ཤ་ཀླན་འཇམ་དབྱངས་གྲགས་པས།

ཨ་རིའི་རྩོམ་པ་པོ་ཨེ་ལེན་སྒ་ལ་སི་སྒོ་ཡི་གསུང་”འགྱུར་བ་ཚང་མ་འཕེལ་རྒྱས་མིན།
འགུལ་སྐྱོད་ཐམས་ཅད་མདུན་སྐྱོད་མིན།”(བུ་ཆུང་ཚེ་རིང་ལགས་ཀྱི་ཊ་ཝེ་ཊར་ནས་བཤུས)

ང་ཚོ་ལ་གཞན་གྱི་དེ་མཆོག་དང་རང་གི་དེ་དམན་པ་འཛིན་པའི་ལྟ་བ་ཤུགས་དྲག་པོ་ཡོད།
དེ་ནི་བོད་མི་ལ་བརྕི་འོས་པའི་ནོར་འཁྲུལ་བརྒྱ་སྟོང་ཡོད་པའི་ནང་ནས་ཨང་དང་པོ་དེ་བཞག་ནའང་མི་འགྲིག་མེད་སྙམ།
དེ་བས་དམ་པ་རྣམས་ཀྱི་ཕྱག་སྲོལ་ཡོད་ཚད་ནི་རྗེས་ལུས་དང་། ནོར་འཁྲུལ་ཅན་འབའ་ཞིག་ཏུ་བརྩིས་རྐྱང་བྱས་ནས་དེ་ལ་ཡོ་བསྲང་རེ་བྱེད་པ་ནི་གསར་བརྗེ་དང་མདུན་སྐྱོད་ཡིན་སྙམ་བཞིན་ཡོད་པར་མ་ཟད། མི་ལོ་འདི་དག་གི་རིང་ཕྱག་སྲོལ་དེ་དག་ལ་བརྟེན་ནས་མི་ཚེ་རྫོགས་ལ་ཉེ་བའི་མཁས་དབང་དེ་ཚོས་ཀྱང་“དགྱེས་པའི་སྤྱན་གྱིས་གཟིགས་བཞིན་”ངོ་མ་དེ་ལ་གནས་ལུགས་ཡོད་ཚུལ་དང་འགྱུར་བ་དགོས་ཚུལ་འཆད་བཞིན་ཡོད།

དེ་ལས་མང་བ་། “ལས་མེད་ཚོའི་དགོས་མེད་ཀྱི་སེམས་འཚབ་ལྷག་མ།” »

ཀུན་གླེང་གི་བོད་ཡིག་ལེགས་བཅོས་སྐོར་གྱི་བགྲོ་གླེང་ལ་ཅིག་ཉན་པ་ཡིན། ཕྱོགས་གཅིག་ནས་བསམ་ན་དགའ་དགོས་པ་ཞིག་རེད་ལ་ཡང་ཕྱོགས་གཞན་ཞིག་ནས་བསམ་ན་ངོ་མ་ངུ་ཤོར་གི་འདུག རྡོ་རྗེ་ཚེ་བརྟན་ལགས་ནས་བགྲོ་གླེང་འདི་གོ་སྒྲིག་གནང་བར་སེམས་གཏིང་ནས་དགའ་སྤྲོ་འཕེལ། དེ་ནས་བསྟན་འཛིན་བདེ་སྐྱིད་ལགས་ནས་བོད་ཕྲུག་ཚོའི་ནང་དངོས་སུ་ཟབ་ཞུགས་ཀྱིས་ཞིབ་འཇུག་དང་ཚོད་ལྟ། རང་གི་ཉམས་མྱོང་སོགས་གཞིར་རྩར་བཞག་དེ་བོད་ཡིག་ཡར་རྒྱས་ཀྱི་ཆེད་དུ་དགོངས་འཆར་གནང་བས་སེམས་ཤུགས་འཕར་ཡོང་གི་འདུག མོ་ལ་རྒྱབ་སྐྱོར་ཆ་ཚང་ཡོད།

དཀའ་ངལ་དེ་དངོས་ཡོད་ཡིན་པ་མིག་གིས་མཐོང་རྒྱུ་འདུག

མ་གཞི་བོད་ཡིག་ལ་དོ་སྣང་མེད་པ་དེར་རྒྱུ་རྐྱེན་ཁ་ཤས་ཤིག་ཡོད་པ་ལས་བར་སྟོང་འདི་དེའི་ནང་གི་གཅིག་རེད་ལ་གལ་ཆེན་པོ་ཞིག་ཀྱང་རེད། བོད་ཡིག་ཀློག་སྐབས་ཀློག་མཚམས་གཅོད་སྟངས་མི་ཤེས་པའི་དཀའ་ངལ་ཞིག་ཡོད་པ་དང་དེ་ལ་བརྟེན་ནས་ཚིག་དོན་གྱི་གོ་བ་མི་ལོན་པ་དང་གོ་བ་ཕྱིན་ཅི་ལོག་ཏུ་ལེན་པ་དེ་དངོས་ཡོད་རེད། དེ་ཡང་ལྷག་པར་དུ་བོད་ཡིག་གི་རྨང་གཞི་ཡག་པོ་མ་ཆགས་སྔོན་དཀའ་ངལ་དེ་ཕལ་ཆེར་མི་ཚང་མར་འཕྲད་གི་ཡོད་པ་རེད། དེར་མ་ཟད་བོད་ཡིག་ཡག་པོ་ཤེས་མཁན་ཞིག་ཡིན་ནའང་དཀའ་ངལ་དེ་ཆེ་ཆུང་ལ་མ་ལྟོས་པར་ཡོད་ནི་ཡོད་པ་རེད། དེ་ནི་བདེན་པ་དང་དངོས་ཡོད་རེད།

 གཅིག ཀློག་མཚམས་ཀྱི་དཀའ་ངལ་སྐོར་ཁ་སང་རྡོ་རྗེ་ཚེ་བརྟན་གྱིས་སྒྲུང་གསོན་པོ་གཉིས་ཀྱི་ཐོག་ནས་གསལ་བོར་བསྟན་པ་དེ་ལྟར་རེད།

དེ་ལས་མང་བ་། “བོད་ཡིག་ལེགས་བཅོས་སྐོར།” »

བསྟན་འཛིན་ཉིན་བྱེད།

ཆུང་ དུས་སྐབས་ངའི་ཨ་ཕས་བོད་སྐོར་སྒྲུང་མང་པོ་བཤད་མྱོང་ལ། ཁོང་ནི་དབུས་གཙང་ས་ཁུལ་གྱི་མཐའ་འཁོབ་ཏུ་ཡོད་པའི་གྲོང་གསེབ་ཆུང་ཆུང་ཞིག་ཏུ་ འཚར་སྐྱེས་བྱུང་འདུག ཁོང་ནི་ཞིང་པ་དཀྱུས་མ་ཞིག་ཡིན་ལ། རྒྱ་གུང་བྲན་ཏང་གིས་བརྗོད་གསལ་ལྟར་ཞིང་བྲན་ལམ་ལུགས་ཀྱི་ལམ་སྲོལ་འོག་ཁྲལ་དང་ འུ་ལག་གི་མནར་གཅོད་མང་པོ་ཞིག་མྱངས་ཡོད་པ་རེད། ཡིན་ནའང་ཨ་ཕའི་སེམས་ཀློང་ནང་བོད་སྡེ་པ་གཞུང་ལ་མི་དགའ་བ་དང་། ཕྲག་དོག ཁོང་ཁྲོ་གཏིང་ནད་སོགས་རྩ་ན་མེད་ལ། ལྷག་པར་དུ་ཁོ་རང་བོད་གཞུང་དགའ་ལྡན་ཕོ་བྲང་དང་བོད་རྒྱལ་ཁབ་ལ་དགའ་ཞེན་དང་ སྤོབས་པ་ཧ་ཅང་ཡོད་ཅིང་། ཆུང་དུས་ལོ་བཅུ་དྲུག་ནས་སྡེ་པ་གཞུང་གི་དམག་མིར་འཛུལ་ཞུགས་ཀྱིས་ཐོག་མར་ལྷ་ས་ དང་། རིམ་པས་ཁམས་ས་ཁུལ་དུ་བོད་ཀྱིས་ས་སྲུང་ལས་དོན་ནང་ཞབས་འདེགས་ཞུས་འདུག ཁོ་པས་བཤད་སྲོལ་ལ། སྐབས་དེར་ཁམས་ཁུལ་དུ་དམག་མིའི་སྦྱོང་བསྡར་སོགས་བྱས་སྐབས་མེ་མདའི་མདེའུ་མེད་ པ་དང་།

དེ་ལས་མང་བ་། “ཨ་ཕའི་བསླབ་བྱ།” »

དེ་རིང་ཁྱེད་ཚོས་བོད་མི་དང་སྐད་ཀྱི་སྐོར་བགྲོ་གླེང་བྱེད་སྐབས་འདི་དང་བསྟུན་ནས་ངས་ཀྱང་བསམ་ཚུལ་མི་མཐུན་པ་ཁ་ཤས་ཞུ་ན་འདོད་བྱུང་། དེ་ཡང་སྒོམ་སྡེས་གསུངས་པ་ལྟར་བོད་ཀྱི་སྐད་ཀྱི་འབྱུང་ཁུངས་འཚོལ་ན་བོད་མི་རིགས་ཀྱི་མཆེད་ཁུངས་ཤེས་དགོས་པ་རེད། བོད་མི་རིགས་ཀྱི་མཆེད་ཁུངས་ཤེས་དགོས་ན་ཆེས་ཐོག་མའི་བོད་ཀྱི་ས་ཁམས་ཆགས་ཚུལ་ཡང་ཤེས་དགོས་པ་རེད། དེ་འདྲ་ཆེན་པོ་ཞིག་བཤད་དགོས་ན་ང་ཚོ་ས་ཁམས་རིག་པ་བ་མིན་པ། མིའི་རིགས་རྒྱུད་ལ་བརྟག་དཔྱད་བྱེད་མཁན་ཡང་མིན་པ། སྐད་རིགས་རིག་པའང་མིན་པ་རྐྱང་རྐྱང་གིས་མང་པོ་ཞིག་བཤད་བསྡད་ན་ཚན་རིག་གི་གཞི་འཛིན་ས་གང་ཡང་མེད་པ་ཞིག་རེད། ཡིན་ནའང་། རིག་ཚན་དེ་དང་དེ་ལ་མཁས་པ་མང་པོ་ཞིག་ནས་ཚན་རིག་དང་མཐུན་པའི་དཔྱད་ཞིབ་མང་པོ་ཞིག་བྱས་ནས་བྲིས་ཡོད་པ་མང་པོ་ཞིག་ཡོད་པ་རེད། དཔྱད་ཞིབ་འདྲ་མི་འདྲ་མང་པོ་ཞིག་ལ་བལྟས་ཡོང་ན་ང་ཚོས་ལོ་རྒྱུས་ཁག་ནང་བྲིས་པའི་འདོད་ཚུལ་དེ་ཚོར་ཁུངས་དག་མ་དག་གཉིས་ཀ་ཡོད་རྒྱུ་རེད་སྙམ།

གཅིག བོད་ཀྱི་ལོ་རྒྱུས་ཁག་ནང་བོད་ཀྱི་མི་རྒྱུད་འདི་ཡར་ལུང་ནས་ཆད་ཡོང་བ་ལྟ་བུ་ཞིག་བཤད་ཡོད་པ་རེད། ཡིན་ནའང་ད་ལྟའི་མི་རིགས་དཔྱད་ཞིབ་པ་མང་པོ་ཞིག་ནས་གོང་དུ་དྲ་གྲོགས་རེ་ཟུང་ནས་བརྗོད་པ་ལྟར། ཨེ་ཤི་ཡའི་མི་རྒྱུད་སེར་བོའི་རིགས་འདི་ལ་ mongoloid ཟེར་གི་ཡོད་པ་མ་ཟད། མཆེད་ས་ཡང་བྱང་ཕྱོགས་ནས་ཆད་ཡོང་བར་བཤད་ཀྱི་འདུག

གཉིས། བོད་ཀྱི་ས་ཁམས་ཆགས་རིམ་གསལ་བ་ཞིག་བཤད་རྒྱུ་མེད་ཀྱང་བོད་བྱང་རྒྱུད་དེ་ཆེས་གདོད་མའི་དུས་སུ་ས་ཆ་དམའ་བོ་དང་ཚ་བའི་ཁུལ་ཞིག་ཡིན་པ་བརྗོད་ཀྱི་ཡོད་པ་མ་ཟད་དེར་ཆེས་ཐོག་མའི་དུས་སུ་འགྲོ་བ་མིའི་འཚོ་གནས་བྱས་ཡོད་པའི་ཏན་རྟགས་ཀྱང་རྙེད་ཀྱི་ཡོད་པ་རེད།

དེ་ལས་མང་བ་། “མདའ་ཚན་པའི་བཟི་གཏམ།” »

འབྲོང་བུ་ཟླ་བ་ཚེ་རིང་གིས།

ད་ནི་ང་རང་མཐོ་སློབ་ལ་སླེབས་ཚར་བས་ང་རང་སློབ་ཆེན་སློབ་མའམ་སློབ་ཆེན་པ་ཞིག་ཏུ་གྱུར་ཚར་བ་རེད། ང་རང་ཉིད་ལ་མཚོན་ན་མིང་འདི་ནི་ཅི་འདྲའི་ལྗིད་ཁོག་ཆེ་ཞིང་ཅི་འདྲའི་བརྗིད་ཆེན་པོ་ཞིག་རེད་ཨང། སྦེང་ལོར་ནས་ལོ་ངོ་གཅིག་གི་དུས་ཡུན་ཇི་ལྟར་རྫོགས་པའང་མ་ཚོར་ལ། སྐད་ཅིག་མའི་དུས་ཡུན་འདི་ནི་བྱ་འཕུར་བ་ལྟར་རང་ཉིད་དང་རྒྱང་དུ་གྱེས་ཀྱིན་པ་ཚོར་བས། རང་ཉིད་དང་ལས་དབང་མཐུན་པའི་སློབ་ཆེན་པ་ཚོའི་ཉིན་རྒྱུན་གྱི་འཚོ་གནས་སམ་བྱ་བྱེད་གང་མང་ཞིག་ལ་ཕྱིར་བལྟ་ཞིག་བྱེད་པར་འདོད་ལ། ང་ཚོའི་འཐུས་ཤོར་གྱི་གནས་གང་མང་ཞིག་ལ་ཚ་འདྲི་རེ་ཡང་བྱེད་པར་འདོད། འདི་ནི་ངས་རང་སྐྱོན་རང་གིས་འདོན་དགོས་པར་འདོད་ཀྱིན་པས་ཡིན། ཁྱེད་ཚོས་གསུངས་དང། སློབ་ཆེན་པ་ཟེར་དུས་ཅི་འདྲ་ཞིག་དགོས་པ་རེད་དམ། ན་ཚོད་དར་ལ་བབས་ཞིང། གཞི་རིམ་དང་འབྲིང་རིམ་གྱི་ཤེས་བྱའི་གནས་ལ་བྱང་ཆུབ་པ་དང། སྣ་མང་ཤེས་བྱའི་གནས་ནས་རང་ཉིད་ཀྱི་འདོད་པ་དང་མཐུན་ལ་རང་ཉིད་ཀྱི་དམིགས་ཡུལ་མངོན་འགྱུར་བྱ་བར་ཕན་པའི་བསླབ་བྱ་ཞིག་སྦྱངས་བར་ཡོང་མཁན་ཞིག་ལ་གོ་དགོས་པ་རེད་དམ། ལོ་ཚོད་ཀྱིས་དེད་ཅིང་སྤྱི་ཚོགས་ཀྱིས་དེད་དེ་ཅི་བྱ་གཏོལ་མེད་ཀྱིས་མཐོ་སློབ་ལ་ཉི་མ་གང་འཁྱོལ་བྱེད་དུ་ཡོང་མཁན་ཞིག་ལ་གོ་དགོས་པ་རེད། རེད་ཡ། ཁྱེད་ཚོས་བསམ་པ་དེ་ནོར་ཡོད་པ་མ་རེད། ང་ཚོས་དུས་རྟག་ཏུ་ཡག་པོ་ཞིག་དང་མཛེས་པོ་ཞིག་ལ་རེ་ལྟོས་བྱེད་བཞིན་ཡོད་པས་སྔོན་མ་དེ་ཁྱེད་ཚོས་བདམས་ཀ་ཡིན་ངེས། དོན་དངོས་སུ་འདི་འདྲ་ཞིག་ཡིན་ན་རྗེས་སུ་ཡི་རངས་བྱེད་དགོས་པ་ཞིག་རེད།

དེ་ལས་མང་བ་། “སློབ་ཆེན་པར་ཚ་འདྲི་བྱེད་དུ་ཤོག” »

སྒོམ་སྡེ་ལྷ་རམས་པ།

བོད་སྐད་ཀྱི་འབྱུང་ཁུངས་ལ་བརྟག་པར་ཐོག་མར་བོད་རིགས་འདི་གང་ནས་མཆེད་བརྟག་དགོས།ཡོངས་གྲགས་ཀྱི་བཤད་ཚུལ་ལྟར་ཕ་སྤྲེའུ་རྒན་བྱང་ཆུབ་སེམས་དཔའ་དང་མ་བྲག་སྲིན་མོ་གཉིས་ལས་མཆེད་དེ་ཡུལ་དེར་ས་སྐྱེས་རྡོ་སྐྱེས་སུ་འདོད་ཚུལ་ཞིག་དང་། ཡང་ལོ་བཞི་སྟོང་ལྔ་སྟོང་གི་སྔོན་རོལ་ཏུ་རྒྱ་གར་གྱི་མཧཱ་བྷ་ར་ཏའི་དཔའ་བོའི་རིགས་སྐྱ་སེང་བུ་ལྔ་གངས་ཅན་གྱི་ལྗོངས་སུ་བྲོས་བྱོལ་དུ་ཕྱིན་པ་ལས་བོད་རིགས་རྣམས་མཆེད་པར་བཤད་ཚུལ་གཉིས་ཡོད་པས། ཐོག་མར་དེ་གཉིས་ལ་བརྟག་དགོས་སོ། ། ང་ཚོས་རང་གི་སྐད་གང་ནས་བྱུང་དཔྱོད་པ་ལ་ཕྱི་རྒྱལ་བར་མགོ་འབུལ་ལུས་འབུལ་བྱེད་དགོས་ཡ་གང་ཡང་མེད། དེ་ཕྱི་རྒྱལ་མགོ་སེར་བ་ཚོ་ལས་ང་ཚོ་བོད་པ་ཉམས་མྱོང་དང་རྒྱུས་ཡོད་ཆེ་གི་རེད།

དེ་ལས་མང་བ་། “༼བོད་སྐད་ཀྱི་ཐོག་མའི་འབྱུང་ཁུངས་ལ་བརྟག་པ༽” »

གཞོན་ནུ་ཟླ་མེད

ཉེ་ཆར་བཀའ་ཁྲིའི་འོས་གཞིར་ཚོགས་པ་ཁག་ནས་མིང་འདོན་དང་། དེ་བཞིན་སྒེར་བ་ཁག་ནས་བགྲོ་གླེང་བྱེད་དང་བྱེད་མུས་ཀྱི་སྐབས་འདིར། མདོ་སྨད་འོས་གཞི་ནང་དུ་ཨ་རིར་བཅའ་བཞུགས་ཨ་རྒྱ་བླ་མའི་མཚན་འཁོད་ཡོད་པ་དང་། དེ་བཞིན་གཞན་དག་གིས་ཨ་རིར་བཅའ་བཞུགས་བློ་བཟང་སེང་གེ་འོས་གཞིར་གླེང་བཞིན་ཡོད།
དེ་བཞིན་དུ་ཁོང་གཉིས་ཀྱིས་ཀྱང་རང་རང་ས་ནས་སེམས་ཤུགས་ཀྱིས་ག་ས་གང་དུ་ལས་འགུལ་སྤེལ་བཞིན་པ་ནི། ཨ་རྒྱ་རིན་པོ་ཆེ་ལ་མཚོན་ན་ཨ་རི་ནང་དུ་ཕྱོགས་ཕེབས་ཀྱིས་སློབ་གྲྭ་ཁག་ནས་ཁོང་གི་རྩོམ་དེབ་དང་འབྲེལ་བོད་དོན་ཁྱབ་བསྒྲགས་ཤུགས་ཆེན་བྱེད་བཞིན་ཡོད། དེ་བཞིན་དུ་བློ་བཟང་སེངྒེ་ལ་མཚོན་ན་ཡང་ཨ་རི་ཙམ་དུ་མ་ཟད་རྒྱ་གར་དུའང་བསྐྱོད་ནས་བོད་དོན་དང་འབྲེལ་རང་ཉིད་ངོ་སྤྲོད་བྱེད་བཞིན་པར་མ་ཟད། དྲ་རྒྱ་ཁག་གི་ནང་དུ་ཡང་ཤུགས་ཆེན་ཁྱབ་བསྒྲགས་བྱེད་བཞིན་ཡོད།
ཁོང་གཉིས་ལ་སྲིད་དོན་ཚོགས་པ་གཉིས་ཀྱི་ཕྱོགས་ནས་བལྟས་ན་ཡང་འགྲིག་པ་ནི། ཨ་རྒྱ་རིན་པོ་ཆེ་སྤྱི་ཚོགས་རིང་ལུགས་ཚོགས་པ་དང་། བློ་བཟང་སེངྒེ་གཞོན་ནུ་ཚོགས་པ་ཞེས་ཀྱང་འབོད་ཆོག འདི་དག་ལ་བཟང་ཕྱོགས་ནས་བལྟས་ན་འདི་ལྟར་དགའ་སྤོབས་སྐྱེས་འོས་པ་ཞིག་རེད། འོན་ཀྱང་དྲ་རྒྱ་ཁག་ཏུ་གླེང་སློང་འབྱུང་བཞིན་པ་ཞིག་ནི། ཨ་རྒྱ་བླ་མ་སོག་རིགས་རེད་ཟེར་ནས་བཀའ་བློན་འོས་གཞིར་མི་འོས་ཚུལ་གསུང་མཁན་ཁག་ཅིག་དང་། ཡང་བློ་བཟང་སེང་གེ་རྒྱལ་ཁབ་གཞན་གྱི་མི་སེར་རེད་ཟེར་ནས་བཀའ་བློན་ཁྲི་བར་མི་འོས་ཚུལ་གསུང་མཁན་ཁག་ཅིག་འདུག དེ་གཉིས་ཀ་ཡང་བདེན་སྲིད་པས་བགྲོ་གླེང་བྱེད་འོས་སུ་མཐོང་། བློ་བཟང་སེངྒེ་ཨ་རིའི་མི་སེར་ཡིན་པས་བཀའ་ཁྲི་བསྡད་ན་རྒྱ་དང་འབྲེལ་བའི་བོད་དོན་ལ་སྐད་ཆ་བཤད་ན་བོད་པའི་ཁྲིམས་ལུགས་ལ་འགྲིག་མིན་གང་ལྟར་ཡང་། རྒྱ་ཚང་གི་ཁྲིམས་ལུགས་ལ་འགྲིག་མི་སྲིད་དེ་ཀྲུང་གོའི་ནང་སྲིད་ལ་ཕྱི་མིས་ཇུས་གཏོགས་བྱས་པར་འགྱུར་བ་མ་ཟད། ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཀྱི་ཁྲིམས་ལུགས་སྒྲོམ་གཞི་འོག་གི་བོད་རང་སྐྱོང་ས་ཁུལ་གྱི་མི་སེར་ཡང་མ་ཡིན་པས་སོ།
མཚམ་འདིའི་དྲི་བ་ནི།

དེ་ལས་མང་བ་། “ཨ་རྒྱ་བླ་མ་དང་བློ་བཟང་སེངྒེ་བཀའ་ཁྲི་འོས་གཞིར་འགྲན་བསྡུར།” »

སྒོམ་སྡེ་ལྷ་རམས་པ།

འདི་ལ་སྨྱུང་གནས་དང་བསྙུང་གནས་ཞེས་འབྲི་ཚུལ་གཉིས་ཏེ། དོན་ནི་ལྟོགས་སྐོམ་དུ་གནས་ནས་ཆོས་ཀྱི་དཀའ་ཐུབ་བྱེད་པ་ལ་ཟེར།
སྤྱིར་བཏང་ལྟོགས་སྐོམ་དུ་གནས་པ་ཙམ་གྱི་དོན་ལའང་འཇུག སྒྲ་བཤད་ནི། བསྙུང་གནས་ཞེས་པའི་བསྙུང་ནི་ཉུང་དུ་གཏོང་བའམ་ཉུང་བར་བྱེད་པའི་དོན་ཡིན་པས།
ཁ་ཟས་ཉུང་དུ་བཏང་ནས་ཆོས་ཀྱི་ཆེད་དུ་དཀའ་ཐུབ་ལ་གནས་པས་ན་བསྙུང་གནས་ཞེས་བྱའོ། །“ཉ”དང་“མྱ”གཉིས་སྒྲ་གདངས་མཚུངས་པས་སྔོན་གྱི་འབྲི་སྲོལ་ལ་དེ་གཉིས་གདམ་ཀའི་ཚུལ་དུ་འབྲི་བ་ཡོད་དེ། དཔེར་ན། གཉེན་བྱེད་པ་ལ་སྨྱན་བྱེད་པ་དང་། བསྙུང་གནས་ལ་སྨྱུང་གནས། གཉིད་ལམ་ལ་རྨྱིད་ལམ་མམ་རྨྱི་ལམ། ཨ་ཉོག་ལ་ཨ་མྱོག མགོ་ཉང་ཉང་ལ་མགོ་མྱང་མྱང་དང་། བྱ་བརྙངས་ལ་བྱ་རྨྱང་། གཞན་ཡང་“པྱ”དང་“ཅ”གཉིས་སྒྲ་གདངས་མཚུངས་པས་རེས་མོས་ཀྱིས་འབྲི་བའང་ཡོད་དེ། བཅའ་ཁྲལ་ལ་དཔྱ་ཁྲལ་དང་། བཅད་ཤེས་ལ་དཔྱད་ཤེས་ཞེས་འབྲི་བ་ལྟ་བུས་མཚོན་ནོ།

དེ་ལས་མང་བ་། “སྨྱུང་གནས་ཞེས་པའི་ཚིག་ལ་དོགས་གཅོད” »

སྟག་སྨྱོན།

དམིགས་བསལ་སྐུ་ཚབ་རྒྱ་རི་རིན་པོ་ཆེ་ངེས་པར་ཛ་དྲག་གིས་བརྗེ་བོ་བརྒྱག་དགོས་ཀྱི་འདུག ང་ཚོར་སྐུ་ཚབ་བོད་གྱི་ལོ་རྒྱུས་ལ་ཡིད་ཆེས་གཏིང་ཟབ་ཡོད་པ་དང་། ༧གོང་ས་མཆོག་གིས་དབུ་ཁྲིད་པའི་ཆོལ་གསུམ་བོད་མིའི་འཐབ་རྩོད་འདི་ལོ་རྒྱུས་དང་ཁྲིམས་ཐོག་ནས་དྲང་བདེན་ཡིན་པ་གསལ་བོ་ཧ་གོ་མཁན་ཞིག་ཡིན་དགོས་པ་མ་ཟད། མནར་གཅོད་མྱོང་བཞིན་པའི་བོད་མི་ས་ཡ་དྲུག་ལ་སླད་མེད་སེམས་གཏིང་ནས་གདུང་སེམས་མཉམ་བསྐྱེད་ཡོད་མཁན་གྱི་སྐུ་ཚབ་གཅིག་ཁ་ཚ་དགོས་གཏུགས་ཆགས་འདུག

རྒྱུ་མཚན་དང་པོ། རྒྱ་རིའི་ལངས་ཕྱོགས་བོད་ཀྱི་ལོ་རྒྱུས་དང་ཁ་གཏད་ཆགས་འདུག དེ་ཡང་རྒྱ་རི་བླ་མས ཉེ་ཆར་ “འགའ་རེ་ཡིས་རང་བཙན་བཤད་མཁན་ལ་ཞེད་ཀྱིན་འདུག་ཟེར་མཁན་ཡོད་མོད། དེ་བདེན་པ་མ་རེད། ངེད་གཉིས་རྒྱ་གཞུང་དང་གདོང་ཐུག་སྐབས་ཀྱང་། བོད་མི་ཚང་མས་སེམས་ནང་ཡོད་པ་རང་བཙན་འདོད་ཀྱིན་ཡོད་པ་རེད་ཅེས་བཤད་པ་ཡིན། རྒྱ་ནག་གིས་བཤད་པ་ལྟར། མཚམས་རེར་བོད་རང་བཙན་གྱི་དར་ཆ་འཁྱེར་ཏེ་བོད་རིགས་གཅིག་གྱུར་གྱི་ནུས་པར་ག་རེ་བྱས་ཡོང་ངམ་སྙམ་པའི་ཐེ་ཚོམ་ཡོང་གིན་འདུག རང་བཙན་བཤད་མཁན་ཚོས་བོད་རིགས་ཡོངས་རྫོགས་ཀྱི་རང་བཙན་བཤད་ཀྱིན་ཡོད་རྒྱུ་རེད། ལོ་རྒྱུས་དང་རྒྱལ་རབས་ཐོག་ནས་རང་བཙན་ཇི་ལྟར་རྩོད་རྒྱུ་ཡིན། དེ་དག་ལ་དགོངས་པ་བཞེས་དགོས།” ཞེས་པའི་རྒྱ་རིའི་སྐད་ཆ་འདིས་རྒྱལ་རབས་ལོ་རྒྱུས་ཀྱི་ཐོག་ནས་དྲང་པོ་བཤད་ན་བོད་དོན་འཐབ་རྩོད་འདི་ལ་བདེན་པ་ཡོད་པ་མ་རེད་ཟེར་གྱི་ཡོད་པ་རེད་དྲན་གི་ཡོད།

དེ་ལས་མང་བ་། “རྒྱ་རི་བླ་མ་བརྗེ་དགོས།” »

སྟག་སྨྱོན།

བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་གལ་ཆེན་དེའི་སྐོར་ལ་ཅང་མི་བཤད་དྲན་སོང་། འོན་ཀྱང་ཉི་རེ་བཞིན་བརྗོད་གཞི་འདི་ཡང་ཡང་སེམས་ལ་འཁོར་ཡོང་གི་འདུག་པས་ཕྲན་བུ་ཞིག་མི་འབྲི་ཐབས་མེད་རེད་སོང། དེ་ཡང་ཉེ་དུས་གྲོས་ཚོགས་ཐོག་བཀའ་ཁྲིས་བསམ་འཆར་ཡིག་ཆ་དེ་༧རྒྱལ་བ་རིན་པོ་ཆེའི་དགོངས་པ་ཡིན་ལུགས་ཁུངས་བསྐྱེལ་ཏན་ཏན་བྱས་ཟིན་ནའང། སྐབས་དེའི་བཀའ་ཁྲི་མཆོག་དང་དམིགས་བསལ་སྐུ་ཚབ་རྒྱ་རིའི་གསུངས་བཤད་དེས་འགྲེལ་བཤད་གཞན་པ་ཞིག་ཞོར་ལ་བརྒྱབ་ཡོང་གི་འདུག འོག་ཏུ་ཁོང་གཉིས་ཀྱི་བཀའ་མོལ་ལ་ཟུར་མཆན་ཉུང་ཉུང་རེ་བཀོད་ཡོད།

དེ་ལས་མང་བ་། “༧རྒྱལ་བ་རིན་པོ་ཆེའི་ཕྱག་ཁྱེར།” »

ཁང་གསར་རྡོ་རྗེ།

དད་གུས་ཀྱི་དབང་གིས་ཡིན་ནམ་ཡང་ན་བསམ་བློ་ལ་རང་དབང་མེད་པས་ཡིན། རྣམ་པ་གཅིག་ཏུ་ན་འདི་གཉིས་ཐ་དད་ཡིན་སྲིད་ལ་གཞན་དུ་ན་བབས་ས་གཅིག་མཚུངས་ཀྱང་ཡིན་སྲིད།

བསྟན་འཛིན་ཕན་བདེའི་༧རྒྱལ་བ་རིན་པོ་ཆེའི་བཞུགས་ཁྲི་ཞེས་པའི་རྩོམ་ཐུང་དེ་ཡང་མཐར་གཏུགས་ནས་བཤད་ན་དད་གུས་ཀྱི་ལྟ་སྟངས་འོག་ནས་བལྟས་པའི་མཐོང་ཚུལ་ཞིག་རེད་ལ། ངས་བྲིས་པ་ཁག་ཅིག་ཀྱང་ལྟ་སྟངས་དེ་རང་གི་འོག་ནས་བྲིས་ཡོད།  ལྟ་སྟངས་དེའི་འོག་ནས་སོང་ན། རྔ་མོང་ཆེ་ན་ལྕི་བ་ཡང་ཆེ་དགོས་པའི་ལོག་རྟོག་བཟུང་སྟེ། མི་ཆེན་གྱིས་བཤད་ཚད་ལ་མཐོང་ཆེན་དང་མི་ཆུང་གི་སྐད་ཆ་ཚང་མ་ཆོ་མེད་དུ་བརྩི་རྐྱང་བྱེད་ངེས་པ་ནི་བཤད་མི་དགོས་པ་ཞིག་རེད། འོན་ཀྱང་གང་ཟག་ལ་མ་རྟོན་ཆོས་ལ་རྟོན་ཞེས་པའི་ལྟ་སྟངས་དེའི་དབང་དུ་བྱས་ན། བསམ་ཚུལ་ཚང་མར་བསམ་ཚུལ་ཡིན་མཉམ་གྱི་ལྟ་སྟངས་ཤིག་གི་ཐོག་ནས་རིན་ཐང་འཇོག་དགོས་པ་རེད་མ་གཏོགས། བཤད་མཁན་སུ་ཡིན་མིན་གྱི་ཐད་ནས་རིན་ཐང་འཇོག་མི་རུང་བ་རེད། ད་ནི་དོན་ཚན་ལ་དབབ་སྟེ་བཤད་པར་བྱ།

༡༽ ངའི་སྐད་ཆ་དེ་ཚོ་སུ་ལ་དམིགས་པ་དང་གང་ལ་གཟས་ཏེ་བཤད་མིན་ཐད། སྐུ་ཉིད་ཀྱིས་མཚོན་པའི་ཀློག་པ་པོ་སུས་གོ་བ་ག་རེ་བླངས་ནའང་ངས་དེ་འགྲིགས་མི་འདུག་ཅེས་བཤད་ཀི་མིན། གང་ཡིན་ཟེར་ན། ངས་བཤད་པའི་ང་ཚོའི་སྤྱི་ཚོགས་ཀྱི་མི་མངོན་པའི་སྒྲོམ་གཞི་དེ་གཞི་རྒྱ་ཆེན་པོ་ཞིག་ཡིན་པ་ལས་ཆུང་ཆུང་མ་རེད། དེའི་དབང་གིས་མི་འབུམ་གཅིག་ལྷག་གི་ནང་ལ་བཤད་པའི་སྐད་ཆ་དེ་སུའི་གནོངས་ལའང་ཕོག་ཆོག་པ་ལ་གནོངས་ཅན་ཞིག་གིས་ངོས་བླངས་ན་དེར་ཟད་ཀྱི་ངས་མཛུབ་བཙུགས་བྱས་པ་མིན།

དེ་ལས་མང་བ་། “༧རྒྱལ་བ་རིན་པོ་ཆེའི་སྲུང་མ།” »

སྒོམ་སྡེ་ལྷ་རམས་པ།
རང་རིགས་འགའ་རེས་བོད་ཀྱི་ཐ་སྙད་འདི་དང་འདི་ཞེས་བྱ་བ་ལེགས་སྦྱར་ཟུར་ཆག་པ་རེད་ཅེས་བརྗོད་ན་སྤམ་འཆོར་བ་དང་ངོ་ཚ་དགོས་པ་ལྟ་བུའི་གནས་སུ་བརྩི་མཁན་ཡང་འདུག་མོད། དེ་ནི་ཤིན་ཏུ་ནོར་བ་སྟེ། སྐད་ཡིག་གང་ཞིག་ལེགས་སྦྱར་ཟུར་ཆག་པ་ཡིན་ན། སྤོབས་པ་བྱ་འོས་པ་ཞིག་དང་། སྐད་ཡིག་དེ་ཁུངས་ལྡན་ཞིག་ཡིན་པ་མཚོན་ཐུབ། མཁས་དབང་དགེ་འདུན་ཆོས་འཕེལ་དང་། དེང་དུས་ཀྱི་སྐད་ཡིག་ཞིབ་འཇུག་པ་ཚོས་འཛམ་གླིང་གི་སྐད་ཡིག་ཕལ་མོ་ཆེའི་འབྱུང་ཁུངས་དང་མ་ཕྱི་ནི་ལེགས་སྦྱར་ཡིན་པར་བཤད་ཡོད།
ཁྱད་པར་དུ་བོད་ཡིག་ནི་རྒྱ་གར་གྱི་ཡི་གེར་གཞི་བྱས་ཏེ་བཟོས་པས་དེ་བས་ཀྱང་འབྲེལ་བ་ཆེ། བོད་ཀྱི་གཙུག་ལག་གི་ཐ་སྙད་ཕལ་མོ་ཆེ་ནི་རྒྱ་གར་གྱི་ཐ་སྙད་ལས་ཚུར་བླངས་པ་ཤ་སྟག་ཡིན་པས། རང་རེའི་སྐད་ཡིག་ལ་ཇི་ཙམ་བསམ་ཡང་སྤོབས་པ་བྱ་འོས་པ་ཞིག་དང་། རྒྱ་མིའི་སྐད་ཡིག་དང་རིག་གཞུང་གང་དང་ཡང་འབྲེལ་བ་མེད་ཅིང་བོད་འདི་རང་དབང་རང་བཙན་ཚང་མའི་རྒྱལ་ཁབ་ཅིག་ཅིས་ཀྱང་རེད་འདུག་སྙམ་པའི་ངེས་ཤེས་དང་། དཔང་རྟགས་ཀྱང་ཇེ་གསལ་ཇེ་གསལ་དུ་འགྲོ། དུས་ཕྱིས་བོད་སྐད་ནང་པད་ཚལ་དང་། ཇིན་ཚལ། ལ་ཕུག་སོགས་རྒྱའི་སྐད་ཐར་ཐོར་འབྱུང་ཞིང་། ནག་རྩིས་ནང་ཐར་ཐོར་དང་།

དེ་ལས་མང་བ་། “༼ལེགས་སྦྱར་ཟུར་ཆག་པའི་བོད་སྐད༽” »

གཞོན་ནུ་ཟླ་མེད

ངས་བསམ་ཚུལ་ཆུང་ཆུང་ཞིག་བཀའ་ཁྲིའི་འོས་གཞི་སྐོར་ལ་ཞུ་ན་འེ་ཆོག ཆོག་ན་དེ་རིང་ད་ང་ར་བཟི་མེད་ངས་ཅུང་ཟད་བཤད་ཀྱི་ཡིན། སྔར་ནས་ད་ལྟའི་བར་དུ་ང་ཚོ་བོད་གཞུང་གི་དཔོན་པོ་ཚོ་སངས་རྒྱས་བྱང་ཆུབ་སེམས་དཔའི་སྤྲུལ་བ་དང་། དེ་ནས་མཁས་པ་བླ་མ་དམ་པ། དེ་བཞིན་དུ་མཁས་པ་རྐྱང་རྐྱང་གིས་བཟུང་ནས་ད་བོད་པ་ཚང་ཟེར་ནོ་ཐིག་ལེ་ན་ད་ལ་ཐིམ་འགྲོ་གི་ཡོད་པ་འདི་རེད། མཁས་པ་མ་བཞག་ནས་བོད་དོན་མ་འཁྱོངས་པ་མ་རེད། བླ་མ་སངས་རྒྱས་བྱང་ཆུབ་སེམས་དཔའ་མ་བཞག་ནས་ཡང་མ་རེད། འོ་ན་གང་རེད་ཟེར་ན། ད་ལྟའི་བར་དུ་ཤེས་ཡོན་མེད་པ་ཡི་གེ་ན་གཅིག་ཀྱང་མི་ཤེས་པ་ཞིག་མ་བཞག་པའི་རྐྱེན་གྱིས་རེད། ཤེས་ཡོན་མེད་པ་འཇོག་དགོས་ཟེར་བ་འདི་དགོད་བྲོ་བ་ཞིག་ཡིན་སྲིད་མོད། འོན་ཀྱང་ཤེས་ཡོན་ཟེར་བ་དེ་ལ་བསམ་བློ་ནང་ན་བཀག་རྒྱ་མང་སོང་ནས་སྲིད་དོན་འཆོལ་འགྲོ་གི་ཡོད་པ་རེད། དཔེར་ན་ཆོས་ལུགས་ཀྱི་ཤེས་ཡོན་ཅན་ཞིག་བཞག་ན།

དེ་ལས་མང་བ་། “བཀའ་བློན་ཁྲི་པར་ཤེས་ཡོན་རྩ་ནས་མེད་མཁན་ཞིག་འདེམས་དགོས།” »