བསེ་སྐར་ཚོམ་གྱིས་དབྱིན་ཡིག་ནས་བསྒྱུར།
ཉིན་ཞིག་མི་ཚང་གཞན་གྱི་ཁྱིམ་སྒོ་གཅིག་ནས་གཅིག་བརྒྱུད་ཀྱིས་ཅ་དངོས་བཙོངས་ཏེ་རང་ཉིད་ཀྱི་སློབ་ཡོན་འཚོལ་ཐབས་བྱེད་པའི་བུ་ཆུང་སྐྱོ་བོ་ཞིག་གིས་རང་གི་ལག་ཏུ་དངུལ་ཊམ་སྲབ་བུ་གཅིག་ལས་ལྷག་མེད་པ་ཤེས་ཤིང་གྲོད་ཁོག་ཀྱང་ཧ་ཅང་ལྟོགས།
རེབ་གོང་། མ་ཕམ་གཡུ་མཚོ། ཀྱེ་མ་གང་དུ། མི་ལ་རས་པའི་ལན།
(མཁས་དབང་དགེ་འདུན་ཆོས་འཕེལ་གྱིས་ཨིན་སྐད་དུ་བརྩམས་པའི་སྙན་ངག་ཁག་བཞི།)
Rebkong རེབ་གོང་།
My feet are wandering neath the alien star,
My native land, – the road is far and long.
Yet the same light of Venus and Mars
Falls on the small green valley of Rebkong.
རྒྱུས་མེད་གནམ་གྱི་ སྐར་མའི་འོག་ཏུ་ ཁོ་བོས་གོམ་པ་ སྤོ་བཞིན་ཡོད།།
བདག་གི་ཕ་ཡུལ་ རྒྱང་ན་གནས་ཤིང་ དེ་ཡི་བཤུལ་ལམ་ ཧ་ཅང་རིང་།།
འོན་ཀྱང་སྐར་མ་ པ་སངས་དང་ནི་ མིག་དམར་ཟུང་གི་ འོད་དེ་ཉིད།།
ལྗང་མདོག་ལྡན་པ་ རེབ་གོང་ཞེས་བྱ་ ལུང་ཆུང་དེ་རུ་ འཕྲོ་བར་བྱེད།།
དེ་ལས་མང་བ་། “རེབ་གོང་། མ་ཕམ་གཡུ་མཚོ། ཀྱེ་མ་གང་དུ། མི་ལ་རས་པའི་ལན།” »
༄༅།། དཔལ་ལྡན་སྲིད་སྐྱོང་མཆོག་གི་གཟི་བརྗིད་ཁོག་སྟོང་རྣམ་བཤད་གཟུར་གནས་དགྱེས་པའི་ཚོམ་བུ།
གྲགས་པ།
ཁ་ཕོ་གནམ་ལས་ཆེ་བའི་བློ་སེང་གིས།།
ཆིག་སྒྲིལ་གསར་གཏོད་རང་ཁ་རང་གསོ་ཡི།།
ཁ་གཡང་སྙན་མོའི་གཡོ་ཇུས་དར་ཐག་ཉིད།།
གཞིས་བྱེས་བོད་མིའི་བར་ལ་ཤུགས་ཀྱིས་འཐེན།།
རྩ་དོན་གསུམ་གྱི་གྲུབ་འབྲས་སྙེ་མ་ཞིག།
མི་ལོ་བདུན་ལ་ཉིན་མོའི་སྐར་མ་བཞིན།།
ནམ་ཡང་མཐོང་བར་དཀའ་བའི་རང་མདོག་དེ།།
ན་ནིང་ད་ལོ་ཇེ་གསལ་ཇེ་གསལ་རེད།།
དབྱིན་ཇིའི་རྒྱལ་སྲས་ཀྱི་བག་གསར་རམ། ཨ་རིའི་གློག་བརྙན་ཁྲབ་སྟོན་མ་གྲགས་ཅན་མཱེ་གྷན/མཱར་ཁུལ/གྱི་མཉམ་འབྲེལ་རྒྱལ་ཚོགས་ཐོག་གི་གཏམ་བཤད།
རྐ་སྲས་ཀྱིས་བསྒྱུར།
སྐུ་ཞབས་དང་སྲས་མོ་རྣམས་པ། ཨ་རིའི་གློག་བརྙན་ཁྲབ་སྟོན་པ་དང་།
༄༄།།གྲུབ་དབང་སངས་རྒྱས་མཉན་པ་རིན་པོ་ཆེའི་ཞབས་དྲུང་ནས་སྔ་འགྱུར་ཡབ་ཆོས་སྙིང་ཐིག་ཡ་བཞིའི་དབང་ལུང་ཟབ་མོ་ཞུས་པའི་གཏམ་སྙན་རིག་འཛིན་ངག་གི་མཆོད་ཕྲེང་།
༄༄།། ན་མོ་གུ་རུ་པདྨ་ཀ་ར་ཡེ།
གདོད་ནས་རྣམ་དག་ཆོས་སྐུའི་སྟོན་མཆོག་ཀུན་ཏུ་བཟང་ཞེས་སྲིད་ཞིའི་མཐའ་ལས་འདས་པའི་བདག་ཉིད་ཆེ།།
ས་བཅུའི་འཁོར་ལ་ཟབ་རྒྱས་ཆོས་སྟོན་ལོངས་སྐུ་འོད་མི་འགྱུར་ཞེས་མཚན་གྱི་རོལ་མོ་དགེ་ལེགས་ཅན།།
རབ་འབྱམས་སྤྲུལ་པའི་རོལ་བ་འབྱམས་ཀླས་ཨོ་རྒྱན་གསང་བ་གསུམ་གྱི་སྒྱུ་འཕྲུལ་ཞབས་སེན་པདྨོའི་རྡུལ།།
བདག་གི་དད་གསུམ་དབྱར་གྱི་དཔལ་མོ་མཛེས་པའི་རྒྱན་ཕྲེང་སྲིད་པའི་མཐར་ཡང་རྫོགས་ལྡན་རྒྱན་གྱུར་ཅིག།
སེམས་པ་ཁ་བས་མནན་ཚུལ།
ཁྲོ་གཏུམ།
ཁ་བ་དང་བྲལ་བ་ནི་རང་ཡུལ་དང་བྲལ་བ་ཡིན
ཆུང་དུས་ཀྱི་དགུན་ཁ་ནི་ཁ་བ་རེད
ཁ་བའི་འདབ་མ་བརྩེགས་པའི་གངས་རི་དཀར་སང་ངེ
ཁ་བ་བྱ་ཁྱུ་བཞིན་འབབ་པའི་བར་ན
ངའི་ནང་མི་དང་ང་ཡོད་ལ
ངའི་རྟ་ནོར་ལུག་གསུམ་ལས་བོང་བུ་མེད
སྐྱེས་དུས་ནས་མཐོང་མྱོང་བ་ནི་རི་བོ་དག་ལས་དེའུ་འབུར་ཉུང
རི་བོ་མཐོ་ས་ནས་བསང་ཕུལ་ཞོར་རླུང་རྟ་བསྐྱོད
བསང་བརྩི་ཞོར་ཀི་བཏབ
བློ་བདེ་ཟླ་བ་གཞོན་ནུ། (ཞར་བཀོད་གཉིས།)
ཨེ་མ་ཧོ།
ན་མོ་གུ་རུ་བུདྡྷ་ཛྙཱ་ན་ཡེ།།
ཀ་དག་གདོད་མའི་བཙན་ས་ཟིན།།
ཁ་དོག་རྩོད་གྲྭའི་ཐལ་སྐད་དབེན།།
ག་ས་གང་དུ་མཆིས་ན་ཡང་།།
ང་ཁྱོད་ཞེན་ལྟའི་ཆགས་ཞེན་བྲལ།།
ཅ་ཅོ་མོད་པའི་གྲོང་ཁྱེར་དུ།།
ཆ་ལུགས་ངེས་མེད་རྒྱུ་བའི་ཚེ།།
ཇ་ཆང་སྲེད་ཆགས་མ་ཆེ་ཡང་།།
ཉ་ཉོག་འཚམས་པའི་དགའ་སྐྱིད་རོལ།།
བུ་མོ་མེ་ཏོག་གཡུ་སྒྲོན།
ལྷ་རྩེའི་ཁུ་བྱུག
འཇའ་འོད་གློག་མ་སྤྲིན་གྱི་བུ་མོ་ཞིག །
དཀར་འོད་ཉག་མ་འཐིབ་པའི་བུ་མོ་ཞིག །
ཟླ་བའི་འོད་ལས་བརྒལ་བའི་མངོན་འགྲོ་མ། །
ས་སྟེང་མེ་ཏོག་སྟོང་གིས་མཚོན་ནུས་མིན། །
བཞིན་གྱི་པདྨ་བཀད་ཡག་མ། །
མིག་གི་ཨུཏྤལ་འཛུམ་ཡག་མ། །
དེ་དུས་ང་རླངས་འཁོར་ཁ་ལོ་བ་ཞིག་ཡིན།
ཀླུ་སྨྱོན།
(བརྩམས་སྒྲུང་གསར་པ།)
གཅིག
མཚོ་བོད་མཐོ་སྒང་གི་གནམ་གཤིས་འགྱུར་ལྡོག་ཧ་ཅང་མྱུར་བའི་རྐྱེན་གྱིས། ཆུ་ཚོད་གཅིག་གི་ནང་དུ་ཡང་གནམ་གཤིས་མི་འདྲ་བ་འགའ་བརྒྱུད་དགོས་པ་སྨྲོས་མེད་སྟེང་། ལམ་འགྲམ་གྱི་ཆེ་ཆུང་དང་སྤུས་ཀ་མི་འདྲ་བའི་ཁང་པ་དང་སྦྲ་གུར་སྣ་ཚོགས་ཀྱིས་མི་སེམས་ལ་གཏམ་རྒྱུད་འདྲ་མིན་གྱི་སྣང་བརྙན་སྣ་ཚོགས་ཤིག་སྐྲུན་པར་བྱེད། ད་དུང་ངོ་གདོང་གི་གདོད་མའི་ཤ་མདོག་ཅི་བཞིན་མཐོང་མི་ཐུབ་པར་ཉི་འོད་དང་ཁ་ཆར་བུ་ཡུག་གྲང་རླུང་སོགས་ཀྱིས་པགས་མདོག་དམར་ནག་དང་རྩུབ་པོར་བསྒྱུར་ཡོད་པའི་བོད་རིགས་མང་ཚོགས་དུ་མ་ཞིག་ཀྱང་འདྲེན་བྱེད་ཀྱི་ལམ་དུ་རྒྱུ་བར་བྱེད། ཁྱད་པར་དུ་བརྗེད་ཐབས་བྲལ་བའི་དོན་དག་མང་པོ་ཞིག་ད་དུང་བའི་དྲན་པའི་མེ་ལོང་གི་ངོས་སུ་འཁྱུག་འགྲོས་བྱེད་བཞིན་འདུག་ཅིང་། དེ་དག་ལས་འགའ་ཤས་ཤིག་འདིར་སྒྲུང་གཏམ་གྱི་རྣམ་པས་འབྲི་བར་བྱ།
དེ་རིང་ཞོགས་པ་ནས་ཁ་བ་བབས་ཤིང་གྲང་རླུང་ལྡང་། ངས་རང་གི་འགྲུལ་སྐྱེལ་རླངས་འཁོར་བསྐོར་ནས་རྫ་ཆུ་ཁར་བསྐྱོད། ཁ་བས་གཡོགས་པའི་ལམ་འགྲམ་གཡས་གཡོན་དུ་ལུས་ལ་སློག་པ་མཐུགཔོ་གྱོན་ཅིང་མགོ་དང་གདོང་ཡོངས་མགོ་རས་ཀྱིས་བཏུམས་པའི་འབྲོག་མོ་མང་པོས་ནོར་ལུག་གིས་མདང་དགོང་བཏང་བའི་ལྕི་བ་དང་རིལ་མར་བདག་ཉར་བྱེད་བཞིན་འདུག ལྕི་བ་སྐམ་པོ་སྤུངས་པའི་སྟེང་དུ་འབྲོག་ཁྱི་ཆེན་པོ་འཇིགས་སུ་རུང་བ་རེ་ཟུང་ཉལ་བསྡད་ཡོད་ཅིང་། འབྲོག་ཁྱི་རེ་རེའི་སྐེ་རུ་ལྗིད་ཚད་རྒྱ་མ་སུམ་ཅུ་བཞི་བཅུར་ལོངས་པའི་ལྕགས་ཐག་རིང་པོ་རེ་བསྐོན་ཡོད་པ་ནི་རྒྱུས་མེད་ཅིག་གིས་བལྟས་ན་ཚད་ལས་བརྒལ་བའི་མནར་གཅོད་ཅིག་ཏུ་སྣང་ཡང་། འབྲོག་ཁྱི་དེ་དག་ལ་མཚོན་ན་དེ་ནི་འཚོ་བའི་ཆ་ཤས་ཤིག་ཏུ་གྲུབ་ཡོད་ལ། འབྲོག་པ་ཚོར་མཚོན་ན་རང་གི་འབྲོག་ཁྱིའི་འདོགས་ཐག་ཅི་ཙམ་ལྕི་བ་དེ་ཙམ་གྱིས་འབྲོག་ཁྱི་དེའི་ངར་ཤུགས་དང་ཁྱི་བདག་རང་ཉིད་ཀྱི་སྤོབས་པ་ཡང་མཚོན་ཐུབ།
གཡང་ཕྱུག་མཚོའི་གསང་དོར།
གཟི་མིག
ངག་གིས་བཀུག་པའི་གླུ་སྐད་སྙན་མོ།།
རྒྱུད་མང་སྒྲིམ་པའི་སེན་རྩེར་འཁྱིལ་ནས།།
ངོ་རུ་བཞད་པའི་འཛུམ་ཟེར་འདབ་མས།།
བདག་གི་སེམས་ཆུང་དམ་དུ་བཏགས་ཐལ།།
འཛུམ་པའི་ཞལ་རས་འོད་ཀྱིས་བརྒྱན་ཏེ།།
ཁྲ་ཆུང་མིག་ཟུང་ཞོགས་པའི་སྐར་མདས།།
བགྲེས་པོའི་མིག་ཆུ། (ཞར་བཀོད་གཅིག)
གླིང་གཟི་མིག
ཚེ་སྲོག་འདིའི་གྲུབ་ཆ་མཛེས་ཤོས
ལྟོ་དང་འདོད་སྲེད་ཀྱིས་བསྐྱལ
ད་ནི་ལང་ཚོ་ཡལ་བའི་ང
དུང་སོ་སུམ་ཅུར་རྒས་བའི་གས་ཁ་ཤོར་ཚེ
ཤུལ་དུ་ལྷག་པ་ནི
དུས་ཀྱིས་བཅིང་བས་ཤ་ལྤགས་བགྲེས་པོ་དེ་རེད
དུས་དེར
ལག་པ་འདར་འདར
དུས་ནི་ཅི་ཞིག་རེད།
ཇཱ་ཝེད་ ཨཱཁ་ཏཱར་གྱིས་བརྩམས། པདྨ་ཚེ་དབང་ཤཱསྟྲིས་བོད་སྐད་དུ་བསྒྱུར།
—————-
དུས་ནི་ཅི་ཞིག་རེད།
བར་མཚམས་མེད་པར་མུ་མཐུད་རྒྱུ་བཞིན་པའི་དངོས་པོ་འདི་ཅི་ཞིག་རེད།
གལ་ཏེ་འདི་འདས་ཟིན་མེད་ན། གནས་གང་དུ་ཡོད།
གནས་གང་ཞིག་ཏུ་ངེས་པར་ཡོད་དགོས།
གལ་ཏེ་འདི་འདས་ཟིན་ཡོད་ན། ད་ལྟ་གང་དུ་ཡོད།
གནས་གང་ཞིག་ཏུ་ངེས་པར་ཡོད་དགོས།
གང་ནས་ཡོང་པ་རེད། གང་དུ་ཕྱིན་པ་རེད།
འགོ་ནམ་ཞིག་ལ་བཙུགས་ནས་མཇུག་ནམ་ཞིག་ལ་རྫོགས་པ་རེད།
དུས་ནི་ཅི་ཞིག་རེད།
མཚར་གཏམ། སྨན་པ་དང་ནད་པ།
བསྟན་འཛིན།
འབྲོག་པ་རྒན་པོ་ཞིག་སྨན་ཁང་ལ་ཕྱིན། ཁོའི་གྲོགས་པོ་སྨན་པ་དེས་ཁོ་ལ་བརྟག་དཔྱད་བྱེད་ཞོར་དྲིས་པར། “ཁྱོད་ལ་ནད་ཅི་ཡང་མིན་འདུག་པས། གཟུགས་པོ་ཡག་པོ་འདུག གཉིད་ཡག་པོ་ཁུག་གམ།”
ནད་པས། “གཉིད་དཔེ་ཡག་པོ་ཁུག འོ་ཞུ་རྒྱུ་གཅིག་ལ་ངའི་ཆུང་མ་ལོ་ཅོ་བརྒྱད་ཅན་པོ་དེ་ལ་ཕྲུ་གུ་བཙའ་རྒྱུ་ཡོད། ངའི་གཟུགས་པོ་ཞན་པོ་རང་ད་མ་རེད།”ཟེར་ནས་གདོང་ནས་འཛུམ་བསྟན།
སྨན་པ་ཡིད་ཆེས་མ་ཐུབ་པར། “དེ་ཡོང་མི་སྲིད་པ་ཞིག་རེད།”ཟེར་ནས་ངོ་ནག་ཆགས སྨན་པས་བསམ་བློ་ནན་པོ་ཞིག་བཏང་ནས། “ཁྱེད་སྤྱང་ཀིའི་སྒྲུང་དེ་གོ་ཨེ་མྱོང་།”ཟེར།
དྭགས་པོ་ཐར་རྒྱན་གྱི་མཆན་འགྲེལ་ཚིག་དོན་གསལ་བའི་སྒྲོན་མེ།
འབྲི་ཕྲུག་རོག་ཆུང་།
གདམས་ངག་འདིའི་འབྱུང་ཁུངས་ཀྱི་སྐོར།
བདག་ཅག་གི་སྟོན་པ་རྣམ་འདྲེན་བཞི་པ་ཤཱཀྱ་སེངྒེ་དེ་ཉིད་ཀྱིས། ཐོག་མར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་ཆེན་གྲངས་མེད་གསུམ་དུ་ཚོགས་བསགས། ཐ་མར་རྡོ་རྗེ་གདན་དུ་མངོན་པར་རྫོགས་པ་སངས་རྒྱས་ཏེ། གཙོ་ཆེར་ཚེ་ལོ་བརྒྱ་པའི་གདུལ་བྱ་རྣམས་སྐྱོང་བའི་ཆེད་དུ། སྡེ་སྣོད་གསུམ་གྱིས་བསྡུས་པའི་ཟབ་གསང་ཆོས་ཀྱི་ཕུང་པོ་ཇི་སྙེད་ཅིག་བཀའ་བསྩལ་པའི་ཁྲོད་ནས། རབ་དང་ཕུལ་དུ་གྱུར་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྡེ་སྣོད་རིན་པོ་ཆེ་རྣམས་ཡིན་ཅིང༌། དེ་རྣམས་ཀྱི་བརྗོད་
དེ་ལས་མང་བ་། “དྭགས་པོ་ཐར་རྒྱན་གྱི་མཆན་འགྲེལ་ཚིག་དོན་གསལ་བའི་སྒྲོན་མེ།” »
རྣམ་ཤེས་ཀྱི་བར་དུ་འཚང་བའི་སྐྱག་སྦྲང་།
ཁྲོ་གཏུམ།
གངས་འདབས་ཀྱི་རྣམ་ཤེས་ག་ཚོད་ཅིག་གི་བདེན་པའི་རལ་གྲིར་མེ་རྟགས་བར་མེད་མཆེད
ཚེ་སྲོག་གི་སྐད་འབོད་ལ་དྲང་བདེན་གྱི་བླ་ཞུགས
བླ་ཁྱེར་གང་མང་ཞིག་གི་གདུག་རྩུབ་བར་དུ
གདོན་ཞུགས་པའི་ལེ་ལག་གི་མཇུག་འབྲས་སུ
རྣམ་ཤེས་ཀྱི་བར་དུ་འཚང་བའི་སྐྱག་སྦྲང་འགའི་སྐད་སྒྲ་མཐོ་རུ་གྱུར
དྲང་བདེན་གྱི་རྣམ་ཤེས་གང་མང་ཞིག་གི་འབོད་སྐུལ
གནམ་འོག་གི་གོ་ལའི་ཡོངས་སུ་བཀང་སྐབས
ཞེན་ཆགས།
དགའ་བ་མཇེ་ཕྲུག
རིག་ན་དགའ་བ་སྟོང་གིས་སེམས་པ་བརྟས།།
རེག་ན་སྤྲོ་བ་འབུམ་གྱིས་ལུས་པོ་རྒྱས།།
ཁ་མངར་ཟས་ཀྱི་གཤིས་དང་ཡོངས་འདྲ་བའི།།
སྐྱེས་གཟུགས་མཛེས་པའི་སྨིན་ལེགས་བུ་མོ་སྒེག །
རིང་བའི་ས་ནས་ཁྱོད་ཉིད་མཐོང་ན་འདོད།།
ཉེ་བའི་གམ་ནས་ཁྱོད་དང་མཉམ་ན་བསམ།།
རྨི་ལམ་ནག་པོའི་བརྡ་ཡིག
ཀྱེ་མ་ཧོ།
ནམ་གསལ་ཆའི་ཐོ་རངས་དང་པོ་ལ།།
མཚན་རྨི་ལམ་ནག་པོ་འདི་ལྟར་བྱུང་།།
བུ་ཡིད་ཆེས་འཁན་ལ་བརྡ་ཞིག་བསྟན།།
རྐྱེན་བར་ཆད་མེད་པའི་སྨོན་ལམ་ཡོད།།
༼༡༽
གངས་དཀར་པོ་ཁྲག་ནག་ཆར་པས་གཡོགས།།
གནམ་ཉི་ཟླ་གཟའ་ཡིས་བཟུང་བ་རྨིས།།
ཁ་བས་གཡོགས་པའི་གཞུང་ལམ།
(རྩོམ་ཡིག་འདི་ནི་ཕ་ཡུལ་གྱི་ མང་ཆུ་ ཞེས་པའི་ལོ་དེབ་སྟེང་བཀོད་པའི་རྩོམ་ཡིག་ཅིག་ཡིན།)
ཀླུ་སྨྱོན་ཧེ་རུ་ཀ
གངས་སྨུག་སྟུག་པོ་ཞིག་གིས་ཨ་མྱེས་གླང་ཆེན་གྱི་རི་རྒྱུད་ཡོངས་སུ་བཏུམས་ཤིང་། ཉིན་གསུམ་རིང་མུ་མཐུད་དུ་བབས་པའི་ཁ་བའི་ཀློང་དུ་འཐེན་པའི་གཞུང་ལམ་ཞིག་མདོ་རྩེ་ཉག་ག་ནས་མཐོང་ཙམ་ཡལ་ཙམ་བྱེད། ས་འདི་ནས་མི་སེམས་འགུལ་བའི་གཏམ་རྒྱུད་ཅིག་མགོ་བརྩམས་བྱུང་ཨང་།
“རེམ་མ་ལོངས། རེམ་མ་ལོངས། དོན་དག་ཅིག་བྱུང་འདུག” སྡེ་དཔོན་ཚངས་དབྱངས་ཀྱིས་གཉིད་མཐུག་པོའི་ཀློང་དུ་ཡོད་པའི་རང་གི་བུ་ཟླ་བཟང་གི་དགུན་སློག་མཐུག་པོ་དེའི་གོང་ཁ་ནས་འཐེན་སྤྲུག་བྱེད་ཞོར་དེ་ལྟར་བརྗོད་པ་ན། ཟླ་བཟང་གིས་ཐོལ་གྱིས་ཁོག་སྟོད་དགྱེ་སྟེ། “ཨ་ཕ། ཡང་དོན་དག་ཅི་ཞིག་བྱུང་སོང་།” ཞེས་ཟེར་ཞོར་ཡར་ལངས་ནས་སློག་པའི་ཐུ་པ་ཟུང་གཡས་དཀྲི་གཡོན་དཀྲི་བྱས་པའི་སྟེང་དུ་མེ་ལྕེ་འབར་འདྲའི་སྐེ་རགས་ཤིག་བཅིངས།
ད་སོ་མ་མདོ་རྩེ་ཉག་ཁ་ནས་ཟི་ལིང་ལ་འགྲོ་བའི་སྤྱི་སྤྱོད་རླངས་འཁོར་ཞིག་གངས་འཁྱག་སྟེང་འགྲེད་བརྡར་ཤོར་ཏེ་ལམ་ཟུར་གྱི་གཡང་ལ་ལྷུང་འདུག་ཟེར། ཁྱོད་ཀྱིས་རེམ་མ་སྡེ་བའི་གསར་བུ་གསར་མོ་ཚོར་བརྡ་རྒྱོབས། ངས་རྫོང་ཉེན་རྟོག་ཁང་དང་སྨན་ཁང་ལ་གནས་ཚུལ་ཡར་ཞུ་བྱེད། ཟེར་ཞོར་སྡེ་དཔོན་སྐྱ་རེངས་ཀྱི་འོད་མདངས་མག་མོག་ཅིག་གི་ཀློང་དུ་ཡལ་སོང་།
ཕ་ཡུལ་དྲན་གཏམ།
ཆབ་ངོམས་ཨ་ཚོགས།
གནས་དྷ་སའི་རི་བོ་རྩེ་མོའི་སྟེང་།།
གངས་དཀར་པོའི་རི་བོ་མཛེས་སྡུག་བསྐྲུན།།
ཤིང་ལྗོན་པ་ལྡེམ་ལྡེམ་ལྕུག་ལྕུག་བྱེད།།
དེ་མཐོང་བ་ཉིད་ལ་ངོམས་ཡུལ་དྲན།།
གནས་གཙུག་ལག་ཁང་གི་སྐོར་ལམ་ནས།།
མི་བགྲེས་པོ་སྐོར་ལམ་དལ་གྱིས་བསྐྱོད།།
སྣང་བ་བན་བུན།
དགའ་བ་མཇེ་ཕྲུག་ནས།
རི་ནགས་གནས་རི་བསྐོར་ནས་རྐང་ཆུང་ན་རོགས་ཙམ་རེད།།
ཆོས་མཇལ་ཆོས་འདོན་མང་ན་ང་རྒྱལ་རྒྱས་པའི་རྒྱུ་རེད།།
སོ་སོའི་སེམས་པ་གཅིག་དེ་སོ་སོས་བདག་གཅེས་ཤེས་ན།།
ཆོས་དང་འཇིག་རྟེན་གཉིས་ཀྱི་སྙིང་པོ་དོན་གྱི་ནོར་རེད།།
རང་གི་སེམས་པ་གཅིག་དེ་དུལ་བའི་ནུས་ཤིག་མེད་དུས།།
གཞན་སེམས་བརྒྱ་སྟོང་འདུལ་བའི་ཆོས་པ་སུ་ཞིག་ཡོད་རེད།།