ཤར་ཕྱོགས་ཁུག་རྟ།
དབུ་མའི་ལམ་གྱི་རྗེས་འཇུག་པ་རྣལ་མ་ཞིག་ལ་མཚོན་ན། དེ་རིང་སང་ཉིན་གསལ་ཁ་བྱེད་དགོས་པའི་གནད་དོན་གཅིག་ཡོད་པ་ནི། འབྲེལ་མོལ་མུ་མཐུད་མདུན་བསྐྱོད་མ་ཐུབ་པའི་གནད་འགག་མི་མང་ལ་གསལ་བཤད་བྱེད་རྒྱུ་དེ་རེད། ད་ལྟའི་བོད་རྒྱའི་དཀའ་རྙོག་གི་གནས་བབ་གང་དུ་སླེབས་ཡོད་མེད་ལ་ཐུགས་འདྲིས་མེད་མཁན་ཚོས། རྒྱུ་མཚན་ཅི་ཞིག་གིས་འབྲེལ་མོལ་མདུན་བསྐྱོད་མ་ཐུབ་པ་ཡིན་ནམ་བསམས་ཏེ། དེ་ཡོང་ཐབས་ཀྱི་གཞི་རྩའི་དབུ་མའི་ལམ་གྱི་སྲིད་བྱུས་ལ་སྤྱི་སྦོམ་གྱི་རེ་དོགས་འབྱུང་ངེས་ལ།
སྐྱོ་བྲག་དགའ་དབང་།
ངས་གླུ་ཡི་སྐོར་ཅི་ཡང་མི་ཤེས་ལ་ང་རང་གླུ་ལ་དམིགས་བསལ་དགའ་བའི་རིགས་ཀྱང་མིན། ཡིན་ནའང་། ངའི་ཤ་རུས་ཁྲག་རྒྱུད་བོད་པ་གཙང་མ་གཙང་རྐྱང་ཡིན་པའི་ཞེན་ཆགས་ཀྱིས། ང་བོད་ཀྱི་ཁོར་ཡུག་དང་། བོད་ཀྱི་མི་རིགས། བོད་ཀྱི་རིག་གཞུང་ལ་ཆེས་དགའ་ཞིང་དུངས། རང་མི་རིགས་ཀྱི་ཞེན་པ་ནི་ང་གཅིག་པུ་མིན་པར་ང་ཚོ་ཚང་མ་རེད། ཞེན་པ་འདིས་བོད་ཀྱི་སྣོད་བཅུད་རིག་གཞུང་གི་ཆེད་དུ་ལུས་སྲོག་ལོངས་སྤྱོད་བཏང་བ་ཡང་ཉུང་ཉུང་མིན། རང་གི་མི་རིགས་དང་། རང་གི་ཁོར་ཡུག་དང་། རང་གི་རིག་གཞུང་འཚོ་གནས་ཆེད་དུ་རང་ཉིད་འབད་པ་ནི་རང་ལ་ལྷན་སྐྱེས་སུ་འཁྲི་བའི་འགན་འཁྲི་ཞིག་ལས་གཞན་གྱིས་བཀོལ་ཡོང་བ་མ་རེད་ལ། རང་གིས་བླངས་བཞག་པ་ཞིག་ཀྱང་མ་རེད།
ཨ་ནུ་ཐང་བསོད་ནམས།
ད་ལྟའི་བོད་ནི་མིག་འབྲས་འདྲུ་བའི་ལྷ་དབང་ལམ་ལུགས་ཀྱི་སྲིད་གཞུང་དང་བསྡུར་ན་ཡག་ཚུལ་བརྗོད་འདུག
དང་པོ།
ཁ་སང་གཟའ་མིག་དམར་ཉིན་ཆེ་ཁི་སྲིད་འཛིན་ལ་རྒྱ་དང་མཉམ་དུ་འབྲེལ་བ་བྱེད་སྐབས་བོད་ནང་གི་འགྲོ་བ་མིའི་ཐོབ་ཐང་གླེང་ཡོད་དམ་ཞེས་དྲིས་པའི་ལན་དུ། དེང་སྐབས་ཀྱི་བོད་ཀྱི་གནས་སྟངས་ནི་སྔོན་གྱི་ལྷ་དབང་ལམ་ལུགས་ཀྱི་མི་གསོན་པོའི་མིག་རྡོག་འདྲུ་བའི་དུས་སྐབས་དང་བསྡུར་ན་ཡག་ཚུལ་གླེང་འདུག སྟབས་མ་ལེགས་པ་ཞིག་ཏུ་གནས་ཚུལ་འདི་ནི་བདེན་པ་རེད་ལ། གནའ་བོའི་སྐྱི་གཡའ་བའི་ལོ་རྒྱུས་ཀྱི་བྱུང་བ་ཡིན་པ་མ་ཟད།
དེ་ལས་མང་བ་། “ལྷ་དབང་ལམ་ལུགས་ཀྱི་སྲིད་གཞུང་དང་བསྡུར་ན་ཡག་ཚུལ་བརྗོད་འདུག” »
ཉེན་རྟོག་པ།
2015ལོའི་འཇར་མན་དུ་ཚོགས་གཏན་འཁེལ་བའི་རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་སུ་རིག་གཞུང་བགྲོ་གླེང་ལ་དགའ་བ། མཐོང་ཐོས་ཉམས་མྱོང་ལ་དགའ་བ། མཁས་པའི་ལེགས་བཤད་ལ་དགའ་བ་སོགས་འདོད་འདུན་སྣ་མང་གིས་སྣེ་ཁྲིད་ནས་སྙན་ཞུ་ཕུལ་མཁན་མང་ནའང། ཚོགས་འདུ་གོ་སྒྲིག་བྱེད་མཁན་དག་གིས་ཁོ་རང་ཚོ་ལ་རྒྱུས་ཡོད་པ་དང་ནམ་རྒྱུན་སྤྱི་ཚོགས་ཁྲོད་དུ་དྲ་ཐོག་སོགས་སུ་འུར་ཆེ་བ་སྐོར་ཞིག་ལས་བག་ལ་ཞ་བའི་ཤེས་ལྡན་པ་མང་བོ་ཞིག་གི་སྤོབས་པ་དང་རེ་བ་ཆུ་ལ་བསྐྱུར་སོང་ཟེར།
དེ་ལས་མང་བ་། “རྒྱལ་སྤྱིའི་གཞོན་ནུའི་ཚོགས་འདུ་དང་ཤེས་ལྡན་པ་ཚོའི་བར་ཐག” »
རྔ་བ་བརྒྱད་གསུམ་གཅིག་དྲུག
སྲིད་སྐྱོང་དང་ཕྱི་དྲིལ་བཀའ་བློན་སོགས་ཀྱིས་རང་གི་བསམ་ཚུལ་ཡིན་དང་། ཡང་ན་གཞན་ཞིག་གི་ལམ་སྟོན་དང་བཀོད་སྒྲིག་ཡིན་མིན་གང་ལྟར་ཡང་རྒྱབ་མདུན་གང་སར་བསམ་བློ་མ་བཏང་བའི་ལས་ཀ་འདི་མ་གླེང་ཐབས་མེད་རེད།
གང་ཡིན་ཅེ་ན། གཏོར་མ་ཁྱི་ཡིས་ཁྱེར་ཡང་འཛུམ་དམུལ་དམུལ། མར་མེ་རླུང་གིས་བསྐྱོད་ཀྱང་ལྷོད་ཤིག་ཤིག་ཅེས་པ་འདི་འགན་མི་འཁུར་བའི་མི་ལ་བཀོད་པའི་སྡོམ་ཚིག་ཅིག་ཡིན་པས་ང་འདི་ལྟར་སྡོད་ཐབས་མེད། མ་གཞི་འཛམ་གླིང་གི་རྒྱལ་ཁབ་སུ་ཞིག་ཡིན་ཡང་གཞུང་ཞབས་ལས་བྱེད་དང་། གཞུང་གི་སྲི་ཞུ་བར་ཞུགས་པའི་སྔོན་འགྲོའི་ཆ་རྐྱེན་ཨང་དང་པོ་དེ་རྒྱལ་ཁོངས་དེའི་ཡུལ་མི་ཡིན་དགོས་པ་དང་།
དེ་ལས་མང་བ་། “བཀའ་ཤག་གི་གསར་གཏོད། ཏེ་ལོ་སྤྲུལ་སྐུའི་ལམ་འགྲོ།” »
སྤོབས་པ་མཐའ་ཡས།
ང་ནི་རིག་པ་ཧ་ཅང་གྲུང་བའི་མི་ཞིག་ཡིན། རིག་པ་གྲུང་བའི་མི་ཞེས་པ་དེ་ལ་དཀའ་ངལ་མེད་པ་ཞིག་གཏན་ནས་མ་རེད། ང་རིག་པ་གྲུང་བར་བརྟེན་ངས་གནས་ཚུལ་མང་པོ་ཞིག་ཤེས་པར་གྱུར། གནས་ཚུལ་མང་པོ་ཤེས་པས་སྤྱིར་བཏང་གི་མི་ཕལ་མོ་ཆེར་དང་མི་འདྲ་བར་གྱུར། ལྟ་སྤྱོད་མང་པོ་ཞིག་མི་མཐུན་པར་གྱུར། ཕལ་ཆེར་ངས་བལྟས་ན་ཁོང་ཚོ་སྨྱོས་ཟིན་པ་དང་ཁོང་ཚོས་བལྟས་ན་ང་སྨྱོས་ཟིན་པའི་ཁྱད་པར་ཤོར། མཚམས་རེར་ངའི་ལྟ་ཚུལ་ལ་འཛམ་གླིང་གི་མི་ཕལ་མོ་ཆེ་ནི་སྨྱོན་པས་དབང་སྒྱུར་བ་དང་། སྨྱོན་པས་སྣེ་ཁྲིད་པ། སྨྱོན་པས་ལམ་སྟོན་བཞིན་པའི་སྣང་བ་ཡང་སྐྱེས།
རས་པ།
—རྡ་རམ་ས་ལའི་”ས་མཐའི་ཁ་བརྡ་”ཞེས་པའི་མཉམ་འཛོམས་སྟེང་བཏོན་པའི་བསམ་ཚུལ་ཅིག
གལ་སྲིད་སྙན་ངག་ནི་བུད་མེད་ཅིག་ཡིན་པའི་དབང་དུ་བཏང་ན་ང་ཚོས་དེ་ལ་ཡག་རབས་རྒྱན་རབས་ཀྱི་སྐད་ཆ་མང་དག་ཅིག་བཤད་པའི་དགོས་པ་ཡོད་སྲིད་མོད། སྙན་ངག་ནི་བུད་མེད་མ་ཡིན་པར་བུད་མེད་ དང་བཅས་པའི་འཚོ་བའི་དགོས་མཁོ་ཞིག་ཡིན་པས་དགོས་མཁོ་དེ་མི་སྡེའི་འཚོ་བའི་ཁྲོད་ཇི་ལྟར་མུ་མཐུད་དུ་འཇུག་རྒྱུ་ཡིན་མིན་གླེང་བ་རྩ་བའི་གནད་འགག་ཡིན། དེ་ཡི་རྐྱེན་གྱིས་ཁོ་བོས་སྙན་ངག་ནི་འཛིན་སྐྱོང་ནས་གླེང་བར་བསམ་སྟེ།
མི་ཉག་ཀུན་དགའ་བཀྲ་ཤིས། དབྱིན་ཡུལ།
ཕྱི་རོལ་གྱི་རྣམ་པའི་མངོན་སྟངས་ཀྱི་ཆ་ནས་རྡོ་རྗེ་ཤུགས་ལྡན་གྱི་གནད་དོན་འདི་རྐང་རྩེད་སྤོ་ལོའི་རུ་ཁག་གཉིས་བར་གྱི་རྐང་སྤོལ་འགྲན་བསྡུར་ཞིག་དང་ཅུང་ཟད་འདྲ་བ་འདུག་ཀྱང་རྩེད་མོ་ངོ་མ་ཞིག་ལ་ངོས་འཛིན་བྱ་ཐབས་གཏན་ནས་མེད། རྩེད་མོ་འདིར་མགོ་འཁོར་དྲགས་ན་ཕྱིས་སུ་དེ་འབྱུང་གི་འབྲས་བུ་ངན་པ་འབྱུང་བའི་རྩེད་འགྲན་ཧ་ཅང་ཆེན་མོ་ཞིག་ཏུ་འགྱུར་བའི་སྔོན་བརྡ་གཏོང་གིན་འདུག
རུ་ཁག་འདི་གཉིས་ཀྱི་བར་ལ་རྣམ་པ་དང་སྤྱོད་པ། དམིགས་ཡུལ་དང་རྒྱབ་ལྗོངས། དེ་བཞིན་བྱེད་ལས་སོགས་མི་འདྲ་བའི་ཆ་མང་པོ་ཞིག་ཡོད།
འཇམ་གཅེས།
སྤྱིར་བཏང་དེང་གི་དུས་སུ་འཛམ་གླིང་འདིར་དྲྭ་ལམ་ཡར་རྒྱས་ཕྱིན་པ་དང་སྟབས་བསྟུན་ནས་བོད་མི་རྣམས་ཀྱིས་ཀྱང་བཟང་ངན་ཅི་རིག་པ་དང་། གནད་དོན་ཅི་རིག་པའི་ཐོག་ནས་ལེགས་ཉེས་སྣ་ཚོགས་པའི་ཕྱིར་དུ་དྲྭ་ལམ་ལ་འཚང་བཞིན་ཡོད་ལ། དེ་བཞིན་དུ་ཤེས་ཡོན་དང་ཀུན་སྤྱོད། མི་བུ་སོ་སོའི་ལྟ་བ་དང་ལངས་ཕྱོགས། སྤྱི་དོན་དང་སྒེར་དོན། གཞན་ཡང་ཆོས་ལུགས་དང་ཆོལ་ཁ། ཆབ་དཔལ་རིག་གསུམ་སོགས། མདོར་ན་མི་བུ་སོ་སོའི་མོས་བློ་དང་མཐུན་པའི་གནས་ཚུལ་སྤེལ་བཞིན་པ་ལྟར། གུས་རང་ཉིད་ཀྱང་དེ་དག་གི་ནང་དུ་ཚུད་ལོས་ཡོད། །
བྱ་མདོ་སྐལ་རྒྱམ།
ཉེ་ལམ་ལྡན་མ་བློ་ཆོས་རིན་པོ་ཆེ་སྐུ་གཤེགས་པའི་གནས་ཚུལ་དེ་དྲ་ལམ་དུ་མང་བོ་ཐོན་དང་འཐོན་བཞིན་ཡོད་ལ། དེ་དང་འབྲེལ་ནས་ཁོང་གི་འདས་ཟིན་པའི་ལོ་རྒྱུས་ཀྱང་མང་བོ་ཞིག་འགོད་ཀྱིན་འདུག ཁ་ཤས་ནས་ཁོང་ཉིད་དཀར་བོ་དཀར་རྐྱང་ཡིན་པར་སྒྲུབ་ལ། ལ་ལས་ཁོང་ཉིད་ནག་པོ་ནག་རྐྱང་དུ་གཏོང་བཞིན་འདུག
དེ་དག་ནི་ཕྱོགས་སུ་ལྷུང་པའི་བཤད་པ་སྟེ། ཁོང་ཉིད་ཀྱི་གསུང་གི་སྲས་སུ་སེར་འབྲས་དགེ་གསུམ་གྱི་ཆེན་པོ་ཕལ་ཆེར་མ་འདུས་པ་མེད་པ་འདི་ནི་མདོར་བསྡུས་ནས་བཤད་ན་ཁོང་གི་རྣམ་པར་དག་པའི་རྣམ་ཐར་ཡིན་ཟེར་ཆོག
རྔ་བ་བརྒྱད་གསུམ་གཅིག་དྲུག
སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཚོགས་ཐེངས་དགུ་བའི་གཏམ་གླེང་ཞིག་དང་འབྲེལ་ནས་མི་རེ་ཟུང་གིས་སྲིད་སྐྱོང་བློ་བཟང་སེང་གེ་མཆོག་ལ་གནས་ལུགས་དང་རྒྱུ་མཚན་ཡོད་མེད་ལ་མ་ལྟོས་པར་མཛུབ་མོ་འཛུགས་ཀྱིན་འདུག ལྷག་པར་དུ་སྲིད་སྐྱོང་མཆོག་གིས་ཕྱག་ལས་གང་གནང་ཚང་མར་མ་འགྲིག་མ་བཟང་སོགས་ཁ་ཆག་སྣ་རལ་རྐྱང་རྐྱང་གླེང་སློང་བྱེད་བསྡད་མཁན་སྐོར་ཞིག་ག་དུས་ཡིན་ཡང་མདུན་ལ་འཐོན་གྱིན་འདུག
མ་གཞི་ངས་ཡང་སྲིད་སྐྱོང་མཆོག་གི་ཕྱག་ལས་གནང་སྟངས་ཚང་མ་འགྲིག་འདུག་ཁོང་ལ་སྐྱོན་བརྗོད་བྱས་ན་ཆོག་གི་མེད་ཅེས་བཤད་ཀྱི་མེད་ལ་བཤད་ནའང་མ་འགྲིག་པ་རེད།
དེ་ལས་མང་བ་། “སྲིད་སྐྱོང་ལ་སྡང་སེམས་མ་གནང་། གྲོས་ཚོགས་ལ་ཕྱོགས་ལྷུང་མ་ཟེར།” »
འཇམ་གཅེས།
དེང་དུས་སྤྱི་ཚོགས་ཀྱི་བོད་རིགས་དང་། ལྷག་པར་དུ་ཤེས་རྨོངས་པ་ཚོས་བྱ་སྤྱོད་ཀྱི་རྗེས་སུ་ཤེས་ཡོན་པ་དང། གཟུར་གནས་ཅན། ཉམས་མྱོང་ཅན། རྣམ་དཔྱོད་ཅན་དུ་ཁས་ཆེ་བའི་མི་བུ་འགའ་རེ་རྒྱུགས་བཞིན་པ་འདི་ནི་ཅི་འདྲའི་ཡ་མཚན་མ་རེད་དམ།
དཔེར་ན་ཉེ་བའི་ཆར་རིག་དགའ་ལ་བྱུང་བའི་དོན་རྐྱེན་ལས་འཕྲོས་པའི་རྩོམ་ཡིག་དང་། གཏམ་བཤད་སོགས་ནི་བོད་བསྟན་སྲིད་མི་རིགས་སྤྱི་པའི་རྩ་དོན་ལས་ཀྱང་གལ་ཆེ་བ་དང་། ཛ་དྲག་ཆེ་བ། གནད་དོན་ཟབ་པ་ལྟ་བུའི་སྒོ་ནས་བསྟོད་སྨད་སྣ་ཚོགས་པ་དང་། དགའ་སྡུག་ཅི་རིགས་པའི་སྒོ་ནས་སྤེལ་སོང་།
ཤར་ཕྱོགས་ཁུག་རྟ།
ཉེ་སྔོན་སྤྱི་ཚོགས་དང་གྲོས་ཚོགས་ནང་གླེང་སློང་ཤུགས་ཆེན་བྱུང་བའི་གནད་དོན་ཞིག་ནི། ཨ་རིའི་དོན་ཁང་གིས་༸གོང་ས་སྐྱབས་མགོན་ཆེན་པོའི་སྐུ་པར་སྒྲིག་བཤམས་ཞུ་ཕྱོགས་སྐོར་ཡིན་པ་ལྟར། དེའི་ཐད་སྲིད་སྐྱོང་ནས་གྲོས་ཚོགས་ནང་ལན་གསལ་ཐེབས་མེད་ཁར། ཞེ་ས་མ་ཞུས་ན་དོན་གཅོད་སྤྱན་བསལ་དབུ་དཀར་ཚང་སྐལ་རྡོར་ནས་གྱ་ཚོམ་གྱིས་བྱས་པ་ཡིན་སྐོར་གསུང་དགོས་ཐུག་ཡོད།
སྐུ་པར་སྒྲིག་བཤམས་ཀྱི་རྣམ་འགྱུར་འདི་ནི་གནད་དོན་ཆུང་ཙག་ཅིག་གཏན་ནས་མིན་སྟེ། འདིས་ནི་གལ་སྲིད་བོད་མི་ཕྱེད་ཀ་དག་གིས་བཙན་བྱོལ་སྒྲིག་འཛུགས་ཀྱི་དབང་ལུང་ཁྱབ་བསྒྱུར་བྱས་པ་ཡིན་ན།
དེ་ལས་མང་བ་། “དེ་རིང་ཨ་རིའི་དོན་ཁང་ནང་༧གོང་ས་མཆོག་གི་སྐུ་པར་བཀལ་འདུག” »
རྔ་བ་བརྒྱད་གསུམ་གཅིག་དྲུག
གཅིག་བྱས་ན་ང་ཅོལ་ཆུང་ཡིན་རྒྱུ་མང་དྲགས་པས་ཡིན་སྲིད་ལ་གང་ལྟར་ཐ་སྙད་འདི་གསུམ་ལ་ཕར་བལྟས་ན་ཆུང་ཆུང་ཞིག་སྣང་ཡང་། བསམ་བློ་ཞིབ་ཏུ་བཏང་ན་གཡམ་རྒྱུག་ཙམ་ལས་རང་གི་ཐུན་མིན་གྱི་འབྲི་སྲོལ་དང་གནས་ལུགས་ཀྱི་སྟེང་དུ་འགྲོ་ཐུབ་ཀྱི་མེད་པར་སྣང་། དེའི་ཕྱིར། ཕྱི་ལོ་དང་ཡེ་ལོ། སྤྱི་ལོ་ཞེས་པ་དེ་གསུམ་གྱི་ཐ་སྙད་ཀྱི་འབྱུང་ཁུངས་དང་མིང་འདོགས་སྟངས་སོགས་ལ་ཞིབ་ཏུ་བསམ་ན་ད་གཟོད་བཙན་བྱོལ་དུ་འབྲི་བཞིན་པའི་ཕྱི་ལོ་ཞེས་པ་དེར་རྒྱུ་མཚན་ཡང་དག་ཅིག་མཐོང་།
བཙན་བྱོལ་དུ་ཕྱི་ལོ་ཞེས་པ་འདི་ལ་བོད་ནང་ནས་སྤྱི་ལོ་ཞེས་ཐ་སྙད་འདི་སྦྱར་འདུག་མོད། དེ་ནི་རྒྱ་མིའི་ཤན་ཞུགས་ཏེ་ལད་ཟློས་སུ་བྱས་པ་ལས།
སྐྱོ་བྲག་དགའ་དབང་།
ངའི་དགའ་འདྲིས་ཀྱི་གྲོགས་པོ་དྭངས་རྩེ་བླ་མེད་དེས་སྐད་འཕྲིན་ནང་དུ་འདི་སྐད་གསུང་གདའ། བོད་ཀྱི་གླུ་པ་དག་བན་དེ་མ་རེད། བོད་ཀྱི་གླུ་པས་དུ་བ་འཐེན་ན་ཅང་ཧང་སངས་དགོས་མ་རེད། དོན་དུ་ཁོ་པ་ཚོ་སྒྱུ་རྩལ་པ་རེད། བན་དེ་མ་རེད། སྐུལ་འདེད་ཀྱི་གླུ་ཚང་མའི་ནང་དོན་ལག་ཏུ་ལོན་དཀའ་ཡ། སྤྲུལ་སྐུ་དང་མཁན་པོ་སོགས་ཀྱིས་ཆོས་བཤད་པ་བཞིན་སོ་སོས་ལག་ཏུ་ལོན་མཁན་ཉུང་། ལར་འུ་ཚོས་གླུ་དབྱངས་ཀྱི་རིག་གནས་དང་། སྒྱུ་རྩལ་གྱི་རིན་ཐང་ལ་དགའ་ཞེན་མ་ཤེས་པར་གླུ་པ་ཕོ་མོ་དག་ལ་ཚད་རྒལ་གྱིས་དད་པ་བཞག་པས་ནོར་བ་རེད། གཞན་དག་གི་གླུ་པ་དག་ལ་གཟིགས་དང་།
བྱ་གཞུང་འཇམ་བྷེ།
༧གོང་ས་མཆོག་གིས་བོད་མི་ས་ཡ་དྲུག་གི་བདེ་སྡུག་དང་བདེན་དོན་གྱི་ཚབ་མཚོན་འཕེར་བར་བསྙོན་དུ་མེད།
ཆབ་དཔལ་རིག་གསུམ་གྱི་སྟོབས་ཤུགས་དར་རྒྱས་ཕྱིན་མིན་གྱི་སྤྱི་ཚོགས་ཆེ་ཆུང་གང་ཡིན་ན་ཡང་། དེ་དང་དེའི་ཁོར་ཡུག་དང་སེམས་ཁམས་གྲུབ་ཆ་དང་བསྟུན་ནས་འཇིག་རྟེན་དེའི་ཚབ་མཚོན་མི་སྣའི་སྐྱེས་བུ་ཞིག་ཡོད་ཡོད་པ་རེད་ལ། དེ་ལྟར་ཡོད་དགོས་པའི་གནས་ལུགས་དང་གཏན་ཚིགས་ཀྱང་ཁུངས་མ་ཞིག་ཡོད་བ་རེད། དེར་བརྟེན། ང་ཚོའི་འཇིག་རྟེན་འདིའི་མི་མང་གི་རེ་བ་དང་ཡིད་ཆེས་བཅོལ་ས། དད་འདུན་དང་འདོད་བློ་སྐོང་བའི་དཀོན་མཆོག་དང་སྐྱབས་ཟེར་བ་འདི་བྱུང་བ་རེད།
དེ་ལས་མང་བ་། “བདེ་སྡུག་དང་བདེན་དོན་གྱི་ཚབ་མཚོན་འཕེར་བར་བསྙོན་དུ་མེད།” »
གླིང་གཟི་མིག
གལ་ཏེ་ཁྱོད་ལ་དད་པ་ཡོད་ན།
གལ་སྲིད་རིན་ཐང་ཡོད་ན།
གལ་ཏེ་སྐུ་དྲིན་བསམ་ན།
༧རྒྱལ་བ་རིན་པོ་ཡི་བཀའ་སློབ་ཐོས་པ་ཙམ་མ་ཡིན་པར་ཉིན་རེ་བཞིན་འཚོ་བའི་ཁྲོད་ན་རང་གི་ལག་ལེན་ཅི་ཐུབ་ཀྱི་ཡོད་མེད་གཉིད་དུ་མ་ཡུར་བའི་སྔོན་ལ་རང་གིས་རང་ལ་འདྲི་དགོས་པའི་དྲི་ཚིག་གལ་འགངས་ཆེ་བ་ཞིག་རེད།
འབྲོང་ངུར་བསྟན་འཛིན་ལམ་བཟང་།
དེ་རིང་ཁ་སང་མི་རྣམས་ཕལ་ཆེར་བློ་རྣལ་དུ་མི་གནས་པས་རང་ཉིད་ལ་ཁྱད་འཕགས་ཀྱི་ཡོན་ཏན་ཅི་ཡང་མེད་ནའང་ཡོད་པའི་ཟོལ་གྱིས་སྒྲོག དེ་ལ་སྒྱུ་རྩལ་དང་སྙན་ངག་སོགས་སྒྲོ་ཆེན་པོ་རེ་བཏགས་ཏེ་ས་མཆོངས་གནམ་མཆོངས་གང་ཐུབ་རེ་བགྱིད་པ་ནི། བློ་གྲོས་ཆེ་ལ་སྒམ་ཚུགས་ཅན་དག་གི་མིག་སྔར་ཐན་ལྟ་བུ་ལས་མ་མཆིས་ཀྱང་། ཅལ་འདྲོགས་ལ་དགའ་བ་དག་གི་འུར་སྒྲ་ཅི་བས་ཆེ། དེ་དག་ནི། ཕོ་དཔའ་རབས་དང་རྟ་མགྱོགས་རབས་ཀྱི་ཁ་ཕོས་ལུང་པ་ལྡིར་བ་རེ་བགྱིད་པ་ནི། སྙིགས་མའི་རང་རྟགས་བཅོས་སུ་མེད་པ་ཞིག་ལོས་ཡིན་སྙམ་མོ། །
དེ་ལས་མང་བ་། “སྤྱི་སྒེར་གཉིས་ཐད་ནས་བརྡ་འདེད་ནན་ཏན་ཞིག་དགོས་གལ།” »
འཇམ་གཅེས།
ཆུང་མ་ལོའི་མངལ་ནས་སྐྱེས་པ་ནས་བཟུང་དུས་ད་ལྟའི་བར་དུ་བོད་བསྟན་སྲིད་སྤྱི་ལ་བཅང་པའི་ལྷག་བསམ་དང་ལ་རྒྱ་ཟེར་བ་དེ་ཚོའི་དྲི་ཙམ་མེད་ལ། རྒྱུ་མཚན་དེའི་ཕྱིར། བྱས་རྗེས་ཡང་ཏིལ་འབྲུ་ཙམ་ཞིག་ག་ལ་ཡོད། ཐ་ན་ཉིན་གཅིག་གི་ལས་འགུལ་ཙམ་གྱི་ནང་དུ་རང་མོས་སམ་དང་བླངས་ཀྱི་སྒོ་ནས་ཆ་ཤས་བླངས་མ་མྱོང་བའི་དུག་གསུམ་ཡོལ་རས་དམར་པོའི་འོག་ཏུ་སྦས་མཁན་གྱི་སེར་གཟུགས་པ་རེ་ཟུང་དང་། དྲྭ་འབུ་རེ་ཟུང་གིས་དེང་སྐབས་ཆོལ་ཁ་ཆོས་ལུགས་ཀྱི་གཏིང་ནད་རྩོད་ཕྱིར། སྤྱི་སེམས་དང་ལ་རྒྱ། སྙིང་སྟོབས་དང་སེམས་ཤུགས། རྣམ་དཔྱོད་དང་ཉམས་མྱོང་སོགས་ཆ་ཚང་རང་ཉིད་ལ་མངའ་མདོག་བསྟན་སྟེ་
དཔལ་དོན།
༼རྒྱ་མོ་ཞོའུ་ཕའེ་ཡིས་བོད་རིགས་སྤུན་ཟླར་གྲོས་སུ་ཕུལ་བའི་འཕྲིན་ཞེས་པ་བཀླགས་རྗེས་ཀྱི་བསམ་ཚུལ།༽
བོད་ཀྱི་རྒྱལ་སའི་མངའ་ཁུལ་གྱི་སྲིད་འཛིན་ལས་ཁུངས་དག་ལ་གུང་ཁྲན་ཏང་གིས་གཏིང་འཛིན་བྱས་པ་ནས་བོད་ཤོར་བར་ངོས་འཛིིན་བྱེད་ཀྱི་ཡོད། དེ་ནི་གྲོས་མཐུན་དོན་ཚན་བཅུ་བདུན་བཞག་པ་ནས་རེད། དེ་ནས་བརྒྱུད་པའི་ད་ལྟའི་བར་དུ་རྒྱ་མི་དང་བོད་མིའི་དབར་གནས་ཚུལ་འགྱུར་ལྡོག་ཅན་མང་པོ་བྱུང་ཡོད། ཐེངས་དང་པོ་བོད་མི་ཚོ་རྒྱ་མི་དང་འབྲེལ་འདྲིས་ཆེན་པོ་བྱེད་ས་དེ་ཇག་གཤིས་མ་དོར་བའི་དམར་དམག་སྤྲང་ཕྲུག་དག་རེད།
དེ་ལས་མང་བ་། “བོད་མི་དང་རྒྱ་མིའི་གུང་རྒོལ་གྱི་བྱུང་བ་འདི་ལྟར་རེད།” »