རྔ་བ་རྒྱལ་ཁམས་པ།
==========
སྦྲང་རྩིའི་བློ་གྲོས་དང་ཁ་ཆེས་ཆོས་ལུགས།
ཁ་ཆེའི་སྟོན་པ་སྦྲང་རྩིའི་བློ་གྲོས་སམ། ཡོངས་གྲགས་ལ་མོ་ཧམ་མོ་སྒྲི་ཞེས་འབོད་པ་དེ་ཉིད་ནི། སྤྱི་ལོ་༥༧༠ལོར་ད་ལྟ་ཨ་རབ་རྒྱལ་ཁབ་ཀྱི་བྱེ་གླིང་གྲོང་ཁྱེར་མེག་ཁ་ཞེས་པར་ཨ་བྷིར་ཧམ་གྱི་བུ་རྒན་པ་ཨ་ཤ་མལ་གྱི་རྒྱུད་པ་ཕྱི་མ་ཞིག་ཏུ་སྐུ་འཁྲུངས་ཤིང་། མི་རབས་དེར་ལུང་བསྟན་དང་མངོན་ཤེས་ཤོད་མཁན་མང་བོ་ཞིག་བྱུང་མྱོང་བར་བཤད། ཁོང་ལོ་ན་ཆུང་ངུའི་དུས་ནས་ཕ་མ་གཉིས་སྐུ་གྲོངས་སྟབས། རང་ཉིད་ཀྱི་ཞང་བོ་སྡེ་དཔོན་གྱི་གོ་ས་ཅན་ཞིག་གིས་གསོ་སྐྱོང་གནང་སྟེ་ལག་ཆགས། མོ་ཧམ་མོ་སྒྲི་མཆོག་གིས་ཚེ་སྟོད་ལོ་མང་རིང་རྔ་ལུག་གི་རྫི་བོ་གནང་ཞིང་། དེ་རྗེས་ཁ་སྒྲིས་རྒྱ་ཞེས་འབོད་པའི་བུད་མེད་འབྱོར་ལྡན། ཁྱོ་ག་དང་ཁ་གྱེས་པ་ཞིག་ལ་ཕྱག་ལས་གནང་ཞིང་། ཡུན་རིང་མ་འགོར་བར་ཁོང་གཉིས་གཉེན་སྒྲིག་ཞུས་འདུག སྐབས་དེ་ཤེད་ན་ཨ་རབ་ཀྱི་མི་ཚོས་དཀོན་མཆོག་གི་རིགས་མི་འདྲ་བ་མང་བོ་ཞིག་ལ་མཆོད་གསོལ་ཞུ་བཞིན་ཡོད་ཚོད་ལ། ཁོང་དགུང་གྲངས་༤༠ཡས་མས་ཤིག་གི་ཐོག་མཁའ་འགྲོའི་གཙོ་མོ་དགབ་རེལ་ཞུ་བ་ཞིག་མཐོང་སྣང་ལ་ཤར་ཏེ། མཁའ་འགྲོའི་གཙོ་མོ་དེས། ཁྱེད་རང་གིས་ཆོས་དང་གདམས་པ་སྟོན་ལ་དཀོན་མཆོག་གཅིག་ལས་གཉིས་མེད་སྐོར་རྩལ་དུ་བཏོན་ཅིག དཀོན་མཆོག་དེ་ཉིད་ཀྱི་མིང་ལ་ཨ་ལ་ཞེས་འབོད་ཅིང་། ཨ་ལ་ནི་ཆོས་ཀྱི་སྙིང་བོ་ཡིན་ནོ་ཞེས་བཤད་པར་བརྟེན། ཁོང་དགུང་གྲངས་༤༠ཐོག་གྲོང་ཁྱེར་མེ་ཁ་རང་ནས་ཆོས་བཤད།
གང་ཟག་གི་སྐྱོན་ཡོན་གསལ་བའི་མེ་ལོང་།
དཔལ་དགྱེས་པ་རྡོ་རྗེ་ནས།
————-
ཨེ་མ་ཧོ། །
དཀོན་མཆོག་ཀུན་འདུས་ངོ་བོ་བླ་མ་རྗེ། །
བྱང་ཆུབ་སེམས་མཆོག་རང་བཞིན་ཡི་དམ་ལྷ། །
བདེ་སྟོང་ཡེ་ཤེས་ཐུགས་རྗེ་མཁའ་འགྲོ་མ། །
དབྱེར་མེད་གྲུབ་དབང་མ་ཧྰ་གུ་རུ་རྒྱལ། །
ཕྱི་སྣོད་དྭངས་བཅུད་འབྱུང་བའི་ནུས་པ་རྣམས་ཉམས་ཞིང་། །
ནང་བཅུད་སྐྱེ་འགྲོ་ལོག་རྟོག་སེམས་ཁམས་དག་འཁྲུལ་བས། །
རིག་གནས་རྩ་བ་བོར་ཞིང་ཕྱི་རོལ་དོན་གཉེར་ཚོ་མཐོང་ཚེ། །
སྙིགས་ལྔའི་འགྲོ་ཀུན་འདྲེན་པའི་དམ་བཅའ་ཞིག་ཤོར་ཐལ། །
སྒྱིད་ལུག་གི་གྲོང་ཁྱེར་ལས་འཕྲོས་པའི་བསམ་ཚུལ་འགའ་གླེང་བ།
ཆུ་སྐྱེས་སྒྲོལ་མ།
དེ་སྔོན་ང་རང་ལ་བོད་དུ་གཉེན་འཕྲད་དུ་བསྐྱོད་རྒྱུའི་གོ་སྐབས་ཞིག་བྱུང༌། སྐབས་དེ་དུས། རྒྱུ་མཚན་གསུམ་གྱིས་ང་རང་མང་དུ་ངུ་བཅུག་བྱུང༌།
ཐེངས་དང་པོ་ང་རང་འགྲམ་གྱི་འགག་སྒོའི་འཁྲིས་ལ་སླེབས་དུས། རྒྱ་དམག་དང་རྒྱ་རིགས་ཚོང་པ་ཕོ་མོ་རྒན་གཞོན་མང་པོ་ཞིག་མིག་ལམ་དུ་མངོན་དུས། སེམས་ནང་ཞེད་སྣང་དང་དངངས་སྐྲག་ཅིག་ཅར་དུ་སྐྱེས་ནས་མིག་ཆུ་ཤོར་སོང༌། དེ་ནི་དབྱར་གྱི་ཆུ་རྫིང་བརྡོལ་བ་དང་གཅིག་མཚུངས་རེད།་
དེ་ལས་མང་བ་། “སྒྱིད་ལུག་གི་གྲོང་ཁྱེར་ལས་འཕྲོས་པའི་བསམ་ཚུལ་འགའ་གླེང་བ།” »
རྩོམ་ པ་པོའི་སྔོན་གླེང་ཚིག་གསུམ།
རང་ རེ་བོད་ཆོས་ལྡན་གྱི་ཞིང་ཁམས་འདི་ཉིད། ཤར་ཕྱོགས་ཙི་ནའི་ཡུལ་ནས་ གུང་ཁྲན་དམར་པོའ་ིསྲིད་གཞུང་གིས་བོད་ཤར་རྒྱུད་མདོ་ཁམས་གཉིས་ནས་རིམ་པར་བཞིན་ དྲག་པོས་བཙན་འཛུལ་བྱས་ནས་མདོ་དབུས་སྐོར་གསུམ་གྱི་ས་ ཕྱོགས་ཡོངས་རྫོགས་བཙན་བཟུང་གིས། བོད་ཀྱི་བསྟན་པ་ཆབ་སྲིད་གཉིས་ཀ་རླུང་ཁྲོད་ཀྱི་མར་མེ་ལྟར་ཆགས་འཇིག་གི་འགག་ འཕྲང་ལ་སླེབས་ཤིང༌། ྋགོང་ས་རྒྱ་དབང་ཐམས་ཅད་མཁྱེན་པའི་སྐུ་ཕྱྭ་དང་སྐུ་དབང་ཡང༌། རླུང་འཚུབ་དྲག་ པོས་གཡོ་བའི་མཚོ་གྲུ་བཞིན་གྱུར་པ་སོགས། མདོར་ན་ལོ་རྒྱུས་ཐོག་དེ་སྔོན་བྱུང་ མ་མྱོང་བའི་ཛ་དྲག་གི་གནས་སྟངས་ས་གཞི་གས་ཤིང་རི་བོ་ཉུལ་བ་ལྟ་བུའི་འོག ལི་ཐང་ཨ་འབྲུག་མགོན་པོ་བཀྲ་ཤིས་ཀྱིས་སྣེ་ཁྲིད་པའི་ཁམས་རིགས་དཔའ་བོ་ ཚོ་གཅིག་གིས་ཨ་འབྲུག་ཚང་གི་མཆོད་ཁང་ནང༌། བོད་བསྟན་སྲིད་ཀྱི་དོན་དུ་ གནའ་གན་མཐུ་བོ་ཆེ་བཞག་ནས། མ་སྐུལ་དྭངས་བླངས་ཀྱིས་ལུས་སྲོག་ལོངས་སྤྱོད་དང་བཅས་པ་བློས་བཏང་ནས། ས་ཁྱི་སྤྱི་ལོ་༡༩༥༨ལོ་ཟླ་ ༦ ཚེས་ ༡༦ ཉིན་ ལྷོ་ཁ་ལྕགས་ཚ་གྲི་གུ་ཐང་དུ་མདོ་ཁམས་ཆུ་བཞི་སྒང་དྲུག་གིས། རྒྱལ་སྲུང་དགྲ་འཐབ་ཀྱི་དྲག་པོའ་ིདམག་གི་སྒྲིག་འཛུག་གསར་དུ་ཚུགས་པ་ནས། ཨ་འབྲུག་ཚང་སྐུ་དངོས་ཀྱིས་སྣེ་འཁྲིད་དེ་སྙེ་མོ་མདོ་དཀར་སུམ་མདོ་ནས་བཟུང་། ཁྱུང་པོ་བར་བྱང་བསྐྱོད་དམག་གིས་སྔ་ཕྱིར་དགྲ་འཐབ་བཅོ་བརྒྱད་དང༌། རྩེད་ཐང་ཁུལ་སྡོད་དམག་སྒར་ཨ་མའི་དྭངས་བླངས་དམག་མི་ཚོས། སྔ་ཕྱིར་ལྷོ་ཁ་དང་ ཀོང་པོ་སོགས་སུ་དགྲ་ཐེངས་སོ་བཞི་རྒྱབ་པ་དང༌།
ལྷ་ཁང་དུ་འདི་ལྟར་མ་འགྲོ།
ཐེ་ཀོར།དབྱིན་ཡིག ཟླ་བ་གཞོན་ནུས་བསྒྱུར། ལྷ་ཁང་དུ། དཀོན་མཆོག་གི་ཞབས་སུ་མེ་ཏོག་འབུལ་བར་མ་བཅར་བར། ཐོག་མར་རང་ཉིད་ཀྱི་ཁང་བར་བརྩེ་བའི་དྲི་མངར་གྱིས་ཁྱབ་ཏུ་འཇུག་རོགས། ལྷ་ཁང་དུ། མཆོད་བཤམ་མདུན་གྱི་མཆོད་མེ་བསྒྲོན་པར་མ་བསྐྱོད་པར། ཐོག་མར་རང་སེམས་ཀྱི་སྡིག་པའི་མུན་པ་དེ་སེལ་རོགས། ལྷ་ཁང་དུ། གསོལ་འདེབས་ཀྱི་གུས་འདུད་ཞུ་བར་མ་འགྲོ་བར། ཐོག་མར་མི་གཤིས་ཀྱི་གུས་འདུད་རང་གི་རོགས་ཟླར་ཞུ་རྒྱུ་དེ་སྦྱང་རོགས། ལྷ་ཁང་དུ། གསོལ་འདེབས་པུས་བཙུགས་ཀྱིས་ཞུ་རུ་མ་བཞུད་པར། ཐོག་མར་མར་སྒུར་ནས་རྡོག་པས་བརྫིས་པའི་མི་དེ་འགྱོགས་རོགས། ལྷ་ཁང་དུ།…
ང་དང་ཁྱོད། བསམ་ཚུལ།
ཁ་བརྡ་དང་དུས་བབ་ཟིན་བྲིས། ཧི་གཟུགས་ཟིན་བྲིས་སོགས་སུ་སྐོར་ར་རེ་བྱེད་སྐབས་ མཐོང་སྣང་འགའ་ཤར་བ་རྣམས་འདིར་གསལ་བཤད་ཅིག་བྱེད་འདོད་སྐྱེས་བྱུང་། དང་པོ་ནི། སྙན་ངག་གི་སྐོར་ཡིན། ངས་གོང་གསལ་གྱི་ཟིན་བྲིས་ཁག་ལ་རོབ་རྩིས་ཤིག་བརྒྱབ་སྐབས་ བརྒྱ་ཆ་ ༥༠ ལྷག་སྙན་ངག་རེད། བོད་ནང་དུ་སྙན་ངག་གིས་སྦས་པའི་བརྗོད་བྱ་འབྲི་ཐུབ་པའི་རྒྱུ་མཚན་གྱིས་ འཇིག་རྟེན་གྱི་བརྗོད་བྱ་ཡོད་ཚད་དང་ལྷག་པར་དུ་རྒྱ་ལ་མི་འཕྲོད་པའི་རིགས་རྣམས་སྙན་ངག་གིས་བྲིས་པ་རེད་ཅེས་ན་ཁག་འཇོག་ས་ཞིག་ རེད་དྲན། འོན་ཀྱང་། བཙན་བྱོལ་དུའང་སྙན་ངག་མང་པོ་དེ་འདྲ་འབྲི་དགོས་དོན་གང་ཡིན་ནམ་ཞེས་དྲན།
དེ་ནས། ཟིན་བྲིས་ཀྱི་ནང་གི་བརྗོད་བྱ་མང་ཆེ་བ་དེ། ང་དང་ཁྱོད་ཅེས་པ་འདི་ལས་འཕྲོས་འདུག དེ་ཡང་། “ངས་ཤེས། ང་བདེན། ངའི་བསམ་ཚུལ་འདི་ཡིན། ཁྱོད་མི་བདེན། ཁྱོད་ཀྱིས་མི་ཤེས། ཁྱོད་ཀྱི་བསམ་ཚུལ་མ་རེད།” ཅེས་པ་འདིའི་ནང་ལ་བསྡད་འདུག ངས་ འདི་དག་ནི་ན་ཚ་ཞིག་མིན་ནམ་དྲན། ན་ཚ་དེ་ཡང་། ཆེ་ས་ནས་བཤད་ན་མི་རིགས་ཤིག་མགོ་འཐོམས་པའི་ན་ཚ་ཞིག་དང་། ཆུང་ས་ནས་བཤད་ན། མཐོང་རྒྱ་དང་ཐོས་རྒྱ་མེད་པར་རང་གི་དྲན་ཚོད་ཙམ་ལས་གཞན་འབྲི་མ་ཤེས་པའི་ན་ཚ་ཞིག་མིན་ནམ་དྲན། ༼འདིའི་ནང་དུ་ང་ཡང་ཚུད་ཡོད།༽ ང་ཚོས་འབད་བརྩོན་ཞིག་བྱས་ན། ན་ཚ་འདི་ལ་སྨན་རེ་ཟུང་རྙེད་ཀྱང་སྲིད་པ་རེད། སྨན་དེ་ནི། བསམ་ཚུལ་ཙམ་ཞིག་མི་འབྲི་བར། བསམ་ཚུལ་དེ་དག་ཀྱང་ ཡིག་ཐོག་ན་ཡོད་པའི་དོན་དག་དེ་ཚོ་རྒྱབ་རྟེན་ལ་བཅོལ་ནས་བྲིས་པ་ཡིན་ན། ན་ཚ་དེ་རིམ་གྱིས་དྲགས་ངོ་ཤར་སྲིད་པ་ཞིག་རེད་དྲན།
ཨ་བྷིར་ཧེམ།
རྔ་བ་རྒྱལ་ཁམས་པ།
————-
ཨ་བྷིར་ཧེམ་(Aberaham)དང་ཡ་ཧུ་དཱ་བའི་གནའ་ཆོས།
དེ་ཡང་གཟུང་འཛིན་ཕྱིན་ཅི་ལོག་གི་རྣམ་རྟོག་ལས། རྒྱུད་ལྔས་བསྡུས་པའི་ཁམས་གསུམ་སྲིད་པའི་ཁྱིམ་གཞིས་ཆེན་པོ་འདི་ཉིད་གྲུབ་ཅིང་། ཆགས་གནས་འཇིག་སྟོང་གི་འཕོ་འགྱུར་དང་། སྐྱེ་རྒ་ན་འཆིའི་སྡུག་བསྔལ་ལ་་འཇིགས་ཤེས་པའི་འགྲོ་བ་མིའི་རིགས་ཕལ་མོ་ཆེ་ ཞིག་ནི། སྡུག་བསྔལ་དེ་དག་ལས་ཐར་འདོད་ཀྱི་འདུན་པས་བསྐུལ་ཏེ། རང་རང་གི་རྣམ་དཔྱོད་ལ་བརྟེན་ནས་ལྟ་གྲུབ་དང་། ཆོས་ལུགས་མི་འདྲ་བ་སྣ་ཚོགས་པར་འཇུག་ཅིང་སྐྱབས་སུ་འཛིན་པར་བྱེད་དོ།། དེ་ལས་སྣོད་བཅུད་ཀྱི་འཇིག་རྟེན་དཀོན་མཆོག་གིས་བཀོད་པར་སྨྲ་བའི་ཡུ་ཤིའི་ལྟ་ བ་དང་། འཚེ་བ་ཆོས་སུ་འདོད་པའི་ཁ་ཆེའི་གྲུབ་མཐའ། དེ་གཉིས་ཀྱི་རྩ་བའམ་རྨང་གཞིར་གྱུར་བ་ལྗོས་ཀྱི་ཆོས་ལུགས་ཏེ། ཆོས་བརྒྱུད་ཆེ་གསུམ་དུ་གྲགས་པའི་གྲུབ་མཐའ་དེ་དག་གི་རྩ་བའི་ཁུངས་གཏུགས་སའམ་ འབྱུང་ཁུངས་ངོ་མ་ནི། དེ་དག་གི་སྤྱི་མེས་ཨ་བྷིར་ཧམ་ཞེས་འབོད་པ་དེ་ཉིད་ཡིན་ལ། དེ་ཡང་ཨ་བྷིར་ཧམ་གྱི་ལོ་རྒྱུས་སྐོར། ཕྱི་གླིང་ཡ་ཧུ་དཱ་བའི་གནའ་བོའི་ཆོས་གཞུང་དང་། ཁ་ཆེའི་ལོ་རྒྱུས་ཀྱི་ཡི་གེ་ཆེན་མོ་དག་ན་འདི་སྐད་ཅེས་གླེང་སྟེ།
རང་སྐྱོང་ཨེ། ཡང་བསྐྱར་བསམ་བློ་ཐོངས།
ཨེ་ལིའོ་ཊི་ སྤེར་ལིང་། (Elliot Sperling)
—————–
ད་དུང་ཡང་རྒྱ་ནག་གིས་༧རྒྱལ་བ་རིན་པོ་ཆེ་དང་བཙན་བྱོལ་བོད་གཞུང་རྩེད་མོ་རྩེ་བཞིན་པ་འདིའི་ཐད་དཔང་རྟགས་ཤིག་དགོས་ཀྱི་ཡོད་ན། ཉེ་ཆར་གྱི་གནད་དོན་དག་གིས་གནས་སྟངས་ཧ་ཅང་གསལ་པོ་བཟོས་ཡོད་པ་རེད། སྔ་ལོའི་སྤྱི་ཟླ་ ༡༡ པའི་ནང་བོད་མི་ཚོས་རྒྱ་ནག་ལ་འཆར་གཞིའི་ཡིག་ཆ་ཞིག་སྤྲད་པ་རེད་ལ། དེའི་དགོས་དོན་ནི་༧རྒྱལ་བ་རིན་པོ་ཆེའི་བོད་རང་སྐྱོང་གི་ཐད་བཞེད་ཕྱོགས་ནི་ད་ལྟ་ཡོད་བཞིན་པའི་རྒྱ་ནག་གི་མི་རིགས་རང་སྐྱོང་ཁྲིམས་ལུགས་དང་ཆ་ཚང་མཐུན་པ་ཞིག་ཡིན་པ་སྟོན་རྒྱུའི་ཆེད་དུ་ཡིན་པ་རེད། ཡིག་ཆ་དེ་ངར་པོ་དང་བཅས་ཕྱིར་སློག་བྱས་ཤིང་ཕྱོགས་གཉིས་བར་གྱི་གྲོས་མོལ་དེ་སྐད་ཅོར་དང་བཅས་མཚམས་བཞག་པ་རེད།
ཕྱི་ཟླ་ ༦ ཚེས་ ༢༢ ཉིན་བཙན་བྱོལ་བོད་མིའི་ལས་བྱེད་དག་མཉམ་འཛོམས་ཀྱིས་ཁོང་ཚོའི་ལངས་ཕྱོགས་གསལ་པོ་བཟོ་རྒྱུའི་གསལ་བསྒྲགས་ཤིག་གི་མ་ཟིན་བཟོ་རྒྱུ་དང་། དེའི་རེ་བ་ནི། ལམ་ཁ་འགག་པ་དེ་ཚོ་བསངས་ཡོང་གི་རེད་ཅེས་པའི་གནས་ཚུལ་ཐོན་འདུག གསལ་བསྒྲགས་གསར་པ་དེ་ནི་བོད་མི་ཚོས་རྒྱ་ནག་གི་རང་སྐྱོང་ཁྲིམས་ཡིག་ཁག་གཞི་རྩ་ལ་བཞག་ནས་མཐུན་ལམ་ཞིག་རྙེད་འདོད་ཡོད་པ་དེ་སྟོན་ཆེད་དམིགས་པ་ཞིག་རེད། སྟབས་ཉེས་པ་ཞིག་ལ། བཙན་བྱོལ་བོད་གཞུང་གིས་རྒྱ་ནག་དང་འབྲེལ་བ་བྱས་པའི་རྨོངས་པ་དེ་དག་ད་ཆ་ཁ་སྐྱེངས་པའི་ཞིབ་ཆ་དང་བཅས་འགྲེམས་སྟོན་བྱས་པ་ཡོད་པ་རེད།
རྩོམ་རིག་དཔྱད་བརྗོད་པ་ཞིག་གི་ལམ།
བདུད་ལྷ་རྒྱལ།
རྩོམ་རིག་གསར་པའི་ལས་ཀ་འདི་བོད་མི་སུ་ལ་མཚོན་ནའང་འཇུག་བདེ་བོ་ཞིག་མ་རེད། བོད་རང་གི་སྔར་ཡོད་ཀྱི་རྩོམ་རིག་གཞུང་ལུགས་དང༌། གསར་བྱུང་གི་རྩོམ་རིག་གཞུང་ལུགས་གཉིས་ཀྱི་འབྲེལ་བ་ནི་གཞི་མཐུན་ས་ལས་གཞི་མི་མཐུན་ས་མང་བས། ཐོག་མར་གསར་རྩོམ་དང་མྱོང་དཔྱོད་ཀྱི་སྟེང་ན་སྲོལ་རྒྱུན་གྱི་གེགས་རྐྱེན་ཆེན་པོ་ཞིག་ཡོད། དེའི་སྟེང་རྩོམ་རིག་གསར་བ་འདི་བོད་དུའང་ལོ་ངོ་ཉི་ཤུ་ལྷག་གི་སྔོན་ནས་ས་ཁྱབ་རྡོ་ཁྱབ་ཏུ་གྱུར་པ་ལྟར་སྣང་ཡང། འདིའི་ཆ་ཚང་བའི་གཞུང་ལུགས་ཀྱི་མ་ལག་དང་རིགས་པ་ཞིབ་མོ་དེ་ཅིས་ཀྱང་བོད་ཡུལ་དུ་ཟབ་རྒྱས་སུ་ཆགས་མ་ཐུབ་པས། རིག་པ་གསར་པ་འདིར་འཇུག་པར་ཚིག་རིས་ཙམ་གྱི་ངོས་ནས་དང།
ཁྱོད་སོང་ཤུལ་དུ།
བདེ་ཆེན་སྒྲོལ་མ།
ཁྱོད་སོང་ཤུལ་དུ།
ཁང་མིག་ཆུང་ཆུང་འདི་ལ་རླུང་ལྡང་སོང།
ནམ་རྒྱུན་དགོད་སྒྲའི་བཟུང་བའི་ཁང་མིག་ཆུང་ཆུང།
ཁ་སང་དེ་རིང་ཚེར་མའི་ཁེངས་པའི་ས་གཞིར་གྱུར་ཡོད།
བདག་གིས་བཀླགས་པའི་ཝང་ལི་ཞོང་།
ཐེ་བོ་ཤེས་རབ་རྒྱ་མཚོ།
<<བོད།-དུས་རབས་ཉེར་གཅིག་པའི་རྒྱ་ནག་གི་རྩིབ་རུས་གཉེན་པོ>> །ནི་ངས་ཐེངས་དང་པོ་ བཀླགས་པའི་ཝང་ལི་ཞུང་གི་རྩོམ་ཡིག་ཡིན་ལ།རྩོམ་ཡིག་དེའི་མགོ་ནས་མཇུག་བར་ བཀླགས་ཚར་དུས་ངས་ངོ་གདོང་གཏན་ནས་མཐོང་མ་མྱོང་ཡང་རྒྱ་མི་གཞན་དག་ལས་ཁྱད་དུ་ འཕགས་པའི་ཝང་ལི་ཞོང་གི་རྩོམ་ཡིག་དེའི་གནད་དོན་ལ་དཔྱད་ཞིབ་བྱེད་སྐབས་བརྗོད་ ཚིག་རེ་ཟུང་ཐད་ནས་ཅུང་ཟད་ཐལ་ཆ་ཆེ་ཞིང་།ཞིབ་འཇུག་བྱེད་སྟངས་ཐད་ཕྱོགས་རེ་བའི་ ཆ་འགའ་རེ་ཡང་མཐོང་བ ྱུང་།དེ་ལྟ་ནའང་།གཞི་རྩའི་ཆ་ནས་ཁོང་གིས་དྲང་ཚུགས་བཟུང་ཞིང་།དངོས་ཡོད་དང་ བདེན་པ།་ལོ་རྒྱུས་དངོས་ལ་ཁ་ཕྱོགས་ཡོད་པ་དང་དྲང་བདེན་ཁས་ལེན་མཁན་ཞིག་ཡིན་པས་ ངས་ཁོང་ལ་སེམས་ཁོང་ནས་གདེང་འཇོག་བྱས་ཤིང་།ངས་ཁོང་ལྟ་བུའི་རྒྱ་མིའི་རྩོམ་པ་ པོ་ཞིག་ལ་སེམས་གཏིང་ནས་རེ་བ་བཟུང་བ་ཡིན།མ་ཟད་ང་ལ་ཁོང་རང་ཅིས་ཀྱང་རང་རེའི་ བཙན་བྱོལ་སྤྱི་ཚོགས་ཁྲོད་དངོས་སུ་ཡོང་དགོས ་ངེས་ཀྱི་རྒྱ་མིའི་རྩོམ་པ་པོ་ཞིག་ཡིན་པའི་བསམ་ཚུལ་སྐྱེས་ཤིང་།རོགས་པ་ཚོར་ ཡང་དེ་ལྟར་བཤད་པ་ཡིན།་མ་གཞི་གོང་གི་རྩོམ་ཡིག་དེ་ནི་ཁོང་གིས་རང་དབང་གི་ཉི་ འོད་མེད་པའི་ཁོར་ཡུག་ཅིག་ནས་བྲིས་པ་ཡིན་སྟབས།ཐལ་ཆ་ཆེ་བའི་བརྗོད་ཚིག་དང་ཞིབ་ འཇུག་བྱེད་སྟངས་ལ་ཕྱོགས་རེ་བའི་ཆ་འདྲེས་པར་བདག་གིས་བསམ་ཤེས་བྱེད་ཐུབ།
རླབས་ཆེ་བའི་བོད་བསྐྱོད་པ་དོན་གྲུབ་དབང་ཆེན་དང་ཁོང་གི་ཆུང་མའི་མིག་ཆུ།
རིག་འབྱུང་དོན་གྲུབ་བཀྲ་ཤིས། ཡོ་རོབ།
དབྱར་ཁའི་གུང་གསེང་དང་བསྟུན་ནས་ལས་ཀ་ཞིག་བཙལ་བ་དེ་རིང་གཞི་ནས་མཇུག་རྫོགས། ལས་ཀ་རྫོགས་ཚར་དུས། ཡང་བསྐྱར་ཕྱི་བསྐྱོད་ལག་འཁྱེར་དང་འབྲེལ་བའི་ཡིག་ཆ་ཁག་གི་ལས་ཀ་མགོ་བསླངས་སོང་།
ལས་ཀ་གཅིག་ཚར་ན་ལས་ཀ་གཞན་ཞིག་གིས་རྗེས་ནས་དེད་ཡོང་བ་འདི་སྐྱབས་བཅོལ་བ་ཚོའི་དཀའ་ངལ་ཞིག་རེད། ངེད་རང་སློབ་ཆེན་སློབ་མ་ཞིག་ཡིན་རུང་ཡིག་ཆའི་ལས་ཀ་ཞིག་ཀྱང་དུས་རྟག་དུ་རྒྱབ་ལ་འཁུར་ནས་སྡོད་དགོས་ཀྱི་འདུག དེར་བརྟེན། དོ་དགོང་རྒྱལ་སར་ཐོན་རྒྱུ་བྱས་བ་ཡིན། རྒྱལ་སར་ཡོད་པའི་བོད་ཀྱི་མི་ཚང་དེ་ལ་ཡང་ཁ་པར་སྟབས་བདེ་ཞིག་བཏང་།
ཡིག་ཆ་ཁག་བསྡུ་གསོག་བྱས་ཚར་རྗེས་ལག་འཁྱེར་གློག་ྐླད་དེའི་ཁ་ཕྱེས། སེམས་ལ་ཀུན་གླེང་ལེ་ཚན་དྲན། མགྱོགས་པར་ཀུན་གླེང་གི་ཐོག་ལ་སོང་། དེ་རིང་གི་བརྗོད་གཞི་ནི་རླབས་ཆེ་བའི་བོད་བསྐྱོད་པ་དོན་གྲུབ་དབང་ཆེན་གློད་བཀྲོལ་གྱི་ཞུ་འབོད་ཟེར་བ་དེ་རེད་འདུག དོན་གྲུབ་དབང་ཆེན་གྱིས་བཟོས་བའི་འཇིགས་བྲལ་ཞེས་བའི་གློག་བརྙན་དེར་ལོ་སྔོན་མར་བལྟ་རྒྱུ་བྱུང་།
དེ་ལས་མང་བ་། “རླབས་ཆེ་བའི་བོད་བསྐྱོད་པ་དོན་གྲུབ་དབང་ཆེན་དང་ཁོང་གི་ཆུང་མའི་མིག་ཆུ།” »
ང་ཚོའི་ལུས་ཐོག་ན་འགྲོ་བ་མིའི་ཐོབ་ཐང་ག་འདྲ་ཡོད།
ང་ཚོའི་ལུས་ཐོག་ན་འགྲོ་བ་མིའི་ཐོབ་ཐང་ག་འདྲ་ཡོད།
-གཉན། 《བོད》
༤》
ད་རེས་ས་ཁུལ་སོ་སོ་ནས་རྒྱ་བོད་མི་སེར་བར་ལ་བྱུང་བའི་འགལ་བ་དེ་ནི་ཐད་ཀར་དམར་བོའི་གཞུང་ཕྱོགས་ལ་འབྲེལ་བ་དམ་པོ་ཡོད་པ་ཞིག་རེད། གཞུང་ཕྱོགས་ཀྱིས”དོན་དག་རྙིང་བ”ཐག་གཅོད་མ་བྱས་པར་ཕྱིར་འགྱིང་བཏང་བའི་མཇུག་འབྲས་དེས་བོད་སྤྱིའི་སྤྱི་ཚོགས་བརྟན་བརླིང་མི་ཡོང་བའི་རྒྱུ་རྐྱེན་གཙོ་བོ་བསྐྲུན་ཡོད་པ་མ་ཟད།ཕྱོགས་གཉི་གའི་མི་མང་གི་ཚེ་སྲོག་རིན་པོ་ཆེར་ བསམ་ཡུལ་འདས་པའི་གོད་ཆག་ཆེན་པོ་ཐེབས་ཤིང༌།གཞུང་ཕྱོགས་ཀྱིས་ནམ་ནམ་ཞར་ཞར་ལ་ཁ་འབོད་བྱེད་ཀྱིན་ཡོད་པའི་མི་རིགས་མཐུན་སྒྲིལ་ཟེར་བ་དེའང་ད་ལྟ་ཁྱོད་ཤི་ང་གསོན་གྱི་མཚམས་སུ་གཏུགས་ཚར་བ་རང་རེད།
དེ་ལས་མང་བ་། “ང་ཚོའི་ལུས་ཐོག་ན་འགྲོ་བ་མིའི་ཐོབ་ཐང་ག་འདྲ་ཡོད།” »
ང་ཚོའི་ལུས་ཐོག་ན་འགྲོ་བ་མིའི་ཐོབ་ཐང་ག་འདྲ་ཡོད།
ང་ཚོའི་ལུས་ཐོག་ན་འགྲོ་བ་མིའི་ཐོབ་ཐང་ག་འདྲ་ཡོད།
—-གཉན། 《བོད》
༡
ཁྱོད་ཀྱིས་ང་ཚོའི་ས་ཆ་ནས་འགྲོ་བ་མིའི་ཐོབ་ཐང་གིས་ཕན་མི་ཐོགས་པ་གོ་ཨེ་མྱོང་ཐལ།རྒྱུ་མཚན་ནི་ང་ཚོའི་ལུས་ཐོག་ནས་འགྲོ་བ་མིའི་ཐོབ་ཐང་ཟེར་བ་དེ་ཤི་བོ་ཞིག་རེད། དོ་ཚིགས་ཡང་ང་ཡི་སེར་སྐྱ་ཕོ་མོ་དག་གི་གཅེས་པའི་རང་སྲོག་རེ་རེ་བཞིན་ཤོར་སོང་བ་སུ་ལ་གསང༌།སྡུག་གི་མཆི་མ་ཁོག་ཏུ་མིད་པར་གོམས་པའི་བྱང་ཕྱོགས་ཁ་བ་ཅན།ལྕགས་ནག་གི་སྦུ་གུའི་ནང་ན་བཟོད་བསྒོམ་གྱིས་འཚོ་བའི་མདོ་དབུས་ཁམས་གསུམ་གྱི་ཡུལ་མི་སྤུན་ཟླ་རེ་རེ།སྐྲག་དངངས་འཇིགས་གསུམ་གྱིས་ཁེངས་པའི་སྤུན་ཟླ་རེ་རེའི་ཉམ་ཆུང་བའི་ཆུ་བུར་གྱི་མིག་ཟུང་རེ་རེ་སུ་ལ་ཧད།
དེ་ལས་མང་བ་། “ང་ཚོའི་ལུས་ཐོག་ན་འགྲོ་བ་མིའི་ཐོབ་ཐང་ག་འདྲ་ཡོད།” »
འགྲུལ་བསྐྱོད་ཤུགས་ཆེ་གནང་མཁན་ཚོ་ཤར་ཕྱོགས་གནམ་ཐང་ཁག་ཏུ་གཟབ་དགོས།
པདྨ་ཚེ་དབང་ཤཱསྟྲི།
ཕྲན་གྱི་ངོ་ཤེས་གནམ་གྲུའི་ཞབས་ཞུ་བ་ཞིག་བརྒྱུད་གནས་ཚུལ་ཁུངས་ལྡན་ཐོས་གསལ་ལྟར་ན། ཉེ་ཆར་བྷེང་ཀོཀ་རྒྱལ་སྤྱིའི་གནམ་ཐང་གི་ཁྲལ་ཆག་ཚོང་ཁང་ཞིག་ནས་ཐ་མག་བརྐུས་པའི་ནག་ཉེས་ཕོག་སྟེ་རྒྱ་གར་བ་ཞིག་བཀག་ཉར་བྱས་འདུག རྒྱ་གར་བ་དེས་ཐ་མག་ཤོག་སྒམ་གཅིག་དང་། ཅོགལེཊི་སྒམ་གཅིག་ཉོས་ཏེ་རིན་པ་སྤྲད་ཡོད་ཀྱང་། དངུལ་ལེན་མཁན་གྱི་མི་དེས་ཐ་མག་སྒམ་ཤོག་ཐོལ་པ་ཞིག་འགྲུལ་པ་དེའི་ཉོ་ཆའི་མཉམ་དུ་བླུགས་པས་འགྲུལ་པ་དེའི་བསམ་པར་ཤོག་སྒམ་དེ་རིན་མེད་དུ་སྤྲད་པ་རེད་སྙམས། འོན་ཀྱང་སྟབས་ཉེས་པ་ཞིག་ལ། ཐའི་ལེཎཌའི་ཉེན་རྟོག་པས་ཁོ་པ་ཚོང་ཁང་ནས་རྐུན་མ་བརྐུས་པའི་ནག་ཉེས་འོག་འཛིན་བཟུང་བྱས་ཏེ་མཚན་གཉིས་རིང་བཙོན་ཁང་དུ་ཉར་པ་མ་ཟད། ཐའི་སྒོར་ཆིག་ཁྲི་གསུམ་སྟོང་གློད་གྲོལ་གྱི་ཆེད་དུ་སྤྲོད་དགོས་པའང་བྱུང་འདུག ཐའི་སྒོར་༥༠༠ གྲང་གློག་ཅན་གྱི་ཁང་ཆུང་དུ་ཉར་གླ་དང་། ཐའི་སྒོར་༡༡༠༠༠ བཀག་ཉར་ཁང་ནས་གློད་གྲོལ་བཏང་གླ། དེའི་སྟེང་དུ་ཁོ་པ་ཁྲིམས་ཁང་དུ་འཁྲིད་པས་ཁྲིམས་དཔོན་གྱིས་ཉེས་ཅན་དུ་ངོས་འཛིན་བྱས་ཏེ་ཉེས་ཆད་ཐའི་སྒོར་༢༠༠༠ བསྒྲུབ་དགོས་པ་བྱུང་བའི་ཁར་ལག་ལྕགས་བརྒྱབ་སྟེ་གནམ་གྲུའི་ནང་དུ་བསྐྱལ། ཁོ་པའི་ཐོངས་མཆན་ལག་འཁྱེར་གྱི་སྟེང་དུ་རྐུན་མ་ཞེས་ཐེལ་རྩེ་བརྒྱབ་ཡོད། ཁོ་པའི་ཉེ་འབྲེལ་ཚོས་ཐའི་ལེཎཌ་རུ་རྟེན་གཞི་བྱས་པའི་རྒྱ་གར་གཞུང་ཚབ་ཁང་དུ་བཅར་ཏེ་རོགས་སྐྱོར་ཞུས་ཀྱང་གཞུང་ཚབ་ཁང་ནས་རོགས་པ་གང་ཡང་བྱེད་ཐུབ་པ་མེད་ཚུལ་བརྗོད་འདུག
འགྲུལ་པ་དེའི་ལག་ནས་བླངས་པའི་དངུལ་འབོར་དེ་དག་འགྲུལ་པ་རང་ཉིད་ཀྱི་མདུན་དུ་ཉེན་རྟོག་པས་ནང་ཁུལ་བགོ་འགྲེམས་ཀྱང་བྱས་ཚུལ་འདུག
དེ་ལས་མང་བ་། “འགྲུལ་བསྐྱོད་ཤུགས་ཆེ་གནང་མཁན་ཚོ་ཤར་ཕྱོགས་གནམ་ཐང་ཁག་ཏུ་གཟབ་དགོས།” »
བཀའ་ཁྲིའི་འོས་གཞི་ཁག་ཅིག་འདོན་སྤེལ་གནང་འདུག་
ཤར་ཕྱོགས་རྒྱལ་ཆེན་གྱིས་།
————–
ཉེ་ཆར་རྒྱ་གར་ལྷོ་ཕྱོགས་མོན་གོ་ཌི་འབྲས་སྤུངས་ཆོས་སྒར་ནས་མདོ་སྨད་སྤྱི་ཟུར་སྐུ་ཞབས་བསྟན་པ་ལགས་ཀྱིས་བཀའ་ཁྲིའི་འོས་གཞི་ཁག་ཅིག་འདོན་སྤེལ་གནང་འདུག་པའི་ཐད་ཀྱི་བསམ་ཚུལ་ཐུང་ཙམ་ཞུ་རྒྱུ། སྐུ་ཉིད་མི་ལྷག་བསམ་ཅན་སྤྱི་དོན་ཐུགས་འགན་འཁུར་བཞེས་མཁན་ཞིག་ཡིན་པ་ཤེས་རྟོགས་བྱུང་།དེ་བཞིན་བཀའ་ཁྲི་འོས་འདེམས་ཞུ་སྒོ་འདིར་མཚོན་ནའང་།ད་ལྟའི་བོད་དང་བོད་མིའི་ཛ་དྲག་གི་གནས་སྟངས་དང་རྒྱ་མིའི་བྱེད་བབ་གང་ཐད་ནས་གཟབ་གཟབ་གནང་དགོས་པ་ཞིག་ཡིན་པ་སྨོས་མེད་རེད་།འོས་མིའི་དམིགས་སྒོའི་ཁོངས་སུ་ཨ་རིའི་དོན་གཅོད་ལས་ཐོག་བློ་བཟང་སྙན་གྲགས་དང་།སྤྱི་འཐུས་ཚོགས་གཙོ་སྤེན་པ་ཚེ་རིང་གཉིས་ལ་མཚོན་ན།རྒྱུན་ལྡན་ཁོང་གཉིས་ལ་ལྐོག་ཟ་རུལ་སུངས་དང་ཀུན་སྤྱོད་ཐད་ལ་ལབ་གླེང་མང་ཙམ་ཡོད་པ་མ་ཟད།བློ་བཟང་སྙན་གྲགས་དཔལ་འབྱོར་བཀའ་བློན་གྱི་ལས་ཁུར་སྐབས་གཞུང་གི་ས་ཁང་དང་བཟོ་གྲྭ་སོགས་ཚོང་བསྒྱུར་གྱི་འགན་གཙོ་ཡིན་སྟབས་ལྐོག་ངན་ཁྱོན་ཆེན་བར་ཟས་བྱས་པའི་གླེང་ཚུལ་ཡོད་མུས་ཁར་།ལས་བྱེད་བུ་མོ་རེ་ཟུང་ལ་འོས་སུ་མ་ཆོས་པའི་ངན་སྤྱོད་ལག་བསྟར་བྱས་ལུགས་གླེང་སློང་ཤུགས་ཆེ་་བྱུང་སྟེ་དེའི་སྐོར་བཀའ་ཁྲི་ཟམ་གདོང་རང་ཉིད་ནས་སྐབས་དེའི་འབྲེལ་ཆགས་ལས་དོན་དྲུང་ཆེར་ངེས་བདེན་ཡིན་མིན་འདྲི་བརྩད་སྐབས་།བདེ་དོན་དྲུང་ཆེ་ལྷག་པ་ཚོ་ཁོ་ནས་དེ་དོན་ངེས་བདེན་ཡིན་ལུགས་ཁུངས་སྐྱེལ་ཡོད་ཅེས་ཞུས་འདུག དེ་བཞིན་སྤེན་པ་ཚེ་རིང་ལ་མཚོན་ནའང་། དེ་སྔོན་ཁོ་རང་སྤོན་ཊོ་ཅ་རེ་ཀ་ཐག་སྤྲུལ་སྐུའི་བཟོ་གྲྭའི་ལས་གཡོག་བྱེད་སྐབས་།ཀ་ཐག་སྤྲུལ་སྐུའི་བཟའ་ཟླ་པདྨ་དང་གབ་མཐུན་བྱས་པ་ཡོངས་གྲགས་ཁར་།མཚམས་དེ་ཞིག་ནས་རྒྱུ་རྐྱེན་འདི་ཡིན་མེད་པར་ཀ་ཐག་སྤྲུལ་སྐུ་གློ་བུར་འདས་སྐྱོན་བྱུང་པ་དང་། དེ་ནས་བཟུང་ཀ་ཏག་སྤྲུལ་སྐུའི་བཟོ་གྲྭ་དང་བཟའ་ཟླ་བཅས་ཡོད་ཚད་བདག་ཏུ་བཟུང་སྟེ་མཉམ་སྡོད་བྱས་ཤིང་། དེའི་རྗེས་སུ་སྤེན་པ་ཚེ་རིང་བོད་མི་དམངས་སྤྱི་འཐུས་ཁོངས་སུ་འདེབས་ཐོན་བྱུང་པ་རེད།
དེ་ལས་མང་བ་། “བཀའ་ཁྲིའི་འོས་གཞི་ཁག་ཅིག་འདོན་སྤེལ་གནང་འདུག་” »
ཉེས་པ་མེད་པའི་ངའི་ཕ་ཡུལ་གྱི་རི་ཆུ་ནགས་གསུམ།
ཨ་མེ་ཆ།
————-
གོ་ལའི་ཡང་རྩེ་རུ། ཁྱེད་རང་སྤོབས་པས་འགྲེང་ཆོག
ཉེས་པ་མེད་པའི་ངའི་ཕ་ཡུལ་གྱི་རི་ཆུ་ནགས་གསུམ།
ང་ཚོ་རྒྱང་ཐག་ཇི་ལྟར་རིང་ཡང་ཁྱེད་ཀྱི་ཉེ་སར་བཅར་བཞིན་ཡོད།
མི་ལོ་ལྔ་བཅུར་དམར་གསོད་བྱས་པའི་ཤི་བོ་གྲངས་མེད་ཀྱི་འབོད་པ་སྙེག་གིན་བཅར་བཞིན་ཡོད།
མི་རབས་ནས་མི་རབས་ལ་འཇལ་མ་ཚར་བའི་བརྙས་བཅོས་དང་ཤ་འཁོན་རྩོད་ཀྱིན་ལོག་ཡོང་དུས།
ང་ཚོས་མེས་པོ་ཚོའི་གདངས་སྙན་མ་འགྱུར་བའི་འཚོ་བའི་རོལ་དབྱངས་ཤིག་མཉམ་དུ་དཀྲོལ་དགོས།
དེ་ལས་མང་བ་། “ཉེས་པ་མེད་པའི་ངའི་ཕ་ཡུལ་གྱི་རི་ཆུ་ནགས་གསུམ།” »
ཕྱེ་ལེབ་དཀར་པོ་དེ་ངས་ཀྱང་མཐོང་མྱོང་།
ཟླ་བ་གཞོན་ནུ། ————ཕྱེ་ལེབ་དཀར་པོར་འཁྲེང་བའི་གྲོགས་ཤིག་ལ། ཕྱེ་མ་ལེབ་དཀར་པོ་དེ་ངས་ཀྱང་མཐོང་མྱོང་། དེས་ཀྱང་མེ་ཏོག་ཅིག་འཚོལ་གྱིན་འདུག་ཟེར་ལ། མེ་ཏོག་དེ་ཁྱེད་རང་ཡིན་པར་སྨོན་ཞེས་ཡང་ཡང་ཞུ་ངེས་། རེ་སྒུག་གི་མེ་ཏོག་བརྟན་པོར་སྡོད་དང་། དྲི་བསུང་གི་ཞིམ་མངར་ལྷོད་ཀྱིས་སྟོར་དང་། སེམས་སོང་གི་ཕྱེ་ལེབ་དཀར་པོ། ཡིད་འགུག་གི་དྲི་ངད་ལ་རིང་ནས་ཕྱོགས་ཏེ། འཕོས་འདོད་ཀྱི་བསམ་པ་ལྷུན་གྱིས་འགྲུབ་ངེས། རེ་སྒུག་གི་མེ་ཏོག་བརྟན་པོར་སྡོད་དང་། དྲི་བསུང་གི་ཞིམ་མངར་ལྷོད་ཀྱིས་སྟོར་དང་། རེ་སྒུག་གི་མེ་ཏོག་དེ་རྙིད་དུ་མ་འཇུག་དང་། ཞིམ་མངར་གྱི་དྲི་བསུང་དེ་སྟོར་མཚམས་མ་ཆད་དང་། འཐམ་འཁྱུད་ཀྱི་སྐལ་བ་ངེས་པར་ལྡན་ཡོང༌།…
འཁྲུངས་སྐར་སྙན་རྩོམ་ཞིག་
བོད་ཀྱི་རེ་བ་བོད་ཀྱིས་སྐོངས།།
རྒྱ་ཡི་དོགས་པ་རྒྱ་ཡིས་སོལ།།
བོད་རྒྱའི་བར་ཆད་གཉིས་ཀས་སོལ།།
གཉིས་ཀ་ཚིམ་པའི་དབུ་ལམ་ནས།།
༸སྐྱབས་མགོན་བོད་དུ་བྱོན་གྱུར་ཅིག།
ང་ཡི་རྩ་བའི་བླ་མ་དགུང་གྲངས་༧༤ལ་ཕེབས་དུས། ང་ཡི་སེམས་ཀྱི་ཁུར་བོ་ལྗིད་ཀྱིས་མནན་སོང་།
སྐར་ཆེན།
ང་ཡི་རྩ་བའི་བླ་མ་བསྟན་འཛིན་རྒྱ་མཚོ་དགུང་གྲངས་༧༤ལ་སླེབས་སོང་། ཡུལ་གྱར་བོད་མི་རྣམས་ཀྱིས་འཛམ་གླིང་གི་ས་ཕྱོགས་སོ་སོ་ནས་རྩ་བའི་བླ་མའི་འཁྲུངས་སྐར་སྲུང་བརྩི་བྱས།
འདི་ལོ་ནི་ང་ཡི་རྩ་བའི་བླ་མ་བཙན་བྱོལ་དུ་ཕེབས་ནས་ལོ་ངོ་ཧྲིལ་བོ་ལྔ་བཅུ་འཁོར་བའི་ལོ་རེད། ཡུལ་གྱར་བོད་མི་རྣམས་རྒྱའི་བཙན་འོག་ནས་བྲོས་དེ་ལོ་ངོ་ལྔ་བཅུ་འཁོར་བའི་ལོ་རེད།
བོད་མི་རྣམས་རང་གི་ཕ་ཡུལ་ལ་ལོག་མ་ཐུབ་པར་མི་ཡུལ་ལ་གྱར་ནས་བགྲང་བྱ་ལྔ་བཅུ་འགོར་བའི་ལོ་རེད། འདི་ལྟར་གཞིས་བ་རྣམས་ཀྱིས་བྱེས་ལ་སྒུག་ཅིང་བྱེས་བ་རྣམས་ཀྱིས་གཞིས་ལ་རེ་བཞིན་ལོ་ངོ་ལྔ་བཅུ་ཕྱིན་སོང་།
དེ་ལས་མང་བ་། “ང་ཡི་རྩ་བའི་བླ་མ་དགུང་གྲངས་༧༤ལ་ཕེབས་དུས། ང་ཡི་སེམས་ཀྱི་ཁུར་བོ་ལྗིད་ཀྱིས་མནན་སོང་།” »