ཨ་འདུས་པས།
བསླུ་མེད་ལུང་གིས་ཟིན་པའི་བྱིས་པ་ཞིག །
མདོ་སྨད་ས་ཡི་བཅུད་དུ་འཁྲུངས་པ་ན། །
གངས་རིའི་ལྷ་མི་དགའ་བའི་དགོད་སྒྲ་ཡིས། །
རི་བོ་ཧི་མ་ལ་ཡ་འདར་བར་བྱས། །
པོ་ཏ་ལ་རུ་འཕགས་པ་སྤྱན་མི་འཛུམ། །
མ་ཎི་ཁྲི་གཅིག
ཀླུ་སྨྱོན་ཧེ་རུ་ཀ
ཁ་སང་དང་དེ་རིང་གཉིས་ཀར་བགྲངས་པ་དེ་ཚོ་བསྡོམས་ན་མ་ཎི་ཁྲི་གཅིག་ལ་ལོངས་འདུག
མ་ཎི་ཁྲི་གཅིག་སྐར་མའི་གཟུགས་སུ་སྤྲུལ་ནས་ནམ་མཁར་གཏོར་བ་ཡིན་ན།
གནམ་སྔོན་པོ་དང་ཟླ་བ་དཀར་པོ་དེར་ཆེས་མཛེས་པའི་རྒྱན་ཆ་ཞིག་གྲུབ་འདུག་ལ།
དེས་སྙན་ངག་མཁན་ཁྲི་སྟོང་གི་སྨྱུ་གུའི་རྩེ་ནས་སྒྱུ་རྩལ་གྱི་སྣང་བརྙན་དུ་མ་ཞིག་ཐོལ་གྱིས་འཕྱུར་བར་བྱེད་ཀྱང་སྲིད།
མཛད་འཕྲིན་བརྗོད་མཐའ་བྲལ་བའི་འཛམ་གླིང་གི་དགོས་འདོད་ཀུན་འབྱུང་།
གཡུ་སྒང་དགེ་འདུན།
(ཕྱི་ལོའི་དགུང་གྲངས་ ༨༥ ཕེབས་པའི་སྐུའི་འཁྲུངས་སྐར་ལ་ཕུལ།)
༡༽དྲི་མེད་རྒྱལ་བསྟན་ཉི་ཟླའི་དཀྱིལ་འཁོར་ས་སྟེང་སྐྱེ་འགྲོའི་མགོན་དུ་སྩལ།།
ལོག་སྨྲའི་སྲིན་བྱ་ལོང་བར་མི་བྱེད་ལེགས་ལམ་འཇིག་རྟེན་གཟིགས་མོར་འགྲེམས།།
གསེར་མངལ་ཅན་དང་མིག་སྟོང་ལྡན་སོགས་འཇིག་རྟེན་དྲེགས་པའི་ཚོགས་ཀྱིས་ཀྱང་།།
སྤྱི་བོར་བཀུར་ཞིང་སྤྱན་རས་གཟིགས་ཀྱི་མགྲོན་གཉེར་མཛད་གང་སྲིད་ན་མཐོ།།
༢༽གང་གི་ཞབས་ཟུང་རྩིབས་སྟོང་ལྡན་པས་སྟོབས་ལྡན་རྒྱལ་ཁབ་གྲངས་མེད་བསྐོར།།
རྒྱལ་སྤྱིའི་དཀའ་རྙོག་དུག་མཚོ་ཁོལ་མ་ཞི་བྱེད་ཆོས་ཀྱི་ལམ་ཆེན་བསྟན།།
དེ་ལས་མང་བ་། “མཛད་འཕྲིན་བརྗོད་མཐའ་བྲལ་བའི་འཛམ་གླིང་གི་དགོས་འདོད་ཀུན་འབྱུང་།” »
བཀའ་དྲིན་རྗེས་དྲན།
བདེ་སྐྱིད་དབང་མོ། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ་༡༡
མདོ་སྨད་ས་ཡི་ཐིག་ལི།།
ཙོང་ཁའི་ཡུལ་ལུང་ཕྱུག་མོར།།
མཚན་དཔེ་མེ་ཏོག་མཛད་པའི།།
༸རྒྱལ་བ་ཡིད་བཞིན་ནོར་བུ།།
བྱམས་དང་བརྩེ་བ་སྣུམ་པོས།།
ཐུགས་རྒྱུད་ཡོངས་སུ་བརླན་པས།།
རིས་མེད་འགྲོ་བའི་སྙིང་ལ།།
ཆོས་ཀྱི་བདུད་རྩི་ཕབ་བྱུང།།
སྐུ་ཡི་འཁྲུངས་སྐར་ལ་ཕུལ།
བསྟན་འཛིན་ནོར་འཛིན། དཔེ་སྟོན་སློབ་གྲྭ། འཛིན་རིམ་༦ཁ རང་ལོ་༡༡
སྐྱབས་མགོན་ཡིད་བཞིན་ནོར་བུ།།
གངས་ཅན་བོད་ཀྱི་བླ་མ།།
འཛམ་གླིང་ཞི་བདེའི་དེད་དཔོན།།
སྐུ་ཚེ་སྐལ་བརྒྱར་བརྟན་ཤོག།
ཁྱེད་ཞལ་མཁའ་ཡི་ཟླ་གཞོན།།
སྐུ་ནི་གངས་རི་ལྷུན་པོ།།
གསུང་ནི་རིན་ཆེན་གདམ་ངག།
ཐུགས་ནི་སྙིང་རྗེའི་རང་གཤིས།།
༸བཀའ་དྲིན་ཉི་མའི་འོད་ཟེར།
བཀྲ་ཤིས་ལྡིང་བཟང། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ། ༡༢
སྤྱི་ལོ་སོ་ལྔར་འཁྲུངས་པའི་༸གོང་ས་མཆོག།
ཡོད་ཚད་བློས་བཏང་ཆོས་སྲིད་འགན་འཁྲི་བཞེས།།
ཉམས་ཆུང་བོད་མི་རྣམས་ལ་བདེ་སྐྱིད་བསྐྲུན།།
ཉིན་མཚན་གང་བོར་གཞན་ཆེད་སྐུ་ལས་བསྐྱོན།།
ཆ་རྒྱུས་མེད་པའི་རྒྱ་གར་འཕགས་པའི་ཡུལ།།
བོད་མི་སྟོང་ཕྲག་མང་པོ་སྐྱབས་བཅོལ་གནས།།
རྒྱལ་བའི་དྲིན་གིས་ཟས་གོས་སྡོད་གསུམ་ཐོབ།།
ཤེས་ཡོན་སྦྱོང་རྒྱུའི་གོ་སྐབས་གསར་དུ་བསྐྲུན།།
༸གོང་ས་མཆོག་ལ་བཀའ་དྲིན་རྗེས་དྲན་ཞུ་ཚིག
བསྟན་འཛིན་ནོར་འཛོམས། དཔེ་སྟོན་སློབ་གྲྭ། འཛིན་གྲྭ། ༦ཁ རང་ལོ་༡༢
གོང་དུ་མེད་པ་ཞི་བདེའི་དེད་དཔོན་མཆོག།
ས་ཕྱོགས་ཀུན་ལ་བྱམས་བརྩེའི་གཟིགས་པ་བསྐྱངས།།
སྐྱབས་མགོན་གསུང་གི་བདུད་རྩི་ཐོས་པ་དགའ།།
མགོན་པོ་མཆོག་གིས་སྐྱེ་རྒུའི་གདུང་སེལ་ཐུབ།།
སྙིང་རྗེ་རྒྱ་མཚོ་བཞིན་དུ་དཔག་མེད་པ།།
འཕགས་མཆོག་སྤྱན་རས་གཟིགས་ཀྱི་རྣམ་སྤྲུལ་མཆོག།
གང་གི་མཛད་འཕྲིན་ཉི་འོད་བཞིན་དུ་ཁྱབ།།
ངོ་མཚར་ཅན་ལ་བདག་གིས་ཕྱག་འཚལ་ལོ།།
སྐུའི་འཁྲུང་དཀར་ལ་འཚམས་་འདྲི་བཀྲིས་བདེ་ལེགས་ཞུ།
ཚེ་བརྟན་འགྱུར་མེད།
གངས་ཅན་བོད་ཀྱི་ཤར་མཚེས་རྒྱ་དམར་པོའི།།
ལྟ་སྤྱོད་རྨོངས་དང་དྲག་ཤུག་ནུས་པ་ལས།།
གངས་ཅན་གཅེས་ནོར་ཆོས་རིག་བཅོམ་འདོད་ཀྱང་།།
༸རྒྱལ་དབང་བསྟན་འཛིན་རྒྱ་མཚོས་རླབས་འཕྲིན་ལས།།
ས་སྟེང་ཡོངས་སུ་ཡིད་སྤྲོའི་ནོར་བུར་བརྟས།།
དམར་པོས་བཅོམ་པའི་བོད་རིགས་སྤུན་ཟླ་ཡི།།
དབང་པའི་ཡུལ་འཕྲོག་ལུས་ཀྱི་ཤ་ཁྲག་འཛད་ནའང།།
སེམས་ཤུགས་ཆོལ་གསུམ་གོང་བུའི་འདབ་ཡངས་དེ།།
དེ་ལས་མང་བ་། “སྐུའི་འཁྲུང་དཀར་ལ་འཚམས་་འདྲི་བཀྲིས་བདེ་ལེགས་ཞུ།” »
༄༅།། ལྷར་བཅས་སྲིད་ཞིའི་གཙུག་རྒྱན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགུང་གྲངས་གྱ་ལྔ་བཞེས་པའི་སྐུའི་འཁྲུངས་སྐར་ལ་འཚམས་འདྲིའི་བཀྲ་ཤིས་བདེ་ལེགས་ཞུའོ།།
བསེ་རུ། (ཨོ་གླིང་།)
གངས་རིའི་ལྗོངས་ནས་བཞད་པའི་ཉིན་བྱེད་ཅིག།
གླིང་ཆེན་ཁྱོན་དུ་སྨག་མུན་ཞི་མཛད་ཅིང་།།
སྐྱེ་འགྲོའི་ཡིད་བདེ་སྐྲུན་པར་མི་ངལ་བའི།།
བླ་མ་ཡིད་བཞིན་ནོར་བུ་སྤྱི་བོས་མཆོད།།
གང་ན་ལུས་ཅན་མཆིས་པའི་ས་ཕྱོགས་སུ།།
གང་གི་སྡུག་བསྔལ་མུན་པ་སེལ་བའི་ཕྱིར།།
གང་ཉིད་འོད་ཀྱི་ཐིག་ལེར་སྤྲུལ་མཛད་པོ།།
བླ་མ་ཉིན་བྱེད་དབང་པོར་གསོལ་བ་འདེབས།།
གྱ་ལྔའི་འཁྲུངས་སྐར་བསུ།
ཆང་སྐྱེས།
ཤཀྱའི་དགེ་སློང་བསྟན་འཛིན་རྒྱལ་མཆོག་གང་།།
གང་གི་ཐུགས་བརྩེ་འོ་མའི་དཀར་རྒྱུན་དང་།།
བྱམས་བརྩེ་འཛུམ་གྱིས་ཕྱུག་པའི་འོད་སྣང་གིས།།
འགྲོ་བའི་སྡུག་བསྔལ་མུན་པ་རྨང་ནས་བཅོམ།།
ཡང་སྲིད་མཆོག་སྤྲུལ་མདོ་སྨད་ཡུལ་ནས་འཁྲུངས།།
གསེར་སྐུ་ལང་ཚོའི་དཔལ་ཡོན་དབུས་ནས་རྒྱས།།
བློ་གྲོས་རིག་གཏེར་འཕགས་པའི་ཡུལ་ན་གཏམས།།
གཟི་བྱིན་འོད་ཟེར་འཛམ་གླིང་ཡོངས་ལ་ཁྱབ།།
༸གོང་ས་སྐྱབས་མགོན་ཆེན་པོ་མཆོག་དགུང་གྲངས་བརྒྱད་ལྔར་ཕེབས་པའི་སྐུའི་འཁྲུངས་སྐར་ལ་ཕུལ་བའི་ཀ་བཤད།
ཚེ་དབང་བསོད་ནམས།
ཀ་དག་ཕྱག་རྒྱ་གངས་ཅན་ལྷ་ཅིག་ཕྱག་ན་པད་མོར་འདུད།
ཁ་བའི་ཡུལ་གྱི་སྤྲེལ་བྲག་རིགས་མྱུག་ཁྱེད་ཀྱི་གདུལ་བྱར་གཟིགས།
གངས་ཅན་མགོན་པོ་བསྟན་འཛིན་རྒྱ་མཚོའི་བརྒྱད་ལྔའི་འཁྲུངས་སྐར་ལ།
ང་ཚོ་གཞིས་བྱེས་ས་ཡ་དྲུག་གི་དགའ་བསུའི་འཚམས་འདྲི་ཞུ།
ཅ་ཅོ་ཆོས་མེད་གུང་ཁྲན་དམར་པོའི་བསམ་སྦྱོར་ངན་པའི་འོག།
ཆོས་ལྡན་ཞིང་གི་ཕྱི་ནང་སྣོད་བཅུད་ཡོངས་རྫོགས་རྩ་མེད་བཟོས།
ཇི་ལྟར་བསམ་ཀྱང་བོད་འབངས་བདེ་སྐྱིད་ཁྱེད་ཀྱི་སྐུ་ཚེ་རག།
ཉི་ཟླ་འདྲ་བའི་ཁྱེད་ཀྱི་མཛད་འཕྲིན་གླིང་འདིར་ཞི་བདེ་བསྐྲུན།
གྱ་ལྔ་སྐུའི་འཁྲུངས་ཚེས་ལ་དད་སྨོན་གྱི་ཆེ་བསྟོད་ཞུ།
འཇིགས་མེད་དབང་འདུས།
༄༅།། ས་ཐག་རིང་འཕགས་པའི་གྲོང་འཁྱེར་ན།།
རྗེ་སྐྱབས་མགོན་སྐུ་ཚེ་བརྟན་ནས་ཡོད།།
ཐུགས་བྱམས་བརྩེའི་འགྲོ་རྣམས་སྐྱོང་བཞིན་ཡོད།།
མཚན་སྙན་གྲགས་འཛམ་གླིང་ཀུན་ལ་ཁྱབ།།
རྗེ་བླ་མའི་བཀྲིན་བསམ་མི་ཁྱབ།།
དུས་གསུམ་སྒོ་མོ་འབྱེད་མཁན་དེ་ཁྱེད་ཡིན།།
ཤེས་བྱའི་སྒྲོན་མེ་སྤར་མཁན་དེ་ཁྱེད་ཡིན།།
བདེན་དོན་སེམས་ལ་འབྲི་མཁན་དེ་ཁྱེད་ཡིན།།
འཚེ་མེད་ཞི་བདེ་སྤེལ་མཁན་དེ་ཁྱེད་ཡིན།།
དེ་ལས་མང་བ་། “གྱ་ལྔ་སྐུའི་འཁྲུངས་ཚེས་ལ་དད་སྨོན་གྱི་ཆེ་བསྟོད་ཞུ།” »
༸རྒྱལ་བའི་མཛད་བཟང་དྲན།
ཁ་བའི་རྣམ་ཤེས།
ཕྱག་སྟོང་འདབ་མ་གྲོལ་བའི་དཀྱིལ་འཁོར་དུ།།
སྤྱན་སྟོང་གེ་སར་ཕྲེང་བ་ཚར་དུ་དངར།།
ལེགས་བྱས་བྲང་རྩིས་གང་བའི་པད་དཀར་ཁྱེད།།
བདག་ཡིད་བུང་བ་སྐྱོང་བའི་མགོན་དུ་བྱོན།།
སྐུ་ཡི་ཡོན་ཏན་རབ་འབྱམས་ཞིང་དུ་ཁྱབ།།
གསུང་གི་ཡོན་ཏན་གང་འདུལ་འགྲོ་ལ་སྨན།།
ཐུགས་ཀྱི་ཡོན་ཏན་སྙིང་རྗེ་ཆེན་པོ་མངའ།།
གང་གི་ཡོན་ཏན་བརྗོད་ལ་སྤྲོ་བ་བརྟས།།
འཁྲུངས་སྐར་བསུ་བའི་སྙན་ངག་གི་མཆོད་པ།
ཐེ་འོད་ཟེར།
མདོ་ཁམས་རྟ་ཡི་ཆོལ་ཁ་ཡངས་པོར་སྐུ་ཡི་བཀོད་པའི་མེ་ཏོག་བཞད།།
ལྷ་ལྡན་ཕོ་བྲང་པོ་ཏ་ལ་རུ་ལུཊ་གཉིས་ཁྲི་འཕང་བརྗིད་ཀྱིས་མནན།།
སྲིད་ཀྱི་ན་བུན་ལང་ལོང་འཁྲིགས་པའི་མུན་ནག་མཚན་མོའི་སྐར་འོད་འོག།
སྐྱོ་གདུང་སྤྱན་ཆབ་བཙན་གྱིས་མིད་བཞིན་ཞབས་སོར་འཕགས་ཡུལ་ཕྱོགས་སུ་བསྒྱུར།།
ཟབ་གསང་ཐུགས་ཀྱི་ལྷ་ལམ་ཡངས་པོར་ཐབས་ཤེས་ཉི་ཟླའི་རྣ་ཆ་འཛིན།།
འཕགས་ཡུལ་ས་ཡི་ཐིག་ལེ་ཡངས་པོར་དེང་རབས་ཤེས་བྱའི་རྨང་གཞི་བཏིངས།།
སྲིད་ལུགས་ཀུན་གྱི་དྭངས་མར་གྱུར་པའི་མང་གཙོའི་གསོལ་རས་འབངས་ལ་གནང་།།
མཁའ་ལྟར་ཡངས་པའི་མཁྱེན་རྒྱ་ཟབ་མོས་གཉིས་སྨན་དབུ་མའི་
ཀ་བཤད་ལ་དྲངས་བའི་དྲི་བ་དམར་རྗེན་མ།
རྐ་སྲས་ཀྱིས་སྤེལ།
ཀ་བ་གཏན་ནས་མེད་པའི་ཨར་འདམ་གྱི་ཁང་པར།།
ཁ་པར་ཀུ་ཤུ་རྟགས་ཀྱིས་རྒྱུ་ངོམ་འདྲ་བྱེད་བཞིན།།
ང་ཚོ་བོད་པ་ཚང་གི་ལས་དབང་ཨང་ཟེར་ནས།།
ཅ་ཅོ་ཤོམ་ར་ཅན་པོ་སྒྲོག་གིན་སྡད་ཨེ་ཡོད།།
ཇ་ཆང་བག་ཡངས་འདི་ལ་སྙིང་པོ་ཅི་ཟེར་བཞིན།།
ཉ་ཤ་རྒྱས་སྤྲོས་ཅན་པོ་འུར་ཟིང་གིས་རོལ་ནས།།
ཏ་ལའི་བླ་མའང་ནོར་ནས་ཡོད་མདོག་འདྲ་ཤོད་བཞིན།།
ཐ་ཤལ་རང་ཚུཊ་ཝ་རྔ་དྲུད་ནས་བསྡད་ཨེ་ཡོད།།
ལྷ་རྗེ་རྒྱགས་པའི་གཏམ།
བློ་བཟང་རིན་ཆེན།
སྙན་པའི་གྲགས་པ་ཕྱི་ནང་ཀུན་ལ་ཁྱབ།།
དམིགས་མེད་སྙིང་རྗེས་རང་རྒྱུད་ཡོངས་སུ་བརླན།།
བཅུ་ཕྲག་ཡོན་ཏན་དུ་མའི་གཏེར་འཛིན་པ།།
མཚན་ལྡན་བཤེས་གཉེན་རྣམས་ལ་གཏིང་ནས་གུས།།
རབ་བརྟན་སེམས་པ་བཟང་པོའི་ས་གཞི་ལ།།
རབ་མཛེས་སྙན་ངག་ལྷ་མོའི་སྐུ་འཁྲུངས་ན།།
རབ་དགའ་བརྩེ་བ་ཟབ་མོས་བློས་བསླངས་ནས།།
རབ་བྱུང་འཛིན་གྲོགས་རྣམས་ལ་སྐྱེས་ཤིག་ཕུལ།།
ཀུ་ཤུ་གསར་གཏོད་པ་སི་ཊེབ-ཇོབ་སིའི་ཚེ་མཇུག་གི་གཏམ།
རྐ་སྲས་ཀྱིས་སྒྱུར་སྤེལ་ཞུས།
ཚོང་ལས་ཀྱི་འཇིག་རྟེན་འདིའི་ཁྲོད་ནས། ང་རང་ལེགས་འགྲུབ་ཆེ་ཤོས་སུ་གྱུར་བྱུང་། གཞན་གྱི་མིག་ནང་དུ་ངའི་མི་ཚེ་ནི། ལེགས་འགྲུབ་ཀྱི་དཔེ་མཚོན་ཡག་ཤོས་ཤིག་ཏུ་གྱུར་ཡོད། གང་ལྟར། ལས་ཀ་མ་གཏོགས་གཞན། ང་ལ་སྤྲོ་སྣང་ཆུང་ཆུང་ཞིག་ལས་མི་འདུག
འབད་འབུངས་དེ་དག་གི་མཇུག་མཐར། ང་མཚོན་ན། འབྱོར་ཕྱུག་ནི་མི་ཚེའི་ནང་རང་ཉིད་གོམས་འདྲིས་སུ་
དེ་ལས་མང་བ་། “ཀུ་ཤུ་གསར་གཏོད་པ་སི་ཊེབ-ཇོབ་སིའི་ཚེ་མཇུག་གི་གཏམ།” »
གལ་སྲིད་རླུང་བུ་གཡུགས་སྲིད་ན།
ཁྲོ་གཏུམ། ༼ཨོ་གླིང་།༽
རླུང་བུ་ལྡིང་བ་ནི་ཚ་བ་འགོག་བྱེད་ཡིན་པ་གནས་ལུགས་ཤིག
རླུང་བུ་ལ་སྡང་བ་ནི་ཚ་བར་དགའ་མཁན་ཞིག་ཡིན་པའང་གནས་ལུགས་ཤིག
རླུང་བུ་གཡུགས་པའི་སྟངས་སྟབས་ཀྱིས་སུ་ཞིག་ལ་ངོ་དགའ་བྱེད
གང་ཞིག་ལ་ཕོག་ཐུག་གཏོང་འདོད་ཡོད་མི་སྲིད
སྲིད་པ་ནི་རླུང་བུ་གཡུགས་དགོས་པའི་བར་སྣང་དེ་དང
ཡང་ན་རླུང་བུ་གཡུགས་སྲིད་པའི་གནས་ལུགས་ཤིག
ཧ་ཅང་ལས་སླ་བའི་གནས་ལུགས་འདི་དག་གི་ཧྲག་བར་ན
ཅིའི་ཕྱིར་ང་ཡེ་ཤུ་བ་ཞིག་མིན་ནམ།
སྐྱེས་སར་ཀླུ་སྒྲུབ་ཀྱིས་བསྒྱུར།
བཅུ་པ། ཀུན་སྤྱོད་ཀྱི་སྐྱོན་ཆ།
དེ་ནས། ཁྱོད་ཀྱིས་ཀུན་སྤྱོད་སྐོར་འདྲི་ངེས། ངའི་བསམ་པར། ཡེ་ཤུ་མ་ཤི་ཀས་དམྱལ་བ་ལ་ཡིད་ཆེས་བྱས་པ་དེ་ནི་ཁོང་གི་ཀུན་སྤྱོད་ཐད་ཀྱི་སྐྱོན་ཆ་ཚབས་ཆེན་ཞིག་ཡིན། ངས་བལྟས་ན། དངོས་ཡོད་གནས་སྟངས་ལ། མི་ཆོས་ཀུན་སྤྱོད་ཀྱི་འདུ་ཤེས་བརྟན་པོ་ཡོད་པའི་མི་སུས་ཀྱང་། ཉེས་ཆད་ནི་ལེགས་བཅོས་ཀྱི་ཐབས་ལམ་ཞིག་ཡིན་པར་ཡིད་ཆེས་བྱེད་
ཅིའི་ཕྱིར་ང་ཡེ་ཤུ་བ་ཞིག་མིན་ནམ།
སྐྱེས་སར་ཀླུ་སྒྲུབ་ཀྱིས་བསྒྱུར།
དགུ་པ། ཡེ་ཤུ་མ་ཤི་ཀའི་ལམ་སྟོན་གྱི་ཞན་ཆ།
ཡེ་ཤུ་མ་ཤི་ཀའི་ཕུལ་བྱུང་གི་མཛད་པའི་ཆ་ཁས་བླངས་རྗེས། ད་ཆ་ང་རང་ཉིད་ཀྱིས་ཡིད་ཆེས་བྱེད་མི་ཐུབ་པའི་ཡེ་ཤུའི་གསུང་རབ་ཁྲོད་ཀྱི་ཆེས་ཕུལ་བྱུང་གི་ཆར་བརྙད་པའི་གནད་དོན་འགའ་གླེང་འདོད་བྱུང་། ཡིན་ཡང་འདིར། ལོ་རྒྱུས་རང་བཞིན་གྱི་དྲི་བ་གཅིག་གླེང་རྒྱུ་མིན། དེ་ནི་ལོ་རྒྱུས་ཐོག་ནས་བལྟས་ན། ཡེ་ཤུ་མ་ཤི་ཀ་སྔོན་ཆད་བྱུང་ཡོད་མེད་