རྭ་རྒྱ་བློ་དབང་།
རྩོམ་ཡིག་འདིའི་མགོ་སློང་སྐབས་ནས་སེམས་པ་འཚབ་འཚུབ་ཏུ་གྱུར་སོང་། ཉིན་རེ་འགའི་སྔོན་སྐུ་ཞབས་ཞོགས་དུང་བཀག་སྐྱིལ་བྱས་པའི་གནས་ཚུལ་ཐོན་མ་ཐག ཕྱི་ཡུལ་ན་ཡོད་པའི་ཤེས་ཡོན་པར་གྲགས་པ་རྣམས་དང་། ལྷག་པར་དུ་དྲ་ཐོག་གི་རྩོམ་པ་པོ་རྣམས་འུར་ཟིང་ངེར་སོང་ཞིང་། ཐམས་ཅད་ཀྱིས་སྐུ་ཞབས་ཞོགས་དུང་རླབས་ཆེན་ཡིན་ཚུལ་དང་། མི་མང་པོ་ཞིག་མཁྲེགས་བཟུང་དང་རྨོངས་འཐོམ་པ་ཡིན་ཚུལ་སོགས་ལས་འཕྲོས་ཏེ། སླར་ཡང་རང་བརླ་ཁྱི་ལ་སྟེར་བའི་སྣང་ཚུལ་ཞིག་ཀྱང་མགོ་བརྩམས་སོང་། དེ་བཞིན་དུ་ཨ་རིའི་རླུང་འཕྲིན་གྱིས་ཧོར་གཙང་འཇིགས་མེད་ལགས་ཆེད་ཞུས་ཀྱིས་<<གནམ་ས་གོ་འབྱེད།>>ཀྱི་བསྟན་དོན་དང་། སྐུ་ཞབས་ཞོགས་དུང་གི་བསམ་བློའི་སྐོར་ལ་བགྲོ་གླེང་བྱས་སོང་།