རྩོམ་པ་པོ་མཁར་རྨེའུ་བསམ་གཏན་རྒྱལ་མཚན།

༼ཁ་བརྡ་ཚང་གི་མཆན། རྩོམ་འདི་དྲ་བ་འདི་ན་འདུག སྡིག་པ་མིག་བཙུམ་གྱིས་འདིར་འཁྱེར་ཡོང་བ་ཡིན། མཐོལ་ལོ་བཤགས་སོ།༽
དེཡང་རྒྱལ་བོ་གླང་དར་མར་གྲགས་པ་འདི་ཉིད་བོད་སྤྱི་ལ་དབང་བསྒྱུར་བའི་རྒྱལ་ རབས་མཐའ་མ་ཞེ་གཅིག་པ་དེ་ཡིན།རྒྱལ་བོ་འདིས་ཆབ་སྲིད་ཐོག་ནས་མངའ་བསྒྱུར་བ་ནས་ བཟུང་དུས་རབས་བཅུ་གཅིག་མ་ཤར་བར་བོད་ཀྱི་རྒྱལ་རབས་སྐོར་དཔྱད་གཞིའི་ཡིག་ཆ་ཧ་ ཅང་ཉུང་བ་དང་།ཕྲན་བུ་ཡོད་ཀྱང་ཤིན་ཏུ་ཟང་ཟིང་ཡིན་པར་བརྟེན་ལོ་རྒྱུས་ཞིབ་ཚགས་ ཅིག་རྩོམ་འབྲི་བྱེད་པ་ཆེས་དཀའ་བར་འདུག དེ་མ་ཟད་རང་རེའི་བོད་ཀྱི་ལོ་རྒྱུས་སྨྲ་བ་རྣམས་ཚང་མ་སངས་རྒྱས་ཆོས་ལུགས་ཀྱི་ རྗེས་འཇུག་པ་ཤ་སྟག་ཏུ་སོང་སྟབས་རྩོམ་པ་པོའི་མཐོང་སྣང་གཙོ་ཆེ་བ་ནི་སངས་རྒྱས་ ཆོས་ལུགས་ཀྱི་ཆེ་བ་དང་དེའི་སྦྱིན་བདག་བྱེད་མཁན་གྱི་རྒྱལ་བློན་སོ་སོས་ཆོས་ སྤྱོད་ཚུལ་གྱི་གཟི་བརྗིད་ཙམ་ལས་དེའི་དུས་སྐབས་ཀྱི་རྒྱལ་རབས་ལོ་རྒྱུས་དངོས་ གནས་དང་དུས་སྐབས་དེའི་སྤྱི་ཚོགས་ཀྱི་ལོ་རྒྱུས་སྐོར་ཕལ་ཆེར་རྩ་བ་ནས་བྲིས་ མེད་པ་ལྟ་བུ་རེད།

དེ་ལས་མང་བ་། “བཙན་པོ་ལྷ་སྲས་དར་མ་དང་དེའི་རྗེས་སུ་བྱུང་བའི་རྒྱལ་རབས་མདོར་བསྡུས།” »

རས་པ།

༼ཨ་མའི་སྙིང་ནས་གདམས་པའི་གླུ༽ཞེས་པ་འདི་ནི་རྒྱ་ནག་པོའི་ཡུལ་ལ་གྲགས་པ་ཆེར་རྒྱས་པའི་སྙན་ངག་སྨྲ་ བ་ཡི་དམ་ཚེ་རིང་ལགས་དམ་པའི་བརྩམས་གནང་བའི་སྙན་ངག་ཅིག་ལགས་ཤིང་། ཁག་དྲུག་ཅན་གྱི་སྙན་ངག་འདི་ ཉིད་ལས་རྩོམ་པ་པོས་རང་གི་རིགས་རྒྱུད་ཀྱི་འཚོ་བའི་གནས་ལུགས་ལས་ལེགས་པར་བཏུས་པའི་བསླབ་བྱ་དང་། མ་བུའི་བརྩེ་བ། འགན་འཁུར་གྱི་སྣང་བརྙན། ཚོར་འགྱུ་སོགས་རིམ་སྤེལ་བྱས་ཡོད་པ་དང་། སྙན་ངག་གི་མགོ་མཇུག་ བར་གསུམ་དུ་བླ་ན་མཐོ་བའི་སྙིང་སྟོབས་ཀྱི་ཁྲག་རྒྱུན་བར་མེད་བཞུར་གྱིན་པ་ནི་རྩོམ་པ་པོ་ཁོང་གི་བརྩམས་ཆོས་ ཡོངས་དང་འདྲ་བར་འདུག སྙན་ངག་འདི་ལས་ཁོང་གིས་གྱག་གྱོག་ཅན་གྱི་འཚོ་བའམ་འགལ་འདུའི་སྣང་ཚུལ་ གྱིས་ཡོངས་སུ་བཀང་བའི་འཚོ་བ་ལ་ངོས་འཛིན་གནང་ཡོད་པ་དང་། དེ་ཉིད་དང་གདོང་གཏུགས་པའི་ཐབས་བཏོན་ ཡོད་པ་མ་ཟད། འཚོ་བའི་འདུན་མར་ངོས་འཛིན་དགོས་པ་གལ་ཆེན་དུ་བརྩིས་ཡོད། སྙན་ངག་པ་རང་གི་འཚོ་བར་ འཇུག་ཐབས་ཀྱི་ཐད་ནས་བརྗོད་དོན་”བདག་ནི་མདའ་རྣོན་འཆང་བའི་བུང་བ་གྲོགས་སུ་སྡེབ་པར་འདོད་”ཅེས་ཟེར།

དེ་ལས་མང་བ་། “༼ཨ་མའི་སྙིང་ནས་གདམས་པའི་གླུ༽་དང་མི་ཇུས་ཀྱི་གཏམ།” »

འཇིགས་བྲལ་བསྟན་འཛིན།

ཁ་སྔོན་བོད་རིགས་ཡོངས་ལ་མིང་དོན་མཚུངས་པའི་མི་རིགས་ས་ཁོངས་རང་སྐྱོང་ཡོང་ཐབས་ཀྱི་བསམ་འཆར་རེ་སྐུལ་གྱི་སྐོར་ལ་བསམ་ཚུལ་ཞིག་སྤེལ་བའི་ནང་ཅུང་མངོན་གསལ་དོད་པོས་མི་རིགས་ས་ཁོངས་རང་སྐྱོང་གི་དགོས་འདུན་སྒྲུབ་ཕྱོགས་ཀྱི་ཕྱི་ནང་ལག་ལེན་ཁག་ཅིག་ལ་མོས་མཐུན་མེད་པའི་རྣམ་འགྱུར་བསྟན་པ་ཡིན། བསམ་ཚུལ་སྤེལ་མཁན་གྱི་ངོས་ནས་བཤད་ན་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་དང་དེའི་འགྲེལ་བརྗོད་ཀྱི་དགོས་འདུན་རེ་སྐུལ་ལ་རྒྱ་ནག་དམར་གཞུང་ནས་བརྡ་ལན་ཅི་ཡོང་གི་ཚོད་དཔག་གསལ་ཙམ་ཡང་བྱེད་ཐུབ་ཀྱི་མེད་བཞིན། ང་ཚོས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ས་ཁྱོན་བདག་དབང་ལ་བརྩི་བཀུར་བྱེད་ཀྱི་ཡོད་པའི་བློས་གཏོང་བྱེད་ཕྱོགས་དེ་ཚོ་འགྲིག་མི་འདུག་ཅེས་བརྗོད་ཀྱི་ཡོད་པ་མ་ཟད། གལ་སྲིད་བོད་ལ་མཐའ་མའི་ཐབས་ལམ་དེ་ལས་རྩ་བ་ནས་མེད་པ་ཡིན་ན་རྒྱ་ནག་གཞུང་ལ་ཕུལ་བའི་ཡིག་ཆའི་ནང་དོན་དེ་གཞིས་བྱེས་མི་མང་ལ་དམར་དམར་རྗེན་རྗེན་བྱས་ཏེ་ངོ་སྤྲོད་ཀྱིས་ལག་ལེན་བྱེད་དུ་འཇུག་དགོས་ཀྱི་འདུག་ཟེར་གྱི་ཡོད། གཤམ་ལ་བསམ་ཚུལ་སྤེལ་མཁན་གྱི་ངོས་ནས་རྣམ་འགྱུར་འདི་འདྲ་ཞིག་སྟོན་དགོས་པའི་རྒྱུ་མཚན་འགའ་ཀློག་པ་པོར་བསམ་བློ་བརྗེ་རེས་དང་བསམ་ཚུལ་བསྡུ་ལེན་གྱི་ཆེད་དུ་སྤེལ་ཡོད། བོད་ཀྱི་བདག་དབང་གི་གནད་དོན་དང་འབྲེལ་བའི་བོད་ཀྱི་དྲི་བ་དེ་རྒྱལ་སྤྱིའི་སྤྱི་ཚོགས་སྤྱི་དང༌། ལྷག་པར་ཨེ་ཤ་ཡའི་ཆབ་སྲིད་ཀྱི་དཀྱིལ་འཁོར་ནང་གལ་གནད་ཆེ་བའི་དྲི་བ་ཞིག་ཡིན། དྲི་བ་འདི་བོད་ཀྱི་ལོ་རྒྱུས་འཕེལ་རིམ་གྱི་ཁྲོད་ནས་ཐོན་པའི་དྲི་བ་ཞིག་དང༌། མ་འོངས་པའི་དུས་ཡུན་ནང་བོད་དེ་ལོ་རྒྱུས་ཙམ་དུ་གྱུར་ན་ཡང་ལྷག་ངེས་པའི་དྲི་བ་ཞིག་རེད། དེ་ཡང་ཕྱི་ལོ་ ༡༩༤༧ ལོར་རྒྱ་གར་གྱི་རྒྱལ་ས་ལྡི་ལིར་རྒྱལ་ཁབ་སུམ་ཅུ་སོ་གཉིས་ལས་གྲུབ་པའི་ཨེ་ཤ་ཡའི་རྒྱལ་འདུས་ཚོགས་ཆེན་ཐོག་རྒྱ་གར་གྱིས་བོད་དེ་རང་དབང་རང་བཙན་ལྡན་པའི་རྒྱལ་ཁབ་ཏུ་ངོས་འཛིན་གྱིས་གདན་ཞུས་མགྲོན་འབོད་ལྟར་སྐུ་ཚབ་ཚོགས་ཞུགས་བྱས་པ་དང་། ཕྱི་ལོ་ ༡༩༥༠ ཕྱི་ཟླ་ ༡༡ ཚེས་ ༢༤ ཉིན་དབྱིན་ཇི་དང་རྒྱ་གར་གྱིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་རྒྱལ་སྤྱིའི་ཚོགས་ཆེན་སྟེང་བོད་ཀྱི་ཁྲིམས་མཐུན་གྱི་གནས་བབ་དེ་ནི་གསལ་ཁ་མེད་པར་བཤད། འོན་ཀྱང་བོད་ཀྱི་དྲི་བ་འདིས་དུས་ཚོད་རིམ་གྱིས་འགྱུར་བའི་གནས་སྟངས་བཟང་ངན་འོག་བོད་ཀྱི་ཁྱིམ་མཚེས་ཚོར་ཁེ་གྱོང་གཉིས་ཀའི་གནས་བབ་ལ་ཡང་ཡང་བསམ་བློ་གཏོང་དགོས་པ་བཟོ་བཞིན་ཡོད་ཅིང༌། བོད་ཀྱི་དྲི་བ་འདི་ནི་བོད་ཀྱི་ཁྱིམ་མཚེས་ཚོར་དགོས་མཁོ་ཡོད་ལ་གླེང་ཡང་མི་འདོད་པའི་གལ་ཆེའི་གནད་དོན་ཞིག་ཆགས་པས། བོད་ཀྱི་བདག་དབང་གི་དྲི་བ་དང་འབྲེལ་བའི་ལོ་རྒྱུས་ཀྱི་གནད་དོན་ཧ་ཅང་གལ་ཆེན་མང་པོ་ཞིག་འཛམ་གླིང་ཐོག་མུ་མཐུད་གསང་བའི་གནས་ཚུལ་དུ་ལུས་ཡོད།

དེ་ལས་མང་བ་། “བོད་ཀྱི་ཁྲིམས་མཐུན་བདག་དབང་གླེང་བ།” »

ལ་དྭགས་འཇམ་དཔལ་ནས།

ལྷ་རམས་པ་རང་གིས་ཁས་བླངས་པའི་རྟགས་གསལ་དེའི་ནང་གི་བསལ་དེ་བསལ་མ་ཡིན་པར་གསལ་ཡིན་པར་ལུང་མང་ཙམ་དྲངས་ཤིང་ལུང་གཅིག་གི་དག་ཆ་ནོར་བའོ་ཞེས་བཤད་པ་ལ་ཕལ་ཆེར་འཇུ་ཟེར་དགོས་སམ་སྙམ་པ་ན། སྔར་བཀྲ་ཤིས་ལྷུན་པོར་ཡོད་དུས་བློར་བཟུང་སྟེ། ཀུན་གཟིགས་རིན་པོ་ཆེར་རྒྱུགས་ཕུལ་ཀྱང་། ད་ལྟ་ལོ་ངོ་ལྔ་བཅུ་ལྷག་གི་རིང་སྐྱོར་སྦྱང་མེད་པས་ཚིག་རྣམས་བློ་ལ་མེད། སྟབས་ལེགས་ཀྱིས་དཔེ་ཆ་གཙང་སྤར་དང་དབུས་སྤར་གཉིས་ཡོད་པ་ལས། གཙང་གི་སྤར་མ་དེ་རྒྱ་གར་བཀྲ་ཤིས་ལྷུན་པོར་ཕུལ། དབུས་སྤར་དེ་ད་ལྟར་མཇལ་བ་ན། སྒོམ་སྡེ་ལྷ་རམས་པར་འཇུ་རང་ཟེར་དགོས་པ་མི་འདུག་བསམ་པ་ཤར། དེ་ཡང་དབུས་སྤར། རྗེ་དགེ་འདུན་གྲུབ་ཀྱི་ཚད་མའི་བསྟན་བཅོས་རིགས་པའི་རྒྱན། ༡༩ མདུན་ཤོག་ན། ཁྱབ་བསལ་ཁས་བླངས། ཞེས་དང་། གཞན་ཡང་ཤོག་གྲངས་ ༡༦༡ ༡༨༠ ༡༨༣ བཅས་ཀྱི་རྒྱབ་ཤོག་རྣམས་ན། རྟགས་བསལ་ཁས། ཞེས་གསལ་བས། ཁྱེད་ཀྱིས་ལུང་ལས་གསལ་བའི་རྟགས་གསལ་དང་། ཚད་མ་རིགས་རྒྱན་ན་གསལ་བའི་རྟགས་བསལ་དག་དག་ཆ་མི་འདྲ་བར་མ་ཟད་བཀྲ་ཤིས་ལྷུན་པོའི་དཀྱིལ་ཁང་གྲྭ་ཚང་གི་ཡིག་ཆ་རྙིང་པ་དག་ན་རྟགས་བསལ་ཞེས་ཡོད་པ་ཕྱིས་སུ་གཞན་གྱི་ཤན་ཞུགས་ཏེ་རྟགས་གསལ་ཞེས་བསྒྱུར་ཡོད་པ་ཐོས་སོ།
དཔལ་ས་སྐྱ་པའི་མཁས་དབང་ཞིག་གི་ཁ་སྤར་འབྱོར་དུས་ཞར་བྱུང་དུ་རྟགས་བསལ་ལ་ཁྱེད་ཅག་གི་ཡིག་ཆར་ཇི་ལྟར་ཡོད་དྲིས་པར་རྟགས་བསལ་ཡོད་ཅེས་གསུངས་ཤིང་།

དེ་ལས་མང་བ་། “སྒོམ་སྡེ་ལྷ་རམས་པའི་ཁ་སྟངས་སྟོངས་སྐད།” »

བོད་ཀྱི་སྒྲ་ཝོད་ཀྱང་མ་རེད་ལ་འོད་ཀྱང་མ་རེད། བ་དང་ཝ་དང་འ་དང་གསུམ༎། ཆུང་བྱིས་པ་ཡིན་ཡང་ཁ་ཁ་རེད། ཡིན་ནའང་། བོད་ལ་བོད་ཟེར་ནས་མི་འབོད་པར། ང་ཚོ་འོད་ཟེར་མཁན་ཨ་མདོ་མཚོ་ལྷོའི་ཁུངས་ཡོད་པ་རེད། དེ་ལ་གཞིར་བྱས་ནས། ཆབ་འགག་རྡོ་རྗེ་ཚེ་རིང་གིས་བོད་ཀྱི་ཐ་སྙད་འདིའི་འབྱུང་ཁུངས། འོད་གསལ་ལྷ་ཡི་གདུང་རྒྱུད་ནས་ཆད་པ་ལ་ཁུངས་གཏུགས་པའི་དཔྱད་བརྗོད་ཤིན་ཏུ་ནས་ཀྱང་བློ་ངོར་མི་འགྲོ་བ་ཞིག་སྤེལ་ཡོད་པ་མཐོང་མྱོང་།

དེ་ལས་མང་བ་། “བ་སྒྲའི་འཕྲོས་བཤད་དང་བོད་ཀྱི་མི་རྒྱུད་བྱང་ནས་ཆད་པའི་ཁ་གསབ།” »

(བཙོན་ཁང་ཕྱི་རོལ་གྱི་རྗེས་དྲན།)

རས་པ།

སྐུ་ཞབས་ཞོགས་དུང་ལགས་རྒྱ་གཞུང་གིས་འཛིན་བཟུང་བཀག་ཉར་བྱས་ཏེ་གནས་སྟངས་ཅི་འདྲ་ཞིག་གི་ངོར་ཡོད་མེད་མི་ཤེས་པའི་དེ་རིང་ང་ཚོ་འདི་རུ་ལྷན་འཛོམས་གནང་སྟེ་མི་སྒེར་གྱི་ཐོབ་ཐང་ངོས་ནས་རྣམ་འགྱུར་ཞིག་སྟོན་གནང་བཞིན་པ་འདི་ནི་དཔའ་བོར་སྟག་བསྟོད་ཀྱི་རིག་གནས་སླར་གསོན་བྱེད་པ་ཞིག་དང་། ང་ཚོའི་རྩ་ཆེ་བའི་མི་ཞིག་དོན་མེད་བཀག་ཉར་བྱས་པར་མ་འདོད་པའི་རྣམ་འགྱུར་སྟོན་ཆེད་ཡིན། ཚང་མས་མཁྱེན་གསལ་ལྟར་སྐུ་ཞབས་ཞོགས་དུང་ལགས་ཀྱི་ཀུན་སྤྱོད་ནམ་ཁོང་གི་བཤད་སྟངས་ལྟར་ན་མི་གཞི་ནི་སྤྱི་ཚོགས་ལ་སེམས་འཁུར་དེང་ལེན་བྱས་ཡོད་པའི་རླབས་ཆེན་ཞིག་ཡིན་པས་ང་ཚོས་སྐུ་ཞབས་ཁོང་མྱུར་ནས་མྱུར་ཏུ་གློད་གྲོལ་ཡོང་བ་དང་།
ཁོང་གི་རིག་པའི་ཕོ་བྲང་ཏུ་དུས་ནས་དུས་སུ་གཏམས་བཞིན་པའི་རིན་ཐང་བྲལ་བའི་རིག་པ་དེ་དག་མུ་མཐུད་ཐུབ་པར་རེ་བ་རྒྱག་གི་ཡོད།

དེ་ལས་མང་བ་། “སྐུ་ཞབས་ཞོགས་དུང་གི་རིག་གནས་གླེང་བ།” »

ཆོས་འཁོར་ཚང་གཡུང་དྲུང་རྒྱ་མཚོས།

དེ་རིང་ཁ་བརྡའི་དྲ་བར་སྒོམ་སྡེ་ལྷ་རམས་ཟེར་བ་ཞིག་ནས་བོད་རྒྱལ་ཐོག་མ་གཉའ་ཁྲི་བཙན་པོ་རྒྱ་གར་བའི་མི་ཞིག་ཡིན་པའི་སྒྲུབ་བྱེད་དུ་རྒྱུན་མཚན་ལྟར་སྣང་གསུམ་ཙམ་ཞིག་བཀོད་དེ་དགུ་ཐུག་སྐྱུར་མོ་ཞིག་བཀོལ་འདུག་པར་ཁོ་བོས་ཀྱང་སྐྱུར་མོ་དེ་བཏུང་འདོད་ཁྱོན་ནས་བྱུང་མ་སོང་ལ། ལན་ཞིག་མ་རྒྱབ་ནས་ཁ་རོག་སྡོད་ཤེས་མ་སོང་། མི་འདི་ལ་བོད་རང་གི་ལོ་རྒྱུས་ཀྱི་ལུང་འདྲ་བཤད་ན་ཁས་མི་ལེན་ཐག་གཅོད་རེད་འདུག གང་ལ་ཟེར་ན་མི་འདི་ནི་རྒྱ་གར་བ་ལ་ཧ་ཅང་གིས་མོས་གུས་ཆེ་བས་སོ།

དེ་ལས་མང་བ་། “གཉའ་ཁྲི་བཙན་པོ་བོད་རང་གི་མི་ཡིན་མིན་སྐོར།” »

བོད་ནས་ར་ཛི་ནྰ་མ།
འཕྲེང་ བ་འཛིན་མཁན་ནི་དོན་ངོ་མས་རང་དོན་སྒེར་གཤིས་སུ་འཁྱོག་གཟུགས་ཀྱིས་འཛིན་པ་ལས་ གྱེས་མཁན་དག་ཡིན་ཞིང་། ཁོ་ཚོའི་མིག་གི་ལམ་དུ་བཤམས་པའི་གཞུང་ལུགས་དང་རྣ་བའི་ཡུལ་དུ་གྱུར་བའི་སློབ་ གསོ་དག་ཀྱང་རང་གཅེས་འཛིན་གྱི་ཐབས་ཁོ་ན་ལས་ལྡོག་པར་བྱ་བ་དེ་ཡིན་མོད། རང་ལུས་གྱི་ནར་བོར་བ་དང་མི་ཚེ་དོན་མེད་དུ་བྲན་བཀོལ་བྱེད་པ་ལས་འདའ་འགོངས་ བྱས་ཏེ། ཤེས་རབ་ཀྱི་སྒོ་ནས་གནས་ལུགས་འཚོལ་བ་ནི་རང་ལ་བལྟས་ཏེ་ཡང་དོན་ཆེ་ལ་གཞན་ལ་ བལྟས་ཏེ་ཡང་དོན་ཆེ་བ་ཞིག་ཏུ་མཐོང་གིན་ཡོད། ཁོ་ཚོའི་ངག་རྒྱུན་ལ་ཡང་བསྟན་པའི་དོན་དུ་ཉན་ཐོས་ཀྱི་གོ་ཆ་གྱོན་དགོས་པར་ གསུངས་འདུག་པ་འདི་ལས་གོ་འོང་བ་ཞིག་ཀྱང་རེད། འོན་ཀྱང་རྣམ་པའི་ཆ་ནས་ཀྱང་ཞི་བ་དང་དྲག་པོ་བར་མ་གང་བསྟན་དུ་རུང་བ་ཞིག་ཡིན་ མོད། ཀུན་སློང་གི་ཆ་ནས་གཞན་དོན་གཙོ་བོར་འཛིན་པ་ཞིག་ཡིན་པས་དེ་ལ་བདག་གཅེས་བྱེད་ དགོས་པ་རེད། དུས་ཀྱི་བབ་དང་བསྟུན་ནས་མིའི་རིགས་ལ་ཞབས་འདེགས་ཅི་ལྟར་བྱ་ནུས་པ་ཡིན་ན་དེ་ ལྟར་བསྒྲུབ་ཆོག་པའི་འོས་འགན་ཡོད་འདུག དཔེར་ན་པཎ་ཆེན་རིན་པོ་ཆེས། ངས་བོད་མི་མང་ལ་དམག་དཔོན་བྱས་ནས་ཕན་ཐོག་ན་དམག་དཔོན་བཅའ་གི་ཡིན། དེ་ལས་གཞན་ལས་སྣེ་གང་གི་སྒོ་ནས་ཕན་ཐོག་ན་ལས་སྣེ་དེ་ཡི་མི་བཅའ་གི་ཡིན་གསུངས་ པའི་གཏམ་ཞིག་འདུག་པ་དེ་ཡང་གཞན་ཕན་གྱི་སྒོ་དང་མཐུན་པའི་གསུང་བཤད་ཅིག་ཡིན་པས། ངེད་ཅག་འཕྲེང་བ་འཛིན་པའི་རིགས་ཀྱང་དེ་ལས་མ་འདས་སོ། །

དེ་ལས་མང་བ་། “འཕྲེང་བ་འཛིན་མཁན་དང་མེ་མདའ་འཕེན་མཁན།” »

རང་བཙན། བོད་ཀྱི་གནད་དོན།

འཇམ་དབྱངས་ནོར་བུ།
མི་ནག་ཚང་ལུང་རིགས་རྒྱལ་གྱིས་བསྒྱུར།

བོད་རང་བཙན་སློབ་ཕྲུག་ཚོགས་པས་དཔར་སྐྲུན་དང་འགྲེམས་སྤེལ་བྱས།
དཀར་ཆག

བོད་མི་རིགས་ཀྱི་གདོད་མའི་ངོ་རྟགས།
རང་བཙན་གྱི་ཁྲིམས་མཐུན་ངོ་བོ།
ད་ལྟའི་བོད་ནང་།
རང་བཙན་ཅིའི་ཕྱིར་གནད་འགག་ཏུ་གྱུར།
ད་ལྟ་ག་རེ་བྱས་ནས་བློས་གཏོང་དགོས་པ་རེད།
རང་བཙན་གྱི་རྒྱལ་སྤྱིའི་ཁྱབ་རྒྱ།
དམངས་གཙོ་དང་རང་བཙན།
རང་བཙན་གྱི་རེ་བ་ཙམ་ཡང་གལ་ཆེན་ཆགས་ཡོད།

བོད་མི་རིགས་ཀྱི་གདོད་མའི་ངོ་རྟགས།

འཛམ་གླིང་སྟེང་ན་བོད་པ་ནང་བཞིན་རང་གི་གནས་ཡུལ་གྱི་ཆ་ནས་ཐུན་མོང་མ་ཡིན་པར་དགར་ཐུབ་པའི་མི་རིགས་ཤིག་མི་འདུག བོད་མི་རིགས་ཀྱི་ངོ་རྟགས་ནི་ལོ་རྒྱུས་ཀྱིས་བསྐྲུན་པ་མིན་ལ། ཆོས་ལུགས་ཀྱི་ཐོག་ནས་ཀྱང་མིན། འདིའི་རྩ་བ་ནི་བོད་མི་རིགས་ཀྱི་ཕ་ས་དང་མ་སའི་གཏིང་དུ་ཟུག་ཡོད། བོད་མི་རིགས་ནི་གནའ་ནས་ད་བར་དུ་མདོ་དབུས་མཐོ་སྒང་སྟེ། འཛམ་གླིང་གི་ཡུལ་གྲུ་གཞན་ལས་མཐོ་ཞིང་ཡན་གར་དུ་ཆགས་པའི་ཡུལ་འདིར་འཚོ་ཞིང་གཞིས་པའི་མི་རིགས་ཤིག་ཡིན། བལ་ཡུལ་དང་རྒྱ་གར། རྒྱ་ནག་བཅས་མཐའ་འཁོར་གྱི་ས་བབ་དམའ་སའི་ལུང་པ་ནས་བོད་མི་གནས་སྡོད་ཀྱི་ས་ཁུལ་དག་ལ་འཛུལ་སའི་ལམ་ཁ་དག་ནི་ཁྱད་ཆོས་ལྡན་པ་དང་ཡ་མཚན་ཡིན་པ་ཙམ་ཁོ་ན་མིན་པར། ཐུན་མོང་མ་ཡིན་པའི་འཇིག་རྟེན་གཞན་ཞིག་ལ་འཕོ་སའི་འགྱུར་རིམ་གསལ་བོ་ཞིག་ཡིན།

དེ་ལས་མང་བ་། “རང་བཙན། བོད་ཀྱི་གནད་དོན། འཇམ་དབྱངས་ནོར་བུ།” »

དགེ་དོན་གྱིས།
———
ཕྱི་ལོ་༢༠༠༢ ཙམ་ལ་རྡོ་རྗེ་གླིང་དུ་སོང་ནས་དེ་གར་ཡོད་ཇོ་མོ་གླང་མའི་གངས་འཛེགས་པ་དང་པོ་ཤར་པ་བསྟན་འཛིན་ནོར་རྒྱལ་གྱི་དྲན་རྟེན་ཁང་དུ་ལྟད་མོ་ལྟ་རུ་ཕྱིན་པ་ཡིན། སྐབས་དེ་དུས་དེ་ནང་དུ་བོད་གཞུང་གིས་སྤྲད་པའི་ལམ་ཡིག་ཅིག་ཡོད་པ་མཐོང་ཡང་དོ་སྣང་དེ་ཙམ་མ་བྱུང། ལོ་སྔོན་མ་རྩོམ་པ་པོ་འཇམ་དབྱངས་ནོར་བུ་ལགས་ཀྱིས་ཡོངས་གླིང་སློབ་གྲྭར་བོད་རང་བཙན་སྒྲུབ་བྱེད་ཀྱི་དཔང་རྟགས་མང་པོ་ཞིག་མང་ཚོགས་ལ་སྤྱན་བསྟར་ཞུ་བ་དང་འགྲེལ་བཤད་བྱེད་སྐབས། རྡོ་རྗེ་གླིང་གི་ཤར་པ་བསྟན་འཛིན་ནོར་རྒྱལ་གྱི་འགྲེམས་སྟོན་དུ་དེ་འདྲ་ཞིག་ཡོད་པ་གསུང་བྱུང་བས། ད་ལོ་ཆེད་དུ་དེ་ལ་དོ་སྣང་སྤྲད་དེ་ངའི་གྲོགས་པོ་ཞིག་དང་མཉམ་དུ་པར་ཆས་ཤིག་ཁྱེར་ནས་སོང་བ་ཡིན། ནམ་རྒྱུན་དེ་ནང་ནས་པར་བརྒྱབ་ན་མི་ཆོག་མོད། ད་ལོ་ངེད་གཉིས་འགྲོ་སྐབས་ཅུང་འཕྱི་བོ་ཆགས་འདུག་པས་སྲུང་མཁན་རྣམས་ཀྱིས་དོ་སྣང་བྱེད་ཀྱི་མེད་པའི་གོ་སྐབས་དང་བསྟུན་ནས་པར་བརྒྱབ་པ་དང། ཡི་གེ་ཚང་མ་མར་ཕབ་བཤུས་བྱས་ཚར་རྗེས་སྲུང་མཁན་གྱིས་པར་བརྒྱབ་མི་ཆོག་པའི་སྐད་བརྒྱབ་སོང་བས། ངས་ཀྱང་གུས་ཞབས་དང་བཅས་ཁོང་གི་སྐད་ཆར་དང་ལེན་བྱས་ཏེ་ཕྱིར་ལོག་ཡོང་བ་ཡིན།
བོད་གཞུང་གི་ཡི་གེ་དེ་ནི་ཡིག་ཆེན་དང་ཡིག་ཆུང་བྱས་ཏེ་གཉིས་བྲིས་འདུག་ལ། སྟེང་མ་ལ་བོད་གཞུང་གི་ཐམ་ག་དང། གཉིས་པ་ལ་༸གོང་ས་༸སྐྱབས་མགོན་རིན་པོ་ཆེ་ཡི་ཐེལ་ཙེ་ལྟ་བུ་ཞིག་བརྒྱབ་འདུག

ཡི་གེ་ནི་གཤམ་གསལ་ལྟར་ཡིན།

དེ་ལས་མང་བ་། “༸གོང་ས་བཅུ་གསུམ་པ་ཆེན་པོའི་སྐབས་དབྱིན་ཇི་གངས་འཛེགས་པ་རྣམས་ལ་བོད་གཞུང་དང་༸གོང་ས་མཆོག་གིས་སྤྲད་པའི་ལམ་ཡིག།” »

(དྲ་ཐོག་ནས་རིག་གནས་སྤེལ་སྟངས་ཀྱི་བསམ་བྱ་ཐོར་བུ།)

འགར་ཚེ་རྒྱལ་གྱིས།
ནམ་རྒྱུན་གྱི་གོམས་གཤིས་ལྟ་བུ་ཆགས་ཤིག་ཏེ་ཁོམ་པ་རེ་ཡོད་དུས་དྲ་ངོས་སུ་བོད་ཡིག་ཟིན་བྲིས་ཁག་ཏུ་ཉུལ་བལྟ་བྱེད་རྒྱུ་ནི་ཁོ་བོར་མཚོན་ན་ཉིན་རེའི་སྐབས་བབ་ལས་དོན་གྱི་ཞོར་ལས་ལྟ་བུར་གྱུར་ཡོད། ལོ་གསར་གྱི་ཉི་མ་འདི་ཚོར་ཡང་ཕ་ཡུལ་ནས་གྲོང་པ་ཁྱིམ་མཚེས་དང་ཕུ་ནུ་ཉེ་རིང་བཟང་ས་རྒྱན་ས་ཚོར་ལོ་གསར་ལག་སྐྱེས་རེ་ཁྱེར་ནས་ཕན་ཚུན་ལོ་གསར་རུ་ཉུལ་ལ་འགྲོ་སྲོལ་ཡོད་པ་དེ་བཞིན། ཁོ་བོས་ཡོད་ཚད་རེ་སྒུག་དང་སུན་སྣང་གིས་བསྐྱལ་དགོས་པའི་ས་མཐའ་འདི་ནས་ལོ་གསར་རུ་ཉུལ་གྱི་ཚབ་ཏུ་དྲ་གྲོགས་ཚོའི་ཟིན་བྲིས་རེ་རེ་བཞིན་ཞིབ་ཏུ་སྐོར་བལྟ་ཞིག་བྱས་པ་ཡིན།

དེ་ལས་མང་བ་། “མདུན་མཆོང་དང་སྒུལ་ཤུགས་ཁྲོད་ཀྱི་སྟོང་ཆ།” »

(དུས་བབ་ནས་བླངས།)

བློ་བཟང་སེང་གེ།

རྒྱ་ནག་འཐབ་ཕྱོགས་གཅིག་གྱུར་གྱི་བློན་ཆེན་གཞོན་པ་ཀྲོའུ་ཝེ་ཆོན་དང་། ༧གོང་ས་མཆོག་གི་སྐུ་ཚབ་ཚོའི་དབར་ཐེངས་དགུ་པའི་འབྲེལ་མོལ་གྲུབ་པའི་རྗེས། རྒྱུན་ལྡན་ནས་དྲེགས་ཉམས་ཆེ་བའི་ཁོ་པའི་གསར་འགོད་གསལ་བསྒྲགས་ཀྱི་ཐོག་ཏུ། བློན་ཆེན་གཞོན་པ་ཀྲོའུ་ཝེ་ཆོན་གྱིས་བག་ཚ་མེད་པའི་ཐོག་ནས། བཙན་བྱོལ་བོད་གཞུང་ཟེར་བ་དེ་ཁྲིམས་དང་ཡོངས་སུ་འགལ་བ་ཞིག་རེད་ལ། འདིས་བོད་དང་བོད་མི་མང་གི་ཚབ་མཚོན་ཐུབ་ཀྱི་མ་རེད། <༢༠༡༠ ཟླ་བ་༢ པའི་ཚེས་༡ ཤིན་ཧྭ།> ཅེས་བརྗོད་ཀྱི་ཡོད་པར། ང་ཚོས་ངེས་པར་དུ་སྐད་ཆ་དེ་ནོར་འཁྲུལ་ཅན་ཞིག་ཡིན་པ་གསལ་བརྗོད་བྱེད་དགོས་ཀྱི་ཡོད་རེད། སྟབས་ལེགས་པ་ཞིག་ལ་ཡོང་རྒྱུར་བསྡད་པའི་གོ་སྐབས་བཟང་པོ་ཞིག་སྟེ། རྗེས་མའི་བཀའ་བློན་ཁྲི་པར་འོས་ཤོག་བླུག་རྒྱུ་དེས་རྒྱ་ནག་གཞུང་དང་ཀྲོའུ་ཝེ་ཆོན་གྱི་གདོང་ལ་སྣ་མཛུབ་སྤྲད་དེ། བཙན་བྱོལ་བོད་གཞུང་འདི་ཁྲིམས་མཐུན་ཡིན་པ་ཙམ་དུ་མ་ཟད། མང་གཙོ་སྲ་བརྟན་ཅན་ཞིག་ཡིན་པ་སྟོན་དགོས་ཀྱི་ཡོད་རེད། ཕྱོགས་གཞན་ཞིག་ནས། བོད་མི་ཚང་མས་འོས་འཕེན་གྱི་ཆ་ཤས་མ་བླངས་ན། ཀྲོའུ་ཝེ་ཆོན་གྱིས་ཁྱབ་བསྒྲགས་བྱས་པའི་སྐད་ཆ་དེར་བདེན་པ་ར་སྤྲོད་བྱས་པ་ཞིག་རེད། འདེམས་ཁ་འདི་ནི་ཧ་ཅང་གི་གསལ་པོ་ཡིན་ལ། ཨ་རིའི་སྲིད་འཛིན་ཟུར་པ་ཇོར་ཇི་བྷུ་ཤུ་མཆོག་གིས། ཁྱེད་རང་ང་ཚོ་མཉམ་དུ་ཡོད་དམ་ཡང་ན་ཁོ་ཚོའི་མཉམ་དུ་ཡོད་ཅེས་གསུངས་པ་རེད། གནས་ཚུལ་འདི་ང་ཚོས་རྒྱ་ནག་གཞུང་དང་འཛམ་གླིང་གི་མི་མང་། བོད་ནང་ཡོད་པའི་བོད་མི་ཚོར་སྐད་ཤུགས་ཆེན་པོའི་ཐོག་ནས། བཙན་བྱོལ་ནང་ཡོད་པའི་བོད་མི་ཚོས་མང་གཙོའི་རང་དབང་ལོངས་སུ་སྤྱོད་བཞིན་ཡོད་པ་དང་། ང་ཚོས་རང་ཉིད་ཀྱི་མ་འོངས་པའི་ལས་དབང་ལ་སྟངས་འཛིན་གྱི་ཆེད་དུ་མདུན་བསྐྱོད་བྱེད་ཀྱི་ཡོད་ཅེས་གནད་དོན་འདི་བརྡ་གཏོང་དགོས་པ་རེད།

དེ་ལས་མང་བ་། “བཀའ་བློན་ཁྲི་པའི་འོས་བསྡུའི་བསྒྱུར་བཅོས། བློ་བཟང་སེང་གེ།” »

མི་རྐང་གླིང་བུ

༄༅།། གནའ་ ནས་ ད་ ལྟའི་ བར་ དུ་ བོད་ ཡུལ་ སྟོད་ སྨད་ བར་ གསུམ་ དུ་ ལོ་ གསར་ གྱི་ སྤྲོ་ སྐྱིད་ གཏོང་ སྲོལ་ ཡོད་ པ་ འདྲ། འོན་ ཀྱང་ ལོ་ གསར་ སྐབས་ སུ་ སྤྲོ་ སྐྱིད་ གཏོང་ སྲོལ་ འདི་ འགོ་ ག་ དུས་ ཚུགས་ པ་ དང་ ། ཚུལ་ ཇི་ ལྟར་ དུ་ བྱུང་ བ་ སོགས་ ཀྱི་ རྒྱུད་ རིམ་ ཁྲིག་ ཆགས་ སེ་ བ་ ཞིག་ ནི་ ཤེས་ དཀའ་ བའི་ ཚོད་ དུ་ གྱུར་ པ་ མ་ ཟད་ མཛད་ སྒོ་ སོགས་ ཀྱང་ རྒྱས་ བསྡུས་ མི་ འདྲ་ ལ། ཐ་ ན་ ཉིན་ གྲངས་ བཞག་ ཚུལ་ ལའང་ འགྱུར་ བ་ རབ་ དང་ རིམ་ པ་ སོང་ ཡོད་ པར་ ངེས།

དེ་ ཡང་ གནའ་ བོའི་ དུས་ སུ་ ནི།

ལོ་ སར་ ཚེས་ གཅིག་ ནི་ མི་ ཡི་ ལོ་ སར་ ཡིན་ ལ། ཉིན་ དེར་ ཟས་ སྣ་ གང་ འཛོམས་ བཤམས་ ནས་ རང་ རང་ མཆོད་ ཡུལ་ ལ་ འབུལ་ བ་ དང་ ། དེ་ ནས་ རང་ གི་ ལོངས་ སྤྱོད་ ནས་ སྤྲོ་ སྐྱིད་ ཀྱིས་ ཉྀན་ མོ་ དེ་ བསྐྱལ་ ཞིང་ རང་ གི་ ཁྱིམ་ དུ་ སྡོད་ ལ་ གཞན་ གྱིས་ བོས་ ཀྱང་ མི་ འགྲོ་ ལ་ འབོད་ མཁན་ ཕལ་ ཆེར་ མེད། དེ་ ལྟར་ ཕན་ ཚུལ་ འགྲིམས་ འགྲུལ་ མི་ བྱེད་ ལ་ ཐ་ ན་ གད་ གདར་ ཙམ་ ཡང་ མི་ བྱེད་ པར་ སྐྱིད་ ཉལ་ བྱེད་ པ་ ཡིན།

དེ་ལས་མང་བ་། “ལོ་སར་དོགས་གཅོད།” »

བསྟན་འཛིན་ཉིན་བྱེད།

ལོ་ཤས་རིང་ངས་བོད་རྒྱ་ཞི་མོལ་གྱི་གནད་དོན་ཐོག་དོ་སྣང་དང་དཔྱད་ཞིབ་ཅིག་བྱས་པ་ཡིན་ལ། གནད་དོན་འདི་དང་འབྲེལ་བའི་ཐད་དེ་རིང་སྐད་ཆ་འགའ་གླེང་ན་བསམ་བྱུང་། བོད་རྒྱའི་དཀའ་རྙོག་འདི་ད་བར་ཞི་མོལ་གྱི་ལམ་ནས་སེལ་མ་ཐུབ་པའི་རྒྱུ་རྐྱེན་གཙོ་བོ་ནི་རྒྱ་ནག་གི་ཧམ་པ་དང་དངོས་ཡོད་གནས་ཚུལ་ངོས་ལེན་མ་བྱེད་པ་དེ་རེད། ཚང་མས་མཁྱེན་གསལ་ལྟར་རྒྱ་གཞུང་གིས་བོད་ཀྱི་གནད་དོན་ཞེས་པ་ཞིག་ངོས་ལེན་ནམ་ཡང་མི་བྱེད་ཅིང་། ཁོ་པ་ཚོས་བརྗོད་གསལ་ལྟར་ན་གཞིས་ལུས་བོད་མི་ཚོ་ནི་བདེ་ཐག་ཆོད་དང་སྐྱིད་ཐག་ཆོད་ཡོད། གནད་དོན་གཙོ་བོ་ནི་བཙན་བྱོལ་དུ་གནས་པའི་རྒྱལ་བ་རིན་པོ་ཆེས་གཙོས་བོད་རིགས་རྣམས་ཀྱི་མི་ཚེའི་མདུན་ལམ་དེ་ལ་ཐུག་ཡོད་པ་རེད་ཅེས་བཤད་ཀྱི་ཡོད། འདི་ནི་རྫུན་གཏམ་ཞིག་ཡིན་པར་རྒྱལ་སྤྱིའི་མི་མང་ཙམ་དུ་མ་ཟད། རྒྱ་གུང་བྲན་ཏང་རང་ཉིད་ནས་ཀྱང་ཤེས་ཀྱི་ཡོད་པ་རེད། མདོར་བསྡུས་ནས་བཤད་ན། རྒྱ་ནག་གུང་བྲན་ཏང་ལ་བོད་ཀྱི་དཀའ་རྙོག་སེལ་རྒྱུའི་བཟང་ཕྱོགས་ཀྱི་སྙིང་ སྟོབས་དང་ཆབ་སྲིད་ཀྱི་མདུན་པ་ཞིག་མེད་ལ། མེ་མདའི་ཁ་རྩེ་ནས་དབང་ཆའི་ལམ་ལུགས་ལ་ངོས་འཛིན་བྱེད་མཁན་གྱི་སྲིད་དབང་སྒེར་འཛིན་ཞིག་གིས་མདོང་ཐུག་སྐད་ཆ་བཤད་དེ་ཆབ་སྲིད་ཀྱི་གནས་བབ་འགྱུར་བ་གཏོང་ རྒྱུའི་ལམ་སྲོལ་དེ་ལ་ཡིད་ཆེས་བྱེད་ཀྱི་མེད། དེ་འདྲའི་ཐབས་སྐྱོ་པོའི་གནས་སྟངས་འདི་ནི་རྒྱ་གུང་བྲན་ཏང་ཙམ་དུ་མ་ཟད། འཛམ་གླིང་སྤྱི་ཡོངས་ཀྱི་ཆབ་སྲིད་གནས་སྟངས་ཤིག་ཆགས་བསྡད་ཡོད་པ་རེད། འདི་ནི་ཧ་ཅང་གི་བློ་ཕམ་པའི་གནས་ཚུལ་ཞིག་རེད། དེར་བརྟེན་རྒྱལ་བ་རིན་པོ་ཆེས་ག་དུས་ཡིན་ཡང་དུས་རབས་ཉི་ཤུ་རྩ་གཅིག་འདི་ཞི་མོལ་གྱི་དུས་རབས་ཤིག་ཏུ་བསྐྲུན་ཐུབ་པ་བྱེད་དགོས་ཅེས་བཀའ་སློབ་ནན་པོ་གནང་གི་ ཡོད།

དེ་ལས་མང་བ་། “བོད་རྒྱ་ཞི་མོལ་དང་འབྲེལ་བའི་ཆབ་སྲིད་ཚིག་སྦྱོར་འགའ་ལ་དཔྱད་པ།” »

(འཐུས་ཤོར་དང་གྲུབ་འབྲས་ལ་བལྟས་པའི་བསམ་ཚུལ ། )

ཆུ་སྐྱེས་སྒྲོལ་མ།

སྔོན་གླེང༌།

ངས་བསམ་ཚུལ་འདི་མ་སྤེལ་སྔོན་ལ་ཞུ་འདོད་པ་ནི། ང་རང་གིས་རང་ཉིད་ནི། འཐུས་ཤོར་གྱི་ལེའུ་འདིའི་ནང་ཆ་ཤས་མང་པོ་བླངས་མྱོང་མཁན་ཞིག་དང༌། འཐུས་ཤོར་གྱི་ལེའུ་འདིའི་ནང་རང་ཉིད་ངེས་པར་ཚུད་ཡོད་པའི་ངོས་འཛིན་གསལ་པོ་ཞུས་ཏེ། བུད་མེད་ཀྱིས་བུད་མེད་ལ་ལྟ་སྟངས་ཀྱི་བསམ་ཚུལ་འདི་སྤེལ་གྱི་ཡོད། ད་ལོ་ནི། རྒྱ་ནག་དམར་པོའི་གཞུང་གིས་བོད་ས་ཡོངས་རྫོགས་བཙན་བཟུང་གིས་ཉམ་ཆུང་བོད་མིར་གཉའ་གནོན་དང་དམའ་འབེབས། དམར་གསོད་བཅས་བྱས་ནས་མི་ལོ་ལྔ་བཅུ་འཁོར་བ་དང༌། ངེད་ཅག་བཙན་བྱོལ་ལ་སླེབས་ནས་མི་ལོ་ལྔ་བཅུ་འཁོར་བའི་དུས་ཚོད་ཡིན། དེ་ནི་གཞིས་བཞུགས་བོད་མི་ཚོས་གཉའ་གནོན་དང་སེམས་སྡུག དངངས་སྐྲག ཞེད་སྣང༌། གཞན་དབང་སྟབས་བསྟུན་གྱི་འཚོ་བས་ཉིན་མཚན་སྦྲེལ་ནས་སྡུག་གི་ཁུར་པོ་འཁུར་བའི་འདས་པའི་མི་ལོ་ལྔ་བཅུ་དང༌། བོད་བཙན་བྱོལ་བོད་མི་ཚོར་མཚོན་ན། རང་ཡུལ་རྒྱབ་དུ་བཞག་སྟེ་གཞན་ཡུལ་པང་དུ་བླངས་ནས་གོམས་འདྲིས་མེད་པའི་ཟས་དང་གནམ་གཤིས། སྐད་རིགས་སོགས་ལ་ངང་གིས་གོམས་པར་བྱས་ཤིང། དཀའ་ཚེགས་མང་པོ་ཞིག་བརྒྱུད་ནས་རང་དབང་དང་མང་གཙོའི་ལམ་དུ་གོམ་པ་སྤོས་པའི་མི་ལོ་ལྔ་བཅུ་ཆགས་ཡོད། འདས་པའི་ལོ་ཟླར་ཕྱིེར་མིག་ཅིག་བལྟས་པ་ཡིན་ན། དགའ་དགོས་པའི་གྲུབ་འབྲས་དང༌། སྐྱོ་དགོས་པའི་འཐུས་ཤོར་ཅི་རིགས་ཤིག་བྱུང་ཡོད། དེ་ནི་ལོ་རྒྱུས་ཀྱི་འཕེལ་རིམ་གང་དུའང་ཡོད་པ་ཞིག་རེད། ཡིན་ནའང༌། དེ་ལ་དབྱེ་ཞིབ་བྱེད་པ་ནི། འདས་པའི་ལོ་རྒྱུས་ལ་དྲན་གསོ་དང༌། མ་འོངས་པའི་ལོ་རྒྱུས་ཁ་ཕྱོགས་འདེམས་པའི་དགོས་མཁོ་ཞིག་ཆགས་ཡོད། ལེགས་ཉེས་ཀྱི་ཆ་གང་ཞིག་ཡིན་ནའང༌། དེ་ནི་དབུལ་ཕྱུག་དང་མཐོ་དམའ་དབྱེ་མེད། སྐྱ་སེར་དང་ཕོ་མོ་དབྱེར་མེད་ཚང་མར་ཆ་བགོས་བྱེད་དགོས་པ་ཡིན་ལ། དེ་ནི་ཚང་མས་ལེགས་ཉེས་གང་དུའང་ཆ་ཤས་བླངས་ཡོད་པས་ཡིན། འོན་ཏེ། དེ་རིང༌། ངས་གླེང་བར་འདོད་པ་ནི། ང་རང་བོད་པའི་བུད་མེད་དཀྱུས་མ་ཞིག་ཡིན་པའི་ཆ་ནས། བོད་པའི་བུད་མེད་རྣམས་ཀྱིས་མི་ལོ་ལྔ་བཅུའི་རིང་འགྲུབ་འབྲས་གང་བླངས་ཡོད་པ་དང་འཐུས་ཤོར་གང་ཕྱིན་ཡོད་པ་ལ་ཕྱིར་མིག་ཅིག་བལྟ་འདོད་བྱུང༌།

དེ་ལས་མང་བ་། “མི་ལོ་ལྔ་བཅུའི་བཙན་བྱོལ་བོད་ཀྱི་བུད་མེད་ཚོའི་འཐུས་ཤོར་དང་གྲུབ་འབྲས་ལ་ཕྱིར་མིག་བལྟ་བ།” »

ནམ་གསལ་ལ་ཉེ་དུས།
རས་པ།

ནམ་གསལ་ལ་ཉེ་དུས བྱེའུ་སྐད་སྙན་གྱིས་ང་ལ་འབོད་པ་གཏོང་ཞིང
སིར་སིར་གྱི་རླུང་བུ་ཕྲ་མོ་རྒྱུ་བའི་སྒྲ་སྙན་གྱིས་བདག་གི་སྙན་དབང་གསོ
གྲགས་འགུལ་ཅི་ཡང་མེད་པའི་མཚན་གུང་གི་རྣམ་པ་འདི་ནི
ཁུ་སིམ་སིམ་གྱི་ངའི་གླེང་མོལ་དང་འདྲ་བ་ཞིག་ཡིན་ན
བྱ་ཕོས་འབོད་པ་དེ་ངས་ཀྱང་ཚངས་དབྱངས་རྒྱ་མཚོ་ལྟར་འགོག་ངེས་ཨང

ནམ་གསལ་ལ་ཉེ་དུས སྐར་ཚོགས་ཀྱི་ཁོང་འདུར་བདག་གིས་མ་ཚོར་ཞིང
རི་རབ་ཀྱི་གྲིབ་གཟུགས་ལ་འདོད་པ་མེད་པའི་སྣང་བ་བྱུང
སྐྱ་རེངས་ཀྱིས་ཀུ་ཅོ་འདོན་གྱིན་སླེབས་པའི་ངང་ཚུལ་ནི
བདག་ཉིད་འཆི་བ་ལ་གཏུགས་པའི་གདུང་རབས་ཤིག་ཏུ་བརྗེ་ཞིང
ཉི་འོད་ཀྱི་ཚིག་རོ་འགོས་པའི་ས་གཞི་ནི
རང་དབང་གི་མགོ་བོ་ཁུངས་དུ་སྦུད་པའི་གཤེད་མ་ཞིག་ཡིན་ནམ

ནམ་གསལ་ལ་ཉེ་དུས བདག་གིས་འཇིག་རྟེན་ལ་འདི་ལྟར་བལྟས་ཤིང
བདག་གིས་འཇིག་རྟེན་ནི་འདི་ལྟར་ཚོར་ཡོད་ཨང༌།
ཕྱི་ལོ་༢༠༠༩ཟླ་༡༢ཚེས༢༧ཞོགས་པར།

ཕྲན་བཤད། མཁན། རོང་བོ་དགེ་འདུན་ལྷུན་གྲུབ།

སྙན་ངག་འདིས་ཁ་ཁུ་སིམ་པའི་ངང་དུ་ལྷིང་འཇགས་ཀྱི་གནས་སུ་བསྐྱལ་ཅིང༌། ཀློག་པ་པོའི་ཡིད་ཀྱི་སེམས་ཀྱི་དམིགས་པ་དེ་ཏིང་ངེར་འཛིན་པའི་ལམ་དུ་འགྲིལ་འོང་གིན་འདུག མི་སུ་ཡིན་རུང་གཉུག་གཤིས་སུ་གྲུབ་པའི་འོག་འགྱུའི་སྣེ་མོ་དེ་ཞི་བར་གཞོལ་འདོད་ཀྱི་འབད་པ་ལྷུན་གྲུབ་ཏུ་མངའ་བའི་ཡིན་ལུགས་དང་ཐག་ཉེ་བོ་རེད།

དེ་ལས་མང་བ་། “སྙན་ངག་པ་ལྷམ་ཀོག་གིས་རས་པའི་སྙན་ངག་ལ་ཕྲན་དཔྱད་སྤེལ་བ།” »

རྔ་བ་རྒྱལ་ཁམས་པ།
__________________
ང་བོད་ན་ཡོད་སྐབས་མཁས་དབང་དགེ་འདུན་ཆོས་འཕེལ་གྱི་གསུང་རྩོམ་ཀློག་རྒྱུར་ཧ་ཅང་དགའ་བོ་ཡོད། ལྷག་པར་དུ་ཁོང་གི་བརྩམས་ཆོས་དེབ་ཐེར་དཀར་པོ་དང༌། ཀླུ་སྒྲུབ་དགོངས་རྒྱན། ཆོས་ཀྱི་ཚིགས་སུ་བཅད་པ། འདོད་པའི་བསྟན་བཅོས་བཅས་ནི། ངའི་བློ་རིག་གི་སྒོ་མོ་འབྱེད་པའི་ལྡེ་མིག་ལྟ་བུ་ཞིག་ཡིན་ཞེས་བཤད་འདོད་བྱུང༌། ཡིན་ནའང་ཕངས་པ་ཞིག་ལ་ད་ལྟ་བདག་གི་ཁྱིམ་དཔེའི་ནང་ཁོང་གི་དཔེ་དེབ་ཅིག་ཀྱང་མི་འདུག ཉེ་བའི་ཆར་དྲ་གྲོགས་མང་བོས་དགེ་འདུན་ཆོས་འཕེལ་གྱི་སྐོར་ལ་གླེང་སློང་བྱས་པ་ཞིག་མཐོང་བས་བློ་སེམས་དགའ་བོ་ཞིག་བྱུང༌། བདག་གིས་མཆན་རེ་འདེབས་དགོས་བསམས་ཀྱང་ཡིག་གཏགས་ཀྱི་རྐྱེན་གྱིས་འབྲི་མ་ཐུབ། བདག་གིས་ས་གཞིའི་བཀོད་དབྱིབས་ཐད་གླེང་སློང་བྱས་པའི་རྩོམ་རེ་ཟུང་བྲིས་པར། བློ་བཟང་ཡོན་ཏན་ཟེར་བའི་སྤུན་ཟླ་རྣམ་དཔྱོད་ཅན་ཞིག་གིས་ལན་ཞིག་ཕུལ་འདུག་པ་མཐོང་བས་དགའ་སྤྲོ་དང་བཅས་བཀླགས་པ་ཡིན།

དེ་ལས་མང་བ་། “བློ་བཟང་ཡོན་ཏན་ལ་སྤྲིངས་པའི་ཡིག་ལན་ཚངས་ཐིག་མ།” »