དུར་བདག
ཞེ་སའི་གདངས་དང་རྣམ་འགྱུར་སྟོན་སྟངས་མེད་ན།།
ཞེ་སྡང་བསྐུང་ནས་བསླུ་བྲིད་གཏོང་སྟངས་མེད་ན།།
ཞེ་འཁོན་ཉམས་ཀྱིས་ཨག་སྐད་འདོན་སྟངས་མེད་ན།།
ཞེ་མཐུན་བོད་ལ་ཞབས་ཞུ་དཀོན་ཚོད་འདུག་གོ།
སྐུ་ངོ་ཚོན་པོར་ལགས་སོ་ཞུ་སྟངས་ནོར་ན།།
ལྕམ་མོ་སྤྱར་མར་ཡ་ལན་སྟེར་སྟངས་འཕྱུག་ན།།
སྲས་དང་སྲས་མོར་འབོད་པའི་གུས་ཚིག་སྟོང་ན།།
སྐུ་དྲག་སྒོ་མདུན་བརྒྱུད་ནས་འཇབ་སའང་མེད་དོ།།
གཡུ་དྲུག་དཀར། རྡ་ས།
དབྱར་ཐོག་གཅིག་གི་ཆར་བ་དེ་རིང་འབབ་པ་ཡིན་ནམ། ཆར་བ་ཤག་ཤག་སྟོབས་ཀྱིས་འབབ་གདའ། སྲིད་གསུམ་གྱི་རྔ་སྒྲ་ད་ལྟ་དུས་གཅིག་ཏུ་ལྡིར་བ་ཡིན་ནམ། དེ་རིང་ཟློས་གར་ཚོགས་པའི་རྔ་བོ་ཆེ་དེ་སྔར་ལས་ཆེ་ཞིང་། རྔ་སྒྲ་སྔར་ལས་མཐོ། ཐེངས་འདིར་རིང་ནས་སྙིང་དུ་བརྣག་པའི་འདོད་དོན་ཞིག་གྲུབ་པ་ཡིན་ནམ། དེ་རིང་ཁྱེད་ཉིད་དགའ་བཞིན་སྤྲོ་བཞིན་ཞབས་ཐང་ལ་རྒྱུག་ཡོང་ནས་བཞུགས་ཁྲི་ལ་མངོན་པར་འཁོད་སོང་།
ད་དུང་མཛད་རིམ་གྱི་དུས་ཚོད་བསྐུམས་པ་ཡིན་ནམ། བལྟས་བལྟས་རིག་རིག་ལ་ཁྱེད་ཉིད་ཆེས་མཐའ་མཇུག་གི་སྲིད་སྟེགས་སུ་ཀྲོང་ངེར་འགྱིང་སོང་།
ཀླུ་སྨྱོན་ཧེ་རུ་ཀ
གནམ་གྱི་རྒྱལ་མོའི་མུ་ཏིག་དཀར་པོའི་རྒྱན་ཆ་ཐོར་བ་ལྟ་བུའི་རབ་དཀར་ཁ་བའི་འདབ་མ་འབུམ་ཕྲག་ནི། །
མཛེས་སྡུག་ས་གཞིའི་དཀྱིལ་འཁོར་ཁྱོན་དུ་རང་བྱུང་ཁམས་ཀྱི་འགྱུར་བས་རྟེན་འབྱུང་འགྲོ་བའི་བསོད་ནམས་བགོ་སྐལ་དུ། །
ཡང་ནས་ཡང་དུ་བབས་པའི་རྗེས་སུ་གངས་རིའི་འཕྲེང་བ་མང་པོ་ཕྱི་བརྩེགས་ནང་བརྩེགས་བརྗིད་པར་འགྱིང་བ་ཡི། །
ཡུལ་དེར་ལྷ་སྲིན་ཞི་དྲག་བར་མའི་ཟང་ཟིང་འཁྲིགས་པའི་ཡོ་ལང་སྐབས་རེར་ཡ་མཚན་ལྟད་མོ་འབྱམས་སུ་ཀླས། །
དེ་ནས་དཔག་ཚད་དུ་མས་ཆོད་པའི་རྟག་གཟིགས་འོལ་མོ་ལུང་རིང་ཞེས་གྲགས་དག་པའི་ཞིང་ཁམས་རྨད་བྱུང་བར། །
ལྷ་རིགས་དྲང་སྲོང་གཤེན་གྱི་མཚན་ཅན་གྲུབ་པའི་སྐྱེས་བུ་ཆེན་པོས་རང་གི་གདུལ་ཞིང་གར་ཡོད་ལེགས་གཟིགས་ནས། །
རྟ་རྒོད་ཁྲོས་པའི་ཞབས་རྗེས་འཚོལ་བཞིན་འཇའ་ཚོན་འོད་ཀྱི་ལམ་བུ་ངོ་མཚར་ཐེམ་སྐས་དུ་མ་བརྒྱུད་བྱས་ཏེ། །
ཁ་བའི་ཀློང་དུ་བརྗིད་པའི་གངས་རི་དུམ་བུ་དུམ་བུར་མཛེས་པ་སྤྱན་གྱི་ངོས་སུ་བྲིས་པའི་རི་མོ་བཞིན། །
ཀླུ་སྨྱོན་ཧེ་རུ་ཀ
གནམ་གྱི་རྒྱལ་མོའི་མུ་ཏིག་དཀར་པོའི་རྒྱན་ཆ་ཐོར་བ་ལྟ་བུའི་རབ་དཀར་ཁ་བའི་འདབ་མ་འབུམ་ཕྲག་ནི། །
མཛེས་སྡུག་ས་གཞིའི་དཀྱིལ་འཁོར་ཁྱོན་དུ་རང་བྱུང་ཁམས་ཀྱི་འགྱུར་བས་རྟེན་འབྱུང་འགྲོ་བའི་བསོད་ནམས་བགོ་སྐལ་དུ། །
ཡང་ནས་ཡང་དུ་བབས་པའི་རྗེས་སུ་གངས་རིའི་འཕྲེང་བ་མང་པོ་ཕྱི་བརྩེགས་ནང་བརྩེགས་བརྗིད་པར་འགྱིང་བ་ཡི། །
ཡུལ་དེར་ལྷ་སྲིན་ཞི་དྲག་བར་མའི་ཟང་ཟིང་འཁྲིགས་པའི་ཡོ་ལང་སྐབས་རེར་ཡ་མཚན་ལྟད་མོ་འབྱམས་སུ་ཀླས། །
དེ་ནས་དཔག་ཚད་དུ་མས་ཆོད་པའི་རྟག་གཟིགས་འོལ་མོ་ལུང་རིང་ཞེས་གྲགས་དག་པའི་ཞིང་ཁམས་རྨད་བྱུང་བར། །
ལྷ་རིགས་དྲང་སྲོང་གཤེན་གྱི་མཚན་ཅན་གྲུབ་པའི་སྐྱེས་བུ་ཆེན་པོས་རང་གི་གདུལ་ཞིང་གར་ཡོད་ལེགས་གཟིགས་ནས། །
རྟ་རྒོད་ཁྲོས་པའི་ཞབས་རྗེས་འཚོལ་བཞིན་འཇའ་ཚོན་འོད་ཀྱི་ལམ་བུ་ངོ་མཚར་ཐེམ་སྐས་དུ་མ་བརྒྱུད་བྱས་ཏེ། །
ཁ་བའི་ཀློང་དུ་བརྗིད་པའི་གངས་རི་དུམ་བུ་དུམ་བུར་མཛེས་པ་སྤྱན་གྱི་ངོས་སུ་བྲིས་པའི་རི་མོ་བཞིན། །
༼བཀའ་ཁྲི་གསར་པའི་མཛད་སྒོ་ལ་ངོས་སུ་སོང་རྗེས་བྲིས།༽
ཚྭ་རུ་མ་ཐབས་མཁས་ཀྱིས།
༡༽ཡང་དག་མང་གཙོ་ྋརྒྱལ་བའི་ཕྱག་གིས་གནངས།།
ཚད་ལྡན་དག་ཐེར་ཟམ་གདོང་མཁས་པས་མཛད།།
ཁྲིམས་ལུགས་དབང་སྒྱུར་མང་གཙོའི་སྒྲིག་འཛུགས་ཤིག།
གངས་ཅན་བོད་ཀྱི་སྲིད་གཞུང་ཉིད་དུ་གྱུར།།
༢༽བོད་མི་རེ་ཡིས་རྒྱལ་གཅེས་རྒྱལ་དར་འཕྱར།།
སེང་དར་གྲུ་བཞིས་སྲིད་སྐྱོང་སེངྒེ་བཏེགས།།
སེངྒེས་སེངྒེ་བཏེགས་པའི་རྒྱལ་ཁ་ཞིག།
གངས་ཅན་ྋམགོན་པོས་འཛམ་བུ་གླིང་ལ་བསྒྲགས།།
(སྲིད་ལེན་སྲེད་གསུམ་གྱི་རྣམ་ཤེས་ཆུང་ཆུང་དེའི་གཤིན་ཆོས་སུ་བྲིས།)
པད་མ་ཆོས་སྒྲོན་གྱིས།
༠
ཆ་མེད་ཚིག་མཛོད་གསེབ་ཀྱི་ཐ་སྙད་དེ།
“མགོ་ཆུ་”ཐོན་པའི་སྐད་ཅིག་མ།
དགའ་ལྷང་ལྷིང་གི་སྙིང་ཁ་དེར།
“སྐྱེས་གཟེར་”གྱིས་ཀྱང་བདེ་སྣང་འདྲེན་དོན་ཅི།
༡
གཟེར་སྦིར་སྦིར་གྱི་ན་ཟུག
རེས་འཇགས་རེས་ལངས་ཀྱི་ཐོན་ཐལ།
ཁྱེད་ཀྱི་ཕོག་བཙག་རིམ་རྒྱག་གི་བར་ན།
ང་ཡི་འཕོངས་ཚོས་དང་སྒལ་ཚུགས་ཀྱི་སྲུབས་ཀ་
རེ་རེ་ཐོར་སྐད་མོད
ཁྱེད་དང་ང་ད་དུང
ཀླུ་སྨྱོན།
ཁོ་བོའི་དལ་རྟེན་མེ་ཏོག་ཆུང་ངུ་བྱམས་ལྡན་ཨ་མའི་དབྱིག་འཛིན་སྤོར། །
ཞིམ་མངར་ནུ་ཞོའི་ཟིལ་བ་འཐུང་ཞོར་དྭངས་གཙང་མཚེའུ་ལྟར་མཛེས་པའི། །
འདྲེན་བྱེད་གདངས་ཏེ་འཇིག་རྟེན་འདི་ལ་ཐོག་མའི་མིག་ཞགས་འཕེན་པའི་དུས། །
འཁྱར་འཁྱོར་གོམ་ཁ་དལ་བུར་སྒྱུར་བའི་བེའུ་ཞིག་གི་གཟུགས་བརྙན་མཐོང་།
དབྱར་གསུམ་འཇའ་ཚོན་མེ་ཏོག་བརྡལ་བའི་ལྗང་སྣུམ་གཡུ་ཡི་སྤང་ཐང་ནས། །
ང་དང་བགྲང་བྱའི་ན་ཚོད་མཉམ་པའི་ཡིད་འོང་བེའུ་ནག་ཆུང་དེས། །
ཞིམ་མངར་ནུ་བཅུད་ལྷན་ཅིག་འཐུང་བཞིན་འཁྱར་འཁྱོར་གོམ་པའི་རི་མོ་ནི། །
རྨ་རྒྱལ་ལྷུན་པོའི་འདབས་ཀ་དང་ནི་རྨ་ཀླུང་སྔོན་མོའི་ངོགས་སུ་ཕབས། །
ཐེ་བོ་དཀོན་མཆོག་ཤེས་རབ་ནས།
གངས་ཅན་མགོན་པོའི་ཐུགས་མཚོ་ལས།།
འཁྲུངས་པའི་མང་གཙོ་རིན་ཆེན་ནོར།།
གང་གི་ཕྱག་ཏུ་ཉེར་གཏད་པ།།
མང་གི་བཀའ་ཁྲི་རྒྱལ་གྱུར་ཅིག།།
བློ་གྲོས་བཟང་བོས་མང་གཙོ་སྐྱོང་།།
འཇིགས་མེད་སྟོབས་མངའ་སེང་ཆེན་ཁྱོད།།
ཐབས་ཇུས་ཡི་གེ་འབྲི་བཞིན་དུ།།
མང་གི་དགོངས་པ་འགྲུབ་གྱུར་ཅིག།།
དེ་ལས་མང་བ་། “དུས་རབས་ཀྱི་དཀྱོགས་མཚམས་དང་བཀའ་ཁྲི་བློ་བཟང་སེང་གེ།” »
(དར་དམར་འོག་གི་མཐོང་ཐོས་མྱོང་གསུམ་གཏམ་དུ་གླེང་བ་གངས་ལྗོངས་ལ་ལྟ་བའི་མེ་ལོང་།)
ཐེ་བོ་དཀོན་མཆོག་ཤེས་རབ་ཀྱིས།
བསླུ་ཐབས་གོམས་པའི་རྔ་ཡབ་གཙོ་མོ་ཡིས། །
ནུབ་རྒྱུད་ཐོན་འབྱེད་སྙན་ཚིག་མཛེས་མར་བརྫུས།
ཁྱད་འཕགས་རིག་གཞུང་དེད་དཔོན་ལྔ་བརྒྱའི་ཚོགས། །
ཚེ་སྲོག་འཕྲོག་པའི་སྦྱོར་ངན་ཅི་ཡང་བརྩམས། །
འོད་མེད་སྐར་ཆུང་ཟླ་བར་བཙན་གྱིས་བསྐོས། །
ཆོས་ཀྱི་འདུན་སར་བདུད་ཀྱི་རྒྱལ་མཚན་སྒྲེང་། །
ཆོས་དད་རང་མོས་རྫུན་ཚིག་གཅེར་བུར་ཕྱུང་། །
དོལ་སྨྱོན།
༡༽
ང་ཡི་རྨི་ལམ་དང་མཉམ་དུ་བཞུར་བའི་ཁྱོད།
དོ་དགོང་གི་བཅོ་ལྔའི་དུང་ཟླ་དཀར་མོ་བཞིན།
ང་ཡི་འཇིག་རྟེན་ལ་ཐོག་མར་འཆར་དུས།
ཁྱོད་ནི་ཅི་འདྲའི་མཛེས་སྡུག་དང་ལྡན་པའི་ཕྱེ་ལེབ་ཆུང་ངུ་ཞིག
འདི་ལྟར་གཤོག་རླབས་མཉེན་མོ་དང་འགྲོགས་ཏེ།
ལྡུམ་ར་གང་ཞིག་ན་འཕུར་ལྡིང་བྱེད་པ་མཐོང་དུས།
ང་ནི་རྔོན་པའི་མདའ་རྩེ་ན་གཏད་པའི་མིག་ཟུང་བཞིན།
སེམས་ཀྱི་འཆར་སྒོ་ཡོད་ཚད་ཁྱོད་ཁོ་ན་ལ་གཏད་འདུག།
(ཁ་སྐད་སྙན་ངག)
རས་པ།
དབུས་གཞུང་ལ་ངོ་མཚར་ཆེ་བའི་དམག་འཐབ་ཀྱི་བྱུང་བ་རིམ་པར་བསྐུར་ནས
དེ་རིང་བར ད་དུང་ང་ལ་སྐད་སྙན་མོའི་བཀའ་རྒྱ་ཅི་ཡང་མ་འབྱོར
ཀེ སྐྱག་བཙུར་ཁོ གལ་ཏེ་ང་ལྷ་སར་ཐོན་ན
རྒྱུགས་ཐེངས་གཅིག་གིས་སྟག་སྒྲ་ཀླུ་ཁོང་གི་མལ་ཁང་དུ་སོང་ནས
ངས་བསྐུར་བའི་རྐང་འབོབ་དང་ཇ་བག་རྣམས་འཁྱེར་ཤོག
སྒུག་སྒུག་ཀྱང་ཡར་འཐེན་མི་བྱེད་པའི་ཁྲེལ་མེད་ཁྱོད
ཅུང་ཙམ་མིན་ན ང་མགོ་འཐོམས་ནས་ཁྱོད་ལ་རྒྱ་མོ་ཞིག་ཀྱང་བསྐུར་ཚར་ཞེས་ཟེར་ངེས
སྙན་ཚོམ།
འཛུམ་ཆུང་བཀྲ་ཤིས།
རྨི་ལམ།
ཀྱག་ཀྱོག་གི་ལམ་སྐེད་དུ་བགྲེང་ནས།
མག་མོག་གི་འདས་སོང་ལ་བལྟས་ཤིང།
རབ་རིབ་ཀྱི་མདུན་ལྗོངས་གླེང་དུས།
ཁ་ཕྱོགས་བྲལ་བའི་རྨི་ལམ།
མཚོ་ངོགས་ཀྱི་གཡོལ་གྲུ་བཞིན།
རྦ་རླབས་ཀྱིས་གང་སར་འཁྱེར་འགྲོ
དོལ་སྨྱོན།
ལྷོ་སྤྲིན་བུ་མོའི་འགྲོས་དང་བསྟུན་ཏེ་ཟིམ་ཟིམ་སྦྲང་ཆར་འཇོ་བའི་ཀློང་། །
སྣ་ལྔའི་མཚོན་མདངས་མངོན་པར་བཀྲ་བ་དབང་པོའི་གཞུ་ཡི་གཟི་འོད་ནང་། །
སྡེར་ཆགས་རྒྱལ་པོ་འགྱིང་བའི་ཁྲི་ལ་བཞེངས་སྟབས་ཚུལ་དུ་དགྱེས་བཞུགས་པའི། །
དུས་གསུམ་རྒྱལ་བའི་མཁྱེན་རབ་གཅིག་འདུས་ཟུར་ཕུད་ལྔ་པས་བདག་བློ་སྐྱོངས། །
ཁྱོད་ཐུགས་ལྷ་ལམ་ཡངས་པའི་དབྱིངས་ན་རྣམ་དཔྱོད་ཆུ་འཛིན་ལང་ལིང་འཁྲིགས། །
ལེགས་བཤད་གཏམ་གྱི་གད་རྒྱངས་རབ་སྒྲོག་མན་ངག་སྦྲང་ཆར་ཡོངས་གཏོར་བས། །
སྐལ་ལྡན་བློ་ཡི་པད་ཚལ་འབྱེད་ལ་འགྲན་གྱི་ཟླ་མེད་ཟུར་མཁར་བ། །
བློ་གྲོས་རྒྱལ་པོའི་རྣམ་དཔྱོད་རྩལ་ལ་བདག་བློ་དང་བའི་སྤུ་ལོང་གཡོ། །
དེ་ལས་མང་བ་། “བློ་གྲོས་རྒྱལ་པོའི་རྣམ་དཔྱོད་ལ་ལྟ་བ་སྲིན་བུ་མེ་ཡི་རང་འོད།” »
ལྷོ་ཕྱོགས་ཉི་ཟླ།
གངས་ཅན་བོད་ཀྱི་སྨྲ་མཁས་སམ་བྷོ་ཊ།།
རྣམ་དཔྱོད་རིག་པའི་དཔའ་བོ་ཨ་ནུའི་སྲས།།
ཁྱེད་ཀྱི་སྙན་པའི་གྲགས་པ་ས་གསུམ་ཁྱབ།།
སྒོ་གསུམ་གུས་བས་ཐོན་མིར་ཡང་ཡང་འདུད།།
རྒྱ་གར་ཡུལ་དུ་རིག་པའི་ཁུ་བྱུག་གྲགས།།
དབྱངས་གསལ་སོ་བཞི་གསར་གཏོད་མཛད་པ་པོ།།
བོད་ཀྱི་ལོ་ཙཱ་ཐོག་མར་ཁོ་ནར་བྱོན།།
སུམ་རྟགས་ཐོན་མིས་བརྩམས་པ་བློ་མ་བདེ།།
( བདག་ཅག་གི་སྟོན་པ་ཐུགས་རྗེ་ཅན་སངས་རྒྱས་བཅོམ་ལྡན་འདས་ལ་བསྟོད་པ་སྒྲ་རྒྱན་རླབས་ཀྱི་རྩེད་དགའ་དགོད་པའི་མཆོད་སྤྲིན་བྱ་བ་བཞུགས་སོ།།)
ཐེ་བོ་དཀོན་མཆོག་ཤེས་རབ་ཀྱིས།
ན་མོ་གུ་རུ་ཤཱཀྱ་མུ་ནེ་ཡེ།
ཀུན་མཁྱེན་ཀུན་ཀྱིས་བསྔགས་པའི་ཡང་དག་ལམ། །
ལམ་བཟང་བཟང་བོའི་གསུང་གིས་གསལ་མཛད་གང་། །
གང་དག་དག་དང་མ་དག་གདུལ་བྱའི་འཁོར། །
ཆོས་ཀྱི་འཁོར་ལོ་བསྐོར་ལ་ཕྱག་འཚལ་ལོ། །
གང་གིས་གང་དུ་མངོན་པར་སངས་རྒྱས་ནས། །
ཝ་ར་ཎ་སཱི་ནགས་ཀྱི་དགའ་ཚལ་ན། །
ལྔ་སྡེ་ལམ་ལྔའི་ལམ་གྱི་མཐར་དབྱུང་ཕྱིར། །
བདེན་བཞིའི་ཆོས་འཁོར་བསྐོར་ལ་ཕྱག་འཚལ་ལོ། །
༼ཐག་རིང་ན་ཡོད་པའི་སྙིང་གི་མཛའ་མོར་སེམས་འཕྲིན་དུ་ཕུལ་བ།༽
བརྩོན་འགྲུས་དཔལ་བཟང་གིས། ལྡི་ལི།
༡༽
ཤིང་ལོ་ལས་ཟགས་པའི་ཆུ་ཐིགས་བཞིན ཆེས་དག་གཙང་གིས་སྨིན་པའི་ཁྱོད་ཀྱི་ལང་ཚོའི་ཐིགས་པ་ཆུང་ཆུང
ངའི་ལག་ཟུང་གི་མཐིལ་ན་གཉིད་པའི་རྨི་ལམ་ལྗང་ཁུ་ཞིག་དང་ཀུན་ཏུ་འདྲེས་ཤིང་ཀུན་ནས་མཚུངས
ངས སེམས་ཆུང་ངང་ཁྱོད་ཀྱི་ཕུགས་འདུན་གྱི་རྨི་ལམ་དཀྲོག་པར་སྐྲག་ནས ཁྱོད་རང་གཏན་ནས་བསྒུལ་བསྒུལ་མ་བྱས་ཤིང ང་རང་ཡང་གཏན་ནས་མ་འགུལ
སྐབས་དེ་དུས་ཁྱོད་དང་ང་འཇིག་རྟེན་འཚོ་བའི་གཡོར་གྲུའི་ནང་ཡམ་ཡོམ་འགུལ་ཞིང
སྐབས་དེ་དུས་ང་དང་ཁྱོད་ཕན་ཚུན་གྱི་སེམས་ནང་ལ་ཆེས་གསང་བའི་བརྩེ་དུང་གི་མིག་ཆུ་ཞིག་ཏུ་གྱུར
རྗེ་ཉིད་དགུང་ལོ་སུམ་ཅུའི་ནང་ཕེབས་དུས་ཀྱི་སྐུ་པར།
དེ་ལས་མང་བ་། “སྙན་ངག་གི་ལམ་དུ་དྲངས་པའི་རྟོགས་བརྗོད་སྤྲིན་གྱི་མེ་ཏོག” »
འཛུམ་ཆུང་བཀྲ་ཤིས།
ཁྱེད་ཉིད་དྲན་དུས།
མིང་ཟུང་མཆི་མས་བརླན་ཞིང།
སེམས་པ་སྐྱོ་བས་བཟི།
མྱ་ངན་གྱི་འཚོ་བའི་ཀློང་ནས་འདི་ལྟར་ཁྱེད་རང་དྲན་དུས།
ལྐོག་གྱུར་གྱི་མཇལ་འཛོམས་ཤིག་ལ་སྨོན་པ་ཧ་ཅང་དྲག
ཁྱེད་ཉིད་དྲན་དུས།ལྷིང་འཇགས་ཀྱི་གཙང་བོ་གྱེན་ལ་བཞུར་ཞིང།
ཁུ་སིམ་གྱི་རི་བོ་ཐུར་ལ་འཕྱིང།
བསམ་གླིང་ཚེ་རིང་ལྷ་མོ།
ལག་ཟུང་གིས་གྲོད་པ་སྐྱོར་ཞིང་།།
གུག་གུག་དང་འཁྱར་འཁྱོར་གོམ་འགྲོད།།
ངོ་གདོང་ལས་ཐལ་སྐྱ་འཚུབ་པའི།།
སྨན་ཁང་གི་ཁོར་ཡུག་ཡ་ང་།།
རང་བཞིན་སྡུག་བསྔལ་གྱིས་བཟིར་བའི།།
ནད་པའི་བཞིན་མདངས་དེ་མཐོང་དུས།།
བྱམས་ལྡན་འཛུམ་དཀར་གྱིས་བསུ་བའི།།
སྨན་པ་སྨན་ཞབས་དག་མཁོ་ཨང་།།
རིག་འཛིན།
ང་དགུའི་ལོ་ཟླའི་རླུང་འཚུབ་དྲག་པོས།།
གངས་རིའི་ཡུལ་གྱི་སྣོད་བཅུད་ཡོད་རྒུ།།
མྱ་ངམ་ཐང་གི་གཡུལ་སར་བསྒྱུར་བ།།
གདོང་དམར་བོད་མིའི་སྙིང་གི་རྨ་ཁ།།
གུན་ཁྲན་དམག་གི་གླང་སྤྱོད་རྩུབ་མོས།།
གདོང་དམར་བོད་མིའི་ཡབ་མེས་འབུམ་ཕྲག།
དམར་གསོད་དྲག་པོའི་འཁོར་ལོ་སྐོར་བ།།
གདོང་དམར་བོད་མིའི་སྙིང་གི་རྨ་ཁ།།