(༸སྐྱབས་རྗེ་ཟམ་གདོང་རིན་པོ་ཆེ་དགུང་གྲངས་གྱ་ལྔ་ཕེབས་པའི་འཁྲུངས་སྐར་ལ་ཕུལ་བ།) ༡ མཚན་དཔེ་ཟླ་བའི་དཀྱིལ་འཁོར་རབ་རྫོགས་སྐུ།། ཚངས་དབྱངས་དྲུག་ཅུའི་བསིལ་ཟེར་འཕྲོ་བའི་གསུང་།། ཇི་སྙེད་མཁྱེན་པའི་ཟབ་བརླིང་རྒྱ་མཚོའི་ཐུགས།། འཇིག་རྟེན་མགོན་པོའི་སྐུ་གསུང་ཐུགས་ལ་འདུད།།   ༢ གནའ་དེང་མཁས་པའི་མཁྱེན་རྟོགས་གཅིག་སྤུངས་པ།། ལྔ་བརྒྱའི་དུས་འདིར་བློ་བཟང་བསྟན་འཛིན་དཔལ།། ཆོས་སྲིད་མཛད་འཕྲིན་ཉི་ཟླའི་གཟི་འོད་ཀྱིས།། གངས་ལྗོངས་བསྟན་སྲིད་རྒྱལ་བའི་རྒྱལ་མཚན་བསྒྲེངས།།   ༣ ས་སྟེང་རིགས་སྨྲའི་ཚོགས་རྣམས་དབང་བསྒྱུར་ཞིང་།།…

དེ་ལས་མང་བ་། “ཕྱག་ན་པདྨོའི་ཐུགས་སྲས་ལ་མཆོད་པར་བརྗོད་པ་མ་ལི་ཀའི་ཕྲེང་བ།” »

རྔ་བ་ཀུན་བཟང་། ཁྱོད་སེམས་ཕྲ་མོ་དེ མདའ་གཤོོག་བཞིན་བློ་སྙིང་བྲང་གསུམ་གཏོར་དུས རེ་འཁང་ལངས་ཀྱང་རེག་མྱོང་ཁ་སང་དེ་དྲན་ནས ངས་བརྩེ་ཆང་ཁ་གང་གི་མཆོད་པ་ཕུལ   ཁྱོད་གདོང་དཀར་པོ་དེ རློམ་སེམས་ཀྱིས་མེ་དཔུང་བཞིན་འབར་དུས མི་ཡུལ་ཧུད་པོ་གྱུར་ཡང་དེ་རིང་དེ་དྲན་ནས ངས་བརྩེ་ཆང་ཁ་གང་གི་མཆོད་པ་ཕུལ   ཁྱོད་རྒྱུད་རིང་མོ་དེ མྱ་ངན་ཐང་བཞིན་མག་མུག་གིས་སྐྱ་ཁྲོམ་གཡོལ་དུས དུག་དབལ་གྱིས་མུག་ཟ་བྱེད་ཡང་མ་འོངས་དེ་དྲན་ནས ངས་བརྩེ་ཆང་ཁ་གང་གི་མཆོད་པ་ཕུལ…

དེ་ལས་མང་བ་། “ངས་བརྩེ་ཆང་ཁ་གང་གི་མཆོད་པ་ཕུལ། ” »

  འཇིགས་མེད། ཁྱོད་ཀྱིས་སུ་དང་གང་ལ་མ་བཤད་པ།། བདག་གིས་ད་དུང་རྣ་བས་མ་ཐོས་པའི།། འཇིག་རྟེན་ཁ་ལ་མངར་བའི་སྦྲང་རྩིའི་གཏམ།། ནམ་ཞིག་བཤད་དམ་བདག་གིས་ནམ་ཞིག་ཐོས།། ཉི་མ་རེ་རེ་ཕར་ལ་འདས་པའི་ཤུལ།། དྲན་པའི་རྐང་རྗེས་ས་ལ་སྤོས་པའི་ལམ།། རྨི་ལམ་བཞིན་དུ་གསལ་ལ་མི་གསལ་ངང་།། བདག་གི་མདུན་དུ་ག་དུས་སླེབས་ཡོང་སྒུག། འཇམ་རྩུབ་མི་ཤེས་ཚོར་བའི་རྨ་ཁ་ཟབ།། དབྱིབས་དང་ཁ་དོག་མི་མཐོང་མིག་ཟུང་བསྒྲིབས།། གཉིད་མ་སད་ཀྱི་གཅོང་རོང་ཁྱིམ་བྱས་ང་།། གསོ་བྱེད་ལྷ་ཆབ་སྨན་གྱི་འཕྲིན་ཞིག་བསྐུར།། མེ་ལོང་གཟུགས་ཀྱིས་སྟོང་ན་བཀྲག་མདངས་མེད།།…

དེ་ལས་མང་བ་། “རྨི་ལམ་གྱི་ཡི་གེ” »

____ ཨ་འབྲུག་དཀོན་མཆོག དབྱངས་ཀྱི་ལྷ་མོ་བརྩེ་བའི་འཛུམ་མདངས་ཅན་ལ་ཕྱག་འཚལ་ལོ། ། རྣམ་དཔྱོད་བློ་ཡི་ཡོན་ཏན་བྱེ་བ་བརྒྱས། ། མི་འཇིགས་སེང་གེའི་ཁྲི་ལ་མངོན་བཞེངས་པ། ། བྱམས་བརྩེའི་སློབ་དཔོན་ཆེན་པོའི་མཚན་བཟང་གིས། ། མཛེས་པའི་དཔལ་ལྡན་བླ་མ་རྒྱལ་གྱུར་ཅིག །   ཤེས་རབ་ཆར་དུ་འབབ་པ་དང་། །…

དེ་ལས་མང་བ་། “ངག་རིག་མུ་ཏིག་ཚོམས་བུའི་མཆོད་དབྱངས།” »

རྐ་སྲས། ལོ་ཟླ་ཕར་ཕར་བསྐྱལ་བའི་མི་ཚེའི་འགྲུལ་བཞུད།།  སཱ་ལའི་སྨན་ལྗོངས་ཕྱུག་མོར་ཇེ་རིང་ཇེ་རིང་།།  ཡིད་ཀྱི་མཚོ་མོའི་ངོགས་ཀྱི་དྲན་པའི་ཕ་ཡུལ།།  ཨོ་ལོས་སླར་ཡང་མཇལ་བའི་གདེང་ཚོད་མ་ཐིག།   ཨོ་གླིང་མེ་གླིང་ཧྥེ་གླིང་ཁྱི་བཞིན་ཉུལ་ཏེ།།  རྒྱལ་ཁམས་ལྟད་མོས་སྐོར་འདོད་ནད་རྙིང་ཞིག་ཡོད།།  མགོ་སེར་གཡའ་དེ་སེམས་ལ་ལྷུང་བ་ཡིན་ནམ།།  རང་ལ་རྒྱལ་ཁབ་མེད་པའི་སྐོམ་གདུང་ཨེ་ཡིན།།   སྣ་མང་རིག་གནས་ཡུལ་སྲོལ་དགའ་ཕྱོགས་སྣ་ཚོགས།།  རང་རང་ས་ན་ཞིམ་པའི་བྲོ་བ་ཞིག་མཐོང་།།  ནས་རྩམ་ཁོ་ནས་ཆོག་པའི་འབྲོག་ཕྲུག་རྣལ་མ།།  སྒང་དྲུག་རི་ནས་ཆས་ཏེ་གང་ལ་བཞུད་སོང་།།…

དེ་ལས་མང་བ་། “ཐོལ་རྩོམ་ཆུ་མིག་དགུ་སྒྲིལ། ” »

ཁྲོ་གཏུམ།   ལས་དབང་གི་ཐོད་པ རུས་ཀོག་སྐྱི་བཏུམས་ཀྱི་ཐོད་པ ཐོད་པའི་ཁ་ཡིག་ཀློག་འདོད་ཡོད ཐོད་པའི་ཁ་ཡིག་མཐོང་འདོད་ཡོད   སེམས་པ་བཅུམ་དྲག་རྐྱེན མིག་ཟུང་ཞ་ར་རུ་གྱུར་དོན་ཅི དྲན་པའི་ཡ་ཆུང་ལ་བལ་རྒྱབ་རྐྱེན བསམ་གཞིག་གི་མདུན་ལམ་ནས་ཐང་ལ་རྒྱབ   ལམ་བུ་དེད་དེ་རི་ལམ་ལ་ཞུགས མ་མཐོང་ན་སྒང་ལ་འབུད་དགོས་བསམ སྒང་དེ་ནས་ཅི་ཞིག་མཐོང་ཡོང་བསམ…

དེ་ལས་མང་བ་། “སེམས་པ་འདི་ཧ་ཅང་འཁྱག་ཏོ་རེད།” »

(༸སྐྱབས་རྗེ་ཟམ་གདོང་རིན་པོ་ཆེ་དགུང་གྲངས་ ༨༤ ཕེབས་པར་ཕུལ།)   གཡུ་སྒང་དགེ་འདུན་ ༡༽བློ་བཟང་མཚན་དཔེ་དཀྱིལ་འཁོར་རྫོགས་པའི་སྐུ།། བསྟན་འཛིན་སྐྱེ་འགྲོར་ཚངས་དབྱངས་སྒྲོགས་པའི་གསུང་།། ཇི་སྙེད་ཆོས་ཀྱི་རྒྱལ་མཚན་བསྒྲེངས་པའི་ཐུགས།། ས་སྟེང་མཁས་པའི་གཙུག་རྒྱན་ཁྱེད་ལ་འདུད།།   ༢༽ལུགས་གཉིས་ཆུ་ཀླུང་ཆེན་པོའི་དེད་དཔོན་དེ།། གླིང་ཆེན་ཁྲིམས་དོན་མཁས་པའི་སྨྲ་སྒོ་དག ། འགག་པར་རྣམ་དཔྱོད་རིག་པའི་རལ་གྲི་ཅན།། འཛམ་གླིང་ཉི་མའི་ཕྱག་རྟེན་ཁྱེད་ཉིད་ལགས།།…

དེ་ལས་མང་བ་། “འཛམ་གླིང་ཉི་མའི་ཕྱག་རྟེན།” »

______གཅན་མེ་སྟག་ལ་ལོ་མཆོད་ཀྱི་ཚབ་ཏུ། ___གཟི་མིག ངས་གཅན་མེ་སྟག་གི་རྣམ་ཤེས་དང་འགྲོགས་ནས ཉི་ཟླ་རི་བོའི་སྙན་ཚིག་ཅིག་བཀླགས ཁོང་ལ་ཁེར་རྐྱང་གི་སྙན་ངག་རེ་འབྲི་དུས ཁོ་རང་སྐྱོ་སྣང་གིས་བཟི་ནས་ཡུན་རིང་ལྷག ངས་ཁོང་གིས་ཡུན་རིང་ཉར་བའི་ཁེར་རྐྱང་གི་སྣང་བ་ཞིག་རྙེད   དོ་ནུབ་ངས་རྒྱང་རིང་གི་ཁྱེད་རང་ཡིད་ལ་བླངས་ནས ལས་དབང་གི་ངུ་སྐད་འཆར་ཡན་གྱི་ཐ་སྙད་དུ་སྦེད་དུས གཅན་མེ་སྟག་ཁོ་ན ང་ཡི་སྡོང་གྲོགས་སུ་གྱུར་འདུག་ལ ཁོང་གིས་བསྣམས་པའི་ཁེར་རྐྱང་གི་སེམས་ངལ་མང་པོ ང་ཡི་ཞེ་ལ་ག་ལེར་སིམ  …

དེ་ལས་མང་བ་། “ལོ་མཆོད།” »