གསལ་ལེ་རྒྱལ།
ད་ནི་ང་རང་གཞི་ནས་སད་བྱུང་།
ང་རང་གཉིད་ལས་སད་དུས།
ང་རང་བྲོས་བྲོས་བྲོས་ནས་ཡོང་སྟེ་མགོ་སེར་མ་ཞིག་གི་རུམ་ན་ཉལ་ནས་བསྡད་འདུག
“ གསལ་ལེ་རྒྱལ “ཞེས་ངའི་མིང་ཡང་བརྗེས་འདུག
ད་དུང་ང་ལ་བུ་མོ་ལོ་ན་བཅོ་ལྔ་ཅན་ཞིག་ཀྱང་འདུག
སྟབས་ཡག་ནས་ངས་བོད་ཡིག་ད་དུང་བརྗེད་མི་འདུག
བུ་དར་སེན་ཚ།
ན་ནིང་ད་གོང་དུས་ལ།།
མིག་ལོང་གཡམ་རྒྱུག་མང་བ།།
ཕྱོགས་ཞེན་ནད་ཀྱིས་བཟི་ནས།།
མཉམ་གཅིག་རྒུད་དགོས་ཐུག་བ།།
རིགས་ཞེན་བསམ་པ་དཀར་པོས།།
ཁ་བརྡའི་འཕྲིན་ཐུང་བསྐུར་བ།།
གོ་བ་རྟ་རྔ་རྩམ་རེད།།
དོན་འགྲུབ་བཀྲ་ཤིས།
ཁ་བ་དང་བུ་ཡུག་འཚུབ་པའི་དོ་ནུབ།
ཁ་བ་མཐུག་དྲགས་པའི་རྐྱེན་ནམ།
རླུང་བུ་ལྡང་དྲགས་པའི་རྐྱེན་གྱིས།
རྒྱང་བཞུད་བུ་ལོས་ས་སྲོད་ཀྱི་མྱ་ངན་ཐང་ནས་རྐང་ལམ་བསྙེགས།
དོ་ནུབ།ཉེ་འདབ་ཀྱི་ཁོར་ཡུག་ལ་ས་སྲོད་ཀྱི་མྱ་ངན་ཐེབས་དུས།
མ་གཞི།
བུ་དར་སེན་ཚ།
མཚན་མོའི་ཟླ་ངོགས་དུང་ཞེན་སེམས་པ་དེ།།
སིལ་སིལ་རླུང་བུས་དལ་གྱིས་ལྷོད་པའི་ཚེ།།
ཐན་བྱ་འུག་པའི་སྐད་ངན་དྲ་ངོགས་ཁེངས།།
བསྟན་བཤིག་ནག་པོ་རྒྱལ་བ་ཕྱོགས་རེའི་དོན།།
སྐར་ཚོགས་སྟོང་ཚོ་ནམ་མཁའི་མཛེས་རྒྱན་ཡག།
སྐར་མའི་འོད་ཀྱིས་མུན་ལམ་མ་སེལ་ཡང་།།
དཀར་ནག་ཉིན་མཚན་འབྱེད་པའི་མཚོན་རྟགས་ནུས།།
པདྨ་དགོས་འབྱོར།
ཅུང་ཟད་བྲེལ་ཟིང་ནམ་ཟླར།།
ཁྱར་ཁྱོར་སྙན་ངག་ལོ་མ།།
ལྷགས་པས་གར་བདས་མེད་འདྲའི།།
གློ་བུར་སྣང་སེམས་སྦྲིད་བྱུང་།།
ཉན་ན་ཡ་རབས་ལུགས་བཟང་།།
གཏམ་གྱི་ཆུ་མོ་རྒྱུགས་འོང་།།
བལྟས་ན་འཇིག་རྟེན་སྲིད་པ།།
འགྲན་བརྩོད་ཡོ་ལང་འཚུབ་ཀྱི།།
ཨ་འདུས་པ།
ཧི་མ་ལ་ཡི་གོང་ན།། གློ་བོ་ཆོས་ལྡན་ཞིང་ཡོད།། རྨི་ལམ་ནང་གི་གོམ་སྟབས།། ཡུལ་དེར་ཡང་ཡང་ཤོར་མྱོང་།།
མེས་པོས་བརྩིགས་པའི་ཕ་མཁར།། དགེ་ཀར་གཙུག་ལག་མཇལ་པས།། སྲོང་བཙན་པོའི་སྙིང་སྟོབས།།སྨོན་ཐང་གྲོང་ན་ལུས་ཡོད།།
ས་དེ་ཁ་མདོག་སྐྱ་བས།།ས་སྐྱར་སླེབས་པ་འདྲ་བ།།སྨོན་ཐང་ཐུབ་སྐུ་མཇལ་བས།།གཙང་གི་བྱམས་ཆེན་དྲན་སོང་།།
མཚོ་ཤར་བྲག་ཕུག་ནང་གི། མེས་པོའི་གསུང་རབ་མཇལ་ཚེ།།མེ་ལོང་ནང་གི་བཞིན་རས།། རང་ཉིད་མིན་པ་རྟོགས་བྱུང་།།
ཁྲོ་གཏུམ།
གཏམ་དེ་དྲ་བའི་རྒྱུད་ལམ་ནས་འཕུར་གྱིན་འདུག
དོན་དེ་དཔེ་དེབ་དུ་བཞག་ནས་འཕུར་གྱིན་འདུག
ནམ་ཡང་ཤོག་བུ་དང་སྨྱུ་གུས་བློ་གྲོས་བརྡར་གྱིན་པ་སུས་ཀྱང་འཚོ
ཤོག་སྨྱུག་གི་བར་ན་བརྩེ་དུང་གི་གཏམ་རྒྱུད་ཡོད
ལོ་རྒྱུས་ཀྱི་ཐིག་ལེ་ཡོད
ཆོས་ལུགས་ཀྱི་བྱམས་བརྩེ་ཡོད
ཁྲིམས་དོན་གྱི་རྒྱ་མ་ཡོད
གངས་དཀར་སེམས།
དང་པོ།
སྟོན་མཇུག་གི་དུས་འདིར་མི་ཚོས་རི་གྲོང་སྡེ་སྤྱིའི་འགོ་བྱེད་ཚན་པའི་ནང་མི་གྲངས་བཅུ་བརྗེ་བསྒྱུར་རམ་གསར་འདེམས་བྱ་བརྩིས་ཀྱི་སྟ་གོན་རྩོམ་བཞིན་ཡོད། ཡར་ལོ་ཚང་གི་བུ་ཆེ་བའམ། ཕོ་ལོ་ང་བཞིར་སླེབས་པའི་ཚེ་རིང་མགོན་པོའམ་ཚེ་མགོན་ནི་དེ་སྔོན་རི་གྲོང་གི་འགོ་བྱེད་ཚན་པའི་འགན་གཙོ་ཡུན་རིང་བྱས་མྱོང་མཁན་ཞིག་རེད། ཚེ་མགོན་ཁོ་རང་ཆུང་དུས་ཕ་མའི་བཀའ་དྲིན་ལ་བརྟེན་ཡི་གེ་འབྲི་ཀློག་སྦྱངས་ནས་རང་མགོ་ཐོན་ཙམ་ཡོད། ཆེན་པོར་ཆགས་རྗེས་དབང་ཆ་བཟུང་བར་འདོད་མོས་ཡོད་མཁན་ཞིག་ཡིན་རུང་སྒེར་ལ་མདུན་ནས་དཔོན་ཆེན་གྱི་སྣེ་འདྲེན་དང་རྒྱབ་ཏུ་དཔུང་ཤུགས་ཆེར་མེད་པའི་རྐྱེན་གྱིས་ནུས་ཤུགས་ཡོད་རྒུས་བློ་བསྐྱེད་ཇི་ཙམ་བྱས་ཀྱང་རི་གྲོང་འདིའི་འགོ་གཙོ་བརྒལ་བའི་གོང་རིམ་གཞན་གྱི་དབང་ཆ་འདི་ལས་ལྷག་པ་ཞིག་མ་རག་ནས་ལུས།
ཆང་སྐྱེས།
ཉི་མ་ནུབ་ཁ་ཞིག་སྟེ།།
ལྷོ་ཕྱོགས་རྒྱ་མཚོ་ཁ་ནས།།
འགྲམ་པ་ལག་པས་སྐྱོར་ཏེ།།
གླུ་ཞིག་བླངས་ན་འདོད་བྱུང་།།
མཚམས་སྤྲིན་མཛེས་སྡུག་ངོགས་ནས།།
བྱ་ཁྱུ་རྒྱང་ལ་འཕུར་ཐལ།།
རླུང་བུ་ཡང་མོ་ཞིག་གིས།།
གདོང་གི་མཆི་མ་གཏོར་སོང་།།
རྔ་བ་ཀུན་བཟང་ནས།
མི་རིགས་ཟེར་ནི་ཁ་ལོག་འགྱུར་ཐལ།
ལ་རྒྱ་ཟེར་ནི་གཞན་སེམས་དཀྲུག་ཐལ།
ང་ཚོ་ཟེར་ནི་ཁ་ཁར་བཏང་ཐལ།
སུས་ཆེད་དུ། སུས་ལ་རྡུང་།
རང་མགོ་ཐོན་སོང་ངམ།
རང་ངོ་ཤེས་སོང་ངམ།
རིན་ཐང་རྙེད་སོང་ངམ།
སུས་ཆེད་དུ། སུས་ལ་བཤད།
རྫ་ཚེ་རིང་བཀྲ་ཤིས།
རྨི་ལམ་མ་ཡིན་པ་ཡི་རྨི་ལམ་ཞིག །
རྟོག་ལྗོངས་（幻想）ལུ་གུ་རྒྱུད་དུ་འགྱེད་ཅིང་འཕྲོ། །
འཕྲོ་འདུའི་ཐགས་སྣེ་ཡར་ནས་ཡར་ལ་བསྣར། །
མཚམས་རེ་ལན་རེར་ང་ལ་སྡུག་ཀྱང་གཏོད། །
རྒྱུ་སྐར་གཞན་གྱི་ཉུལ་ཞིབ་ཕོ་ཉ་ཞིག །
ཧོབ་སྟེ་བོད་ལ་འབྱོར་བ་ཡིན་ནམ་ཅི། །
གང་ནས་ཡོང་དང་གང་དུ་ཕྱིན་པ་ཡི། །
རྗེས་ཤུལ་ལྐོག་ཏུ་གྱུར་པའི་ཁྱེའུ་ཞིག །
དེ་ལས་མང་བ་། “ཨ་རོ་ཡེ་ཤེས་འབྱུང་གནས་དྲན་པའི་ངག་ 《 སྒྱུ་མ་ཆེན་པོ་ 》” »
ཆང་སྐྱེས།
མདང་དགོང་ཉལ་བའི་རྨི་ལམ་ནང་ལ།།
ས་ཐག་ལེ་བར་སྟོང་གིས་བཅད་པའི།།
ཆུང་འདྲིས་ཟུར་གསུམ་སྙིང་གི་བུ་མོ།།
ཡིད་འོང་སྟོང་གིས་འཁོ་འཁོར་བྱས་བྱུང་།།
ཞོགས་པའི་ཉི་ཟེར་རི་ལ་ཕོག་དུས།།
མལ་ལས་ལངས་ཏེ་ལས་ལ་ཞུགད་སོང་།།
རླུང་དམར།
མེ་ལོང་ནི་བརྩེ་བའི་ཡང་རྩེའི་དྭངས་མ་ཞིག་ཡིན་ན
དེ་ནི་ཆེས་བློས་དཔོག་པའི་རང་དབང་གི་བརྩེ་ཞེན་ཡང་དག་དེ་ལོས་ཡིན
མེ་ལོང་ལ་བལྟས་ཏེ་ཁྱོད་ཀྱིས་བྱ་འདོད་པ་ཡོངས་བྱེད་ན་ཆོག
དགའ་སྐྱོའི་རྣམ་འགྱུར་ཇི་ཙམ་བསྟན་ནའང
མེ་ལོང་གིས་ཁྱོད་ལ་འཕྱ་སྨོད་དང་འཁང་ར་གཏན་ནས་བྱེད་མི་སྲིད
དུས་ཀྱི་ཆར་སྨུག་འཚུབ་བེར་བེར་ཡོང་ན
པདྨ་ཚེ་དབང་ཤཱསྟྲིས་ ༢༠༢༡ ཟླ་༢ ཚེས་ ༡༢ ལ།
རྒྱ་གར་གློག་བརྙན་(Mere Huzoor)་ངའི་ལྕམ་སྐུ་ལགས་ཞེས་པའི་གླུ་ཞིག
Apne rukh par nigaah karne doo
Khoobsurat gunaah karne doo
Rukh se parda hataao jaane hayaa
Aaj dil ko tabaah karne do
རང་གི་བཞིན་ལ་མིག་ལྟ་བྱེད་དུ་ཆུག
ཤིན་ཏུ་མཛེས་པའི་ཉེས་པ་བྱེད་དུ་ཆུག
གདོང་གི་འགེབ་རས་ཕྱེས་ཤིག་ཡིད་འཕྲོག་མ།
ད་རིང་སྙིང་འདི་དུམ་བུར་འགྲོ་རུ་ཆུག
Claude Bourgeyx ནས་བརྩམས། གསལ་ལེ་རྒྱལ་གྱིས་བསྒྱུར།
ལའུ་ཟིང་གིས་རྐང་ལག་ཚང་མ་བྲང་ཁར་སྦྱར་ཏེ་ལྷོད་ལྷོད་ཀྱིས་ཉལ་ནས་བསྡད། ཁོ་ལ་མཚོན་ན་གུམ་ཙོག་གིས་འདུག་སྟངས་དེ་ནི་ཧ་ཅང་སྐྱིད་པོ་ཞིག་ཡིན། འདི་འདྲའི་བདེའང་བདེ་ལ་སྐྱིད་ཀྱང་སྐྱིད་པའི་འཚོ་བ་ཞིག་ཁོས་མི་ཚེ་འདིར་རོལ་མ་མྱོང་། ཁོང་གི་དོན་ལྔ་སྣོད་དྲུག་ལ་ངལ་གསོ་ཐོབ་ཅིང་། བྱ་སྒྲོ་དང་རླངས་པ་བཞིན་ཡང་མོ་ཡང་མོ་ཞིག་ཡིན་པའི་ཚོར་སྣང་བྱུང་། རླུང་དང་འགྲོགས་ནས་འཕུར་བ་འདྲ་ལ། ཆུ་ཡི་སྟེང་དུ་གཡོ་བ་དང་ཡང་མཚུངས།
ཁོས་བཟི་སྨན་འཐུངས་ཏེ་མགོ་འཁོར་ནས་འདི་རུ་ཡོང་བ་མིན་ལ། ཐབས་ཤེས་དམིགས་བསལ་བ་ཞིག་སྤྱད་ནས་འདི་རུ་ཡོང་བའང་མིན།
ཨ་འདུས་པ།
སྤྱན་རས་གཟིགས་དབང་ཀུན་དགའ་སྙིང་པོ་ཞེས།།
མཚན་གྱི་གཡུ་འབྲུག་ལྡིར་བའི་དམ་པ་དེའི།།
ཆོས་དང་རིགས་ཀྱི་སྲས་སུ་གྱུར་པ་ཡི།།
བསོད་ནམས་རྩེ་མོའི་ཞབས་ལ་ཕྱག་འཚལ་ལོ།།
གཞོན་ནུའི་དུས་ནས་ཤེས་བྱའི་གནས་ཀུན་མཁྱེན།།
ཟབ་མོའི་ལམ་རྣམས་ཟག་མེད་ཐུགས་སུ་ཆུད།།
ཆང་སྐྱེས།
དྲནགདུང་བཟོད་ཐབས་མེད་པའི་མནར་གཅོད་རེད་དམ།།
སེམས་པ་སྐྱོ་སྐྱོ་བྱུང་བའི་ལན་ཆགས་ཡིན་ནམ།།
ཕྱི་མིག་རྒྱང་ལ་བསྲིངས་པའི་ཁུགས་སོ་ཞིག་ནས།།
སྟོན་རླུང་དམར་པོ་སྙིང་གི་དཀྱིལ་ལ་གཡུག་བྱུང་།།
སྨག་རུམ་མུན་པ་སྟུག་པའི་མཚན་མོ་ཞིག་སྟེ།།
ལྔ་རྩེ་སྐར་མ་ཤར་བའི་ཧྲག་བར་ཞིག་ནས།།
རླུང་དམར།
མུན་པས་མུན་པ་རྩུབ་བརྡར་གྱིས་འཐབ་དུས
འོད་ཀྱི་སྒོ་མོ་སུ་ཡིས་རང་ཉིད་འཆིང་བྱེད་ཀྱི་འོད་པོ་ཆེ་དེ་ཡིན་ནམ
ཚོར་བ་དམར་ཐིགས་ཐིགས མར་མེའི་བཞིན་མདངས་འཁྱིལ་བའི་མཚན་མོ
དེའང སྐྱོ་བའི་ཚོར་གདུང་འདི་རྟག་ཆད་གང་ཞིག་རེད
ལམ་ནི་སྔར་བཞིན་གསེར་ལྗོངས་ལྟ་བུའི་སྒྲུང་གི་ལེའུ་ཞིག་ཡིན་ན
སྒྲུང་ཀློག་པའི་སྣང་ཚུལ་རེ་རེ་འཆར་ཡན་མང་པོའི་གཟུགས་སུ་ལེན
རྡོ་རྗེ་རིན་ཆེན།
འཁོར་འདས་ཆོས་ཀྱི་གནས་ལུགས་གཟིཊ་ནས་ནི།།
རྫོགས་སངས་རྒྱས་ཀྱང་ཇི་ལྟར་ཉམ་ཐག་པའི།།
འགྲོ་བའི་འདྲེན་པ་བྱང་ཆུབ་སེམས་དཔའི་ཟོལ།།
འཕགས་མཆོག་སྤྱན་རས་གཟིཊ་ལ་ཕྱག་འཚལ་ལོ།།
དེ་ལས་མང་བ་། “དྲིན་ཅན་གྱི་མ་རྒན་ཞིག་དུས་ཆོས་སུ་གྱུར་པའི་སེམས་ཚོར།” »
ཆང་སྐྱེས།
སྐྱེས་གཟུགས་ཚིགས་དྲུག་སྨྱུག་མའི་འཁྲི་ཤིང་ལ།།
དབུས་ཕྲུག་མཆོར་གོས་ཅན་གྱི་འཛུམ་ཡག་མ།།
ཕར་ལ་འཁོར་ནས་གོམ་གསུམ་སྤོས་བ་ནི།།
རྨ་བྱ་སྒེག་མོའི་སྒྲོ་གུར་ཕུབ་པ་འདྲ།།
བཅུ་དྲུག་གཞོན་ཤ་དར་བའི་ལང་ཚོ་ལ།།
སེར་བོ་གོས་གྱི་སྟོད་ཐུང་ཁ་དོག་ཅན།།