ཌཱཀིམ།
སྲིན་མོ་ལ་ཕུལ།
ཁྲག་འབར་བཞིན། ཆུ་བོ་འབབ་པ་བཞིན།
མེ་བཞུར་ཟིན། གློག་ཞགས་འཁྱུག་པ་བཞིན།
བྱེ་བ་དུང་ཕྱུར་གྱི་ཕྲ་ཕུང་རྣམས་འབར་བཞིན།
ས་ཡ་མང་པོའི་རྣམ་ཤེས་ཀྱང་འབར་ཟིན།
ནམ་མཁའ་དམར་པོ་དེ།
འབར་བའི་མེ་ཡིན་ནམ། དམར་མོ་དེ།
བཞུར་བའི་ཁྲག་མིན་ནམ། དམར་པོ་དེ།
མེ་ལྕེ།
མེ་སཱོར་ཁྲིམས་ལུགས་སློབ་མ་བློ་བཟང་གྲགས་པ།
<གཅིག>
ཁ་བ་ཆེས་མཐུག་ས་ནས
གནམ་གཤིས་ཆེས་གྲང་ས་ནས
ལོ་རྒྱུས་ཀྱི་དྲག་རླུང་འཚུབ་ཞིང་།
ཐལ་རྡུལ་གྱིས་རི་ལུང་བཀང།
ད་དུང་ས་གཞི་ཡོངས་སུ་དམར་མདོག་ཏུ་བསྒྱུར་དུས།
ཁྲག་རྣག་གི་བང་རིམ་བརྟུལ་ཏེ།
བཟོད་སྒོམ་གྱི་སྒང་བུ་འཐོར་ནས།
མེ་ལྕེ་ཞིག་ཆེས་གྲང་ས་ནས་འབུད་དུ་ཐོན།
མེ་ལྕེ་དེ་ཆེས་ཚ་ས་རུ་འབར་རུ་སོང་།
བདག་གི་ལམ།
འབའ་སྲས།
རྐང་རྗེས་ཆེན་པོ་བདག་ལ་མེད་གྱུར་ཀྱང་།།
ལམ་ཁ་ཆུང་ཆུང་ནམ་ཡང་མི་གཏོང་བར།།
ལུས་དང་གྲིབ་མ་འགྲོགས་པའི་ལམ་ཁ་འདི།།
མ་ཤི་བར་དུ་རང་ཉིད་བགྲོད་པའི་ལམ།།
ཨ་མས་མདུན་ལ་བགྲོད་པའི་ལམ་ཞིག་བསྟན།།
ཕ་ལོས་ལམ་འདི་བཟང་བའི་གཏམ་ཞིག་བཤད།།
ཕ་མ་གཉིས་ཀྱིས་བསྟན་པའི་ལམ་ཁ་འདི།།
དཀའ་སྡུག་ཅི་ཙམ་ཆེ་ཡང་བདག་གི་ལམ།།
མེ་ལྕེ་དང་རྨི་ལམ།
སེར་ཤུལ་རིན་ཆེན་དོན་གྲུབ།
ཚག་་་ཚག་་་ཚག་་་མེ་ལྕེས་བཞུར་བའི་དཔའ་རྒོད་ཚོ་དེ་འདྲའི་སྙིང་སྟོབས་ལ།
ཀྱེ་མ་་་ཀྱེ་མ་་་་་ངའི་སྤུན་ཟླ་ཚོ་འདི་ལྟར་བསྲེགས་སོང་།
འབོད་དོ་་་འབོད་དོ་་་། དྲང་བདེན་ལ་དགའ་བའི་འཛམ་གླིང་མི་རིགས།
མེ་རླབས་འོག་གི་འབོད་སྒྲ་འདི་གསན་རོགས།
ཁྲི་ལོ་་་ཁྲི་ལོ་་་ཁྲི་ལོ་་་། ༸གོང་ས་མཆོག་སྐུ་ཚེ་ཁྲི་ལོར་ཤོག
བོད་ལ་་་་བོད་ལ་་་་་་། བོད་ལ་འགྲོ་བ་མིའི་ཐོབ་ཐང་དགོས།
ཕེབས་རོགས་་་་ཕེབས་རོགས་་་་་་་། ༸གོང་ས་མཆོག་བོད་དུ་ཕེབས་རོགས། མེ་ལྕེའི་ཀློང་གི་འབོད་ཚིག་འདི། དཔའ་རྒོད་ཚོའི་ཕུགས་རེ་ཁོ་ན། གངས་ཅན་པའི་བསམ་འདུན་ཁོ་ན།
ངས་ཉིན་ང་ཚོས་ཅི་ཞིག་བྲིས་ན་འོས།
སྦྲ་རིགས་ཐོགས་མེད།
ཨེ་ལེས་ཟན་གྲིར་གྱིས་དམག་སའི་ཀུན་སྤྱོད་དང་འོས་འགན་གླེང་བཞིན།
ས་ཆེན་པོ་ཁད་ཀྱིས་བསྡུས་ནས་རི་བོ་ཧི་མ་ལ་ཡའི་ཉེ་སར་གཏུགས་ཞིང་།
སོག་པོ་ཇིང་གིར་གྱིས་རྟ་དམག་དང་མདའ་གཞུའི་ཐབས་བྱུས་བཀོལ་ནས།
རི་བོ་ཧི་མ་ལ་ཡའི་སྟོད་བར་དུ་སླེབས་མྱོང་བ་མ་ཡིན་ནམ།
དེ་བཞིན། མོའོ་ཙེ་ཏུང་གིས་ཀྱང་ཁུང་ཙིའི་དམག་འཐབ་བསྟན་བཅོས་ཁུར་ནས།
ཡར་ཀླུང་གཙང་བོ་བརྒལ་ཞིང་ཧི་མ་ལ་ཡར་གཏུགས་སོང་བ་རེད་ཨང་།
ད་ལོའི་ཁ་བ།
ལོ་གསར་པའི་ཐོག་མའི་རྩོམ་ཕུད།
རྩེ་སྐར།
༡ ཁ་བ་དང་ལོ་གསར།
ད་ལོ་ཁ་བ་བབས་བྱུང༌།
མི་རྣམས་ཀྱིས་སྤྲོ་སྣང་ཞིག་རུམ་ནས་བྲེལ་བ་ཧ་ཅང་ཆེ་དུས།
ཡང་ན། མྱ་ངན་ཞིག་མིད་ནས་སེམས་པ་འཁྱག་ཤི་ཐེབས་དུས།
ཁ་བའང་བྲེལ་ཟང་ཟིང་མི་ཡུལ་ལ་ཁད་ཀྱིས་བབས།
ད་ལོའི་ཁ་བ་འབབ་སྟངས་དེ་ནམ་རྒྱུན་དང་མི་མཚུངས་པར།
རོ་ལ་རྔམ་པའི་བྱ་རྒོད་ཀྱི་ཚོགས་བཞིན་བསྙིལ་ཏེ།
དགུན་གཞུང་ན་ཙག་གིས་བསྡམས་པའི་ས་གཞི་དེ་དང༌།
མི་ཚོགས་ཀྱིས་གོས་ཧྲུལ་བཞིན་ཕུད་པའི་ལོ་རྙིང་དེར།
རྐང་བཅག་གིས་དག་ཁྲུས་ཡང་ཡང་མཛད་ཅིང༌།
རྗེ་མི་ལ་ཐོས་པ་དགའ་བ་ཁྱེད་མཁྱེན་ནོ།
(ངའི་སེམས་ཁོང་གི་ཉི་མ་རྗེ་མི་ལ་ཐོས་པ་དགའ་བ་ཁྱེད་མཁྱེན་ནོ།།)
འབྲོང་ངུར་ཆོས་རྗེ།
རྗེ་མི་ལའི་ཞབས་ལ་གསོལ་བ་འདེབས།།
གནས་ཆེན་པོ་རྡོར་གདན་ཉེ་འཁོར་ནས།།
དོན་རིག་རིག་མང་པོ་རིག་ཙ་ན།།
དེང་ཁྱེད་ཀྱི་རྣམ་ཐར་ལྷག་ཏུ་དྲན།།
གཞུང་ཆེན་པོ་སློབ་སྦྱོང་མང་དུ་བྱས།།
གཞུང་ཆུང་ཆུང་ཀྱང་ནི་མང་དུ་སྦྱངས།།
གཞུང་སྦྱོང་བཞིན་སྦྱོང་བཞིན་བདག་གི་སེམས།།
གཞུང་དོན་དང་མ་འདྲེས་སྔར་ལས་གྱོང་།།
མེ་ལྕེ་ཁྲོད་ཀྱི་ཕ་ས་མ་ཡུལ།
གཅན་འོད་འབར།
༡་
མུན་ནག་གི་ལོ་ཟླ་རིང་མོ་དེའི་རྗེས་སུ།
བདག་པོ་མེད་པའི་ཕ་ས་མེ་རུ་འབར་སོང་ལ།
མནར་གཅོད་ཀྱི་ཉིན་མཚན་གྲངས་མེད་དེའི་གཞུགས་ནས།
ཁ་ཐག་རིང་བའི་མ་ཡུལ་ཡང་མེ་རུ་འབར་སོང།
མེ་རུ་འབར་སྟངས་དེ་ནི།
མཐོ་བ་གངས་རིའི་རྩེ་དང།
དམའ་བ་འཇམ་པོའི་སྤང་།
ཟབ་པ་དྭངས་མོའི་མཚོ་ལས་འབར་བྱུང།
སྙུག་རྩེའི་སྐྱོ་གར།
ངའི་སྙུག་རྩེ་ན། ནམ་ཡིན་ན་ཡང་ངུས་ནས་མཚམས་མི་འཇོག་མཁན་ཞིག་ཡོད་པ་དེ་བོད་མིའི་མགོ་ཐོག་གི་གནམ་སྔོན་པོ་དེ་རེད། ངའི་སྙུག་རྩེ་ན། སྐད་ཅིག་ཐང་ཅིག་རེ་རེ་བཞིན་སྐམ་རྙིད་དང་རིད་པར་འགྱུར་བཞིན་པ་དེ་བོད་མིའི་རྐང་འོག་གི་ས་གཞི་ལེབ་མོ་དེ་རེད། ངའི་སྙུག་རྩེ་ན། ནམ་ནམ་ཞར་ཞར་ཡལ་རྒྱུ་མེད་པའི་རོ་དྲི་ཞིག་ཁྱབ་བཞིན་པ་དེ་བོད་མིས་རྔུབ་བཞིན་པའི་བོད་ཀྱི་མཁའ་རླུང་དེ་རེད། ངའི་སྙུག་རྩེ་ན། ཆད་པ་མེད་པར་ངུ་འབོད་གསེང་མཐོར་སྒྲོགས་ཀྱང་ཉན་མཁན་གྱི་རྣ་གཤོག་མེད་པ་དེ་བོད་མིའི་ངུ་སྐད་རེད། ངའི་སྙུག་རྩེ་ན། འདི་ཕྱི་གཉིས་མིན་གྱི་བར་དོ་མ་གཏོགས་བདེན་པ་ཞུ་ས་དང་རེ་བ་རྒྱག་ས་མེད་པ་དེ་ལས་ངན་བོད་པ་རྣམས་རེད། ངའི་སྙུག་རྩེ་ན། ཁྲག་དང་མིག་ཆུ་སྡུག་བསྔལ་གསུམ་ངན་པ་སུམ་འཛོམས་ཡིན། ངའི་སྙུག་རྩེ་ན། བོད་ཀྱི་སྣོད་བཅུད་ཀྱི་བཀོད་པའི་ཁྲི་ཐོག་ན་བདེ་དགའ་ལོངས་སྤྱོད་དང་ཚེ་བསོད་སྙན་གྲགས་རྒྱས་པའི་གད་པོ་ལྷང་ལྷང་དགོད་བཞིན་པ་དེ་རྒྱ་གུང་ཁྲན་ཏང་ཡིན། ངའི་སྙུག་རྩེ་ན།…
ཁྱེད་རྣམས་སྐུ་ལུས་མེ་རུ་མ་སྒྲོན་རོགས།
བསམ་གླིང་ཚེ་རིང་ལྷ་མོ།
གསེར་དངུལ་ནོར་གྱིས་འཇིག་རྟེན་བཀང་ན་ཡང་།།
ཁུགས་པར་དཀའ་བའི་སྐུ་སྲོག་རིན་པོ་ཆེ།།
བདེན་པ་དམ་པའི་ལམ་ཆེན་གསལ་དགོས་ཀྱང་།།
རིན་ཆེན་སྐུ་སྲོག་མེ་རུ་མ་སྒྲོན་རོགས།།
ས་ཡ་དྲུག་གི་ལས་དབང་ཐབས་སྐྱོ་ཡང་།།
མེ་རུ་ཐིམ་པའི་གཏམ་གྱིས་བཟོད་དཀའ་ན།།
དངོས་སུ་གཏོང་བར་བྱེད་པ་ག་ལ་ཞིག །
རིན་ཆེན་སྐུ་སྲོག་མེ་རུ་མ་སྒྲོན་རོགས།།
ན་ནིང་གི་དཔེ་ཆའི་ཁ་བསུམ་མི་འོས།
ཀླུ་སྨྱོན་ཧེ་རུ་ཀ
ན་ནིང་།
གནམ་སྔོན་པོའི་གྲུ་ཟུར་གང་མང་ཞིག་ཏུ་གསར་བརྗེའི་ཁ་གཡང་བསྒྲགས་ཤིང་།
ས་ཆེན་པོའི་སྒང་གཤོང་སྣ་ཚོགས་ཤིག་ཏུ་དམངས་གཙོའི་མེ་ལྕེ་འབར་སོང་།
ན་ནིང་།
སྒེར་གཅོད་ཀྱི་སྐྱེ་བོ་གང་མང་ཞིག་དམྱལ་བའི་འཕྲང་ལ་བརྫངས་ཤིང་།
རླབས་ཆེན་གྱི་སྣེ་འདྲེན་དུ་མ་ཞིག་རང་དབང་གི་སྲིད་ཁྲིར་བཀོད་སོང་།
ན་ནིང་།
མེ་སྒྱོགས་ཀྱི་དུད་ཞགས་ཀྱིས་གཉའ་གནོན་དང་གདུག་རྩུབ་ལ་ཡ་ཡན་སྤྲད་ཅིང་།
མི་དམངས་ཀྱི་ཁྲག་དྲོན་གྱིས་ཞི་བདེ་དང་དམངས་གཙོ་ཡི་སྐྱ་རེངས་བསུས་སོང་།
རྡོར་གདན་གྱི་རྙེད་པ།
རྡོ་རྗེ་ཚེ་རིང་།
…. ཕ་ཡུལ་ཀྱི་ལོ་སར་ལ་གྱེས་སུ་སྟབས་པ།
རྡོར་གདན་གྱི་ཁ་རླངས་དཀར་པོ་དེ་རྔུབ་པར་བསམ་བཞིན་དུ།
རྡོར་གདན་ནས་ཚོར་ཤེས་འཁྱགས་པ་མང་དུ་འཐུང་དགོས་བྱུང་།
ཡིད་ཀྱི་སྐྱོ་བ་དག་གིས་ཀྱང་རང་ཉིད་ཀྱི་མིད་པ་འགག་ཅིང་རྣ་ཁུང་དུ་ཚ་སྦྲིད་བརྒྱབ།
སྔོན་གྱི་ཚེ་ན འདི་ག་ནས་འོད་ཀྱི་མིག་ཟུང་འཐོར་བར་བཤད་ལ།
སྐྱེས་ཆེན་དག་གི་ཞབས་ཀྱིས་བཅགས་པའི་ས་ལེབ་མོ་འདིའང་འོད་ཀྱིས་ཁེངས་པར་གླེང་།
བཀྲ་བྷེ་མ་བརླག ཤོག་བུའི་སེང་གེ་ལགས།
གངས་དུར་ཁྲོད།
བཀྲ་བྷེས་རང་ལུས་མེ་ལ་བསྲེགས་ཏེ་ཁ་ནས་བོད་ཀྱི་རང་དབང་འབོད།།
བློ་བཟང་སེང་གེར་ཁ་ཤོམས་ཆེའང་བཀྲ་བྷེ་ཁ་ནས་བརླག་སོང་བས།།
ཡོ་རོབ་གླིང་གི་མཁས་པ་རེ་འགས་ཡ་མཚན་མགོ་བོ་གཡུག་བཞིན་གདའ།།
པེ་ཅིང་མཁར་གྱི་མཛངས་མ་འོད་ཟེར་མིག་ཆུའི་རླབས་ཀྱིས་ཁུར་ནས་ཐལ།།
བཀྲ་བྷེ་སྔ་ཕྱི་གཉིས་ལ་བོར་ཡང་བཙན་བྱོལ་མི་མང་ནག་འཐོམས་མེར།།
ཅི་ཡང་མ་བྱུང་རི་བོང་རྡོ་བརྗུས་བློ་སེང་ཁོག་ན་གྲིམ་རིག་གེར།།
མཁས་པ་མཁས་མས་དྲི་བ་མོད་ཀྱང་ནོངས་ལ་རེག་པས་ན་ཟུག་གིས།།
རྫུན་མའི་རྣམ་འགྱུར་སྟོན་ལ་མཁས་པ་བོད་ཀྱི་སྲིད་སྐྱོང་བློ་སེང་རེད།།
གངས་ཅན་བོད་ནས་བོད་ཀྱི་ཆེད་དུ་རང་ལུས་མེ་རུ་སྦར་ནའང་།།
འགོ་ཁྲིད་གསར་པས་མེ་སྦར་གྲངས་ཙམ་བློ་ལ་ངེས་རྒྱུར་མ་འབད་དེ།།
སྙིང་སྡུག་བདེ་སྐྱིད་ཡར་མར་ཁྲིད་པའི་ཡོ་རོབ་ཨ་རིའི་མཛད་པ་ལ།།
ད་ནི་རྟེན་ས་གང་ཡང་མེད་པ་འོད་ཟེར་མཛངས་མས་བྲིས་ནས་འདུག།
དབུ་མའི་ལམ་ལ་བདེ་མོ་འཇོག་པའི་གླུ།
གནམ་གྱི་བཀའ་ལུང་འདྲ་བ་དབུ་མའི་ལམ།།
བརྒྱུད་པ་ཟམ་མི་འཆད་པ་དབུ་མའི་ལམ།།
དད་པ་ཅན་ལ་བྱིན་ཅན་དབུ་མའི་ལམ།།
བྱང་སེམས་རྣམས་ཀྱི་ཉམས་ལེན་དབུ་མའི་ལམ།།
གཞུང་ཞབས་པ་ཡི་ཐུགས་དམ་དབུ་མའི་ལམ།།
བྱིས་པ་རྣམས་ཀྱི་བསླབ་གཞི་དབུ་མའི་ལམ།།
མཁས་པ་རྣམས་ཀྱི་ཁ་ལྕེ་དབུ་མའི་ལམ།།
མཁས་བླུན་ཀུན་པོའི་ཁ་འདོན་དབུ་མའི་ལམ།།
༄།། མེ་ལྕེ་འུར་འུར་འབར། འབོད་སྒྲ་ལྷང་ལྷང་གྲགས།
རྔ་བ་རྒྱལ་ཁམས་པ།
རྔ་བ་རྒྱལ་ཁམས་པ།
མེ་ལྕེ་དེས། ལོག་རྟོག་གི་སྲོག་རྩ་བསྐུམས།
མེ་ལྕེ་དེས། ཧམ་སེམས་ཀྱི་བརྙས་བཅོས་བསྲེགས།
མེ་ལྕེ་དེས། བཙན་གནོན་གྱི་དཔུང་བ་ཚིག
མེ་ལྕེ་དེས། ཕྱོགས་རིས་ཀྱི་ངོ་གདོང་གཞོབས།
མེ་ལྕེ་དེས། མཁྲེགས་འཛིན་གྱི་ཀླད་ཞོ་དཀྲུགས།
མེ་ལྕེ་དེས། དྲག་རྩུབ་ཀྱི་མཚོན་ཆ་བཞུས།
མེ་ལྕེ་དེས། རྫུན་ཕུགས་ཀྱི་ལྕེ་གཉིས་བསྐམས།
མེ་ལྕེ་དེས། མུན་ནག་གི་གྲིབ་མ་བསལ།
མེ་ལྕེ་དེས། སླུ་བྲིད་ཀྱི་གཡོ་འགུལ་བདས།
མེ་ལྕེ་དེས། མཐོ་སྒང་གི་ཁོར་ཡུག་སྲུང་།
མེ་ལྕེ་དེས། དར་ལམ་གྱི་རྒྱ་འགྲུལ་འགོག
མེ་ལྕེ་དེས། གཞིས་བྱེས་ཀྱི་སྲོག་རྩ་མཐུད།
མེ་ལྕེ་དེས། དཔའ་རྟགས་ཀྱི་ཉེན་བརྡ་བཏང་།
མེ་ལྕེ་དེས། སྲུང་བཙན་གྱི་སྟོབས་ཤུགས་ངོམ།
མེ་ལྕེ་དེས། ཞི་བདེ་ཡི་དབུ་འཕངས་བསྟོད།
མེ་ལྕེ་དེས། མི་རིགས་ཀྱི་བླ་སྲོག་གསོས།
དེ་ལས་མང་བ་། “༄།། མེ་ལྕེ་འུར་འུར་འབར། འབོད་སྒྲ་ལྷང་ལྷང་གྲགས།” »
རྒྱ་ནག་གཞུང་ལ་སྐད་འདི་སྐུར།
བོད་མི་སྟོང་ཕྲག་དུ་མ་འཛོམས་ནས་ཞི་བའི་སྐད་འབོད་བྱེད་སར།
ཁྱོད་ཚོས་རྒྱ་དམག་ཁྲི་ཕྲག་དུ་མ་བཏང་ནས་དྲག་གནོན་སྟངས་འཛིན་བྱེད།
ཁྱོད་ཚོས་རང་ཉིད་སྤྱང་པོ་དང་སྟོབས་ཤུགས་ཆེན་པོ་ཡོད་བསམ་གི་ཡོད་པ་འདྲ།
ཁྱེད་ཚོས་མུ་མཐུད་དངུལ་འབོར་ཧ་ལས་པ་བཏང་།
དཔུང་དམག་འབོར་ཆེན་བོད་ནང་གང་སར་འགྲེམས་སྐབས།
བོད་མི་རེ་རེ་བྱས་ནས་རང་ལུས་མེ་རུ་སྦར་ནས་རང་གི་དགོས་འདུན་འདོན་མགོ་ཚུགས།
ངའི་སྙན་ངག་གི་མེ་ལྕེ་དམར་ལྷབ་ལྷུབ་འབར་བྱུང་།
༡
ཡོས་ལོར་མེ་ལྕེ་དམར་ལྷབ་ལྷུབ་འབར་བྱུང་།
གཅིག་འཕྲོར་གཅིག་བྱས་ནས་དམར་ལྷབ་ལྷུབ་དགུང་ལ་མཆེད།
དམར་ལྷབ་ལྷུབ་ཀྱི་མེ་ལྕེ་རེ་རེའི་ནང་དུ་གང་ཞིག་འགུལ་གྱིན་པ་མ་མཐོང་ངམ།
ཨོ། མེ་ལྕེ་དེ་དག་ནི་མེ་ལྕེ་ཙམ་མིན་ཏེ་རྣམ་ཤེས་ཅན་གྱི་མེ་ལྕེ་རྐྱང་རེད།
མེ་ལྕེ་དེ་དག་ནི་སུ་ཞིག་གི་སྤྲུལ་བ་ཡིན་ངེས།
མེ་ལྕེ་དེ་དག་ལ་ཐོག་མའི་རྒྱུན་ཞིག་ཡོད་ངེས།
དེས་ན། མེ་ལྕེ་དེ་དག་གི་རྒྱུན་ཆད་པ་མེད་པར་གཅིག་ནས་གཅིག་ཏུ་མཆེད་རྒྱུ་ཡིན་པ་སུ་ཡིས་རྟོགས་མི་འགྱུར།
དེ་ལས་མང་བ་། “ངའི་སྙན་ངག་གི་མེ་ལྕེ་དམར་ལྷབ་ལྷུབ་འབར་བྱུང་།” »
དེ་ནི་རླབས་ཆེན་གྱི་མེ་ལྕེ་ཞིག་རེད།
སྦྲ་རིགས་ཐོགས་མེད་།
དེ་ནི་མེ་ལྕེ་ཞིག་རེད།
འོན་ཀྱང་། དེ་ནི་གདུག་རྩུབ་དང་ཧམ་སེམས་ཀྱི་མེ་ལྕེ་ཞིག་གཏན་ནས་མ་རེད།
དེ་ནི་ལྷག་བསམ་དང་སྙིང་སྟོབས་ཟུང་གིས་སྤར་བའི་མེ་ལྕེ་ཞིག་རེད།
དེ་ནི་མི་རིགས་དང་རྒྱལ་ཁབ་ཤིག་གི་ཆེད་དུ་འབར་བའི་མེ་ལྕེ་ཞིག་རེད།
དེ་ནི་རང་དབང་དང་འདྲ་མཉམ་ལ་རྒྱང་འབོད་བྱེད་པའི་མེ་ལྕེ་ཞིག་རེད།
དེ་ནི་རང་དོན་ཡོད་ཚད་བློས་བཏང་བའི་རླབས་ཆེན་གྱི་མེ་ལྕེ་ཞིག་རེད།
དེ་ནི་རིག་གཞུང་ཞིག་གི་རྒུད་པ་སྐྱོབ་པའི་ཕུགས་བསམ་གྱི་མེ་ལྕེ་ཞིག་རེད།
དེ་ནི་ཁྱད་འཕགས་ཀྱི་སྐྱེས་བུ་ཞིག་རང་ཡུལ་དུ་འབོད་པའི་མེ་ལྕེ་ཞིག་རེད།
དེ་ནི་འགྱུར་མེད་ཡིད་ཆེས་ཀྱིས་འཁྱུད་པའི་དད་པའི་མེ་ལྕེ་ཞིག་རེད།
དེ་ནི་ལོ་རྒྱུས་ཀྱི་བདེན་པ་བརྡར་བའི་དཔང་རྟགས་ཀྱི་མེ་ལྕེ་ཞིག་རེད།
ད་ནས་བཟུང་ངས་སྙན་ངག་འབྲི་ངེས་ཡིན།
དོལ་སྨྱོན།
ཡུན་རིང་མ་མཇལ་བའི་ཁ་བརྡ་ཚང་གི་དྲ་བདག་དང་དྲ་གྲོགས་རྣམ་པ།
ཁྱེད་རྣམས་སྐུ་ཁམས་བདེ་ལགས་སམ།
ངས་འདི་ལྟར་ལས་དབང་དང་བྱ་བཞག་འགའ་ཞིག་གི་ཆེད་དུ་རྒྱུག་རྒྱུག་ནས་ཟླ་བ་
འགའ་ཞིག་ཡུད་ཀྱིས་ཟད་པའི་དེ་རིང་། སེམས་ཀྱི་སྐྱོ་གདུང་དང་ངལ་དུབ་ཡོད་ཚད་
ལྷོད་ཀྱིས་བཞག་ནས། སླར་ཡང་ཁྱེད་རྣམ་པའི་སྤྱན་ཟུང་ནང་ཐེངས་གཅིག་ལ་ལང་ན་
འདོད་བྱུང་། རྡོག་འཕྲེས་དང་བྱ་བཞག་ཡོད་ཚད་ལན་གཅིག་བསྐྱུར་ནས།
སླར་ཡང་ཁྱེད་རྣམ་པའི་སེམས་ངོགས་ན་ཐེངས་གཅིག་གཉིད་ན་འདོད་བྱུང་།
གནམ་ལོ་གསར་པའི་སྙན་ངག
ཀླུ་སྨྱོན། གནམ་ལོ་གསར་པ་འདི་ས་ནས་སྐྱེ་བར་ཤོག ས་འབུ་ཐག་ནར་ཚོར་བདེ་སྐྱིད་ལྡན་པར་ཤོག གནམ་ལོ་གསར་པ་འདི་ཆུ་ཡིས་བརླན་པར་ཤོག ཆུ་ནང་ཉ་མོ་ཚོར་ལྕགས་ཀྱུ་མེད་པར་ཤོག གནམ་ལོ་གསར་པ་འདི་མེ་ཡིས་དྲོས་པར་ཤོག མེ་ཡིས་བསྲེག་རྒྱུ་དེ་མི་ལུས་མིན་པར་ཤོག གནམ་ལོ་གསར་པ་འདི་རླུང་གིས་བསྐྱོད་པར་ཤོག རླུང་ཁའི་ཤོག་བྱ་དེའི་འདོག་ཐག་ཆད་པར་ཤོག གནམ་ལོ་གསར་པ་འདི་ནམ་མཁར་ལྡིང་བར་ཤོག ནམ་མཁའ་སྔོན་པོ་དེར་མཐའ་དབུས་མེད་པར་ཤོག