སྣང་རྒྱལ་ཤེས་དགེ།
 

《རང་བཙན་གྱི་ལྟ་བ་འཁྱེར་མཁན་ཚོས་དབུ་མའི་ལམ་པ་ཚོ་ལ་སྙིང་སྟོབས་མི་འདུག་ཟེར་བ་དང་། དབུ་མའི་ལམ་པ་ཚོས་རང་བཙན་རྩོད་མཁན་ཚོས་རྒྱལ་བ་རིན་པོ་ཆེར་ངོ་ལོག་བྱས་པ་རེད་ཟེར་ནས་ནང་ཁུལ་མ་མཐུན་པ་བྱེད་མི་ཉན》

༢༠༡༤ཟླ་བ་༩ཚེས་༦ནིའུ་ཡོག་དང་ནིའུ་འཇར་སི་ས་གནས་བོད་རིགས་སྤྱི་མཐུན་ཚོགས་པས་གོ་སྒྲིག་འོག་བོད་མི་རྣམས་ལ་རྒྱ་རིགས་ཀྱི་སྤྱི་ཚོགས་ནང་བོད་ཀྱི་གནད་དོན་ལ་ལྟ་ཚུལ་ཅི་འདྲ་ཡོད་པའི་སྐོར་ལ་གཏམ་བཤད་ཀྱི་ལས་རིམ་ཞིག་བཀོད་སྒྲིག་བྱས་འདུག་ཅིང་། གཏམ་བཤད་གནང་མཁན་ལ་རྒྱ་རིགས་ཤེས་ཡོན་ཅན་འགའ་ཞིག་གདན་འདྲེན་ཞུས་འདུག

དེ་ལས་མང་བ་། “རྒྱ་རྒན་གྱི་སྐད་ཆ་འདིས་ང་ངོ་ཚ་རུ་བཅུག་བྱུང་།” »

རེབ་ཐོག་མདའ།

དེ་རིང་བོད་ཀྱི་དཔེ་མཛོད་ཁང་གི་གོ་སྒྲིག་འོག་བདག་དངལྷན་དུ་ཟླ་བ་གསུམ་རིང་རྩོམ་སྒྱུར་ཟབ་སྦྱོང་ལ་ཞུགས་ཀྱིན་པའི་སློབ་གྲོགས་བུ་བུ་མོ་སུམ་ཅུ་དང་། བོད་བརྒྱུད་ནང་བསྟན་ལ་བསླབ་པ་སློབ་གཉེར་གནང་དང་གནང་མུས་སུ་ཡོད་པའི་ཕྱི་གླིང་རྒྱལ་ཁབ་ཁག་སུམ་ཅུ་ལྷག་ནས་ཕེབས་པའི་སློབ་མ་བརྒྱ་ལྷག གཞན་གདན་ས་གསུམ་ནས་ཚན་རིག་སློབ་གཉེར་དུ་སླེབས་པའི་དགེ་འདུན་པ་དྲུག བོད་ཀྱི་དཔེ་མཛོད་ཁང་གི་འགན་འཛིན་མཆོག་གཙོས་ལས་ཀྱི་སྣེ་མོའི་ཚན་ཁག་ཅིག་བཅས་ས་གསུམ་སྐྱེ་བོ་ཀུན་གྱི་ཡིད་རབ་དབང་མེད་དུ་འཕྲོག་ཅིང་།

དེ་ལས་མང་བ་། “མཇལ་ཁ་ཐེངས་གཅིག་གི་རྗེས་ཚོར།” »

ཁང་ཟླ་སྲས།

བརྗོད་དོན། ཆོས་ལུགས་དང་། མི་རིགས་ཀྱི་ལེགས་བྱང་རྒྱུད་འཛིན་སྐོར་གྱི་བསམ་ཚུལ།

ཉེ་ལམ་དྲ་ཐོག་ཏུ་ཐུབ་བསྟན་སྤྱི་དང་། དམིགས་བསལ་བོད་བརྒྱུད་ནང་བསྟན་པའི་དད་མོས་ལ་རྩིས་མེད་རྡོག་རོལ་གཏོང་བཞིན་ཚིག་འདི་གཞན་གྱིས་བཀོལ་བ་གཡར་པ་ཙམ་ལས་རང་ཉིད་ཀྱི་བསམ་ཚུལ་དངོས་མ་ཡིན་པའི་པར་རིས་འདྲ་མིན་ཞིག་ཁྱབ་སྤེལ་བྱེད་བཞིན་ཡོད། དཔེར་ན། སངས་རྒྱས་ཀྱི་སྐུ་བརྙན་ལྷམ་སོགས་གྱོན་གོས་ཀྱི་ངོས་སུ་དཔར་ཏེ་ཚོང་རྫས་ཀྱི་ཕྱོགས་སུ་བཀོལ་བཞིན་པ་དང་། རྒྱ་ནག་གི་ཡུལ་སྐོར་བ་ཚོ་བོད་ཁུལ་དུ་སོང་སྟེ་མཆོད་རྟེན་དང་། འཁོར་ལོ། སྐུ་བརྙན། རི་སྒང་གི་དར་ལྕོགས་སོགས་ཀྱི་སྟེང་དུ་འཛེགས་པ་ལྟ་བུ་རེད།

དེ་ལས་མང་བ་། “མུན་འོད་ཤན་འབྱེད།” »

འཇམ་གཅེས།

དེང་གི་དུས་འདིར་སྤྱི་ཚོགས་ཀྱི་དཔྱད་བརྗོད་པ་དང་། ཆབ་སྲིད་པར་རློམ་མཁན་གྱི་རང་རེའི་མི་བུ་མང་པོས་དྲྭ་ལམ་ཁག་དུ་དཔྱད་བརྗོད་ལྟ་བུའི་རྩོམ་ཡིག་དང་། སྐད་འཕྲིན་ནང་དུའང་ཡིག་ངག་གཉིས་ཐོག་ནས་ཧ་ཅང་མང་པོ་ཞིག་སྤེལ་བཞིན་པ་ནི་ཕྱོགས་གཅིག་ནས་བཟང་ཕྱོགས་ཀྱི་རྣམ་པ་ཡིན་མོད། ཕྱོགས་གཞན་ཞིག་ནས་བཤད་ན་དཔྱད་བརྗོད་སྤེལ་མཁན་ཞིག་ལ་མཚོན་ན། མ་མཐར་ཡང་དགོས་ངེས་ཀྱི་ཆ་རྐྱེན་ནི་འགན་ཁུར་རང་བཞིན་ལྡན་པའི་སྒོ་ནས་དྲང་བདེན་ཡོད་དགོས་པ་ལས། དེ་མིན་རང་སྣང་གང་ཤར་གྱིས་སེམས་ལ་དྲན་ཚད་ཡིག་ཐོག་ཏུ་སྤེལ་བ་དང་། ཁ་ནས་གང་ཐོན་སྐད་འཕྲིན་ནང་དུ་བཤད་གང་ཐུབ་བྱས་པ་ཙམ་གྱིས་རྩ་དོན་ལ་ཕན་པའི་བྱ་བ་ཞིག་ག་ལ་ཡིན།

དེ་ལས་མང་བ་། “དཔྱད་བརྗོད་མཁན་ཚོ་ལ་སྤེལ་བའི་དཔྱད་བརྗོད།” »

རྔ་རྒོད།

དྲང་མོར་བཤད་ན་ངེད་ཅག་གི་སྣང་ངོར་ལྐོག་གྱུར་འབའ་ཞིག་ལས་གྲུབ་པའི་ལྷ་འདྲེ་རྣམས་ང་ཚོས་མཐར་གཏུགས་ན་འདི་དག་ནི་འདིར་ཡོད་མེད་ཀྱང་ཤེས་ཀྱིན་མེད་སྟབས། འདི་དག་གིས་ང་ཚོར་ཕན་ཐོགས་ཡོད་པ་ཞིག་ཏུ་མ་མཐོང་ངོ་། དེའི་ཕྱིར། ལྷ་འདྲེ་ཡོད་པ་དང་དེས་ཕན་པར་བསྒྲུབས་པའི་ངོ་སྤྲོད་ཡང་དག་ཅིག་འདིར་བཤད་རྒྱུ་མེད་དོ།། རྒྱུ་མཚན་དེས། དོལ་རྒྱལ་སྐོར་ཡང་དེ་དེ་བཞིན་ནོ།།
སྐབས་དོན། ཁྱོད་ཀྱིས་དོལ་རྒྱལ་བསྟེན་མིན་དེ་ནི་ཁྱོད་ཀྱི་རང་དབང་ཡིན་པར་ལྟར། གཞན་གྱིས་དོལ་རྒྱལ་མི་བསྟེན་པ་དེ་ཡང་ཁོང་ཚོའི་རང་དབང་རེད།

དེ་ལས་མང་བ་། “རྩོད་པ་ཅན་གྱི་རིགས་མ་བསྟེན་ན་ལེགས།” »

རིགས་སློབ། གོང་དཀར་ངག་རྣམ།

(ཨ་རིའི་VOA དབྱིན་སྐད་དྲ་གནས་ཐོག་སྤེལ་བའི་གསར་འགྱུར་ལ་གཞི་བྱས་ཏེ་བྲིས།)

སྐད་ཡིག་འདྲ་མིན་སྣ་ཚོགས་ཡོད་པའི་རྒྱ་གར་ལྟ་བུའི་རྒྱལ་ཁབ་ནང་གཞུང་འབྲེལ་གྱི་སྐད་ཡིག་གང་ཞིག་འཇོག་མིན་དེ་ནི་དཀའ་ཚེགས་དང་། ཉེན་ཁ་ཅན་ཞིག་ཡིན་པར་བརྗོད་ག་ལ་དགོས། རྒྱ་གར་ནང་རྒྱལ་རབས་ལོ་རྒྱུས་དང་། མི་རིགས་རིང་ལུགས། ས་ཁོངས་སོགས་སྤྱི་ཚོགས་ཀྱི་གནད་དོན་དག་ཧིན་དི་དང་དབྱིན་སྐད་གང་ཞིག་གི་ཐོག་ནས་སྤྱོད་དགོས་མིན་གྱི་ཐག་གཅོད་དེ་ནི་སྤྱི་ཚོགས་ཀྱི་ཆབ་སྲིད་དང་། ས་ཁོངས་སོ་སོའི་སྐད་ཡིག་གི་འཐབ་རྩོད་ཅིག་ཆགས་ཡོད། རྒྱ་གར་ནང་སླར་ཡང་དེའི་ཐོག་གླེང་སློང་བྱེད་ཀྱི་ཡོད།

དེ་ལས་མང་བ་། “སྐད་ཡིག་གི་འཐབ་རྩོད་ཅིག” »

བློ་བཟང་དོན་ལྡན།

ཤར་ཕྱོགས་ཁུག་རྟའི་དེབ་གསར༼སྟག་ཤར་གཞོན་པས་བོད་རྒྱའི་དཀའ་རྙོག་གླེང་བ་༽ཞེས་པ་དཔེར་འགྲེམས་མཛད་སྒོ་གྲུབ་མཚམས། གཞིས་བྱེས་བོད་མིའི་ཤེས་ཡོན་པའི་སྡེ་གཙོ་བོར་གྱུར་བའི། བཙན་བྱོལ་ནང་གི་དགོན་སྡེ་ཁག་དང་གཞིས་ཆགས་ཁག་བཅས་ག་ས་གང་དུ་འདིའི་སྐོར་གླེང་སློང་སྣ་ཚོགས་པ་ཞིག་ཡོང་བཞིན་པ་ཐོས་པས། དེབ་དེ་ལག་སོན་ཨེ་བྱུང་ལ་ཐབས་ཤེས་སྣ་མང་བརྒྱུད་མཐར་དེབ་གཅིག་མི་ཆེན་པོ་ཞིག་གི་ས་ནས་གཡར་རྒྱུ་བྱུང་། དེབ་འདི་ལ་དབྱེ་ཞིབ་བྱེད་རྒྱུའི་རྣམ་དཔྱོད་རང་ཉིད་ལ་མེད་པ་ངས་དེབ་འདིའི་དཀར་ཆག་ཞིབ་ཀློག་དང་གཞུང་དངོས་རགས་ལྟ་ཙམ་བྱས་རྗེས་གསལ་བོ་ཤེས།

དེ་ལས་མང་བ་། “ངོ་དེབ་སྟེང་དུ་རྒྱུགས་ཆེ་བའི་པར་དང་ཤར་ཕྱོགས་ཁུག་རྟ།” »

འཇམ་གཅེས།

སྲིད་འབྱོར་རིག་གསུམ། ཆོལ་ཁ་ཆོས་ལུགས། མདོར་ན་ཡོད་ཚད་ཁོང་དུ་ཆུད་པར་རློམ་མཁན་གྱི་བོད་རིགས་སྤྱི་དང་། ལྷག་པར་དུ་དོལ་རྒྱལ་དང་འབྲེལ་བའི་ཇུས་གཏོགས་མཁན་པོ་ཚོས་ཉོན་ཤིགས།

ཁྱེད་ཅག་དང་དོལ་རྒྱལ་ཚོགས་པའི་བར་དུ་འདྲ་བའི་ཆ་ཁ་ཤས་ཡོད་པའི་ནང་ནས་གཅིག་ནི་ཆོས་དད་རང་དབང་དགོས་ཚུལ་དང་། འགྲོ་བ་མིའི་ཐོབ་ཐང་དགོས་ཚུལ་ཟེར་ནས་འུར་སྒྲོག་བཟོ་བཞིན་པ་དེ་རེད། འོ་ན་དོལ་ཚོགས་ལ་ཆོས་དད་རང་དབང་དགོས་ན་༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་ལའང་ཆོས་དད་རང་དབང་ཅིའི་ཕྱིར་མི་དགོས།

དེ་ལས་མང་བ་། “ཆེས་མཛད་འཕྲིན་ཆེ་ཤོས་ཀྱི་གྲལ་དུ་ངོས་འཛིན་ཞུ་འོས།” »

རྔ་བ་བརྒྱད་གསུམ་གཅིག་དྲུག

མི་འགྱང་བར་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཐེངས་དགུ་བ་དེ་ཕྱི་ལོ་ ༢༠༡༤ ཟླ་་ ༠༩ ཚེས ་༡༢ ནས་ཚེས་ ༢༤ བར་དུ་འཚོགས་རྒྱུ་ཡིན་པ་ཐུགས་གཏན་ཁེལ་ཡོད་སྟབས། གོ་སྐབས་འདི་དང་བསྟུན་ནས་ཆེས་བཀུར་འོས་པའི་བཀའ་སྤྱི་ལྷན་རྒྱས་ལ་གནས་ལུགས་འགའ་སྙན་འབུལ་ཞུ་རྒྱུ་ཡིན་པས། བཀུར་འོས་ལྷན་རྒྱས་རྣམ་པས་སྙན་ཞུ་འདི་ལ་དཔུང་རོགས་ཡོད་མེད་དང་སྐུ་རྒྱབ་བཙན་མིན་ལ་མི་ལྟ་པར་གནས་ལུགས་དང་རྒྱུ་མཚན་ལ་དོ་ཁུར་གནང་བའི་རེ་བ་དང་ཡིད་ཆེས་ཡོད།

དེ་ལས་མང་བ་། “བཀའ་སྤྱི་ལ་བསྲིངས་བའི་བསམ་ཚུལ།” »

སྐྱོ་བྲག་དགའ་དབང་།

བདག་གིས་སྤྱིར་མི་ཚེའི་གནས་བབས་ཀྱི་ཤེས་བྱ་གཙོར་འདོན་བྱས་པ་ཞིག་བྲིས་པར། ཨ་ནེ་ལགས། ཨ་ནེ་ལགས། ཞེས་པ་ལྔ་བཅུ་ཐམ་པ་ཡོད་པ་ལ་བརྟེན་ནས། ཨ་ནེ་ལྔ་བཅུ་པ། ཞེས་བཏགས་ཏེ་གཡུ་ཞུན་དྲ་བར་བཏང་བ། སྤྱི་ལོ་༢༠༡༠ ཟླ་༤ ཚེས་༡༡ ཉིན་བཀོད་འདུག་པར་ལབ་གླེང་ཅི་ཡང་མ་བྱུང་།
རྗེས་མ་སྐད་འཕྲིན་(WeChat) ཁྱབ་གདལ་དུ་ཕྱིན་པའི་བྱ་སླར་བརྟེན་ཏེ་འགའ་ཤས་ཤིག་གིས་ང་ནག་པོར་སྒྱུར་བའི་རེ་དམིགས་ཡིན་སྲིད་པ་ལྟ་བུས།

དེ་ལས་མང་བ་། “ངའི་རྩོམ་ཆད་འགོད་སྤེལ།” »

རླངས་ཚངས་བསོད་ནམས་རྡོ་རྗེ།

༼ད་ལོར་མཚོན་ན་དབྱར་རྩྭ་དགུན་འབུ་བརྐོ་རུ་སོང་ནས་སེན་མགོ་ཁྲག་དང་སེན་གཏིང་སྣག་བྱས་ཏེ་ཡོང་བ་དག་ལ་འོ་དོད་ཐེངས་ཤིག་དང་ལྷན་དུ་བསམ་གཞིགས་ཟབ་མོ་ཞིག་བྱེད་དགོས་པར་གྱུར་པའི་ལོ་ཞིག་ཡིན་ལ། ལྷག་པར་དུ་རེབ་གོང་ལ་མཚོན་ན་ཕུ་ནུ་ནང་འཁྲུག་གིས་མི་ཤི་རྟ་འགྱེལ་བྱུང་བའི་ལོ་ངན་ཞིག་ཀྱང་ཡིན་མོད། ལྟས་ངན་པ་ཞིག་ལ་ཁོ་ཚོས་ད་དུང་ཡང་ཕུགས་འཕེར་རང་བཞིན་གྱི་ལས་གནས་ཤིག་ལ་འཇུ་རྒྱུ་ལས་སང་ལོར་འདི་ལས་ལེགས་པའི་སྟོང་བསམ་ཞིག་བཅངས་བཞིན་ཡོད། འདི་ལྟར་ལོ་ངོ་རེ་རེ་བཞིན་བསྐྱལ་བའི་ཕ་རོལ་ནས་འུ་ཅག་གི་དཔལ་འབྱོར་གྱི་གནས་བབ་དང་རིག་གནས་ཀྱི་གནས་བབ་འདི་ཇི་འདྲ་ཞིག་ཏུ་འགྱུར་རྒྱུ་རེད་དམ།༽

དེ་ལས་མང་བ་། “ང་ཚོ་དབྱར་རྩྭ་དགུན་འབུའི་གཡོ་འོག་ཏུ་ཚུད་ཀྱིན་འདུག (བོད་འབྱོར།)” »

དུར་བྱང་།

ཉེ་བའི་ཆར། རྨ་ལྷོ་བོད་རིགས་རང་སྐྱོང་རྫོང་(རྫོང་འདིའི་མིང་ལ། ཡུལ་རྒན་རྫོང་། གཡུ་སྒང་རྫོང་ཞེས་ཀྱང་ཟེར། 1954 ལོར་དབུ་བརྙེས།)བཙུགས་ནས་ལོ་རྒན་ཧྲུལ་བོ་ 60 འཁོར་བའི་དགའ་སྟོན་གྱ་ནོམ་པ་ཞིག་གཙོ་སྒྲུབ་གནང་སྟེ། བདེ་ལེགས་ངང་མཇུག་བསྒྲིལ་ཡོད་པའི་གནས་ཚུལ་དྲ་ལམ་ནས་མཐོང་རྒྱུ་བྱུང་བས་ཨེན་ཙམ་དགའ་བོ་བྱུང་། ཕྲན་པའི་ལྟེ་ཁྲག་གི་རྒྱུ་བའང་གནས་དེ་རུ་འཐོར་བ་ཡིན་པས་ཞེན་ཁོག་ཐོ་རེ་ལོང་ལེ་བ་ཞིག་ཀྱང་ཡོད་སེམས་ཐག་ཡིན། རེད་དེ། ཡུལ་ངོས་ཀྱི་པར་རིས་དགོད་བྲོ་བ་དེ་དག་ཕན་ཚུན་འགྲན་པའི་ཚུལ་དུ་འདྲེན་བྱེད་ཀྱི་ཡུལ་དུ་གྱུར་ཙ་ན།

དེ་ལས་མང་བ་། “ཟེར་རྒྱུའི་ཕོངས་པའི་ངག་ལ་མྱི་སྐད་གླན་པ།” »

རྔ་བ་བརྒྱད་གསུམ་གཅིག་དྲུག

ཁ་རྩང་དེ་རིང་སྐད་འཕྲིན་དང་ངོ་དེབ་སོགས་སུ་གྲྭ་བ་དག་གི་སྐྱོན་མཚང་ཞིག་འབྲུ་ཐུབ་ན་གནས་ལུགས་ཡོད་མེད་དང་རྒྱུ་མཚན་གང་ཡིན་ཤེས་མིན་ལ་མ་ལྟོས་པར་སྤྱི་ཚོགས་ཤིག་ཏུ་བཀྲམ་པ་ཡིན་ན་འཇོན་ཐང་ཞིག་ཏུ་རྩི་བཞིན་པའི་སྐབས་འདིར། ངས་རྩོམ་ཡིག་འདིའི་ཁ་བྱང་མཐོང་དུས་འུ་ཅག་མི་བུ་མང་པོ་ཞིག་གི་ནད་རྙིང་འཕར་ལྡིང་བྱེད་སྲིད་ཀྱང་དྲང་བདེན་དང་གནས་ལུགས་ལ་བརྩི་བཀུར་ཡོད་མཁན་ཞིག་ཡིན་ན་ཁ་བྱང་འདི་ཧ་ཅང་གི་འོས་ཤིང་འཚམ་པོ་ཞིག་ཏུ་དྲན་ངེས་ཡིན།
གང་ལགས་ཞེ་ན། འུ་ཅག་གི་ཕྱོགས་མང་པོ་ཞིག་ལ་བློ་མིག་གིས་གཟུ་བོར་བལྟས་ནས་བཤད་ན།

དེ་ལས་མང་བ་། “བོད་ཀྱི་གྲྭ་བ་བོད་མི་རིགས་ཀྱི་སྲོག་རྩ་དང་ཀ་བ་ཡིན།” »

ཟླ་ཀླུང་།

ཀུན་གཟིགས་ཞྭ་དམར་རིན་པོ་ཆེའི་སྐུ་ཕུང་ཞུགས་འབུལ་ཁོང་གི་གདན་ས་ཤར་མི་ནུབ་དགོན་པར་བྱ་ཆེད་བལ་ཡུལ་དུ་གདན་འདྲེན་ཞུ་བའི་ཆོག་མཆན་རྒྱ་གར་གྱི་རྒྱལ་ས་དིལླི་གསར་པར་ཡོད་པའི་བལ་ཡུལ་གཞུང་ཚབ་ཀྱིས་སྤྲད་ཟིན་ནའང་བལ་ཡུལ་ནང་སྲིད་ལས་ཁུངས་ཀྱིས་ཕྱིར་བསྡུ་བྱས་པ་རེད།
བྱེད་དགོས་པའི་རྒྱུ་མཚན་ཐད་བལ་གཞུང་ནང་སྲིད་ལྷན་ཁང་གི་མགྲིན་ཚབ་པ་དྷ་ཁཱལ་གྱིས། ཞྭ་དམར་རིན་པོ་ཆེ་འབྲུག་གི་མི་སེར་ཡིན་པ་དང་། བལ་གཞུང་ནང་སྲིད་དྲུང་ཆེ་སུརྱཱས།

དེ་ལས་མང་བ་། “ཞྭ་དམར་རིན་པོ་ཆེའི་སྐུ་ཕུང་གདན་འདྲེན།” »

མགར་འཇམ་དབྱངས།
 

༼༡ ༽

ཕྱི་ལུགས་ལྟར་ཟླ་ ༧ ཚེས ༦ ཉིན་རླབས་ཆེན་གྱི་སྐྱེས་བུ་ཤེས་རབ་ཅན་ཞིག་དམུ་རྒོད་བོད་ཀྱི་སྐྱབས་དང་མགོན་དུ་བྱོན་པའི་སྐུའི་འཁྲུངས་སྐར་གྱི་ཉིན་མོ་ཡིན་སྟབས། འགྲོ་འདུག་སྤྱོད་ལམ་དང་སྨྲ་བརྗོད་ཀྱི་རང་དབང་ཡེ་ནས་བྲལ་བའི་གཞིས་བཞུགས་སྤུན་ཟླ་དག་ཕུད། བྱེས་གྱར་བོད་མི་དག་གིས་ལོ་ལྟར་རྣམ་པ་འདྲ་མིན་བརྒྱུད་བརྩི་སྲུང་བྱེད་ཀྱིན་ཡོད། དེ་ནི་དེང་གི་རྒྱལ་འཚོང་བ་དག་གིས་སྒྲོ་བཏགས་ཀྱི་བཤད་ཡམས་དང་། དངུལ་དངོས་ཀྱིས་རང་ཚུགས་ཤོར་བའི་རུལ་སུངས་པ་དག་གིས་འཁྲབ་སྟོན་གྱི་ལེ་ཚན་དང་གཏན་མི་འདྲ་བར།

དེ་ལས་མང་བ་། “ནུབ་སྡོད་བོད་མིའི་འཁྲུངས་སྐར་ཐད་ཀྱི་འཆར་སྣང་།” »

རྔ་རྒོད།

ཐེངས་དང་བོའི་བོད་རིགས་འདྲེས་མའི་ཚོགས་འདུ་ལས་འཕྲོས་ཏེ་རང་གི་བསམ་ཚུལ་ཙམ་ཞིག་བརྗོད་ན།

ཉིན་གཉིས་རིང་དུ་དབྱིན་ཡུལ་ནས་འཚོགས་པའི་བོད་རིགས་འདྲེས་མའི་ཆབ་སྲིད་ཚོགས་འདུ་དང་དེའི་ནང་དོན་སྐོར་ཅིག་འདིར་བསྙད་ན། འདི་ནི་ཆབ་སྲིད་མདུན་བསྐྱོད་ཀྱི་བསམ་བློ་རྣམ་དག་ཅིག་ལས། ཁ་ཤས་ཀྱིས་བཤད་ཡམས་ལྟར། མི་འོས་པའི་ནང་ཁུལ་མི་རིགས་དབྱེན་འབྱེད་ཀྱི་བསམ་སྦྱོར་ངན་པ་ཞིག་འདིར་གཏན་ནས་མི་འདུག རྒྱུ་མཚན། སྲས་མོ་པདྨ་ཡོའུ་ཁོ་དང་བཀྲས་མཐོང་ལྷ་སྒྲོན་གཙོས་གཞན་པ་ཚང་མ་ནུབ་ཕྱོགས་འདི་ནས་འཚར་ལོངས་བྱུང་ཡོད་སྟབས།

དེ་ལས་མང་བ་། “བོད་རིགས་འདྲེས་མའི་ཚོགས་འདུ་ལས་འཕྲོས་པའི་བསམ་ཚུལ།” »

ཁྲི་རལ་པ།

དེ་སྔོན་ནས་བྷེལ་ཇམ་ནང་གནས་འཁོད་བོད་མི་མང་དག་ཅིག་ལ་ཡིག་ཆ་ནག་པོ་ཆགས་བཞིན་པའི་དཀའ་ངལ་ཅིག་ཡོང་གི་ཡོད་ནའང་། བར་ལམ་བོད་མིའི་སྒྲིག་འཛུགས་ནས་ཐབས་འཚོལ་གནང་བཞིན་པ་སོགས་བརྒྱུད་ལམ་རེ་ཟུང་ནང་འཐོན་སོང་བས། དཀའ་རྙོག་དེ་ཅུང་ཞི་འཇམ་གྱི་རྣམ་པར་སོང་རུང་། དེ་རིང་སྤྱི་ཟླ་༦ པའི་ཚེས་༢༦ ཉིན་བོད་ཀྱི་བང་ཆེན་གསར་ཤོག་དྲ་བའི་ནང་། བྷེལ་ཇམ་དུ་དཀའ་ངལ་འཕྲད་སའི་བོད་མིའི་ཚོགས་གཙོ་སྨོན་ལམ་གྲགས་པ་ལགས་སུ་བཅར་འདྲི་བྱས་པར་བལྟས་ཏེ། རང་ཉིད་ནི་དཀའ་ངལ་དེ་ལ་འབྲེལ་བ་གང་ཡང་མེད་མོད། བོད་མི་ཞིག་ཡིན་པའི་ཆ་ནས་སེམས་པ་མི་སྐྱིད་པ་ཆེན་པོ་བྱུང་།

དེ་ལས་མང་བ་། “ཁ་དང་ཁ་སྤུ་དབྱེ་འབྱེད།” »

ཁྲི་རལ་པ།

དེང་སང་འཛམ་གླིང་ཤར་ནུབ་གང་སར་རང་རང་གི་ཡུལ་ལུང་ནང་དཀའ་རྙོག་སྣ་ཚོགས་ཡོད་པ་རྣམས། ཡུལ་གཞན་གྱི་ནང་འཚོ་ཐབས་དང་འཐབ་རྩོད། རང་དབང་སོགས་ཀྱི་ཆེད་འགྲོ་མཁན་ཧ་ཅང་མང་པོ་ཡོང་གི་ཡོད་ཅིང་། ལྷག་པར་ཨ་ཧྥ་རི་ཁ་དང་ཐག་ཉེའི་ཡོ་རོབ་རྒྱལ་ཁབ་སི་ཕན་དང་ཨི་ཁྲ་ལི་ལྟ་བུའི་ནང་དབུལ་ཕོངས་དང་ནང་འཁྲུག་ལ་གཡོལ་བར་མི་ནག་ཡུལ་བྱོལ་བ་འབུམ་ཚོ་མང་པོ་བསླེབས་ཏེ། རྒྱལ་ཁབ་སོ་སོ་ལ་དཀའ་ངལ་དང་བརྡབས་གསིག་ཆེན་པོ་ཡོད་རུང་། མི་ཆོས་རིང་ལུགས་ཀྱི་རྒྱབ་རོགས་དང་རྒྱལ་སྤྱིའི་ཁྲིམས་ལ་ལྟོས་ཏེ་མི་ནག་དེ་ཚོ་མང་ཆེ་བ་སྐྱབས་བཅོལ་ངོས་འཛིན་རག་ཐུབ་ཀྱིན་ཡོད་པ་མ་ཟད།

དེ་ལས་མང་བ་། “རང་ཤ་བཅད་ནས་གཞན་ལ་མ་སྤྲད་རོགས།” »