སྦྲ་རིགས་ཐོགས་མེད། (ལྡི་ལི་གཙུག་ལག་སློབ་གླིང་།)
ཕ་ཡུལ་དང་ཁ་བྲལ་བའི་ལོ་ངོ་འདི་དག
ཕ་མ་དང་ཐུག་འཕྲད་མ་བྱུང་བའི་ལོ་ངོ་འདི་དག
ལོ་ངོ་འདི་དག་ནི། ཡུལ་གྱར་བ་ཞིག་ལ་མཚོན་ན།
མུན་ནག་དང་མིག་ཆུས་བྲིས་པའི་ཉིན་ཐོ་རེ་རེ་ཡིན་ངེས།
མིག་ཤེལ་ནག་པོ།
གྲིབ་གཟུགས།
དང་ཐོག་ཁོ་ལ་གཟུགས་འཛིན་མིག་ཤེ
ལོ་ནའི་ཚར་ལོང་དང་བསྟུན་ནས།
ཆེས་འཇིག་པའི་རབ་རིབ་ཅིག་ཁོའི་
དེ་ནི་མིག་ཤེལ་ནག་པོ་གྱོན་པ་བཞི
མཐོང་སྣང་ཡོད་ཚད་ནི་ནག་རོག་གེ་
ངོ་མ་ཞིག་ཡིན་ནམ
རྨེ་རུ།
ལོ་ཟླ་དུ་མ་ཞིག
རེ་སྒུག་གི་སེམས་པ་བཟུང་སྟེ།
མིང་སྲིང་གི་བརྩེ་སེམས་ལྷད་མེད།
གཅེན་མོའི་གམ་དུ་འཁོར་ཡང་།
དེ་རིང་ཁྱེད་ཉིད་གློ་བུར་དུ།
འཇིག་རྟེན་གཞན་ཞིག་ཏུ་བཞུད་པ་ཐོས་རྗེས།
སྐྱོ་སྣང་གིས་སྦགས་པའི་ང་རང་གི་སེམས་པ།
ཁྱེད་དང་ལྷན་དུ་ཡོང་གིན་ཡོད།
དེ་རིང་གི་དྲི་བ།
འབའ་སྲས།
མཐོན་པོ་རི་ལ་ཆགས་པའི་ཁ་བ་དཀར་པོ།།
མཐོ་སྒང་བོད་པ་ཚང་གི་ཚེ་སྲོག་ཡིན་ཟེར།།
ཁ་བ་དཀར་པོ་དེ་རིང་ཉི་མས་བཞུས་སོང་།།
སང་ཉིན་བོད་པའི་ཚེ་སྲོག་སུ་ཡིས་བསྲིངས་སམ།།
དམའ་བའི་སྤང་ན་བཞད་པའི་མེ་ཏོག་དམར་པོ།།
སྨན་ལྗོངས་བོད་པ་ཚང་གི་འཛུམ་མདངས་ཡིན་ཟེར།།
མེ་ཏོག་འདབ་མ་དེ་རིང་སད་ཀྱིས་བཅོམ་སོང་།།
སང་ཉིན་བོད་པའི་འཛུམ་མདངས་སུ་ཡིས་གསོ་འམ།།
འཛུམ་དགོད་ཞི་བདེའི་བསིལ་གཡབ།
འབྲོང་ངུར་ཆོས་རྗེ།
སྙིང་གི་ཟེའུ་འབྲུར་འཛུམ་འཛུམ་འཁྱུད།། དཀར་ལ་དམར་བའི་འཛུམ་མདངས་གཡོ།།
འཛུམ་པའི་ཟེར་གྱིས་ངག་གི་དཔལ། །མྱོས་བྱེད་བདག་ལ་འཛུམ་སྟོན་ཅིག།།
ས་སྐྱ་བླ་མའི་ལེགས་བཤད་དུ།། འཛུམ་མདངས་གལ་ཆེར་བཤད་པ་མེད།།
དེང་དུས་ལེགས་བཤད་མཁན་པོ་དག། བཞིན་རས་འཛུམ་མདངས་གལ་ཆེར་བསྔགས།།
གནམ་ལོ་གསར་བའི་ལག་རྟགས།
ནམ་མཁའ་ནས།
ཀུན་གྱིས་སྨོན་པའི་སྡུག་བསྔལ་མེད་པའི་ཞིང་།།
ཞིང་གི་མཆོག་གྱུར་དགའ་བ་ལྡན་པའི་ཡུལ།།
ཡུལ་དེར་བགྲོད་ལ་སྒྲིབས་གཉིས་སྤངས་བའི་ཐབས།།
ཐབས་ཤེས་ཟུང་ལྡན་མཆོག་ལ་སྙིང་ནས་འདུད།།
ཤྰཀྱའི་བརྟུལ་ཞུགས་མིང་ཅན་སྤྲུལ་སྐུ་ཚོས།།
ཐུབ་པའི་གསུང་གི་ཆོས་ཀྱི་དྭངས་མ་ལ།།
རྫུན་མའི་གཏམ་གྱིས་རྙོག་མར་མ་བཏང་ཚེ།།
འདི་ནི་གནམ་ལོ་གསར་བའི་ལག་རྟགས་ཡིན།།
༄།། མ་ཡུམ་ལགས། གངས་ལྗོངས།
རྔ་བ་རྒྱལ་ཁམས་པ།
༄།། མ་ཡུམ་ལགས། གངས་ལྗོངས།
བརྗིད་ཆགས་གངས་ཀྱི་རི་བོ་ཉི་ཟླའི་འཁོར་ས།།
རྔམ་སྟུག་ནགས་ཀློང་ཕྱུག་མོ་སྲིད་པའི་རལ་བ།།
དགོང་སྔོན་ཞུ་བའི་ཆུ་བོ་མཐའ་ལ་འབབ་ས།།
ང་ཡི་སྙིང་གི་ཕ་ཡུལ་སེམས་ཀྱི་དྲན་ཤིང་།།
མུ་མེད་བས་མཐར་འཁྱམས་པའི་རྣམ་ཤེས་གྱོང་བོ།།
ལས་རླུང་འཕྲུལ་གྱི་མདའ་མོའི་སྐེ་ལ་ཐོགས་ནས།།
མ་ཡུམ་ཁྱེད་ཀྱི་ལྟོ་བར་ཤུགས་ཀྱིས་འཛུལ་དུས།།
གངས་ལྗོངས་མ་མའི་སྐྱེ་ཁམས་སྲོག་ལ་ཐིམ་སོང་།།
ཟླ་དགུ་ཞག་བཅུའི་གསང་གཏམ་སྙིང་ལ་བཅིངས་ནས།།
འཇིག་རྟེན་སྣང་བ་དཀར་བོའི་མགྲོན་དུ་ཡོང་དུས།།
རབ་རིབ་མིག་གིས་མཐོང་བའི་ཐོག་མའི་གཟུགས་བརྙན།།
མ་ཡུམ་ཁྱེད་ཀྱི་བྱམས་བརྩེའི་འཛུམ་མདངས་ཡིན་ངེས།།
གང་འདོད་ལོངས་སྤྱོད་འཛད་སྙིང་ཡིད་ལ་མེད་ཅིང་།།
བག་ཡངས་བྱིས་པའི་དགའ་རྩེད་མེ་ཏོག་ཐང་དུ།།
ཡང་ཡང་འཁྱམས་པའི་སྐྱིད་སྙམ་རྙེད་དཀའི་སྣང་བ།།
བསམ་བཞིན་བསམ་བཞིན་མ་ཡུམ་ཁྱེད་ཉིད་དྲན་སོང་།།
ཁ་ཁོག་གཅིག་པའི་ཁ་ཡ་ན་ཟླ་མཉམ་དུ།།
ཕ་ཡུལ་དུ་ལོག་པའི་ལམ་བར།
གཡུ་དྲུག་དཀར། རྡ་ས།
ཕ་ཡུལ་དུ་མར་ལོག་པའི་ལམ་བར་དུ། ལུས་པོ་རླུང་འཁོར་དུ་བསྡད་དེ་རྒྱུགས་ཤིང་། གནམ་གྲུ་ལ་བསྡད་དེ་འཕུར་ནས་སོང་ཡང་། སླེབས་རྒྱུ་ཞིག་མི་འདུག ཁ་ལོ་མི་ཐུབ་པའི་སེམས་པ་སྔོན་ལ་ལྡིང་ནས་མཆོང་ནས་བུད་འགྲོ་བས། ཕ་ཡུལ་དུ་མར་ལོག་པའི་ལམ་བར་ནི། ལུས་དལ་ཞིང་སེམས་མགྱོགས་པའི་འགལ་ཟླའི་བར་ཐག་རིང་པོ་རིང་པོ་ཞིག་རེད་ཨང་། དོན་ངོ་མར། ཕ་ཡུལ་དུ་མར་ལོག་པའི་ལམ་བར་ནི། སླེབས་རྒྱུ་མེད་པའི་དེ་འདྲའི་བར་ཐག་རིང་པོ་རིང་པོ་ཞིག་ཡིན་ནམ།
མེ་ལྕེ་མཆེད་སྟངས་དང་མིག་ཆུ་བཞུར་སྟངས།
ཨ་རིག་དགེ་མཐོང་།
གུང་བྲན་ཏང་གི་དར་དམར་འོག་ནས་སྒེར་གཅོད་དུག་མཚོ་གནམ་ལ་འཕྱུར། །
གཟི་བྱིན་ཅན་གྱི་པོ་ཏ་ལ་ཡའི་གསེར་ཞལ་དེ་ཡང་བསྒྲིབས་ནས་ཐལ། །
ཇོ་ཁང་མདུན་གྱི་བསང་ཁྲི་དག་ལ་བཅོས་བསྒྱུར་སྣ་ཚོགས་ལན་བརྒྱར་བཏངས། །
འགྱིག་གིས་བཟོས་པའི་མེ་ཏོག་དག་ནི་རིག་ན་བོད་པར་སུན་སྣང་ལྕི། །
པོ་ཏ་ལ་ཡི་ནང་རྟེན་དག་ནི་ངོ་ལྐོག་ཟུང་ནས་བཙན་ཁྱེར་བྱས། །
བདག་གཉེར་བྱེད་པའི་དགེ་འདུན་རྣམས་ལ་མི་མཛའ་རྒྱ་ཡི་ཆས་གོས་བསྐོན། །
རྭ་མོ་ཆེ་ཡི་རང་བྱུང་སྐུ་ལ་རྒྱ་དཔོན་དམར་པོས་ལག་པ་བསྲིངས། །
རང་དབང་མེད་པའི་ཉི་མ་ལྷ་ས་ལྕགས་དྲྭར་ཚུད་པའི་བྱེ་འུ་བཞིན། །
ཁྱོད་ཚོ་སུ་ཡིན། གང་ཞིག་བྱེད་ཀྱིན་ཡོད།
( ཕུང་གསུམ་པའི་ཚོགས་ལ་ཕུལ་བ།)
དོལ་སྨྱོན།
དོན་དངོས་ཁྱོད་ཚོ་སུ་ཡིན། ད་ལྟ་ཁྱོད་ཚོས་གང་ཞིག་བྱེད་ཀྱིན་ཡོད།
ཁྱོད་ཚོས་རང་ཉིད་ངོ་ཤེས་ཀྱི་འདུག་གམ། ཁྱོད་ཚོས་རང་ཉིད་གསལ་པོར་རིག་གི་འདུག་གམ།
སངས་རྒྱས་ཀྱི་བསྟན་པ་སྙིགས་ཞབས་སུ་ཐུག་ཅིང་། རིག་གཞུང་གི་གཟི་འོད་ཡིབ་ལ་ཉེ་བའི་དུས་འདིར།
ཁྱོད་ཚོས་ཕུང་གསུམ་པའི་ཟློས་གར་འདི་ལྟར་འཁྲབ་དུས། ང་ཡི་བློ་སྙིང་བྲང་གསུམ་འཁྲུགས་འགྲོ།
ང་གནས་དེར་ཕྱིར་ལོག་ན་འདོད།
ཀླུ་སྨྱོན། ངའི་གསེར་མདོག་གི་རྨི་ལམ་འཐོར་ས། ངའི་དུང་མདོག་གི་འཛུམ་མདངས་འབོར་ས། ཨ་མས་ང་ཡང་*འཛོང་ཁུག་འདི་ལྟ་བུ་ཞིག་གི་ནང་ནས་ཆེན་པོ་ཆགས་པ་ཡིན་ཟེར། ཐེངས་ག་ཚོད་ཅིག་ལ་ཨ་མས་གོ་ཐལ་ཚ་བོ་མཛུབ་བར་ནས་ཞིབ་ཞིབ་བཟོས་ཤིང་། དེའི་ནང་དུ་རྡོ་ཆུང་ཆུང་སོགས་གཅེས་ཕྲུག་ངའི་ཨོང་ཤ་སྲེག་བྱེད་རེ་ཡོད་མེད་བལྟས་རྗེས། ཕྱག་ཟུང་གིས་ང་བཀྱགས་ནས་འཛོང་ཁུག་འདི་འདྲ་ཞིག་གི་ནང་དུ་བཞག་ཅིང་། སྐབས་རེར་རྒྱབ་ལ་ཁུར་ཅིང་ལན་རེར་མདུན་དུ་དཔྱངས་ནས། རི་གསུམ་གྱི་རྩེ་དང་ལུང་གསུམ་གྱི་མདོ་རུ་ཟོག་ལུག་འཚོས་རབས་བཤད། *ངའི་ཕ་ཡུལ་དུ་འདི་ལ་འཛོང་ཁུག་ཟེར།
སེམས་ཅན་གསར་སྐྱེ། འཁོར་བ་ཐོག་མ། ཡོད་དམ་མེད།
འབྲོང་ངུར་ཆོས་རྗེ།
དོན་ཀུན་གྲུབ་པས་མདོ་སྔགས་སྣ་ཚོགས་སུ།།
འཁོར་བ་ཐོག་མ་མཐའ་མ་མེད་གསུངས་ཤིང་།།
རྗེས་འཇུག་དག་གིས་ཐོག་མ་མེད་ན་ཡང་།།
བྱེ་བྲག་པ་ལ་མཐའ་མ་ཡོད་དོ་གསུངས།།
འདི་ནི་རིགས་པས་དཔྱད་ན་དཀའ་གནད་དེ།།
འཁོར་བའི་སེམས་ཅན་མུ་མེད་གྲངས་ཡས་ཀྱང་།།
སེམས་ཅན་གསར་སྐྱེ་གཅིག་ཀྱང་ཡོད་མིན་པས།།
སྔར་ཡོད་དེ་ལས་འཕེལ་མེད་སྨོས་ཅི་དགོས།།
དེ་ལས་མང་བ་། “སེམས་ཅན་གསར་སྐྱེ། འཁོར་བ་ཐོག་མ། ཡོད་དམ་མེད།” »
གདུག་རྩུབ་འོག་གི་ངའི་གཅེན་པོ།
༼པར་འདི་བཀྲ་ཤིས་དཔལ་ལྡན་ལགས་ཡིན༽
སི་ལ་ཀི་བོད་ཁྱིམ་སློབ་མ་གཙང་ཁ་ཚེ་ཐར།
༡
ལོ་དུས་ཀྱི་ངན་དགུ་འཛོམས་པའི་ཁ་སང་།
ཉན་མི་ཕོད་པའི་ངན་གཏམ་གྱི་རླུང་འཚུབ་ཅིག
སྙིང་སེམས་ཀྱི་རིས་དཀྱིལ་དུ་ཤུགས་ཀྱིས་འཛུལ་དུས།
བསམ་མ་ཕོད་པའི་ཁྱོད་ཀྱི་དཔའ་སྟོབས་ལ།
རམ་འདེབས་ཀྱི་མིག་ཆུའི་ཟེགས་མ་ལྷུང་ཞིང་།
དཔའ་སྟོབས་ཀྱི་གཟི་འོད་འཕྲོ་བའི།
བར་དོའི་འོད།
ཀླུ་སྨྱོན། —མཚན་མོ་ཞིག་ལ་ཁེར་རྐྱང་དུ་འཆམ་འཆམ་ལ་ཕྱིན་དུས་བླངས་པའི་འདྲ་པར། མུན་ཁྲོད་ལམ་འགྲམ་གློག་སྒྲོན་དག ། བར་དོའི་ཁམས་ཀྱི་མཆོད་མེ་བཞིན། ། ཁེར་རྐྱང་རྒྱུ་བའི་རྣམ་ཤེས་ཚོར། ། སེམས་གསོ་ཙམ་ཞིག་ཅིས་ཀྱང་ཡིན། །
གྲྭ་རྐྱང་ཚོ།
གྲིབ་གཟུགས་ནས།
འཇིག་རྟེན་གྱི་འཁོར་སྐྱོད་ལ་གཤོག་པ་ཐོགས་ཤིང༌།
བསམ་བློའི་ངོ་གདོང་གློག་རླབས་ནས་ཐུག་དུས།
གྲྭ་རྐྱང་ཚོ།
མི་ལོ་ཉིས་སྟོང་སྔོན་གྱི་འགུལ་སྐྱོད་དང༌།
གོམ་འགྲོས་ལ་བྱང་ནས་ཡོད།
འཚོ་བ་ལ་རྔུལ་ཁྲག་གི་རི་མོ་ཕབ་ཅིང༌།
ངལ་རྩོལ་གྱི་གོམ་ཁ་ས་ནག་སྟེང་ནས་བཙུགས་དུས།
གྲྭ་རྐྱང་ཚོ།
ལྷུང་འོང་བའི་ཤིང་འབྲས་ཁྱོར་བས་བཟེད་ཅིང༌།
ཆེས་རྒྱང་རིང་གི་འཇིག་རྟེན་ཞིག་ལ་མགོ་བོ་བསྔས།
རྟག་བརྟན་གྱི་སྙན་ཚིག
ཀླུ་སྨྱོན།
—མཛའ་བོའི་དུས་ཆེན་ལ་ཕུལ་བའི་ཤིས་ཚིག
སྟག་ཤར་གཞོན་པའི་བྲང་གི་ཤ་རྒོད་དང་། །
སྨན་ཆུང་བུ་མོའི་བྲང་གི་མྱོས་བུམ་གཉིས། །
འཇིག་རྟེན་སྣང་བས་གཅིག་ཏུ་འདྲེས་པ་ཡི། །
མཛའ་བོའི་དུས་ཆེན་བསྐལ་པའི་མཐར་ཡང་དྲན། །
གསེར་གྱི་རྣ་རྒྱན་ཐག་པ་མི་འཆད་ཅིང་། །
དངུལ་དཀར་མཛུབ་དཀྲིས་ས་རུ་མི་ལྷུང་བར། །
འདོད་ལྡན་ཕོ་མོའི་འདོམ་གྱི་སྦྲང་རྩི་ཡི། །
རོ་མངར་སྐྱེ་བོ་ཀུན་གྱིས་མྱོང་བར་ཤོག །
གློག་སྒྲོན་དམར་པོའི་འོད་སྣང་ཟ་ཟིའི་ངོགས། །
མ་འདུག་བོད་ཕྲུག་གཞོན་ནུ ད་ལོངས་ཤིག
རྣམ་གྲོལ་གླིང་།བསོད་ནམས་ནོར་བུ།
ཕ་ས་ལྷ་ཡུལ་འདྲ་དེ་པགས་པ་བཤུས།།ཕ་རྒན་ཉི་མ་འདྲ་དེ་རྒྱང་ལ་བསྐྲད།།
ཕུ་ནུ་སྟག་གཟིག་འདྲ་དེ་དོང་ལ་བཙུད།།མ་འདུག་བོད་ཕྲུག་གཞོན་ནུ་ད་ལོངས་ཤིག།
རང་གི་རྩ་དོན་རང་གི་མི་རིགས་ཀྱིས།།མ་རྩོད་ཕན་ཆད་མི་རིགས་གཞན་ཞིག་ལ།།
རེ་ནས་སྐྱབས་པའི་ལོ་རྒྱུས་མ་མཆིས་ན།།ད་ཡང་མ་འོངས་སྐྱོབ་མཁན་ཨེ་ཡོང་སྙམ།།
ངས་ཅིག་འདྲི།
མེ་དཔུང་།
ལུས་ཕུང་མེར་བསྲེགས་པར་རིན་ཐང་ཨེ་འདུག
བོད་མི་རིགས་གླེང་མཁན་ཞིག་གིས་ཚོར་ཤུགས་བོར་སོང་བ་ཨེ་ཡིན
དྲ་ཐོག་གི་སྨྱུག་འཛིན་པའི་སེམས་ཚོར་ཆེ་དྲག་པ་ཨེ་ཡིན
ང་ཚོས་བསམ་བློས་དཔྱད་པ་མ་འདང་བས་ཨེ་ཡིན
ཚེ་སྲོག་གི་འགྲོ་གྲོན་ལ་རིན་ཐང་མི་ལྡན་ནི་ཨེ་ཡིན
བསམ་བློ་ཅི་ཡང་མི་གཏོང་བར་ཁ་རྕོད་ཀྱིས་ཨེ་ཕན
སྙན་ངག་པ་ཡིན་ན་སྙན་ངག་བཞུར་རན་རེད་ལ
རྩོམ་པ་པོ་ཞིག་ཡིན་ན་རྩོམ་ཡིག་འབྲི་རན་རེད
སྟོན་མཇུག་གི་སྨྲེ་སྔགས།
ཚངས་སྲས
ཡ་གའི་ནཊ་ཀྱི་ལྗོན་ཤིང་རྩེ་ནས་ཁུ་བྱུག་གསུང་ལས་འདི་སྐད་ཐོས།།
རྟག་ཅིང་བརྟན་པའི་གཤིས་སུ་མ་གྲུབ་འདུ་བྱས་རྒྱུ་མའི་གར་དང་འདྲ།།
ལོངས་སྤྱོད་འབྱོར་བའི་ཕུན་ཚོཊ་རྒྱས་ཀྱང་སྤྲིན་རིམ་གློག་གི་ངང་ཚུལ་འཛིན།།
དུས་བཞིའི་མཛེས་སྡུག་རི་ལུང་ཁེབས་ཀྱང་ཟློས་གར་མཁན་པོའི་ཉམས་འགྱུར་བཞིན།།
ལྷན་འཛོམས་སྐྱིད་པའི་དགའ་སྟོན་དེ་ཡང་འབྲལ་བ་ལས་ཀྱི་ཆོས་ཉིད་ཟེར།།
ལྗང་མདོག་ལོ་མར་སེར་མདའ་ལྷུང་སྟེ་འཛིན་མར་ཁ་བ་བཞིན་དུ་འབབ།།
སྣུམ་ཞིང་བརྗིད་པའི་ནཊ་ཚལ་སྟུག་པོ་སྡུག་གིས་བཟད་པའི་སྐྲ་ལོ་གྱུར།།
དལ་འབབ་ཆུ་བོའི་བཞུར་སྒྲ་དེ་ཡང་ཟུངས་ཟད་འཆི་ཁའི་ཁ་ཆེམས་བཞིན།།
བསམ་གྱིན་བསམ་གྱིན་སྐྱོ་བ་འཕེལ་བའི་སྟོན་མཇུག་འདི་ལ་རེ་ཐག་ཆད།།
༄།། མཐོ་སྒང་ན་འབར་བཞིན་པའི་མེ་ལྕེ་གསོན་པོ།
རྔ་བ་རྒྱལ་ཁམས་པ།
གནམ་དམག་གིས་མཁའ་དབྱིངས་བཀབ་ཅིང་།
རྐང་དམག་གིས་ས་གཞི་གཡོགས་པའི་དུས་དེ་ནས་བཟུང་།
མཐོ་སྒང་ན་དབུགས་ལྷེམ་ལྷེམ་དུ་འཚོ་བའི་གསོན་སྙིང་དྲོན་མོ་ཞིག
མི་འདོད་བཞིན་དུ། དབང་མེད་དུ། འདི་ལྟར་ཕྱོགས་གཉིས་སུ་གྱེས་དགོས་བྱུང་།
སྙིང་དེ་ནི་དཀྱུས་མའི་སྙིང་ཞིག་མ་ཡིན་པར།
ཤ་རུས་ཁྲག་རྒྱུད་ཀྱི་མགོ་ཁུངས་ཡོད་ཅིང་།
སྐད་ཡིག་རིག་གཞུང་གི་མ་ལག་འཛོམས་པའི་མི་རིགས་ཤིག་གི་སྙིང་རེད།
སྙིང་འདི་ཇི་ལྟར་ཁ་སོ་སོར་འཐོར་རུང་།
སྙིང་འདིའི་སྲོག་རྩ་ཨ་ཕའི་སྨྲ་བརྗོད་ཀྱི་ཁ་སྐད་གཙང་མ་དང་།
སྙིང་འདིའི་ཟུང་བཅུད་ཨ་མའི་སླད་མེད་ཀྱི་དད་འདུན་ཞིག་དང་།
ཤ་འདྲེས་ལྤགས་འདྲེས་སུ་གནས་ཡོད་པས།
ད་གདོད། ང་ཚོ་སྟེ་བོད་དང་། བོད་མི་རིགས།
བོད་རིགས་སྤུན་ཟླ། ཕུ་ནུ་མིང་སྲང་ཞེས།
སྐྱིད་སྡུག་མཉམ་མྱོང་གི་གནས་ལུགས་བཟློག་ཏུ་མེད་པ་དེ་བྱུང་བ་རེད།
ངའི་སྙིང་ནས་བརྩེ་བའི་ཕུ་ནུ་སྤུན་ཟླ་རྣམ་པ།
ངའི་སེམས་ནས་དུང་བའི་དཔའ་བོ་དཔའ་མོ་རྣམ་པ།
འདི་འདྲའི་དཀའ་སྡུག་ཅིག་ང་ཚོས་ཅིའི་ཕྱིར་མྱོང་དགོས་བྱུང་བ་རེད།
ཅིག་ཐེངས་ན། ང་ཚོས་ད་དུང་གནའ་བོའི་ཐང་བོད་དམག་འཁྲུགས་ཀྱི་ལས་འཕྲོ་ཞིག་སྐྱོང་བཞིན་པའམ།
ཡང་ན། མཇུག་བསྡུ་བཞིན་པ་ཞིག་ཀྱང་ཡིན་ལས་ཆེ།