ཁྲོ་གཏུམ།
 
སྤྲིན་པའི་བལ་དཀར་ཚོམ་བུ་ཚོམ་བུ་བྱས་ཏེ་མཁའ་དབྱིངས་ཀྱི་གར་སྟེགས་སུ་ཞུགས་པའི་མཛེས་པ
རང་ཉིད་ཀྱི་སེམས་ངོགས་སུ་བསྐྲུན་པའི་དགའ་སྤྲོའི་སྤྲིན་ཚོམ་དེ་དག
ཨོ་གླིང་གི་མཁའ་དབྱིངས་སུ་རང་དབང་གིས་ཤར་ཕྱོགས་སུ་བསྐྱོད་པ་མཐོང་དུས
ངའི་དྲན་འཛིན་གྱི་ཡ་ཁོག་ཏུ་ལྷག་པའི་རང་ས་དྲོན་མོ་དེའི་མཁའ་དབྱིངས་སུ་ཤར་མྱོང་བའི་སྤྲིན་ཚོམ་དེ་དྲན
ཞོར་དུ་དེའི་འོག་ཏུ་རང་དབང་གི་འཚོ་བར་རོལ་བ་དྲན

དེ་ལས་མང་བ་། “མཚམས་རེར་ནམ་ཁའི་སྤྲིན་པར་ལྟ་བའང་བརྗེད་འགྲོ།” »

ཨཱཙཱརྱ་ཨག་ལོད་ཀྱིས།
 
༄༅། །མཚན་གྱི་རྒྱལ་མོའི་ལུས་ཟུངས་རྒུད་ཅིང་སྐར་མའི་གྲང་འདར་དགུང་ནས་རྒྱག །
ཟླ་བ་ཁེར་འགྲོ་ནུབ་ཁར་ཆས་ཤིང་མཚམས་སྤྲིན་ཁ་བཏགས་སྐེ་ལ་གཡོགས། །
གྲང་རླུང་ངར་མས་ཕེབས་སྐྱེལ་ཡིན་ཟེར་སྙིང་ཆུང་ལུ་གུ་འཁྱག་གིས་བསྡམས། །
གཡུ་ལོ་མེ་ཏོག་སད་ཀྱིས་བཅོམ་པས་གདུངས་བའི་ལོ་འདབ་ས་ལ་ཉིལ། །

ལྔ་བཅུ་ང་དགུའི་ལོ་ནག་དེ་ལ་མི་རིགས་འདི་ཡི་ལས་དབང་ཤོར། །
སྟོང་ལོ་བཅུ་དགུའི་ལོ་སྨད་འདི་ལ་ཅིཏའི་ཁ་ཕྱོགས་རྨང་ནས་ཤོར། །

དེ་ལས་མང་བ་། “སད་ཀྱིས་བཅོམ་པའི་གཡུ་ལོ་མེ་ཏོག” »

འབྲོག་འཆང་།
 
མི་ལུས་གྲུབ་པའི་མངལ་ཁྲག་སྐྲུན་མཁན་མ།།
བཅུད་དང་ནུས་པས་སྲོག་སྙིང་གསོ་མཁན་མ།།
བྱམས་དང་བརྩེ་བའི་བྱིན་གྱིས་རླབས་མཁན་མ།།
སྲིད་འདིར་གཞལ་ཐབས་བྲལ་བའི་དྲིན་ཆེན་མ།།

བྱམས་བྱམས་བརྩེ་བས་འོ་སྤྲི་གནང་མཁན་མ།།
དུང་དུང་ཡིད་ཀྱིས་གཅེས་པའི་བརྩེ་ལྡན་མ།།

དེ་ལས་མང་བ་། “ཡུམ་ཆེན་ལགས།” »

འབྲོག་འཆང་།
 
བསམ་བློའི་རང་དབང་དེ་འཚོལ་ཕྱིར།།
གཙང་བོའི་ཚུར་རོལ་ན་བཞུགས་པའི།།
རང་རིགས་སྤུན་ཟླ་ཡི་ཚོགས་ལ།།
དོན་དངོས་གནས་ཚུལ་ཞིག་བརྗོད་དོ།།

ལ་རྒྱའི་རིགས་ཞེན་སོགས་དགོངས་པས།།
དད་འདུན་སེམས་གཏིང་ལ་འཁྱིལ་ནས།།

དེ་ལས་མང་བ་། “ཕྱི་སྡོད་རང་རིགས།” »

སྐྱོ་བྲག་དགའ་དབང་།
 
ཀྱེ་ཀྱེ།

འཇམ་དབྱངས་གཞོན་ནུའི་མཁྱེན་རབ་ཉིན་མོར་བྱེད།།
སྙིང་གི་གྲོགས་སུ་ཕྱིན་པའི་བཀྲ་ཤིས་གླུས།།
འཕགས་བོད་མཁས་པའི་ཡིད་དབང་འཕྲོག་པའི་དཔྱིད།།
གཙུག་ལག་ཆོས་ཀྱི་སྣང་བས་དགེ་ལེགས་སྩོལ།།

མ་སྐུལ་འགྲོ་བའི་དོན་གཟིགས་གང་དེའི་དྲུང་།།

དེ་ལས་མང་བ་། “མཆེད་རྩེ་མོར་ཕུལ་བའི་ཕྲིན་ཡིག་སྙན་ངག་གི་མཛོད་ཅེས་བྱ་བ་བཞུགས་སོ།།” »

ཆོས་གྲགས།
 
སློབ་དཔོན་ཆེན་པོའི་ཞལ་གྱི་བུམ་བཟང་ལས།།
སེངྒེ་རྫོང་དང་སྤ་གྲོ་སྟག་ཚང་ཕུག།
ཞེས་སོགས་ལུང་གིས་བསྔགས་པའི་དབེན་གནས་འདིར།།
ད་རེས་ལས་ཀྱིས་སླེབས་པས་སྤྲོ་བ་སྐྱེས།།

རིང་ནས་ཡིད་ཀྱི་ངོས་ལ་གོམས་པ་ཡི།།

དེ་ལས་མང་བ་། “འབྲུག་ལ་གནས་སྐོར་དུ་བསྐྱོད་པའི་ཚོར་སྣང་།” »

འབྲོག་འཆང་།
 
སྤུས་དག་ཚུལ་མཐུན་དམངས་གཙོ་ཡི་རྒྱལ་ཁབ།།
གཞུང་དམངས་ཤེས་ལྡན་སྒྲིག་ཁྲིམས་ཀྱི་བླ་སྲོག །
སྲོག་བཞིན་སྐྱོང་བའི་དམ་ཚིག་གི་མཐུན་འབྲེལ།།
འཆི་ཡང་མི་འདོར་གཞུང་དམངས་ཀྱི་དགོངས་དོན།།

དཔའ་མཛངས་ཤེས་འབྱོན་མཁྱེན་བརྩེ་ཡི་བདག་ཉིད།།
ཡང་ཡང་འཁྲུངས་པའི་བོད་ཁམས་ཀྱི་རིགས་ལ།།

དེ་ལས་མང་བ་། “འདི་ལྟར་སོང་ན་།” »

རྐ་སྲས།
 
ས་མཐའི་འཚོ་བའི་ཁ་སྟབས་ཧ་ཅང་ཞན་དུས།།
མྱི་རྐྱང་ཐུག་པའི་སྦྱིན་བདག་ཐོན་ཁུལ་བྱེད་མཁན།།
ཉིན་ཁའི་རྩམ་སྐྱའི་བྲོ་བ་གླེང་རོཊ་གྲོཊ་ཡིན།།
ཁྱོད་རང་ཆོལ་ཁ་གང་ཡིན་ཁྱད་པར་མ་བྱུང་།།

སློབ་གྲྭ་ཞིག་གི་འཛིན་ཁང་གཅིག་ལ་འཛོམས་ནས།།
མགོ་སེའི་སྐད་འདི་ལོབ་རྒྱུ་དཀའ་རབས་བཤད་ས།།

དེ་ལས་མང་བ་། “ཁྱད་པར་མ་བྱུང་།” »

ཁྲོ་གཏུམ།
 
འབུ་དེ་ནི་གསེར་སྦྲང་ཞིག
སྦྲང་མའི་ནང་ནས་མཛེས་ཤོས་ཡིན་པའི་དཔེ་འཇོག་རྩོམ་མང་དུ་བཀོད་ཡོད

བྱིས་དུས་རང་བྱུང་ཁམས་སུ་ས་འབྱར་རྡོ་འབྱར་གྱིས་འཚར
རང་བྱུང་གི་རྩེད་མོའི་ཁྲོད་དུ་འབུ་བཟུང་བ་ནི་མཚར་སྣང་གི་པྲ་ཚག་ཅིག་ཡིན
སྐབས་ཤིག་གསེར་སྦྲང་ཞིག་བཟུང

དེ་ལས་མང་བ་། “གློ་བུར་དུ་འབུ་གཅིག་བསད་པ་དྲན།” »

ཆང་སྐྱེས།
 
སྙན་ངག་མེད་པའི་ཉིན་མོ་འདི་དག་ལ།།
སེམས་ཀྱི་བུ་ཆུང་ལང་ཤོར་ཆང་གིས་བཟི།།
མེ་ཏོག་མགོ་བོ་རླུང་གིས་སྒུལ་ན་ཡང་།།
སུན་སྣང་ཕར་ལ་གཡུག་ཀྱང་འཁོར་ནས་ཡོང་།།

དེ་རིང་ཚ་བའི་རྦ་རླབས་དགུང་ལ་འཕྱུར།།

དེ་ལས་མང་བ་། “ང་དང་སྙན་ངག” »

སངས་རྒྱས་རྡོ་རྗེ།
 
[གསལ་བཤད།] ཀརྨ་བསྟན་སྐྱོང་དབང་པོའི་རྟོགས་བརྗོད་འདིའི་མ་དཔེ། བོད་རིགས་བལ་ཡུལ་ཆབ་འོག་ཏུ་ཡོད་པ་ཞིག་ནས་ཐོབ་པ་མ་ཚང་བ་དང་། ལྷ་ས་ནོར་བུ་གླིང་ཁར་ཡོད་པ་དང་། ཁམས་ཕྱོགས་ན་ཡོད་པ་གཉི་ག་ཚང་བ་སྟེ། ལག་བྲིས་དབུ་མེད་གསུམ་གྱི་པར་བཤུས་མཐོང་བ་ལས། ཁམས་ཕྱོགས་ན་ཡོད་པའི་དབུ་ཡིག་ལ། སྟོབས་ཀྱི་འཁོར་ལོས་སྒྱུར་བ་ཀརྨ་བསྟན་སྐྱོང་དབང་པོར་ཕུལ་བའི་རྟོགས་བརྗོད་ཕྱོགས་ལས་རྣམ་པར་རྒྱལ་བའི་གཏམ་གཞོམ་མེད་ནཱ་དའི་རྔ་དབྱངས་ཞེས་བྱ་བ་བཞུགས། ཞེས་པ་འདུག་ཅིང་། མགོར་ཡང་། བི་ཛ་ཡནྟུ། ཞེས་རྒྱ་སྐད་ཀྱི་ཤིས་བརྗོད་ཡོད་པ་ལ། མཛད་བྱང་གི་སྐབས་སུའང་། དེ་ལྟར་བཀྲ་ཤིས་གྲངས་ཀྱིས་འཁྱུད་པའི་ཚིགས་སུ་བཅད་པ་འདི་ནི་གྲུབ་པའི་བསྟི་གནས་རྒྱལ་བུ་སྟེང་འགྲོའི་བཀྲ་ཤིས་སྒོ་མང་ཞེས་བྱ་བའི་ཁང་བརྩེགས་སུ་དགེ་སྦྱོང་རྒན་པོ་སངས་རྒྱས་རྡོ་རྗེས་སྦྱར་བའོ། །

དེ་ལས་མང་བ་། “ཀརྨ་བསྟན་སྐྱོང་དབང་པོའི་རྟོགས་བརྗོད། ཐོག་མར་དགེ་བ།” »

ཨེ་མ་ཧོ།
 
ཀྭ་ཀྭ། ཨེ་མ་ཧོ།།
བྱེའུ་ཆུང་སེར་པོས་ཆོས་ཤིག་གསུངས་དང་གསུང་།།
ཆོས་ནི་ཅི་བཤད་འབ་འབུ་མ་བསད་དང་།།
འཚེ་བ་མེད་པར་ཆོས་ཀྱི་རྩ་བ་ཡིན།།
སྐྱབས་སུ་འགྲོ་བ་ནང་པའི་འཇུག་སྒོ་ལགས།།
དེ་སྐད་བཤད་པས་བྱེའུ་ཆུང་གད་མོ་བཅས།།

དེ་ལས་མང་བ་། “མཚམས་སུ་ཆས་པའི་ལམ་ཀ་ནས་བྱེའུ་ཞིག་དང་གླེང་མོལ་བདེན་པ་རིན་ཆེན།” »