དབུས་ཕྲུག་ཚེ་རིང་།

ཁྱེད་ཀྱིས། ཉེ་འཁོར་གྱི་གཉེན་ཉེ་དང་།
རང་ཉིད་ཀྱི་བདེ་སྐྱིད་ཆེད།
མི་གཞན་གྱི་ཚེ་སྲོག རྡོག་པས་མ་བརྫི་རོགས།
ང་ཚོ་ཡང་མི་ཞིག་ཡིན།

དེ་ལས་མང་བ་། “ང་ཚོ་ཡང་མི་ཞིག་ཡིན།” »

རྫ ་ཚེ་རིང་བཀྲ་ཤིས།

(རྩོམ་འདི་འབྲི་སྐབས་ང་ལ་དངོས་སུ་ད་ལྟའི་སྐབས་ཀྱི་ཕ་ཡུལ་གྱི་དབྱར་སྟག་གླང་གི་ཟླ་བ་ཡུད་ཙམ་པོ་དེ་ལྷག་ཏུ་དྲན་པ་ཞིག་བྱུང་བར་མ་ཟད། པར་དེ་རང་ལ་ལྟ་གིན་ལྟ་གིན་ཕ་ཡུལ་གྱི་རྣམ་པ་ཡིད་ལ་དུང་ངེར་ཤར་བའི་ངང་བྲིས་པ་ཡང་ཡིན། དེས་ན་པར་འདི་ནི་རྩོམ་ཡིག་འདིའི་རྩ་བ་དང་འགྲེལ་པ་གཉིས་ཀ་ཡིན་ནོ)

དེ་ལས་མང་བ་། “ཉི་འོད་འོག་གི་ནང་ཆེན་ཤར་མདའ་ལ་ལྟ་བ།” »

སྤྲུལ་སྐུ་དབང་ཆེན།

ཀ་མ་ལ་འདྲའི་ལུས་ཟུངས་རབ་བཅོམ་ཁ་ལ་ཐ་མ་མི་མཆོད་ཞུ།
ཁ་དོག་མཛེས་པའི་པགས་པའི་མདོག་བསྒྱུར་ཁ་ལ་ཐ་མ་མི་མཆོད་ཞུ།
ག་ས་གང་དུ་དྲི་ངན་རབ་འཐུལ་ཁ་ལ་ཐ་མ་མི་མཆོད་ཞུ།
ང་དང་ཁྱོད་མེད་བརྟེན་ན་སྲོག་འཕྲོག་ཁ་ལ་ཐ་མ་མི་མཆོད་ཞུ།

ཅ་དངོས་ཟས་གོས་སེམས་ནས་བརྗེད་འགྲོ་ཁ་ལ་ཐ་མ་མི་མཆོད་ཞུ།
ཆ་ལུགས་མི་མཉམ་དྲན་པ་རབ་ལྡིབ་ཁ་ལ་ཐ་མ་མི་མཆོད་ཞུ།
ཇ་ཆང་བྲོ་མེད་ཚོར་ཤུགས་རྒུད་བྱེད་ཁ་ལ་ཐ་མ་མི་མཆོད་ཞུ།
ཉ་རྒྱུས་རྩ་ཕྲན་རྩ་སྐྱ་བཞིན་སྐམ་ཁ་ལ་ཐ་མ་མི་མཆོད་ཞུ།།

དེ་ལས་མང་བ་། “ཁ་ལ་ཐ་མ་མི་མཆོད་ཞུ།།” »

  
……..རྩེ་སྐར།
 
ས་སྲོད་འདིར།
དགོང་ཁའི་ཉི་མ་ལ་ལེ་བདའ་བྱེད་བཞིན།
རླུང་བུ་རྒྱུ་ཕྱོགས་ན་འཕུར་བའི་ཕོ་རོག་དེ་ཚོ།
ད་དུང༌། རལ་ལ་ཉེ་བའི་སྤྲིན་པ་ལེབ་མོ་དེ།
སྐུ་དྲག་སུ་ཞིག་གི་ཕོ་ཉ་བཞིན།
རི་བོ་དེའི་ཕར་རྒྱབ་ལ་བཞུད་སྟངས་དེས།
ངའི་དྲན་པ་གློ་བུར་དུ་ཚ་གདུག་གིས་བཟུང་སྟེ།
ཞེན་ཁོག་ལྷག་མ་ཞིག་གིས
ཚོད་ཚོད་ལ་ཀི་རིང་ཞིག་མི་འཐེན་ཀ་མེད་དུ་གྱུར།

དེ་ལས་མང་བ་། “ས་སྲོད་ཀྱིས་དཀྲོགས་པའི་སེམས་པ།” »

དབང་་ཆེན་སྤྲུལ་སྐུ།

ཀ་གཏུགས་བྱུང་ནས་རང་སྲོག་འདོར་བྱེད་ཤོ་རྒྱན་མ་འཛུག་གངས་ཅན་པ།
ཁ་ལྟས་ངན་པས་རང་གཞན་ཕངས་བྱེད་ཤོ་རྒྱན་མ་འཛུག་གངས་ཅན་པ།
ག་ལེར་རྒྱུ་ནོར་རྒྱང་དུ་བྲོས་འགྲོ་ཤོ་རྒྱན་མ་འཛུག་གངས་ཅན་པ།
ང་ཚོའི་ཡ་རབས་རིག་གཞུང་ཉམས་འགྲོ་ཤོ་རྒྱན་མ་འཛུག་གངས་ཅན་པ།།

ཅ་ཅོ་འུར་ཟིང་ནང་འཁྲུགས་སློང་བྱེད་ཤོ་རྒྱན་མ་འཛུག་གངས་ཅན་པ།
ཆ་རྒྱུས་ཡོད་ཀྱང་ཡིད་ཆེས་བརླག་འགྲོ་ཤོ་རྒྱན་མ་འཛུག་གངས་ཅན་པ།
ཇ་ཆང་ངོམས་མེད་ཟོས་བརྗེད་ཁུར་ཡོང་ཤོ་རྒྱན་མ་འཛུག་གངས་ཅན་པ།
ཉ་དོལ་རྒྱ་བཞིན་རང་ལུས་བཙོན་འཇུག་ཤོ་རྒྱན་མ་འཛུག་གངས་ཅན་པ།།

དེ་ལས་མང་བ་། “ཤོ་རྒྱན་མ་འཛུག་གངས་ཅན་པ།།” »

ས་དཀྱིལ་ཚེ་བཀྲ།

ཉག་ཕྲ་བའི་དུས་སུ། ཚེ་སྲོག་ལས་རྩ་ཆེ་བ་གཟི་བརྗིད་ཉིད།①
མེ་ཕུང་། གཅེས་པར་འོས་པའི་ཐ་ཚིག་ཅིག་སྟེ། སྙིང་ཉེ་བའི་མཆུ་སྒྲོས་ལ་འོད་ཀྱི་གོང་བུ་འཛུམ་པའི་མེ་ཏོག་མང་པོས་ཚ་སྡུག་གི་ཀློང་ནས། མཛེས་སྡུག་སྤར་སོང་། ལང་ཚོ་སྤར་སོང་། བདེན་དོན་སྤར་སོང་། མེ་ལྕེ་དྲག་པོ་འབར་བའི་མེ་ཕུང་རེ་རེ་ནི། ཏག་ཏག ཉི་ཟླའི་སྙིང་ལ་ཚི་ལུ་ཆགས་པའི་གཏམ་རྒྱུད་དག མུན་པའི་ཁྲོད་ཕྱེ་མ་ལེབ་ཁྲ་བོ་དག་གིས་སྒྱུ་རྩལ་གྱི་ལམ་ཁར་བདེན་སྣང་འཚོལ་བ་དང་མཚུངས་ཨང་།

དེ་ལས་མང་བ་། “མེ་ཕུང་། མེ་ཕུང་། མེ་ཕུང་།” »

མདའ་ཆབ་བྲག་པས།

ཁྲེལ་གཞུང་མེད་པའི་ཕ་རྒན་ཁྱེད་རང།
སྲིན་པོའི་སྒོ་འགྲམ་འགྲོ་དོན་ཅི་རེད།
མི་རིགས་ཤིག་གི་བདེན་དོན་རྩོད་ན།
རང་གི་གཅེས་ཕྲུག་འཇོག་དོན་ཅི་རེད།

དེ་ལས་མང་བ་། “ཕ་ལོ། བུ་མོའི་སེམས་པ།” »

སྤྲུལ་སྐུ་དབང་ཆེན་ནས།།

ཞོགས་དུང་རྟོག་སད་ཅོང་བརྡའི་ཚིག་དོན་རྨོངས་ཞེན་མཚོན་ཆ་པགས་པའི་རིགས།
ནག་གནས་རི་དྭགས་རྔོན་པའི་ཆ་སྤྱད་ཆོས་ལྡན་བོད་ལ་མི་མཛའ་ཞེས།
དུང་དཀར་སྙན་མོ་ཞལ་ནས་བུས་ཡང་ཉི་མའི་ཟེར་ལ་འུག་པའི་མིག
མི་བཟོད་གཡོ་ཅན་གཡམ་རྒྱུགས་མཁན་དག་ཚིག་གིས་དམག་དཔུང་བསྡུས་སོ་སྐད།།

མཁས་དབང་ཚུལ་བློ་རིག་པའི་ཁྱུ་མཆོག་ལྷག་བསམ་རབ་དཀར་ཀུ་མུད་གཉེན།
ཞོགས་པའི་དུང་བརྡས་བསིལ་རླུང་གཡབ་ཏེ་རང་རིགས་རྒན་གཞོན་བར་གསུམ་ལ།
གླེན་ལྐུག་གདོལ་སྤྱོད་གྲི་དང་པགས་རིགས་གོས་རྒྱན་ལུས་ལ་མ་འཆང་ཞེས།
གསེར་ལས་དཀོན་པའི་འཚོ་བའི་ལམ་སྟོན་བསླབ་བྱ་ཡིད་བཞིན་ནོར་བུ་བརྩལ།།

དེ་ལས་མང་བ་། “གོས་རྒྱན་མེ་ལ་བསྲེགས་ཞེས་རྩ་བའི་བླ་མས་བཀའ་གསུང་མིན།།” »

ཤར་མཁན་སྤྲུལ་འཇམ་དཔལ་བློ་གྲོས།

དྲི་བྲལ་སྟོང་ཆེན་ལྷ་མོར་སྦྲུམ་པའི་རབ་འབྱམས་སྣང་བའི་དག་ཆེན་དབྱིངས། །ཀུན་ཁྱབ་གཡུང་དྲུང་རྡུལ་བྲལ་ལོངས་སྤྱོད་ལྷ་ཡི་དགའ་བ་སྟོང་ཕྲག་འབུམ། །མི་མཇེད་ཞིང་དུ་སྣ་ཚོགས་མཁྱེན་བརྩེའི་འོད་དཀར་ཟློས་པ་འགྲོ་བའི་དཔལ། །སྐུ་གསུམ་ཡེ་ལྡན་བླ་མ་གཤེགས་པའི་མུན་ནག་གདུལ་བྱའི་མིག་ལ་གདུང་། །
རྫོགས་ལྡན་ཆོས་མཆོག་འཕགས་ཡུལ་འབྲས་དཀར་སྤུངས་ནས་ཆུ་འཛིན་དབྱིངས་སུ་ཐིམ། །སྦས་ཡུལ་གངས་དཀར་འདབ་སྟོང་གྲོང་ནས་གསེར་ལྡན་མ་ལ་འདྲེན་པ་རྨད། །འོན་ཏེ་ད་དུང་ཟབ་ལམ་རྡོ་རྗེའི་ལམ་མཆོག་པད་ཚལ་ལག་འགྲོའི་ཁྲོམ་པའི་རྒྱ། །མ་བསྐྱེད་ངེས་དོན་བསྟན་པའི་ཁུར་ཆེན་བོར་ནས་གཤེགས་པ་ཀྱེ་མ་ཧུད། །

དེ་ལས་མང་བ་། “རྗེས་དྲན་དད་པའི་རྒྱང་གླུ།” »

གཅན་འོད་འབར།

ཁུ་སིམ་གྱི་གཙང་འགྲམ་ཞིག་ལ་དུས་ཆད་བཏབ་པའི་སྲོད་ཁར།
གཙང་བོའི་རླབས་ཀྱིས་འཁྱེར་པའི་སྡོང་ལོར་བལྟ་ཞོར་མཛའ་མོར་སྒུག་ཅིང།
རླུང་བུས་གང་སར་འདེད་པའི་སྤྲིན་པར་ཅེར་ནས་ཟླ་བ་བསུས།
ཁེར་རྐྱང་གི་ཟླ་བ། ཁེར་རྐྱང་གི་གཙང་བོ།
ད་དུང་ཁེར་རྐྱང་གི་སྡོང་ལོ།
ང་དང་ངའི་སེམས་པ་ཆག་རོ་འདིའི་ཐོག་མའི་སེམས་གསོ་དང་འདྲ་ལ།
ང་དང་ངའི་མིག་ཟུང་སྐམ་པོ་འདིའི་མཐའ་མའི་མཆི་མ་དང་ཡང་མཚུངས།
ཅི་ཡང་མཐོང་ཐབས་བྲལ་བའི་མུན་ནག་འདིའི་ཁ་དོག་ངོགས་སུ།
ཡུན་རིང་སྒུག་པའི་སེམས་ཀྱི་སྐར་མདའ་དེ།
མཚན་ལྗོངས་འདིའི་མཁའ་དབྱིངས་ནས་ཟགས་པར་རེ་ཞིང།
གང་ཡང་ཐོས་རྒྱུ་མེད་པའི་གཙང་འགྲམ་འདིའི་ལྗོན་པའི་འོག་ཏུ།

དེ་ལས་མང་བ་། “རེ་སྒུག” »

ས་དཀྱིལ་ཚེ་བཀྲ།

ལྷ་བསང་གཏོང་རོགས།  ཆོས་དུང་འབུད་རོགས།
ཁྱེད་རང་མ་གཞི་ནས་བསང་ཁྲི་སྔོན་པོ་ཞིག
ཁྱེད་རང་གདོད་མ་ནས་ལྷ་སྒྲུང་ནག་པོ་ཞིག

རེབ་གོང་ཨཱ།  ཕ་ཡི་རུས་ཟད་ཅིང་མ་ཡི་ཟུངས་འཐོར་བའི།
ལོ་རྒྱུས་ཀྱི་བླ་མཁར་སྨུག་པོ་ཨང་།

དེ་ལས་མང་བ་། “རེབ་གོང་། ” »

འབའ་སྲས།

ཉི་འོད་དྲོད་དྲོད་ཅིག་ལུས་ལ་འཕྲོ་དགོས།།
དྲི་མ་ཞིམ་ཞིམ་ཞིག་སྣ་ལ་ལྡང་དགོས།།
འབྲུམ་ཆང་མངར་མངར་ཞིག་མདུན་ལ་འཇོག་དགོས།།
ཐ་མག་དཀར་དཀར་ཞིག་མེ་ལ་བསྒྲོན་དགོས།།

ཉི་འོད་ལམ་ལམ་གྱིས་རིག་པ་བསྐྱེད་དོ།།
དྲི་མ་ཞིམ་ཞིམ་གྱིས་ཚོར་བ་རྒྱས་སོ།།
འབྲུམ་ཆང་མངར་མངར་གྱིས་སྣང་བ་སྐྱིད་དོ།།
ཐ་མག་དཀར་དཀར་གྱིས་སྙུག་རྩེ་བརྡར་རོ།།

དེ་ལས་མང་བ་། “ངས་སྙན་ངག་འབྲི་དུས།” »

ནམ་མཁའ།

སྟོབས་ཆེན་ཉོན་མོངས་བཅོམ་ལ་མཚོན་ཆ་མ་ཐོག་པར།།
ཤེས་རབ་རལ་གྲི་ཀུན་གཞི་སེམས་ལ་བརྡར་བའི་མཐུས།།
བདག་འཛིན་དགྲ་དཔུང་རང་གིས་བཅོམ་པའི་འབྲས་བུ་ལ།།
མཚན་དཔེ་ཕྱག་ཞབས་འཁོར་ལོའི་རི་མོ་ལྷུན་གྱིས་ཤར།།

འདོད་པའི་ཁམས་ཀྱི་བདེ་ལ་ཆགས་པའི་འཇིག་རྟེན་འདིར།།
སྐྱེ་རྒ་ན་འཆི་མཐོང་བའི་ཡིད་ཀྱི་ཆོད་སེམས་ལ།།
བུ་དང་ཆུང་མ་ལ་སོགས་བསྐྱུར་ཏེ་དབེན་པའི་གནས།།
གཅིག་བུ་བསྐྱོད་པའི་རྒྱལ་སྲས་གཞོན་ནུ་དེ་ལ་འདུད།།

དེ་ལས་མང་བ་། “དགྲ་ཡང་གཅེས་བར་འཛིན་པ་དེ་ལ་ཕྱག་འཚལ་ལོ།” »

གཅན་འོད་འབར།

ཁ་དོག་དང་པོ།
ཁ་དོག་ཅིག་ལ་ཐིམ་པའི་ཚེ་སྲོག་འདི།
ཐོག་མཐའ་བྲལ་བའི་གཏམ་རྒྱུད་ཅིག་གི་བྱུང་ཚུལ་ཡིན་ན།
ཁ་དོག་གིས་ཟོས་པའི་མི་ཚེ་འདི་ཡང།
མཐའ་མེད་པའི་རྒྱ་མཚོ་ཞིག་འཁྱིལ་ནས་སྐམ་ཚུལ་ཡིན་ངེས།
ཡང་སྙིང་སུ་དང་གང་ལ་ཡང་ཁ་དོག་མི་འདུག་སྟེ།
མིག་གིས་འཁྲུལ་བའི་སྣང་བརྙན་རྫུན་མ་ཞིག་དང།
སེམས་ཀྱིས་བསྐྲུན་པའི་གཟུགས་རིས་སྟོང་བ་ཞིག་སྟེ།
ནག་པོ། དཀར་པོ། སེར་པོ། དམར་པོ།

དེ་ལས་མང་བ་། “ཁ་དོག་གཉིས་ལ་འགྲེལ་བ།” »

ཀ

མཐའ་མེད་པའི་ཁྱེད་ཀྱི་འཆར་སྣང་མང་པོ།
ཐལ་རྡུལ་དཀར་པོ་འཚུབ་འདྲའི་བར་སྣང་གི་སྐར་ཚོགས་ཡིན་པ་འདྲ་བྱུང་།
ཁྱེད་ཀྱིས། ་་སྐར་མ་མེ་བདུན་གྱི་སྐྱོགས་ཀྱིས་བཅུས་པའི།
ནམ་མཁའི་དགུ་ཚིགས་སྐྱ་མོ་་༡
ངེད་ཅག་གི་བདུན་དུ་གཏོར་བའི་སྙན་ཚོམ་འདི་དག་ཅིའི་མ་ཡིན།

དེ་ལས་མང་བ་། “ལྗང་བུའི་སྙན་ངག་འགའ་ཀློག་པའི་མྱོང་ཚོར།” »

རྩོམ་པ་པོ། ཁ་བ་རི། (བོད་འབྱོར།)

བསྐུར་བའི་འཕྲིན་ཆུང་རབ་གསལ་ཉི་མ།
གནམ་རུ་སྔོན་པོ་འདི་ཡི་མཐའ་རོལ་ན།
ནུབ་རིའི་ས་གནམ་གཉིས་ཀྱི་ཁ་མཚམས་ན།
འབྱོར་ཕྱུག་སྟོབས་ཀྱིས་བཙན་པོའི་རྒྱལ་ཁབ་ན།
རང་དབང་དང་དྲང་བདེན་སྐྱོང་བའི།
མི་རིགས་དང་ལ་རྒྱ་གླེང་བའི།
འཚོ་བ་དང་གོམས་སྲོལ་སྐྱོར་བའི།
བོད་པའི་བུ་མོ་ལྕགས་མོ་མཚོ། འཚོ་བཞུགས་གནང་རོགས།

དེ་ལས་མང་བ་། “ཨ་རིའི་ལྕགས་མོ་འཚོ་ལ།” »

ནམ་མཁའ

ནོར་ལ་རྔམ་པའི་གཡོ་ཅན་སྤྲུལ་རྫུན་འགས།།
འབྱོར་ལྡན་ཙི་ནའི་གྲོང་གི་སྡུག་ཅན་ལ།།
ཆོས་མིན་ལོག་བཤད་གཏམ་གྱི་ར་བ་རུ།།
ཕྱག་རྒྱ་བཞི་ལྡན་དབང་ཡང་ཁྲོམ་དུ་བཤམས།།

འཁྱོགས་པའི་གཏམ་ལ་སྤྲོ་བའི་འཇིག་རྟེན་འདིར།།
དཔོན་པོ་ཕལ་ཆེར་གཡོ་སྒྱུའི་གར་སྟེགས་སུ།།
ཕྱི་མཛེས་ཟློས་གར་འཁྲབ་མཁས་བུ་མོ་ལ།།
གཡོ་ཆང་མངར་མོ་བླུད་དེ་མགོ་བོ་དཀྲུགས།།

དེ་ལས་མང་བ་། “སྒྱུ་མའི་འཇིག་རྟེན།” »

འབའ་སྲས།

བོད་ཀྱི་སྲིད་དབང་ལྷ་སའི་ཡུལ་ནས་བཙུགས།།
རྒྱལ་བོའི་ཕོ་བྲང་ལྷ་སའི་རི་ནས་བཞེངས།།
སྐུ་དྲག་བླ་བྲང་ལྷ་སའི་མཁར་ན་མང་།།
དེ་རིང་ལྷ་ས་བ་ཚོ་གང་དུ་བྲོས།།

སྲོང་བཙན་སྒམ་པོས་བཙན་མཁར་ལྷ་སར་བརྩིགས།།
ཁྲི་སྲོང་བཙན་པོས་ཆོས་སྒོ་ལྷ་སར་ཕྱེས།།
ཆོས་སྲིད་གཉིས་ཀྱི་བདག་པོ་ལྷ་ས་བ།།
དེ་རིང་ཡུལ་ཁམས་གང་དུ་བདེ་བར་བཞུགས།།

དེ་ལས་མང་བ་། “ལྷ་ས་བ་གང་ན་ཡོད།” »

(གྲོགས་པོ་ཞིག་ལ་འཕྲིན་དུ་ཕུལ་པ།)

ཚྭ་རུ་མ་ཐབས་མཁས་ཀྱིས།

ཡ་མུ་གཙང་བོའི་འགྲམ་གྱི་སྤྲིན་དཀར་གྲོང་།།
ཁྱོད་དང་ཁྱོད་ལ་དབང་བའི་འཇིག་རྟེན་དེས།།
མུན་རླབས་མཐུག་པོའི་ཕ་རོལ་ཕ་རོལ་ན།།
འོད་དམར་འཁྱུགས་པའི་འོད་སྣང་ཁྱབ་ནས་འདུག།

ཁྱོད་ཀྱི་ཆང་ཕོར་བཟི་བའི་གོམ་འགྲོས་འགའ།།
ཡ་མུ་གཙང་བོས་ཤབ་ཤུབ་གླེང་ན་ཡང་།།
ད་དུང་བཟི་མེད་ཟེར་བའི་ཆང་ཕོར་དེ།།
འཁྱར་བཞིན་འཁྱོར་བཞིན་ད་དུང་ཆང་དགོས་ཟེར།།

དེ་ལས་མང་བ་། “སྤྲིན་དཀར་གྲོང་ཚོ།” »