སྲོང་བཙན།

 
དུས་དབང་ཕྱིར་འགྱང་སྐོར་དེ་ཆབ་སྲིད་ཀྱི་འཁྲབ་སྟོན་ཞིག་ཡིན་རབས་བཤད་ནས་ག་ས་གང་དུ་གླེང་གཞི་ཅན་ཞིག་ཆགས་ཡོད། བློ་སེང་གི་རྒྱབ་སྐྱོར་བ་ཚོས་བྱས་ཉེས་ཚང་མ་སྤེན་ཚེས་གནང་རབས་དང་སྤེན་ཚེའི་རྒྱབ་སྐྱོར་བ་དག་གིས་ལེ་ཁག་ཐམས་ཅད་བློ་སེང་ལ་བཀལ་བའི་ཕན་ཚུན་གདོང་ཐུག་གི་རྩོད་གླེང་རིང་མོ་ཞིག་སྤྱི་ཚོགས་སུ་འགྲོ་བཞིན་ཡོད། དེ་མཚུངས་སྤྱི་འཐུས་གྲོས་ཚོགས་སུ་ཟླ་བ་ཕུན་སྐྱིད་ཀྱིས་དུས་དབང་ཕྱིར་འགྱང་སྐོར་གྱི་གནད་དོན་དེ་བློ་སེང་གི་ཇུས་ངན་ཡིན་མདོག་གི་བཀའ་མོལ་གསུངས་ཡོད་སྟབས་སྤྱི་ཚོགས་སུ་མེ་འབར་བའི་གོང་ལ་སྣུམ་བླུག་པ་བཞིན་རྩོད་གླེང་ཇེ་ཆེར་སོང་ཡོད།

དེ་ལས་མང་བ་། “སྲིད་སྐྱོང་འོས་མི་གཉིས་ལ་དཀའ་ངལ་གསར་པ་ཞིག་སླེབས་པ།” »

བསྟན་འཛིན་འཇམ་དཔལ།

 
སྔོན་ཆད་ཅིག་ནས་༧གོང་ས་མཆོག་གི་སྐུ་གཟུགས་བདེ་ཐང་གི་ཆེད་དུ་མཛད་འཆར་ཉུང་འཕྲི་བྱེད་ཀྱི་ཡོད་ཅེས་ཇི་ཙམ་བསྒྲགས་དང་སྒྲོག་བཞིན་ཡོད་ན་ཡང་། ལོ་སྔོན་མའི་ནང་༧གོང་ས་མཆོག་ཨ་རིའི་མངའ་སྡེ་མེན་ནི་སོ་ཀྲའི་སྨན་ཁང་མ་ཡོ་ཞེས་པ་ནས་རྒྱ་གར་དུ་ཕྱིར་ཕེབས་པའི་རྗེས་ནས། སྐུ་བགྲེས་ཁོང་གི་མཛད་བྲེལ་ནི་སླར་ཡང་སྔར་བཞིན་རང་སོར་ལྷགས་འདུག་པའི་གནས་ཚུལ་མང་དག་ཅིག་རིམ་བཞིན་བྱུང་ཡོད་པ་དེ་རྣམས། སྤྱི་ཚོགས་དྲ་ལམ་དང་གསར་འགྱུར་བརྒྱུད་ལམ་ཁག་ན་གཅིག་རྗེས་གཉིས་མཐུད་ཀྱིས་གསལ་གསལ་ཐང་ཐང་དུ་ཡོད་པ་ལྟར་རེད།

དེ་ལས་མང་བ་། “ད་རེབ་ཀྱི་༧གོང་ས་མཆོག་གི་སྤྱན་བསྙུན་དེ་མཛད་འཆར་ཉུང་འཕྲི་མ་བྱས་པ་ལ་ཡང་འབྲེལ་བ་འདུག་བསམ།” »

རེབ་སྨད་ལྷའུ།

 
རྒྱ་ནག་དམར་ཤོག་སྲིད་གཞུང་གིས་ཚོང་འབྲེལ་གྱི་གཡོ་ཐབས་སྤྱད་དེ། འཛམ་གླིང་གི་རྒྱུ་འབྲས་ཀྱི་བློ་མིག་ལ་ཁ་ལོ་བསྒྱུར་བར་བརྟེན། བོད་ལྟ་བུའི་ཉམ་ཆུང་བཙན་གནོན་མྱོང་མཁན་ལ་བདེན་པའི་རྒྱབ་ལངས་བྱེད་པའི་རྒྱལ་ཁབ་ཤིན་ཏུ་ཉུང་། ད་ལྟའི་ཆར་འཛམ་གླིང་གི་རྒྱལ་ཁབ་ཆེ་ཆུང་དང་བཟང་ངན་ཚང་མས་རྒྱ་ནག་དང་ཚོང་འབྲེལ་དམ་པོར་བཟུང་ནས། ཁེ་བཟང་ཕར་ཟ་ཚུར་ཟ་དང་ཚོང་གྲོགས་གཅིག་ལ་གཅིག་རྟེན་ཆགས། བོད་ནང་གི་ཡ་ང་བའི་གདུག་རྩུབ་དང་གཉའ་གནོན་ལ་སྐྱོན་བརྗོད་ཕྲན་ཙམ་ཡང་བྱ་འདོད་མེད་པའི་ཚུལ་དུ་འདུག

དེ་ལས་མང་བ་། “ཚོང་འབྲེལ་གྱི་སྒྲོག་ཏུ་ཚུད་པའི་བོད་དོན།” »

དམར་ཁ་ཚ།
 
ཁྱོད་ཁམས། ང་ཨམ། མོ་དབུས་ཀྱི་ཞེ་མེར། ངས་རྩོམ་བྱང་འདིར་བལྟས་མ་ཐག་ཁྱེད་ཀྱིས་ཅི་ཞིག་གླེང་རྒྱུ་ཡིན་པ་ཤེས་སྲིད་མོད། ཞེ་མེར་ལངས་བའི་གོ་རིམ་འདི་ཅི་འདྲི་འཇིཊ་སུ་རུང་བ་ཞིག་ཡིན་པ་ངས་ཁྱེད་ལ་བཤད་འདོད།

ཞེ་མེར་བའི་རྒྱུ་འདི་ཕལ་ཆེར་བོད་པ་རེ་རེའི་སེམས་སུ་ཤོག་བུར་འགོས་པའི་སྣུམ་བཞིན་ཟིན་འདུག་སྙམ་སྟེར་བ་འདིས་སྐབས་སྐབས་སུ་ཐོལ་བྱུང་གི་འཇིཊ་སྣང་ཞིག་ཀྱང་སྟེར་བར་བྱེད་ལ། མཚམས་རེར་མི་རིཊ་འདི་ནི་ཐ་ན་རང་བཙན་དང་མང་གཙོ་འཛའ་བའི་མི་རིཊ་ཤིག་ཀྱང་མ་རེད་ཨང་སྙམ་དུ་ཡང་བཅུག

དེ་ལས་མང་བ་། “” »

བསྟན་འཛིན་རང་གྲོལ།

 
སྲིད་སྐྱོང་གནང་ན་བློ་ཁོག་གཉིས་དགོས་པ་སྟེ། མི་མང་གི་མངོན་འདོད་ལག་བསྟར་ལ་དཔའ་མི་ཞུམ་པར་ལས་དོན་རྣམས་དྲང་པོས་ཐག་གཅོད་ནུས་པ་དང་། ནོར་འཁྲུལ་བྱུང་ན་ཡོ་སྲང་བྱེད་ཐུབ་པའི་བློ་ཁོག་དགོས་པ་དེ་ཡིན་ཞིང་། དེའི་ཚུལ་མི་མང་ལ་རང་ངོས་ནས་གསལ་བཤད་ར་སྤྲོད་མ་གནང་ཚེ། མང་གཙོའི་འོས་བསྡུའི་ལམ་ལུགས་ཁྲོད་ཀྱི་འོས་མི་ཁྱབ་བསྒྲགས་ཀྱི་དགོས་དོན་འགྲུབ་མེད་པ་སུས་ཀྱང་བསྙོན་དུ་མེད།

དེ་རིང་ནས་རྩིས་པའི་དངོས་གཞིའི་འོས་བསྡུའི་ཉིན་མོ་བར་ཟླ་གཉིས་ཏག་ཏག་ཡོད།

དེ་ལས་མང་བ་། “སྡིངས་ཆ་གཅིག་ཏུ་ཕེབས་རྒྱུའི་བློ་ཁོག་དགོས་པ་རེད།” »

གཡུ་སྒང་དགེ་འདུན།
 
སྤྱིར་འབྲུག་རྒྱལ་ཁབ་ཆུང་ཆུང་ཞིག་ཡིན་ནའང་ཁོ་ཚོའི་གོམས་གཤིས་དང་ཡི་གེ་སོགས་བོད་པ་དང་བརྒྱ་ཆའི་དགུ་བཅུ་འདྲ་བོ་འདུག གང་ཡིན་ཟེར་ན། ཡི་གེ་ནི་དབུ་ཅན་ཤ་སྟག་རེད། ཡིན་ནའང་མི་འདྲ་བ་ཞིག་ནི་ཕྲད་ཀྱི་ཁྲོད་ནས་ཁ་ཤས་མི་འདྲ་བ་མ་གཏོགས་གཅིག་པ་རེད། མི་འདྲ་བ་དེའི་རིགས་ཨུ་ཚུགས་བརྒྱབ་སྟེ་བཅུག་གི་ཡོད་པའི་སྲོལ་འདྲ་བོ་ཞིག་ཏུ་མཐོང་། ཁོང་ཚོའི་བླ་མ་དང་མཁན་པོ་དེ་ཚོས་ཆོས་གསུང་དུས་ཕྲད་དང་རྣམ་དབྱེའི་ཐོབ་ཐང་བོད་ཀྱི་བརྡ་སྤྲོད་པའི་གཞུང་ལྟར་གསུང་གི་འདུག་ལ། ཆོས་དཔེ་བརྙན་ཕབ་བསྟན་པ་དེ་ཚོ་ནི་བོད་ཀྱི་ཆོས་དཔེ་ནང་བཞིན་བཀོད་ཡོད་པ་སོགས་བརྙན་འཕྲིན་དུ་སྟོན་གྱི་འདུག

དེ་ལས་མང་བ་། “འབྲུག་གི་བརྙན་འཕྲིན་ལས་འབྲུག་སྡོད་བོད་མི་དྲན་པ།” »

བསྟན་འཛིན་རང་གྲོལ།

ངའི་མཐོང་སྣང་གི་སྤེན་པ་ཚེ་རིང་ལ་འགྱུར་བ་ཐེབས་སོང་། ངའི་སེམས་ཀྱི་ཁྱེད་རང་ངོས་འཛིན་དང་འགྲེལ་བཤད་བཅས་ལའང་འགྱུར་བ་ཐེབས་སོང་། ངས་སྐད་ཆ་གང་ཡང་མ་བཤད་སྔོན། སེམས་སྟེང་ནས་ཁྱེད་ལ་དགོངས་དག་ཞུ་རྒྱུ་ཡིན། ངས་ད་བར་ཁྱོད་ལ་གཞི་མེད་དམའ་འབེབས་རྐྱང་བྱས་ཏེ་བསྡད་པ་ལས། དོན་དམ་པར་ཁྱེད་ཀྱིས་ཅི་ཞིག་གསུང་གི་ཡོད་མེད་དང་། ག་རེ་གནང་གི་ཡོད་མེད་སྐོར་ལ་ཞིབ་ཚགས་རྒྱུས་ལོན་བྱས་མེད།

དེ་ལས་མང་བ་། “སྤེན་པ་ཚེ་རིང་། ང་རང་ཧང་སངས་སོང་།” »

—–རྔ་བ་བློ་བརྟན།

 
ངས་ད་ལོའི་སྲིད་སྐྱོང་འོས་མི་ཚོའི་ཕྱོགས་མང་པོ་ལ་དོ་སྣང་བྱས། ལྷག་ཏུ་ཁོང་ཚོའི་སྐད་ཆར་གཟབ་གཟབ་ཀྱིས་ཉན་ཏེ། བསམ་བློ་ཡང་ནས་བསྐྱར་དུ་བཏང་མཐར། འོས་མིའི་ལྔའི་ཁྲོད་ན་ཚོགས་གཙོ་སྤེན་པ་ཚེ་རིང་གིས་རང་ཉིད་འགྲེལ་བཤད་ཞིབ་ཚགས་བརྒྱབ་ཏེ། མི་མང་ལ་རང་ཉིད་གསལ་བོ་བཟོས་སོང་།

དེ་ལས་མང་བ་། “ང་ཡི་ད་ལོའི་སྲིད་སྐྱོང་། ཁྱེད་ཡིན།” »

― གཙང་མེ་ལྕེ།
 
དེང་སང་སྐད་ཚོམས་མང་པོ་ཞིག་ཏུ་ཞིབ་བལྟས་ཞིབ་མཉན་བྱས་པས་སྐད་ཚོམས་ཕལ་ཆེ་བའི་ཁ་བརྡ་མང་པོ་ཞིག་ནི་མི་སྒེར་གླེང་སློང་གི་ཁ་སྟབས་དང་། སྒེར་གཅོད་བློ་མིག་གི་རྒྱང་ལྟ་ཁ་རྐྱང་རེད། དཔེར་ན། རྩོམ་རིག་གླེང་སྟེགས་སུ་མི་བུའི་མི་གཤིས་བརྩད་པ་དང་། ཆབ་སྲིད་གླེང་སྟེགས་སུ་ཆོལ་ཁའི་འཐེན་འཁྱེར་མོད་པ། ནང་ཆོས་གླེང་སྟེགས་སུ་ཆོས་ལུགས་ཀྱི་ཞེན་ཁོག་ངར་བ་བཅས་ནི། རྩ་བའི་སྒེར་གཅོད་བློ་མིག་གི་བསམ་བློའི་སྔོན་འགྲོ་ཤ་སྟག་རེད། ལར་ནས་སྐད་ཚོམས་ཡག་གྲས་ཤིག་སྟོན་ཤོག་ཟེར་ན་ངས་ནི་<ལ་རྩེའི་ཇ་ཁང་>དང<རྩོམ་རིག་གླིང>གཉི་ག་སྟོན་སྲིད་ཀྱང།

དེ་ལས་མང་བ་། “སྐད་ཆ།” »

——ནམ་མཁའ།

 
ཁ་སང་དེ་རིང་དྲ་ཐོག་ཏུ་ཨ་མདོ་རེབ་གོང་གི་༼ཞོ་ཡོན༽ཟ་ཁང་ཟེར་བ་ཞིག་གི་ནང་དུ་བཙན་དབང་དང་གཉའ་མནོན་གྱིས་སྒྲིག་ཁྲིམས་གསར་བ་ཞིག་བཟོས་ཏེ། ཟ་ཁང་ནང་གི་ལས་བྱེད་ཚོས་བོད་སྐད་བཤད་མི་ཆོག་པ་བཟོས། གལ་ཏེ་བོད་སྐད་བཤད་ཚེ་མི་དམངས་དངུལ་སྒོར་༥༠༠ ཡི་ཉེས་ཆད་གཅོད་རྒྱུའི་ཁྱབ་བསྒྲགས་ཞིག་ཟ་ཁང་དེའི་སྒོ་འགྲམ་དུ་སྦྱར་པས།

དེ་ལས་མང་བ་། “ཞོ་ཡོན་ཟ་ཁང་ནས་བོད་སྐད་བཤད་ན་ཉེས་ཆད་སྒོར་༥༠༠” »

—-རྣོ།
 
ད་རེབ་ཀྱི་སྲིད་སྐྱོང་འོས་མི་དག་ལ་དཔྱད་དུ་བཟོད་པའི་སྐད་ཆ་ཆེན་པོ་ཞིག་རྙེད་དུ་མེད་ནའང་། ཁོ་ཚོའི་གྲས་ཀྱི་མི་གང་རུང་ཞིག་སྲིད་སྐྱོང་ལ་ངེས་པར་སྡོད་དགོས་པ་དེར་བསམ་ནས་ཅུང་ཙམ་གླེང་ན།

དང་པོ།

བློ་སེང་ལ་ཡང་བསྐྱར་སྲིད་སྐྱོང་དུ་བསྡད་ཆོག་པའི་འོས་བབ་ཡེ་ནས་མེད་ནའང་། སྔོན་འགྲོའི་འོས་འགྲན་སྐབས་ཁོ་རྩེ་ཏོག་ལ་སླེབས་པ་རེད་མོད། དེར་རྒྱུ་མཚན་མང་པོ་བགྲང་ཡ་མེད་དེ། གཅིག་ནི་ཁོ་རང་ལག་ལེན་མེད་པའི་ཁ་བཤད་ཀྱིས་སྒྲུང་གཏམ་བཤད་པར་མཁས་པ་དང་།

དེ་ལས་མང་བ་། “དཔྱད་དུ་མེད་པའི་སྲིད་སྐྱོང་གི་འོས་མི་དག” »

སྟོང་ཉིད་མ། བྲག་འགོ།
 
ཕྲན་ལ་མཚོན་ན་ད་སྔོན་ཡན་ཆད་བར་སྒྱིད་ལུག་གི་དབང་དུ་ཤོར་དྲགས་པས་བཀླགས་མཆན་ཟེར་བ་ཞིག་འབྲི་བའི་སྲོལ་མེད་ལ་བྲིས་ཀྱང་མ་མྱོང་། དེ་བས་ཅི་ལྟར་འབྲི་དགོས་མི་ཤེས་ལ། གང་ལྟར་མཇུག་བསྡུ་དགོས་པ་ནི་དེ་བས་ཀྱང་ཝ་སྨུག་པའི་ནང་དུ་མགོ་འཁོར་བ་ནང་བཞིན་ནོ། །ཡིན་ནའང་སྔོན་ཆད་རང་གིས་མ་ཤེས་ས་མང་པོ་ཞིག་གིས་རྐྱེན་གྱིས་བསྒྲུབ་དགོས་པའི་བྱ་བ་མང་པོ་ཞིག་འཐུས་ཤོར་དུ་སོང་བས་ད་ལྟ་འགྱོད་ཀྱང་ཕྱིས་འདུག དེ་བས་ད་ཐེངས་འདི་འདྲ་ཞིག་འབྲི་འདོད་པ་ནི་ངའི་རྗེས་ཀྱི་སློབ་གྲོགས་ཚོ་ང་ལྟ་བུ་འགྱོད་པའི་ལམ་དུ་མི་ཕྱིན་པར་ཅུང་ཨེ་ཕན་ནམ་སྙམ་པའམ་རང་ཉིད་ཀྱི་ནོར་འཁྲུལ་ལ་འགྱོད་བཤགས་བྱེད་སྟངས་ཤིག་ཀྱང་ཡིན།

དེ་ལས་མང་བ་། “དཔེ་དེབ་ཅིག་བཀླགས་རྗེས་ཀྱི་བསམ་ཚུལ་ཐོར་བུ། ༼སྙན་ངག་ལ་འཇུག་པའི་ལམ།༽” »

—-རྔ་བ་རྒྱལ་ཁམས་པ།

 
བྱ་བྲལ་རིན་པོ་ཆེ་ཚེ་དང་སྒྲུབ་པ་མཐར་ཕྱིན་ནས། ཐུགས་ཀ་དག་སྤྲོས་བྲལ་ཆེན་པོའི་དབྱིངས་སུ་གཟུགས་སྐུའི་བཀོད་པ་རེ་ཞིག་བསྡུས།

བྱ་བྲལ་རིན་པོ་ཆེ་མཁྱེན། ང་ལ་མཚོན་ན་རང་གི་བླ་ན་མེད་པའི་དད་གུས་ཞུ་ཡུལ་གྱི་བླ་མ་གསུམ་ཡོད་པ་ལས། གཅིག་ནི་བྱ་བྲལ་ཚང་ཡིན། བྱ་བྲལ་སངས་རྒྱས་རྡོ་རྗེ། མཚན་བྱ་བྲལ་ཡིན་པ་བཞིན་དུ་དོན་ཡང་བྱ་བྲལ་རེད། སྐྱབས་སུ་མཆི།

དེ་ལས་མང་བ་། “༅༅།། བྱ་བྲལ་རིན་པོ་ཆེ་མཁྱེན།” »

ལོ་མ་སེར་པོ། (གླིང་ཚང་།)

 
དེང་སྐབས་མི་མང་པོ་ཞིག་གིས་སྤྱི་ཚོགས་གང་རུང་ཞིག་གི་གནས་བབས་གླེང་སྐབས་རང་ཉིད་སྤྱི་ཚོགས་དེར་རྒྱུས་མངའ་ཡོད་ཁུལ་གྱིས་སྤྱི་ཚོགས་དེའི་དགེ་སྐྱོན་ཙག་ཙིག་དག་ནང་ཕན་ཚུན་གཞིབ་བསྡུར་ཕྲན་ཙམ་བྱས་ནས་བཤད་པ་ལས་སྤྱི་ཚོགས་དེ་དང་སྤྱི་ཚོགས་གཞན་གྱི་བར་ཞིབ་བསྡུར་དང་བསམ་གཞིག་རྣལ་མ་གཏོང་མཁན་ཧ་ཅང་ཉུང་། དེ་ཡང་ཁོང་ཅག་ལ་ཁག་མེད་དེ། ཁོང་ཅག་ནི་སྤྱི་ཚོགས་ཀྱི་གཏིང་རུམ་དུ་འཛུལ་ནས་སྐད་ཆ་ལྡབ་ལྡིབ་མོལ་བ་ལས་རང་ཉིད་གནས་སའི་སྤྱི་ཚོགས་ཀྱི་ཟུར་དུ་བུད་ནས་སྤྱི་ཚོགས་དེར་རྒྱང་ལྟ་ཡང་དག་ཅིག་བྱེད་མི་ཤེས་པས་སོ།།

དེ་ལས་མང་བ་། “བོད་ཀྱི་སློབ་གསོའི་སྐྱོ་གར་དང་བསམ་ཚུལ་ཐར་ཐོར།” »

འཇམ་གཅེས།

 
དེ་རིང་ནི་སྤྱི་ལོའི་ལོ་གསར་རམ་2016 ལོའི་ལོ་གསར་པ་ཚེས་སོང་ཞེས་གསར་འགྲོགས་དང་། རང་ཚུགས་བྲལ་བའི་གཞིས་བྱེས་གཉིས་ཀྱི་ནང་ནས་མི་ཉུང་བ་ཞིག་ནས་དགའ་བསུ་དང་འཚམས་འདྲི་མང་པོ་འདུག་མོད། ངས་ནི་ཕྱི་ལུགས་ལོ་གསར་དང་ཡེ་ལུགས་འཁྲུངས་སྐར་གང་ཡང་བརྩི་སྲུང་མི་བྱེད་ལ། ལྷག་པར་དུའང་དུས་ཚོད་འདི་དག་དང་བསྟུན་མཁས་ཀྱིས་བོད་རིགས་ནང་ཚུན་ལ་ཤིས་ཚིག་དང་ཁ་གཡང་ནམ་ཡང་མི་འབོད། རྒྱུ་མཚན་ནི། ང་ནི་ལོ་རྒྱུས་དང་རིག་གནས་རང་རྐྱ་འཕེར་བའི་བོད་མི་རིགས་སམ་རྒྱལ་ཁབ་ཀྱི་ཆབ་འབངས་སུ་

དེ་ལས་མང་བ་། “རིག་གནས་གཞན་དང་ཡུལ་སྲོལ་གཞན་གྱི་བཙན་འཛུལ།” »

—-རྣོ།

 
མི་རིགས་རང་རང་གི་གནས་བབ་མི་འདྲ་བས་སྐད་ཡིག་སློབ་གསོའི་ལམ་ལུགས་ཀྱང་དེ་བཞིན་མི་འདྲ་རུང་། རང་གི་རྗེས་རབས་པའི་སེམས་ཁམས་དང་ཁ་ཐག་ཉེ་བ་ཞིག་ངེས་པར་ཡིན་དགོས། འོན་ཀྱང་ད་ལྟའི་བཙན་བྱོལ་བོད་པའི་སྐད་ཡིག་སློབ་གསོ་ནི་རང་གི་གནས་བབ་དང་ཕྱི་རབས་པའི་དུང་ཞེན་ལ་ཆེས་ཁ་ཐག་རིང་དྲགས་པས་བོད་སྐད་ཡིག་གི་གནས་བབ་ཀྱང་དེ་བཞིན་ཉམ་ང་ཉག་ཕྲར་ལུས་པ་འདི་རེད། སྤྱིར་འདི་ཉིད་རྒྱུ་རྐྱེན་སྣ་མང་ཞིག་གིས་གྲུབ་ཡོད་ནའང་། གཙོ་བོ་བྱིས་དུས་ཀྱི་སློབ་གསོ་ལ་སྣང་ཆུང་བཏང་བའི་བྱས་འབྲས་ཉིད་དུ་ཟད་དེ།

དེ་ལས་མང་བ་། “འཆི་བའི་མཐའ་ལ་ཐུག་པའི་བཙན་བྱོལ་བོད་པའི་སྐད་ཡིག” »

—–རྣོ།

 
སྤྱིར་བཏང་སྐད་ཆ་འདི་ང་རང་སྒེར་ལ་འབྲེལ་བ་ཆེར་མེད་མོད། བོད་པ་ཞིག་ཡིན་པས་འགན་འཁྲི་དེས་འདུག་ཏུ་མི་འཇུག་པས་ཚིག་འབྲུ་ཁ་ཤས་ལུད་འདོད་བྱུང་། ང་རང་༢༠༠༥ ལོར་བོད་ནས་རྒྱ་གར་དུ་ཡོང་བ་དང་ད་ནས་ཉིན་ཤས་རྗེས་བོད་དུ་ཕྱིར་ལོག་བྱེད་ཀྱི་ཡོད། ངས་མི་ལོ་བཅུའི་གོ་རིམ་ནི་འདི་འདྲ་ཞིག་སྟེ། དང་པོར་བོད་ནས་ཡོང་སྐབས་རྒྱལ་བ་རིན་པོ་ཆེ་ཕྱིར་བོད་ལ་མ་ཕེབས་བར་དུ་རང་ཉིད་ཀྱིས་ཅི་འཇོན་དང་ནུས་པ་གང་ཡོད་ཀྱིས་བོད་པ་རང་གི་སྤྱི་ཚོགས་སུ་ཞགས་འདེགས་ཧུར་ཐག་བྱེད་པའི་སེམས་ཤུགས་གནོན་མི་ཐུབ་པ་ཞིག་ཡོད་ལ།

དེ་ལས་མང་བ་། “འཐོར་ཞིག་གི་ལམ་དུ་ཕྱོགས་པའི་བོད་མིའི་སྒྲིག་འཛུགས།” »

དེད་དཔོན།

 
ཤོག་སྦག་སྦར་བའི་ལུགས་སྲོལ་འདི་གཡམ་རྒྱུག་དང་ཅལ་འདྲོགས་ལ་དགའ་བའི་བྱབ་ཆུང་འགས་གཞན་གྱི་ལད་ཟློས་བྱས་པ་ཙམ་ལས། རང་རེའི་ཡུལ་དུ་སྔར་ནས་དར་བའི་ལུགས་སྲོལ་ཞིག་མིན། ཕྱི་ལུགས་ནང་འདྲེན་བྱེད་པ་ལ་ལེགས་པའི་ཆ་ཡོད་ན་བྱ་འོས་ཀྱི་ལེགས་ཆ་མེད་ན་དེ་ཉིད་ལད་མོ་ནམ་ཡང་བྱ་མི་རུང་བ་ནི་བཟང་སྤྱོད་ལ་གུས་བརྩི་དང་། ངན་སྤྱོད་སུན་འབྱིན་བྱ་མཁན་གྱི་མི་རབས་གསར་པའི་འོས་འགན་ཉག་གཅིག་ཡིན། དེས་ན་འཛམ་གླིང་གང་སར་དར་ཁྱབ་ཆེ་བའི་དུས་སྟོན་འདྲ་མིན་སྐབས་སུ་ཚོན་མེ་སྦར་བའི་ལུགས་སྲོལ་འདིར་ཞིབ་འཇུག་དང་དཔྱད་པ་རེ་གྱིས་དང་། འདི་ཉིད་ཚབས་ཆེ་བའི་ནོར་འཁྲུལ་དང་བཟང་སྤྱོད་དང་འགལ་བ་

དེ་ལས་མང་བ་། “ཤོག་སྦག་གམ་ཚོན་མེ་ནམ་ཡང་བསྒྲོན་མི་རུང་།” »

ཁྲི་རལ་པ་ཅན།

 
གུས་པ་བཙན་བྱོལ་ནང་སླེབས་ཏེ་ལོ་ངོ་༡༥ ཙམ་སོང་རིང་། ཐོག་མའི་ཆར་བོད་མི་རྣམས་ཕྱི་རྒྱལ་དུ་ཐར་མཁན་ཉུང་ཉུང་དང་བོད་ཕྱི་ནང་བར་འབྲེལ་སྟབས་མི་བདེ་བ་སོགས་ཀྱིས། རྒྱ་གར་ནང་བོད་མི་བཙན་བྱོལ་བ་མང་པོ་ཡོད་ཅིང་། བོད་ཡིག་སྟེང་ཚགས་ཤོག་རིགས་དང་དུས་དེབ་སྣ་ཚོགས། རྩོམ་མཁན་ཕན་ཚུན་བར་དགག་སྒྲུབ་ཀྱི་རྩོམ་བྲོ་བ་ཅན་སྤེལ་བར། གཤམ་གྱི་མི་ཚོས་དོ་སྣང་ཆེན་པོ་དང་བཀླགས་མཁན་མང་བ། གསར་འབྱོར་ཚོར་ཁ་སྟབས་ཤིན་ཏུ་སྐྱོ་བོ་ཉལ་ས་མ་རག་པ་དང་ཟ་འཐུང་གི་དཀའ་ངལ་ཚུན་འཕྲད་པ། ལས་ཀ་ཕྲན་བུ་ཟླ་རེར་གླ་ཆ་ཧིན་སྒོར་སུམ་སྟོང་ཙམ་ཡོད་ན་དྲག་གྲས་ཡིན་པ་བཅས། འཚོ་གོས་ཀྱི་དཀའ་ངལ་ཤིན་ཏུ་ནས་ཀྱང་

དེ་ལས་མང་བ་། “ལྟས་མི་ལེགས་པའི་འཆར་སྣང་།” »

༅༅།། རྒྱ་གར་སྐད་དུ།
ཙིཏྟབཛྲསྟབ།
བོད་སྐད་དུ།
སེམས་ཀྱི་རྡོ་རྗེའི་བསྟོད་པ།
མཛད་པ་པོ།
མགོན་པོ་ཀླུ་སྒྲུབ།
འགྲེལ་མཁན།
རྔ་བ་རྒྱལ་ཁམས་པ།

དེ་ལས་མང་བ་། “༅༅།། སེམས་ཀྱི་རྡོ་རྗེའི་བསྟོད་འགྲེལ།” »