ཀླུ་སྨྱོན།
གཟིགས་པ་ལྔ་ཡི་པུར་རྩེ་ལས།།
བྲིས་པའི་སྙན་ངག་རྡོག་གཅིག་སྟེ།།
སྒྱུ་འཕྲུལ་མ་ཡི་རོལ་མོ་ལས།།
ས་གསུམ་མ་བུའི་བརྩེ་བས་གཏམས།།
ཟླ་དགུ་ཞག་བཅུའི་དཀའ་སྡུག་གིས།།
ལུས་སེམས་ལྕི་བའི་ཡུམ་ཆེན་མའི།།
རྣ་བར་རྒྱལ་སྲས་གཞོན་ནུ་ཡི།།
ངུ་ངག་དེ་ལས་སྙན་ཞིག་གང་།།
ཡིན་ཡང་སྙིང་དུ་སྡུག་པ་ཡི།།
ལྷ་བུ་དེ་ཉིད་མཐོ་རིས་ལས།།
བབས་པའི་འོད་ཀྱི་ཐེམ་སྐས་དེར།།
མ་ཡུམ་གང་དེ་གཤེགས་ལ་རིངས།།

དེ་ལས་མང་བ་། “སྟོན་པ་ལྷ་ལས་བབས་པའི་སྙན་ངག” »

གཉེན་སྐྱོང་།
ཀ་མ་ལ་ཡི་གདན་གྱི་སྟེང་ནས་སྙིང་རྗེའི་སྤྱན་རས་ཕྱོགས་ཀུན་ཏུ། །
ཁ་དོག་བཟང་ངན་དབྱེ་འབྱེད་མེད་པར་ཉམས་ཐག་འགྲོ་ལ་གཟིགས་མཛད་མ། །
ག་ས་གང་དུ་ངེས་པ་མེད་པར་གང་ལ་གང་མཁོའི་རྫུ་འཕྲུལ་གྱིས། །
ང་སོགས་འཁོར་ནས་འགྲོ་བའི་སྐྱབས་མཆོག་རྒྱལ་ཡུམ་སྒྲོལ་མ་དཀར་མོར་འདུད། །
ཅ་ཅོས་དབེན་པའི་གནས་གྱི་མཆོག་འགྱུར་འདུ་རྫིས་སྟོང་བའི་དགོན་པ་ན། །
ཆ་ལུགས་མཐུན་པའི་འདུས་སྡེའི་ཚོགས་དང་ལྷན་གཅིག་ལྷ་བབ་དུས་ཆེན་ཉིན། །
ཇ་སོགས་མཆོད་རྫས་དུ་མ་སྤུངས་ཞིང་བསྟན་རྒྱས་ཆོ་ག་གདོན་བཞིན་དུ། །
ཉ་སོགས་རིགས་དྲུག་ཕ་མར་འགྱུར་ལ་དྲིན་གསོའི་སྨོན་ལམ་སྙིང་ནས་འདེབས། །

དེ་ལས་མང་བ་། “བརྗེད་མི་རུང་དེ་རིང་གི་ཉིན་མོ།” »

ས་དྷཱ་ཧཀ ཨཱཡེ་ཏེ་རཀ ༼ང་ཚོའི་ཐོབ་ཐང་། དེ་ག་རང་ན་འཇོག་རོགས།༽

འཛམ་གླིང་འདིའི་ནང་གནས་པའི་མི་མང་།
མི་མང་རྣམས་ཀྱིས་གོམ་པ་ཇི་འདྲ་སྤོས་རུང་།
ངོས་རང་གིས་ཐོབ་ཐང་སྤྱོད་ནས་ཇི་འདྲ་བཤད་རུང་།
ཁྱེད་ཀྱིས་ནོར་ཡོད་རབས་བཤད།
གལ་སྲིད་ངོས་རང་ནོར་ཡོད་ན། ད་འོ་ན་སུ་འགྲིག་ཡོད།
ངོས་རང་ནས་འགྲོ་བ་ཡོངས་རྫོགས་ལ་འབྱིན་འདོད་པ་ནི་རང་གི་འདོད་མོས་ལྟར་དུ་གནས་ཐུབ་པ་དེ་རང་ཡིན།
འདིའི་དོན་ནི། ཁྱེད་རྣམས་ཀྱི་ཐོབ་ཐང་ནི་ང་རང་སྒེར་གྱི་ཐོབ་ཐང་ལས་ལྷག་ཞེས་པ་དེ་རེད།

དེ་ལས་མང་བ་། “༼ང་ཚོའི་ཐོབ་ཐང་། དེ་ག་རང་ན་འཇོག་རོགས།༽” »

ཨ་རིག་འགྱུར་མེད།

ཁ་སང་དེ་རིང་བདག་བློ་ཡེ་མ་བདེ། །
སོང་ན་མ་ཡིན་བསྡད་ན་དེ་བས་མིན། །
ངུས་ན་མ་ཡིན་བགད་ན་དེ་བས་མིན། །
རྡོ་ལེབ་སྟེང་གི་གྲོག་མའི་དཔེ་དང་མཚུངས། །

ཁོག་གི་སྙིང་འདི་ཅིག་གིས་སྒུལ་སྒུལ་འདྲ། །
གློ་བུར་གློ་བུར་ན་ཟུག་སློང་གིན་འདུག །
ཡ་ཆུང་ཁོག་ཀྱང་འཁྱགས་པས་བསྡམས་པ་འདྲ། །
ཆུང་མའི་དྲོད་ཀྱང་ཚོར་རྒྱུ་དཀའ་ཙམ་གདའ། །

དེ་ལས་མང་བ་། “ང་སྐྲག་གི” »

ནམ་མཁའ་ནས།

མཚོན་གྱིས་བསྣུན་ལ་མི་འཇིགས་སྙིང་སྟོབས་ཀྱིས།།
གཞན་སྡུག་རང་གིས་ལེན་པའི་སེམས་བསྐྱེད་སྟེ།།
ལུས་སེམས་འབྲེལ་ཐག་ཆད་ལ་མི་སྐྲག་པའི།།
རྒྱལ་གཅེས་དཔའ་བོ་རྣམས་ལ་སྙིང་ནས་འདུད།།

དེ་ལས་མང་བ་། “སྙིང་སྟོབས།” »

བསམ་གླིང་ཚེ་རིང་ལྷ་མོ།

མཁའ་དབྱིངས་སྨུག་པས་བཏུམས་སོང་།།
ས་གཞི་རྡུལ་གྱིས་བཏུམས་སོང་།།
རྒྱུ་སྐར་ཉི་ཟླའི་ལས་དབང་།།
སུས་ཀྱང་ཤེས་ཐབས་མི་འདུག

བོད་ཡུལ་རྒྱ་ཡིས་བཏུམས་སོང་།།
དགོན་སྡེ་དམག་གིས་བཏུམས་སོང་།།
རྒྱལ་གཅེས་དཔའ་བོའི་ལས་དབང་།།
ཤེས་ཐབས་ཁག་པོ་ཆགས་སོང་།།

དེ་ལས་མང་བ་། “སྟོན་གྱི་སྨེང་གླུ།” »

རིག་འཛིན།

ངས།
ཁ་བའི་ལས་དབང་གི་ཆེད་དུ།
རང་ནུས་ཀྱི་སྟོབས་ཤུགས་ཡོད་ཚད་རྡོག་ལ་སྒྲིལ་ཏེ།
ཚེ་རབས་ཕྱི་མའི་ཁ་བའི་ཕུ་ནུ་མིང་སྲིང་ཚོའི་ཆེད་དུ།
ཆེས་ནག་པའི་ཁ་བའི་མཚན་མོ་འདིར།
ལེགས་སྐྱེས་ཀྱི་འོད་སྣང་ཞིག་འབུལ་དགོས།

དེ་ལས་མང་བ་། “ང་དང་ང་ཚོས།” »

ཞོགས་སྤྲིན།

ས་མཐའ་རབ་འབྱམས་སུ་གསལ་བའི་ཁྲི་གདུགས་ཁྱེད།།
དྲོལ་ཁོལ་བོད་ཡུལ་ལ་བཞག་པའི་སྤྲོ་སྣང་འདི།།
དངོས་སུ་ནམ་འཆར་གྱི་རེ་བའི་སྐྱོ་གདུང་འདི།།
དྲི་མེད་མཁའ་དབྱིངས་སུ་འཆར་ཏེ་གདུང་བ་སོལ།།

ངེས་མེད་ཕྱག་སྤལ་ན་གནས་བའི་ཆུ་ཤེལ་ཁྱེད།།
དྲི་མེད་ནག་ནོག་གིས་བྲལ་ཏེ་ཡར་ངོའི་ལམ།།
ཉེར་གཅིག་དུས་རབས་ལ་བསྟུན་ན་གསལ་བ་ལ།།
སྔོན་གྱི་དབྱངས་རྟ་དང་འགྲོགས་ནས་ཤར་བར་ཤོག།།

དེ་ལས་མང་བ་། “ཕེབསརོགས་ཞུ། (བོད་འབྱོར་)” »

ཆབ་བྲག་ཕོ་ཉ།

ཁ་སང། དཔའ་བོ་ཞིག་གིས་རང་ལུས་མཆེད་མེར་བསྒྲོན་དུས།
སྨྲེ་ངག་དང་ཁ་གཡང་གིས་རྡོ་ལ་རྡར་ལ་གཡོ་འགུལ་དང་པོ་བསླངས།
རྡ་རམ་ས་ལའི་ངོས་ན་དྲན་པ་འཐོར་མཁན་ཅི་འདྲ་མང།
སེར་སྐྱ་སྟོང་ཕྲག་དུ་མའི་མྱ་ངན་དང་གསོལ་འདེབས་ཁྲོད་དུ།
ཁ་བཏགས་དཀར་པོའི་ཁ་བའི་མེ་ཏོག་ནང་དུ།
གངས་སེང་གི་རྒྱལ་དར་སྐུ་ཕུང་ལ་བཀླུབས་ནས།
དག་ཞིང་གང་ཞིག་ཏུ་ཕེབས་མཁན་དེ་སུ་ཡིན་ནམ།
ཁོང་ནི་བདག་ཅག་སྐྱ་བོ་རྣམས་ཀྱི་ཞི་རྒོལ་གྱི་དཔའ་རྒོད་གཅིག་པུ་སྟེ།
དཔའ་བོ་ཐུབ་བསྟན་དངོས་གྲུབ་མཆོག་གོ

དེ་ལས་མང་བ་། “ངོ་མ་ཁས་བླངས་པ་ཡིན།” »

འབའ་སྲས།

ཁ་སང་མེ་དཔུང་གཅིག་སྦར་སོང་།
དེ་རིང་སླར་ཡང་མེ་དཔུང་གཅིག་སྦར་སོང་།
སང་ཉིན་ད་དུང་སྦར་སྲིད།
གཅིག་རྗེས་གཉིས་མཐུད་ཀྱི་མེ་དཔུང་འོད་ཆེམ་ཆེམ་དུ་སྦར་སོང་།
ཚ་ལམ་ལམ་དུ་སྦར་སོང་།

མེ་དཔུང་དེ་དག་ལ་རྒྱའི་ངང་འབར་སོང་།
མེ་དཔུང་དེ་དག་སྤོབས་པའི་ངང་འབར་སོང་།
མེ་དཔུང་དེ་དག་གཟི་གརྗིད་ཀྱིས་འབར་སོང་།

དེ་ལས་མང་བ་། “ང་ཚོ་ཚང་མ་མེ་དཔུང་རེ་ཡིན་དགོས།” »

ཤར་ཕྱོགས་ཁུག་རྟས།

རྗེས་ཆགས་ཟུར་མིག་འགྲོ་ལ་རྟག་ཏུ་གཡོ།།
བྱམས་པའི་ཉམས་ལྡན་འཛུམ་པའི་ཞལ་ཡངས་མ།།
ཐོགས་མེད་ཤེས་བྱའི་གནད་ལ་མངའ་བརྙེས་པའི།།
ཡུམ་གཅིག་རྗེ་བཙུན་སྒྲོལ་མས་རྟག་ཏུ་སྐྱོང་།།

ཁྱེད་ཞལ་དྲི་བྲལ་གཟུགས་ཀྱི་ཞལ་ཐང་ལ།།
ཟག་བཅས་མིག་གིས་མཇལ་ནས་མཇལ་བའི་ཚེ།།
རྣམ་རྟོག་ཡིད་ཀྱིས་ཁྱེར་བའི་སྡུག་གུ་མ།།
སྐྱོ་ཞིང་དུངས་བའི་རྒྱན་གྱིས་རབ་ཏུ་ལྕི།།

དེ་ལས་མང་བ་། “ཚེ་རབས་ཀུན་གྱི་ལྷག་པའི་ལྷ་སྐལ་ཡུམ་གཅིག་རྗེ་བཙུན་སྒྲོམ་མར་ཞུ་འབོད་ས་མཐའི་བུ་སྐྱོ་གདུང་བཞུགས་སོ།།” »

སྐར་ཁྲི་བཙན།

དེ་རིང་གི་ཉི་མ།
རྒྱལ་གཅེས་དཔའ་བོའི་ཡོད་ཚད་གངས་རིའི་ཆེད།།
རྒྱལ་ཞེན་ཕུ་ནུའི་ཐམས་ཅད་ཁ་བའི་དོན།།
ཁ་བ་གངས་ཀྱི་འཁྱུད་པའི་ཕ་ས་དེར།།
ཕྱི་ནང་ཕུ་ནུས་རྡོག་ས་སྒྲིལ་དུས་ཀྱང་།

དེ་རིང་གི་ཉི་མ།
རྒྱལ་གཅེས་དཔའ་བོའི་དུར་ས་གངས་རིའི་ལྗོངས།།
རྒྱལ་ཚོང་ནང་རུལ་འཛུལ་ས་བཙན་བྱོལ་ཁྲོད།།
ཕྱི་དགྲ་ནང་དགྲ་གཉིས་ཀྱི་སོ་ཁ་ན།།
ལས་ངན་བོད་མིའི་ཚེ་སྲོག་རྟ་ལྔ་བོ།།

དེ་ལས་མང་བ་། “དེ་རིང་གི་ཉི་མ།” »

བསང་ཆུ་འབྲུག་བྷེ།

ཁྱོད་ཚོས་ཐ་སྙད་ཀྱི་རྫ་བུམ་དུ་མས་ནམ་མཁའ་ཞིག་ཕྱེས་ཡོད
ཁྱོད་ཚོས་མཆོད་མེ་ཡི་གཟི་མདང་དྲོན་མོས་རྒྱ་མཚོ་ཞིག་གཅོད་ཡོད

ཁྱོད་ཚོའི་ལུས་སྟེང་ནས་འབར་བའི་མེ་ལྕེ་དེ་པོ་ཏ་ལའི་དབུ་རྩེར་འཁྱུད་ནས
གནམ་བདེ་སྒོ་མོ་ཆེ་ཡི་ནམ་མཁའ་སྦར་ཡོད
ཁྱོད་ཚོའི་སེམས་དབུས་ནས་སྦར་བའི་མེ་ལྕེ་དེ་བོད་མིའི་མིག་ཆུ་ལ་བྱིང་ནས་སའི་གོ་ལའི་སྙིང་རྩར་སྒྲོན་ཡོད
ཁྱེད་ཚོའི་རྣམ་ཤེས་རེ་རེ་འདི་ལྟར་མེ་ལ་ཕུལ་སྟངས་རེེེར
ངའི་ངག་སྒོ་ལྐུགས་པར་གྱུར་ཞིང སྨྲ་བསམ་བརྗོད་འདས་ཀྱིས་མནར

དེ་ལས་མང་བ་། “མེ་དང་འབྲེལ་བའི་རྣམ་ཤེས་དེ་ཚོ།” »

སྡོང་ལོ་སེར་བོ།

བདེན་པའི་གཤིས་བབས་མ་ལུས་མངོན་གྱུར་ཅིང༌།།
བདེན་དོན་ཇི་བཞིན་འདོམས་པའི་སྙིང་རྗེ་ཅན།།
བདེན་གསུང་མངའ་བ་འགྲོ་བའི་གཉེན་གཅིག་པུ།།
བདེན་ཚིག་གྲུབ་པ་རྣམས་ཀྱིས་དགེ་ལེགས་སྩོལ།།

བསམ་པའི་དམིགས་འབེན་ཁ་ཁ་ཁ་ཁ་དང༌།།
ཤ་རུས་འབྲེལ་ཐག་ཉེ་བའི་ཉེ་བ་སྟེ།།
ཤིང་ལོ་རླུང་གིས་ཁྱེར་བའི་མིང་ཅན་ལ།།
སྡོང་ལོ་སེར་བོས་ཉམས་མཚར་འདི་ལྟར་སྨྲ།།

དེ་ལས་མང་བ་། “ང་ཡང་མ་ཟད་ཁྱོད་ཀྱང་སྙིང་རྗེའི་ཡུལ།” »

ཐེ་བོ་དཀོན་མཆོག་ཤེས་རབ་ཀྱིས།

ལྷག་བསམ་འོ་མའི་ཆུ་གཏེར་གྱེན་དུ་འཕྱུར།།
འཚེ་མེད་ཞི་བའི་གོ་ཆས་ཀུན་ནས་བརྗིད།།
འཇིགས་མེད་སྤོབས་པའི་དབུ་འཕང་དགུང་ལས་མཐོ།།
སྔོན་མེད་དཔའ་བོ་རི་དབང་རྒྱལ་གྱུར་ཅིག།།

གཏུམ་དྲག་ཀླ་ཀློ་གཅན་གཟན་ཁྲོས་པའི་མདུན།།
རང་རིགས་ས་ཡ་དུ་མའི་བདེ་དོན་ཆེད།།
རང་སྲོག་ཕངས་མེད་འདོར་ལ་དཔའ་བའི་དབང་།།
ཞལ་ལུ་དཀར་བོའི་ཁེངས་པ་ཐུང་ངུར་བྱས།།

དེ་ལས་མང་བ་། “དཔའ་བོའི་མཛད་རྗེས་ལ་བསྔགས་པ་གསེར་གྱི་མེ་ཏོག་ཅེས་བྱ་བ།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
རྫ་སྐྱེས་ཕུར་བ
གཡོ་མེད་ཞི་བ་ཆེན་པོའི་དཀའ་ཐུབ་ལ་མི་བརྩོན།།
འདོད་ཁམས་འདི་ནས་རང་ཤོང་སྤྱིལ་བུ་ཞིག་འཚོལ་དགོས།།
གྲོགས་མེད་ཕྱོགས་མཐར་ཉུལ་བའི་ཚངས་རྒྱམ་གྱི་མགུར་མ།།
ལན་གཅིག་བཀླགས་པའི་ཚོར་འདུ་སྙིང་ཁོང་ལ་ཉར་ཡོད།།

དེ་ལས་མང་བ་། “འདོད་ཁམས་ཀྱི་རྨི་ལམ།” »

(ཀླུ་སྨྱོན་རྩོམ་རིག་འགྲན་བསྡུར་གྱི་ཆེད་རྩོམ།)
མུ་ཏོ་བ།
ཀ
ཡོད་ཚད་དྲན་གདུང་དང་བརྩེ་རླབས་ཁྲོད་བཞུར་ཞིང་།
ཐམས་ཅད་སྡུག་ཡུས་དང་ན་ཟུག་ལ་འཐིམ།
ཨ་མ་ལགས། ཁྱེད་ཉིད་དྲན་ཐེངས་རེར།
རྨི་ལམ་མོད་པོ་ཁ་བ་བཞིན་འབབ་ཅིང་།
དྲན་གདུང་ལྕི་མོ་ན་བུན་བཞིན་འཐིབ་པའི་འཇིག་རྟེན་ཞིག་ནས།
སེམས་པ་འདི་ དྲན་སྣང་གི་གཟེབ་ལས་ཤོར་བའི་བྱེའུ་ཆུང་ཇི་བཞིན།
རི་ཆུ་སྟོང་ཕྲག་གི་མཁའ་དབྱིངས་བརྟོལ་ནས།
དྲོད་ཁོལ་གྱིས་གཏམས་པའི་ཁྱེད་ཀྱི་སྦྲ་ནག་གི་ཆོན་རྩེར།
འཇམ་ལྷོད་ལྷོད་ཀྱིས་བབས་པ་ཐེངས་གཅིག་ག་ལ་ཡིན།

དེ་ལས་མང་བ་། “ཨ་མ་ལགས། ཁྱེད་དྲན་པའི་ལོ་ཟླ།” »

འཇུ་སྐལ་བཟང་།
དུས་རབས་གསར་རྙིང་དབྱེ་བའི་མཚམས་ཐིག་ཏུ་འགྲེང་ནས།།
ཤ་མེད་རུས་པའི་དཔུང་བ་ནམ་མཁའ་ལ་བསྒྲེངས་ཏེ།།
སྐྲ་ལོ་རླུང་གིས་བསྐྱོད་བཞིན་དུམ་ཆོད་ཀྱི་ཚིག་གིས།།
རོང་སྨྱོན་འབྲོག་སྨྱོན་འདི་ཚོས་ཅི་ཞིག་རང་འཚོལ་ལམ།།
མ་བསྐོས་བསམ་གཞིག་འཁྱོག་པོ་སྨོན་མཚམས་སུ་མདུད་ཅིང་།།
སྙིང་གི་སྐྱོ་གདུང་སྨུག་པོ་དུད་ཞག་ཏུ་བསྐྱིལ་ཏེ།།
ཤ་རུས་གཏིང་གི་བརྩེ་དུང་མིག་ཆུ་རུ་འཁྲུགས་བཞིན།།
དོན་མེད་མྱ་ངན་ཅན་ཚོས་ཅི་ཞིག་རང་འཚོལ་ལམ།།
རྒན་པོས་བརྩེ་སྐྱོང་གཞོན་པས་ཕུ་དུད་དང་བྲལ་ཞིང་།།
མཐོན་པོས་ཟེ་འཕེན་ཕྱུག་པོས་རྒུད་སྐྱོབས་ཀྱིས་སྤངས་ལ།།
གཞན་གྱིས་ཟུར་ཟ་རང་གིས་ཡི་ཆད་ཀྱང་ཤོར་བཞིན།།
ཁེར་རྐྱང་མགྲོན་པོ་འདི་ཚོས་ཅི་ཞིག་རང་འཚོལ་ལམ།།

དེ་ལས་མང་བ་། “སྙན་ངག་པ་ཚོས་ཡང་སྙིང་ཅི་ཞིག་འཚོལ།” »

(རྒྱལ་གཅེས་དཔའ་བོ་གྲྭ་བློ་བཟང་སྐལ་བཟང་དང་གྲྭ་བློ་བཟང་དཀོན་མཆོག་རྣམ་གཉིས་ལ་སེམས་ཀྱིས་བྱས་པའི་ཕེབས་སྐྱེལ)

ཐེ་བོ་ཤེས་རབ་རྒྱ་མཚོ།

ཉི་ཟེར་མག་མོག་དེའི་ངོགས་ནས

ངས་ཁྱེད་གཉིས་ཀྱི་རྟོགས་བརྗོད་སེམས་ཀྱིས་ཀློག་དུས

ངའི་མིག་ཆུ་སེམས་ཀྱིས་སྒུལ་བྱུང

ཟླ་འོད་རབ་རིབ་དེའི་འོག་ནས

ངས་ཁྱེད་གཉིས་ཀྱི་ཞབས་རྗེས་སེམས་ཀྱིས་འཚོལ་དུས

ངའི་སེམས་པ་མིག་ཆུ་ཡིས་གཤེར་སོང

དེ་ལས་མང་བ་། “རྒྱལ་གཅེས་དཔའ་བོ་རྣམ་གཉིས་ལ་སེམས་ཀྱིསཕེབས་སྐྱེལ།” »