མཚན་རླུང་།
ལྷིང་འཇགས་ཀྱི་ས་སྲོད་དེར
གནས་ཚུལ་དེ་དྲ་རྒྱའི་ཁྱོན་ཡངས་ནས
ངའི་སེམས་ངོགས་སུ་གློག་དམར་འཁྱུག་པ་བཞིན
གློ་བུར་དུ སྐད་ཅིག་ཉིད་དུ་མཚལ་བས
སྤྲིན་ཕུང་འཁྲིགས་པ་ལྟར
ས་གཞི་ཁྲོས་པ་ལྟར
སྐྱི་གཡའ་བའི་རླུང་འཚུབ་དེས
ངའི་སེམས་ཀྱི་ཞི་བདེ་བཅོམ
བོད་རང་བཙན་ཐོབ་པའི་རྨི་ལམ་རྨིས། །
ན་མོ་གུ་རུ་རཏྣ་བྷྱ།
ཤར་སྐྱ་བའི་སྐྱ་རེངས་དང་པོའི་སྐབས། །
བྱ་སྐྱ་ཀའི་ཀ་ཀ་མ་སྒྲོག་གོང་། །
གཉིད་སད་རྨི་གཉིས་ཀྱི་བར་མཚམས་ནས། །
ཤར་མཛེས་ལྗོངས་རུ་དམ་ལུང་བ་མཇལ། །
རྗེ་བླ་མ་གྲུབ་དབང་རིན་པོ་ཆེས། །
གསེར་སེར་པོའི་སྒོང་ང་རྣམ་གསུམ་ཞིག །
ཐུགས་དགྱེས་བཞིན་བདག་ལ་གནང་བར་རྨིས། །
ངས་རྒྱལ་བ་སྲས་བཅས་མཆོད་པར་ཕུལ། །
ང་ ཟིན་བྲིས་སུ་ཐོན་ཡོད།
དོལ་སྨྱོན།
རྨོངས་པའི་དྲྭ་བ་དུམ་བུར་གཅོད་པའི་འཇམ་དབྱངས་ཀྱི་རལ་གྲི་ལ་སེམས་པ་གཏད་ནས།
སྲིད་གསུམ་དབྱངས་སུ་གྱེར་བའི་མཚོ་བྱུང་མའི་པི་ཝང་ལ་འདུན་མ་བཅོལ་ནས།
དབྱངས་གསལ་སོ་བཞི་ལ་དུང་བ་ཟབ་པའི་མི་བུ་ང་།
རེ་བའི་རྡོག་ཕྲེས་ཆེན་པོ་ཞིག་འཁུར་ནས།
ཟིན་བྲིས་སུ་ཐོན་ཡོད།
སྙན་ཚིག་གི་རོ་བཅུད་རྒྱས་པའི་སྙན་ངག་གི་འབྲས་བུ་ཟ་འདོད་ཅིག་གིས།
ཤེས་བྱའི་ཡོ་ལང་རྒྱས་པའི་མཛེས་སྡུག་གི་ལྡུམ་རར་འགྲིམས་འདོད་ཅིག་གིས།
ཕ་སྐད་ལ་ལར་ཞེན་མཐུག་པའི་ཉམས་ཆུང་བའི་བུང་བ་ང་།
གཅོང་རོང་གི་ལམ་ཕྲན་དོག་པོ་ཞིག་བརྒལ་ནས།
ཟིན་བྲིས་སུ་ཐོན་ཡོད།
སྐྲ་སེར་མ་ཞིག་གྲོགས་ལ་བཀུགས།
འབའ་སྲས།
ནམ་རྒྱུན་ཡར་མར་འགྲོ་བའི་ལམ་བར་ནས།།
སྐྲ་སེར་གཞོན་ནུ་མ་ཞིག་ཡང་ཡང་འཕྲད།།
ཡང་ཡང་འཕྲད་པའི་ཟླ་བ་འགའ་ཡི་རྗེས།།
ཕན་ཚུན་ངོ་ཤེས་ལྟ་བུའི་སེམས་པ་ཆགས།།
ཁ་བ་ཅན།
འབའ་སྲས།
ཁ་བའི་འདབ་མ་རེ་རེ་བརྩེགས་པའི་གངས་ཀྱི་རི་བོ་མཆོད་རྟེན་འདྲ།།
དམར་པོ་བྲག་གི་ཐེམ་པའི་བང་རིམ་ལྷ་ཡི་དྲུང་གི་མཆོད་ཁྲི་བཞིན།།
མཛེས་སྡུག་མེ་ཏོག་ལྷམ་མེར་བཀྲ་བ་མཆོད་མེ་འབུམ་ཕྲག་སྒྲོན་པར་མཚུངས།།
ལྷ་ཡི་ཞིང་ཁམས་ས་ལ་ཆགས་འདྲ་ང་ཡི་ཕ་ཡུལ་ཁ་བ་ཅན།།
དགུ་བརྒྱའི་རྗེས་དྲན་གྱི་སྙན་ཚིག
ཀརྨ་པ་ཨོ་རྒྱན་ཕྲིན་ལས་རྡོ་རྗེ།
ཁྱོད་ནི་གངས་རིའི་ངོས་ཀྱི་བདུད་རྩིའི་ཆུ་མིག་ཞིག་དང་འདྲ་བར།
ཀུན་ལས་མཐོ་མཐོ་བའི་རྒྱལ་ཁམས་ཤིག་ནས།
འབད་མེད་ཀྱི་རྩོལ་བ་དང་རྒྱུ་མེད་ཀྱི་དུངས་སེམས་ཟབ་མོས།
ལོ་ཟླ་བརྒྱ་ཕྲག་གི་རི་ཐང་ཡོངས་སུ་བརྒལ་ཏེ།
ངེད་ཅག་གི་རེ་བའི་ཞིང་སར་ལྷུང་ལྷུང་དུ་བབས།
ཁྱོད་ཀྱིས་སྐྱེ་བའི་ཕྲེང་བ་དུ་མའི་རིང་བཅངས་བཅངས་པའི་སྨོན་ལམ་ཟབ་མོས།
ང་ཚོར་ཆེས་མི་མངོན་པའི་ས་ནས་དྲོད་འཇམ་དང་འཚོ་བཅུད་བྱིན་ཏེ།
འཆར་སྣང་བདེན་པའི་འབོད་སྒྲ།
ཚེ་རིང་བསམ་འགྲུབ།
གཞོན་ནུ་་གངས་སེང་དཀར་མོས་རྫིགས་ཉམས་སྟོན།།
ཆབ་བཙོན་སྟག་རྒོད་རི་ཤོར་ཐང་ལ་བབས།།
བུད་མེད་ཚོགས་པའི་མཛེས་མས་ཁྲོ་ཉམས་སྟོན།།
དམངས་གཙོ་ཚོགས་པས་ལ་རྒྱ་ཡིན་མདོག་སྟོན།།
འཇིག་རྟེན་འཁོར་བ་མི་སྐྱིད་ཀི།
འབའ་སྲས།
ཕ་མའི་དྲུང་གི་བྱིས་པ་ཡིན་དུས།།
མི་ལུས་ཐོབ་པར་དགའ་བ་སྐྱེས་སོང་།།
དགའ་རོགས་ཤིག་ལ་ཐོག་མར་ཐུག་དུས།།
འཇིག་རྟེན་འཁོར་བ་སྐྱིད་པ་འདོད་བྱུང་།།
གཉིད་མི་འོང་བའི་མཚན་མོ་འདི་ཚོར།
(ཚོང་བ་ངོ་ཤེས་ཤིག་གི་ཚབ་ཏུ། )
ཉི་མ་འཚོ། (མུ་ཏིག)
གཉིད་མི་འོང་བའི་མཚན་མོ་འདི་ཚོར། སེམས་ཚོར་ཞིག་རྒྱང་རིང་ནས་སླེབས་བྱུང་། རི་རབ་དང་གཙང་བོ་གང་གིས་ཀྱང་མ་ཁོག་པར་སླེབས་བྱུང་།
ཨུ་ཚུགས་ཀྱིས་མིག་ཟུང་བཙུམ་ནའང་། སེམས་ཚོར་དེའི་སྟོབས་ཤུགས་ཀྱིས། རང་ཉིད་ཉལ་ས་མ་བདེ་བའི་སེམས་འཚབ་གཞན་ཞིག་སྐྱེས་པ་དང་འདྲ་བར། དྲན་འཆར་ཇེ་མང་རེད།
ལང་ཚོའི་དྲན་གསོ།
རས་པ།
༡
ཕ་ཡུལ་ནས་ལམ་ལ་ཆས་དུས
ཨ་མའི་སྤྱན་ཟུང་གིས་ཡུན་རིང་སྐྱེལ་མ་གནང་བ
ད་ལྟའང་དྲན་བཞིན་འདུག
༢
ཨ་མ་ཁོ་ན་དེ་རིང་དྲན་སྣང་གི་ངོགས་སུ་སླེབས་ཏེ
ཕྱིར་དྲན་གྱིས ཕ་ཡུལ་གྱི་རི་ལུང་ཀུན་ལ་ཞིབ་བལྟ་བྱེད་དུས
ཨ་ཕའི་རྒས་གཉེར་གྱི་རི་མོ་མང་པོ
ངའི་ལོ་ཟླའི་འཕེལ་རིམ་བཞིན་འོངས་ཤིང
ཨ་ཕའི་སྟག་ཤར་གྱི་གཟི་ཉམས་དེའང
སྟོན་ལྗོངས་ཀྱི་སྙེ་མ་བཞིན་སྒུར་འདུག་པ་དྲན་འོངས
གསལ་ལེ་ཞིག་གི་སྙིང་གཏམ།
བོད། ལྷ་ཀླུ་གཉན་གསུམ།
ཕར་སེམས་ཤིག་སྟོན་ནས་སྐད་ཆ་ཞིག།
རུམ་དྲོན་པོའི་ནང་གི་མཛའ་མོ་སྟེ།།
ལུས་རིགས་རུས་མི་གཅིག་ཕྱི་རྒྱལ་མི།།
བྲང་གློ་སྙིང་གཏོད་པ་ནོར་ནི་ཡིན།།
དུར་ཁྲོད་ཀྱི་བརྗེད་བྱང་།
བདེ་ཆེན་སྒྲོལ་མ།
དེང་རབས་ཚན་རྩལ་གསར་བའི་འཇིག་རྟེན་ནས།།
སྣ་ཚོགས་ཤེས་བྱའི་ཀློང་བརྒྱ་བརྡོལ་བའི་དུས།།
བག་རྙིང་དགྲ་རུ་མཐོང་བའི་འདུ་ཤེས་ཤིག།
མ་སྦྱངས་ན་ཡང་ལྷན་སྐྱེས་གཤིས་སུ་གྲུབ།།
ཨ་མ་དྲན་ཚུལ།
ང་དུར་ཁྲོད་
རྒྱང་རིང་ཐང་ལ་ཚ་བའི་སྨུག་པ་འཁོར་དུས།
སྐྱོ་བའི་སེམས་ལ་དྲན་པའི་མིག་ཆུ་ལྷུང་གི།
ས་མཐའི་བུ་ཡིས་ཨ་མ་དྲན་པའི་སྡུག་འདི།།
གཉེན་དང་ཉེ་དུ་ཀུན་གྱིས་སེམས་ཀྱིས་མི་ཁྱག།
གསལ་ལེ་རྒྱལ་ཞིག་གི་མགུར།
བོད ལྷ་ཀླུ་གཉན་གསུམ།
ཁ་ཕར་འཁོར་སེམས་པ་འཁྱེར་མྱོང་བའི།།
ཚུར་འཁོར་ན་སེམས་ཁ་དཀྲུགས་འགྲོ་བའི།།
ལུས་འགྲོགས་འདྲིས་ཆེ་བའི་མཛའ་མོ་སྟེ།།
རིགས་རུས་པ་མ་གཅིག་སེམས་རེ་སྐྱོ།།
ཆུང་བྱིས་པའི་དུས་ནས་བོད་སྐད་གོམ།།
བྱེས་བཅར་བའི་ཉིན་ནས་སྐད་མང་ཐོས།།
རྒྱུ་ཙག་ཙག་མེད་པའི་བཞི་མདོ་ནས།།
མ་བུ་མོ་ཁྱེད་དང་འཕྲད་པ་རེད།།
བདེ་ཆེན་སྒྲོལ་མར་སྤྲིངས་པའི་འཕྲིན།
འབའ་སྲས།
རྒྱང་ཐག་རིང་བའི་འཕགས་ཡུལ་རྒྱ་གར་ན།།
བདེ་ཆེན་སྒྲོལ་མ་ཟེར་ནི་ཞི་མོ་ཞིག །
རྩོམ་ཡིག་མང་མང་སྤེལ་བའི་རྩོམ་པ་པོ།།
ཡིན་པའི་སྐད་ཆ་བདག་གིས་རིང་ནས་ཐོས།།
བོད་མིའི་སྐྱིད་སྡུག་གླེང་བ།
ཚེ་རིང་བསམ་འགྲུབ།
སྔར་ཆོས་རྒྱལ་གོང་མའི་སྐུ་རིང་ལ།
ཆབ་སྲིད་ཀྱི་མངའ་ཐང་ཤིན་ཏུ་དར།
གདོང་དམར་བ་བོད་ཀྱི་དམག་དཔུང་ཞེས།
མཚན་སྙན་གྲགས་ཡུལ་གྲུ་སྐུན་ལ་ཁྱབ།
མཚོན་མདའ་གྲི་མདུང་གསུམ་འཕྲུལ་ལ་བརྟེན།
དགྲ་འཆི་བདག་ཡིན་ཀྱང་དཔའ་མི་ཞུམ།
ཕྱོགས་རྒྱལ་ཁམས་མང་པོ་དབང་དུ་བསྡུས།
བོད་ཆོས་ལྡན་ཞིང་གི་བཙན་པོ་ཁྱེད།
བློན་རིག་པ་ཅན་གྱིས་མཐའ་ནས་སྐོར།
འབངས་སྲི་ཞུ་ཅན་གྱི་གྲུ་བཞི་བཏེགས།
ཤར་རྒྱ་ནག་གོང་མའི་བཞུགས་ཁྲི་འཕྲོག
ཆེས་སྙིང་ལས་གཅེས་པའི་ཨ་ཕ་ལགས།
གཙང་བུས།
རྟེན་འབྲེལ་གྱི་རྒྱལ་མཚོའི་ནང༌།
ཡན་ལག་བཅུ་གཉིས་ཀྱི་རྦ་རླབས་རིམ་གྱིས་གཡོ།
བགྲང་བྱའི་གཉེར་མའི་བང་རིམ་དཔྲལ་ངོས་སུ་བབས།
ལང་ཚོའི་གངས་ལྷ་མེ་ཏོག་བུ་ཡུག་གསེབ་ཏུ་འཚང༌།
ལུས་སྟོབས་ཀྱི་ཟུངས་ཁྲག་དམར་པོ་ས་ལ་ཟགས།
ཆེས་སྙིང་ལས་གཅེས་པའི་དྲིན་ཅན་གྱི་ཨ་ཕ་ལགས།
ཁྱོད་ངེས་མེད་འཇིག་རྟེན་ཕྱི་མའི་སྨག་གིས་བསྟུམས་པའི་རྫ་འཕྲང་རིང་མོར་བགྲོད་ཉིན།
ངེད་མ་སྨད་རྣམས་ལ་ཕྱིར་ལྟོས་ཤོར་སོང་ངམ།
ཕྱིར་མིག
འགར་ཚེ་རྒྱལ་གྱིས།
——–འགྲུལ་བཞུད་ཀྱི་ལམ་ནས་རྙེད་པའི་ཚོར་འདུ་ཐན་ཐུན།
འགྲོ་ཐུབ་པ་ནས་རྐང་རྗེས་ཁ་བར་ཕབ་པའི་ཕ་ཡུལ་ལས་བུད་དེ་བཞུད་འགྲོ་བའི་ཉི་མ་དེར།
ཆུང་དུས་ནས་འདྲིས་ཤིང་གོམས་པའི་རྩྭ་ཐང་གི་པང་ཁ་ན་བཞད་པའི་སྤང་རྒྱན་མེ་ཏོག
དབྱར་གཞུང་གི་མཛེས་སྡུག་ནས་འཐུ་རོགས་བྱེད་པའི་བྱིས་པ་དེ་ཚོ།
དེ་ཚོ་རེ་རེ་བཞིན་དྲན་འོང་དུས།
ངས་མཐའ་མཇུག་ཏུ་བཏུས་པའི་སྤང་རྒྱན་མེ་ཏོག་གི་ཚོམ་བུ་འགའ་སྙིམ་པར་བཅངས་ཏེ།
རླངས་འཁོར་ལ་འབུད་ཁའི་གཞུང་ལམ་གྱི་འགྲམ་ཟུར་ནས་ཕྱིར་མིག་གིས།
ཕ་ཡུལ་གྱི་རི་ལུང་ལ་གྱེས་བྲལ་གྱི་མིག་ཆུ་གཏོར་བཞིན་བཞུད།
༤།༡༤་རྗེས་དྲན།
(ཡུལ་ཤུལ་ལ་ཕུལ།།)
མུ་ཏིག་གིས།
འཇིག་རུང་གི་སྐྱ་རེངས་དེ་འདས་ནས། ལོ་ངོ་གཅིག་འདས་སོང་། ས་རྡུལ་དང་གྱང་རོ་ཁྲོད་ནས་བཞུད་ཟིན་པ་ཁྱེད་ཅག དངངས་སྐྲག་དང་ཕྱིར་མིག་གི་ཀློང་ནས་བཞུད་ཟིན་པ་ཁྱེད་ཅག གནམ་འོག་གི་ལན་ཆགས་ཡོད་ཚད་འཁུར་ནས། ད་བར་གང་ན་ཡོད།
ངོ་མདངས་ཤོར་བའི་ཕ་ཡུལ་དང་། ངུ་འབོད་ཆད་མ་མྱོང་བའི་ཤུལ་ལུས་ཚོའི་ཆེད་དུ། ཁྱེད་ཅག་གི་མིག་ཟུང་བཙུམ་མ་ཐུབ་དང་། རྣམ་ཤེས་བདེ་མ་ཐུབ་པ། ངས་སུ་ཞིག་ལ་དགོངས་དག་ཞུ་དགོས། བཞུད་ཟིན་པ་ཁྱེད་ཅག་ལ། མང་པོ་མང་པོ་ཞིག་ཆད་སོང་བ་ལྟ་བུའི་སེམས་ཚོར་ཞིག་གིས། དེ་རིང་། ཕ་ཡུལ་ལ་བལྟས་ནས་ངུ་བཞིན་ཡོད།
ཁྱེད་ཀྱི་གཏམ་རྒྱུད།
ང་དུར་ཁྲོད་།
སྲང་ལམ་དེ་རུ
མཛའ་གཞས་དང་བསྡོངས་པའི་དབྱར་ཀ་མེད
འཁྱགས་སིབ་སིབ་ཀྱི་ངོ་གདོང་གང་མང་གིས
འགུལ་སྟངས་གཞན་ཞིག་དང་ འདུག་སྟངས་གཞན་ཞིག་གིས
ཁྱོད་ལ་བུ་མོ་དམར་ཧྲེང་ཞིག་གི་གཟུགས་རིས་སྟོན་སྲིད
དེ་ནི་ཁྱོད་ཀྱིས་བསྒུལ་བ་སྟེ
ས་ཆེན་གྱི་གྲིབ་གཟུགས་དང་འགྲོགས་པའི་ཚེ་སྲོག་ཐ་མ་དེ་ཡིན