༅༅། །ཕྱི་ལོ་ ༢༠༠༨ ལོར་བོད་ས་ཡོངས་ལ་ཞི་བའི་གྱེན་ལངས་བྱུང་ནས་ལོ་གསུམ་འཁོར་བའི་དུས་དྲན་དང་ སུད་སིའི་གྲོང་ཁྱེར་ཇི་ནི་ཝར་ཚོགས་བཞིན་པའི་མཉམ་འབྲེལ་རྒྱལ་ཚོགས་ཀྱི་འགྲོ་ བ་མིའི་ཐོབ་ཐང་ལྷན་ཚོགས་ཐེངས་ ༡༦ ཚོགས་སྐབས་སུ་བོད་ནང་གི་རྩོམ་པ་པོ་གྲྭ་ལྷ་ལྡན་ལགས་ཀྱིས་༼ཚེ་སྲོག་གིས་ བསྐྲུན་པའི་སྐད་ཆ།༽ ཞེས་པའི་དཔེ་དེབ་གཅིག་བོད་ནང་འགྲེམས་སྤེལ་གནང་ཡོད།
དེ་ལས་མང་བ་། “གཞིས་བཞུགས་རྩོམ་པ་པོ་གྲྭ་ལྷ་ལྡན་དང་ཁོང་གི་དེབ༼ཚེ་སྲོག་གིས་བསྐྲུན་པའི་སྐད་ཆ༽” »
རྨ་མགུར་སངས་རྒྱམ།
གོང་ས་༸རྒྱལ་བ་རིན་པོ་ཆེ་མཆོག་གིས་བོད་ཀྱི་སྲིད་དོན་གྱི་གོ་གནས་ལས་དགོངས་པ་ཞུས་ཏེ་བགྲེས་ཡོལ་དུ་ཕེབས་རྒྱུ་ཡིན་པའི་སྐོར་ལ་བོད་ཕྱི་ནང་གཉིས་ཀྱི་མི་དམངས་ཀྱིས་སེམས་ཚོར་ཆེན་པོ་ཞིག་དང་གླེང་གཞི་གཙོ་བོ་ཞིག་ཏུ་གྱུར་ཡོད། དེའི་སྐོར་ལ་སྐུ་ངོ་རྒྱལ་ལོ་དོན་གྲུབ་ལགས་ལ་བཅར་འདྲི་ཞུས་བར། ཁོང་གིས་གསུངས་དོན། རྒྱལ་བ་རིན་པོ་ཆེ་མཆོག་སྤྱི་ལོ་༡༩༣༩་ལྷ་སར་ཕེབས་ཏེ་ཁྲི་འདོན་གནང་བ་དང་དེ་ནས་ལོ་གྲངས་༢༠་རིང་དུ་ནང་ཆོས་རྐྱང་བ་སློབ་གཉེར་གནང་ནས་བཞུགས་པ་རེད། སྤྱི་ལོ་༡༩༥༠་ལོར་ཆབ་སྲིད་ཀྱི་ཐུགས་འགན་བཞེས་ཏེ་ད་ལྟའི་བར་དུ་ལོ་ངོ་༥༠་ལྷག་གི་རིང་དུ་བོད་ཀྱི་སྲིད་དོན་གྱི་ཕྱོགས་ལ་ཐུགས་ངལ་དང་སྐུ་ངལ་ཚད་མེད་བསྐྱོན་ཡོད་པ་རེད།
དེ་ལས་མང་བ་། “སྐུའི་གཅེན་པོ་རྒྱལ་ལོ་དོན་གྲུབ་ལགས་ལ་བཅར་འདྲི།” »
གནས་ཚུལ་ཡོང་ཁུངས་བོད་ཀྱི་བང་ཆེན། འདོན་ཐེངས་ ༼༣༢༣༽
(བཤུ་འགོད་བྱེད་མཁན) རྡ་ས་ནས་་རླབས་སྒྲོན་གྱིས།
༡ བང་ཆེན། སྐུ་ཉིད་སྤྱི་འཐུས་ཀྱི་འོས་མིར་ལངས་དགོས་པའི་རྒྱུ་མཚན་གསུང་རོགས།
ཀླུ་མཁར། བཙན་བྱོལ་བོད་གཞུང་གི་ཆབ་སྲིད་ཀྱི་དབང་ཆ་དང། ཟ་རྒྱུ་འཐུང་རྒྱུ་ཡོད་སའི་ས་ཆ་ཚང་མ་ཁྱིམ་རྒྱུད་ཆེ་ཁག་ཚོས་ཕན་ཚུན་ནང་ཁུལ་ལག་བརྒྱུད་ཀྱིས་སྤྲོད་རྒྱུ་དང་། དེ་བཞིན་མི་ཞིག་གངས་སྐྱིད་ཀྱི་དབང་འཛིན་པ་ག་གེ་མོའི་སྣང་བར་མ་སོང་ན། ཁོང་ཚོས་ཚོགས་པ་སྐྱིད་སྡུག་ཁག་གི་འགོ་བྱེད་ཚོ་བརྒྱུད་དེ། མང་ཚོགས་ནང་འདྲོགས་མགོ་བསླངས་ཐོག་མི་དེ་ཏག་ཏག་བཟོ་ བཞིན་ཡོད་ལ། བྱེད་སྟངས་འདིར་ངས་བལྟས་ཀྱིན་བལྟས་ཀྱིན་ཉོབ་སྣང་སྐྱེ་ཡོང་གི་འདུག མཚམས་རེ་སྤྱི་ཚོགས་ཐེབས་ཆག་འདི་དང་གཏན་ནས་ཁ་བྲལ་ན་བསམ་གྱི་འདུག
བློ་བཟང་རྒྱལ་མཚན་གྱིས་ཕྱི་ཟླ་༣ཚེས་༡ཉིན་ལ།
ཕྱི་ལོ་༢༠༡༡ལོའི་ཕྱི་ཟླ་༣ཚེས་༡ཉིན་ཐོན་པའི་སྐད་ཆ་སོ་མ་ཞིག་སྟེ། མདོ་སྨད་ན་གཞོན་མཐོ་སློབ་པ་ཁག་ཅིག་གིས་རྩོམ་སྒྲིག་བྱས་པའི༼ ཀླུ་མཁར་བྱམས་ཀུན་གླེང༽ཞེས་པའི་དཔེ་དེབ་འདི་འཇིག་རྟེན་འདིར་གསར་དུ་བལྟམས་ཤིང་ད་ལྟ་དྲ་ལམ་བརྒྱུད་དེ་དངོས་སུ་འགྲེམས་སྤེལ་བྱ་རྒྱུ་རེད། དེབ་འདིའི་ནང༼ པེ་ཅིན་མིག་ནང་གི་ཀླུ་མཁར་བྱམས༽དང་། ༼ ངྡ་སའི་མིག་ནང་གི་ཀླུ་མཁར་བྱམས༽༼རྒྱལ་སྤྱིའི་མིག་ནང་གི་ཀླུ་མཁར་བྱམས༽༼ ལུང་ཚན་སྲིད་དོན་པའི་མིག་ནང་གི་ཀླུ་མཁར་བྱམས༽༼ དྲ་འབངས་མིག་ནང་གི་ཀླུ་མཁར་བྱམས༽༼ ཤེས་ཡོན་པའི་མིག་ནང་གི་ཀླུ་མཁར་བྱམས༽༼ གྲོགས་པོའི་མིག་ནང་གི་ཀླུ་མཁར་བྱམས༽༼ འཐབ་གྲོགས་མིག་ནང་གི་ཀླུ་མཁར་བྱམས ༽༼ ཀླུ་མཁར་བྱམས་མིག་ནང་གི་འོས་བསྡུ་ཆེན་མོ༽བཅས་ཚན་པ་དགུ་རུ་ཕྱེ་འདུག་ལ། དེབ་འདི་ལ་ཤོག་ངོས་༣༧༠ ལྷག་ཅིག་ཡོད་པ་རེད།
དེ་ལས་མང་བ་། “བྱ་ལམ་དུ་སོང་བ་ཞིག་ལ༼ ཀླུ་མཁར་བྱམས་ཀུན་གླེང༽དཔར་བསྐྲུན་ལེགས་གྲུབ་བྱུང་།” »
དཔེ་དེབ་འདིའི་རྩོམ་པ་བོ་ནི་ཤིས་ཚང་ལྗང་མྱུག་ཡིན། དེབ་འདི་ནི་ཆག་འཇིག་དགུ་བརྩེགས་ཀྱི་མལ་ན་འཆི་མ་གསོན་དུ་ལྷག་པའི་བོད་མི་རིགས་དང་། ཁ་ཆག་སྣ་རལ་གྱི་ཀློང་ན་བརྩེ་མེད་བདག་མེད་དུ་འཕྱན་པའི་བོད་སྐད་ཡིག་གི་ད་ལྟའི་གནས་བབ་ལ་གཞིགས་པའི་སྔ་ཕྱིའི་བསམ་ཚུལ་ལྷུག་པོར་རམ་འཛེམ་མེད་ཚོམ་མེད་དུ་བརྗོད་པའི་དཔྱད་བརྗོད་དང་འབོལ་རྩོམ་རང་བཞིན་གྱི་དེབ་ཅིག་ཡིན་ལ། དེབ་འདི་ནི་ཁོ་ཕྱི་ལོ་༢༠༠༡ ལོར་གསར་རྩོམ་གྱི་ལམ་བུར་དངོས་སུ་ཞུགས་པ་ནས་ད་བར་བརྩམས་པའི་དེབ་ཕྲེང་ལྔ་བ་ཡིན།
རྔ་བ་ཚེ་སྐྱིད་ནས་མཚམས་སྤྱོར་བྱས།
དེབ་མིང་། རྒྱང་འཕེན་པའི་སྙིང་སྟོབས།
རྩོམ་པ་པོ། རྣོ་སྦྲེང་།
དཀར་ཆག
ལེའུ་དང་པོ། ཆོས་ལུགས་དང་ཉལ་ཐ།
༡༽ རྒྱང་འཕེན་པའི་སྙིང་སྟོབས། ༢༽ ང་ལ་དཀོན་མཆོག་མི་དགོས། ༣༽ ཇོ་བོ་ས་རེད། མཇལ་བ་མྱི་རེད། ༤༽ ཆོས་སྐད་ཁྲོད་ཀྱི་བོད་མྱི། ༥༽ བོད་ཀྱི་ལེགས་བཤད་བསྟན་བཅོས། མྱ་ངན་གྱི་དབུགས་རིང་ཞིག ༦༽ གདོད་མིའི་གྲུབ་ཆ་དོད་པའི་རི་གྲོང་གི་གྲྭ་པའི་སྤྱི་ཚོགས། ༧༽ འོ་སྐོལ་གྱི་སྐྱབས་བཅོལ་གྱི་འདུ་ཤེས་མཇུག་རྫོགས་ན་རེད། ༨༽ བསྡུས་གྲྭ་སྦྱངས་པའི་ནག་ཉེས།
དགེ་བཤེས་དགེ་འདུན་མཐར་ཕྱིན་གྱིས་བརྩམས། དཀར་ཆག བོད་ཀྱི་དགའ་ལྡན་རྒྱལ་རོང་ཁམས་ཚན། དགེ་འདུན་པ་རྒྱ་གར་དུ་བཙན་བྱོལ། རྒྱ་གར་དགའ་ལྡན་རྒྱལ་རོང་ཁམས་ཚན། དེང་སང་བོད་ནང་དགའ་ལྡན་རྒྱལ་རོང་ཁམས་ཚན། མཇུག་བསྡུ། ༄༅། །དགའ་ལྡན་རྒྱལ་རོང་ཁམས་ཚན་ནི་བོད་དབུས་ཀྱི་གདན་ས་དགའ་ལྡན་གྱི་ཡ་གྱལ་བྱང་རྩེ་གྲྭ་ཚང་གི་ཁོངས་སུབཞུགས་པ་རྗེ་ཙོང་ཁྭ་པའི་དངོས་སློབ་རྒྱལ་རོང་ཚྭ་ཁོ་དབོན་པོ་ངག་དབང་གྲགས་པས་རྗེའི་ལུངས་བསྟན་ལྟར་རྒྱལ་མོ་ཚ་བ་རོང་ཡུལ་ཁམས་སུ་དགོན་པ་མང་པོ་ཕྱག་བཏབ་པའི་གྲ་རྒྱུན་རྣམས་བོད་དབུས་དགའ་ལྡན་གདན་སར་གཞུང་ཆེན་སློབ་གཉེར་ཆེད་ཡོང་སྐབས་ཀྱི་གནས་ཁུངས་སུ་ཆགས་པ་ཞིག་ཡིན། རྒྱལ་མོ་ཚ་བ་རོང་ལ་ཕྱིས་སུ་བོད་ནང་རྒྱལ་རོང་རྒྱལ་ཁག་བཅོ་བརྒྱད་ཟེར་བ་དང་འགའ་ཞིག་ནས་རྒྱལ་རོང་རྫོང་ཁག་བཅོ་བརྒྱད་ཀྱང་ཟེར་མཁན་ཡོད། ༼ཞིབ་ཏུ་གཤམ་གྱི་འབྲེལ་ཐག་ནས་གཟིགས།༽ ga-gyal-lo-gyue1
བོད་ཀྱི་རྒྱལ་རབས་ཕྱོགས་བསྡུས།
ཕྱོགས་སྒྲིག་བྱེད་མཁན། སྐུ་ནོར་སྐལ་བཟང་རྒྱ་མཚོ།
དཀར་ཆག
༡། བོད་དང་བོད་ཀྱི་རིག་གཞུང་ངོ་སྤྲོད།
༢། ཕྱི་ལོ་མ་བྱུང་གོང་ལོ་ ༡༢༧ ནས་ཕྱི་ལོ་ ༡༩༥༩ ལོར་རྒྱ་དམར་གྱིས་བོད་བཙན་བཟུང་བྱས་པའི་བར་གྱི་བོད་ཀྱི་རྒྱལ་རབས་ལོ་རྒྱུས།
༣། བོད་རང་བཙན་གཙང་མ་ཡིན་པའི་རང་བཙན་ཁུངས་སྐྱེལ།
༤། དབུ་མའི་ལམ།
༼ྋསྐུ་སྒེར་དྲ་ཚིགས་ལས་དྲངས།༽
ཕྱི་ཟླ་དང་པོའི་ཚེས་བཞི་ཉིན།
ཝང་ལི་ཞོང་གིས་འཚམས་འདྲི་ཞུས་པ། ཏཱ་ལའི་བླ་མ་མཆོག་ལ་ཕྱི་ལོའི་ལོ་གསར་གྱི་འཚམས་འདྲི་ཞུ་བ་དང་ཆབས་ཅིག་ང་ཚོ་ཕན་ཚུན་རྒྱང་ཐག་རིང་པོའི་སར་ཡོད་ཀྱང། དྲྭ་རྒྱ་ཡོད་པའི་དབང་གིས་ཐག་ཉེ་པོ་ཆག་པའི་ཚོར་སྣང་བྱུང། དེ་རིང་འདིར་རྒྱ་རིགས་ཁྲིམས་རྩོད་པ་གྲགས་ཅན་ཐུན་པེའོ་དང་། ཅཱང་ཐེན་ཡུང་གཉིས་མཉམ་བཞུགས་གནང་ཡོད། ཁོང་གཉིས་ནི་རྒྱ་མི་རིགས་ཀྱི་དམངས་གཙོ་དང་རང་དབང་ཆེད་དུས་ཡུན་རིང་པོར་ཁྲིམས་རྩོད་བྱེད་མཁན་ཡིན་པ་མ་ཟད། ཕྱི་ལོ་ ༢༠༠༨ ལོར་བོད་ནང་གནད་དོན་བྱུང་སྐབས་ཐེན་པེའོ་ལྟ་བུར་མཚོན་ན་ཨང་དང་པོར་བོད་རིགས་ལ་ཁྲིམས་རྩོད་ཀྱི་རོགས་པ་བྱེད་ཀྱི་ཡིན་ཞེས་ཡོངས་ཁྱབ་གསལ་བསྒྲགས་ཀྱང་སྤེལ་ཡོད། དེ་བཞིན་ཁོང་གཉིས་ནི་བོད་ཀྱི་གནད་དོན་ཐག་གཅོད་བྱེད་རྒྱུའི་བསམ་འཆར་དོན་ཚན་བཅུ་གཉིས་འདོན་མཁན་རྒྱ་རིགས་ཤེས་ཡོན་ཅན་གྱི་གྲས་ཡིན་པ་དང་།
བཅར་འདྲི་བྱེད་མཁན། ཉི་མ་འཚོ། (ནོར་གླིང་།)
དྲི་བ། མིག་ཆུ་ནག་པོ་ཞེས་པའི་ཆེད་དེབ་འདི་ངོ་སྤྲོད་མདོར་བསྡུས་ཤིག་གནང་རོགས།
ལན། མིག་ཆུ་ནག་པོ་ཞེས་པའི་མྱ་ངན་གྱི་ཆེད་དེབ་འདི་ཕྱི་ལོ་ ༢༠༡༠ ཟླ་ ༨ ཚེས་ ༨ ཉིན་ལ། མདོ་སྨད་ཐེ་བོ་འབྲུག་ཆུ་ས་ཁུལ་དུ་རི་ཉིལ་ཆུ་ལོག་གི་གནོད་སེམས་འོག་གི་འདས་པོ་ཚོར་བསྔོ་སྨོན་མཆོད་འབུལ་དང། ཤུལ་ལུས་ཡུལ་མི་སྤུན་ཟླ་ཚོར་སེམས་གསོ་དང་གདུང་སེམས་མཉམ་བསྐྱེད་མཚོན་བྱེད་དུ་དཔར་བསྐྲུན་འགྲེམས་སྤེལ་བྱས་པ་ཞིག་ཡིན། དེ་བཞིན་མྱ་ངན་ཆེད་དེབ་འདིའི་ནང་ལ་ྋགོང་ས་ྋསྐྱབས་མགོན་ཆེན་པོ་མཆོག་དང༌། སྐྱབས་རྗེ་ཀིརྟི་རིན་པོ་ཆེ། བོད་མི་མང་སྤྱི་འཐུས། བོད་གཞུང་བཀའ་ཤག་བཅས་ནས་གནོད་ཐེབས་མང་ཚོགས་ལ་ཐུགས་གསོའི་འཚམས་འཕྲིན་གནང་བ་ཁག་སྐོར་ཚན་གཅིག་དང༌། ལོ་རྒྱུས་ཀྱི་ངོས་ནས་ཐེ་བོ་གླེང་བ་ཞེས་པར་ཐེ་བོ་སྤྱི་དང་བྱེ་བྲག་ཐེ་སྨད་འབྲུག་ཆུ་ངོ་སྤྲོད་དང་དེ་འབྲེལ་གྱི་དཔྱད་རྩོམ་སྐོར་ཚན་གཅིག དེ་ནས་གནོད་ཐེབས་ལ་ཕུལ་བའི་རྩོམ་ལུས་འདྲ་མིན་གྱི་རྩོམ་ཡིག་དང་མྱ་ངན་གླུ་ཚིག་གི་སྐོར་ཚན་གཅིག མཇུག་ནས་ཆུ་ལོག་གནོད་ཐེབས་སྐབས་བྱེས་ནས་མྱ་ངན་མཆོད་འབུལ་ཅི་བྱས་ངོ་སྤྲོད་དང༌། ཆུ་ལོག་གི་འབྱུང་རྐྱེན་ལ་མཁས་པ་ཚོས་བརྒྱུད་ལམ་འདྲ་མིན་གྱི་ལམ་ནས་བཏོན་པའི་དཔྱད་འབྲས་ཕྱོགས་བསྡུས་དང༌། མཇུག་གཏམ་ཐུང་ཐུང་བཅས་ཀྱིས་གྲུབ་པའི་མྱ་ངན་ཆེད་དེབ་ཅིག་ཡིན།
དེ་ལས་མང་བ་། “མིག་ཆུ་ནག་པོ་ཞེས་པའི་ཆེད་དེབ་ཀྱི་རྩོམ་སྒྲིག་པ་འབྲོང་དར་རྒྱས་ལགས་སུ་བཅར་འདྲི།” »
གནས་ཚུལ་མཁོ་གཏོང་བ་རྨོག་རུ་བསྟན་པ།
བོད་ཀྱི་གསོ་རིག་བང་ཆེན་གསར་ཤོག་གི་རྩོམ་སྒྲིག་པ་བུ་མོ་སྒྲོལ་དཀར་ནི་ར་ཤི་ཡའི་ཁོངས་གཏོགས་ཨོ་ལན་བོ་རྡེ་ནས་ཡིན་པ་དང་།ས་གནས་ཀྱི་སློབ་གྲྭ་ཆུང་འབྲིང་བརྒྱུད་མཐོ་རིམ་སློབ་གྲྭ་ཐོན་རྗེས་ཚོང་གཉེར་ལས་རིགས་སུ་ཞུགས།དགུང་གྲངས་དགུ་བཅུར་སོན་པའི་ཁོ་མོའི་སྤོ་པོ་ནི་༸གོང་ས་བཅུ་གསུམ་པའི་མཚན་ཞབས་ངག་དབང་རྡོ་རྗེ་ཡབ་སོགས་དང་འབྲེལ་འདྲིས་ཆེ་བའི་མི་ཞིག་ཡིན་པ་དང་།ཁོ་མོའི་ཨ་མ་ནི་བུད་མེད་རྩོམ་པ་པོ་ཞིག་རེད།
དེ་ལས་མང་བ་། “བོད་ཀྱི་ནང་ཆོས་དང་གསོ་རིག་གིས་ང་ཚོའི་ལོ་རྒྱུས་ལ་ཤུགས་རྐྱེན་ཆེན་པོ་ཐེབས་ཡོད།” »
བཅར་འདྲི་བྱེད་མཁན། ཉི་མ་འཚོ
དྲི་བ། ཐོག་མར་ཁྱེད་ཀྱིས་རང་ཉིད་ངོ་སྤྲོད་ཅིག་གནང་རོགས།
ལན། ངའི་མིང་ལ་སུའུ་ནེ་ཏ་ཟེར་གྱི་ཡོད། ཕྱིས་སུ་དགེ་བཤེས་སྟོབས་རྒྱལ་ལགས་ཀྱིས་བློ་བཟང་སྒྲོལ་དཀར་ཟེར་བའི་བོད་མིང་ཞིག་གནང་བྱུང༌། དེ་ནས་བཟུང་བོད་པ་ཚང་མས་ང་ལ་སྒྲོལ་དཀར་ཟེར་གྱི་ཡོད། ང་རྒྱ་གར་ལྷོ་ཕྱོགས་མོན་གྷོ་ཊི་ནས་སྐྱེས་ཤིང༌། ཆུང་དུས་འཛིན་རིམ་ལྔ་པ་བར་སློབ་གྲྭར་འགྲོ་མྱོང༌། དེའི་རྗེས་སུ་པ་ལགས་གྲོངས་ཏེ་སློབ་གྲྭར་འགྲོ་སྐལ་མ་ལྡན་པ་མ་ཟད། ཁང་བ་དང་ས་ཞིང་ཚང་མ་ཤོར་ཏེ་ཨ་མ་དང་ནུ་མོ། ནུ་བོ་ང་ཚོ་བཞི་ཆགས་ས་བརྟེན་ས་མེད་པར་གྱུར་སོང༌། ངས་ཨ་མ་ལ་རོགས་པ་བྱས་ཏེ་ནུ་བོ་ནུ་མོ་གཉིས་ལ་བདག་སྐྱོང་བྱས་པ་ཡིན་མོད། ང་རང་ལོ་ན་ཆུང་བ་དང་ང་ཚོའི་འཚོ་བ་སྐྱོ་བས་ཡུན་རིང་མ་འགོར་བར་ནུ་བོ་ནུ་མོ་གཉིས་ཀྱང་གྲོངས་སོང༌། ཨ་མས་སྐྱོ་སྡུག་འདི་མ་ཐེག་པར་སེམས་པ་བདེ་བོ་མེད་པར་ཆགས་ནས་ང་ལའང་ལྟ་རྟོགས་བྱེད་མཁན་མེད་པར་གྱུར་སོང༌། སྐབས་དེར་ང་མི་ཚང་གཞན་གྱི་གཡོག་མོར་རྒྱུགས་ནས་གྲོད་ཁོག་རྒྱག་ཐབས་བྱས་པ་ཡིན། དེ་ནས་ཡུན་རིང་མ་འགོར་བར་སྲུ་མོས་གྷོ་བ་ལ་ཁྲིད་དེ་མོའི་ཕྲུ་གུ་ལ་བདག་སྐྱོང་དང་ཁྱིམ་ལས་ཙག་ཙིག་ལས་ཏེ་གྲོད་ཁོག་རྒྱགས་ཐབས་བྱས་པ་ཡིན། ཕྱིས་སུ་ལམ་འགྲམ་གྱི་ཆུ་སྦུག་བརྐོ་ས་ཞིག་ནས་ལས་ཀ་གཉེར་ཏེ་ཟླ་རེར་ཧིན་སྒོར་༢༠རེ་བླངས་མྱོང་བ་ནི་མི་ཚེ་འདིའི་ཡོང་སྒོ་ཐོག་མ་ཡིན། དེའི་རྗེས་སུ་ཡང་བསྐྱར་མི་ཚང་གཞན་གྱི་གཡོག་མོར་རྒྱུགས་པ་ཡིན་མོད།
དེ་ལས་མང་བ་། “བོད་ལ་ལོག་རྒྱུའི་གོ་སྐབས་ཤིག་ཤར་ན། ཡིན་དང་ཡིན་ང་བོད་ལ་ལོག་རྒྱུ་ཡིན།” »
{བཀའ་ཁྲིའི་འོས་མི་སྐུ་ཞབས་བཀྲས་མཐོང་བསྟན་འཛིན་རྣམ་རྒྱལ་མཆོག་ནས་ཊི་པི་ཨར་(Tibetan Political Review)གྱི་བཀའ་ཁྲི་དང་འབྲེལ་བའི་དྲི་བ་ཞུས་པ་ཁག་ལ་ལན་འདེབས་གནང་བ་གཤམ་གསལ།}
མཁོ་སྤྲོད་པ་བསྟན་འཛིན་འཇིགས་མེད།
སྤྱིར་བཏང་།
དྲི་བ། ༡༽ བཀའ་བློན་ཁྲི་པ་ནི་འཛིན་སྐྱོང་ཡིག་ཚང་ནང་གི་གོ་གནས་མཐོ་ཤོས་དེ་ཆགས་ཀྱི་ཡོད། སྐུ་ངོ་མཆོག་ནས་རང་ཉིད་ཀྱི་གནས་འབབ་ལ་གཞིགས་ནས་གོ་གནས་དེའི་ཐོག་ཇི་ལྟར་ཞབས་ཞུ་བསྒྲུབ་ཐུབ་པར་དགོངས་སམ།
བཀའ་ལན། ངོས་ནས་འགོ་འཁྲིད་ཀྱི་གོ་དབང་དང་། ལྷག་བསམ། ཉམས་མྱོང་བཅས་ཀྱི་སྒོ་ནས་ཞབས་ཞུ་སྒྲུབ་རྒྱུ་ཡིན། ངོས་ནས་བོད་གཞུང་གི་དབྱིན་དྲུང་ནས་བཀའ་བློན་གྱི་བར་ལས་ཀའི་ངོ་བོ་སྣ་ཚོགས་ཐོག་རྡ་ས་དང་ཕྱི་རྒྱལ་ཁག་ཏུ་ཡོད་པའི་རང་གཞུང་གི་ལས་ཁུངས་ཁག་ནང་ཞབས་ཕྱི་ཞུས་ཡོད་ལ། གཞན་ཡང་ཚོགས་སྡེ་སྣ་ཚོགས་དང་སྤྱི་ཚོགས་ཞབས་ཞུ་དང་འབྲེལ་བའི་ལས་རིགས་ཁག་གི་འགན་འཁུར་ཡང་ལན་མང་ཞུ་མྱོང་ཡོད། ངོས་ནས་ད་བར་དེ་ལྟར་ཞབས་ཕྱི་ཞུ་སྐབས་ཕན་འབྲས་མི་དམན་པ་བྱུང་བར་འདོད་བློ་ཚིམ་པའི་བསྔགས་བརྗོད་ཐོབ་ཐུབ་པ་བྱུང་།
ཉམས་མྱོང་དེ་དག་གི་བརྒྱུད་ངོས་ནས་དབུ་འཁྲིད་དང་མཁས་དབང་ཁག་དང་འབྲེལ་ལམ་གྲོས་བསྡུར་བརྒྱུད་ང་ཚོའི་གནས་ཚུལ་དང་དཀའ་ངལ་ལ་གདོང་ལེན་བྱེད་རྒྱུའི་སྲིད་བྱུས་བཟང་པོ་འདིང་རྒྱུའི་གདེང་ཚོད་རྙེད་བྱུང། ངོས་ནས་མི་མང་གི་དཀའ་ངལ་དང་དགོས་མཁོ་བཅས་ལ་བློ་རྒྱ་ཡངས་པོ་བྱེད་རྒྱུ་བྱུང་། དཀའ་ངལ་བསྟུད་མར་གནས་པའི་གནས་ཚུལ་རིགས་ལ་སེལ་ཐབས་ཀྱི་ཐབས་ལམ་འཚོལ་བ་སོགས་སྤྱི་ཚོགས་ནང་འགོ་འཁྲིད་དང་མདུན་བསྐྱོད་བྱེད་རྒྱུ་བཅས་ལ་ཞབས་འདེགས་མི་དམན་པ་བསྒྲབས་ཡོད།
དེ་ལས་མང་བ་། “བཀའ་ཁྲིའི་འོས་མི་བཀྲས་མཐོང་བསྟན་འཛིན་རྣམ་རྒྱལ་ལ་བཅར་འདྲི།” »
འབྲོང་བུ་ཟླ་བ་ཚེ་རིང་།
ཕྱི་ལོ་༢༠༡༠ལོའི་ཕྱི་ཟླ་༡༠ ཚེས་༣༠ཉིན་རང་ཉིད་དང་ཁ་བྲལ་ནས་ལོ་ངོ་བཅུ་གཅིག་ཙམ་འགོར་བའི་གྲོགས་མཆོག་ཞིག་ལ་དྲ་ལམ་ནས་བོད་ནང་གི་༼བོད་ཀྱི་སྐད་ཡིག་གི་བདག་དབང་དང་འབྲེལ་བའི་སློབ་མའི་ངོ་རྒོལ་གྱི་སྐོར་༽ལ་གླེང་སློང་བྱུང་བ།
ཁོ། ཁྱེད་ཀྱིས་སློབ་ཕྲུག་གི་ངོ་རྒོལ་སྐོར་གྱི་གནས་ཚུལ་དེ་གོ་སོང་ངམ།
ང། གོ་སོང་། སྔོན་མ་ནས་གོ་སོང། ངོ་རྒོལ་གྱི་གནས་ཚུལ་བྱུང་མ་ཐག་འདི་ཡུལ་གྱི་དྲ་ལམ་དང་གསར་འགྱུར་ཚང་མ་ན་གླེང་སློང་བྱེད་བཞིན་འདུག འདིའི་སྐོར་ལ་རྒྱབ་སྐྱོར་གྱི་ལས་འགུལ་སྣ་ཚོགས་སྤེལ་བཞིན་འདུག་ལ་མཉམ་འབྲེལ་རྒྱལ་ཚོགས་སུ་སྙན་ཞུ་འབུལ་བའི་སྟ་གོན་བྱེད་བཞིན་འདུག གཟའ་འཁོར་འདི་དག་གི་རིང་ལ་བོད་པའི་གསར་འགྱུར་གཙོ་བོ་དེ་འདི་རེད། འདིའི་སྐོར་ལ་བགྲོ་གླེང་ཡང་ཤུགས་ཆེན་པོ་བྱེད་བཞིན་འདུག
དེ་ལས་མང་བ་། “མཚོ་སྔོན་དུ་བོད་ཡིག་ལ་བརྟེན་ནས་སློབ་ཁྲིད་སྔར་བཞིན་བྱེད་བཞིན་འདུག” »
བཅར་འདྲི་བྱེད་མཁན། ལྕགས་མོ་འཚོ།
དྲི་བ། ཐེངས་འདིར་འབྲུག་ཆུ་རྫོང་གི་ཆུ་ལོག་འདམ་རུད་ཀྱི་གནོད་འཚེའི་ཁྲོད་ཁྱེད་ཀྱི་གྲོང་ཚོ་དང་ནང་མིར་གནོད་འཚེ་བྱུང་ཡོད་དམ།
ལན། ཐེངས་འདིར་ངའི་ཕ་ཡུལ་ལ་གནོད་འཚེ་བྱུང་མེད། གཙོ་བོ་འབྲུག་ཆུ་རྫོང་མཁར་དུ་གནོད་འཚེ་བྱུང་བ་རེད། ངའི་ནང་མི་དང་གྲོགས་པོ་ཚོར་ཡང་གནོད་འཚེ་གང་ཡང་བྱུང་མེད།
དྲི་བ། ཐེངས་འདིའི་གནོད་ཚེའི་ཁྲོད་གཞུང་ཕྱོགས་ནས་མི་ཆིག་སྟོང་ལྷག་རྐྱེན་འདས་ཕྱིན་ཚུལ་དང་ས་གནས་མང་ཚོགས་ཁྲོད་ཁྲི་ལ་ཉེ་བ་གྲོངས་ཚུལ་བཤད་ཕྱོགས་གཉིས་ཡོད་པས་། ཁྱེད་ཐོས་པ་དང་མང་ཚོགས་ནང་གང་འདྲ་བཤད་ཀྱི་འདུག
ལན། མི་གྲངས་ཆིག་སྟོང་རྐྱེན་འདས་ཕྱིན་པ་ཟེར་བ་དེ་གཞུང་ཕྱོགས་ཀྱི་ཆེས་ཉུང་བའི་གྲངས་ཀ་རེད། ས་གནས་མང་ཚོགས་ཀྱིས་མི་གྲངས་བདུན་སྟོང་བརྒྱད་སྟོང་རྐྱེན་འདས་ཕྱིན་པར་ཡིད་ཆེས་བྱེད་ཀྱིན་འདུག
དེ་ལས་མང་བ་། “མདོ་སྨད་འབྲུག་ཆུའི་གནོད་ཁུལ་གྱི་བོད་མི་གཞོན་སྐྱེས་ཤིག་གི་སེམས་གཏམ།” »
འཇིགས་མེད་བཀྲ་ཤིས་ཀྱིས། ————– ༄༅།། ངག་གི་སྦྱོར་བ་སྟོན་པའི་བསྟན་བཅོས་ཁྲོད། ། ངག་གི་ལྷ་བཞིན་ཚད་མར་འཛིན་པ་ཡི། ། ངག་གི་མུན་སེལ་དག་ཡིག་ངག་སྒྲོན་ལས། ། ངག་གི་འོད་སྣང་ཕྱོགས་བཅུར་འཕྲོ་གྱུར་ཅིག ། (རྩོམ་ཡིག་འདི་རིང་དྲགས་སྟབས། ཐད་ཀར་ཡིག་གཟུགས་སུ་ཤར་བ་ཞིག་ཡོང་མི་འདུག དགོངས་འགལ་མེད་པ་ཞུ། གཤམ་གྱི་འགྲེལ་ཐག་ན་…
བཅར་འདྲི་ཞུ་ཡུལ། ཆབ་སྲིད་བཙོན་ཟུར་ངག་དབང་ཆོས་འཕེལ།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།
དང་པོ། ཐོག་མར་ཁྱེད་རང་ངོ་སྤྲོད་ཞིག་གནང་ན་འགྲིག་གམ།
ལན། ངའི་མིང་ལ་ངག་དབང་ཆོས་འཕེལ་ཟེར། སྐྱེས་ས་རྒྱ་གར་ལྷོ་ཕྱོགས་ཡིན། འཚར་ལོངས་ཡང་དེ་རུ་བྱུང་བ་རེད།
བོད་གཞུང་ཟློས་གར་ནས་བོད་པའི་གཞས་སྣ་ཞབས་བྲོའི་ཐོག་ལ་སློབ་ཐོན་བྱས་རྗེས། ཕྱི་ལོ་༡༩༩༣ལོར་བོད་གཞུང་གི་སློབ་ཡོན་བརྒྱུད་ཨ་རིའི་གཙུག་ལག་སློབ་ཁང་(Middlebury)ལ་སློབ་སྦྱོང་བྱེད་དུ་ཕྱིན་པ་ཡིན།
ང་རང་ཆུང་ཆུང་ཡིན་དུས་ནས། རང་གི་ཕ་ཡུལ་བོད་ལ་ཐེངས་གཅིག་འགྲོ་དགོས་བསམ་པའི་འདུན་པ་འགོག་ཐབས་མེད་པ་ཞིག་ཡོད། ང་རང་འཚར་ལོངས་བྱུང་ས་བཙན་བྱོལ་ཡིན་རུང།
བོད་ལ་འགྲོ་ཐུབ་ན་བསམ་པའི་རྨི་ལམ་འདྲ་ཞིག་དུས་རྒྱུན་ཏུ་སོ་སོའི་སེམས་ལ་ཡོད། དེར་བརྟེན། ༡༩༩༥ལོའི་ཕྱི་ཟླ་༧པར་། གྲོགས་པོ་ཨ་རི་བ་ཞིག་དང་མཉམ་དུ་བོད་ལ་ཕྱིན་པ་ཡིན།
བོད་ཀྱི་དམངས་ཁྲོད་གླུ་གཞས་ཁག་བསྡུ་རུབ་ཐུབ་ན་བསམ་ནས་བོད་ལ་ཕྱིན་པ་ཡིན། དམངས་ཁྲོད་གླུ་གཞས་ཀྱི་སྐོར་ལ་གློག་བརྙན་ཞིག་བཟོ་འདོད་ཀྱི་བསམ་བློ་ཡང་དེ་དུས་ནས་ཡོད་།
འོན་ཀྱང་། ལོ་དེའི་ཕྱི་ཟླ་༩བར། གཞིས་ཀ་རྩེ་ནས་ང་རྒྱ་ནག་གིས་འཛིན་བཟུང་བྱས་བ་རེད།
དེ་ལས་མང་བ་། “དབྱངས་ལ་ཐིམ་པའི་བོད། ཐོན་ལ་ཉེ་བའི་གློག་བརྙན་ཞིག” »
དྲི་བ། ད་ལྟའི་སྐབས་ཁྱེེད་རང་བཀའ་བློན་ཁྲི་པའི་འོས་གཞིའི་ནང་མིང་འདོན་བྱེད་མཁན་གང་མང་ཞིག་ཡོད་པས། འདིའི་ཐད་ལ་ཚོར་སྣང་ག་རེ་འདུག་གམ།
ལན། ངའི་མིང་བཀའ་ཁྲིའི་འོས་གཞིའི་ནང་ཐོན་པར་གུས་བརྩི་བྱེད་ཀྱི་ཡོད་ལ།ང་ལ་རྒྱབ་སྐྱོར་དང་སྐུལ་ལྕག་གནང་མཁན་བོད་མི་ཚོར་སྙིང་ནས་བཀའ་དྲིན་ཆེ་ཞེས་ཞུ་འདོད་བྱུང་། བཀའ་བློན་ཁྲི་པའི་འོས་འཕེན་ནང་རྒྱལ་ཁ་ཐོབ་ཀྱང་རུང་མ་ཐོབ་ཀྱང་རུང།ད་ལྟའི་སྐབས་ངས་བོད་ཀྱི་རྩ་དོན་གྱི་ཆེད་དུ་ལས་ཀ་བྱེད་བཞིན་པ་ལྟར།མ་འོངས་པར་བོད་མི་དེ་དག་གི་རེ་བ་བཞིན་བོད་ཀྱི་རྩ་དོན་གྱི་ཆེད་དུ་ལས་ཀ་གང་ཐུབ་པ་དེ་བྱེད་ཀྱི་ཡིན།
ཏཱ་ལའི་བླ་མའི་དྲ་དེབ་ནས་བསྒྱུར། ནགས་ཤོད་སད་མི།
1 ༸ སྐྱབས་མགོན་མཆོག་ལ་ཞུ་རྒྱུར། གོང་ས་མཆོག་སྐུ་འཚོ་བཞུགས་རིང་རྒྱ་ནག་གཞུང་དང་ཞི་འགྲིག་ཡོང་རྒྱུར་ཧ་ཅང་དཀའ་མོ་རེད། ཁྱེད་སྐུ་འཚོ་བཞུགས་མེད་ཚེ་ཅུང་ཟད་ཐལ་ཆ་ཅན་གྱི་གཞོན་ནུ་ཚོགས་པས ༸ གོང་ས་མཆོག་གི་བཏང་འཛིན་མེད་པའི་སྐབས་དང་བསྟུན་འཇིགས་སྐུལ་གྱི་ལས་གཞི་རྒྱ་ཆེན་པོ་སྤེལ་སྲིད་པ་རེད། ང་ཚོས ༸ གོང་ས་མཆོག་ཞི་བདེ་ལ་དགའ་བ་ཧ་གོ་གི་ཡོད། ཡིན་ནའང་། བོད་ཀྱི་གཞོན་ནུ་ཚོགས་པ་ཐལ་སྤྱོད་ལ་འགྲོ་རྒྱུར་ག་འདྲ་བྱས་ནས་འགོག་དགོས་པ་རེད། དེར་ཐབས་ཇུས་འདྲ་ཡོད་དམ།
༸ གོང་ས་མཆོག་ནས། སྤྱིའི་ཆ་ནསབཤད་ན། ཕྲན་མེད་པ་ཆགས་ནའང་བཙན་བྱོལ་བོད་ཀྱི་སྒྲིག་གཞི་དང་། ལྷག་པར་དུ་སློབ་གསོའི་མ་ལག་སྔར་བཞིན་མུ་མཐུད་གཉེར་སྐྱོང་དང་འཕེལ་རྒྱས་གཏོང་གི་རེད། གལ་ཆེའི་གནད་དོན་གཞན་ཞིག་ནི་ནང་ཆོས་བརྒྱུད་འཛིན་བྱ་རྒྱུ་དེ་རེད། མིག་སྔར་ནང་པའི་ཆོས་བརྒྱུད་ཁག་ཏུ་མི་ལོ་ཉི་ཤུ་དང་སུམ་ཅུ་ཙམ་ནང་ཆོས་ལ་སློབ་གཉེར་བྱས་ནས་ཆོས་ལུགས་དབུ་ཁྲིད་འཁུར་ཐུབ་པའི་མི་སྣ་ཕུལ་བྱུང་ཁག་ཅིག་ཐོན་བཞིན་ཡོད། འཛིན་སྐྱོང་རྩ་འཛུགས་ངོས་ཕྱོགས་ནས་བཤད་པ་ཡིན་ན། འདས་པའི་ལོ་བཅུའི་རིང་ཕྲན་ཕྱེད་རྒན་ཡོལ་བྱས་ནས་བསྡད་ཡོད། དེས་ན་ཆབ་སྲིད་ཐད་ཀྱི་གལ་ཆེའི་གནད་དོན་ཁག་བདམས་ཐོན་བྱུང་བ་འི་མགོ་ཁྲིད་ཀྱིས་ཐག་གཅོད་བྱ་རྒྱུ་རེད། མ་འོངས་པ་ན་ཡང་འདི་ལྟར་རྒྱུན་མཐུད་བྱ་རྒྱུ་རེད། བོད་ཀྱི་གཞོན་ནུ་ལྷན་ཚོགས་གིས་གཙོས་པའི་ཚོགས་པ་ཁག་ཅིག་གིས་ངའི་དབུ་མའི་ལམ་ལ་སྐྱོན་བརྗོད་བྱེད་ཀྱི་ཡོད། ཁོང་ཚོས་བོད་རང་བཙན་གཙང་མ་ཞིག་མངོན་འདོད་བྱེད་ཀྱི་ཡོད། འདི་ལྟ་བུའི་སྐད་སྒྲ་དེ་ཉེ་བའི་ཆར་ཅུང་གཞི་རྒྱ་ཆེ་རུ་ཕྱིན་ཡོད། ཁོང་ཚོར་ལེ་ལན་འདེད་ས་མེད། གང་ལགས་ཤེ་ན། ང་ཚོས་ཕན་ཚུན་རོགས་རེས་བྱས་ནས་འབད་བརྩོན་བྱས་པ་མཐའ་དག་དོན་དངོས་ཀྱི་འབྲས་བུ་ཅི་གང་ཐོན་མེད་པས་རེད། དེའི་རྐྱེན་གྱིས་ཁོང་ཚོའི་བསམ་འཆར་རྣོ་ངར་ཇེ་ཆེ་རེད། ཡིན་ནའང་། བརྒྱ་ཆ་དགུ་བཅུ་གོ་དགུ་ཙམ་གྱི་མི་རྣམས་ཀྱིས་འཚེ་མེད་ཞི་བདེའི་ལམ་བུར་ཡིད་རྟོན་བྱེད་ཀྱི་ཡོད་པ་ཧ་ཅང་གསལ་པོ་ཡིན་པས་ཁྱོད་ཚོ་སེམས་ངལ་བྱ་མི་དགོས།
དེ་ལས་མང་བ་། “༸ གོང་ས་མཆོག་གིས་རྒྱ་ནག་གི་ཋེ་ཋེར་དྲ་གྲོགས་དང་ལྷན་དུ་དྲི་བ་དྲིས་ལན་ཐེངས་གཉིས་པ་མཛད།” »
བཅར་འདྲི་ཞུ་ཡུལ། དོན་གྲུབ་ཚེ་རིང་།
བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས།
༡ ཁྱེད་རང་ངོ་སྤྲོད་མདོར་བསྡུས་ཤིག་གནང་ན་འགྲིག་གམ།
ལན། འགྲིག་དང་འགྲིག ངའི་མིང་ལ་དོན་གྲུབ་ཚེ་རིང་ཟེར། ང་སྐྱེས་ས་མདོ་སྨད་འབའ་མང་ར་ཡིན། ད་ལྟའི་སྡོད་གནས་ཨ་རིའི་བྱང་ཀ་ལི་ཕོ་ཉའི་(Northern California)ནང་གི་མཚོ་སྡེ་གྲོང་ཁྱེར་(Richmond)ཡིན།
༢ ཁྱེད་རང་ལ་དྲ་ལམ་བརྒྱུད་རྩམ་པ་བཙོང་རྒྱུའི་བསམ་བློ་དེ་ཇི་ལྟར་འཁོར་སོང་ངམ།
ལན། ཁ་དཔེ་ལ་མི་རྒས་ན་ཡུལ་དྲན། བྱ་རྒས་ན་ཚང་དྲན་ཟེར་བ་བཞིན། རང་གི་ཕ་ཡུལ་དང་ཁ་བྲལ་ནས་ལོ་ངོ་ཇི་ཙམ་མང་བ་སོང་བ་དེ་ཙམ་གྱིས་རང་གི་ཕ་ཡུལ་དང་ཕ་ཟས་ཤིན་ཏུ་དྲན། རང་གི་ཡུལ་དེ་རང་གི་ལག་ལ་ཡོང་རྒྱུ་དཀའ་ན་ཡང་། འབད་བརྩོན་དུ་མ་ལ་བསྟེན་ནས་རང་གི་ཕ་ཟས་རྩམ་པ་ཚད་ལྡན་ཞིག་བཟོ་ཐུབ་པ་བྱུང་། རང་ཉིད་སྒེར་གྱི་ཚོར་བ་དང་ཉམས་མྱོང་འདི་དག་གཞི་ལ་བཞག་ནས་། ཕྱི་ལོགས་སུ་ཡོད་པའི་བོད་རིགས་དང་དང་རྩམ་པ་དགའ་མཁན་དག་ལ་སྟབས་བདེ་བོའི་སྒང་ནས་ང་ཚོའི་ཕ་ཟས་དེ་མཁོ་སྤྲོད་བྱེད་ཐུབ་རྒྱུར་དམིགས་ནས་དྲ་ལམ་བརྒྱུད་རྩམ་པ་བཙོང་རྒྱུའི་བསམ་བློ་འདི་ཐོག་མར་འཁོར་བ་ཡིན།
༣ རྩམ་པའི་ཚོང་ལས་འདི་འགོ་འཛུགས་བྱེད་དུས་དཀའ་ངལ་ག་རེ་འཕྲད་སོང་ངམ།