ཆང་སྐྱེས།
 
དུས་ཀྱི་འགྲོས་ནི་གཤོག་ཐོགས་རྟ་ཕོ་འདྲ།།
དབྱར་གྱི་མཛེས་སྡུག་སྐད་ཅིག་ཅིག་གིས་རྫོགས།།
མེ་ཏོག་དཀར་དམར་སད་ཀྱིས་བཅོམ་ཤུལ་ནས།།
གཡུ་སྦྲང་སེམས་པ་སྐྱ་མོ་ཐང་ལ་འབྱར།།

རླུང་བུ་ཙག་ཤེད་ཅན་པོ་རི་ནས་ཐོན།།
ལྗོན་ཤིང་ལོ་མའི་སྟེང་ལ་སེར་ཐིག་ལྷུང་།།
ཁུ་བྱུག་མོན་ལ་འཕུར་བའི་ཤུལ་ལམ་ནས།།
བྱེའུ་ཆུང་འཇོལ་མོའི་སྨྲེ་སྔགས་རི་ལ་འཁོར།།

དེ་ལས་མང་བ་། “སྟོན་ཁའི་སྐྱོ་གདུང་།” »

ཆང་སྐྱེས།
 
ཁ་བ་མར་མར་འབབ་པའི་ཞོགས་ཞིག།
རྨ་ཆུ་སྔོན་མོའི་འགྲམ་ནས་ལམ་ལ་ཆས།།
བློན་པོ་གསེར་ཆེན་སྒང་ནས་བསང་ཞིག་ཕུད།།
ཁྲི་ཤོར་རྒྱལ་མོའི་ངོགས་ནས་ཕྱག་གསུམ་འཚལ།།

ཨ་ཆེན་གངས་རྒྱབ་ཁུགས་ནས་ངལ་ཞིག་གསོས།།
ལྷག་རླུང་ཙག་གི་ང་རོ་ཕྱོགས་སུ་ལྡང་།།
ཅེ་སྤྱང་སོ་བ་རི་བོའི་ཕག་ནས་འཇབ།།
རི་དྭགས་མ་བུ་བདེ་མོ་ཐང་ནས་ཡལ།།

དེ་ལས་མང་བ་། “ཉི་མ་ལྷ་སའི་ཕྱོགས་ཀྱི་འགྲུལ་བཞུད།” »

ཆང་སྐྱེས།
 
ཀ་ཁའི་འགོ་རྔ་བསྒྲིགས་ཏེ་རྩོམ་ཞིག་བྲིས།།
ཁ་ཤ་འདར་བཞིན་འདར་བཞིན་གླུ་ཞིག་བླངས།།
ག་མོ་རྒྱབ་ལ་འཁུར་ནས་བྲོ་ཞིག་འཁྲབ།།
ང་འདྲ་ང་ངོ་ཟེར་བཞིན་མགུར་ཞིག་བརྩམས།།

ཅ་དག་ཤོམ་ཞིག་བྱས་ནས་གྲོང་ལ་སོང་།།
ཆ་ལུགས་ཡ་མ་ཟུང་གི་ཉམས་ཤིག་བསྟན།།
ཇ་ཆང་སྡེར་ཁའི་བར་ནས་ལག་ཅིག་བསྲིངས།།
ཉ་ཉོག་མང་པོ་བསྲེས་ནས་གཏམ་ཞིག་བཤད།།

དེ་ལས་མང་བ་། “ཀ་ཁའི་གླུ་ཆུང་།” »

ཨ་འདུས་པ།
 
ཆོས་རྒྱལ་མེས་དཔོན་རྣམ་པའི་བཀའ་དྲིན་གྱིས། །
འདི་ཕྱིའི་བློ་རྩ་དཀོན་མཆོག་གསུམ་ལ་གཏད། །
རྒྱ་གར་ཡུལ་ནས་དམ་པའི་ལྷ་ཆོས་བསྒྱུར། །
ཕ་མའི་ཕྱིར་ཡང་སྡིག་པའི་ལས་མི་བྱེད། །
མནའ་ལ་བརྩི་ཞིང་མཐའ་བཞིའི་དགྲ་གནོན་པའི། །
ཁ་བ་ཅན་གྱི་བཙན་པོའི་དམག་དཔུང་གིས། །
ཙི་ནའི་རྒྱལ་པོ་གཡུ་འབྲུག་ཁྲི་ལས་ཕབ། །

དེ་ལས་མང་བ་། “ཕྱི་མིག་ཁྲོད་ཀྱི་བོད།” »

ཐེ་འོད་ཟེར།

གངས་དཀར་པོ་གན་གི་ཚུར་རོལ་ན།།
བྱེས་དགོན་གྲོང་གཉིས་ཀྱི་ནང་ལོཊ་ན།།
དུས་ཉེར་གཅིག་པ་ཡི་བཀའ་ཁྲི་ལ།།
ཁོང་སྤེན་ཚེ་ལས་ལྷག་རྙེད་དུ་དཀོན།།

ལོ་ཉི་ཤུའི་ལྷག་གི་ཉམས་མྱོང་ཡོད།།
ལས་ཆེ་ཕྲ་ཀུན་ལ་འཛོལ་བ་མེད།།
རྗེ་བླ་མའི་ཐུགས་དགོངས་འགྲུབ་པ་ལ།།
ཁོང་སྤེན་ཚེ་ལས་ལྷག་བཀའ་ཁྲི་དཀོན།།

དེ་ལས་མང་བ་། “ཉེར་གཅིག་པའི་བཀའ་ཁྲི་གླེང་བ།” »

ཆང་སྐྱེས།
 
གཡོ་སྒྱུ་ཆེ་ན་འཇོན་ཐང་ཅན་ལ་རྩི།།
ཁྲེལ་མེད་ཁྲམ་པ་དེང་གི་དུས་ལ་བྲིན།།
སྒོར་མོ་རིག་ན་ངོ་ཚ་མི་དགོས་པ།།
ཁ་སང་དེ་རིང་ཇེ་མང་ཇེ་མང་རེད།།

ཅ་ཅོ་གཏམ་གྱིས་ཕྱུག་ན་མཁས་པར་རློམ།།
བཅོས་མའི་འཛུམ་གྱིས་བསུ་ན་མི་སེམས་དགའ།།
ཁ་ཡག་བཤད་ན་ཁ་ངོ་སྟེར་མཁན་མང་།།
ཤ་ཚའི་གཏམ་ལ་ཉན་མཁན་ཉུང་ཉུང་རེད།།

དེ་ལས་མང་བ་། “ཐོལ་བྱུང་།” »

ཁྲོ་གཏུམ།
 
ཤོག་བུ་སྟོང་པས་ས་རྡུལ་གྱི་ངོ་སྣུམ་མཐུག་པོར་བྱུག
ཡིག་འབྲུ་སྨྱུག་ཁའི་ཁྲོད་དུ་རིས་སུ་ཕབ་པ་སྟོང་བས
དྲ་ལམ་གྱི་ངོ་གདོང་ན་སེར་བུ་འཇམ་གཙུབ་གཉིས་ཀ་བཞུར

དེབ་ཀྱི་བརྩེགས་རིམ་ཁྲོད་ལ་རྡུལ་གྱི་བྱེ་མ་བབས་ན
དཔེ་ཆ་བའི་གདོང་གི་མིག་ཟུང་དྲ་ལམ་གྱི་རྩེད་མཚར་ལ་འཕྱན
བློ་གྲོས་ཀྱིས་བསྡུ་ལེན་བྱས་པའི་གཏིང་རིམ་ན
རལ་བོར་གྱུར་བའི་བསམ་གཞིགས་འགས་སྙད་གཙེས

དེ་ལས་མང་བ་། “མགོ་བོ་དུལ་པའི་དྲ་ཉུལ་བ།” »

ཨ་འདུས་པ།
 
མི་གི་དམྱལ་ཁམས་གཤིན་རྗེ་ཡི་རྒྱལ་ས་ན། །
འཇིགས་པའི་སྒོ་ཆེན་བཅོ་བརྒྱད་ནི་ཕྱེས་སྐད་གདའ། །
གར་འགྲོའི་ངེས་པ་ནི་རང་ལ་ཡང་མ་མཆིས་ན། །
ཕྱི་མའི་ལམ་རྒྱག་དད་པ་འདི་གླེང་རེ་རན། །

གཤོག་པ་ཡོད་ཀྱང་མི་ཤི་སར་འཕུར་རྒྱུ་མེད།
སྒོར་མོ་མང་རུང་འཆི་མེད་གནས་ཉོ་རྒྱུ་མེད། །
སྐྱེ་གཟུགས་མཛེས་པས་འཆི་བདག་དེ་མི་ཁུག་པས། །
ད་ནི་དད་པ་ཞིག་བཤད་ན་འོས་འཚམས་ཡིན། ། ​

དེ་ལས་མང་བ་། “དད་པའི་སྟོབས།” »

ཁ་བའི་རྣམ་ཤེས།
 
རྒྱལ་པོའི་ཁྲིམས་ཆད་ཕོག་པའི་མི་འཁྱམས་ཤིག།
འཇར་མན་ཡུལ་ནས་དབྱིན་ཇིའི་ལུང་པར་བྱོལ།།
དམར་ཤོག་ལྟ་གྲུབ་ཅེས་པའི་དེབ་ཆུང་བྲིས།།
གཤིན་རྗེའི་ཕོ་ཉ་ངོ་མ་རྩེབས་ནས་ཐལ།།

ལེ་ཉིན་དེ་ཡི་རྗེས་སུ་འབྲངས་ནས་ཐལ།།
ཨུ་རུ་སུ་ལ་དམར་ཤོག་བཙུགས་ནས་ཐལ།།
རྒྱལ་པོའི་ལམ་སྲོལ་རྩ་གཏོར་བཏང་ནས་ཐལ།།
ས་ཡ་ཉི་ཤུ་གཉིས་ལྷག་བཀུམས་ནས་ཐལ།།

དེ་ལས་མང་བ་། “འཆི་བདག་གཤིན་རྗེའི་ཕོ་ཉ།” »

གཅན་ཚ་སྒྲོལ་མ་གཡང་སྐྱིད།
 
ཁྱོད་ཀྱིས་ང་ལ་ཨ་ཅེ་མ་འབོད་རོགས།
ཨ་ཅེ་ཞེས་པའི་ཡིག་འབྲུ་གཉིས།
རི་རབ་ཅིག་དང་འདྲ་བར།
འུ་གཉིས་ཀྱི་བར་ལ་ཟུག་དུས།
ངའི་སེམས་ལ་སྨྲ་མི་ཤེས་པའི་བར་ཐག་ཅིག་བྱིན་ཡོང་།

འཛུམ་གྱི་མེ་ཏོག་དང་།
གཏམ་གྱི་བདུད་རྩི་ལ་རོལ་དུས།

དེ་ལས་མང་བ་། “ཁྱོད་ཀྱིས་ང་ལ་ཨ་ཅེ་མ་འབོད་རོགས།” »

ཆང་སྐྱེས།
 
མཐོན་མཐིང་ཆུ་འཛིན་དཀར་པོའི་གདན་སྟེང་ན་བཞུཊ་པའི།།
བཅུ་དྲུག་ལང་ཚོ་འབར་བའི་ངག་དབང་གི་ལྷ་མོ།།
རྒྱུད་དྲུག་པི་ཝང་སྙན་མོའི་རོལ་དབྱངས་ཀྱི་འགྱུར་ཁུགས།།
ཉམས་ཆུང་བུ་ལ་སྐོམ་པ་ཆུ་འདོད་ལྟར་སྩོལ་རོགས།།

སྐྱོ་གདུང་ངག་ལ་གྱེར་བའི་ཤུགས་རིང་གི་དབྱངས་རྟ།།
ཐག་རིང་རི་ལ་འཁོར་བའི་བྲག་ཆ་རུ་འཐིམ་ཡང་།།

དེ་ལས་མང་བ་། “དེ་རིང་གི་སེམས་པ།” »

ཆང་སྐྱེས།
 
བྲག་རི་ཟུར་གསུམ་ཅན་གྱི་རྩེ་ཁ་ནས།།
མིག་ཟུང་རིང་དུ་གཏད་དེ་རྒྱང་ལ་བལྟས།།
སྤྲིན་པ་ས་ལ་ལྷུང་བའི་མཁའ་མཐའ་ན།།
ཕ་ཡུལ་གངས་ལྗོངས་ཡོད་པའི་སྣང་བ་ཞིག།

མཚོ་མོ་དྭངས་ཤེལ་ཅན་གྱི་མཐའ་ཁ་ནས།།
སེམས་པ་ནང་ལ་བཀུག་སྟེ་འདང་ཞིག་བརྒྱབ།།
ཁྲུང་ཁྲུང་དཀར་མོ་བཞུད་པའི་ཕ་རོལ་ན།།
རང་ཡུལ་ཨ་མདོ་ཡོད་པའི་འཁྲུལ་སྣང་ཞིག།

དེ་ལས་མང་བ་། “དྲན་གདུང་།” »

ཆང་སྐྱེས།
 
སྤེན་ཚེ་སོགས་ལ་དགའ་བའི་རྒྱབ་སྐྱོར་དང་།།
འབྲོང་ཆུང་ཕྱོགས་ལ་མི་དགག་དགག་པ་མེད།།
རྒྱུ་མཚན་བདག་ལ་མཚོན་ན་ཆ་རྒྱུས་མེད།།
གཙོ་བོ་དྲང་བདེན་ཅན་ལ་ཐོབ་ན་འདོད།།

ཚུར་ཕྱོགས་རྒྱལ་ན་དགའ་སྤྲོ་སྐྱེས་རྒྱུ་དང་།།
ཕར་ཕྱོགས་ཕམ་ན་ཡིད་སེམས་སྡུག་རྒྱུ་མེད།།
ཕར་ཚུར་གཉི་ག་རང་གི་སྤུན་ཟླ་ཡིན།།
གཙོ་བོ་ལྷག་བསམ་ཅན་དེ་རྒྱལ་ན་འདོད།།

དེ་ལས་མང་བ་། “སྙིང་གཏམ་དྲང་བཤད་མ།” »

ཁ་བའི་རྣམ་ཤེས།
 
རིན་ཆེན་གསེར་ཁྲི་མཐོ་པོའི་ཕ་རོལ་ན།།
རྣམ་གསུམ་ངུར་སྨྲིག་གོས་ཀྱི་ཕ་རོལ་ན།།
རྡོས་བཅས་ཤ་ཁྲག་ཕུང་པོའི་ཕ་རོལ་ན།།
རིགས་ཀུན་ཁྱབ་བདག་བླ་མ་སངས་རྒྱས་ཡོད།།

གཏི་མུག་མུན་ནག་འཐིབ་པའི་ཕ་རོལ་ན།།
འདོད་ཆགས་ཆུ་འཛིན་གཡོ་བའི་ཕ་རོལ་ན།།

དེ་ལས་མང་བ་། “མེས་པོའི་ཤུལ་བཞག་འཆི་མེད་རྡོ་རྗེའི་ལྟ་གྲུབ།” »

ཁྲོ་གཏུམ།
 
རྒྱ་མཚོའི་རླབས་ངོས་སུ་ཆུ་སྐྱུར་འཕུར་བ
གྲང་ངར་གྱི་གདོང་ཐད་ཀར་མངོན་པའི་དུས་ཚིགས་ཤིག་ལ
རླབས་ཀྱིས་སྐྱོམ་པའི་གཉེར་རིས་སུ
ཚིག་འབྲུ་ག་ཚོད་ག་ཚོད་ཡོད་པ་སུ་ཡིས་རྟོགས

མིག་ཚད་ཀྱིས་ཟིན་པའི་རྒྱ་མཚོའི་ཕ་རོལ་ཕ་རོལ་དེ་ན
སེམས་ཚོད་ཀྱིས་ཟིན་པའི་ཡུལ་གྲུ་སྐྱིད་པ་ཞིག

དེ་ལས་མང་བ་། “གནམ་སྔོན་པོའི་འོག་ན།” »

རྒྱ་སྟོན་བུ་དར་རྒྱས།
 
བྷོ་ཊའི་ལོ་རྒྱུས་ཁྲོད་དུ་མཚན་སྙན་གྲགས་པའི་མི་རྗེ་སྲིད་སྐྱོང་། །
མི་ཚེ་སྲི་ཞུས་ཟད་པའི་ངེད་ཚོའི་འགན་འཛིན་ཕྱི་དྲིལ་དྲུང་ཆེ། །
ན་གཞོན་འབུམ་རམས་འཛིན་པའི་ཉམས་ཞིབ་ལས་བྱེད་དཔྱོད་ལྡན་ལས་རོགས། །
ང་ལ་སྐྱེལ་མ་ཞུས་དུས་སེམས་དེ་མ་སྐྱིད་ཚོར་བ་སྨུག་པོ། །

གཞོན་དུས་བོད་ལ་སྲི་ཞུ་བསྒྲུབས་པའི་སེམས་ཀྱི་དགའ་སྤོབས་རྐུན་ཇག་མི་ཤོར། །
ད་བར་ཞབས་ལོ་བཅུ་ལྷག་ལྕོགས་ཚོད་བྱས་པར་རིན་ཐང་ལོས་ཡོད། །
མི་འཇོན་རྟ་ལམ་བཀག་ན་བོང་བུའི་ལུས་ལ་རིན་ཐང་ཅི་ཡོད། །
འཛངས་པའི་གཞོན་པ་སྟོང་ལ་རེ་བཞག་འཕངས་ནས་ཕུགས་འདུན་

དེ་ལས་མང་བ་། “སྐྱེལ་མའི་གྱེས་འཛོམས།” »