ཨེ་མ་ཧོ།
ན་མོ་གུ་རུ་བུདྡྷ་ཛྙྰ་ན་ཡེ།
ཨ་བ་དྷི་ཏི་ཀུན་བཟང་དགོངས་པའི་བརྒྱུད།།
འཁོར་ལོ་ཚོགས་ཆེན་རིག་འཛིན་བརྡ་ཡི་བརྒྱུད།།
དབྱངས་གསལ་རིག་གཞུང་ཞལ་ནས་སྙན་དུ་བརྒྱུད།།
བརྒྱུད་གསུམ་བརྡ་སྤྲོད་རིག་པ་རྒྱལ་གྱུར་ཅིག།
དེ་ཡང་དབང་ལུང་ཁྲིད་རྒྱུན་བོད་སྐད་ཁོ་ན་དགོས་ཞེས་པ་དེ་ཡང་
བེ་རི་རིག་པའི་རྡོ་རྗེ།
སྤྱིར་བཏང་སེམས་ཅན་སྤྱི་ཡོངས་ནས་བཤད་ན་མཐུན་ལམ་གལ་ཆེ་ལ། དེ་བས་ཀྱང་འགྲོ་བ་མི། དེའི་ནང་ནས་ཀྱང་འཐད་རྩོད་པའམ་སྐྱབས་བཅོལ་བ་ཞིག་ལ་མཚོན་ན། མཐུན་སྒྲིལ་ནི་མེད་དུ་མི་རུང་བའི་རྒྱུ་ཆ་གལ་ཆེན་ཞིག་རེད། རྒྱུ་མཚན་ཅི་ཡིན་སྙམ་ན། མཐུན་སྒྲིལ་གྱི་དགེ་མཚན་ནི་ཞི་བདེ་དང་སྟོབས་ཤུགས་རེད། དེ་མེད་ན་ཞི་བདེ་མི་ཡོང་ལ་སྟོབས་ཤུགས་ཀྱང་“མེད་ན་མི་འབྱུང་གི་འབྲེལ་བ་”རེད། གང་དུ་ཞི་བདེ་ཡོད་ན་དེར་འཐབ་རྩོད་དང་འཁྲུག་ལོང་སོགས་མེད་ལ། དེ་མེད་ན་བདེ་སྐྱིད་དང་། མཐུན་ལམ། སྟོབས་ཤུགས་བཅས་ངང་གིས་ཡོད་པ་“འདི་ཡོད་པས་འདི་འབྱུང་”ཟེར་བ་ལྟར་རྟེན་འབྱུང་གི་འབྲས་བུ་རེད།
དེ་ལས་མང་བ་། “བདམ་བྱ་འདེམས་བྱེད་ཀྱི་ཐོབ་ཐང་ནི་སུ་ལ་ཡང་དགོས་པ་ཞིག་རེད།” »
གཅན་བཟོད་རྒྱམ།
ཐང་གའི་བཟོ་དབྱིབས་རས་གཞིའི་སྟེང་དུ་དམར་དམག་བྲིས་འདུག ངན་སོང་། སྡུག་སོང་། ཕངས་སོང་། ཁྲོ་སོང་ཟེར། ཆོས་ལུགས་དད་མོས་ལ་གནོད་སོང་ཟེར་ན། བོད་མིའི་གོམས་གཤིས་གཏོར་སོང་། ཞེས་ཚིག་ངན་སྣ་ཚོགས་ཀྱི་ཆར་བབས་སོང་།
འོ་ན། མི་ལ་ལས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ཤོབ་ཀྱི་ཕུང་པོ་བརྒྱད་ཁྲི་བཞི་སྟོང་རེད། སྟོན་པ་སངས་རྒྱས་ཐུགས་རྗེ་ཅན་དེ་རྫུན་གྱི་འཁོར་ལོ་སྐོར་མཁན་རེད། གཏད་རབས་བདུན་དང་དཔལ་མགོན་ཀླུ་སྒྲུབ་ཡབ་སྲས་སོགས་ཀྱང་སྟོན་པའི་རྫུན་རྐུབ་སྐྱོར་མཁན་རེད། བོད་ཀྱི་སྔ་མོའི་མཁས་གྲུབ་གཉིས་ལྡན་གྱི་སྐྱེས་བུ་དམ་པ།
ཨེ་མ་ཧོ།
བླ་མ་དཀོན་མཆོག་གསུམ་ལ་ཕྱག་འཚལ་ལོ།། དེ་ཡང་སྙིགས་དུས་ཀྱི་མི་རྣམས་ལ་ཚུལ་ལྡན་གྱི་བླ་མ་དང་ཚད་ལྡན་གྱི་སློབ་དཔོན་མཇལ་བ་ལྟ་ཅི། མི་ངན་རེ་ཟུང་གི་མགོ་གཡོག་འོག་ཚུད་ནས་དལ་འབྱོར་བཅོ་བརྒྱད་ལྡན་པའི་མི་ལུས་རིན་པོ་ཆེ་ཆུད་ཟོས་སུ་བཏངས་པ་ཉུང་ཉུང་མིན་པ་མངོན་གསལ་རེད། ཁྱད་པར་ཡུལ་གངས་ཅན་གྱི་གསང་ཆེན་སྔགས་ཀྱི་ཟབ་གསང་དབང་ལུང་ཁྲིད་རྒྱུན་འདི་ནི་གངས་ཅན་བོད་མི་ཁོ་ན་ལ་དབང་བ་ལས་གཞན་གང་ལ་ཡང་མི་དབང་བར་སྐད་དང་ཡི་གེས་ཚད་གཞལ་ཟིན།
དེ་ལས་མང་བ་། “དབང་ལུང་ཁྲིད་རྒྱུན་ནི་བོད་ཀྱི་སྐད་ཡིག་རྐྱང་པ་ལ་དབང་ཆ་ཡོད་དགོས་འདུག” »
ཁྲི་རལ་པ་ཅན།
བོད་ནང་གི་བོད་པ་མང་ཆེ་ཤོས་ཀྱི་ཕུགས་འདུན་ནི་གཞིས་བྱེས་ལྷན་འཛོམས་དང་བོད་ལ་རང་དབང་ཡོང་བ། ༧གོང་ས་སྐྱབས་མགོན་ཆེན་པོ་དང་གཞིས་ལུས་བོད་མི་རྣམས་ལྷ་ངོ་མི་ངོ་འཕྲོད་རྒྱུ་དེ་རང་ཡིན་པ་དང་། དེའི་ཆེད་འབད་བརྩོན་བློས་གཏོང་ཡང་གང་དྲག་གནང་བཞིན་པར་ཐེ་ཚོམ་བྲལ།
འོན་ཀྱང་། བོད་མི་ཚོའི་རྨི་ལམ་སྡུག་ཤོས་དེ་བཙན་བྱོལ་ནང་འཁྲུག་གིན་ཡོད་སྙམ། བཙན་བྱོལ་གྱི་མི་རབས་སྔ་མ་རྣམས་ལས་འཇོན་པོའི་རིགས།འབྱོར་ལྡན་རྒྱལ་ཁབ་ཁག་གི་ནང་རྒན་གཞོན་གཉིས་ཀ་བཀྲམས་ཚར་ཡོད་ལ།
ང་རྒྱ་ནག་ཁྲིན་ཏུའུ་ན་བསྡད་ནས་མི་ལོ་བཅུ་དྲུག་ལྷག་ཙམ་ཡིན། ལོ་དེ་དག་གི་རིང་ཕ་ཡུལ་གྱི་ནད་པ་མང་བོ་ཞིག་ལ་སྨན་ཁང་དུ་རོགས་བྱས་པ་ཡིན། དེ་དག་གི་ནང་བཟའ་བ་དང་། ཉེ་ས། ཁ་མདའ་ངོ་ཤེས་སོགས་སྣ་ཚོགས་ཡོད་ལ། མཚམས་རེར་སྨན་ཁང་ནང་ནད་པ་ཆ་མེད་རྒྱ་སྐད་མི་གོ་མཁན་དག་ལའང་རོགས་བྱས་པ་ཡིན།
ན་ནིང་ནས་སྨན་ཁང་ནང་གི་མཐོང་ཐོས་ཐན་ཐུན་རེ་བྲིས་པ་ཡིན། ནད་པ་དེ་དག་གི་ནང་མོ་རྩིས་མ་བྱས་མཁན་ཕལ་ཆེར་མི་འདུག་ལ། མོ་རྩིས་ཀྱིས་རིག་པ་ཡང་ཕལ་ཆེར་མི་འདུག མོ་ཡིས་རིག་སོང་ཟེར་བའང་ཕལ་ཆེར་རྒྱལ་སྐུགས་པ་དང་གཅིག་པ་གཅིག་རྐྱང་རེད།
ཅོ་རི་ཉི་མ།
རྒྱ་ནག་ལྕགས་རིའི་རིང་ཚད་ལ་ཤར་ཧྲན་ཧའེ་འགག་སྒོ་ནས་ནུབ་ཅ་ཡུས་ཀོན་འགག་སྒོའི་བར་རིང་ཚད་སྤྱི་ལེ་དྲུག་སྟོང་བདུན་བརྒྱ་ཙམ་ཡོད་པ་དང་། རྒྱ་ནག་གོང་བུ་གཅིག་གྱུར་གྱི་དུས་ལ་བབས་པའི་གོ་སྐབས་དེ་ལེན་མཁན་གོང་མ་དང་པོ་ཆིན་ཧྲི་ཧུང་སྐབས་སུ་ལྕགས་རིའི་འཛུགས་སྐྲུན་བྱས་པ་ཡིན་སྐད་འདུག དེང་སང་གི་འཛམ་གླིང་ལ་ངོ་མཚར་ཆེ་བའི་རྒྱ་ནག་ལྕགས་རི་འཛུགས་སྐྲུན་བྱེད་དུས་ཀྱང་ཕྱིའི་རྒྱལ་ཁབ་ཁག་གི་བཙན་འཛུལ་མི་ཡོང་བའི་ཆེད་དུ་ལྕགས་རི་བརྒྱབ་པ་ཡིན་འདུག
ཨ་རིའི་སྤྱི་མཐུན་ཚོགས་པའི་སྲིད་འཛིན་འོས་མི་
སྐལ་བཟང་དོན་གྲུབ།
སྤྱིར་དགེ་རྒན་ནི་ཇི་ལྟར་གལ་ཆེན་པོ་ཡིན་པ་ཚང་མས་ཤེས་གསལ་ཡིན་པས། ངས་དེའི་སྐོར་ལ་བྲིས་ནས་རང་ཉིད་དང་གཞན་གྱི་དུས་ཚོད་འཕྲོག་བརླག་གཏོང་འདོད་མེད། ངས་བཤད་འདོད་པ་ནི་བཙན་བྱོལ་སྤྱི་ཚོགས་ནང་གི་དགེ་རྒན་གྱི་གནས་བབ་དང་དེས་སློབ་ཕྲུག་ཚོའི་སྟེང་ལ་ཤུགས་རྐྱེན་ཐེབས་ཚུལ་སྐོར་ལ་ཡིན། དེང་སང་བོད་པའི་གཞོན་སྐྱེས་མཐོ་སློབ་ཀྱི་ལག་ཁྱེར་ཆེ་མཐོན་པོ་རེ་འཁྱེར་ནས་ཡོང་མཁན་ནི་མཚན་མོའི་སྐར་མ་ལྟར་མང་པོ་ཆགས་ཡོད་ཀྱང། དེ་དག་ཁྲོད་དུ་མང་པོ་ཞིག་རྒྱ་གར་གྱི་སྤྱི་ཚོགས་ལ་ལས་ཀ་མི་རག་པ་མ་ཟད། ང་རང་ཚོའི་བོད་མིའི་སྒྲིག་འཛུགས་ཀྱི་ཡིག་ཚད་དེ་ཡང་མི་འཕྲོད་པར།
མི་ཉག་ཀུན་དགའ་བཀྲ་ཤིས།
ཉིན་འགའི་སྔོན་ལ་བོད་ནང་གི་བུ་མོ་སྒྲོལ་མ་ཟེར་བ་ཞིག་གིས་ལུག་དྲུག་སྟོང་ལས་བརྒལ་བ་ཞིག་སྡིག་ཅན་ཤན་པའི་གྲི་ཁ་ནས་བླུ་ཉོས་བྱས་པའི་དཔར་རིས་སོགས་གནས་ཚུལ་ཞིག་གང་སར་འགྲོ་བཞིན་པ་རེད། བོད་ཕྱི་ནང་གཉིས་སུ། བུ་མོ་དེའི་དཀར་ཕྱོགས་ཀྱི་ལས་ལ་བསྟོད་བསྔགས་དང་ཡི་རང་གི་མེ་ཏོག་འཐོར་མཁན་ཡོད་པ་ལྟར། དམའ་འབེབས་དང་ཁ་རྡུང་གི་ཚིག་མཚོན་འཕེན་མཁན་ཡང་ཧ་ཅང་མང་པོ་རེད། དེ་ནི་གཞན་ལ་མེད་པའི་བོད་པའི་དམིགས་བསལ་གྱི་གཤིས་ཀ་ཟེར་བ་དེ་རེད།
སྤྱིར་ན་ལུག་སྟོང་ཕྲག་འགའ་ཟེར་བའི་གྲངས་ཀ་མང་པོ་དེ་ཕར་ཞོག
ལྗགས་མདའ།
ན་ནིང་དབྱར་མགོ་ཙམ་ལ། འདས་པོ་ཁ་བ་སྙིང་ལྕགས་ལགས་ཀྱིས་བོད་རིགས་བུ་མོ་ཞིག་གིས་བཤས་ར་ནས་ལུག་མང་པོ་ཕྱིར་ཉོས་ཏེ་ཚེ་ཐར་བཏང་བའི་གནས་ཚུལ་ཐད་ལ་བསམ་ཚུལ་ཁ་ཤས་ཞུས་པ་ད་རུང་དྲན་སོས་ཀྱི་འདུག དེ་རིང་ཡང་། དྲ་ལམ་ཁག་ཏུ་བུ་མོ་སྒྲོལ་མ་ཞུ་བ་ཞིག་གིས་གོང་དང་དེ་མཚུངས་ཀྱི་ལས་བགྱིས་པར་མང་པོས་སྤྲོ་དགའ་དུངས་གསུམ་བྱེད་ཀྱི་འདུག ཡིན་ཡང་། ན་ནིང་ལུག་ཚེ་ཐར་ལ་གཏོང་བའི་བུ་མོ་དེ་དང་ད་ལོའི་བུ་མོ་འདི་གཉིས་མི་གཅིག་པ་ཡིན་མིན་ངེད་ཀྱིས་ཤེས་མ་སོང་། ཤེས་དགོས་པའི་རྒྱུ་མཚན་ཡང་མི་འདུག ཡིན་ཡང་རྣམ་པ་གཅིག་པ་གཅིག་མཚུངས་ཡིན་པས། དེ་ལ་ཐད་ཚོར་ཙམ་ཞུ་ན་འདོད་སོང་།
ཆོས་གྲགས་རྒྱ་མཚོ།
ད་ནངས་སྔ་དྲོ་གྲོགས་མོ་ཞིག་གི་སྐད་འཕྲིན་རྒྱབ་ངོས་སུ་བུ་མོ་སྒྲོལ་མ་ཞུ་བ་ཞིག་གིས་རྒྱ་སྒོར་ས་ཡ་ལྔ་ལྷག་བཏང་ནས་ལུག་དྲུག་སྟོང་ལྷག་ཚེ་ཐར་ཆེད་གསེར་རྟ་རྩ་ཐང་ནས་བརྒྱབ་པའི་གནས་ཚུལ་ལམ་གསར་འགྱུར་ཞིག་སྤེལ་འདུག་པ་མཐོང་སོང་། དེ་ནས་ང་རང་འཛིན་གྲྭར་སོང་ནས་ཕལ་ཆེར་ཆུ་ཚོད་གཉིས་ཡས་མས་ཙམ་གྱི་རིང་ལ། ངའི་ཀླད་པའི་ནང་གྲོགས་མོ་དེའི་སྐད་འཕྲིན་རྒྱབ་ངོས་ཀྱི་གསར་འགྱུར་དེ་ཡང་ཡང་དུ་འཁོར་ནས་སློབ་ཚན་ཡང་དེ་ཙམ་ངེས་མ་སོང་། ཕྱིར་ཉལ་ཁང་དུ་སླེབས་ནས་ཁ་པར་སྒོ་ཕྱེ་སྐབས། དྲྭ་གྲོགས་མང་པོ་ཞིག་གིས་གསར་འགྱུར་དེ་ཚ་ཚ་འུར་འུར་དུ་སྤེལ་གྱིན་འདུག་ལ། མང་པོ་ཞིག་གིས་བསྟོད་པའི་མཐེ་བོང་བསྒྲེང་གིན་འདུག
དེ་ལས་མང་བ་། “བུ་མོ་སྒྲོལ་མ། ངས་ཁྱེད་ཀྱི་གཏོང་ཕོད་དང་སྙིང་སྟོབས་ལ་ཡི་རང་ཞུ།” »
གཅན བཟོད་རྒྱམ།
སྦིར་རྫལ་རྒྱལ་ཁབ་ཏུ་ཚོགས་ནས་ཚར་མ་ཐག་པའི་རྒྱལ་སྤྱིའི་ཨོ་རྩལ་འགྲན་ཚོགས་ཀྱི་མཇུག་སྡོམ་དགའ་སྟོན་ཚོགས་འདུའི་སྐབས་རྩེད་འགྲན་ཐང་ཆེན་དུ་འཛམ་གླིང་གི་ཡིག་རིགས་མང་པོས་(བཀའ་དྲིན་ཆེ་) ཡི་ནང་དོན་མཚོན་པའི་ཡིག་གཟུགས་མང་པོ་བཟོ་སྒྲིག་འགྲེམས་སྟོན་བྱས་ཡོད།
དེའི་དཀྱིལ་དུ་བོད་ཡིག་གམ་རྫོང་ཁ་ཡི་གེའི་གཟུགས་ཀྱིས་(བཀའ་དྲིན་ཆེ་) ཞེས་བཟོ་སྒྲིག་བྱས་པའང་ནང་དུ་མཐོང་རྒྱུ་ཡོད་ཅིང་བོད་ཕྱི་གི་བོད་མི་རྣམས་དང་། འབྲུག་འབྲས་ལྗོངས་ལ་དྭགས་སོགས་ཧི་མ་ལ་ཡའི་མི་རིགས་(བོད་ཡིག་) ལ་སྤྱོད་པའི་སྐྱེ་བོ་ཀུན་གྱིས་དགའ་འབོད་ཀྱི་ཡི་གེ་ནང་དོན་འདྲ་མིན་
ལྷ་རྒོད་ཀྱིས།
ཆོས་དབྱིངས་སྐྱིད་ལགས། ཚེ་རིང་རྒྱུ་མ་ཁྱོད། ངས་བསམ་བློ་བསྐྱར་དུ་བཏང་རྗེས་འདི་ལོའི་འདུར་རྒྱུགས་དེར་ཁྱེད་ལ་རྟགས་མ་གང་ཡང་མ་ཐོབ་པ་དེ་ཏག་ཏག་འགྲིགས་སོང་། གལ་སྲིད་ཨང་དང་པོའིབྱ་དགའ་དེ་ཁྱེད་ལ་ཐོབ་ཚེ་སྐར་ལྔའི་དར་དམར་དེ་ཡར་གཡུགས་མར་གཡུགས་བྱས་ནས་འཛམ་གླིང་མི་མང་གི་མིག་མདུན་དུ་འགྲོ་དགོས་སྟབས། ངའི་སེམས་ལ་ན་ཟུག་འཕར་མ་ཞིག་ཡོང་བར་ངེས། དེ་ལས་ཁྱེད་རང་རྒྱལ་སྤྱིའི་རྒྱུགས་འགྲན་པ་རྩེ་ཕུད་དག་དག་གི་ནང་ནས་རྣམ་འགྱུར་ཡག་ཤོས་དེ་མངོན་སོང་ལ། ཨང་རིམ་ལྔ་པར་ཡང་སླེབས་སོང་། ད་དུང་ཁྱེད་ཀྱི་རྗེས་སུ་སྟོབས་ཆེན་རྒྱལ་ཁབ་དག་གི་
ཤེད་བུ།
རྒྱ་ནག་ལ་མཚོན་ན། ཨོ་ལིམ་པིག་གི་རྩེད་འགྲན་འདིར་དོ་དབྱིངས་ཆེན་པོ་བྱེད་ཀྱིན་ཡོད་ལ། གྲུབ་འབྲས་ཡང་ཆེན་པོ་ཐོབ་ཡོད། ཨོ་ལིམ་པིག་ནི་རྒྱ་ནག་དང་ཨ་རི་གཉིས་ཀྱིས་གསེར་དངུལ་ཟངས་གསུམ་གྱི་རྟགས་མའི་གྲངས་
དེ་ལས་མང་བ་། “ཆོས་དབྱིངས་སྐྱིད་ཀྱི་འཛུམ་མདངས་དང་རྒྱུག་རྩལ་གླེང་བ།” »
ཙ་སུར་སྦྱིན་པ།
བོད་མི་རྫུན་མ།
རུས་ཙམ་དང་ཁ་ནས་བོད་པ་ཡིན་ཟེར་བ་ལས་ལུས་ངག་གི་བྱ་བ་གང་ཡིན་ཡང་། རང་ཁྱིམ་ནང་ནས་ཀྱང་བོད་སྐད་མི་བཤད་པ་དང་བོད་ཡིག་མི་ཤེས་པར་མ་ཟད་སྦྱང་འདོད་པའི་འདུ་ཤེས་ཀྱང་མེད་པ། ཁྱིམ་ཚང་ན་བོད་ལྭ་དང་བོད་ཟས་ཀྱི་དྲི་ཙམ་ཡང་མི་བྲོ་བ། རང་ཁྱིམ་དང་ས་གནས་གང་ཞིག་ཡིན་ཡང་གཞན་སྐད་དང་གཞན་ཡིག གཞན་གོས་དང་གཞན་ཟས་མ་གཏོགས་ལོངས་སུ་སྤྱོད་མི་ཤེས་པ་དེའི་རིགས་ནི་བོད་མི་རྫུན་མ་ཟེར་རྒྱུ་ཡིན།
ཀོ་ལི་གྷལ་གཞུང་པ་ཚེ་དབང་བསོད་ནམས།
བཙན་བྱོལ་བོད་མིའི་བཅའ་ཁྲིམས་དོན་ཚན་གསུམ་པ་ཆབ་སྲིད་ཀྱི་རང་བཞིན་ཟེར་བའི་ནང་། མ་འོངས་བོད་ཀྱི་ཆབ་སྲིད་ནི་འཚེ་མེད་ཞི་བའི་ལྟ་བར་གཞི་བཅོལ་བའི་ཐོག་རང་དབང་སྤྱི་ཚོགས་བདེ་དོན་ཆོས་སྲིད་ཟུང་འབྲེལ་མང་གཙོ་ཡུལ་མིའི་རྒྱལ་ཁབ་ཞིག་བྱ་རྒྱུ་ཡིན་གཤིས། བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱ་རྒྱུ་དང་། གཤམ་འཁོད་ལེའུ་བཅུ་གཅིག་པའི་དོན་ཚན་ཁག་གཞིར་བཟུང་མ་གཏོགས་བཅའ་ཁྲིམས་འདི་ལ་བསྒྱུར་བཀོད་གཏོང་རྒྱུ་མིན་ཅེས་གསལ་ཡོད་ན། མ་འོངས་བོད་ཀྱི་ཆབ་སྲིད་ཀྱི་འགྲོ་སྟངས་སྔོན་དུ་བཤད་ནས་བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་དགོས་པ་གསལ་བ་ནས་
དེ་ལས་མང་བ་། “ཡུལ་མིའི་རྒྱལ་ཁབ་དང་ཡུལ་མིའི་སྲིད་སྐྱོང་སྐོར་གྱི་གཏམ།” »
མགར་ཐར་མཁྱེན་རབ་འོད་གསལ།
——–གཟའ་མཇུག་གི་ཚོར་སྣང་ཞིག
༡༽ བསམ་བློ་རྙིང་རུལ་ལ་རྒོལ་བའི་སྔོན་གླེང་།
འུ་ཅག་བོད་མི་རིགས་ཀྱི་བསམ་བློ་ཞིག་གམ་ཡང་ན་བགས་ཆགས་ཤིག་གིས་གནའ་དེང་གི་སྤྱི་ཚོགས་གསར་རྙིང་གང་ཞིག་ཡིན་རུང་བོད་མི་ཚོས་ལོ་རྒན་ནར་སོན་ཞིག་ཡིན་ཕྱིན་བསམ་བློ་གཏོང་སྟངས་བཟང་བ་དང་། སྒོ་གསུམ་གྱི་བྱ་སྤྱོད་ཕུན་སུམ་ཚོགས་པོ་ཞིག་ཡོད་ཤག་ཤག་ཏུ་རྩིས་ཏེ་གྲལ་འགོ་བཞག་རྐྱང་དང་གོང་ནས་གོང་དུ་བཀུར་བའི་གུས་བརྩི་ཞུ་སྟངས་ཀྱང་ཇི་རྙེད་ཅིག་ཡོད་པ་དེ་རིགས་བཟང་བའི་ཆ་ཞིག་ཏུ་སྒོམ་ནས་མགོ་དམའ་དམའ་དང་
ནམ་མཁའ།
བོད་མི་རིགས་ཀྱི་ཚེ་སྲོག་ཏུ་གྱུར་བའི་བོད་ཀྱི་སྐད་ཡིག་ལ་ཐུགས་ཁུར་གནང་མཁན་ཚོས། ཁ་སང་དེ་རིང་བྱང་ཨ་རི་སོགས་ཀྱི་ནུབ་ཕྱོགས་ལུང་པའི་བོད་ཀྱི་ཕྲུག་གུ་ཚོར། བཙན་བྱོལ་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ནས་གཟའ་མཇུག་སློབ་དེབ་བཟོས་བའི་སྐོར་རེད། འདིའི་སྐོར་མ་གླེང་གོང་འཛམ་གླིང་གི་ལག་དམར་གཉིས་པ་༼སི་ཏྰ་ལེན་༽གྱིས་བཤད་པའི་གཏམ་ཞིག་འདིར་འགོད་ཀྱི་ཡིན། ༼གལ་སྲིད་ཁྱེད་ཀྱིས་མི་རིགས་ཞིག་རྩ་མེད་དུ་གཏོང་འདོད་ན། མི་རིགས་དེའི་སྐད་ཡིག་རྩ་མེད་དུ་གཏོང་དགོས། མི་རིགས་དེའི་སྐད་ཡིག་ཉམས་པའི་ཚེ། མི་རིགས་དེ་རང་བཞིན་གྱིས་ཉམས་ཚར་བ་རེད།
དེ་ལས་མང་བ་། “བཀའ་ཤག་སྐབས་༡༥ པས་བོད་ཀྱི་སྐད་ཡིག་ལ་གཏོར་བཤིག་བཏང་།” »
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
འདི་ལོ་སྲིད་སྤྱིའི་འོས་བསྡུའི་ལས་རིམ་ནང་ཕྱོགས་གཏོགས་དང་འགོ་འདྲེན་ལ་སྐྱབས་བཅོལ་ནས་བཅའ་སྒྲིག་ལ་འགན་འཁུར་མ་ཐུབ་པར། བཙན་བྱོལ་སྤྱི་ཚོགས་ནང་ཁ་དམག་འགན་འཁུར་འོག་ནས་སྲིད་སྤྱིའི་འོས་བསྡུ་ཟིན་རྗེས་༧གོང་ས་མཆོག་ཐུགས་ཕམ་དང་ཆོས་སྐྱོང་དྲག་ཏུ་ཁྲོས་པ་སོགས་ལ་བརྟེན་ནས། གྲོས་ཚོགས་ནས་མ་འགྲིག་པ་དེ་འོས་བསྡུའི་སྒྲིག་གཞི་ལ་ངན་ཁག་གཡོགས་ནས་འོས་བསྡུའི་སྒྲིག་གཞི་བསྐྱར་བཅོས་ཚོགས་ཆུང་བཙུགས་ཏེ་མི་མང་གི་བསམ་ཤོག་འབུལ་སའི་ལམ་ཁ་བསྟན་འདུག་ན། ད་ལམ་རང་གི་བསམ་ཚུལ་གང་ཡོད་པ་དེ་འདིར་ཁ་བརྡ་དྲ་རྒྱའི་སྟེང་བཀོད་པ་ཡིན།
དེ་ལས་མང་བ་། “སྲིད་སྤྱིའི་འོས་བསྡུའི་ལས་རིམ་ནས་འོས་བསྡུའི་སྒྲིག་གཞི་ལ་ཉེས་པ་ཕོག་པ།” »
སྤྱན་ཆེན་པོ།
ཉེ་སྔོན་ནས་བཟུང་དྲ་བ་ཁག་གི་གླེང་གཞིར་གྱུར་བ་ནི་བལྟས་ན་མིག་ཚ་ཞིང་ཐོས་ན་སྙིང་འཕར་བའི་བྱང་ཨ་རིའི་གཟའ་མཇུག་སློབ་དེབ་ཅིག་རེད། བྱང་ཨ་རིའི་གཟའ་མཇུག་གི་སློབ་དེབ་དེ་ནི་བོད་གཞུང་ཤེས་རིག་ལས་ཁུངས་ནས་གཏན་འབེབས་དང་དཔར་འགྲིམས་ཞུས་པ་ཞིག་ཡིན་པ་དང་། སློབ་དེབ་ནང་དུ་བོད་རང་གི་བརྡ་སྤྲོད་ལ་གཤག་བཅོས་བྱས་ནས་རིག་གསར་གཉིས་པ་ལྟ་བུ་ཞིག་ཡང་བསྐྱར་བོད་སྐད་ཡིག་གི་སྟེང་དུ་བསླེབས་ནས་ཉམ་ང་ཉག་ཕྲ་བའི་སྐབས་འདིར་བོད་སྐད་ཡིག་ནི་ཤི་མིན་རོ་མིན་གྱི་ནད་པ་ཉམ་ཐག་ཅིག་དུ་བཏང་འདུག
དེ་ལས་མང་བ་། “སྐད་ཡིག་གི་ཆེད་དུ་ང་ཚོས་མུ་མཐུད་དུ་འོས་ལངས་བྱེད་དགོས།” »