འདྲེ་གླེན་པ།
ཝེ་་་་་་་་་་་་་་་ནམ་མཁའ་འཚོ
ད་ང་བུད་འགྲོ
རྗེས་ལ་ཁ་པར་མ་གཏོང་
ཁྱིམ་ན་རྒན་མོ་ཡོད ཞ་ཞི་ཡང་ཡོད
ཝེ་་་་་་་་་་་་་་་ནམ་མཁའ་འཚོ
ཁྱོད་རྒན་གསོ་ཁང་ནས་སུན་ན
སློབ་གྲྭར་སོང་
རྒན་ཡོལ་གྱི་ཡོང་འབབ་ཉུང་ཉུང་མ་རེད་མོས
དྲི་བ།
བློ་བཟང་རིན་ཆེན།
ཀྱེ་ཀྱེ་སྙིང་གི་གྲོགས་པོ།།
རྒྱ་གར་འཕགས་པའི་ཡུལ་ལ།།
འབྱོར་བའི་སྐལ་བཟང་ཉི་མ།།
སེམས་ལ་ཉར་རྒྱུ་བྱུང་ངམ།།
འདིར་འབྱོར་ལོ་ཟླའི་ནང་ལ།།
བྱ་བཞག་གང་ཞིག་སྒྲུབ་པའི།།
སློབ་འབྲས་སྟོན་གྱི་ལོ་ཏོག།
གཞན་ལ་ངོམ་རྒྱུ་བྱུང་ངམ།།
རྨ་ཁ་ཤོར་བའི་ལོ་ཟླ་དེ་དག
ཆང་སྐྱེས།
ཆར་བ་ཟ་ཟིམ་འབབ་པའི་ཉིན་མོ་ཞིག་སྟེ།།
ཐ་མག་ཚེ་སྲོག་རྔུབ་པའི་མྱི་རྐྱང་ཁེར་འདུག།
འདས་པའི་ལོ་ཟླ་རིང་མོའི་ངོ་གདོང་ནག་པོ།།
དེ་རིང་བཙན་གྱིས་བསྒྲིགས་པའི་སྙན་ངག་མ་ཡིན།།
ནག་པོ་བདུད་སྡེ་དཔུང་གི་སྟོབས་ཤུགས་རེད་དང་།།
རང་མགོ་རང་གིས་གཡོག་པའི་བྱས་ཉེས་ཡིན་ནམ།།
གང་ལྟར་དགུན་ཁ་ཞིག་གི་ས་སྲོད་ཀློང་ནས།།
སྐད་ཅིག་ཉིད་ལ་ཡོད་ཚད་ལག་ནས་ཤོར་སོང་།།
རྒྱ་གར་གྱི་གློག་བརྙན་གླུ་གཞན་ཚན་པ་གཉིས།
པདྨ་ཚེ་དབང་ཤཱསྟྲིས་༢༠༢༠ ཟླ་༥ ཚེས་༣༠ ཉིན།
རྒྱ་གར་གློག་བརྙན་(Salaami) གུས་འདུད་ཅེས་པའི་གླུ་ཞིག
Chehra kya dekhte ho
Dil me uttarkar dekho na
Mausam pal me badal jayega
Pathar dil bhi pigal jayega
Meri mohabat me hai
Kitna asar dekho na
གདོང་ལ་བལྟས་ནས་ཅི་བྱེད།
སེམས་སྟེང་བབས་ནས་ལྟོས་དང་།
མི་རྟག་སྒྱུ་མའི་ཟློས་གར།
ཁ་བའི་རྣམ་ཤེས།
རྨད་བྱུང་ངོ་མཚར་ལྟ་ན་སྡུག་པའི་གྲུ་འཛིན་ཞིང་གི་བཀོད་པ་བཤམས།།
གངས་རིའི་མགོན་པོ་རྒྱལ་བ་ཡབ་སྲས་རྫུ་འཕྲུལ་རྐང་པས་ས་ལ་བབ།།
རྣམ་དཀར་འཕྲིན་ལས་བསིལ་བའི་ཟེགས་མ་ཕྱོགས་ཀྱི་འཁོར་ལོའི་མཐའ་རུ་འཕྱོ།།
ཞལ་གྱི་དཀྱིལ་འཁོར་མཐོང་བ་དོན་ལྡན་འཛུམ་པའི་འོད་ཀྱིས་ཁྱོད་ལ་སྲུངས།།
ཁྱོད་དང་ང་ཡི་བར་ཐག་རིང་མོར་ལེ་བར་སྟོང་གིས་བསྐལ་ཀྱང་རུང་།།
ལས་ཀྱི་རྣམ་སྨིན་དྲན་བཞིན་དྲན་བཞིན་མཚན་མོའི་གཉིད་ཐེབས་ཆད་ཀྱང་རུང་།།
སྐྱོ་གདུང་མིག་ཆུ་བར་མེད་བཞུར་བས་བྲང་གི་སྟོད་ཁོག་བརླན་ཀྱང་རུང་།།
ནམ་ཞིག་ཁྱེད་ལ་ཕུལ་བའི་ཞུ་འཕྲིན་ཕུག་རོན་དཀར་པོས་གཤོག་ཟུང་
ཤཱཀྱའི་གྲྭ་ཟུར་ཚོ།
ཐེ་འོད་ཟེར།
ཤཱཀྱ་ཐུབ་པའི་གྲྭ་ཟུར་རྣམ་པ་ཚོའི།།
ལུས་ཀྱི་ཐོག་ན་ཆོས་ཀྱི་བྱིན་རླབས་ཡོད།།
ཁོག་པའི་སྙིང་ན་བྱམས་དང་སྙིང་རྗེ་ཡོད།།
ཁ་ལྕེའི་དབར་ན་མདོ་སྔགས་རིག་གནས་ཡོད།།
གནའ་དུས་མཁས་པའི་ཁྲོད་ན་གྲྭ་ཟུར་མང་།།
དེང་སང་སློབ་དགེ་ཕལ་ཆེར་གྲྭ་ཟུར་རེད།།
ཆོས་སྲིད་གཉིས་ལྡན་གྲྭ་ཟུར་གྲངས་མེད་ཡིན།།
ཨམ་རྗེ་མཁས་དབང་ཁྲོད་ན་གྲྭ་ཟུར་མང་།།
འདི་ལྟར་བྲིས་ཨེ་ཆོག
ཆང་སྐྱེས།
ཁེར་རྐྱང་འཚོ་བའི་སེམས་པ་རླུང་གིས་འཁུར།།
དྲན་གདུང་ལྕི་མོའི་མིག་ཆུ་ལག་པས་ཕྱིས།།
ལོ་དང་ཟླ་བའི་ལོ་རྒྱུས་ཁ་བས་གཡོག།
ཁ་བ་མར་མར་ཀློང་ནས་ཁྱེད་རང་དྲན།།
འཁྲེང་ཞེན་སྙིང་གི་ཕྱི་མིག་རྒྱང་ལ་འཕངས།།
ཞེན་ཆགས་ཟབ་མོའི་དུངས་བ་ཁོག་ཏུ་སྦས།།
ཁྱོད་དང་ངེད་གཉིས་ལེ་བར་སྟོང་གིས་བཅད།།
རྨི་ལམ་ཞིང་ནས་ཁྱེད་ལ་འོ་ཞིག་བྱས།།
བདེན་གཏམ་ཚིགས་སུ་བཅད་པ།
ཐེ་འོད་ཟེར།
གཡོ་སྒྱུ་ཁྲལ་གསུམ་དཔུང་ཤེད་ཀྱིས།།
བསྐོས་པའི་ཆོས་རིག་བཀའ་བློན་གྱི།།
ཁྲི་རྒན་སྟེང་གི་སྨྱོ་གཏམ་ལ།།
སེམས་ལྡན་སུ་ཞིག་ཡི་རང་བྱེད།།
རྒྱལ་བསྟན་རིན་ཆེན་གསེར་གྱི་ནོར།།
ལུང་ཙམ་ཉིད་ལ་མ་བརྟེན་པར།།
དཔྱད་གསུམ་ཚད་མས་འཛིན་པ་ལ།།
སྡང་བའི་རོ་ལངས་བྱ་སྤུ་གནོན།།
དགེ་ཐུབ་བསྟན་ཕུན་ཚོགས་ལ་སྤྲིངས་པའི་འཕྲིན་ཕ་བཟང་བུ།
ཨ་མྱེས་སྲས་ཆུང་གིས།
ནུབ་ཕྱོགས་མགོ་སེར་ཡུལ་ལ་གནས་གྱར་བའི།།
རིགས་ལ་ཞེན་པ་དཀར་བའི་འཁྱམས་པོ་ངས།།
དྲན་སྐུལ་སྙིང་དམའི་ཟུག་ཁྲག་དྭངས་མ་འདི།།
བགྲེས་སོང་ཐུབ་ཕུའི་སྙན་ལ་དལ་གྱིས་གསོལ།།
ལྷ་དང་བླ་མའི་བཀའ་ལུང་རྫུན་དུ་ལྟ།།
ཆོས་དང་སྲོལ་རྒྱུན་ཁུངས་མེད་མཐོང་ཡང་ཆོག།
དེ་ལས་མང་བ་། “དགེ་ཐུབ་བསྟན་ཕུན་ཚོགས་ལ་སྤྲིངས་པའི་འཕྲིན་ཕ་བཟང་བུ།” »
ཚར་གཅོད་རྒོལ་གཏམ།
རླུང་དམར།
(གཅིག)
སྐྲག་ངལ་ཡམས་ནད་མཆེད་པའི་དུས་ཟིང་ལ།།
ཕན་མེད་གནོད་ཅན་བདུད་ཁ་ནག་ནག་པོས།།
དམ་ལོག་རོ་ལོག་ངང་ནས་༸རྒྱལ་བར་སྨད།།
སེམས་དང་སེམས་ལ་མདུང་གྲིས་རྨ་བཏོད་པ།།
སྦྲུལ་ལྕེའི་ཁ་རླངས་འབར་བའི་སྤྲུལ་མིང་དེས།།
སྡང་ཟུག་ཕུ་དཀྲུག་ལོག་པའི་རྒྱ་རུ་གཉུལ།།
རྒྱ་གར་གྱི་གློག་བརྙན་གླུ་གཞས་ཚན་པ་གཉིས།
པདྨ་ཚེ་དབང་ཤཱསྟྲིས་༢༠༢༠ ཟླ་༥ ཚེས་༢༣ ཉིན།
རྒྱ་གར་གློག་བརྙན་(Naya Daur) འགྲོས་གསར་པ་ཞེས་པའི་གླུ་ཞིག
Ho ude jab jab zulfen teri
Ho ude jab jab zulfen teri
Kavariyon kaa dil machale
Kavariyon kaa dil machale jind meriye
ཧོ། དུས་དང་དུས་སུ་ཁྱོད་སྐྲ་ལྡིང་བ་དེས།
ཧོ། དུས་དང་དུས་སུ་ཁྱོད་སྐྲ་ལྡིང་བ་དེས།
ཕོ་ཧྲེང་དག་གི་ཡིད་སེམས་འཁྲུག་འཇུག་གི།
ཕོ་ཧྲེང་དག་གི་ཡིད་སེམས་འཁྲུག་འཇུག་གི་ངའི་ཚེ་རོགས་ལགས།
ཀ་རྩོམ་སྨྱོན་པའི་རལ་གྲི།
ཐེ་འོད་ཟེར།
ཀ་ཁ་ཙམ་ཞིག་ཁ་ན་མེད་ལ་ཁ་བའི་རིག་གཞུང་གླེང་དང་གཅིག།
ཁ་བ་ཆོལ་གསུམ་སྐད་བརྡ་མི་འཕྲོད་ཁ་བའི་ལ་རྒྱ་བཤད་པ་གཉིས།།
ག་ནས་བལྟས་ཀྱང་རང་གི་རིཊ་ལ་ཕན་པ་མེད་པའི་སྨྱོ་གཏམ་གསུམ།།
ང་ཡིས་བལྟས་ན་མི་བུ་དེ་རིགས་རང་ངོ་མི་ཤེས་གླེན་པ་ཉིད།།
ཅ་ཅོའི་འུར་ཟིང་ཅི་བས་ཆེ་བའི་དྲྭ་ཚོམས་ཉུལ་བའི་སློབ་མ་གཅིག།
ཆ་ལུགས་ར་མ་ལུག་བསྲེས་ཅན་གྱི་དགེ་རྒན་ར་བཟི་དུད་འཐེན་གཉིས།།
ཇ་ནེ་ཕོར་ཁ་མཐོ་དམན་འགྲན་པའི་དེང་གི་དུས་ཀྱི་གཞུང་ཞབས་གསུམ།།
ཉ་པ་རྒད་པོ་ལས་ཀྱང་བཙོག་པའི་རད་ཚོད་མེད་པའི་གློའུ་རྒན་ཡིན།།
ལྷ་མོ་དབྱངས་ཅན་མ་ལ་བསྟོད་པ་ངག་གི་འདོད་འཇོ།
ཁ་བའི་རྣམ་ཤེས།
འོད་གསལ་བེདྲུར་ཞུན་མའི་ཆུ་གཏེར་ཆེ།།
ལྷན་སྐྱེས་བདེ་ཆེན་བསེར་བུའི་རྔ་ཡབ་ཀྱིས།།
དལ་བུར་སྐུལ་བས་འཕྲིན་ལས་རླབས་ཀྱི་ཕྲེང་།།
འཛད་མེད་གཡོ་བའི་དགའ་སྟོན་འབུམ་གྱི་དབུས།།
མ་རིག་ཉོན་མོངས་འདམ་གྱིས་མ་གོས་པའི།།
བློ་གྲོས་འདབ་སྟོང་གེ་སར་རྒྱས་པའི་སྟེང་།།
ལྷག་བསམ་ཉ་གང་ཟླ་བའི་དཀྱིལ་འཁོར་དུ།།
རྨད་བྱུང་མཚན་དཔེའི་དཔལ་འཛིན་ལྷ་མོ་ནི།།
ཨུ་སྟོབས་བཅུ་བདུན་མ།
ཞོ་ར་བསྟན་པ། (ཨོ་གླིང་།)
ཕ་མ་འབྱོར་ལྡན་ཞིག་གི་ངོ་སོ་དང་།།
འཁོར་གཡོག་དད་ཅན་རྣམས་ཀྱིས་དག་སྣང་གིས།།
བཟང་ངན་གང་ཡིན་མེད་པའི་སྤྲུལ་མིང་འདི།།
རང་ལ་ཇི་ལྟར་བཏགས་སམ་ཨུ་སྟོབས་པ།།
འདུལ་བའི་ཆོ་གར་ཞུགས་ནས་བསླབ་པ་བླངས།།
འདོད་པའི་གདུང་བས་གཟིར་ནས་སྐྱ་སར་བབས།།
སོ་ཐར་སྡོམ་པ་ཐལ་སྤུང་བཞིན་དུ་བོར།།
ཆགས་པའི་སྲེད་པ་རྒྱས་སམ་ཨུ་སྟོབས་པ།།
སྟོན་པའི་མཛད་འཕྲིན་ལ་བསྔགས་པ་དབྱངས་ཅན་བཞད་པའི་རྡོ་རྗེའི་གླུ།
གཡུ་སྒང་དགེ་འདུན།
(ས་ཟླའི་དུས་ཆེན་གསུམ་འཛོམས་ལ་ཕུལ།)
༡༽དགའ་ལྡན་གནས་སུ་གཟིགས་ལྔས་འཛམ་གླིང་འཕོ་མཛད་དམ་པ་ཏོག་དཀར་མཚན།།
སྤངས་རྟོགས་ཀུན་ལྡན་སྒྱུ་འཕྲུལ་ལྷ་མོ་འཛམ་གླིང་ཨ་མའི་ཡངས་རྩེར་བདམས།།
ས་ཟླའི་བཅོ་ལྔར་གླང་ཆེན་གཟུགས་སུ་ཡུམ་གྱི་ལྷུམས་སུ་ཞུགས་མཛད་དེ།།
ཤཱཀྱའི་གདུང་རྒྱུད་ཟས་གཙང་སྲས་པོ་གཞོན་ནུ་དོན་ཀུན་གྲུབ་པར་བཞེངས།།
དེ་ལས་མང་བ་། “སྟོན་པའི་མཛད་འཕྲིན་ལ་བསྔགས་པ་དབྱངས་ཅན་བཞད་པའི་རྡོ་རྗེའི་གླུ།” »
སྒྱུ་རྩལ་གྱི་རིག་ལོ།
རླུང་དམར།
འཁོར་བ་སྔར་ནས་ཁྲག་དར་རུས་དར་གྱི་གོ་ལ་ཞིག
ཁྱོད་ཀྱི་བརྩེ་དུང་ཐུ་བྷོད་ཀྱི་ལུགས་སུ་མངོན་པའི་སྒྱུ་རྩལ་གྱི་དབང་བོ་རེད
ངས་ཁྱོད་དང་ཁྱེད་ཀྱི་སྒྱུ་རྩལ་གྱི་ང་རོ་ལ་རོལ་མྱོང་བྱེད་ཐེངས་རེར
བདག་སེམས་སུ་སྨྲ་དཀའ་བའི་དབྱངས་གསལ་གྱི་གསང་གཏམ་མང་པོ་ཞིག་ཡོད
ཁྱོད་ནི སྒྱུ་རྩལ་ཁོ་ན་སྒོམ་པའི་བྲག་རིའི་ཁྲོད་ཀྱི་སྐྱེས་བུ་རིག་ལོ་དེ་ཡིན་ལ
ནམ་ཡང་བསུབ་བཏུབ་མེད་པའི་གངས་སེང་གི་ཞབས་རྗེས་ཀྱི་རྡོའི་རི་མོ་དེའང་ཡིན
བདུད་རྒན་སྟོབས་རྒྱལ་ལ་བྲིས་པའི་རྩོམ་ཐུང་།
ཐེ་འོད་ཟེར།
འཛམ་གླིང་ནད་ཀྱིས་མནར་བའི་དེང་གི་དུས།།
སྙིང་རྗེ་ཆེན་པོའི་ཐུགས་ཀྱིས་མ་བཟོད་པར།།
དྲྭ་ཐོག་བརྒྱུད་ནས་ཆོས་སྦྱིན་གནང་མཛད་པའི།།
ཐབས་མཁས་ཐུགས་རྗེ་ཅན་ལ་གུས་ཕྱག་འཚལ།།
འཆད་རྩོད་རྩོམ་པའི་རྣམ་དཔྱོད་ཁྱད་དུ་འཕཊ།།
མཁས་བཙུན་བཟང་གསུམ་རྣམ་ཐར་རྨད་དུ་བྱུང་།།
ཐོས་བསམ་སྒོམ་པའི་ཉམས་རྟོཊ་ཀློང་ནས་བརྡོལ།།
གང་ལ་བསྟན་བཤིག་ཟེར་བ་བླུན་པོའི་ལུགས།།
རྙོག་དྲ་གསར་པ་འདི་ལ་སེམས་པ་སྐྱོ་སོང་ཡ།
ཁ་བའི་རྣམ་ཤེས།
བྱམས་དང་སྙིང་རྗེའི་བདག་ཉིད་བླ་མ་ལགས།།
སྤྲོས་བྲལ་ཟམ་མོ་རྒྱལ་བའི་དགོངས་པ་དེ།།
རིས་མེད་གདུལ་བྱ་ཡོངས་ལ་བགོད་བ་ལས།།
རང་ལུགས་ཟབ་ཚུལ་འཆད་དུས་སེམས་པ་སྐྱོ།།
མཐོ་པོའི་ཁྲི་ལ་འགྱིང་བའི་དཔོན་པོ་ལགས།།
གཞན་ཐག་རང་གིས་ཆོད་པའི་དབང་ཚད་དེ།།
ཀུན་སྙོམས་ཉི་ཟེར་བཞིན་དུ་ཁྱབ་པ་ལས།།
རང་ཕྱོགས་ཁོ་ན་སྐྱོང་དུས་སེམས་པ་སྐྱོ།།
བླ་མ་སྤྱན་རས་གཟིགས་ལ་བསྟོད་པ་སྙིང་རྗེའི་ས་བོན་ཞེས་བྱ་བ་བཞུགས་སོ།།
ཁ་བའི་རྣམ་ཤེས།
༄༅།། ན་མོ་ཨརྱ་ལོ་ཀེ་ཤྭ་ར་ཡ།།
ཟག་མེད་ཆོས་སྐུ་ལྷ་ཡི་ལམ་དུ་འོད་གསལ་བཻ་ཌཱུར་ཞུན་མས་རྩེན།།
བརྩེ་ཆེན་ཆུ་ཤེལ་ཁམས་ཀྱི་དྭངས་མར་མཚན་དཔེ་འོད་དཀར་ཕྲེང་བས་འཁྱུད།།
སྣ་ཚོགས་འགྲོ་ཁམས་མོས་པའི་རྒྱ་མཚོར་འཕྲིན་ལས་སྒྱུ་མའི་རྩེ་འཇོ་ཅན།།
གངས་ཅན་ལྷ་གཅིག་ཉ་གང་ཟླ་བ་དད་པའི་མཁའ་རུ་ལྷམ་མེར་གསལ།།
འོ་མའི་མཚོ་ལ་ཉི་མའི་ཟེར་གྱིས་ལན་བརྒྱར་བྲན་པ་ལས་ཀྱང་དཀར།།
ཁ་བའི་ལྷུན་པོར་དབང་པོའི་གཞུ་རིས་ཀུན་ནས་བཀྲ་བ་ལས་ཀྱང་མཛེས།།
དེ་ལས་མང་བ་། “བླ་མ་སྤྱན་རས་གཟིགས་ལ་བསྟོད་པ་སྙིང་རྗེའི་ས་བོན་ཞེས་བྱ་བ་བཞུགས་སོ།།” »
ཨྱོན་སྟོབས་རྒྱལ་གྱི་བྱ་སྤྱོད་ཐད་ཀྱི་གཏམ།
གཡུ་སྒང་དགེ་འདུན།
(ལུས།)
ཚིམས་མེད་འདོད་སྲེད་སྤྲིན་ནག་ལྷོག་ལྷོག་ཁོལ།།
མི་བཟད་ཞེ་སྡང་གློག་དམར་འཁྱུག་འཁྱུག་རྒྱུ།།
རྨོངས་འཐོམ་གཏི་མུག་སྨག་རུམ་འཐིབ་འཐིབ་ཀྱི།།
དུག་གསུམ་རལ་གྲིས་ཚེ་སྲོག་གྲངས་མེད་གཅོད།།
དབང་དང་གཡོ་སྒྱུའི་ལས་ལ་བྲེལ་ཆེ་ཞིང་།།
རེ་རེའི་ཐབས་ལའང་རིགས་པའི་བྱང་ཆ་ཅན།།
འཕྲལ་མར་འཇབ་བུའི་མིང་བྱང་མེད་ན་ཡང་།།