དགེ་འདུན་རབ་གསལ།
——————-
སྔ་ལོའི་ལོ་མཇུག་ཏུ། ༧གོང་ས་མཆོག་གིས། བོད་ཁྱིམ་སློབ་གྲྭར་འདས་པའི་བཙན་བྱོལ་གྱི་ལོ་ཟླ་དག་གི་ནང་བོད་མིའི་སློབ་གྲྭ་ཁག་ཏུ་ཤེས་ཡོན་གྱི་གནས་སྟངས་སྐྱོ་བོ་ཡིན་སྐོར་བཀའ་སློབ་ཕེབས་ཤིང་། དེ་ནས་སླར་ཡང་དམིགས་བསལ་ཚོགས་ཆེན་གྱི་མཇུག་ཏུ་ཆེད་ལས་པ་ཉུང་བའི་སྐྱོན་ཡོད་པའི་བཀའ་སློབ་ཕེབས་པ་ནས་བཟུང་། བཙན་བྱོལ་ནང་འདིའི་སྐོར་གྱི་གླེང་གཞི་དེ་ཆེན་པོ་ཆགས་ཤིང་། ཤེས་རིག་ལས་ཁུངས་ཀྱིས་ཀྱང་བོད་ཀྱི་དུས་བབ་ཏུ་གསལ་བསྒྲགས་ཤིག་སྤེལ་ནས་བོད་མིའི་ཆེད་ལས་སློབ་ཐོན་པ་གང་ན་སུ་ཡོད་རྣམས་ཀྱིས་ཐོ་གཞུང་བཙན་བྱོལ་གཞུང་ལ་འབུལ་དགོས་པའི་སྐུལ་མ་བྱས་འདུག་ལ། ༼འདི་ཡང་༧གོང་ས་མཆོག་ལ་ཐུགས་གསོ་ཞིག་འབུལ་ཆེད་ཡིན་ལས་ཆེ་སྙམ།༽ ཁ་བརྡ་དྲ་དེབ་སྟེང་དུ་ཡང་རབ་འབྱོར་ལགས་ཀྱིས་ཡོད་ཚད་༧རྒྱལ་བ་རིན་པོ་ཆེ་ལ་སྒུག་པའི་བོད་མིའི་གཤིས་ཀ་དེ་འགྲེལ་བརྗོད་བྱས་འདུག ངེད་ཀྱིས་ཀྱང་འདི་འབྲེལ་གྱི་གནས་ཚུལ་ཐད་བསམ་ཚུལ་འགའ་རེ་བྱུང་བ་གཤམ་གསལ་ལྟར་ཡིན།
