ཏཱ་ནི་ལྷ་རྒོད།

བོད་ཀྱི་མིང་དུ་གྲགས་པའི་རྩོམ་སྒྲིག་པ་དང་ངེས་དོན་གྱི་ལོ་ཙཱ་པ་ཆེན་མོ་སངས་རྒྱས་ལགས་རྗེས་སུ་དྲན་པའི་འབོལ་རྩོམ།

ཨ་ཁུ་སངས་རྒྱས་དང་འབྲེལ་བའི་གླེང་སློང་། དབུས་ལྷ་ལྡན་ཞིང་ན་སེམས་ལྷོད་ལྷོད་ངང་དཔེ་ཀློག་རེ་བྱེད་བཞིན་ཡོད་པའི་ཞོགས་པ་ཞིག་ལ་ཁོ་བོའི་སྐད་འཕྲིན་དུ་འགར་རྩེ་སྨན་རྒན་བསྟན་འཛིན་རྒྱ་མཚོ་ལགས་ནས་ཨ་ཁུ་སངས་རྒྱས་མཆོག་གི་སྐུ་པར་སྐྱ་མདོག་ཅན་ཞིག་བསྐུར་ནས་ཐོན་བྱུང་། སྐབས་དེར་ངས་ད་དུང་འགར་རྩེ་སྨན་རྒན་ལགས་དང་ངེད་གཉིས་ནས་ནམ་རྒྱུན་ཕ་ཡུལ་རེབ་གོང་གི་མི་སྣ་བྱས་པ་ཅན་དང་་སྒོས་སུ་ད་ལྟ་ཞལ་དངོས་སུ་བཞུགས་པ་དག་གི་སྐོར་ལ་ཁ་བརྡ་བྱེད་རྒྱུར་དགའ་བའི་གོམས་གཤིས་ཤིག་ཡོད་པ་དེ་ཡིན་ཚོད་བྱས་ནས་ཁོང་གིས་པར་དེ་བསྐུར་བར་སྐད་ལན་ཡང་ཅུང་ཙམ་ལ་མ་བྱིན་པར་མ་ཟད། ཨ་ཁུ་སངས་རྒྱས་མཆོག་གི་སྐུ་པར་དེ་སྐྱ་མདོག་གི་རྣམ་པས་བསྐུར་བ་ལའང་དོ་སྣང་དམིགས་བསལ་བྱེད་མ་ཐུབ། དེའི་རྒྱུ་མཚན་ངའི་སེམས་སུ་ཨ་ཁུ་སངས་རྒྱས་ནི་དགུང་ལོ་གཞོན་ཤ་ལྡན་པའི་མཁས་དབང་སྐུ་ཁམས་བདེ་ཐང་ཐང་ཅན་ཞིག་ཡིན་བསམས་ནས་ཡོད་པས་ཡིན། དེ་ནས་དཔེ་ཆ་ལྟ་མཚམས་བཞག་སྟེ་ནངས་ཇ་འཐུང་ཞོར་དུ་སྐད་འཕྲིན་གྱི་གྲོགས་ཚོམས་སུ་ལྟ་དུས་མིག་ལམ་དུ་ཐོག་མར་ལྡང་ཡོང་བ་ནི་ཨ་ཁུ་སངས་རྒྱས་མཆོག་སྐུ་གཤེགས་པའི་སྐོར་གྱི་གནས་ཚུལ་རྒྱས་པ་ཞིག་དྲ་གྲོགས་ཤེས་ཡོན་པ་གང་མང་ཞིག་གིས་གཅིག་རྗེས་གཉིས་མཐུད་ངང་བསྐུར་དང་སྐུར་གྱིན་པ་དེ་

དེ་ལས་མང་བ་། “རང་སྐད་ཀྱི་དུས་མཐའི་སྒོ་སྲུང་བ།” »

ཤེད་བུ།

ཨ་ཁུ་སངས་རྒྱས་ཞི་བར་གཤེགས་པ་ལ་རང་སེམས་ཀྱི་མྱ་ངན་ཞི་ཆེད་དུ།

ཨ་ཁུ་སངས་རྒྱས་སྐུ་གཤེགས་པའི་གནས་ཚུལ་དེས་ང་ཉིན་འདི་ཚོར་བསམ་གཞིགས་ཀྱི་ཀློང་དུ་བསྐྱལ། ཕྱིར་འདང་ལ་ཕྱོགས་མི་དགོས་པར་ཁོང་དང་འབྲེལ་བའི་གཏམ་རྒྱུད་མོད་པོ་ཞིག་དྲན་ངོས་སུ་འཆར་འོང་གི་འདུག ཁོང་ནི་རེབ་གོང་སྐྱབས་མགོན་སྐུ་ཕྲེང་བརྒྱད་པ་ཆེན་པོའི་ཡོངས་འཛིན་རྗེ་འཇིགས་མེད་ཐེག་མཆོག་གི་དགེ་རྒན་གནང་མྱོང་བ་མ་ཟད། རེབ་གོང་སྐྱབས་མགོན་གྱི་ཁུ་བོ་ཡིན། སྤྲུལ་སྐུ་བྱིས་དུས་ནས་ཁོང་གིས་བསྐྱངས་པ་མ་ཟད། གདན་སར་བཀོད་དེ་མཛད་འཕྲིན་རྒྱས་པའི་སྐབས་སུའང་ཨ་ཁུ་སངས་རྒྱས་སྔར་བཞིན་བཙན་པོ་དང་། བཀའ་དྲིན་ཅན་དང་། ཆོས་སྲིད་གང་ཐད་ནས་བསྙེས་ཆོག་ཆོག་གི་རྒྱབ་རི་མཐོན་པོ་ཞིག་ཡིན། རིན་པོ་ཆེས་ཀྱང་ཨ་ཁུ་སངས་རྒྱས་ཞེས་ཡང་ཡང་གསུངས་པ་ད་དུང་ངའི་དྲན་པར་གསལ་བོ་ཡོད་ནའང་། དེའི་སྐོར་རྒྱས་པར་མི་གླེང་། 

དེ་ལས་མང་བ་། “ཚང་ལ་ཉལ་བའི་གཡུ་འབྲུག་ཅིག་འཕུར་རྗེས།‍” »

ཏིང་འཛིན་སྐྱིད།

ཨ་ཕ་ནི་ང་རང་ལ་མཚོན་ན་མེད་དུ་མི་རུང་ཞིང་སྐྱབས་ས་ཁེན་སར་གྱུར་ཡོད་ནའང་། ད་ལྟའི་བར་ངས་ཐེངས་འདིར་མ་གཏོགས་སྨྱུ་གུ་བཟུང་སྟེ་ཨ་ཕའི་སྐོར་བྲིས་མ་མྱོང་།  བརྗེད་མི་ཐུབ་པ་ཞིག་ལ།  དེ་སྔར་ཡིག་གཟུགས་ལ་མོས་པའི་ནུ་བོས་སློབ་ཆེན་ལོ་རིམ་གཉིས་པའི་སྐབས་སུ་ཨ་ཕ་དང་འབྲེལ་བའི་རྩོམ་ཡིག་ཅིག་བྲིས་ཏེ་ཁོང་གི་བསྟོད་པ་ཞིག་ལ་རེ་ནའང་།  ཨ་ཕས་ལྟ་ཙམ་གྱིས“ང་ལ་བསྟོད་པ་བྱེད་མི་ཤེས་པ་ཞིག་གིས་བསྟོད་པ་བྱེད་པ་ལས།  སྐྱོན་བརྗོད་བྱེད་ཤེས་མཁན་ཞིག་གིས་སྐྱོན་བརྗོད་བྱས་ན་དགའ”ཞེས་ཆུ་འཁྱག་ཟོ་གང་ནུ་བོའི་མགོར་བླུགས་པ་དེ་ཡིན་ལ།  དོན་དེ་ངའི་སེམས་སུ་བརྗེད་དཀའ་བའི་འདས་དོན་ཞིག་ཏུ་གྱུར་པར་བརྟེན།  ད་ལྟའི་བར་སེམས་པ་རླབས་བཞིན་འཕྱོ་བའི་སྐབས་ལའང་ཨ་ཕའི་སྐོར་ནས་རྩོམ་གཅིག་ཀྱང་བྲིས་མྱོང་མེད།

དེ་རིང་ཨ་ཕའི་སྐོར་འབྲི་བ་ནི། དོན་ལ་ཨ་ཕའི་ལྷུན་ཆགས་སྒམ་ཚུགས་མེད་པའི་རང་ཚུགས་དང་རང་ཉིད་དམན་སར་འཛིན་པའི་ཟོལ་མེད་བབ་ཆགས་ཀྱི་རང་གཤིས་ལ་བསྟོད་པ་བྱེད་རྒྱུའི་ཆེད་མིན་པར།  བུ་མོ་ཞིག་གི་སེམས་ངོགས་སུ་ཆེས་སྤྱིར་བཏང་གི་ཨ་ཕ་ནི་ཇི་འདྲ་ཞིག་

དེ་ལས་མང་བ་། “ཨ་ཕར་བྲིས་པ།” »

རླངས་ཚང་བསོད་ནམས་རྡོ་རྗེ།

སྤྱི་ལོ་༢༠༠༧ལོའི་ཟླ་དང་པོའི་ནང་མི་རིགས་སློབ་ཆེན་དུ་དགེ་རྒན་ཟབ་སྦྱོང་ཞིག་ལ་ཆས་ཏེ། རེབ་གོང་རླངས་འཁོར་ས་ཚིགས་སུ་རེས་འཁོར་ལ་སྒུག་ནས་འདུག་སྐབས། ངོ་ཤེས་མི་ཤེས་ཀྱི་རེབ་གོང་གི་དགེ་རྒན་འགའ་ཡང་རླངས་འཁོར་དུ་བསྡད་སོང་། ངོ་ཤེས་གྲོགས་པོ་ཞིག་གིས་གསལ་བཤད་བྱས་པ་ལྟར་ཁོང་ཚོ་ཡང་ཟབ་སྦྱོང་དེར་ཞུགས་མཁན་རེད་འདུག་ལ། ང་རང་མཚོ་ཤར་ཡ་རྫི་བོད་ཡིག་སློབ་འབྲིང་གི་དགེ་རྒན་ཡིན་པས་དེར་ཞུགས་དགོས་བྱུང་བ་རེད། ཞལ་རས་ལ་བརྩེ་འཛུམ་གྱིས་ཁེངས་ཤིང་གོན་པ་སྟབས་བདེ་གྲལ་དག་མོ་ཞིག་གྱོན་ཡོད་མཁན་ཁོང་ནག་ཀྱཱ་བ་ཤ་བོ་ཚེ་རིང་ཡིན་པའང་ཤེས་སོང་། རེབ་དེར་དབྱིན་དགེའི་ཟབ་སྦྱོང་ལ་ཞུགས་ནས་ང་ཚོ་ལྷན་དུ་མཚོ་སྔོན་མི་རིགས་སློབ་ཆེན་གྱི་ཕྱི་འགྲིམས་སློབ་མའི་མལ་ཤག་ཏུ་ཟླ་ངོ་གཅིག་ལྷག་རིང་བསྡད་ཅིང་། འཛིན་གྲྭ་རིམ་པ་གཉིས་སུ་བཀར་འདུག་པས་ངེད་གཉིས་འཛིན་གྲྭ་མི་གཅིག་ནའང་སློབ་ཐུན་བར་གསེང་དང་དགོང་ཞོགས་ནམ་ཐུག་གི་དུས་སུ་ཁ་བརྡ་རྫོགས་རྒྱུ་མེད་པ་ལྟ་བུར་ཆགས་པས་གྲོགས་པོ་ནང་མར་གྱུར། ངེད་གཉིས་ནི་དགའ་ཕྱོགས་གཅིག་པའི་གྲོགས་པོ་ཡིན་པས་འདྲ་འདྲའི་ནང་གི་མི་འདྲ་བ་ཞིག་ཡིན།

དེ་ལས་མང་བ་། “གྲོགས་པོ་ནག་ཀྱཱ་བ་ཤ་བོ་ཚེ་རིང་སྐུ་གཤེགས་པ་ཐོས་འཕྲལ།” »

རྫ་ཚེ་རིང་བཀྲིས།

ཁ་སང་ནི་དགའ་ལྡན་ལྔ་མཆོད་དེ་རྗེ་ཙོང་ཁ་པ་བློ་བཟང་གྲགས་པའི་དཔལ་གྱི་འདས་མཆོད་རེད། གུས་པས་ཀྱང་རོང་ཟོམ་བརྙན་འཕྲིན་གཙོ་སྐྱོང་བའི་མིང་ཐོག་ནས་སྔ་ཕྱིར་སེར་བྱེས་ལྷ་རམས་པ་ཐུབ་བསྟན་ནོར་བུ་དང་། མཁས་དབང་ཆབ་མདོ་བློ་བཟང་ཤེས་རབ་གཉིས་གདན་ཞུས་ཀྱིས་རྗེ་བདག་ཉིད་ཆེན་པོའི་མཛད་པ་རྣམ་ཐར་དང་ལྔ་མཆོད་ཀྱི་སྐོར་ལ་གླེང་མོལ་རེ་ཞུས། དེ་ནི་རང་ངོས་ནས་མཁས་གྲུབ་འཇམ་དབྱངས་རྣམ་གསུམ་གྱི་ཡ་གྱལ་དུ་བཞུགས་པའི་གངས་ལྗོངས་ཀྱི་སྐྱེས་ཆེན་དམ་པ་ཁོང་གི་མཛད་རྣམ་ལ་རྗེས་དྲན་ཞུ་སྟངས་ཤིག་ཡིན།

དེ་ནས་འཛམ་གླིང་གསེར་གྱི་བུམ་པའི་མཐའ་མཇུག་གི་འགྲན་བསྡུར་ཆེན་མོ་ནི་ཁ་སང་གི་ཉིན་འདིར་འཛམ་གླིང་འདིའི་མི་རྣམས་ཀྱིས་ཤིན་ཏུ་དོ་སྣང་བྱ་ཡུལ་ཉག་གཅིག་ཏུ་གྱུར་ཡོད། རྩེད་མོ་འདི་བརྒྱུད་ནས་འགྲོ་བ་མིའི་རིགས་ལ་ཁྱིམ་ཚང་གཅིག་གི་འདུ་ཤེས་བསྐྲུན་པ་དང་། ཞི་བདེ་དང་མཉམ་གནས་སོགས་བཟང་ཕྱོགས་ཀྱི་ཤུགས་རྐྱེན་མང་པོ་འདྲེན་གྱི་ཡོད། དེའི་དབང་གིས་རྩེད་མོ་འདི་ནི་འཛམ་བུ་གླིང་གི་ད་ལྟའི་གནས་བབས་སྤྱིའི་ངོས་ན་བཤད་ན། མི་རྣམས་ཀྱི་སེམས་པ་གུ་ཡངས་དང་སྤྲོ་སྣང་གི་ཕྱོགས་སུ་འདྲེན་པའི་ངལ་སྟེགས་ཤིག་ཡིན་པས་རྩེད་མོ་དེའི་རིན་ཐང་ཤིན་ཏུ་ནས་ཀྱང་རྟོགས་མོད། རང་ཉིད་ལ་རྩེད་འགྲན་ལ་ལྟ་བའི་གོམས་གཤིས་ཡེ་མེད་པས་རྒྱལ་ཕམ་དང་འབྲེལ་བའི་ཚོར་བ་གང་ཡང་མ་བྱུང་ངོ་། །

དེ་ལས་མང་བ་། “དབྱངས་དགའ—ངེས་དོན་གྱི་འདབ་གཤོག་ཉིས་ལྡན།” »

པད་མ་འབུམ་ནས།

ཟླ་ ༡༡ གི་ཚེས་ ༢༨ ཉིན་སྐལ་བཟང་ཚེ་བརྟན་ལགས་སྐུ་ཚེའི་འཕེན་པ་རྫོགས།  བོད་སྙིང་དྲོན་མོ་ཞིག་གི་ལྡིང་མཚམས་བཞག

སྐལ་བཟང་ཚེ་བརྟན་ལགས་ནི་རྩོམ་གྱི་ལས་ལ་གཞོལ་ཡུན་རིང་ལ་བརྩམས་ཆོས་མང་བའི་རྩོམ་པ་པོ་ཞིག་ཡིན།  ཕངས་པ་ཞིག་ལ་ཁོང་གི་བརྩམས་ཆོས་མང་ཆེ་བ་རྒྱ་ཡིག་ཏུ་བརྩམས་སྟབས་བོད་པའི་ཁྲོད་ན་ཁོང་ལ་སྙན་གྲགས་དེ་འདྲ་ཆེན་པོ་རྒྱས་མེད།  ངས་ཁོང་གི་བརྩམས་ཆོས་དུ་མ་རྒྱ་ཡིག་ཏུ་བཀླགས་མྱོང་ན་ཡང་།  ད་ལྟ་ངས་མིང་ཙམ་ཡང་མི་དྲན།  བག་ཆགས་ཤིག་ལ་ཁོང་ནི་རིག་གནས་གསར་བརྗེའི་སྐབས་ཀྱི་གོད་ཆག་རྗོད་མཁན་གྱི་རྩོམ་པ་པོ་ཞིག་ཡིན།  དུས་རབས་གོང་མར།  རིག་གནས་གསར་བརྗེ་ཆེན་པོ་མཇུག་བསྒྲིལ་ནས་ལོ་ཤས་ཀྱི་རྗེས་སུ་རྒྱ་ནག་ལ་རྩོམ་རིག་གསར་བ་ཞིག་གི་ལས་འགུལ་ལངས།  དེ་ལ་རྒྱ་སྐད་ཀྱིས་伤痕文学སྟེ།  རྨ་ཤུལ་གྱི་རྩོམ་རིག་ཟེར།  དེ་ནི་རྒྱ་ནག་དམར་གཞུང་གིས་སྤེལ་བའི་ཆབ་སྲིད་ཀྱི་ལས་འགུལ་རབ་དང་རིམ་པ་སྟེ།  ལོ་རབས་ལྔ་བཅུའི་ནང་གི་གཡས་རྒོལ་དང་།  ལོ་རབས་དྲུག་ཅུ་དང་བདུན་ཅུའི་ནང་གི་རིག་གནས་གསར་བརྗེ་ཆེན་པོ་ལྟ་བུའི་ལས་འགུལ་གྱི་ནང་དུ་ཤེས་ཡོན་ཅན་དང་།  དཔོན་རིགས།  མི་དམངས་དཀྱུས་མ་རྣམས་ཀྱིས་སྡུག་བསྔལ་ཇི་ལྟར་མྱངས་ཚུལ་སྒྲུང་རྩོམ་དང་སྙན་རྩོམ།  འབོལ་རྩོམ་དུ་སྤེལ་ཡོད། 

དེ་ལས་མང་བ་། “བོད་སྙིང་དྲོན་མོ་ཞིག་གི་ལྡིང་མཚམས་བཞག རྩོམ་པ་པོ་སྐལ་བཟང་ཚེ་བརྟན་ལགས་འདས་གྲོངས་སུ་གྱུར་བ་ལ་མྱ་ངན་ཞུ།” »

འཆི་མེད།

—གཅན་མེ་སྟག་ལ།

ང་ལ་སློབ་གྲོགས་དང་དགེ་གྲོགས་རྩོམ་གྲོགས་སོགས་གྲོགས་པོ་ཡིན་ལ་མིན་པ་མང་པོ་ཡོད། དགའ་སྡུག་གང་གི་དུས་སུའང་རླུང་བཞིན་གཡུགས་ཏེ་ཡོང་ནས་རླུང་བཞིན་གཡུགས་ཏེ་ག་ཤེད་ཅིག་ཏུ་བུད་འགྲོ། དེ་ཚོའི་ཁྲོད་དུ་སོ་སོའི་དགོས་མཁོའི་དབང་གིས་ང་ལ་འཛུམ་མདངས་སྟོན་མཁན་མང་ཙམ་ཡིན་ལ། ང་དང་གྱེས་རྗེས་མེད་པ་ལ་ཡོད་པ་དང་ཡོད་པ་ལ་རྭ། རྭ་ཡང་འདོམ་པ་བཅོ་བརྒྱད་དུ་སྨྲ་མཁན་ཉུང་ཉུང་མིན། ང་རང་སྡུག་ལ་ཐུག་དུས་སྡུག་གཏམ་གཉོམ་པོ་གཉོམ་པོ་ཞིག་སེམས་ཀྱི་སྙི་ས་སྙི་ས་ནས་རང་གི་གྲོགས་ཡིན་སྙམ་གྱི་ལག་ཏུ་གཏད་ན། བསེར་བུའི་རྒྱུ་ལམ་ཡིན་པའི་ལག་མཐིལ་དེ་ནས་ལ་དང་ལུང་བ་མེད་པར། ས་སྤུར་གནམ་སྤུར་བྱེད་པའང་མི་སྐྱོན་ཏེ། མི་རང་རང་གི་དགའ་ཕྱོགས་རེད་ལ་གྲོགས་པོ།

    ཡིན་ཡང་ཁྱེད་ནི་དེ་དག་དང་ཡེ་ནས་མི་མཚུངས་ཏེ། འུ་གཉིས་ཕན་ཚུན་ངོ་ཤེས་པའི་ལོ་ངོ་སུམ་ཅུ་ལྷག་གི་རིང་ངས་ཁྱེད་ཀྱི་བཅོས་འཛུམ་མཐོང་མ་མྱོང་ལ་ཁྱེད་ཀྱིས་ང་ལ་སྐད་ཆ་བཅོས་མ་ཚིག་གཅིག་ཀྱང་བཤད་མ་མྱོང་། དེ་ནི་ཁྱེད་རང་མི་རྫུན་མ་འཁྲབ་པར་མི་མཁས་པས་རེད། 

དེ་ལས་མང་བ་། “རྩོམ་གྲོགས་ཡིན་ཟེར་མཁན་ཚོའི་ཁྲོད་དུ་ང་རང་ཞེ་ལ་ཐོགས་མཁན་ནི་ཁྱེད་རང་ཡིན།” »

ཟུང་དྲུང་ཤར་ཙོང་བསྟན་འཛིན་བདེ་ལྡན།
དེ་རིང་ང་ཚོས་སེམས་སྐྱོ་ཞིང་ཡི་མུག་པའི་ངང་ཞིང་གཤེགས་དམ་པ་སྐུ་ངོ་བསམ་འཕེལ་མཆོག་དགོང་ཞག་བཞི་བཅུ་ཞེ་དགུ་འཁོར་བའི་མཆོད་འབུལ་སྨོན་ལམ་དང་རྗེས་དྲན་ཚོགས་འདུ་ཚོགས་ཀྱི་ཡོད། དམ་པ་ཁོང་འདི་ལྟར་གློ་བུར་དུ་འཇིག་རྟེན་འདི་དང་ཞལ་གྱེས་པ་ནི་ང་ཚོ་བཙན་བྱོལ་བོད་མི་ཙམ་མ་ཟད། གངས་ཅན་ལྗོངས་ཡོངས་ཀྱི་གྱོང་གུན་ཚབས་ཆེན་ཞིག་ཡིན། འདིར་ང་ཚོ་ཡིད་སྐྱོ་ཞིང་སེམས་ཕངས།

དེ་ལས་མང་བ་། “ཞིང་གཤེགས་དམ་པ་སྐུ་ངོ་བསམ་འཕེལ་མཆོག་དགོང་ཞག་ཞེ་དགུ་འཁོར་བའི་མཆོད་འབུལ་སྨོན་ལམ་དང་བཀའ་དྲིན་རྗེས་དྲན་ཞུ་བ།” »

རྫ་ཚེ་རིང་བཀྲ་ཤིས།

ངས་ད་ནངས་ཞོགས་པ་ཡར་ལངས་དུས་སྐད་ཆ་མི་སྙན་པ་ཞིག་གོ་བྱུང་། སྐད་ཆ་དེ་ཕལ་ཆེར་དྲ་ལམ་ཧྲིལ་པོ་ཁྱབ་པ་ལྟར་འདུག གནས་ཚུལ་འདིར་དོ་སྣང་བྱེད་མཁན་ནི། བོད་སྐད་དང་། རྒྱ་སྐད། དབྱིན་སྐད་བཅས་ཀྱི་ཁོར་ཡུག་ཚང་མར་ཁྱབ་འདུག ལར་ནས། ཉེ་ཆར་རང་ལྷོ་ཨ་ཧྥི་རི་ཁའི་ཆོས་དཔོན་ཆེན་མོ་ཊུ་ཊུ་སྐུ་གཤེགས་ཤིང་། དེ་དང་འདྲ་བའི་རྒྱལ་སྤྱིའི་ནང་བསམ་བློའི་དབུ་ཁྲིད་སྙན་གྲགས་ཅན་དེ་ཚོ་ལོ་ན་མཐོན་པོར་ཕེབས་པ་དང་། སྐུ་གཤེགས་པའི་གནས་ཚུལ་དེ་རིགས་ཀྱིས་ང་ལ་སེམས་ཁྲལ་དམིགས་བསལ་ཞིག་སློང་གིན་འདུག དེའི་རྒྱུ་མཚན་ནི་བརྗོད་མི་དགོས་པ་ཞིག་རེད། ངས་དེ་མ་ཐག་གནས་བརྟན་ཆེན་པོ་ཐིག་ནཏ་ཧཱན་གྱི་གཞུང་ཕྱོགས་ཀྱི་ངོ་དེབ་ཉུལ་བ་ཡིན། ངོ་དེབ་ཀྱི་ཐོག་ཏུ་འདི་ལྟར་བྲིས་འདུག་སྟེ། “འདི་ག་རྒྱལ་སྤྱིའི་ནང་བསྟན་ཚོགས་སྡེའི་ངོས་ནས་གསར་བསྒྲགས་སྤེལ་དོན། ང་ཚོའི་ཆེས་དགའ་ཞིང་གུས་པའི་སློབ་དཔོན་བསམ་གཏན་མཁན་པོ་ཐིག་ནཏ་ཧཱན་མཆོག་ཕྱི་ལོ་ ༢༠༢༢ ཟླ་༡ ཚེས་ ༢༢ གྱི་མཚན་ཕྱེད་ཆུ་ཚོད་དང་པོའི་ཐོག་ཝེ་ཏི་ནམ་གྱི་ཐུ་ཧུའུ་དགོན་པར་དགུང་ལོ་༩༥ འི་ཐོག་ཞི་བའི་ངང་ནས་འཇིག་རྟེན་དང་ཞལ་གྱེས་སོང་།

དེ་ལས་མང་བ་། “རླབས་ཆེན་གྱི་དམ་པ་ཐིག་ནཏ་ཧཱན་དྲན་པ།” »

བོན་རྒྱ་བསྟན་འཛིན་རབ་རྒྱས།

རོངབོ་དགེ་འདུན་ལྷུན་གྲུབ་ཀྱི་ལོ་རྒྱུས་སྙིང་བསྡུས།

རོང་བོ་དགེ་འདུན་ལྷུན་གྲུབ་ལགས་སྤྱི་ལོ་ 1974 ལོར་རེབ་གོང་མདོ་བ་འབྲོག་ནས་སྐྱེས།  གྲྭ་པ་བྱས་ཏེ་དར་ཞིང་དགོན་པར་ཞུགས་ཤིང་། རིམ་གྱིས་རེབ་གོང་རོང་བོ་དགོན་ཆེན་དང་། བླ་བྲང་བཀྲ་ཤིས་འཁྱིལ། གསེར་རྟ་བླ་རུང་བཅས་སུ་ཚོགས་ཞུགས་དང་ཟུར་ཞུགས་གང་རུང་གི་ལམ་ནས་སློབ་གཉེར་བྱས། དྲ་མིང་དང་སྨྱུག་མིང་ལ་གཟའ་དང་། དགེ་སྨྱོན། ལྷམ་ཀོག་སོགས་བཀོད་ནས་ད་ལྟའི་བར་དུ་རྩོམ་ཡིག་འབོར་ཆེན་བྲིས་ཏེ། ལོ་རབས་དགུ་བཅུ་བ་ནས་བཟུང་གསར་རྩོམ་དང་རྩོམ་སྒྲིག དཔེ་ཀློག་དང་དཔེ་ཁྲིད་བཅས་ཀྱི་ལས་སུ་ཞུགས་ཡོད།

ད་ལྟའི་བར་དུ་ <<རྐང་གླིང་སྐྱ་བོ>> དང་། <<ལྷ་ཆེན་པོའི་སྙན་ངག>> <<ཕྲེང་བ་ནག་པོ>> <<མི་ཚེའི་དབྱངས་རྟ>> <<གླེགས་བམ་དཀར་བོ>> <<འཁོར་བ་>>སོགས་སྙན་ངག་རྐྱང་བའི་དེབ་དྲུག་བཏོན་ཡོད། སྒྲུང་རྩོམ་དང་དཔྱད་རྩོམ་སོགས་རིགས་ཚན་གཞན་གྱི་སྐོར་ལའང་དེབ་འགའ་ཡོད་པར་ཐོས་ནའང་ད་དུང་དཔར་བསྐྲུན་བྱས་མི་འདུག

    ལོ་ངོ་ཉི་ཤུ་ལྷག་གི་རིང་སྐྱ་སེར་རིས་མེད་ཀྱི་སློབ་གཉེར་བ་སྟོང་ཕྲག་ཉེ་བར་ཐུན་མོང་རིག་གནས་འཆད་ཁྲིད་གནང་བ་རེད། དྲ་ལམ་རིག་གནས་དར་བ་ནས་བཟུང་དྲ་ལམ་གྱི་ཟིན་བྲིས་པ་རྩེ་ཕུད་དང་སྙན་ངག་པ། དཔྱད་བརྗོད་པ་བཅས་བོད་ཀྱི་ཐུན་མོང་རིག་གནས་ཀྱི་གཞི་རྐང་འཛིན་མཁན་ཞིག་རེད། ཁོང་ལ་སྔ་ཕྱིར་རྒྱ་གཞུང་གིས་འདྲི་གཅོད་དང་བཀག་བསྐྱིལ་ལན་མང་བྱས་མྱོང་ཞིང་། སྤྱི་ལོ་ ༢༠༢༠ ལོའི་ཟླ་ ༡༢ ཆེས་ ༢ ཉིན། ཁོང་རྒྱ་གཞུང་གིས་བཙན་འཁྲིད་བྱས་པའི་གནས་ཚུལ་ཤེས་རྟོགས་བྱུང་བ་ལས་ད་ལྟ་གར་ཡོད་ཀྱི་གནས་ཚུལ་ཤེས་ཀྱི་མེད།

དེ་ལས་མང་བ་། “རོང་བོ་དགེ་འདུན་ལྷུན་གྲུབ་ཀྱི་མི་ཚེའི་ཟུར།” »

ནམ་མཁའ།

དེ་རིང་གི་འདིར་སེམས་ནས་འབྲི་འདོད་པའི་ཚིག་རྣམས། མགོ་གང་ཞིག་ནས་བརྩམས་ཏེ་མཇུག་གང་ཞིག་ནས་བསྡུ་དགོས་བ་ཡང་མི་ཤེས་མོད། འོན་ཀྱང་དྲན་ཐོ་ཞིག་གི་ཚུལ་དུ་འདིར་འགོད་ཀྱི་ཡིན།

ང་རང་སློབ་ཆུང་འགྲིམས་བཞིན་པའི་དུས་ཀྱི་དགུན་གནང་སྐབས་ཞིག་ཡིན་པ་འདྲ། གང་ལྟར་ང་ཚོའི་གྲོང་སྡེ་ཡི་མི་རྒན་གཞོན་ཚང་མའི་བོད་ལྭ་རེ་གྱོན་ཏེ་མཁར་སྒོ་འོག་མའི་མདུན་ལ་འདུ་འཛོམས་བྱས་རྗེས། ངའི་གྲོང་སྡེ་མི་ཚང་མ་འཇའ་མོ་སྡེ་བའི་ཕྱོགས་སུ་འགྲོ་མགོ་བརྩམས་སོང་། ཕྲན་ལྟ་བུའི་བྱིས་པ་མ་རབ་ཚོ་ཡང་ཁོང་ཚོའི་རྗེས་འདེད་བྱས་ནས་སོང་བ་ཡིན། འཇའ་མོའི་སྡེ་བའི་འདབ་རོལ་གྱི་ཆུ་རྐ་ཆེན་པོ་དེའི་རྐང་ལམ་བརྒྱུད་ནས་འགྲོ་དུས། དེ་རིང་ཕྲན་གྱིས་གསལ་བོར་དྲན་པ་ཞིག་ལ། སོ་སོའི་བུ་ཕྲུག་རྣམས་ཕ་མ་ཚོའི་ལག་མགོ་འཇུས་ནས་ཁྲིད་སོང་བ་དྲན་གྱི་འདུག འཇའ་མོ་སྡེ་བའི་འོག་ནས་ལྕགས་སྒོ་ཆེན་པོ་ཡོད་པ་དེ་ནི་མགར་ཁང་རེད་ཅེས་མི་རྒན་པ་ཚོས་བཤད་ཀྱི་འདུག མགར་ཁང་དེ་ནི་འཇའ་མོ་སྡེ་བ་དང་ཐེ་བུ་སྡེ་བའི་བར་ན་འདུག ང་རང་མགར་ཁང་གི་སྒོ་འགྲམ་ལ་སླེབས་པ་ནི་ཐོག་མ་ཡིན་པ་མ་ཟད། ཐེ་བུ་སྡེ་བའི་ནང་འགྲོ་བ་ཡང་ཐོག་མ་རེད། ཐེ་བུ་སྡེ་བའི་གོང་རོལ་དུ་གྱང་ར་སྐོར་བའི་ར་སྟོང་མང་པོ་ཡོད་པ་ཞིག་དེ་རིང་ད་དུང་ཡང་ངའི་ཡིད་ངོགས་སུ་གསལ་བོར་འདུག

དེ་ལས་མང་བ་། “ཨ་ལགས་བསེ་ཚང་ལ་ཐོག་མར་མཇལ་བ།” »

རེ་མདོ་སེངྒེ་།

༄༅།། མདང་དགོང་སྟེ་ས་ག་ཟླ་བའི་ཚེས་བཅུ་བཞིའི་ཉིན་གྱི་ཞོགས་པའི་ཆུ་ཚོད་དང་པོ་ཡས་མས་ཐོག་རྒྱ་གར་བྱང་ཤར་རྡོ་རྗེ་གླིང་གི་རྒྱ་གར་སྨན་ཁང་ཞིག་ཏུ་ཀིརྟིའི་དབོན་ཆུང་འཇིགས་མེད་ཆོས་འཕེལ་མཆོག་སྐུ་གཤེགས། ཁོང་ནི་དགུང་ལོ་ཧྲིལ་པོ་དགུ་བཅུ་ཟིན་པའི་བགྲེས་སོང་མི་ཚེ་བཟང་མཐའ་ལ་འཁྱོལ་བ་ཞིག་ཡིན་པས་སེམས་ངལ་བྱ་མ་

དེ་ལས་མང་བ་། “ལོ་རྒྱུས་ཐོག་གི་ཀིརྟིའི་དབོན་པོ་མཐའ་མ་དབོན་ཆུང་འཇིགས་མེད་ཆོས་འཕེལ་སྐུ་གཤེགས་པར་མྱ་ངན་ཞུ།” »

འབྲིང་བ་འཇིགས་མེད།

(སྐར་ཁུང་ཞེས་པའི་གཏམ་གླེང་ལེ་ཚན་གྱི་དྲིས་ལན།)

དྲི་བ་དང་པོ། ཁྱེད་རང་མཛོད་དགེ་ཨ་ཁུ་ཉི་མའི་དངོས་སློབ་ཅིག་ཡིན་པའི་ཆ་ནས་ཁྱོད་ལ་བཞག་པའི་བག་ཆགས་ཆེས་ཟབ་པ་དེ་གང་རེད།

ལན། གངས་ཅན་བོད་ཀྱི་སློབ་གསོ་བ་ཆེན་མོ་དགེ་བའི་བཤེས་གཉེན་བཀའ་དྲིན་ཅན་ཨ་ཁུ་ཉི་མ་ཚང་ལ་སློབ་མ་

དེ་ལས་མང་བ་། “སློབ་དཔོན་ཨ་ཁུ་ཉི་མའི་སློབ་གསོའི་ཐབས་ལམ་གླེང་བ།” »

རེ་མདོ་སེངྒེ།

༄༅།། དེ་རིང་ཕྱི་དྲོ་བཀའ་དྲིན་ཅན་གྱི་དགེ་རྒན་སློབ་དཔོན་ཆེན་མོ་ཨ་ཁུ་བློ་བཟང་རྒྱ་མཚོ་མཆོག་སྙུང་གཞིའི་རྐྱེན་པས་སྨན་ཁང་དུ་སྐུ་གཤེགས་པའི་གཏམ་ངན་ཐོས། སྤྱིར་ཉིན་ཤས་གོང་ནས་ཅུང་ཛ་དྲག་གི་གནས་སྟངས་ཆགས་ཡོད་པ་ཐོས་རྗེས། ཉིན་འཆར་ཅན་དུ་ནད་གཡོགས་ཚོར་ཁ་པར་གྱི་ལམ་ནས་གནས་སྟངས་འདྲི་རྟོག་བྱེད་ཀྱི་ཡོད། དགུང་ལོའི་གནས་བབ་དང་གང་ཅིའི་ཐད་ནས་གློ་བུར་དུ་དྲག་སྐྱེད་ཡོང་དཀའ་སྙམ་པ་མ་གཏོགས། འདི་ལྟར་གློ་བུར་དུ་སྐུ་གཤེགས་འགྲོ་བ་སེམས་ལ་ཡང་མ་འཁོར་བས། དེ་རིང་གཏམ་ངན་ཐོས་འཕྲལ་ཕངས་སེམས་དང་སྐྱོ་བའི་གདུང་བ་ཤིན་ཏུ་ལྕི་ཡང་། མི་རྟག་པའི་གནས་ལུགས་དང་འགྲེལ་བཤད་ལ་སེམས་པ་གླན་ནས་རང་སར་དགོངས་རྫོགས་གང་ནུས་རེ་ཞུ་རྒྱུ་ཙམ་ལས་ཐབས་གཞན་གང་ཡང་མ་མཆིས།
དགེ་རྒན་བཀའ་དྲིན་ཅན་ཁོང་ཐུན་མོང་བའི་རིག་གནས་སུམ་རྟགས་དག་གསུམ་དང་། སྒྲ་སྙན་ངག མངོན་བརྗོད་དང་སྡེབ་

དེ་ལས་མང་བ་། “བཀའ་དྲིན་ཅན་གྱི་དགེ་རྒན་ཞིག་སྐུ་གཤེགས་པའི་གཏམ་ངན་ཐོས་རྗེས།” »

འཇམ་དབྱངས་དཀར་པོ།

ས་སྐྱ་ལེགས་བཤད་ཀྱི་འཕྲིན་ལས་དར་བ་ནས་རང་རེའི་ཀུན་གྱི་ཁ་ལ། བལ་པོའི་སེའུ་མ་ཟོས་ཀྱང་།། ཁ་དོག་ཉིད་ལས་བྲོ་བ་ཤེས།། ཞེས་པའི་ཚིག་ཅིག་ཟེར་ལོབས་སུ་སོང་ཡོད། ཡིན་ན་ཡང་དོན་ངོ་མར་འུ་ཅག་གིས་བལ་པོའི་སེའུ་དེ་གང་ལ་ཟེར་བ་དང་ཅི་འདྲ་ཞིག་ཡིན་པ་ཤེས་མེད།

ལོ་མང་པོ་ཞིག་གི་གོང་ལ་བདག་འབྲུག་ཡུལ་དུ་བསྐྱོད། ཉིན་གཅིག་སྲང་ལམ་ནས་ཤིང་ཏོག་བཙོང་བའི་བུ་མོ་ཞིག་གི་ལག་ནས་བལ་སེའུ་རྒྱ་མ་གང་ཉོས་པ་བུ་མོ་དེ་མཛེས་པས་མིན་པར་ང་ཤིང་ཏོག་འདིར་དགའ་བས་ཡིན།

དེ་ལས་མང་བ་། “བལ་པོའི་སེའུ། བལ་སེའུ།” »

འདྲེ་གླེན་པ།

རྒྱལ་སྲས་དུར་མཇུག་བྱས་ཀྱང་། ། རྒྱལ་དར་རོ་ལངས་བརྒྱབ་པས།། ངས་ནི་རྒྱ་མཚོའི་འགྲམ་དུ།།    གངས་དང་ཕ་ཡུལ་དྲན་ནོ།།   
ངེད་གཉིས་ལུང་པ་འདིར་ཡོང་ནས་ལོ་ངོ་དྲུག་མ་ཟིན་ཙམ་ཞིག་སོང་། དེ་རིང་དབྱིན་ཇི་རྒྱལ་སྲསPrince  Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ།  ཞོགས་པ་མཛད་སྒོར་འགྲོ་བའི་ལམ་སྐབས་སུ་སེམས་སུ་དོན་དག་འདྲ་མིན་ཞིག་འཁོར་ཏེ་ཕྱོགས་ཡོངས་ནས་སྐྱོ་གདུང་དྲགས་པོས་རབ་ཏུ་བཙིར།   དེ་རིང་གི་གནམ་གཤིས་ཀྱང་བདག་གི་སེམས་ཁམས་དང་འདྲ་བར་རི་སྔོན་པོའི་ཕྱོགས་ཀུན་སྨུག་སྤྲིན་གྱིས་བཟུང་ཞིང་རླུང་བུ་གྲང་མོ་ཕྱོགས་ནས་ཕྱོགས་སུ་ལྡང་། ཞོགས་པའི་དུས་ཚོད་དགུ་དང་ཕྱེད་མ་ཟིན་ཙམ་ལ་ས་གནས་སྲིད་གཞུང་གི་སྒོར་ཁར་འབྱོར།  

དེ་ལས་མང་བ་། “དབྱིན་ཇི་རྒྱལ་སྲསPrince Philipལགས་ཀྱི་དུར་མཇུག་ཉིན་མོར་མི་སེར་ལག་ཁྱེར་ཐོབ་ཚུལ། (ཉིན་ཐོ།)” »

ཨ་འདུས་སྐལ་བཟང་རྒྱ་མཚོ། 

ཇི་སྐད་དུ། རྒྱུད་ཉི་ཟླ་ཁ་སྦྱོར་ལས། 
དོན་གྱི་ལོ་རྒྱུས་མ་བཤད་ན། །
གསང་ཆེན་བརྙེས་པའི་བཀའ་ཡིན་ཡང་། །
ཡིད་མི་ཆེས་པའི་སྐྱོན་དུ་འགྱུར། །
གྲུབ་ཐོབ་བརྒྱུད་པའི་ལོ་རྒྱུས་བཤད། ། ཅེས་གསུངས་པ་ལྟར། གང་ཟག་དང་། ཡུལ། དུས། བྱ་བའི་འགྱུར་བ་སོགས་དངོས་ཡོད་ཀྱི་བྱུང་བ་རྣལ་མ་དག་ནི། དཔྱོད་ལྡན་ཚོ་དགྱེས་པའི་གཟིགས་མོར་འོས་པ་ཡིན་པས། གཤམ་ནས་སྔོན་དུས་བོད་ཀྱི་བཙན་པོ་རིམ་བྱོན་གྱིས་མཛད་པ་བསྐྱངས་པའི་གནས། མངའ་རིས་སྐོར་གསུམ་གྱི་ནང་ཚན་མང་ཡུལ་ལ་དྭགས་ཀྱི་རིས་མེད་ཆོས་སྡེ་ཁག་གི་གཙུག་ལག་ཁང་རྙིང་མ་རྣམས་དང་། གནའ་མཁར་རྣམས་སུ་མཇལ་སྐབས་རང་གིས་གང་མཐོང་བ་དག་བརྗེད་ཐོར་འགོད་པ་ལ། 

དེ་ལས་མང་བ་། “བཙན་པོའི་ཕ་ས་མངའ་རིས་མར་ཡུལ་ལ་དྭགས་སུ་བསྐྱོད་པའི་ཟིན་ཐོ།” »