འབྲོག་རུ་ཆོས་གྲགས།
ཉེ་ལམ་བོད་ནང་གི་གྲོགས་པོ་འགའ་དང་མཉམ་དུ་དྲ་ལམ་ནས་གླེང་མོལ་བྱས་པའི་སྐད་ཆ་ཚིགས་བཅད་ཀྱི་ལམ་ནས་བྲིས་པ་ཡིན་ལ། ཁོང་ཚོའི་ཚབ་བྱས་ནས་བྱེས་འབྱོར་བོད་མི་རྣམ་ལ་གཞིས་ལུས་ཀྱི་གྲོགས་པོ་འགའི་སེམས་པ་དམར་རྗེན་དེ་བསྟན་པའང་ཡིན།
ནོར་ལུག་ཐང་མར་བརྡལ་བའི་སྤང་ལྗོངས་ཤིག་ན།།
མེ་ཏོག་སྣ་ཚོགས་བཞད་པའི་རི་ལུང་ཞིག་ན།།
སྒོ་དར་རླུང་གིས་བསྐྱོད་པའི་སྦྲ་ནག་འོག་ན།།
ཨ་མའི་རེ་སྒུག་མིག་ཟུང་རྒྱང་ལ་ཅེར་ཡོད།།
འབྲུ་རིགས་སྣ་ལྔའི་ཉིང་བཅུད་ལྷ་ལ་ཕུལ་བཞིན།།
ཁ་དོག་སྣ་ལྔའི་རླུང་རྟ་མཁའ་རུ་གཏོར་བཞིན།།
དབང་བོ་རྣམ་ལྔའི་ཚོར་ཤུགས་ཕྱི་ལ་ཕྱོགས་དུས།།
དྲིན་ཆེན་ཕ་ལོའི་སེམས་པ་མིག་ཆུས་བརླན་ཡོད།།
