བོད ལྷ་ཀླུ་གཉན་གསུམ།
མི་ཡི་གཟུགས་ལ་འདྲེ་ཡི་སེམས་ཞུགས་པ།།
ཕྱི་ནང་ཁ་ཁར་གྱུར་བ་ང་ཡི་སྤྱོད།།
དུས་གསུམ་གང་དུ་མི་གཏོགས་རླུང་གི་སྤུན།།
གྱང་ཁའི་རྩྭ་ཡི་གྲོགས་པོ་ཡ་མེད་ཅིག།
རྡ་སར་འབྱོར་བ།
རྟ་ནག་སྐལ་བཟང་ལུང་རིགས།
_______________________རྡ་སའི་སྙན་ངག་གི་ཁག་དང་བོ།
ལམ་ཕྲན་དང་གཞུང་ལམ་བརྒལ་ཏེ་ས་གཞི་ཞིག་པང་དུ་བླངས་སོ།།
འཁོར་ལོ་དང་རྨི་ལམ་བརྡར་ནས་ནམ་མཁའ་ཞིག་ཤར་གྱིས་བཏེགས་སོ།།
ཁ་ཆར་དང་གྲང་རླུང་བསུས་ནས་སེམས་པ་ཞིག་དུང་བས་བརྡེགས་སོ།།
ཚོར་བ་དང་བརྩེ་བས་དྲུད་ནས་གནམ་མཐའ་ལ་ཆམ་གྱིས་བརྡས་སོ།།
སྨྱོན་པས་ལན་མོ།།
སྒེར་དོན་མཁས་པའི་དེང་གི་བཀའ་སྤྱི་ཚོས།།
རང་འབངས་བདག་མེད་གང་དྲན་ལམ་ལ་བཏངས།།
འདུག་སྟེགས་སྲ་བརྟན་ཕྱོགས་ཞེན་ཅན་ལ་སྐུལ།།
དཔོན་པོ་འདོད་ཀྱང་སྨྱོན་པས་ལན་མོ་རེད།།
རྒྱང་རིང་ཆུང་མ།
འབའ་སྲས།
རྒྱུས་མེད་མི་ཡུལ་ས་མཐའ་ཞིག་ནས།།
སེམས་པ་རྒྱུས་མེད་འཚོ་བའི་བར་ནས།།
དཀའ་སྡུག་ཞིག་གི་སྣེ་མོར་འཇུས་ནས།།
ཁྱེད་ནི་བདག་གི་བདག་མོར་གྱུར་སོང་།།
བོད་ལ་རེ་བ་ཨེ་འདུག
ལན་ཞིག་གི་ཡང་ལན་དུ།
བསྟན་འཛིན་ཤེས་རབ།
མཐའ་མཚམས་རྫ་རིས་སྐོར་བ་དང་།།
ཀ་ཡིག་དུར་རྡོར་ཕབ་ལེ་དེ།།
ལོ་ངོ་བརྒྱ་རང་མི་དགོས་དེ།།
ད་ནས་མངོན་དུ་འགྱུར་བཞིན་འདའ།།
མིག་ཆུ་མེད་པའི་དུས་ཤིག་ལ་སྒུག་ཡོད།
བོད། ལྷ་ཀླུ་གཉན་གསུམ།
ཉི་མ་རེ་རེ དུས་ཚོད་རེ་རེ
ཡང་ན སྐར་ཆ་རེ་རེ
ངའི་གདོང་གི་མིག་ཆུ་འདི་སྐམ་སོང་ན
ད་གཟོད་ང་ ངའི་རྨི་ལམ་དེ་ལས་ཐར་ཡོད་སྲིད
མཚང་ལ་ཕོག་ན་འཕུང་ལ་སྦྱོར།
‘’དྲང་མོར་བཤད་ན་མི་མི་དགའ། དབྱུག་པ་ཕྱར་ན་ཁྱི་མི་དགའ།’’
བོད་ཀྱི་གཏམ་དཔེ།
ཤིས་ཚང་ལྗང་མྱུག
ནེམ་ཤ་འཁྱུད་པའི་ལྗང་ལོའི་ཚེ་སྲོག་སྟོན་གྱི་རླུང་བུས་ཁྱུར་མིད་བྱེད།།
དཀར་འོད་ཆེམ་པའི་ཟླ་བའི་ལང་ཚོ་སྤྲིན་ནག་ལེབ་མོས་ཧར་གྱིས་སྒྲིབ།།
འཆར་དང་ནུབ་པའི་རྟ་བདུན་གཞོན་ནུའང་ཉིན་དང་ཞག་གི་འཁོར་གྱིས་བཟུང་།།
འཕེལ་དང་འགྲིབ་པའི་ཆོས་ཉིད་ཀློང་དུ་རྐང་གཉིས་འགྲོ་འདི་གཏན་དུ་ཐོགས།།
མཚང་འབྱིན་སྟོང་བའི་གླུ།
བོད ལྷ་ཀླུ་གཉན་གསུམ།
ཉན་དུས་ལྷ་ཡང་གསོན་པོ་བཞུགས་པ་འདྲ།།
བརྟག་དུས་རང་གཤིས་འདི་ཡང་འདྲེ་དང་མཚུངས།།
བཤད་ན་ཀུན་ཡང་གཉེན་དུ་ལྟ་དགོས་བརྗོད།།
སྨྲ་བརྗོད་དབང་བའི་མི་ཚོགས་སྔར་བཞིན་འཚོ།།
འཁོར་བའི་གྲོང་གི་རྨི་ལམ་ཐུན་གཅིག
ཀླུ་སྨྱོན།
སྔོ་བསང་ནམ་མཁའི་དཀྱིལ་འཁོར་ནས། །
སྤྲིན་དཀར་ལེབ་མོ་ཡུག་གཅིག་གིས། །
མེ་ཏོག་དཀར་པོའི་ཆར་བ་ཞིག །
ཆུ་ཚོད་ཉི་ཤུ་རྩ་བཞིར་བསྙིལ། །
སྙིང་ལ་གཟན་པའི་སྡུག་གུ་མ། །
དབྱངས་ཅན་ལྷ་མོ་གཅེར་བུ་རུ། །
པི་ཝང་མེད་ལ་སོར་གདུབ་མེད། །
བདག་གི་རུམ་ལ་འཛུལ་བྱུང་ངོ་། །
བདག་ནི་སྔགས་འཆང་དྲེད་པོ་སྟེ། །
ཉིན་མཚན་མེད་པར་ར་བཟི་ཞིང་། །
ལུས་ལ་ཆགས་པའི་མེ་འབར་བས། །
དེ་རིང་བསྐལ་པ་བཟང་བྱུང་ངོ་། །
ཉི་མ་སུམ་བརྒྱ་དྲུག་ཅུའི་རྗེས་སུ་ཡང་། །
རྨི་ལམ་འདི་ལས་སད་མི་འདོད། །
སྒྱུ་མའི་འཇིག་རྟེན་བློས་མི་ཐོངས། །
རྣམ་ཤེས་འཁྱམ་པོ་སྙིང་ཡང་རྗེ། །
སྙན་ངག་གིས་སྐྱིད་ཆུའི་འགྲམ་གྱི་བརྩེ་དུང་གི་འགྲུལ་བཞུད་པ་ཞིག་གླེང་བ།
༼བརྩེ་དུང་གི་རྒྱལ་སྲས་སུ་འབོད་པའི་རྒྱལ་བ་ཚངས་དབྱངས་རྒྱ་མཚོའི་མགུར་གླུ་ལ་རོལ་ཞིང་མྱོང་བའི་ཚོར་བ་འགའ་ཞིག་ཡིག་གཟུགས་སུ་བཏབ་པ༽
འཆི་བདག་ནག་པོ།
ཆེས་ཐོག་མའི་གསང་གཏམ་གཞན་ཞིག་གི་ས་བོན་སྨིན་ས་རེད་ཟེར་བའི་རི་ངོགས་དེ་ནི ས་ཆ་དེ་ནི
ཁུ་སིམ་པའི་ལྷོ་རོང་མོན་པའི་ནགས་ཁྲོད་དེ་ཡང སུ་ཞིག་གི་སྙིང་གཏམ་ཤུབ་ཤུབ་དེས་དཀྲོག་བཞིན་འདུག
སྨྲ་མཁན་ནེ་ཙོ་མ་གཏོགས་སུ་དང་གང་གིས་ཤེས་མི་སྲིད་པའི་གཏམ་རྒྱུད་མང་བོ་མང་བོ་ཞིག
ལྷིང་འཇགས་ཀྱི་རི་ཞོལ་དེ་རུ་སྦས་ཤིས གཏན་དུ་ནུབ་མི་སྲིད་པར་བྱས་པ་དེ་དག
ད་ལྟ་ཡང ཐ་སྙད་ཀྱི་འཕྱང་འཕྲུལ་བརྒྱུད་དེ་མྱི་སེམས་ཀྱི་སྲུབས་ཀ་རེ་རེ་འཚང་ཡོང་བའི་རླུང་བུའི་རིགས་འདི
དེ་ལས་མང་བ་། “སྙན་ངག་གིས་སྐྱིད་ཆུའི་འགྲམ་གྱི་བརྩེ་དུང་གི་འགྲུལ་བཞུད་པ་ཞིག་གླེང་བ།” »
ཁ་རྡ་སར་འཁོར་བ།
རྟ་ནག་སྐལ་བཟང་ལུང་རིགས།
མི་ཚེ་ནི་ཆུ་རིས་འདྲ་ཡང་རྟ་ནག་པར་དངངས་རྒྱུ་མེད་པ།།
མི་ཁ་ནི་རྦབ་རྡོར་མཚུངས་ཀྱང་རྟ་ནག་པར་ཞེད་པ་མི་འདུག།
ནམ་མཁའ་དང་ས་གཞི་འདྲེས་པའི་ཐག་རིང་གི་སྣོལ་མཚམས་དེ་ན།།
ཆོས་བརྫུ་དང་བཟང་བརྫུ་མེད་པའི་བསམ་བློ་ཡི་འོད་ཟེར་ཡོད་སྐད།།
རྡ་ས་ལ་ཆམ་གྱིས་གྱེས་ཀྱང་སྣང་ངོ་ན་མ་ཡལ་ཡོད་དོ།།
གྲོགས་པོ་ཚོར་ཅམ་གྱིས་བཞག་ཀྱང་སེམས་ངོ་ན་གསལ་ལེར་གདའ་འོ།།
ཨ་མ་ལགས། ལོ་སར་བཟང་།
འབའ་སྲས།
ཆེ་ཆེར་རྒྱང་ཐག་རིང་བའི་ཡུལ་ཞིག་ཏུ།།
སྐྲ་དཀར་འདབ་མ་འཛིན་པའི་དྲིན་ཆེན་མ།།
ས་མཐའི་རྐང་ལམ་འགྲིམ་པའི་བུ་ཕྲུག་ངས།།
ལོ་སར་བཀྲ་ཤིས་བདེ་ལེགས་ཐོག་མར་ཞུ།།
ཨིང་ལེནཌ་དུ་འཁྱམས་པའི་འབྲུག་བུའི་སྐྱོ་གླུ།
རྡོ་རྗེ་རྒྱལ་མཚན།
ཀརྨའི་མིང་ཅན་སེམས་བཟང་ཁོང་གིས། །
ཁ་རྗེ་ཆུང་བའི་རྡོར་རྒྱལ་ང་ཉིད། །
ག་ས་གང་དུ་འཁྱམ་ཞིང་འཁྲིད་ཀྱང་། །
ང་ཡི་བསམ་དོན་འགྲུབ་དབང་མིན་འདུག །
ངའི་ཕ་ཡུལ་གྱི་ལོ་སར།
ཐོར་རྒོད་པ་སྤྱན་ཆབ།
བསམ་གཞིག་ཞིག་གིས་ཁོམ་ལོང་གཏན་ནས་མི་སྟེར་པས།
རང་ཉིད་ཀྱི་ཕྱི་ནང་དང་བཅས་པར་རྩིས་ལེན་བྱ་ཐབས་བྲལ་ཡང་།
ཆུ་ཚོད་ཀྱི་ཅུང་སྒྲས་ང་རང་གཉིད་ལས་བསླངས་བ་ན།
དེ་རིང་ནི་ངའི་ཕ་ཡུལ་ཀྱི་ལོ་སར་རེད་འདུག
ངས་ཁྱེད་ག་དུས་མཇལ་ཐུབ་བམ།
ཀླུ་སྨྱོན།
ཁ་པར་འདིའི་དྲིན་ལས་ངས་ཁྱེད་རང་རྙེད་བྱུང་།
ཁ་པར་འདི་བརྒྱུད་ནས་ངས་ཁྱེད་རང་མཇལ་བྱུང་།
ཁྱེད་རང་སྐད་གྲགས་ཆེ་བའི་ཨ་རིའི་རྒྱལ་སར་བཞུགས་ཡོད་ཅིང་།
ལས་ཁུངས་ཡག་པོ་ཞིག་ཏུ་ཕྱག་ལས་གནང་གིན་ཡོད་ལ།
གླ་ཕོགས་ཀྱང་ང་ལས་ལྡབས་འགས་མཐོན་པོ་ཞིག་ལེན་བཞིན་ཡོད་པ་བདེན་ཡང་།
ཁྱེད་ཀྱང་ང་དང་འདྲ་བར་སྐབས་རེར་སུན་སྣང་དང་ཁེར་རྐྱང་གི་སྡུག་བསྔལ་གྱིས་མནར་བཞིན་ཡོད།
ཁྱེད་ཀྱང་ང་དང་འདྲ་བར་མི་ཡུལ་གྱི་འཚོ་བའི་མནར་གཅོད་དང་ས་མཐའི་སྐྱོ་གདུང་གིས་གཙེ་བཞིན་ཡོད།
ཨ་མ་ལགས ངས་ཁྱེད་རང་དྲན་གི
ཤར་ཕྱོགས་ཁུག་རྟ
གནམ་གང་གི་དགུང་མོར་
ལོ་རྟག་པར་ཁྱེད་ལ་འདི་ལྟར་ཁ་པར་བཏང་བ་ཡིན
ཉི་མ་འགྲོ་གྱིན་འགྲོ་གྱིན ཟླ་བ་སོང་གི་སོང་གི
ལོ་ཡི་ཐོག་ལ་ལོ་བསྣན་ཡོང་དུས
ཨ་མ་ཁྱེད་ཀྱི་ན་ནིང་གནམ་གང་དགུང་མོའི་བཀའ་མོལ་དེ་འདྲ
དོ་དགོང་མིད་པས་ཕྲེང་ནས་འགག་སྟེ
ཅི་ཞིག་གསུང་འདོད་ཀྱིས་ ཞལ་ནས་སྐད་ཆ་མི་ཐོན་པའི་སྒྲ་དེས
ངའི་རྣ་ཁུངས་ཀྱི་འཁྱག་པ་རྣམས་ཞི་བར་བྱས་སོང
ཨ་མ་ལགས།
འབའ་སྲས།
རི་ཚོགས་དང་མཆི་མས་བདག་གི་མིག་མཐའ་བརླན་ཞིང་།
གྱེས་གདུང་གི་རལ་གྲིས་བདག་ཡིད་ལན་བརྒྱར་གཤགས་པའི་དེ་རིང་།
ཨ་མ་ལགས། ངས་ཁྱོད་ཤིན་ཏུ་དྲན།
ཉིན་མ་དང་ཟླ་བ་འདས་ཤིང་།
སེམས་གཞས་ཕྲ་མོ།
མདོ་འདུམ།
རང་མེད་གཞན་གཡར་གྱི་ངར་རྒྱལ་མཐོ་བ།།
ཉམས་ཆུང་ནུས་མེད་ཚོའི་གཤིས་སུ་འཇགས་ན།།
དབུ་འཕང་མཐོ་དམན་གྱི་སྣང་ཚུལ་ངོ་མར།།
ང་རྒྱལ་ཕྲག་དོག་གི་འགྲན་སེམས་ལོས་ཡོད།།
དེ་རིང་ཉི་མ་དྲོ་གི
ཀླུ་སྨྱོན།
ཧ་ཅང་གྲང་བའི་དགུན་ཟླ་རིང་མོ་ཞིག་བརྒྱུད་རྗེས།
དེ་རིང་གཞི་ནས་འདི་གར་ཉི་འོད་དྲོན་པོ་ཞིག་ཤར་བྱུང་།
ཉི་འོད་འདིས་ནམ་མཁའ་སྟོང་པ་འདིར་ཡང་ཚོས་གཞི་སྔོན་པོ་ཞིག་བྱུགས་ཤིང་།
ཉི་འོད་འདིས་ས་གཞི་ཆེན་པོ་འདིར་ཡང་བདེ་སྐྱིད་རྫོགས་མེད་ཅིག་སྦྱིན་སོང་།
མི་དང་གྲོག་མ་གཉིས་ལ་ཆེས་འདྲ་ས་ཞིག་ཡོད་པ་ནི།
ཉི་མ་དྲོ་དུས་སྡོད་ཚུགས་མེད་པར་ས་རྒྱུག་རྡོ་རྒྱུག་བྱེད་དགོས་པ་དེ་ཡིན་པས།
ཉི་འོད་འཇམ་པའི་དེ་རིང་ཡང་མི་དང་གྲོག་མ་ཚོ་མཉམ་དུ་སྒོར་བུད་བྱུང་།
ང་ཡི་༼སྙིང་གི་ཚིལ་ལུ།༽
ཐོར་རྒོད་པ་སྤྱན་ཆབ།
“*ཕྱི་དགྲའི་མཚོན་གྱིས་རྨ་ཁ་ལུས་ལ་བཏབ།།
ནང་དགྲ་སྲིན་འབུ་ཕྲ་མོས་སྙིང་རྩ་ཟོས།།
ཕྱི་ནང་གཉིས་ཀའི་ནད་ཀྱིས་ཟིན་པ་ཡི།།
བོད་ཀྱི་སྐད་ཡིག་འདི་ལ་སྙིང་རེ་རྗེ།”