེ་ནི་བོད་ཀྱི་རྩ་དོན་དང་འཛམ་གླིང་ཞི་བདེ་གཉིས་ཀར་ཕན་པའི་གནས་ཚུལ་དགའ་འོས་པ་ཞིག་ལོས་ཡིན། འོན་ཏེ། བཀྲ་ཤིས་ཀྱི་གཞུག་ན་སྣ་ནག་མ་ཞིག་ཀྱང་འབྱུང་བཞིན་པ་ནི། རང་རེའི་ཆོས་བརྒྱུད་ཀྱི་རྗེས་འཇུག་ཕལ་ཆེར་ཞིག་གིས། སྔགས་ལས་མདོ་མི་སློབ་ཅིང་། སྒོམ་ལས་ཐོས་པ་མི་བྱེད་ལ། དམར་ཟས་ལས་དཀར་ཟས་མི་བསྟེན་པ་འདི་རེད། ང་རྒྱལ་ཁམས་ཉུལ་ནས་ད་བར་བོད་ཆོས་་སློབ་གཉེར་བྱེད་མཁན་མང་བོ་ཞིག་ལ་ཐུག་རྒྱུ་བྱུང་། ངའི་སྣང་ཚུལ་ཞིག་ལ། ཁོང་ཚོ་ཕལ་ཆེར་གྱི་གདོང་ལ་འཛུམ་མདངས་དང་། གཞན་ལ་གུས་ཞབས་ཀྱི་རྣམ་པ་མཐོང་དཀོན་ཞིང་། ངག་ནས་གཟུངས་སྔགས་ཆལ་ཆོལ་མང་བོ་ཟློ། མི་ཚོས་གླེང་ན། དེ་དག་ལ་ལུས་སེམས་ཐང་བོ་མི་འདུག་ཅེས་སྐྱོན་འཛུགས་པའང་རྒྱུ་མཚན་མེད་པ་ཞིག་མ་རེད་སྙམ། ཁོང་ཚོ་སྙམ་དུ་གླེང་མོལ་འདྲ་བྱས་ཚེ། ཕྱག་རྫོགས་སོགས་ལྟ་བ་མཐོན་པོའི་ཀློང་ནས་མར་ཆེར་མི་འབབ་ལ། ངའོ་སྙམ་པའི་ངར་འཛིན་དང་། རང་ལྟ་མཆོག་འཛིན་གྱི་མཁྲེགས་ཤུགས་ཤིན་ཏུ་ཆེ། ལྷ་མཐོང་ཀླུ་མཐོང་དང་། མངོན་ཤེས་གྲུབ་རྟགས་སོགས་མཐོང་ཐོས་དཀོན་པའི་རིགས་གླེང་བར་ཧ་ཅང་དགའ། ངས་ང་ཤ་ཟ་རྒྱུར་ཧ་ཅང་དགའ།

དེ་ལས་མང་བ་། “༄།། བོད་བརྒྱུད་ནང་བསྟན་གྱི་རྗེས་འཇུག” »

རྔ་བ་རྒྱལ་ཁམས་པ།
འདོད་ཡོན་ལྔའི་དྭངས་མ་ནི་འཁྲིག་པའི་ལོངས་སྤྱོད་རེད། འཁྲིག་སྤྱོད་ཀྱི་ཡོན་ཏན་ལ་བརྟེན་ནས་བཅུད་ཀྱི་སེམས་ཅན་ཕལ་ཆེར་ཞིག་བྱུང་། ལྷ་རིགས་རྣམས་ནི་ཕན་ཚུན་འཛུམ་དམུལ་ཙམ་གྱིས་འཁྲིག་བདེ་མྱོང་ཞིང་། དུད་འགྲོའི་རིགས་ཕལ་ཆེར་ཞིག འཁྲིག་པ་སྤྱོད་སྐབས་འཕོང་ནས་སྤྲོད། ཆུ་གནས་སྲོག་ལྡན་རིགས་ལ་འཁྲིག་པ་སྤྱོད་སྟངས་ངོ་མཚར་ཅན་མང་བོ་ཡོད་པ། སྲོག་ཆགས་རིག་པའི་དངོས་བྱུང་གློག་བརྙན་སོགས་ན་གསལ་བོ་མཐོང་རྒྱུ་ཡོད། སྟེས་དབང་ཞིག་གིས། ང་ཚོ་འགྲོ་བ་མིའི་རིགས་ལ་སྟེང་འོག་དང་། གཡས་གཡོན། མདུན་རྒྱབ་སོགས་ཕྱོགས་མང་བོ་ཞིག་ནས་སྤྱོད་ཆོག་པའི་གོ་སྐབས་དེ་བྱུང་འདུག་པ་མ་ཟད། ཆོས་ཀྱི་ཉམས་ལེན་བརྒྱུད། ལུས་ཀྱི་རྩ་རླུང་ཐིག་ལེའི་འཁོར་བསྐྱོད། ལེགས་པར་རྟིང་འཛིན་གྱིས་བདེ་བ་འཕོ་མེད་དུ་འཛིན་ནུས་པ་དང་། རྒྱུན་སྲིང་བ། འདོད་ཆགས་ཀྱི་གཉེན་པོར་འགྲོ་བ་སོགས་ཀྱི་དམིགས་ཁྱད་ལྡན། སྤྱིར་བདེ་བའི་རྣམ་གྲངས་ལ་མཐའ་ཡས་པ་ཞིག་ཡོད་སྲིད་ཀྱང་། གནད་གཅིག་ཏུ་བསྡུས་ན། སྐབས་འདིའི་བདེ་བ་ཞེས་པ་སྲོག་ལྡན་གང་ལའང་ལྷན་སྐྱེས་སུ་ཡོད་པའི་༼རང་བྱུང་གི་བདེ་བ༽ཞིག་གམ། ༼རང་སེམས་སིམ་པའི་གཏིང་ཚོར༽ཞིག་རེདཅེས་བརྗོད་ཆོག དོན་དངོས་ཐོག་ང་ཚོ་ཕལ་ཆེར་གྱིས་སིམ་པའི་གཏིང་ཚོར་འདི། མགྱོགས་མྱུར་ངང་ཉམས་སུ་མྱོང་ཐབས་ལ་ཧུར་འབད་བྱེད་པ་ལས། དེ་ཇི་ལྟར་འབྱུང་གི་ཡོད་མེད་ཀྱི་ཐད་བསམ་བློ་གཏོང་མཁན་ཞིག་ཧ་ལམ་ཡོད་རྒྱུ་མ་རེད། ང་ཚོས་སྐྱེ་འགྲོ་གཞན་གྱིས་འཁྲིག་པ་སྤྱོད་བཞིན་པ་དངོས་སུ་མཐོང་ཐུབ་ཀྱང་། དེ་དག་གི་མྱོང་ཚོར་ཉམས་སུ་མྱོང་མི་ཐུབ། འོན་ཀྱང་། ང་ཚོ་ལྟར་དེ་དག་ལའང༼སིམ་པའི་གཏིང་ཚོར༽དེ་ཡོད་ངེས་ཤིག་ཡིན་པ་ཐག་གིས་ཆོད།

དེ་ལས་མང་བ་། “༄།། འཁྲིག་པའི་བདེ་བ་འདི་ཇི་ལྟར་བྱུང་བ་ཞིག་ཡིན་ནམ།” »

པདྨ་འབུམ། ༼ཨ་རི༽

ངས་ད་བར་དུ་མདའ་རྩེད་དངོས་སུ་མཐོང་མ་མྱོང་། རིག་གནས་གསར་བརྗེའི་སྔོན་ལ་ང་བྱིས་པ་ཡིན་དུས་རེབ་གོང་ལོ་གསར་གྱི་སྨོན་ལམ་ཞིག་གི་སྐབས་ཡིན་པ་འདྲ། རོང་བོའི་རྒྱ་ཐང་གི་ཞིང་ཐོག་ཅིག་ན་གཅན་ཚའི་མདའ་བ་རྣམས་ཀྱིས་མདའ་འཕེན་གྱི་ཡོད་པ་རེད་ཟེར་ནས་མི་ཚོགས་ཆེན་པོ་ཞིག་འཛོམས་འདུག ངས་མི་ཚོགས་དེའི་དཀྱིལ་གྱི་མདའ་བ་དང་མདའ་འཕེན་པ་མ་མཐོང་ཡང་མདའ་བ་རྣམས་ཀྱིས་ཀི་སྒྲ་སྒྲོགས་པ། རྐང་པས་ས་ལ་རྡེབ་པའི་ལྡིག་སྒྲ་གྲག་ཅིང་། མི་ཚོགས་ཀྱི་བར་སྣང་དུ་རྡུལ་འཚུབ་འཐིབ་པའི་དྲན་སྣང་ཞིག་འདུག ད་མི་ཚེ་ཡི་ཕྱེད་ཀ་ཡོལ་ནས་མགོ་སྐྲ་ཡང་དཀར་པོར་གྱུར་ཡོད་པའི་སྐབས་འདིར་སྟེས་དབང་གི་རྐྱེན་ལྟ་བུ་ཞིག་གིས་མདའ་སྟོན་འདི་འདྲའི་ཆེན་པོ་ཞིག་ཏུ་མགྲོན་གྱི་གྲས་སུ་ཚུད་ཡོད་པ་འདི་ད་བར་དུ་ང་རང་གི་རྨི་ལམ་ལ་ཡང་རྨིས་མ་མྱོང་བ་ཞིག་རེད།
འདིར་ངས་གཅན་ཚ་རྫོང་གི་འབྲེལ་ཡོད་འགོ་ཁྲིད་རྣམ་པས་བདག་ལ་བོང་བ་གསེར་གཟིགས་ཀྱི་ཚུལ་གྱིས་འདི་འདྲའི་གོ་སྐབས་ཤིག་གནང་བ་ལ་སེམས་གཏིང་ནས་ཐུགས་རྗེ་ཆེ་ཞུ་གི་ཡོད།
ངས་མགྲོན་ཤོག་དང་ལེན་ཞུ་སྐབས། ངས་མགྲོན་ཤོག་གནང་མཁན་རྫོང་དཔོན་ཀྲང་ཀའེ་ལན་ལགས་དང་རིག་གནས་ཅུའུ་ཡི་དབུ་འཛིན་ཀྲང་ཧྥེ་ཡན་གཉིས་ལ་འདི་ལྟར་ཞུས་པ་ཡིན། ངས་མདའ་རྩེད་ཀྱི་སྐོར་ཅི་ཡང་མི་ཤེས་མོད། ངས་དམངས་ཁྲོད་རིག་གནས་ལ་དོ་སྣང་བྱས་ཡོད་ལ་དེའི་སྐོར་ལ་ལས་དོན་འགའ་རེ་ཡང་བསྒྲུབས་མྱོང་། གཅན་ཚའི་མདའ་རྩེད་ཀྱང་དམངས་ཁྲོད་ཀྱི་རིག་གནས་ཤིག་རེད། དེས་ན་ང་རང་ཉིད་དམངས་ཁྲོད་རིག་གནས་ལ་དོ་སྣང་ཡོད་མཁན་ཞིག་གི་ངོས་ནས་མགྲོན་ཤོག་དང་ལེན་ཞུ་གི་ཡིན་ཞེས་བཤད་པ་ཡིན།
དམངས་ཁྲོད་རིག་གནས་ནི་ང་རང་དགའ་ས་ཞིག་ཡིན་ལ། ང་རང་གི་ལས་ཀའི་གཙོ་གནད་ཅིག་ ཀྱང་ཡིན།

དེ་ལས་མང་བ་། “མདོ་སྨད་གཅན་ཚའི་མདའ་སྟོན་རིག་གནས་དུས་ཆེན་གྱི་བགྲོ་གླེང་ཚོགས་འདུའི་སྟེང་གི་གཏམ་བཤད།” »

བསྟན་འཛིན་ཉིན་བྱེད།

བཙན་ བྱོལ་དུ་ཡོད་པའི་བོད་རིགས་གཞོན་སྐྱེས་མང་པོ་ཞིག་གིས་ང་ལ་ཁྱོད་ཀྱི་ལྟ་བ་ རང་བཙན་ཡིན་ནམ་དབུ་མའི་ལམ་ཡིན་ཞེས་དྲི་བ་འདོན་གྱི་འདུག དེས་ཤུགས་ཀྱིས་ང་ཚོའི་སྤྱི་ཚོགས་ནང་བོད་ཀྱི་གནད་དོན་སེལ་ཐབས་བྱེད་རྒྱུའི་ ཐད་འགལ་བ་ཞིག་ཡོད་པ་གསལ་པོར་མཚོན་གྱི་ཡོད། འདྲི་བ་འདིར་ངས་ལན་འདི་འདྲ་ཞིག་རྒྱག་གི་ཡོད། ངའི་ལྟ་བ་ནི་རང་བཙན་ཡང་མིན་ལ་དབུ་མའི་ལམ་ཡང་མིན། ངའི་ལྟ་སྤྱོད་གཉིས་ནི་བཙན་བྱོལ་རེད། གློ་བུར་དུ་བལྟས་ན་ལན་འདི་ཡ་མཚན་ཅན་ཞིག་ཏུ་མཐོང་སྲིད། ཡིན་ནའང་འདི་དངོས་ཡོད་གནས་སྟངས་ཞིག་ཡིན་པ་རེད། ད་ལྟའི་ཆར་དངོས་ཡོད་གནས་ཚུལ་ནི་ང་ལ་རང་བཙན་གྱི་གདམ་ག་མེད་ལ་རང་སྐྱོང་གི་ གདམ་ག་ཡང་མེད། ང་ལ་གདམ་ག་གཅིག་ཡོད་པ་དེ་ནི་མུ་མཐུད་དེབ་གསེར་པོ་འཁྱེར་ཏེ་བཙན་བྱོལ་བྱེད་ རྒྱུའམ་ཡང་ན་རང་དབང་ཅན་གྱི་རྒྱལ་ཁབ་ཨ་རི་ལྟ་བུ་ཞིག་གི་མི་སེར་བྱེད་རྒྱུ་དེ་ ཡིན་པ་རེད།

དེ་ལས་མང་བ་། “བོད་རང་དབང་འཐབ་རྩོད་དང་ཨ་རྒྱ་གཉིས་ཀྱི་འབྲེལ་ལམ་ལ་དཔྱད་པ།” »

དོན་རྒྱལ་གྱི་བསམ་བློའི་འཁྱེར་སོར་བལྟ་ན། ཁོང་གི་ལྗགས་རྩོམ་རྣམས་ཡག་པོ་ཞིག་ཀློག་ན་ངོ་འཕྲོད་གི་རེད། ཕལ་ཆེར་ངོ་མ་འཕྲོད་པའང་ཡོད་རྒྱུ་མ་རེད། ལྷག་པར་དུའང་། ཁོང་གི་ལྗགས་རྩོམ། ་་འདི་ནའང་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་འདུག་་ ཟེར་བ་དེ་ཁོང་གི་ཁོང་ན་མཆོངས་ལྡིང་བྱེད་བཞིན་པའི་སྙིང་གསོན་པོ་དེ་ཡིན་པ། རྩོམ་འཇུག་ཏུ། ་་འདི་ནི་ངའི་སེམས་ན་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་ཡིན་ལ།་་ ཞེས་བྲིས་པས་ཤེས། དེས་ན་ཁོང་གི་སེམས་ཁོང་ན་ལྡིང་བཞིན་པའི་སྙིང་གསོན་དེ་ག་འདྲ་ཞིག་ཡིན་མིན་ལ་རོབ་ཙམ་བལྟས་ན།
གཅིག བོད་ཀྱི་ཐུན་མོང་མ་ཡིན་པའི་རིག་གནས་ལ་ལྟ་སྟངས
རྩོམ་དེའི་མགོ་བཙུགས་མ་ཁད་དུ། ་་མཛེས་སྡུག མཚར་སྡུག སྙིང་སྡུག་་ ཅེས་དབུ་བཙུགས་ཡོད་པ་རེད། མཛེས་སྡུག མཚར་སྡུག སྙིང་སྡུག་དེ་ག་རེ་ལ་ཟེར་གི་ཡོད་པ་རེད་ཟེར་ན། དེའི་གཤམ་དུ།

དེ་ལས་མང་བ་། “མདའ་ཚན་པས་དོན་རྒྱལ་གྱི་སྙན་ངག་ཅིག་ལས་དོན་རྒྱལ་ལ་ལྟ་བ།” »

རབ་འབྱོར་གྱིས།

ཉེ་ཆར་ངས་བོད་ཀྱི་སྐད་ཡིག་གི་དྲ་རྒྱའི་ཡིག་གཟུགས་ཀྱི་ལེ་ཚན་ལ་ལྟད་སྐོར་ཞིག་བྱས་པར། དཔེ་སྐྲུན་གྱི་ཡིག་གཟུགས་ཀྱི་བྲི་གཞི་ཞིག་ངག་གི་དབང་པོ་འདས་པོ་དོན་གྲུབ་རྒྱལ་མཆོག་གི་གསུང་ཚིག་ཅིག་ཡིན་པ་འདི་ལྟར། ” ལ་རྒྱ་ནི་རང་རེའི་བླ་སྲོག་ཡིན། ང་རྒྱལ་ནི་རང་གི་གཟི་བརྗིད་ཡིན། ཕ་མས་སྤྲད་པའི་མགོ་བོ་མཐོན་པོ་དེ། གཞན་གྱི་རྐང་འོག་ཏུ་མི་འཇོག་པ་དང་། ཁ་བ་ཅན་གྱི་ལ་རྒྱའི་དཔུང་བ་དེ། གཞན་གྱི་མགོ་ཐོག་ཏུ་འགྲེང་ནུས་ན། རང་རིགས་ཀྱི་གཟི་བརྗིད་དང་། མེས་རྒྱལ་གྱི་ལ་རྒྱ་ཡང་རེད། “།
སྤྱིར་བཏང་མཁས་པ་སུ་ཞིག་གི་གསུང་ངག་ཅིག་ཡིག་གཟུགས་ཀྱི་བྲི་གཞིར་གྱུར་སྐབས། མི་མང་པོའམ་ཡང་ན་མི་སྐོར་ཞིག་གིས་གསུང་ངག་དེ་ལ་ཚིག་དོན་གྱི་ཆ་གང་རུང་ནས་བརྩི་མཐོང་ཆེ་བའི་རྟགས་ཡིན། དེས་ན་འདས་པོ་དོན་གྲུབ་རྒྱལ་མཆོག་གི་གོང་འཁོད་གསུང་ཚིག་དེ་ཡིག་གཟུགས་ཀྱི་བྲི་གཞིར་གྱུར་ཡོད་པ་ཡང་མི་སྐོར་ཞིག་གིས་དེ་གསུང་ངག་རྩ་ཆེན་ཞིག་ཏུ་བརྩི་བའི་མངོན་རྟགས་ལོས་ཡིན།

དེ་ལས་མང་བ་། “དོན་གྲུབ་རྒྱལ་གྱི་ང་རྒྱལ་དང་ང་རྒྱལ་གྱི་ལྟ་བ་།” »

རྔ་བ་རྒྱལ་ཁམས་པ།

གནའ་སྔ་མོར། མི་རྣམས་ཀྱིས་རང་འོད་ལ་བརྟེན་ནས་འཁོར་ཡུག་གི་འཇིག་རྟེན་མཐོང་ཞིང་།
རང་སེམས་ལ་བརྟེན་ནས་དྭངས་གསལ་གྱི་ལུས་པོ་གསོས།
དུས་དང་སེང་། མི་རྣམས་ཀྱིས་ཉི་འོད་ལ་བརྟེན་ནས་ཉིན་མཚན་གྱི་དབྱེ་བ་ཕྱེ་ཞིང་།
ཁ་ཟས་ལ་བརྟེན་ནས་རང་རང་གི་ལུས་པོ་གསོ།
གནའ་སྔ་མོར། མི་རྣམས་ཀྱིས་རྩ་རླུང་ལ་བརྟེན་ནས་མཁའ་དབྱིངས་སུ་འགྲུལ་བཞུད་བྱས་ཤིང་།
གྲུབ་རྟགས་ལ་བརྟེན་ནས་ས་གཏེར་དང་མཚོ་གཏེར་བཏོན།
དུས་དེང་སང་། མི་རྣམས་ཀྱིས་མཁའ་གྲུ་ལ་བརྟེན་ནས་མཁའ་དབྱིངས་ཀྱི་འཇུག་ངོགས་བརྟོལ་ཅིང་།
འཕྲུལ་རིགས་བརྟེན་ནས་ས་བཅུད་དང་མཚོ་བཅུད་བྲུས།
གནའ་སྔ་མོར། མི་རྣམས་ཀྱིས་སྒོམ་སྟོབས་ལ་བརྟེན་ནས་དུས་གསུམ་གྱི་གསང་བ་རྟོགས་ཤིང་།
རང་སྣང་ལ་བརྟེན་ནས་ངོ་མཚར་བའི་ཞིང་ཁམས་འགྲིམས།
དུས་དེང་སང་། མི་རྣམས་ཀྱིས་མྱོང་སྟོབས་ལ་བརྟེན་ནས་བདེན་རྫུན་གྱི་ཕུ་ཐག་གཅོད་ཅིང་།
ཚོད་སྒམ་ལ་བརྟེན་ནས་མཐའ་མེད་ཀྱི་འཇིག་རྟེན་འཇོག

དེ་ལས་མང་བ་། “༄།། གནའ་དེང་གི་འཕོ་འགྱུར་གླེང་བ།” »

ཁང་གསར་རྡོ་རྗེ།

༅༅།། ༢༠༠༨ ལོར་བཅའ་ཁྲིམས་དགོངས་དོན་གྱི་དམིགས་བསལ་ཚོགས་ཆེན་དང་པོ་དེ་འཚོགས། དེ་ནི་བོད་ནང་ས་བྱི་ཞི་རྒོལ་ཆེན་མོ་བྱུང་རྗེས་འཚོགས་པ་ཞིག་རེད། ཚོགས་འདུ་མ་འཚོགས་གོང་། བཀའ་ཤག་གིས། ཚོགས་འདུ་འདི་ནི་བསམ་འཆར་བསྡུ་ལེན་ཙམ་ལས་སྲིད་ཇུས་ལ་འགྱུར་བ་གཏོང་བའི་ཚོགས་འདུ་མིན་ཞེས་བསྒྲགས། དམིགས་བསལ་ཚོགས་ཆེན་གྱིས་སླར་ཡང་། ཡེ་ཤེས་དབྱིངས་དཔྱད་ཀྱི་ཐོག་ཏུ་འགྲོ་རྒྱུའི་སྤྱི་མོས་རྒྱབ་གཉེར་བྱེད་སྐབས། བཀའ་ཤག་གིས་ཚོགས་ཆེན་དེའི་རྒྱབ་གཉེར་དེ་ཧ་ཅང་གིས་ཤུགས་ཆེན་པོས་གླེང་འགོ་ཚུགས། གླེང་སྟངས་ལ་བལྟས་ན། དམིགས་བསལ་ཚོགས་ཆེན་གྱི་རྒྱབ་གཉེར་དེ་ཆེས་མཐོའི་གྲོས་ཆོད་ཅིག་ཏུ་བརྩིས་པ་ལྟ་བུར་མངོན།

ང་ལ་མཚོན་ན། དམིགས་བསལ་ཚོགས་ཆེན་དང་པོ་དེས། གནད་དོན་གཉིས་གསལ་བཤད་བྱས། དེ་ཡང་ ༡༽ བོད་མིས་ཚོས་ཀླད་པ་ག་ཚོད་དཀྲུག་ནའང་ད་ལྟའི་ཆར་ཡེ་ཤེས་དབྱིངས་དཔྱད་ལས་ལྷག་པའི་ལམ་གཞན་ཞིག་གི་ཐོག་ཏུ་འབབ་ཐུབ་ཐབས་མེད་པ་དང་། ༢༽ བོད་མི་མང་སྤྱི་འཐུས་ལྷན་ཚོགས་འདི་བོད་གཞིས་བྱེས་གཉིས་ཀྱི་མང་ཚོགས་ཀྱི་སྐུ་ཚབ་ཡིན་ཡང་། འདིས་བོད་མི་དམངས་ཀྱི་སྐུ་ཚབ་བྱེད་ཐུབ་ཀྱིན་མེད་པ་དེ་རེད།

དེ་ལས་མང་བ་། “བོད་གཞུང་མང་རྒྱལ་ཡོངས་ཚོགས་ཆེན་གླེང་བ།” »

རྔ་བ་རྒྱལ་ཁམས་པ།
གཅིག སངས་རྒྱས་ཆོས་ལུགས་ཀྱི་སེམས་ཁམས་ཤེས་རིག་དང་། ནོས་ཁྲོས་ཀྱི(Newton’s gravity)འཐེན་ཤུགས།
ནོས་ཁྲོན་གྱིས་དངོས་བོ་ཚང་མར་ཕྱི་ནང་གི་འཐེན་ཤུགས་གཉིས་རེ་ཡོད་པར་བཤད་ཅིང་། ཉི་ཟླ་གཟའ་སྐར་སོགས་ཀྱི་གོང་བུ་མ་འཐོར་བར་འཛིན་བྱེད་དེ་ནི་༼འཐེན་ཤུགས༽ཞེས་པ་འདི་ཡིན་ཞིང་། འཛམ་གླིང་འདིའི་ངོས་ཀྱི་རི་ར་བ་ཁང་ཁྱིམ་སོགས་ཕྱི་ལ་མ་ལྷུང་བར་འཛིན་སྤྱད་དེའང་འཐེན་ཤུགས་ཞེས་པ་དེ་རེད། ཆུང་ས་རྡུལ་ཕྲན་ནས་ཆེ་ས་མཐའ་ཡས་པའི་འཇིག་རྟེན་བར་འཐེན་ཤུགས་དེས་མ་བཟུང་བ་ཞིག་མེད་པར་བཤད་ཡོད། འོན་ཏེ་དོན་དངོས་ཐོག་འཐེན་ཤུགས་(gravity)ཞེས་པ་ཅི་ཞིག་ཡིན་མིན་ད་དུང་ཡང་གསལ་བོ་ཞིག་ཤེས་རྟོགས་ཐུབ་མེད།

དེ་ལས་མང་བ་། “༄།། ནང་ཆོས་དང་ཚན་རིག་བར་གྱི་ཚོད་སྒམ།། སྔ་མའི་འཕྲོ” »

རྔ་བ་རྒྱལ་ཁམས་པ།
སྔོན་སླེང་།

ལོ་ངོ་བདུན་བརྒྱད་ཅིག་གི་སྔོན་ལ།ངས་ཕྱི་རྒྱལ་གྱི་གྲོགས་པོ་འགའ་དང་མཉམ་པོར་ནང་ཆོས་ཀྱི་སྐོར་ཅིག་གླེང་སློང་བྱས་པ་ཡིན། ཁོང་ཚོས་སངས་རྒྱས་ཀྱི་གསུང་དེ་ཆོས་ལུགས་ཤིག་མ་རེད། དེ་ནི་མཚན་ཉིད་རིག་པ་ཞིག་རེད། ཆོས་ལུགས་ཡིན་ནReligiousཡིན་དགོས་ཤིང་། Religiousཡིན་ནdogmaཡིན་དགོས། ནང་ཆོས་དེdogmaཞིག་རེད་མི་འདུག དེ་མཚན་ཉིད་རིག་པ་ཞིག་རེད་འདུག་ཅེས་གསུངས་བྱུང་

དེ་ལས་མང་བ་། “ནང་ཆོས་དང་ཚན་རིག་བར་གྱི་ཚོད་སྒམ།” »