ཨ་ཚོགས་བློ་བྷེ། (ཧྥ་རན་སི)
སུས་ཀྱང་ཚད་མི་ཟིན་པའི་རང་བྱུང་གི་ཆགས་འཇིག
སུས་ཀྱང་ཚོད་མི་ཟིན་པའི་ཚེ་སྲོག་གི་གོད་ཆག
རྨི་འཕྲུལ་ཀྱི་ཀུ་རེ་ཞིག་དང་འདྲ་བའི་མྱིའི་མི་ཚེ་ཟེར་བ།
ལྷུང་ཆོག་ཆོག་མིག་ཆུ་ཞིག་རེད།
སྨྲེང་ཆོག་ཆོག་གི་སྐྱོ་སྣང་ཞིག་རེད།
ཞལ་འདེབས་ཚང་མ་མི་མང་གི་ལག་པར་སླེབས་ཐབས།
ས་ཡོམ་ནི་རྒྱབ་ཚར་རེད། བོད་མི་མང་པོ་ཞིག་གི་ཚེ་སྲོག་ནི་ཤོར་ཚར་རེད། ད་སེམས་སྐྱོ་ནའང་དེ་ལ་བཅོས་ཐབས་ནི་སུ་ལའང་ཡོད་མ་རེད། ང་ཚོའི་ངོས་ནས་སྨོན་ལམ་རེ་འདེབས་རྒྱུ་དང། ཞལ་འདེབས་རེ་ཕུལ་བ་ལས་གང་ཡང་བྱེད་རྒྱུ་མི་འདུག བོད་མི་དང་བོད་མི་མ་ཡིན་པ་མང་པོ་ཞིག་ནས་ཞལ་འདེབས་ཕུལ་མཁན་མང་པོ་ཞིག་ཡོང་གི་རེད་འདོད། ཞལ་འདེབས་རྣམས་ཚོགས་པ་འདྲ་མི་འདྲའི་མིང་ཐོག་ཕུལ་ནས་ཁ་ཐོར་དུ་གཏོང་མི་དགོས་པ་གལ་ཆེ། ལྷག་པར་དུ་རྒྱ་གཞུང་གི་ལས་ཁུངས་རིམ་པ་བརྒྱུད་ནས། ཟས་མི་ལག་བརྒྱུད་ན་ཇེ་ཆུང་གི་དཔེ་རུ་མ་སོང་བར་མི་མང་གི་ལག་པར་ཐད་ཀར་འགྲོ་བ་ཞིག་བྱུང་ན། ཆུ་ཐིགས་བསགས་པའི་རྒྱ་མཚོ་དང་། མེ་ཏོག་ཆུང་རུང་ལྷ་རྫས་ཀྱི་དཔེ་བཞིན་འབྱོར་དགོས་སའི་མི་མང་གི་ལག་པར་རེག་པ་ཞིག་བྱུང་ན་ཕུལ་མཁན་ཞིག་ཡིན་རུང་སེམས་བདེ་བའི་ཁྱད་རེད། སྔོན་མ་ཞིག་ལ་བོད་ནང་གངས་འཁྱག་ལྷུང་བའི་སྐབས་ཤིག་ཀྱང་བཙན་བྱོལ་སྤྱི་ཚོགས་ནས་ཞལ་འདེབས་ཕུལ་རེད། ༧རྒྱལ་བ་རིན་པོ་ཆེ་གཅིག་པོའི་ངོས་ནས་ཀྱང་དངུལ་གང་འཚམས་ཤིག་བཏང་བ་རེད། རྗེས་སུ་མི་མང་གི་ལག་ལ་ཞེ་དྲག་སླེབས་མེད་པའི་སྐད་ཆ་ཞིག་བྱུང་བ་དྲན། ད་ཐེངས་དེ་ལྟར་མ་ཡོང་བའི་ཆེད།…
གདུང་སེམས་མཉམ་བསྐྱེད། རོགས་སྐྱོར་ཨང་དང་པོར་ཞོག
རིག་འབྱུང་དོན་གྲུབ་བཀྲ་ཤིས། ཨ་རི།
དང་པོ།
སྐྱེ་དགུ་མདོར་ས་ཡོམ་གྱི་གནས་ཚུལ་བྱུང་བ་དང་། བོད་ཕྱི་ནང་གི་ཚགས་པར་དང་རླུང་འཕྲིན། བརྙན་འཕྲིན་། དྲ་བ་སོགས་གསར་འགྱུར་བརྒྱུད་ལམ་ཁག་ཏུ་། རྣ་བས་ཐོས་བ་དང་མིག་གིས་མཐོང་བ་ནི་བོད་མི་ཚོའི་ངུ་འབོད་དང་འོ་དོད། སེམས་གསོ། གསོལ་འདེབས། བསྔོ་སྨོན་བཅས་རེད། དཔེར་ན། ཁ་བརྡ་དྲ་ཚིགས་དང་དུས་དེབ་སོགས་སུ་ཡང་ས་ཡོམ་གྱི་གནས་ཚུལ་འདི་གཅིག་པོའི་སྐོར་ལ་མཆན་བུ་ལྔ་བརྒྱ་ལོན་པ་འདུག ད་དུང་། ཁ་བརྡའི་ངོས་སུ་ཉིན་གཉིས་ཀྱི་རིང་ལ་ས་ཡོམ་གྱི་གནས་ཚུལ་དང་འབྲེལ་བའི་རྩོམ་ཡིག་༢༡ཙམ་སྤེལ་འདུག འདི་ལྟར་བསམ་བློ་གཏོང་གིན་གཏོང་གིན། གཞིས་ལུས་རྒྱ་ཆེའི་མི་མང་གིས་རྒྱ་ནག་གི་གཉའ་གནོན་འོག་མི་འདོད་པའི་སྡུག་བསྔལ་མྱོང་བཞིན་པའི་ཐོག་ལ། སྡུག་བསྔལ་ཉིས་བརྩེགས་ལྟ་བུར་རང་བྱུང་གི་གོད་ཆག་འདི་ལྟ་བུ་བྱུང་དུས། བོད་མི་ཚོའི་ཁྲོད་ན། སེམས་མི་སྐྱོ་མཁན་དང་ཞེ་མི་སྡུག་མཁན་སུ་ཞིག་ཡོད་དམ། ཤི་རྨས་བྱུང་བ་ཚོའི་ཆེད་དུ་བསྔོ་སྨོན་མི་བྱེད་མཁན་སུ་ཞིག་ཡོད་དམ། འོན་ཀྱང་། དེ་ལས་ཀྱང་གལ་ཆེ་བ་ནི། ཁ་ཡོད་ལག་ཡོད་ཀྱི་རོགས་སྐྱོར་བྱེད་ཐབས་དེ་ཨང་དང་པོར་འཇོག་རྒྱུ་དེ་རེད།
དེ་ལས་མང་བ་། “གདུང་སེམས་མཉམ་བསྐྱེད། རོགས་སྐྱོར་ཨང་དང་པོར་ཞོག” »
༸གོང་ས་མཆོག་གོད་ཆག་བྱུང་ཡུལ་དུ་གདན་འདྲེན་ཞུ་རེ།
ཟླ་བ་གཞོན་ནུས་བསྒྱུར།
༸གོང་ས་མཆོག་གོད་ཆག་བྱུང་ཡུལ་དུ་གདན་འདྲེན་ཞུ་བ།
ས་འགུལ་གནོད་འཚེ་ཐེབས་ཡུལ་གྱི་ཡུལ་ཤུལ་མི་དམངས་ནས་ཧུའུ་ཀྲུའུ་ཞི་དང་ཝུན་ཙུང་ལི་ལ་སྤྲིངས་པའི་ཡི་གེ་ཞིག ཧུའུ་ཀྲུའུ་ཞི་དང་ཝུན་ཙུང་ལི། ཁྱེད་གཉིས་སྐུ་ཁམས་བཟང་། ང་ཚོར་ས་འགུལ་གྱི་རང་བྱུང་གོད་ཆག་ཆེན་པོ་བྱུང་དུས། ཁྱེད་ཅག་ཏང་ཀྲུང་དབྱང་གིས་མྱུར་མོར་དམག་མི་མངགས་གཏོང་དང་ཕྱོགས་གང་སའི་མི་སྡེའི་སྟོབས་ཤུགས་སྤྱད་ནས་ང་ཚོ་བསྐྱབས་པ་ལ་ང་ཚོ་གོད་ཆག་བྱུང་སའི་ཡུལ་མི་རྣམས་ནས་གཞུང་ལ་དགའ་ཚོར་ཆེན་པོ་དང་གཞུང་གི་རོགས་སྐྱོར་ལ་བཀའ་དྲིན་ཞུ་བཞིན་ཡོད། འོན་ཀྱང་ང་ཚོ་ནི་ཆོས་ལུགས་དད་མོས་ཡོད་པའི་ཚོགས་སྤྱི་ཞིག་ཡིན་ལ། ང་ཚོས་ནི་སྟོན་པ་སངས་རྒྱས་ལ་དད་མོས་དང་། ཨ་མྱེས་ཡང་མྱེས་བརྒྱུད་༸རྒྱལ་བ་རིན་པོ་ཆེ་༸གོང་ས་ཏ་ལའི་བླ་མ་མཆོག་ལ་དད་གུས་བྱེད་པ་ཡིན། ད་ཐེངས་ང་ཚོའི་ལུས་སེམས་གཉིས་ཆར་བརྡབ་གསིག་ཚབས་ཆེན་ཐེབས་ཡོད་པ་ལ།
དེ་ལས་མང་བ་། “༸གོང་ས་མཆོག་གོད་ཆག་བྱུང་ཡུལ་དུ་གདན་འདྲེན་ཞུ་རེ།” »
ངས་བཟོད་ཀྱིན་མི་འདུག
ཚེ་རིང་སྐྱིད།
གསར་འགོད་པ་ཞིག་གི་ངོས་ནས་སྐད་ཆ་འདི་ལྟར་བཤད་མི་འོས་ཀྱང་།
ངས་ག་རེ་བརྗོད་བཞིན་པ་དེ་ང་རང་ཉིད་ཀྱི་བསམ་ཚུལ་ཡིན་པ་ལས་གསར་འགོད་པ་ཞིག་དང་འབྲེལ་ཡོད་ཀྱི་ཚོགས་སྡེ་ལས་ཁུངས་སུ་ལ་ཡང་འབྲེལ་བ་མེད། ཉིན་ཤས་སྔོན་ལ་བོད་ཁུལ་གྱི་སློབ་གྲྭའི་སློབ་མ་དང་དགེ་རྒན་རྣམས་ཀྱིས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་གསར་བ་ཞིག་བྱུང་བ་དང་མཉམ་དུ་མེ་ཏོག་ལྟར་བཞད་ཀྱིན་པའི་བོད་ཀྱི་མི་རབས་གསར་བ་གང་མང་ཞིག་གི་མདུན་ལམ་བརླག་བཞིན་པ་དང་། ཡང་འཛིན་བཟུང་བྱས་ཟིན་པའི་གནས་ཚུལ་མང་པོ་ཞིག་གིས་རང་ཉིད་ཡིན་ཡང་ལྷོད་ལྷོད་དང་བདེ་སྣང་ཞིག་གཏན་ནས་མ་ཤར་བའི་སྐབས་འདི་འདྲ་ཞིག་ལ། སླར་ཡང་རང་བྱུང་གི་གནོད་འཚེ་ཡིས་ཀྱང་ང་ཚོར་ཀུ་རེ་རྩེད་པ་ལྟ་བུ་བྱུང་བས།
ང་ནི་རྡོ་ལེབ་ཚ་བོའི་སྟེང་གི་གྲོག་མ་བཞིན་འདུག་བཟོད་མེད་པར་གྱུར་གྱིན་གདའ།
“བོད་མིའི་སྐྱིད་སྡུག་མཉམ་མྱོང་”ཡིན་པས་རང་གིས་རང་ལ་བདག་པོ་རྒྱོབས།
ལོ་ལོན།
ཡ་ང་བའི་གནས་ཚུལ་འདི་འདྲ་བྱུང་དུས། ལུས་སེམས་གཉིས་ཀྱིས་དེ་དང་ལེན་བྱེད་མ་ཐུབ་པར། ལུས་ཡོངས་སུ་སྦུད་ནས་དབང་ཤེས་དང་དྲན་ཤེས་ལུས་ཀྱི་ཕུང་བོ་འདི་ལས་ལོགས་སུ་ཐོན་ཡོད་པ་འདྲ། དེ་འདྲ་ཡིན་ཚེ་། ཁག་མི་འདུག་སྙམ། སྐབས་རེར་དེ་ལྟར་ཡོང་གི་རེད། འོན་ཀྱང་།
གནས་ཚུལ་སྡུག་པོ་ཞིག་གོ་མ་ཐག་ངུ་བ་ལས་དགོད་བཞག་མཁན་གཅིག་ཀྱང་ཡོད་མ་རེད། གཅིག་བྱས་ན་ཁོང་ཚོའི་སེམས་དེ་རྡོ་ལས་གྲུབ་པ་འདྲ། བོད་མི་ཁ་ཤས་ལ་ཚོར་བ་མི་འདུག མདང་དགོང་འདི་རུ་ང་ཚོ་བོད་རིགས་སྐོར་ཞིག་གིས་ཐེངས་འདིའི་སྐྱེ་དགུ་མདོའི་ས་འགུལ་ཁྲོད་ཚེ་སྲོག་ཤོར་བ་དང་རྨས་སྐྱོན་ཕོག་པ་ཚོའི་ཆེད་དུ་ཞལ་འདོན་འཚོགས་ན་ཡང་།
དེ་ལས་མང་བ་། ““བོད་མིའི་སྐྱིད་སྡུག་མཉམ་མྱོང་”ཡིན་པས་རང་གིས་རང་ལ་བདག་པོ་རྒྱོབས།” »
"བོད་མིའི་སྐྱིད་སྡུག་མཉམ་མྱོང་"ཡིན་པས་རང་གིས་རང་ལ་བདག་པོ་རྒྱོབས།
ལོ་ལོན།
ཡ་ང་བའི་གནས་ཚུལ་འདི་འདྲ་བྱུང་དུས། ལུས་སེམས་གཉིས་ཀྱིས་དེ་དང་ལེན་བྱེད་མ་ཐུབ་པར། ལུས་ཡོངས་སུ་སྦུད་ནས་དབང་ཤེས་དང་དྲན་ཤེས་ལུས་ཀྱི་ཕུང་བོ་འདི་ལས་ལོགས་སུ་ཐོན་ཡོད་པ་འདྲ། དེ་འདྲ་ཡིན་ཚེ་། ཁག་མི་འདུག་སྙམ། སྐབས་རེར་དེ་ལྟར་ཡོང་གི་རེད། འོན་ཀྱང་།
གནས་ཚུལ་སྡུག་པོ་ཞིག་གོ་མ་ཐག་ངུ་བ་ལས་དགོད་བཞག་མཁན་གཅིག་ཀྱང་ཡོད་མ་རེད། གཅིག་བྱས་ན་ཁོང་ཚོའི་སེམས་དེ་རྡོ་ལས་གྲུབ་པ་འདྲ། བོད་མི་ཁ་ཤས་ལ་ཚོར་བ་མི་འདུག མདང་དགོང་འདི་རུ་ང་ཚོ་བོད་རིགས་སྐོར་ཞིག་གིས་ཐེངས་འདིའི་སྐྱེ་དགུ་མདོའི་ས་འགུལ་ཁྲོད་ཚེ་སྲོག་ཤོར་བ་དང་རྨས་སྐྱོན་ཕོག་པ་ཚོའི་ཆེད་དུ་ཞལ་འདོན་འཚོགས་ན་ཡང་།
དེ་ལས་མང་བ་། “"བོད་མིའི་སྐྱིད་སྡུག་མཉམ་མྱོང་"ཡིན་པས་རང་གིས་རང་ལ་བདག་པོ་རྒྱོབས།” »
ཤུལ་ལུས་ཀྱི་སྐྱེ་བོ་ཚོ།
བོད ཤ་ཁྲག་རུས་གསུམ།
་་་་་་ས་ཡོམ་ཁྲོད་འདས་ཤུལ་དུ་ལུས་པའི་སྤུན་ཟླ་ཚོར།
མིག་ཀོང་མཆི་མ་ཆུ་བོ་བཞུར་བཞུར་རེད།།
རང་གི་གཉེན་ཚད་གྲོངས་པའི་ཤུལ་ལས་པ།།
རྗེས་སུ་ལུས་པའི་ཉམ་ཐག་སྐྱེ་བོ་ཚོ།།
ཡུལ་གྱར་སྤུན་ཟླའི་གདུང་སེམས་མཉམ་བསྐྱེད་ཡོད།།
སེམས་དང་བསམ་པ་ང་ཚོ་འདྲིས་ནས་ཡོད།།
རིགས་དང་རུས་པ་ང་ཚོ་གཅིག་པ་ཡིན།།
ཕྱི་ནང་གང་སར་གནས་པའི་སྤུན་ཟླ་ཚོས།།
སེམས་ཀྱི་ཆུ་མའི་ཞལ་འདེབས་ཤག་ཤག་རེད།།
སྐྱེ་དགུ་མདོའི་ཆགས་འཇིག
མི་རྐང་གླིང་བུ།
༡༽
ཡུལ་ཤུལ་བོད་རིགས་རང་སྐྱོང་ཁུལ་ནི། བོད་ཆོལ་ཁ་གསུམ་དུ་ཕྱེ་བའི་ཚེ་ཁམས་པ་དང་། བོད་བཙན་པོའི་སྟོང་སྡེའི་དབང་དུ་བྱས་ན་སུམ་པའི་སྟོང་སྡེའི་ཁོངས་སུ་གཏོགས། གནའ་དུས་རྒྱ་དང་། འ་ཞ། འཇང་། ས་ལ། མི་ཉག་སོགས་མི་རིགས་དུ་མའི་ཚོང་འདུས་ཀྱི་ལྟེ་བ་དང་། ཇ་རྟ་བར་གྱི་ཚོང་ལམ་གྱི་ཕྱོགས་གཅིག་དང་། རྒྱ་དཀར་ནག་བར་གྱི་འགྲུལ་ལམ་ཀྱང་འདི་ནས་བྱེད་སྲོལ་ཡོད། གནའ་དུས་རྒྱ་ཡི་བཙུན་པ་ཐང་སན་ཀྱང་དབུས་འགྱུར་འཕགས་པའི་ཞིང་དུ་ཕེབས་པའི་ལམ་སོ་དང་རབ་སོ་བྱས་པའི་བཤད་རྒྱུན་དང་། དཔང་རྟགས་ཀྱང་བསྟན་དུ་ཡོད། དེ་རྗེས་རྒྱ་བོད་བར་གྱི་གཉེན་འབྲེལ་གྱི་སྐབས་སུ་བཙན་པོ་སྲོང་བཙན་སྒོམ་པོའི་གནའ་མ་འོན་ཤིང་ཀོང་ཅོ་གནས་འདི་ནས་ཡོངས་བ་དང་། ལམ་བར་གྱི་ཚུགས་སོ་བྱས་པའི་སྐོར་བོད་ཀྱི་རྒྱལ་རབས་དག་ན་འཁོད་ཡོད། དེ་ནས་བཙན་པོ་ཁྲི་ལྡེ་སྲོང་བཙན་གྱི་དུས་སུ་རྣམ་པ་སྣང་མཛད་འཁོར་དགུ་ཅན་གྱི་བྲག་བརྐོས་ཀྱི་ཡིག་རིགས་དང་། བཟང་པོ་སྤྱོད་པའི་སྨོན་ལམ་འགྱུར་རྙིང་དཔྱད་གཞི་རིན་ཐང་ཅན་སོགས་རྟེན་འགངས་ཆེན་ཡུལ་མིས་འབིས་རྣམ་པར་སྣང་མཛད་ཟེར་བ་མཇལ་རྒྱུ་ཡོད། རྒྱ་ཡིག་ཁག་ན་འོན་ཤིིང་ཀོང་ཅོའི་ལྷ་ཁང་ཞེས་བཏགས། གཞན་ཡང་བོད་བཙན་པོའི་དུས་སུ་བརྐོས་པའི་བྲག་རྐོས་ཡིག་རིས་ཀྱང་ད་ལྟ་ཁྲ་ལམ་མེར་མཇལ་དུ་ཡོད། དཔལ་ལྡན་ས་སྐྱ་པའི་དུས་འགྲོ་མགོན་ཆོས་རྒྱལ་འཕགས་པ་ཧོར་གོང་མའི་གཙུག་གཏོར་དུ་འདི་ནས་དད་ལྡན་མི་སེར་གྱི་རེ་བ་སྐོང་བཞིན་དུ་ཕེབས་པ་རེད། དེ་ནས་༸གོང་ས་ལྔ་པ་ཆེན་པོ་རྒྱ་ནག་གོང་མའི་ཕོ་བྲང་དུ་ཆིབས་ཞལ་བསྒྱུར་བའི་སྐབས་ཀྱང་འབྲི་ཆུའི་རབ་སོ་ཆུ་དམར་རབ་བདུན་ཟེར་བའི་གནས་འདི་ནས་ཕེབས་པ་དང་། པཎ་ཆེན་དཔལ་ལྡན་ཡེ་ཤེེས། རྒྱལ་བ་སྐལ་བཟང་རྒྱ་མཚོ། པཎ་ཆེན་ཐུབ་བསྟན་ཆོས་ཀྱི་ཉི་མ་སོགས་ཉི་མ་དང་ཟླ་བ་ལྟར་བུ་བོད་ཀྱི་སྐྱེས་ཆེན་དམ་པ་དེ་དག་གིས་རྒྱ་བོད་བར་དུ་ཆོས་སྲིད་ཀྱི་མཛད་འཕྲིན་ཉི་མའི་རྒྱུ་ལམ་ཡིན་པ་རེད།
མདོ་ཁམས་སྐྱེ་དགུ་མདོའི་ས་ཡོམ་སྐོར་ལ་ཉན་ཞིབ་བྱས་པ།
བསྟན་འཛིན་ཚེ་དཔག
ཉིན་ཤས་སྔོན་ནས་ས་ཡོམ་གྱི་སྐོར་དང་འབྲེལ་བ་ཡོད་པའི་ཡིག་ཆ་མང་པོ་ཞིག་བཙལ་ཞིང༌། དེ་དག་བཀླགས་ནས་ས་ཡོམ་གྱི་སྐོར་ལ་རྒྱུས་ལོན་ཏོག་ཙམ་བྱེད་མགོ་བཙུགས་ཏེ་ཡོད། དེ་རིང་ཞོགས་པར། མདོ་ཁམས་སྐྱེ་དགུ་མདོར་ས་ཡོམ་ཚད་རིམ་བདུན་དང་ཚེག་གཅིག་ཅན་བརྒྱབ་པའི་གནས་ཚུལ་སྐོར་བརྙན་འཕྲིན་དང་དྲ་ངོས་དག་ནས་མཐོང༌། གཡས་གཡོན་གྱི་གྲོགས་པོ་དག་ལས་ཀྱང་ཁུངས་དང་ལྡན་མིན་སྣ་ཚོགས་པ་ཞིག་ཐོས།
དེ་ལས་མང་བ་། “མདོ་ཁམས་སྐྱེ་དགུ་མདོའི་ས་ཡོམ་སྐོར་ལ་ཉན་ཞིབ་བྱས་པ།” »
ཐེའུ་རང་གི་དཔའ་ལམ།
གཡུ་དྲུག་དཀར། རྡ་ས།
གོ་ཐོས་སུ་ཁྱེད་ནི་གསར་བུ་ཆུང་ཆུང་ཞིག་རེད་ཟེར་ཡང་།འདྲ་པར་སྟེང་གི་ཕོ་ཉམས་དང་ཤ་ཁ་གང་བའི་བརྗིད་ཉམས་ལ་ལྟོས་ན། ཆེན་པོ་ཆེན་པོ་ཞིག་ཏུ་མཐོང་། གྲགས་ཚུལ་ལ་ཁྱེད་ནི་སློབ་ཆེན་སློབ་མ་ཞིག་ཏུ་མཆིད་མོད།དྲ་ཐོག་དང་ཤོག་ཐོག་གི་ཁྲག་ཡིག་དེ་དག་ྐློག་དུས། མཁས་ཆེན་མཁས་ཆེན་ཞིག་རེད་སྙམ། ལྟོས་ཚོད་ལ་ཁྱེད་ནི་མི་སེར་དཀྱུས་མ་ཞིག་ཏུ་སྣང་ཡང་། ཁྱེད་ཀྱི་དཔའ་ལམ་དེ་མཐོང་དུས། དཔའ་བོ་སྟག་འདྲ་ཞིག་ཡིན་པ་གཞི་ནས་རྟོགས།
ཁམས་འབྲི་རུའི་སློབ་ཆུང་ནས་ནུབ་བྱང་མི་རིགས་སློབ་ཆེན་བར།
གཡུ་དྲུག་དཀར། ས་རཱ།
དེ་རིང་༼ཕྱི་ཟླ་༤པའི་ཚེས་༧ཉིན།༽ཡང་ནམ་རྒྱུན་ལྟར་སློབ་གྲྭྭའི་དཔེ་མཛོད་ཁང་གི་རྒན་ལགས་ཀྱི་ཁོམ་ལོང་དང་བསྟུན་ནས་ཁོང་གི་གློག་ཀླད་མདུན་ནས་ཁ་བརྡ་དྲ་ཤོག་གི་ཁ་ཕྱེས་པ་ཡིན། དེ་རུ་རྩོམ་པ་པོ་ཐེའུ་རང་དང་ཞོགས་ལྗང་གཉིས་འཛིན་བཟུང་བྱས་པའི་སྐོར་གྱི་གནས་ཚུལ་ཐུང་ངུ་ཞིག་བཀོད་འདུག ཡིག་འབྲུ་རེ་རེ་བཞིན་འགོ་ནས་མཇུག་བར་བཀླགས་པ་ཡིན་ཏེ། གནས་ཚུལ་མང་པོ་མི་འདུག་པས་ངའི་འདོད་པ་ག་ལ་ཚིམ། སྟབས་ཡག་པ་ཞིག་ལ་གནས་ཚུལ་ཐུང་ངུ་དེའི་མཇུག་ཏུ་གསར་འགྱུར་དེ་འོད་དཀར་དྲ་ཚིགས་ལས་དྲངས་ཚུལ་གསལ་བཤད་བྱས་འདུག་པས། ཡིད་ལ་རེ་བ་གསར་བ་ཞིག་བཅངས་ནས་དྲ་འབྲེལ་ཁྲོད་ཀྱི་དྲ་བྱང་རིམ་པའི་ཁྲོད་ནས་འོད་དཀར་དྲ་ཚིགས་ཀྱི་དྲ་བྱང་སྟེང་ལ་རྡེག་སྣོན་བྱས་ཏེ་སྒུག་དགོས་བྱུང༌། བརྡ་རྟགས་ལྷོད་ཙམ་འདུག་པས་ཅུང་ཙམ་ལ་རེ་ལྟོས་ཀྱི་མིག་ཟུང་སྔོ་ཐིང་ཐིང་གི་ཤེལ་ངོས་སུ་ཅེར་ནས་བསྡད། དུས་ཡུན་རིང་ཐུང་ཅི་ཙམ་ལ་བསྡད་པ་ཚོར་མ་སོང་སྟེ། ངའི་བསམ་པར་འགོར་ཡུན་རིང་དྲགས་པའི་ཉམས་སྣང་ཞིག་བྱུང་བ་དང་སེམས་པ་ཟིང་ཟིང་དུ་གྱུར།
དེ་ལས་མང་བ་། “ཁམས་འབྲི་རུའི་སློབ་ཆུང་ནས་ནུབ་བྱང་མི་རིགས་སློབ་ཆེན་བར།” »
མེ་ཡིས་མི་འཚིག་པའི་སྙན་ངག
ཤ་ཀླན་འཇམ་དབྱངས་གྲགས་པ།
ཁྱེད་བཞུད་དགོས།
འཇིག་རྟེན་ན་ཁྱེད་ལ་བདེན་ཁ་སྟེར་མཁན་མེད་པས།
ང་ལ་བརྩེ་དུང་མི་འདུག་ཅེས་ལེ་བདའ་མ་བྱེད་ཅིག
ཁྱེད་སྦྲུམ་པའི་གོ་རིམ་དེ་དང་། ཁྱེད་བཙས་པའི་ན་ཟུག་དེ།
ངས་རང་གི་ལས་དབང་ཞིག་ཏུ་སེམས་ཆོག་ལ།
ཁྱེད་སྔོ་ལྷོག་ལྷོག་གི་དུ་བར་ཐིམས་ནས་བར་སྣང་དུ་
བཞུད་པའི་ ངང་ཚུལ་དེ།
ངས་གཏན་དུ་དྲན་ཆོག
རྒྱ་མི་གཞོན་སྐྱེས་འདི་རྒྱུས་ཡོད་དམ།
ནགས་ཤོད་རིག་རལ།
ཧན་ཧན་ནི་ད་ལྟ་རྒྱ་ནག་ཏུ་གྲགས་པ་ཆེ་བའི་གཞོན་སྐྱེས་རྩོམ་པ་པོ་ཞིག་རེད། ཁོང་གི་ཕྱིང་བལ་ནང་རྡོ་བཏུམ་པ་འདྲ་བའི་རྩོམ་ཡིག་དེ་ཚོས་སྒེར་གཅོད་སྲིད་གཞུང་གི་དཔོན་རིགས་ཚོ་མགོ་ན་བར་བྱེད་མོད། ཤ་དར་ཁྲག་དར་གྱི་གཞོན་སྐྱེས་ཚོའི་ངོས་ནས་བཤད་ན་གང་ཞིག་སེམས་སྦུག་ནས་བརྗོད་འདོད་པ་དེ་དཔའ་བོ་ཞིག་གིས་རང་ལ་བརྗོད་རོགས་བྱས་པ་ལྟར་གྱི་ནུས་པ་ཐོན་གྱི་ཡོད། རྒྱུ་མཚན་དེས་ཧན་ཧན་གྱི་དྲ་རྩོམ་རྗེས་སྙེག་པ་གྲངས་ལས་འདས་པ་ཞིག་ཉིན་བཞིན་འཕེལ་བཞིན་ཡོད་པ་རེད་ལ།
ཁོང་གི་རྩོམ་ཡིག་དེ་དག་མི་གྲངས་ས་ཡ་མང་པོའི་གླེང་བྱར་འགྱུར་བཞིན་འདུག རང་ལོ་༢༧ལས་སླེབས་མེད་ཀྱང་ཁོང་རང་གི་ཟིན་བྲིས་ལྟ་ཀློག་བྱེད་གྲངས་དུང་ཕྱུར་༣ལས་བརྒལ་ལ། ད་ཐེངས་ཁོང་རང་ཨ་རིའི་གཟའ་འཁོར་དུས་དེབ་དུས་རབས་ཟེར་བའི་༢༠༡༠ལོའི་འཛམ་གླིང་དུ་ཤུགས་རྐྱེན་ཆེ་ཤོས་ཀྱི་མི་སྣ་བདམས་པའི་འོས་མིར་ཚུད་པ་དང་། གཤམ་གྱི་རྩོམ་འདི་ནི་ཁོང་རང་འོས་མིར་ཚུད་པའི་རྗེས་སུ་བྲིས་པ་ཞིག་རེད། རྩོམ་ཡིག་འདི་གཅིག་པུ་ཡང་ད་ལྟ་ཀློག་གྲངས་༧འབུམ་དང་། མཆན་འདེབས་གྲངས་༢ཁྲི། བརྒྱུད་འགོད་བྱེད་ཐེངས་༢སྟོང་ལས་བརྒལ་ཡོད།
སྐྱིད་རྩོམ།
བསྟན་འཛིན་ལོ་ཉི་ཤུ་ཡིན་སྐབས་སློབ་གྲྭ་ཆེན་མོ་ཐོན། དེ་ནི་ཁོང་རང་གི་དམིགས་ཡུལ་ལ་གོམ་པ་སྤོས་པའི་ཉིན་དང་པོ་དེ་རེད། ཁོང་དགའ། ཁོའི་དམིགས་ཡུལ་ནི་འཇིག་རྟེན་ལ་མིག་དཔེ་ཞིག་འཇོག་རྒྱུ་དེ་རེད། དེ་ཡང་། ཁོའི་འཇིག་རྟེན་ན་སྐྱིད་ལབ་དང་སྐྱིད་བཤད་རྒྱག་མཁན་གྱིས་ཁེངས་ཡོད་པ་དེ་སྟོར་འདོད་པ་རེད། རྒྱུ་མཚན་ནི། ཁ་སང་དེ་རིང་། སྐྱིད་ལབ་དང་སྐྱིད་བཤད་བྱེད་མཁན་དེ་ཚོ་སྔར་གྱི་སྡོད་ས་ཟ་ཁང་དང་ཇ་ཁང་བཞག་ནས་ཡིག་ཐོག་ལ་ཐོན་ཡོད་པ་དང་། དེ་ཚོས་ཡིག་ཐོག་གི་དྲ་རྒྱ་དང་ཟིན་བྲིས་དག་ན་སྐྱིད་འབྲི་དང་སྐྱིད་རྩོམ་སྤེལ་བཞིན་ཡོད། སྐྱིད་རྩོམ་དང་སྐྱིད་འབྲི་དེ་ཚོ་མཚམས་རེར་སྙན་ངག་དང་། མཚམས་རེར་འབེལ་གཏམ། མཚམས་རེར་དམོད་རྩོམ་དང་མཚམས་རེར་སྣང་བ་གང་དྲན་དག་གི་ངོ་བོར་གནས་ཡོད། སྐྱིད་རྩོམ་དེ་དག་ལ་དངོས་ཡོད་ཀྱི་སྐད་ཆ་མི་དགོས། ཚོར་བའི་སྐད་ཆ་དགོས། གནས་ཚུལ་རློན་པ་མི་དགོས། ལྟ་བ་སྐམ་པོ་དགོས། བདེན་པ་ཞིབ་ཏུ་བཙལ་བ་མི་དགོས། རྫུན་མ་ཐར་ར་ཐོ་རེ་དགོས།
ཞོགས་དུང་གིས་ཉིན་གུང་ལ་དུང་ཞིག་བུས་པ།
ཀློག་མཁན་ཞིག་གིས།
ང་བོད་དུ་ཡོད་དུས། མི་འདི་འདྲ་ཞིག་ངོ་ཤེས་བཞིན་ཡོད། ཁོ་ནི་དགོན་པ་ཆེན་པོ་ཞིག་གི་ལྷ་ཁང་གི་དཀོར་གཉེར་ཅིག་རེད།་ ཡོན་ཏན་ཡང་ཆེན་པོ་མི་འདུག འབྲི་ཀློག་ཤེས་བ་ཙམ་ཞིག་རེད། ཕ་མ་གཉིས་འདས་རྗེས་ཆུང་དུས་ནས་དྭ་ཕྲུག་ཅིག་དུ་ཆགས་འདུག ཕྱི་ལོ་༡༩༨༠་ཙམ་ལ་རབ་ཏུ་བྱུང་ཞིང་། སྦྱོར་ཀློག་གི་མགོ་བརྩམས་ཤིང་།སྐྱབས་འགྲོ་དང་ལམ་རིམ་ལ་བསྡུས་དོན་སོགས་ལས་།གཞན་ཅི་ཡང་ཤེས་མཁན་ཤིག་གིས་བཟོ་མི་འདུག་།ང་ནམ་རྒྱུན་ཁོ་དང་ཐུག་དུས་།དལ་བའི་རྟེན་འདི་ཡིད་བཞིན་ནོར་ལས་ལྷག་།འདི་འདྲ་རྙེད་པ་ད་རེབ་ཙམ་ཞིག་ཡིན་།ཞེས་ལམ་རིམ་བསྡུས་དོན་ནང་གི་ཚིག་དེ་འདྲ་དབྱངས་སུ་གྱེར་ནས་འདོན་གིན་འདུག་།ཕྱི་ཕྱོགས་ཀྱི་གནས་ཚུལ་སོགས་ཤེས་འདོད་ཆེན་པོ་འདུག་པས་།་སྐད་ཆ་མི་འདྲི་བ་ཞིག་གཏན་ནས་མེད་།ལོ་རབས་བརྒྱད་ཅུའི་ནང་ལྷ་སའི་ཞི་བའི་ངོ་རྒོལ་ནང་ཞུགས་ཞིང་།དེ་ནས་བཙོན་དུའང་ལོ་ཁ་ཤས་བཞུགས་འདུག་།བཙོན་དུ་བཞུགས་དུས་འཇིག་རྟེན་ན་མཐོང་མི་སྲིད་པ་དང་།་མི་ཟད་པའི་སྡུག་བསྔལ་མང་པོ་མཐོང་མྱོང་ཟེར་།ཡིན་ནའང་ཉིན་ཞིག་བཙོན་དུ་བཞུགས་དུས་།སེམས་སུ་གློ་བུར་མི་ཟད་པའི་སྙིང་རྗེ་ཆེན་པོ་ཤིག་རྒྱུད་ལ་སྐྱེས་ཏེ་།འགྲོ་བ་ཀུན་གྱི་སྡུག་བསྔལ་གཞན་གྱི་ཐོག་ཏུ་མ་ཡོང་བར་ཁོའི་ཐོག་ཏུ་ཡོང་ན་སྙམ་པའི་སེམས་ཤིག་གི་སྡོད་མི་ཐུབ་པ་ཞིག་བྱུང་སོང་ཟེར་།དེའི་སྐོར་གླེང་ཡོང་འདུག་།མིག་མཐའི་མཆི་མ་འཁོར་ཏེ་།སྐད་ཆ་ཡང་ཤོད་མི་ཐུབ་པ་ཤིག་ཆགས་བཞིན་འདུག་།
མིའི་གད་སྙིགས་ལྟ་བའི་ང་ཚོ།
བོད ལྷ་ཀླུ་གཉན་གསུམ།
རྒྱབ་ནས་བལྟས་དུས་མྱི་གཟུགས་གསོན་པོ་ཞིག།
ཁོག་དུ་འཛུལ་དུས་གསོན་འདྲེ་ཡར་བླངས་ཞིག།
ཉིན་མོའི་དུས་སུ་ཞི་ཞིང་དུལ་བར་འགྲོ།
མཚན་མོའི་དུས་སུ་ཆགས་པའི་འཚུག་བཞིན་འཚོ།།
ལུས་ཀྱི་ཕྱི་ནང་ཁ་ཁར་སོང་བ་ཡིས།།
མི་ཡུ་ཡུལ་དུ་གཟུགས་རིས་སྐམ་པོ་ཞིག།
སྲུང་དེ་ཡིན་འདོག་བྱས་ནས་བགྲོད་པ་འདི།།
བསམ་ཞིང་བསམ་དུས་སྙིང་བོ་མཐོང་མ་སོང་།།
ད་ག་རེ་བྱེད་དགོས་རེད།
བསྟན་འཛིན་ཉིན་བྱེད།
ད་ག་རེ་བྱེད་དགོས་རེད། བོད་ཀྱི་རང་དབང་འཐབ་རྩོད་ཐོག་བསམ་བློ་གཏོང་སྐབས་འདི་དྲན་ཡོང་གི་འདུག སྐད་འབོད་ནི་རྒྱག་གི་ཡོད་པ་རེད། དམག་ནི་བརྒྱབས་ཡོད་པ་རེད། སློབ་སྦྱོང་ནི་བྱེད་ཀྱི་ཡོད་པ་རེད། ཞི་མོལ་ནི་བྱས་ཡོད། ཕྱི་རྒྱལ་རང་དབང་ཡུལ་གྲུ་ཁག་ཏུ་བོད་དོན་དྲིལ་བསྒྲགས་ནི་བྱས་ཡོད། ལུས་སྲོག་ནི་མང་པོ་ཤོར་ཡོད།
ད་བྱེད་རྒྱུ་མེད་ན་མ་གཏོགས་ཚང་མ་བྱས་ཚར་འདུག ཡིན་ནའི་བོད་ཀྱི་གནས་བབ་འདི་ཛ་དྲག་ཏུ་དྲག་ཏུ་འགྲོ་གི་འདུག བོད་ནང་རྒྱ་མི་མང་དུ་མང་དུ་འགྲོ་གི་འདུག བཙན་བྱོལ་ནང་བོད་རིགས་མང་དུ་མང་དུ་འགྲོ་གི་འདུག གཞིས་ལུས་དང་བཙན་བྱོལ་གཉིས་ཀའི་ནང་ར་མ་ལུག་མང་དུ་མང་དུ་འགྲོ་གི་འདུག
བསྟན་འཛིན་བདེ་སྐྱིད་ལ་ལེགས་སྐྱེས་ཆུང་ཆུང་ཞིག
རིག་འབྱུང་དོན་གྲུབ་བཀྲ་ཤིས། ཨ་རི།
བོད་ཡིག་ྐློག་མི་ཐུབ་པའི་དཀའ་ངལ་དེ། ཁྱེད་ལ་འཕྲད་པའི་དཀའ་ངལ་རེད། ངས་བྐླགས་པ་ཡིན། དཀའ་ངལ་དེ་འཕྲད་མཁན།
བོད་མི་གཅིག་གཉིས་མ་རེད། བོད་མི་འགའ་ཤས་རེད། འོན་ཀྱང་། སྤྱི་ཡོངས་ནས་བལྟས་ན། བོད་ནང་ན། དཀའ་ངལ་དེ་མི་འདུག བོད་ཕྱི་ན། དཀའ་ངལ་དེ་འདུག དཀའ་ངལ་དེ་ཡོད་མཁན། བོད་མི་ཉུང་ཤས་ཤིག་རེད། བོད་ཕྲུག་ཉུང་ཉུང་ཞིག་ལ། དཀའ་ངལ་དེ་འཕྲད་བཞིན་འདུག བོད་མི་ཚོའི་ཁྲོད་ན། ཁྱེད་ཀྱི་བསམ་ཚུལ་ལ། རྒྱབ་སྐྱོར་བྱེད་མཁན་འདུག་ལ། དགག་པ་རྒྱག་མཁན་ཡང་འདུག ཚོད་དཔག་བྱས་ན། ཕྱི་མ་དེ་མང་བ་འདུག སྔ་མ་དེ་ཉུང་བ་འདུག གང་ལྟར། མང་ཉུང་ལ་མ་བལྟས་བར། དཀའ་ངལ་ནི་འཕྲད་བཞིན་འདུག དཀའ་ངལ་ནི་དངོས་ཡོད་རེད།
དེ་ལས་མང་བ་། “བསྟན་འཛིན་བདེ་སྐྱིད་ལ་ལེགས་སྐྱེས་ཆུང་ཆུང་ཞིག” »
འཚོ་སའི་རིན་ཐང་།
ནགས་ཤོད་རིག་རལ།
སྐྱིད་ཆུའི་འགྲམ་གྱི་ཁང་ཆེན་དེའི་གྱང་ཟུར་ཞིག་ཏུ་རྡོ་རྗེ་གཉིད་ལ་ཤོར་འདུག ལག་གཡས་པའི་ཟུར་གྱི་ས་ཐོག་ན་ཁོ་ཁི་ཁོ་ལེ་འགྱིག་དམ་རྙིང་པ་ཞིག་གི་མཐིལ་དུ་ཆང་སྙིགས་ཅུང་ཟད་ཞིག་ལྷག་ཡོད་པ་མ་ཟད། རྩབ་ཧྲལ་དུ་གྱུར་པའི་ནུབ་ལྭ་སྐྱ་བོ་དེའི་ཁུག་མའི་ཟུར་ནས་དངུལ་སིལ་མ་མང་པོ་ཞིག་ཕྱི་ལ་ཐོན་པར་བལྟས་ན་ཁ་ས་བར་སྐོར་ནང་ནས་སློང་ཡག་པོ་བྱུང་བ་འདྲ། གདོང་ནི་མ་བཀྲུས་པར་དྲེག་པ་ནག་ཆིལ་ལེར་ཡོད་མོད། དཔྲལ་བ་དང་སྣ་མགོ་དག་ནས་སྣུམ་ཚིལ་ཚིལ་བྱེད་པ་དེ་ཉི་གཞོན་ཤར་རིའི་རྩེ་ནས་འཕྲོས་མ་ཐག་པ་དེའི་དྲིན་ཡང་ཡིན་སྲིད། ཁོའི་ལུས་པོའི་འོག་ཏུ་སྟན་ཤོག་བུའི་སྲབ་མཐུག་ཙམ་ཞིག་ཀྱང་མི་འདུག གྲོག་མ་འགའ་ཞིག་བྲེལ་བྲེལ་འཚུབ་འཚུབ་ངང་ཁོའི་ལུས་པོའི་ཐོག་དང་གཡས་གཡོན་གང་སར་རྒྱུགས་བཞིན་འདུག