རླུང་དམར། 


མུན་པ་དང་མུན་པའི་བར་ཐག་ལ་ཚད་གཞི་འཇལ་བའི་ཉི་གདུགས་ཀྱི་སྒོ་ཆེན་པོ
རང་དབང་དང་བཙན་ཤེད་ཀྱི་ཤ་ལུས་ལ་བདེ་སྐྱིད་ཀྱི་འདྲ་མཉམ་བརྩིགས་པའི་ནམ་མཁའི་ཕོ་བྲང

འཇིག་རྟེན་དཀར་ངོགས་འདིར་ཞི་བདེའི་ངོ་གདོང་ལ་བསུས་པའི་ཡེ་ཤུའི་ལྷ་ཆེན་པོ 
མཛད་དཔྱོད་ཀྱི་བྱམས་བརྩེ   ཐུགས་མཛངས་ཀྱི་སྙིང་རྗེ  བྱམས་སྐྱོང་གི་ཆོས་དཔོན 
ཁྱེད་རང་སྐུ་གཤེགས་པར་གདུང་ཚོར་དྲག་པོས་མིག་ཆུ་ཆར་བཞིན་ལྷུང  
ཁ་བ་ཉི་མས་བསྐམས   བྲག་ནགས་སྤྲིན་རླུང་གིས་གཡོགས 
ཞི་བདེའི་དབུ་འདྲེན་པ་སྐྱེས་བུ་ཁྱེད་འཁོར་བ་འདི་ནས་གཏན་གཤེགས་གནང་ཡོད་ནའང 
ཁྱེད་ཀྱི་མཛད་རྗེས་ཀྱི་འོད་གཏེར་འཇིག་རྟེན་འདིའི་དབུ་ན་རྒུད་མེད་ཀྱི་ཉི་མ་ཤར་ཡོད 

དེ་ལས་མང་བ་། “ཡེ་ཤུའི་སྐྱེས་མཆོག་ཌེ་སི་མོན་ཋུ་ཋུ་སྐུ་གཤེགས་པར་མྱ་ངན་ཞུ་ཚིག” »

གཞུང་པ་ཚེ་དབང་བསོད་ནམས་།

ཀ་ཁ་སྤྱི་བོར་བཀུར་ནས་ཀ་བཤད་བྲིས།།
ཁ་སྐད་བོད་སྐད་རྒྱབ་ནས་ཀ་བཤད་སྤེལ།།
ག་པར་གནས་ཀྱང་བོད་སྐད་བོད་ཡིག་ཟབ།།
ང་ཚོའི་སྐད་ཡིག་ང་ཚོའི་བདག་པོ་རྒྱོབ།།

དེ་ལས་མང་བ་། “༄༅། །ཀ་བཤད་བསླབ་བྱ་གདམས་པ།” »

ཆང་སྐྱེས།

སྒོ་ཤེར་ལགས་ལ་ལོ་བཅུའི་ཁྲིམས་ཐག་བཅད་པའི་གཏམ་ངན་ཐོས་རྗེས་སྐྱོ་སེམས་དང་བཅས།

རང་གི་རིགས་ལ་ཕན་དང་བདེ་བའི་ལས།།
ཧུར་གྱིས་བརྩོན་པའི་དཔའ་མཛངས་རྟུལ་ཕོད་ཅན།།
མི་གཙང་ཁ་དབུགས་རུལ་བའི་འཁོར་ཡུག་ན།།
སྐུ་ངལ་ཡང་ཡང་མྱངས་སོང་ཨ་མའི་བུ།།

སྨུག་པོ་གདོང་དམར་ཅན་གྱི་མི་རིགས་འདིའི།།

དེ་ལས་མང་བ་། “བར་ཆད།” »

གཡུ་སྒང་དགེ་འདུན།

༡༽རྒྱལ་བསྟན་སྲོག་གི་ཀ་ཆེན་འདེགས་མཁས་པའི།།
ལེགས་བཤད་ཉིང་བཅུད་འཛིན་པའི་དེད་དཔོན་དེས།
དུས་མིན་འཚུབ་ལོང་རྒྱ་མཚོའི་སྙིགས་མཐའ་རུ།།
འགྲོ་རྣམས་ཞི་བདེས་བསྐྱངས་ལ་གུས་པས་བསྟོད།།

༢༽ཆོས་སྲིད་ཟུང་གི་རྒྱུད་མང་དཀྲོལ་བ་ན།།
སྐལ་ལྡན་གདུལ་བྱའི་དགའ་སྤྲོའི་ཐལ་སྒྲ་ཡིས།།
སྟོང་གསུམ་གཡོ་བར་བྱེད་པའི་ངང་ཚུལ་ལ།།
དད་པའི་སྤུ་ལོང་མི་ལྡང་སུ་ཞིག་མཆིས།།

དེ་ལས་མང་བ་། “བྱུ་རུའི་ལྗོན་པ།” »

འཇིགས་དབང་།

༄༅།། ལྷ་མོ་དོན་གྲུབ་མདོ་སྨད་ཡུལ་ནས་འཁྲུངས།།
བསྟན་འཛིན་རྒྱ་མཚོ་ལྷ་སའི་གསེར་ཁྲིར་བསྐོས།།
ཏཱ་ལའི་བླ་མར་ཞི་བདེའི་གཟེངས་རྟགས་ཕུལ།།
ནང་པ་ཡོངས་ཀྱི་རྩ་བའི་བླ་མར་བཀུར།།
འཛམ་གླིང་ཡོངས་ཀྱི་བཀའ་སློབ་ཞུ་ཡུལ་ཆགས།།
གསེར་སེར་པོའི་ཉི་མ་ཤར་འདྲ་བོ།།
རྗེ་བླ་མ་ཡིད་བཞིན་ནོར་བུ་རེད།།
ཁོང་བྱམས་བརྩེ་ནམ་མཁའི་མཐའ་ལས་ཡངས།།

དེ་ལས་མང་བ་། “བཀྲིན་བསམ་མ” »

གངས་ལྷ་མོ།

ཀ་བ་བུམ་པའི་གནད་ལ་སྦྱངས་མེད་ཀྱང་།
ཁ་བའི་རིགས་སུ་སྐྱེས་པའི་སྒྲོལ་མ་གསུམ།
ག་ས་གང་ལ་དོན་གཉེར་སྒྲོལ་མ་གསུམ།
ང་ཡི་སྐད་བསྐུར་ཚིག་གསུམ་ཚུར་ལ་ཉོན།

དེ་ལས་མང་བ་། “ཀ་བཤད་བཀའ་བློན་གསུམ་ལ་བྲིས།” »

རྐ་སྲས།

ཞེ་རྩ་དུང་བས་དྲོས་བའི་སློབ་རྭ་འདི་ནས།།
བཅུ་ཕྲག་རིག་པའི་མེ་ཏོག་འཐུ་བའི་ཤོར་ལ།།
སྙིང་ལ་རི་མོ་འབྲི་བའི་རི་དྭགས་མིག་ཅན།།
འཁྱོག་དཀར་གཞུ་ལ་ཁུག་ན་ཁྲིག་ཁྲིག་མི་འདུག།

མ་འདྲིས་སྙིང་ལ་སྡུག་པའི་ལུས་ཕྲ་བུ་མོ།།
མི་ཚོགས་སྐོར་བྲོའི་དཀྱིལ་ཀྱི་ཟླ་བ་ལྷ་མོ།།
པ་ཅེ་*སྣང་བ་འཕྲུལ་བའི་སྨུག་རྒྱུ་མིན་ན།།
ང་ལ་འཛུམ་ཙམ་བྱས་ན་ཁྲིག་ཁྲིག་མི་འདུག།

དེ་ལས་མང་བ་། “ཁྲིག་ཁྲིག་མི་འདུག” »

ཆང་སྐྱེས།

དམངས་དོན་དར་ཆ་སྟོང་བའི་དབྱིངས་སུ་བསྒྲེངས་ཏེ།།
རང་དོན་བྱ་བ་མངོན་ལྐོག་གཉིས་ནས་སྒྲུབ་བཞིན།།
ཕན་དང་ཁེ་བཟང་མ་ལུས་བདག་གིར་སྤྱོད་པའི།།
སྡེ་ཆེན་དཔོན་པོ་ཚོ་ལ་གྱོད་ཅིག་རྒྱག་དགོས།།

མི་རིགས་སློབ་གསོ་བྱང་ཐང་རླུང་ལ་བསྐུར་ཏེ།།
ཀ་ཁའི་རིན་ཐང་ཨ་རག་ཆང་ལ་རྗེ་བཞིན།
ཇ་ཁང་ཤོ་ཁང་ནང་ན་བག་ལ་ཞ་བའི།།
དགེ་རྒན་འདི་འདྲའི་རིགས་དག་ས་མཐར་སྤྱུགས་དགོས།།

དེ་ལས་མང་བ་། “འཐེན་ཐུག་ཁ་ཚ་མ།” »

གཞུང་པ་ཚེ་དབང་བསོད་ནམས་།

ཀ་ཁ་ཕ་མེས་སྐད་ཡིག་བོད་མིའི་སྣང་ཆུང་མ་གནང་དང་།།
ཁ་སྐད་བོད་སྐད་གཙང་མ་བོད་མིའི་བེད་སྤྱོད་གནང་དང་།།
ག་པར་བསྡད་ཀྱང་རང་གིས་སྐད་ཡིག་མ་བརྗེད་གནང་དང་།།
ང་ཚོ་བོད་པ་ཡིན་པའི་ངོ་སྤྲོད་སྐད་ཡིག་རིག་གཞུང་ཙམ།།

དེ་ལས་མང་བ་། “ཕ་མེས་སྐད་ཡིག་སྲུང་སྐྱོབས་སྐོར་ལ་ཕུལ་བའི་ཀ་བཤད་།” »

སློབ་དཔོན་ཆེན་མོ་མཁས་པའི་དབང་ཕྱུག་ཟམ་གདོང་རིན་པོ་ཆེ་མཆོག་ཉིད་དགུང་གྲངས་གྱ་གཉིས་བཞེས་པའི་འཁྲུངས་སྐར་དུས་སྟོན་ལ་ཕུལ་བའི་ཚིགས་སུ་བཅད་པ།

ཧོར་གཙང་འཇིགས་མེད།

འབད་དང་བརྩོན་པའི་རྣོ་གྲིའི་དབལ་གྱིས་གནའ་དེང་ཤེས་བྱའི་ནགས་ལ་ཟ།།

རྒུད་དང་རྨོངས་པའི་ཚང་ཚིང་བསྲེགས་ཏེ་མཁྱེན་རབ་ལྗང་ལོའི་འདབ་མ་ལྡེམ།།

བློ་དང་ཐོས་པའི་ཉིང་རྡུལ་བསགས་ཏེ་འཇིགས་མེད་སྤོབས་པའི་གད་རྒྱངས་ཅན།།

དུས་ཀྱི་མཐའ་ན་མཁས་པའི་མཁས་པ་བསོད་ནམས་སྟོབས་ཀྱི་སློབ་དཔོན་མཆོག།

དེ་ལས་མང་བ་། “སྟོབས་ཀྱིས་བཞུད་པའི་བཤུལ་ལམ།” »

འདྲེ་གླེན་པ།

དབྱར་ཀ་ཚེས་སོང་
ཡིང་ཧཱ་མེ་ཏོག་འཐོར་སོང་
གྲོང་ཁྱེར་གྱི་རླན་པ་ཁུར་བའི་ཁྱེད་ཀྱིས
མེ་འཁོར་གྱི་ལྕགས་ལམ་སྟེང་དུ་ལོ་རབས་དགུ་བཅུ་དྲན

དེ་ལས་མང་བ་། “ང་ཡི་སྐྱོ་བ་ཁུར་བའི་གཙང་བོ།” »

གཡུ་སྒང་དགེ་འདུན།

(༸སྐྱབས་རྗེ་ཟམ་གདོང་རིན་པོ་ཆེ་དགུང་གྲངས་ ༨༢ ཕེབས་པའི་སྐུའི་འཁྲུངས་སྐར་ལ་ཕུལ།)

༡༽བློ་བཟང་ཉི་མའི་དཀྱིལ་འཁོར་རབ་རྫོགས་ཤིང་།།
རྒྱལ་བསྟན་འཛིན་པའི་པད་ཚལ་ཆེར་བརྟས་པས།།
ཆོས་དང་སྲིད་ཀྱི་འོད་སྣང་འབུམ་འབྱེད་པའི།།
མཁས་པའི་རྒྱལ་མཚན་སྒྲེང་ལ་གུས་པས་བསྟོད།།

དེ་ལས་མང་བ་། “བསྟོད་ཚིག་ཉི་མའི་དཀྱིལ་འཁོར།” »

ཁྲོ་གཏུམ། [ཨོ་གླིང་།]

ང་ཚོའི་མགོ་ཐོག་ན་གནམ་ཡོད་རེད
ང་ཚོའི་རྐང་འོག་ཏུ་ས་ཡོད་རེད
འདི་ནི་དཔེ་ཆེ་ས་ནས་བཤད་ཡིན

ང་ཚོས་ཡར་བླ་མ་ལ་མཆོད་པ་འབུད་པ་རེད
མར་སྤྲང་པོ་ལ་སྦྱིན་པ་གཏོང་གི་རེད
འདི་དཔེ་འབྲིང་ས་ནས་བཤད་ཡིན

དེ་ལས་མང་བ་། “དཔེ་རབ་འབྲིང་ཆུང་མཐའ།” »

རྔ་བ་ཀུན་བཟང་།

སེམས་པ་དེ་ཤིགས་ཙམ་གནང་དང་།
སེམས་པ་དེའི་ཕ་རོལ་ན།
ང་ཡི་དྲན་ཆེན་ཕ་མའི་བདེ་སྐྱིད་ཡོད།
རྨི་ལམ་ཁྲི་ཁྲི་འབུམ་འབུམ།
རེ་བ་ལྔ་བཅུ་རྩ་གཅིག།
ད་དུང་།
འཚོ་བ་ཡོད།
དགའ་སྐྱོ་ཡོད།
ན་ཟུག་ཡོད།

དེ་ལས་མང་བ་། “སེམས་པ་དེ་ཤིགས་ཙམ་གནང་དང་།” »

ཁྲོ་གཏུམ། ༼ཨོ་སི་ཁྲོ་ལི་ཡ།༽

——གནམ་སྔོན་པོའི་འོག་གི་བརྩེ་བ་ཆ་འགྲིག་དང་ཡང་འགྲིག་སྟེ་བུ་དང་བུ་མོའི་སྣང་བ་དར་སྐུད་མདུད་པ།

གངས་ཀྱི་ལས་དབང་སྒུམ་པའི་མཐོ་སྒང་གི་ཡུལ་ལ།།
ལས་ཀྱི་མེ་ཏོག་བཏབ་པའི་མི་ཚེ་ཡི་མདུན་མ།།
བརྩེ་བའི་རྒྱན་ལ་བཏེགས་པའི་གཏམ་བཟང་ཞིག་ཐོས་པས།།
རྒྱང་རིང་གྲོགས་པོའི་དགའ་སྤྲོ་མཚོ་རླབས་སུ་འདྲེས་སོང་།།

དེ་ལས་མང་བ་། “གྲོགས་པོའི་ལས་དབང་གི་ཁ་དན་ལ།” »

གངས་དཀར་སེམས།

ང་ཚོ་ལ་དམིགས་བསལ་གང་ཡང་མེད།
ང་ཚོ་འགྲོ་བ་མིའི་གྲལ་གྱི་མཐའ་མ་ཡིན་པར་ངེས་ཤེས་དགོས།
ང་ཚོའི་ཕ་གཞིས་མ་ཁང་དགྲ་ཡི་ལག་ཏུ་ལྷུང་།
ང་ཚོའི་ཆོས་དང་རིག་གཞུང་གཞན་གྱིས་བཙོན་དུ་བཙུད།

དེ་ལས་མང་བ་། “རླུང་ལ་སྤུར་བའི་སྐད་ཆ་འགའ།” »

ཆང་སྐྱེས།

ནམ་ཟླ་དབྱར་ཁ་རྫོགས་ཏེ་སྟོན་ཁ་སླེབས།།
འཁོར་ཡུག་མཛེས་སྡུག་སྣུམ་པོ་ཡུན་གྱིས་རྒུད།།
སྐྱོ་གདུང་སེམས་པ་སྙི་མོ་ལག་པས་སྐྱོར།།
སྨ་ར་འདི་ཡང་ཇེ་རིང་ཇེ་རིང་རེད།།

དེ་ལས་མང་བ་། “ཉིན་ཐོ་བཙན་སྒྲིག་མ།” »

གཞུང་པ་ཚེ་དབང་བསོད་ནམས་།

ཀ་བ་གསུམ་གྱི་འགན་འཁུར་འོག་ཏུ་བཙན་བྱོལ་བོད་ཀྱི་མང་གཙོ་བཙུགས་།
ཁ་དང་ལྕེ་ལ་སྦྱར་ནས་བཤོད་རྒྱུ་མང་གཙོ་ཁྲིམས་ཀྱི་དབང་བསྒྱུར་བཤད་།
ག་ནས་བལྟས་ཀྱང་ཁྲིམས་འགལ་སྒྲིག་འགལ་ཀ་བ་གསུམ་གྱི་འགོ་ནས་བརྩམས་།
ང་ཚོ་མི་མང་བཅའ་ཁྲིམས་བློ་གཏད་ཡིད་ཆེས་བརྩི་བཀུར་ཉམས་ལེན་བརྟན་།

དེ་ལས་མང་བ་། “བཙན་བྱོལ་བོད་མིའི་མང་གཙོའི་ཀ་བ་གསུམ་གྱིས་འགན་འཁུར་ལ་དཔྱད་པའི་ཀ་བཤད་།” »