༼ཀླུ་སྨྱོན་རྩོམ་རིག་བྱ་དགའི་འགྲན་རྩོམ།༽
གྱེར་ནག་ཚང་བློ་གྲོས་འགྱུར་མེད།
༡མཁྱེན་པའི་ཡེ་ཤེས་ཐུགས་ཡང་དག་པ་ཨ་སྔོན་མཐའ་བྲལ་ནམ་མཁའི་དབྱིངས། །
བརྩེ་ཆེན་སྙིང་རྗེ་དྭངས་མའི་གོང་བུ་དཀར་གསལ་ཟླ་བ་གཞོན་ནུའི་འཛུམ། །
ཐུགས་རྗེ་ཀུན་གསལ་སྤྱན་རས་གཟིགས་དབང་ལྷ་མིའི་རྣམ་འདྲེན་བཅུ་བཞི་པ། །
འཛམ་གླིང་ཞི་བདེའི་དེད་དཔོན་ཆེན་མོར་སྒོ་གསུམ་དྭངས་པས་སྤྱི་བོར་མཆོད། །
༢ཤེལ་དཀར་ཞུན་མ་དྭངས་མའི་མདོག་འཆང་འཇོ་སྒེག་བཅུ་དྲུག་ལང་ཚོ་ཅན། །
ཞི་རྒྱན་བཅུ་གསུམ་མཛེས་པས་བརྒྱན་པ་ཟག་མེད་ཡེ་ཤེས་འོད་ཀྱི་སྐུ། །
རྒྱུད་མངས་སྟོང་གི་གླུ་དབྱངས་སྙན་པ་ཚངས་པའི་སྲས་མོ་ཡིད་འཕྲོག་མ། །
བདག་མགྲིན་ལོངས་སྤྱོད་འཁོར་ལོར་བཞུགས་ལ་རིག་བྱེད་སྨྲ་བ་ཉིད་གྱུར་ཅིག །
