སྐྱོ་བྲག་དགའ་དབང་།
ངས་གླུ་ཡི་སྐོར་ཅི་ཡང་མི་ཤེས་ལ་ང་རང་གླུ་ལ་དམིགས་བསལ་དགའ་བའི་རིགས་ཀྱང་མིན། ཡིན་ནའང་། ངའི་ཤ་རུས་ཁྲག་རྒྱུད་བོད་པ་གཙང་མ་གཙང་རྐྱང་ཡིན་པའི་ཞེན་ཆགས་ཀྱིས། ང་བོད་ཀྱི་ཁོར་ཡུག་དང་། བོད་ཀྱི་མི་རིགས། བོད་ཀྱི་རིག་གཞུང་ལ་ཆེས་དགའ་ཞིང་དུངས། རང་མི་རིགས་ཀྱི་ཞེན་པ་ནི་ང་གཅིག་པུ་མིན་པར་ང་ཚོ་ཚང་མ་རེད། ཞེན་པ་འདིས་བོད་ཀྱི་སྣོད་བཅུད་རིག་གཞུང་གི་ཆེད་དུ་ལུས་སྲོག་ལོངས་སྤྱོད་བཏང་བ་ཡང་ཉུང་ཉུང་མིན། རང་གི་མི་རིགས་དང་། རང་གི་ཁོར་ཡུག་དང་། རང་གི་རིག་གཞུང་འཚོ་གནས་ཆེད་དུ་རང་ཉིད་འབད་པ་ནི་རང་ལ་ལྷན་སྐྱེས་སུ་འཁྲི་བའི་འགན་འཁྲི་ཞིག་ལས་གཞན་གྱིས་བཀོལ་ཡོང་བ་མ་རེད་ལ། རང་གིས་བླངས་བཞག་པ་ཞིག་ཀྱང་མ་རེད།
གལ་ཏེ་ཁྱོད་ལ་དད་པ་ཡོད་ན།