2009།11།10། མཚན་མོར།
སྤྲ་དང་སྤྲེ་འུའི་འཚང་ཁ་ཆེ་བ་ཡི༎
དྷ་སའི་ནགས་ཀླུང་རེ་ཞིག་གྱེས་མཇལ་བྱས༎
མོ་ཊའི་ནང་ནས་པ་ཊམ་ཀོ་ཊའི་བརྒྱུད༎
ཨེ་སི་མེ་འཁོར་འགྲིམས་ནས་ལྡི་ལིར་འབྱོར༎
དོན་གཅོད་ཁང་ནས་མཐོང་ཁྱེང་ལག་འཁྱེར་འབྱོར༎
གོ་སྒྲིག་པ་ལས་གནམ་གྲུའི་པ་སེ་བླངས༎
ནམ་ཕྱེད་རྒྱལ་བའི་དཀྱིལ་འཁོར་ཏག་ཏག་ལ༎
བསམ་ཡས་གླིང་ནས་ལྡི་ལི་གནམ་ཐང་འགྲིམས༎
བོད། ལྷ་ཀླུ་གཉན་གསུམ་ནས།
སེམས་འདི་ནི་དར་ཐག་ཞིག་ཡིན་པའི་དབང་དུ་བཏང་བ་ཡིན་ན། དར་ཐག་འདི་འཐག་མཁན་གྱི་འགྲོ་བ་མིའི་རིགས་ཀྱི་རང་གི་ཆེད་དུ་དར་སྐུད་འདི་འཐག་བཞིན་ཡོད་པ་ཡིན་དུས། དར་སྐུད་འདི་ཉིད་གང་དུ་འཐེན་ཡོད་མེད་ཀྱི་ཐད་དུ་བསམ་གཞིགས་ནན་མོ་གཏོང་དགོས་མཁན་དེ་ཡང་འགྲོ་བ་མི་ཞིག་ཆགས་དགོས་པ་ཡིན་དུས། དོན་དངོས་སུ་འགྲོ་བ་མིའི་སེམས་པ་འདི་དར་སྐུད་ཅིག་གི་སྣེ་རུ་འདར་བཞིན་པའི་མཛེས་སྡུག་གི་བཟོས་པའི་དར་སྐུད་བཟོས་པའི་དངོས་པོ་ཞིག་ལས་གང་ཡང་མེད་པར་བརྩི་དགོས་པ་ཡིན་ནམ་ཅི་ལགས།
སྨྱུག་རྒོད་གངས་བུ་དཔལ།
____________________________
༡ མདང་ནུབ་ངས་གློག་ཀླད་ཁ་ཕྱེ་བའི་དུས།
ལྷིང་འཇགས་ཀྱི་འཇིག་རྟེན་དཀྲོག་པར་མི་འདོད་ཅིང་།
ཚིག་ངན་གྱིས་རྣ་བ་དཀྲུག་པར་མི་འདོད།
འོད་སྣང་གིས་ངའི་མིག་གོང་ཧྲིལ་པོར་འགེབས།
དབུགས་རྔུབ་ཀྱི་རྒྱུ་བའི་སྒྲ་ཙམ་རྣ་བས་ཚོར།
དྲ་འདྲེན་གྱི་ལྒེ་ཁུང་ནང་འཚོལ་ཞིབ་ཀྱི ་དྲ་བྱང་བླུག།
“ང་སུ་རེད་དམ”་འདི་ངས་འཚོལ་དགོས་པ་ཡིན།
(བསེ་རུ།)
དྲ་གྲོགས་ཚོ།
ང་ཚོས་འགུལ་སྐྱོད་བྱེད་དགོས། ཡར་ལངས་དགོས། ད་དུང་འགྲོ་དགོས། བསམ་བཞིན་དུ་ཡིག་ནོར་འདོར་གྱིན་འགྲོ་དགོས། བག་འཁུམ་མི་ཉན། འགྲོ་དགོས། སྐད་ཡིག་གི་ཚེ་སྲོག་གི་སླད་དུ། མི་རིགས་ཀྱི་བདེན་དོན་ཞིག་གི་ཆེད་དུ། ཇི་སྲིད་འདོད་དོན་མ་འགྲུབ་པ་དེ་སྲིད་དུ་འགྲོ་དགོས།
སྙིང་སྟོབས་དང་། སེམས་ཤུགས། ལྷག་བསམ། དཔྱོད་ཤེས་སོགས་ཡོད་པའི་ཐོག་ནས་འགྲོ་དགོས།།
དེ་ལས་མང་བ་། “དྲ་གྲོགས་ཚོ། ཁོ་བོར་གཤེ་ཡང་རུང་། སྨད་ཀྱང་ཆོག” »
གཅན་བཟོད་རྒྱམ།
ཚོགས་ཆེན་ཞལ་ངོ་ལ་ཕུལ་བའི་ཀ་རྩོམ།
ཀ་མ་ལ་ལྟར་དཀར་བའི་བློ་ལྡན་ཅིང་།།
ཁ་ནས་ལེགས་བཤད་སྨྲ་བའི་སྐྱེ་བོའི་ཚོགས།།
ག་ན་གནས་ཀྱང་ཐ་སྙད་པ་ཡིན་ཏེ།།
ང་ཅག་ཙམ་མིན་མཁས་པ་སྤྱི་ཡིན་ནོ།།
ཅ་ཅོ་འུར་ཟིང་མཐོ་བ་བདེན་མོད་ཀྱང་།།
ཆ་ཤས་ཕལ་ཆེར་དོན་ལྡན་ཆོས་གཏམ་ཡིན།།
ཇ་བཟང་འཐུང་བཞིན་རྒྱ་བོད་ཧོར་སོགས་ཀྱི།།
ཉ་ཉོག་སྐད་ཆ་བཤད་དང་འདི་མི་འདྲ།།
དེ་ལས་མང་བ་། “མཁས་དབང་དགེ་འདུན་ཆོས་འཕེལ་གྱི་རྩོམ་ཡིག་གསར་པ་ཞིག” »
གཅན་བཟོད་རྒྱམ། ———– སྙིང་ཉེ་བའི་དྲ་གྲོགས་ཚོ། དེ་རིང་ང་ཚོས་གནའ་བོའི་ཐ་སྙད་ཅིག་གི་སྐོར་ལ་བགྲོ་གླེང་ཞིག་བྱེད། ཐ་སྙད་དེ་ནི་”ཟ་འོག”ཟེར་བའི་གོས་ཀྱི་རིགས་དེ་རེད། ཟ་འོག་ནི་སྲིན་བལ་དང་ཟངས་སྐུད་བསྲེས་ནས་བཏགས་པའི་ཐགས་དངོས་ཀྱི་རིགས་ཤིག་སྟེ། རྒྱ་སེ་ཟ་འོག་ཀྱང་ཟེར། གནའ་རབས་བོད་བཙན་པོའི་སྐབས་སུ་རྒྱ་བོད་ཀྱི་རྒྱལ་བློན་རིམ་པ་མཐོ་གྲས་ཀྱི་ཟ་འོག་གི་བེར་བཟོས་ཏེ་གྱོན་སྲོལ་ཡོད་པ་ལོ་རྒྱུས་ཡིག་རྙིང་དག་དང་ཏུན་ཧོང་བྲག་ཕུག་གི་ལྡེབས་རིས་ནའང་མཇལ་རྒྱུ་ཡོད་སྐད། ཐ་སྙད་འདི་ནི་དུས་རབས་བདུན་པ་ནས་དགུ་བར་བྲིས་པའི་ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་མ་ཡིག་ཨང་ 73 RMF12:1 ལས། ” ཟ་འོག་གི་སླག་པ་གཅིག༌།” (བོད་ཀྱི་གནའ་རབས་ཡིག་ཆ་གཅེས་བསྡུས།…
གཅན་བཟོད་རྒྱམ། ———– སྙིང་ཉེ་བའི་དྲ་གྲོགས་ཚོ། དེ་རིང་ང་ཚོས་གནའ་བོའི་ཐ་སྙད་ཅིག་གི་སྐོར་ལ་བགྲོ་གླེང་ཞིག་བྱེད། ཐ་སྙད་དེ་ནི་”ཟ་འོག”ཟེར་བའི་གོས་ཀྱི་རིགས་དེ་རེད། ཟ་འོག་ནི་སྲིན་བལ་དང་ཟངས་སྐུད་བསྲེས་ནས་བཏགས་པའི་ཐགས་དངོས་ཀྱི་རིགས་ཤིག་སྟེ། རྒྱ་སེ་ཟ་འོག་ཀྱང་ཟེར། གནའ་རབས་བོད་བཙན་པོའི་སྐབས་སུ་རྒྱ་བོད་ཀྱི་རྒྱལ་བློན་རིམ་པ་མཐོ་གྲས་ཀྱི་ཟ་འོག་གི་བེར་བཟོས་ཏེ་གྱོན་སྲོལ་ཡོད་པ་ལོ་རྒྱུས་ཡིག་རྙིང་དག་དང་ཏུན་ཧོང་བྲག་ཕུག་གི་ལྡེབས་རིས་ནའང་མཇལ་རྒྱུ་ཡོད་སྐད། ཐ་སྙད་འདི་ནི་དུས་རབས་བདུན་པ་ནས་དགུ་བར་བྲིས་པའི་ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་མ་ཡིག་ཨང་ 73 RMF12:1 ལས། ” ཟ་འོག་གི་སླག་པ་གཅིག༌།” (བོད་ཀྱི་གནའ་རབས་ཡིག་ཆ་གཅེས་བསྡུས།…
རྡོ་སྦིས་བློ་བཟང་ཡོན་ཏན་གྱིས་།་
—————
མཁས་དབང་དགེ་འདུན་ཆོས་འཕེལ་གྱིས་གསར་འགྱུར་མེ་ལོང་སྟེང་བཀོད་པའི་འཇིག་རྟེན་རིལ་མོའམ་ཟླུམ་པོ་ཟེར་བའི་རྩོམ་ཐུང་འདི་ནི་བོད་ཀྱི་གཞོན་སྐྱེས་གཡམ་ལ་རྒྱུགས་པ་དག་གི་ཁྲོད་དུ་སྙན་གྲགས་ཆེ་ཞིང་།་དགེ་ཆོས་དང་ཚན་རིག་གི་སྐོར་གླེང་སྐབས་ཁོ་ཚོས་གཟི་བརྗིད་ཆེན་པོས་རྩོམ་འདི་དྲངས་ཏེ།་དགེ་ཆོས་ནི་སྔོན་གྱི་མཁས་བ་རྣམས་དང་མི་འདྲ་བར་མིག་རྒྱ་རིང་པོ་དང་།་ཚན་རིག་ལ་མཁས་བ་ཡིན་པ་སོགས་སྒྲུབ་བཞིན་འདུག་ཅིང་།་ཕྱི་རྒྱལ་གྱི་མཁས་བ་འགའ་ཤས་ཀྱིས་ཀྱང་རི་བོང་ཅལ་གྱི་རྗེས་སུ་འབྲངས་ཏེ།་དགེ་ཆོས་མ་བྱུང་བའི་སྔོན་དུ་བོད་མི་རྣམས་ཀྱིས་སའི་གོ་ལ་ལེབ་ལེབ་ཡིན་པར་འདོད་ཅེས་བོད་མི་རྣམས་ལ་འཕྱ་སྨོད་གཏོང་བྱེད་ཤིག་ཏུ་གྱུར་ཡོད་པ་རེད།་དེ་བཞིན་ཉེ་ལམ་ཕྲན་གྱིས་ཕྱི་རྒྱལ་དུ་ཡོད་པའི་བོད་ཀྱི་དྲ་རྒྱ་ཁ་བརྡ་ཟེར་བ་ཞིག་གི་སྟེང་དུ་དགེ་ཆོས་དང་འབྲེལ་བའི་འཆན་འགའ་ཤས་བཏབ་པ་ལ་བོད་ཕྱི་ནང་གཉིས་སུ་གྲགས་འགུལ་མི་ཉུང་བ་ཤིག་བཟོས་ཡོད་པར་མངོན་ཞིང་།་་་སྤྱིར་དང་སྒེར་གྱིས་ལམ་ནས་ཕྲན་ལ་ཡི་གེ་མང་པོ་དང་།་་ངོ་་ཤེས་འགས་ཤས་ཀྱིས་ཁ་པར་སོགས་་བཏང་ཏེ་།་བསྟོད་བསྔགས་དང་།་ཟུར་ཟ་།་།་མཐོང་ཆུང་སོགས་ཀྱི་སྐད་ཆ་མང་པོ་ཤིག་བཤད་སོང་།་སྤྱིར་བཏང་་ཨུ་ཚུགས་དང་ཕྲག་དོག་གིས་བཀང་བའི་མཁས་བར་བྱ་འདོད་པ་དེ་དག་ལ་།་ཇི་ལྟར་ངན་སྐྱུགས་ཁྲོན་པ་སུ་ཡིས་སློགས་ཞེས་གསུངས་ཡོད་པ་བཞིན་ལན་འདེབས་པ་དང་་རྗེས་སུ་མཇུག་པར་ཅི་ཡང་མི་སྤྲོ་མོད་།་ཡང་མང་ཤོས་ཤིག་གིས་ངེད་ཀྱིས་བཤད་པའི་གཏམ་དེ་རྣམས་བདེན་པ་ཨེ་ཡིན་སྙམ་པ་དང་།་ལྷག་པར་ཏུ་དགེ་ཆོས་ཀྱིས་བྲིས་བའི་ས་གོ་ལ་རིལ་མོའམ་ཟླུམ་པོ་ཟེར་བའི་རྩོམ་ཐུང་དེ་བསྐུར་ཡོང་ནས་འདི་ཚན་རིག་གི་གཞུང་མ་ཡིན་ནམ་ཞེས་དྲི་བ་བཏོན་པ་དང་།་ཁ་ཅིག་གི་དགེ་ཆོས་ནི་བོད་དུ་སའི་གོ་ལ་རིལ་རིལ་ཞེས་བཤད་མཁན་དང་པོ་རེད་ཟེར་བ་དང་།་་ཁ་ཅིག་གིས་དགེ་ཆོས་ཀྱི་སྔོན་དུ་བོད་དུ་སའི་གོ་ལ་རིལ་རིལ་ཟེར་ཡིན་མཁན་མེད་ཟེར་བ་དང་།་་ཁ་ཅིག་གིས་ཁྱེད་དངོས་གནས་དགེ་ཆོས་ལ་མི་དགའ་བ་ཞིག་རེད་ཅེས་དང་།་་ཡང་ཁ་ཅིག་གིས་ང་ཚོ་བོད་པ་རྣམས་ཀྱིས་ཀྱང་སྔོན་གྱི་ཡོ་རོབ་གླིང་གི་་ཡེ་ཤུའི་ཆོས་ཀྱི་བདག་པོ་ལྟར་དགེ་ཆོས་ཀྱི་ས་གོ་ལ་རིལ་རིལ་ཡིན་ཞེས་བཤད་པ་ལ་གསོན་བསྲེགས་མ་བཏང་ཡང་དོན་མེད་དུ་ཁྲིམས་ཆད་ཕོག་ཏེ་་ལོ་གསུམ་གྱི་བཙོན་ཏུ་སྡོད་དགོས་བྱུང་བ་རེད་སོགས་གཏམ་འདྲ་མིན་་བཤད་བཞིན་འདུག་པ་ཐོས་སོ་།་ཡང་དེ་བས་མི་བསམ་ཤེས་ཅན་འགའ་ཤས་ཀྱིས་ཕྲན་ལ་དགེ་ཆོས་ཀྱི་སའི་གོ་ལ་རིལ་རིལ་ཡིན་ཟེར་བའི་རྩོམ་འདི་ལ་དགོངས་ཚུལ་ཤིག་གསུངས་དང་ཞེས་བཤད་བྱུང་བས་།ཕྲན་གྱིས་མི་དེ་དག་གི་རེ་བ་སྐོང་བ་དང་རྣམ་དཔྱོད་ཅན་དག་ལ་ཕན་པ་རེ་་ཐོགས་ན་སྙམ་པའི་ཀུན་སློང་ཤིག་གིས་དགེ་ཆོས་ཀྱིས་བྲིས་བའི་རྩོམ་ཐུང་དེ་ལ་དཔྱད་གཏམ་འདི་བརྗོད་པར་བྱའོ་།་
དེ་ལས་མང་བ་། “དགེ་ཆོས་ཀྱི་མགོ་ལེབ་ལེབ་ཀྱི་སྟེང་ནས་སའི་གོ་ལ་རིལ་རིལ་ཇི་ལྟར་བྱུང་ཚུལ།” »
བོད། ལྷ་ཀླུ་གཉན་གསུམ་ནས།
རེ་བ་འདུག་གམ། འདི་འདྲའི་མི་རིགས་ཤིག་ལ།
ཕུགས་ན་སྲོལ་རྒྱུན་ཐག་ནག་སྲ་མོ་ཞིག།
གཞུག་ན་སྒྱིད་ལུག་ངན་པའི་གོམས་གཤིས་ཤིག།
བར་ན་ཕྲག་དོག་ཁྲག་གི་གླེན་རྟགས་ཤིག།
གཞོན་ནུ་ཟླ་མེད། དེ་རིང་བཅུ་བའི་ཉེར་ལྔ།། མདུན་ལ་མཆོད་མེ་སྦར་ནས།། གྲྭ་ས་རྒྱ་མཚོའི་ནང་ན།། ཡོད་པའི་མོས་པ་བྱེད་ཀྱི།། ལག་ལ་སྤོས་རྐང་སྦར་ནས།། དྲི་བསུང་ལྷ་ལ་ཕུལ་བཞིན།། དགའ་ལྡན་ཡིད་དགའ་ཆོས་འཛིན།། མདུན་ལ་མཇའ་ཚོན་ཤར་འདྲ།། རྗེ་བཙུན་བློ་བཟང་གྲགས་པ།། དགྱེས་འཛུམ་དགའ་བའི་འཛུམ་ཞལ།། བདག་གི་མིག་ཟུང་བཙུམས་ཡང་།། མདུན་ལ་ལམ་གྱིས་ཤར་གི། ཟིང་ཟིང་ཨ་རིའི་གྲོང་ན།། ཁྱོད་ཀྱི་འཕྲིན་ལས་དཀར་པོ།།…
གཅན་བཟོད་རྒྱམ།
_______ལྕགས་ཤོག་ཁང་ཆུང་ནང་ནས་རྗེའི་གདུང་མཆོད་འབུལ།
སྤྲ་ཚིལ་སྒྲོན་མེ་ཞིག་ཡིད་ཀྱིས་བཏེགས་ཏེ། གཙུག་ལག་ཁང་དུ་རྗེའི་གདུང་མཆོད་འབུལ་དུ་སོང་ཡང་། ཡབ་རྗེ་བླ་མ་དྲན་བཞིན་མིག་ནས་མཆུ་མ་འདོན་མཁན། ང་དང་ཕྱི་གླིང་མགོ་སེར་འགའ་ལས་མི་འདུག ངས་ཕྱི་གླིང་བ་ཚོ་དང་ལྷན་དུ་རྟེན་འབྲེལ་བསྟོད་པ་ཚར་གཅིག་འདོན་བསམ་ཡང་། མགོ་སེར་ཚོས་དབྱིན་སྐད་ཀྱིས་བཏོན་སོང་བས། ངས་རང་གི་བློ་ན་རྟེན་འབྲེལ་བསྟོད་པ་མེད་པ་གཞི་ནས་ཤེས།
དེ་ལས་མང་བ་། “ཡབ་རྗེ་ལགས། ངས་ས་མཐའ་ནས་ཁྱོད་ལ་སྤྲ་ཚིལ་སྒྲོན་མེ་འབུལ།” »
གཅན་བཟོད་རྒྱམ་པས།
————
དེ་རིང་ནི་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་ཞེས་ཡོངས་སུ་གྲགས་པའི་དགེ་ལུགས་པའི་མ་དགོན་ཆེན་པོ་འདི་ཉིད་ཕྱག་བཏབ་(༡༤༠༩)སྟེ་ལོ་མི་ཧྲིལ་བོ་༦༠༠་འཁོར་བ་དང་། ཡབ་རྗེ་བླ་མ་ཙོང་ཁ་པ་ཆེན་པོ་སྐུ་འཁྲུངས་(༡༣༥༧)ནས་མི་ལོ་ཧྲིལ་བོ་༦༥༣་ཙམ་དང་། ཁོང་སྐུ་འདས་(༡༤༡༩)ནས་མི་ལོ་ཧྲིལ་བོ་༥༨༩་སོང་བའི་དགོངས་རྫོགས་དུས་ཆེན་དང་སྟབས་བསྟུན། གུས་པས་འདིར་དགའ་ལྡན་དགོན་པའི་ལོ་རྒྱུས་སྙིང་བསྡུས་ཙམ་རྩོམ་སྒྲིག་གིས་བཀོད་པ་འདིས་ཀྱང་། རྒྱལ་བསྟན་དར་ཞིང་རྒྱས་ལ་ཡུན་དུ་གནས་པའི་རྒྱུ་ཕྲ་མོར་གྱུར་ཅིག་གུ།
དེ་ཡང་ཇི་སྐད་དུ། འཇམ་དཔལ་རྩ་རྒྱུད་ལས། དེ་ཚེ་དགོན་ཆེན་རབ་དགའ་བ། །ཁ་བ་ཅན་ན་ཡོད་པ་ཡིན། །ཞེས་དང༌། མདོ་སྡེ་གདམས་ངག་འབོགས་པའི་རྒྱལ་པོ་ལས། མ་འོངས་སྙིགས་མའི་དུས་སུ་ནི། །འབྲི་དང་ལྡན་པའི་ས་མཚམས་སུ། །དགེ་ཞེས་བྱ་པའི་དགོན་པ་འདེབས། །བློ་བཟང་ཞེས་པའི་མིང་ཅན་འབྱུང༌། །ཞེས་དང༌། ཡང༌། སློབ་དཔོན་པདྨའི་བཀའ་ཡིག་ལས། དགའ་ལྡན་ཞེས་བྱའི་དགོན་གནས་དམ་པ་རུ། །ཞེས་སོགས་མདོ་རྒྱུད་བསྟན་བཅོས་དུ་མ་ནས་ལན་གཅིག་མིན་པར་ཡང་ཡང་ལུང་གིས་བསྔགས་པའི་རི་བོ་དགེ་ལྡན་པའི་མ་དགོན་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་ཞེས་ཡོངས་སུ་གྲགས་པའི་ཆོས་ཀྱི་སྡེ་ཆེན་པོ་འདི་ཉིད་ནི། འཇམ་དབྱངས་མིའི་རྣམ་སྤྲུལ་གངས་ཅན་མཁས་པ་ཀུན་གྱི་གཙུག་རྒྱན་འཇམ་མགོན་རྒྱལ་བ་གཉིས་པ་ཤར་ཙོང་ཁ་པ་ཆེན་པོ་བློ་བཟང་གྲགས་པའི་དཔལ་༡༣༥༧ནས་༡༤༡༩ཞེས་མཚན་སྙན་གྱི་བ་དན་ཕྱོགས་བཅུར་གཡོ་བ་དེ་ཉིད་ཀྱིས་བོད་རབ་བྱུང་བདུན་པའི་ས་གླང་ཕྱི་ལོ་༡༤༠༩ལོར་ལྷ་ས་གྲོང་ཁྱེར་ནས་ཤར་ཕྱོགས་སུ་ལམ་ཐག་སྤྱི་ལེ༤༠ལྷག་གི་སར་དེང་གི་སྟག་རྩེ་རྫོང་ཁོངས་དབང་སྐུར་རིའི་ལྡེབ ས་བཙུན་མོ་སྡིངས་ཀྱི་མདུན་ངོས་འགོག་པ་རིའི་སྟེང་དུ་སྐྱེ་རྒུའི་བསོད་ནམས་ཀྱི་ཞང་ས་དམ་པར་ཕྱག་བཏབ། འཕགས་པ་མོ་འགལ་གྱི་བུས་གཏེར་དུ་སྦས་པའི་ཆོས་དུང་དཀར་པོ་དང་ཆོས་རྒྱལ་ཞལ་འབག་གཉིས་མི་མངོན་པའི་ཚུལ་གྱིས་གཏེར་ནས་བཞེས།
བེ་རི་རིག་རྡོར
———-
འཇམ་དཔལ་ངག་ལ་དབང་འབྱོར་མཁྱེན་པའི་བློ།།
བཟང་བོའི་འོད་དཀར་ཡེ་ཤེས་དྲ་བ་ཅན།།
བསྟན་འཛིན་རྒྱུ་སར་བྱེ་བའི་འདུན་ས་ཆེར།།
བསྟོད་སྨོན་རྒྱ་མཚོའི་རླབས་ཕྲེང་གདངས་སུ་འགུག།
མ་རྨད་ཚོགས་གཉིས་འོ་མཚོ་འཕྱུར་བའི་རྩེར།།
སྤངས་རྟོགས་བཅུ་དྲུག་ལང་ཚོའི་འཇོ་སྒེག་གིས།།
ནག་ཕྱོགས་མུན་པའི་གཡུལ་ལས་རྒྱལ་བྱེད་པའི།།
དགེ་མཚན་སྣང་བའི་རྩེ་དགའ་ཅི་ཡང་ངོམ།།
དེ་ལས་མང་བ་། “༄༅།། ཞི་བདེའི་བསྟོད་སྨོན་རང་བྱུང་རྒྱ་མཚོའི་གདངས་སྙན།” »
དགེ་མཐར།
______________
པྱི་ལོ་ ༡༩༦༠ ནང་རྒྱ་གར་ནང་བོད་མི་མང་སྤྱི་འཐུས་ལྷན་ཚོགས་བཟོས་པ་དང་། ཕྱི་ལོ་ ༡༩༦༡ ལོར་༧གོང་ས་མཆོག་ནས་མ་འོངས་བོད་ཀྱི་རྩ་་ཁྲིམས་ཟིན་བྲིས་དང་། ཕྱི་ལོ་ ༡༩༦༣ ལོར་མ་འོངས་བོད་ཀྱི་རྩ་ཁྲིམས་རྒྱ་གར་རྡ་རམ་ས་ལར་ངོ་སྤྲོད་གནང་བ་ནས་རིམ་པས་བཙན་བྱོལ་བོད་མི་མང་གི་དམངས་གཙོའི་ལམ་ལུགས་འགོ་ཚུགས། པྱི་ལོ་ ༡༩༩༡ ལོར་བཙན་བྱོལ་བོད་མིའི་བཅའ་འཁྲིམས་བཟོས་པ་དང་། ཕྱི་ལོ་ ༢༠༠༡ ལོར་མི་མང་ནས་ཐད་ཀར་བཀའ་བློན་ཁྲི་པ་གདམ། འདིའི་བར་བཀའ་བློན་རྣམས་༧གོང་ས་མཆོག་གི་མཚན་ཐོག་ནས་ཐད་བཀོད་གནང་གི་ཡོད་པ་དང་དུས་འདི་ནས་བཀའ་བློན་ཁྲི་པས་གདམས་གནང་གི་ཡོད།
དམངས་གཙོའམ་མང་གཙོ་ལག་བསྟར་གྱི་དཀའ་ངལ་ཆེ་ཤོས་དེ་བོད་གཞུང་དམངས་ནས་ནུབ་ཕྱོགས་ཀྱི་ཌེ་མོ་ཁེར་ཊིཀ དང་ ཌེ་མོ་ཁེ་རེ་སི་ ཟེར་བའི་ཚིག་གི་གོ་དོན་གསལ་རྟོགས་ཐུབ་པར་ཐུག་ཡོད་པ་ཡིན། ཌེ་མོ་ཁེར་ཊིཀ་གི་གོ་དོན་ནི་མི་དམངས་ཀྱི་སྲིད་གཞུང་ཟེར་བ་དང་དེ་ཡང་མི་དམངས་ཀྱིས་འཛིན་པའི་སྲིད་གཞུང་ལ་ཟེར། དེ་ཡང་ང་ཚོས་བེད་སྤྱོད་བྱེད་བཞིན་པའི་ཌེ་མོ་ཁེར་ཊིཀ་ཀྱི་བོད་བསྒྱུར་དམངས་གཙོ་དང་མང་གཙོ་ཟེར་བ་གཉིས་ཀའི་འགྲེལ་བཤད་ལྟར་མི་མང་བས་གང་བཤད་ཐོག་མི་ཉུང་བ་རྣམས་ཀྱང་འགྲོ་དགོས་ངེས་དེ་འདྲ་མ་ཡིན་པར་ཡུལ་མི་རེ་རེ་ནས་གཞུང་གི་ཆབ་སྲིད་ནང་ནུས་པ་སླེབས་ཐུབ་པ་དང་རང་རང་སོ་སོའི་མི་སྒེར་གྱི་རང་དབང་ཡང་ལོངས་སུ་སྤྱོད་ཐུབ་པ་ལ་ཟེར། དེང་དུས་ཀྱི་ཌེ་མོ་ཁེར་ཊིག་སྲིད་གཞུང་ཚོའི་ནང་གྲངས་ཉུང་མི་རིགས་དང་རྗེས་ལུས་མི་རིགས་རྣམས་ལ་དམིགས་བསལ་གྱི་ཐོབ་ཐང་ཁག་མང་པོ་ཞིག་ཡོད་པའི་རྒྱུ་མཚན་གཙོ་བོ་ཡང་གནད་དོན་དེར་ཐུག་བསྡད་ཡོད་བཟོ་མཐོང་།
སྤྱི་ཚོགས་ནང་མི་དམངས་སྲིད་གཞུང་དོན་ལྡན་ཞིག་ལག་བསྟར་ཐུབ་པའི་ཆ་སྐྱེན་གཙོ་བོ་ནི་མི་དམངས་ཀྱི་ཤེས་ཡོན་དང་དཔལ་འབྱོར་ཚད་ལྡན་ཞིག་དགོས་པར་ཐུག་གི་ཡོད་སྟབས་བོད་མིའི་སྤྱི་ཚོགས་ནང་སློབ་གྲའི་ཤེས་ཡོན་དང་ཆབ་སྲིད་དྲིལ་བསྒྲགས་ཙམ་མ་ཡིན་པར་མང་ཚོགས་ཀྱི་སྤྱིར་བཏང་ཤེས་ཡོང་གོང་མཐོར་གཏོང་ཐབས་དང་ཕུགས་རྒྱང་རིང་པོའི་འཚོ་གནས་དཔལ་འབྱོར་གྱི་གནས་སྟངས་སྲ་བརྟན་ཡོང་ཐབས་ཀྱི་སྲིད་བྱུས་ལ་ཤུགས་སྣོན་དགོས་གལ་ཆེ།
དེ་ལས་མང་བ་། “བཙན་བོད་མིའི་སྲིད་གཞུང་ནང་དམངས་གཙོ་ལག་བསྟར་གྱི་དཀའ་ངལ།” »
བོད། ལྷ་ཀླུ་གཉན་གསུམ་ནས།
__________________________
ངས་ནམ་རྒྱུན་འདི་ལྟར་ དྲན་གི ༧རྒྱལ་བ་རིན་པོ་ཆེ་མེད་དུ་མི་རུང་བ་དེ་ཡང་བོད་མི་རིགས་ཡིན་ལ། ༧རྒྱལ་བ་རིན་པོ་ཆེ་ལ་དད་པ་དག་སྣང་ཡོད་མཁན་དེ་ཡང་བོད་མི་རིགས་ཡིན་ཟེར་ནས་ དུས་ཀུན་དུ་བོད་མི་དག་གིས་གླེང་བཞིན་ཡོད་པ་རེད། དེ་ཡིན་དུས། ༧རྒྱལ་བ་རིན་པོ་བོད་དུ་གདན་འདྲེན་བྱེད་ཐུབ་མཁན་དེ་ཡང་བོད་མི་ཡིན་ཟེར་ན་ འགྲིག
ང་ཚོས་དེ་རིང་གི་ཉིན་ མོ་འདི་ནི་༧རྒྱལ་བ་ཡིད་བཞིན་ནོར་བུ་མཆོག་གི་་འཛམ་གླིང་ན་མིང་དུ་གྲགས་པའི་ ནོ་སྦེལ་ཞི་བདེའི་གཟེངས་རྟགས་བཞེས་དེ་མི་ལོ་ཉི་ཤུ་ཏག་ཏག་འཁོར་བར་རྟེན་ འབྲེལ་དང་ཤིས་ཚིག་འབྲི་བའི་ཉིན་མོ་དང་། ཆེས་དགའ་སྟོན་རྟེན་འབྲེལ་དུ་རློམ་བཞིན་པའི་ཉིན་མོ་ཞིག་ཀྱང་ཆགས་ཡོད་དུས། འུ་ཅག་བོད་པ་དག་གིས་དེ་ཉིད་ལ་གཙུག་ཆེན་བྱེད་པ་ནི་༧རྒྱལ་བ་རིན་པོ་ཆེ་མཆོག་ གི་སྐུ་ཚེ་ནང་དུ་རླབས་ཆེན་གྱི་མཛད་པ་འཕྲིན་ལས་ལ་མོས་པ་དང་དག་སྣང་། ཡིད་ཆེས་ཡོད་པར་གླེང་བཞིན་པ་དེ་ཡིན།
དེ་ལས་མང་བ་། “སུས་༧རྒྱལ་བ་རིན་པོ་ཆེ་བོད་དུ་གདན་འདྲེན་བྱེད་ཐུབ་ངེས།” »
གཅན་བཟོད་རྒྱམ་པས་གུས་པས་ཕུལ།
—————————-
༡༽སྐུ་འཁྲུངས་པ།
འཛམ་གླིང་ཤར་ནུབ་དམག་འཁྲུག་བཙན་པོས་སེམས་ལྡན་དུཿ་ཁའི་ཀློང་དུ་ལྷུང་།།
བོད་དང་ཙི་ནའི་ལས་དབང་བཙན་པོས་གཅིག་ཁ་གཅིག་གིས་གནོན་པའི་དུས།།
ཨ་ཀ་མ་ཡི་ཡུལ་ཆེན་དེ་ནས་ཨ་མ་ཆེན་མོའི་སྲས་སུ་འཁྲུངས།།
ངོ་མཚར་རྟགས་དང་རྟེན་འབྲེལ་ཞིག་གིས་སྒང་བ་བོད་ཀྱི་མིག་ཏུ་གྱུར།།
༢༽ཁྲི་འདོན་གནང་བ།
པོ་ཏཱ་ལ་ཡི་སྒེའུ་ཁུང་རེ་ལ་ཁྱོད་ཀྱི་བྱིས་དུས་རྐང་རྗེས་རེ།།
བྱིས་པའི་མིག་ཟུང་ཕྱི་རོལ་ཡུལ་ན་རྩེད་འཇོར་གཡེང་བའི་བྱིས་པར་ཤོར།།
བྱིས་དུས་རྩེད་འཇོ་བྱིས་པར་མ་དབང་ཆེན་པོ་རྣམས་ཀྱིས་སྒམ་ཚིག་བསླབས།།
ཡབ་རྗེའི་གསེར་གྱི་ཁྲི་འཕང་མཐོན་པོར་བྱིས་ཁྱོད་མེས་པོ་སྲོང་བཙན་ཡིན།།
རྔ་བ་རྒྱལ་ཁམས་པ། ཨ་རི།
———-
རིས་མེད་འགྲོ་བའི་སྐྱབས་མགོན།། གངས་ཅན་བོད་ཀྱི་ལྷ་སྐལ།།
འཕགས་མཆོག་སྙིང་རྗེའི་དབང་ཕྱུག། རྒྱལ་བ་བསྟན་འཛིན་རྒྱ་མཚོ།།
ཁྱེད་སྐུ་ཉི་མ་གཞོན་ནུ།། གངས་ལྗོངས་སྨད་ནས་ཤར་ཀྱང་།།
མཛད་འཕྲིན་འོད་ཀྱི་སྣང་བ།། འཛམ་གླིང་སྤྱི་ལ་ཤར་སོང་།།
ང་རང་ལོ་ན་ཆུང་དུས།། ཁྱེད་ཉིད་དག་ཞིང་ཞིག་ལས།།
འཛམ་གླིང་ས་ཐོག་འདི་ན།། ཡོད་སྣང་ཡིད་ལ་མ་ཤར།།
ཨ་ཁུའི་མཆོད་ཁྲིའི་སྒང་གི། སྣང་བརྙན་མཐོང་བ་དོན་ལྡན།།
མིག་གིས་མཇལ་ཐེངས་རེ་རེར།། རེ་སྨོན་སྐྱབས་འཇུག་ཞུས་ཡོད།།
རྔ་བ་རྒྱལ་ཁམས་པ། ཨ་རི།
༼འདིར་རྔ་བ་རྒྱལ་ཁམས་པས་བསྐུར་གནང་བའི་རྩོམ་རིང་བཀོད་པ་ཡིན་ལ། ཡིག་གཟུགས་བརྗེ་བསྒྱུར་གྱི་སྐབས་སུ་ མིང་གཞི་ པ་དང་བ་ཅན་གྱི་འདོགས་ཅན་དང་མགོ་ཅན་རིགས་ གློག་ཀླད་ཀྱི་འགྱུར་རིམ་ནང་། ཐལ་ཆ་ཤོར་རིགས་ཡོད་སྲིད་པས། དེ་དོན་དགོངས་འཇགས་ཡོང་བ་ཞུ། དགེ་རབ་ཀྱིས་༽
ཨ་རེ་སི་ཁྲོ་ཁྲལ་དང་ཚན་རིག་གི་བསམ་བློ།
ཆེད་བརྗོད།
མཚན་ཉིད་རིག་པའི་གཞུང་ལུགས་མེད་ན། ཚན་རིག་གི་གྲུབ་དོན་འབྱུང་མི་སྲིད་ལ། ཚན་རིག་གི་གྲུབ་དོན་མེད་ན། ཡར་ཐོན་གྱི་རྣམ་པ་ཞེས་པ་ནི་དེ་ལས་ཀྱང་ཡོང་མ་ཤེས་པ་ཞིག་ཡིན། རིག་གསར་དང་རིག་རྙིང་གང་ཞིག་ཡིན་རུང་དང་བོའི་སྲོལ་རྒྱུན་གྱི་རིག་པའི་རྐུད་པ་ཕྲ་མོ་ཞིག་ལ། སྤྱི་ཚོགས་གསར་རྙིང་དང་དུས་རབས་གསར་རྙིང་མང་བོ་ཞིག་གི་ཚེ་སྲོག་བརྒྱུད། རྙིགས་འདོར་བཅུད་ལེན་གྱིས་ད་གཟོད་ཡར་བསྐྱེད་ཀྱི་ངོ་བོར་སོང་བ་ཞིག་ལས། ཐོག་མ་ཉིད་ནས་འབད་མེད་ལྷུན་གྲུབ་ཀྱི་ངོ་བོར་གནས་པའི་རིག་གཞུང་ཞིག་ག་ལ་ཡོད། གནའ་བོའི་རྒྱ་གར་གྱི་སྲོལ་རྒྱུན་ལས་རླབས་ཆེན་གྱི་སངས་རྒྱས་ཆོས་ལུགས་དང༌། ཡ་ཧི་ད་བའི་གནའ་རིག་ལས་ཡུ་ཤི་དང༌། ཁ་ཆེ་སོགས་ཀྱི་ལྟ་གྲུབ་རིགས་བྱུང་བ་ཡིན། དེ་བཞིན་རིག་གསར་ཐད་ལའང༌། གནའ་བོའི་འཇིག་རྟེན་ལྟ་ཚུལ་གསར་རྙིང་ལས། དགའ་ལི་ལེའོའི་འཇིག་རྟེན་ལྟ་ཚུལ་དང༌། དེ་ལས་ནོས་ཁྲོན་གྱི་འཐེན་ཤུགས། དེ་ལས་ཨ་ཡེན་སི་གྲན་གྱི་ལྟོས་བཏགས་རིག་པ་སོགས་བྱུང་བ་ཡིན། དེང་སང་མི་མང་བོ་ཞིག་གིས་རིག་པའི་གཞུང་ལུགས་ཀྱི་སྐྱེ་འཕེལ་དང༌། རིམ་འབྱུང་རང་བཞིན་ལ་ཐུགས་མཉམ་མ་བཞག་པའམ། བཞག་རུང་དོན་གནད་བློས་མ་འཆུན་པ་ལྟ་བུས། རིག་གསར་ཡན་གར་བ་ཞིག་ཡོད་པར་འདོད་པ་ནི། རིག་པ་གསར་རྙིང་བར་གྱི་རྟེན་འབྲེལ་མ་རྟོགས་པས་ལན་པ་ཡིན། ལར་ནས་སྤྱི་ལོ་སྔོན་གྱི་དུས་རབས་བཞི་བ་ཡས་མས་ཤིག་གི་ནང་ཕེབས་པའི་གནའ་བོའི་དགུ་རིག་གི་མཚན་ཉིད་པ་ཆེན་པོ། ༼ཚན་རིག་གི་མེས་པོར༽གྲགས་པ། ཨ་རེ་སི་ཁྲོ་ཁྲལ་མཆོག་གིས་སྲོལ་རྒྱུན་གོ་ཁྲབ་ལ་རང་གི་ལྟ་བའི་ཕིབ་ཐོགས་ཏེ། ཕྱི་དོན་འཇིག་རྟེན་གྱི་ཆོས་ཉིད་སྙེག་པའི་གཡུལ་སར་ཞུགས་ནས། ཚན་རིག་གི་མཚན་ཉིད་རིག་པའི་རྒྱལ་ཁམས་ལ་དབང་བསྒྱུར་སྟབས། ཚན་རིག་གམ་རིག་གསར་ཞེས་པ་ཁོང་གི་ལྟ་ཚུལ་གྱི་རྒྱུན་ལས་བྱུང་བ་ཞིག་ཡིན་ཞེས་ཀྱང་བཤད་ཆོག་གོ།
བོད། ལྷ་ྐླུ་གཉན་གསུམ།
རུམ་ལ་སྙོབས་ན་རུམ་ཁོག་གྲང་མོ་རེད།།
སེམས་ལ་བརྟག་ན་སེམས་པ་མིག་ཆུ་རེད།།
ལུས་ལ་བལྟ་དུས་རོ་ཐོ་སྐམ་པོ་རེད།།
རང་ལས་གླེན་པའི་མི་ཞིག་ངས་མ་རྙེད།།
འཁྲིས་ཀྱི་མི་ཚོས་ང་ལ་གདོན་རྫས་ཟེར།།
མདུན་གྱི་གྲོགས་པོས་ང་ལ་ཁ་ནག་འབོད།།
རྒྱབ་ཀྱི་མགྲོན་པོས་ང་ལ་འཕྱ་དམོད་བྱེད་།།
རང་ལས་གླེན་པའི་མི་ཞིག་ངས་མ་རྙེད།།
ཆུ་སྐྱེས་སྒྲོལ་མ།
༡ ང་རང་གི་ལྟ་སྟངས་ལ། བོད་ཀྱི་བུད་མེད་སྐོར་གླེང་མཁན་དང་བགྲོ་གླེང་གནང་མཁན་མང་པོ་ཞིག་གིས། བུད་མེད་ཀྱི་ཐོབ་ཐང་ཟེར་བ་ཞིག་གླེང་ནས་བསྡད་ཡོད་པར་མཐོང༌། ངས་བལྟས་ན། བོད་ཀྱི་བུད་མེད་གླེང་བའི་བརྗོད་གཞིའི་ཁྱབ་ཁོངས་དེ་ཐོབ་ཐང་ཁོ་ན་གླེང་བ་ཙམ་ལས། དེ་ལས་བརྒལ་ནས་གླེང་རྒྱུ་མེད་པ་དེ་འདྲ་གང་ཡང་མ་རེད།