སྨན་པ་བསྟན་འཛིན་གྲགས་པ།
རང་གཞན་མི་རིགས་ཐམས་ཅད་ནད་ཡམས་འདི་ལས་མྱུར་དུ་གྲོལ་ནས་ལུས་བདེ་བག་ཕེབས་ཡོང་ཕྱིར། རྒྱལ་སྤྱིའི་འཕྲོད་བསྟེན་ལྷན་ཁང་དང་། འབྲེལ་ཆགས་རྒྱལ་ཁབ་དང་། ཆེད་ལས་ཚན་རིག་པ་དང་། སྨན་པ་རྣམས་ཀྱི་ལམ་སྟོན་ཇི་ཕེབས་བརྩི་སྲུང་ཐོག །ནད་ཡམས་འདི་རྒྱུན་མ་ཆད་ཀྱི་བར་དུ་འདུ་འཛི་དང་སྤྲོ་སྐྱིད་གཏོང་བ་སོགས་སྐབས་ཤིག་རིང་སྤངས་ནས་རང་རང་སོ་སོའི་ཤག་གམ་ཁྱིམ་དུ་ལུས་བདེ་བག་ཕེབས་ངང་གནས་ནས་སྡིག་སྤོང་དགེ་སྒྲུབ་ཀྱི་ལས་ན་འབད་ན་འདི་བདེ་ཕྱི་བདེ་ཡོང་ངེས། གལ་ཏེ་ཆམ་རིམས་དང་ཏོག་དབྱིབས་གཉན་རིམས་ཀྱི་ནད་འབྱུང་ན་ཆང་རག་དང་། ཞོ། (ཁྱད་པར་རིམས་སོ་ཅོག་ལ་ཞོ་གནོད་དེ།) འོ་རློན་ནམ་འོ་མ་མ་བསྐོལ་བ། (འོ་རློན་ལྕི་བསིལ་སྲིན་དང་བད་ཀན་སྐྱེད།) སྒ་སྨུག (སྒ་ཡིས་དྲོད་སྐྱེད་) དང་སུག་སྨེལ་(སུག་སྨེལ་མཁལ་ནད་གྲང་བ་མ་ལུས་སེལ།)སོགས་བཏབ་པའི་མངར་ཇ། མྱོས་རྫས་དང་ཐ་མ་ཁ། ཡུངས་དཀར་ནག་དང་ཏིལ་གྱི་འབྲུ་དང་སྣུམ། ཁ་ཟས་དཀར་དམར་མངར་སྐྱུར་དུག་འདྲ་སྤང་། ཞེས་ཡོད་པས་སྤང་བར་འཚལ། ནད་འདི་འབྱུང་བའི་ནད་པར་གྲང་ཤུམ་རྒྱག་པ་དང་། རུས་ཚིགས་གཟེར་བ། ཚ་བ་འཕར་བ། མགོ་
