བོད། ལྷ་ཀླུ་གཉན་གསུམ།
མཚམས་རེར་དྲན་པའི་འགོ་སྔ་བཤད་མི་ཤེས།།
སྐྱོ་བའི་རི་མོ་པུར་རྩེ་གང་དུ་མེད།།
འདི་ཕྱིའི་བར་གྱི་འདང་བརྩེ་ཟབ་མོ་ནི།།
ནམ་ཡང་བརྗེད་དུ་མེད་པར་ཁྱེད་ལ་སྤྲིངས།།
དེ་ལས་མང་བ་། “ཁྱེད་ཀྱིས་ཉོན་ཨ། དོ་ནུབ་བཤད་འདོད་པ་ཞིག་ཡོད་ཀི” »
སྙིང་ཉེ་བའི་ན་ཟླ་ཚོ།
ཐོར་རྒོད་པ་སྐྲན།
་་་་་་་་་་་་ཕྱི་ལོ་༢༠༡༡ལོའི་གནམ་ལོ་གསར་ཚེས་སུ་སྙིང་ཉེ་བའི་སྤུན་གྲོགས་ཡོངས་ལ།
བསམ་གཞིག་གི་མནར་གཅོད་བཟེད་པའི་སེམས་པ་འདིའི་རང་ཉིད་ལ་ཉེས་ཆད་གཅོད་དུས།
ང་ནི་རུས་རྐང་གི་སྣུམ་ཁ་དྲོན་མོ་དེ་ཡིན་པ་མ་རྟོགས་ལ།
ང་ནི་སྣུམ་ཁ་དེའི་སྙིང་ཁྲག་ཁོལ་མ་དེ་ཡིན་པའང་ཤེས་མེད།
ཡིན་ན་ཡང་། འཚོ་བ་འཚོ་བ་ཞེས་པའི་དམྱལ་བའི་སླ་ང་དེའི་ནང་དུ།
འདོད་པ་འདོད་པ་ཞེས་པའི་ཁྲག་གི་འཁོར་ལོ་དེ་མྱུར་མོར་འཁོར་བས།
ངའི་སྙིང་ཉེ་བའི་འཁོར་བ་བ་ཁག་ཅིག་གང་ཞིག་ཏུ་བོར་སོང།
ལྷ་མིའི་འབྲེལ་ཐག་ཆད་རྗེས།
གཞི་བདག་དགེ་བསྙེན་ཕྱིང་དཀར་བ་གནས་སའི་ངའི་ཕ་ཡུལ་གྱི་དགོན་པའི་རྒྱབ་རི།
ཀླུ་སྨྱོན།
ད་ལྟ་ང་རང་ཁ་ལིས་ཧྥོ་ནི་ཡ་ནས་སེ་ཨ་རོལ་དུ་འཕུར་བཞིན་པའི་གནམ་གྲུ་ཞིག་གི་ནང་དུ་ཡོད་ཅིང་།
གནམ་གྲུའི་སྒེའུ་ཁུང་ལས་གངས་རི་མཐོན་པོ་འགའ་མཐོང་བྱུང་ལ།
བར་ཐག་ཧ་ཅང་ཉེ་བའི་གངས་རི་གསུམ་གྱི་མིང་ལ་བུ་མོ་སྤུན་གསུམ་ཞེས་འབོད་སྲོལ་འདུག
རྒྱལ་ཁབ་འདིའི་གངས་རི་དེ་ཚོ་མཐོང་མ་ཐག
ངའི་སེམས་ནང་དུ་ཡང་རང་གི་ཕ་ཡུལ་གྱི་གངས་རི་དེ་ཚོ་དྲན་བྱུང་ལ།
ཕ་ཡུལ་གྱི་སྟོད་ཕྱོགས་སུ་ཡོད་པའི་སྒེས་ཀྱི་ལྷ་མོ་སྤུན་གསུམ་ཞེས་པའི་རི་བོ་དེ་གསུམ་ཡང་དྲན་བྱུང་།
བསྐལ་བ་ས་ལ་ཆགས་པ་ནས་བཟུང་སྟེ།
གངས་རི་དེ་ཚོ་ནི་ལྷའམ་གཞི་བདག་ཚོའི་གནས་མལ་ཡིན་ཞིང་།
སྙིང་གི་ཚི་ལུ།
བོད། ལྷ་ཀླུ་གཉན་གསུམ།
དུས་ཚོད་ངེས་མེད་ཅིག་ལ། སྐར་ཆ་རྒྱུས་མེད་ཅིག་ལ། ཟླ་ཚེས་གཏན་འཁེལ་མེད་པའི་སྐབས་ཤིག་ལ། ཁྱེད་རང་གློ་བར་དུ་ང་ཡི་སྙིང་གི་ཚི་ལུར་གྱུར་བ་རེད། དེ་ཡི་རྒྱུད་རིམ་ཡང་བཤད་ན་སྟབས་བདེ་བོ་ཞིག་དང་གོ་བདེ་བོ་ཞིག་ཡིན་ཡང་། སེམས་ལ་ཞུགས་པའི་སྙིང་གི་ཚི་ལུ་ཁྱེད་རང་གི་མི་ཤེས་པའི་ཚོར་བ་དེ་ཡི་ལྟག་རྒྱབ་ཀྱི་ང་ལ་སྡུག་བསྔལ་ཞིག་གི་འགོ་འཛུགས་བྱས་པ་དང་། དགའ་བ་ཚད་མེད་ཅིག་གི་རོ་མྱོང་བྱེད་པའི་འགོ་ཡང་དེ་ནས་འབུས་པ་རེད།
རྨི་ལམ་འཁྲུགས་སོང་།
ཀླུ་སྨྱོན།
ཅི་ཡིན་འདི་ཡིན་མི་ཤེས་པར་རྨི་ལམ་འཁྲུགས་སོང་།
རྨི་ལམ་འཁྲུག་སྟངས་ཀྱང་མི་འདྲ་གི
ཕྱེ་མ་ལེབ་དང་གྲོག་མ།
ས་འབུ་ཐག་ནར་དང་སྦྲང་མ་སོགས་ཀྱིས་མཆེ་བ་གཙིགས་ཡོང་།
ཁོ་ཚོར་ངའི་ཟུངས་ཁྲག་དྲོན་མོ་དགོས་ཟེར།
ལྷ་འདྲེ་དང་འབྱུང་བོ་རོ་ལངས།
དྲི་ཟ་དང་གནོད་སྦྱིན་སོགས་ཀྱིས་ལག་གཡོབ་བྱས་སོང་།
ཁོ་ཚོར་ངའི་རྣམ་ཤེས་འཁྱམ་པོ་དེ་དགོས་ཟེར།
ཞབས་རྗེས
-འཚོལ་སྙེག་དང་བསམ་གཞིགས
དེ་ཉིད་བསོད་རྒྱལ
༡
ས་གཞི་ལ་ཁ་བས་གཡོགས་པའི་ནངས་མོ་དེར
ནམ་མཁའ་ནི་མདང་ཁ་བ་བབས་པ་དང་ཁྱོན་ནས་མི་འདྲ
སྔོ་སང་སང་། ཧ་ཅང་གི་འབྱམས་སུ་ཀླས
དེ་མཛེས་སྡུག་ཅིག་ཡིན་པས
མཛེས་སྡུག་གི་སྔ་རོལ་དེར་ངས་བསམ་བློ་ཞིབ་པར་བཏང་བ་ཡིན
ཁོག་འདར་བརྒྱབ་སོང་།
མྱི་ལྟིག
མོག་མོག་ཟླ་བའི་བཀྲག་མདངས་མཉམ་དུ།།
ལྟེམ་ལྟེམ་སྐར་ཚོགས་གྲང་འདར་བརྒྱབ་སོང་།།
སོབ་སོབ་སེམས་པ་འཁོར་ཕྱོགས་ཞིག་གིས།།
མྱི་ལྟིག་འཁྱམ་པོ་ཁོག་འདར་བརྒྱབ་སོང་།།
ང་ཡི་ཚེ་སྲོག་ཁྱེད་ཀྱི་ལུས་ལ་འཐིམ་པར་ཤོག
བོད། ལྷ་ཀླུ་གཉན་གསུམ
བདེ་ས་ཞིག་ནས
སྐྱིད་ས་ཞིག་ནས
ཁུ་སིམ་ས་ཞིག་ནས
ང་ཡི་ཡོད་ཚད་ཁྱེད་ལ་དབང་བར་ཤོག
ང་ཡི་ཚེ་སྲོག་ཁྱེད་ལ་འཐིམ་པར་ཤོག
ང་ཡི་རྨི་ལམ་ཁྱེད་ལ་རྨིས་པར་ཤོག
ཟླ་བར་བལྟས་ནས་ཁྱོད་དྲན་པ།
ཀུན་དགའ་དོན་འགྲུབ།
སྤྲིན་གྱི་ཡོལ་རས་སངས་བའི་ཀུན་གསལ་དབྱིངས་སུ།།
ཁྲ་ཚོམ་མེ་ལོང་གཤམས་པའི་སྐར་འོད་དབུས་སུ།།
ཟླ་བ་སྒེག་མོའི་འཛུམ་གྱི་ཟེགས་མ་མངོན་དུས།།
བུ་མོ་ཚེ་རིང་མཁའ་འགྲོའི་ཞལ་རས་དྲན་བྱུང་།།
བཅོམ་ལྡན་འདས་དང་ང་ཚོ།
ཀུན་དགའ་དོན་འགྲུབ།
ནང་བསྟན་བྱེད་པོ་སྲས་གཙང་བས་དབེན་པས་རི་ནས་གདུལ་བྱ་བསྐྱངས།།
སྔོན་བྱོན་བོད་ཀྱི་ཆོས་པ་ཚོས་བྱ་བྲལ་རི་ནས་མགུར་མ་བཞེངས།།
དེང་དུས་ངུར་སྨིག་གོས་འཆང་འགའ་གྲོང་ཁྱེར་ཆེན་པོའི་ལྟད་མོར་གཡེང་།།
མི་རྣམས་འགྱུར་བའི་ལུང་བསྟན་གྱིས་དུས་རབས་ཤིག་གི་འཕེལ་རིམ་བསྟན།།
ནང་བསྟན་བྱེད་པོ་སྲས་གཙང་བས་ཤིང་གི་དྲུང་ནས་དཀའ་བ་སྤྱད།།
རྗེས་འབྲངས་རྒྱན་དྲུག་ལ་སོགས་པ་བྲག་རྡོ་སྐམ་པོའི་ཁུང་བུར་བཞུགས།།
ཆེན་པོའི་མིང་འཛིན་བླ་གྲྭ་འགའ་ཁང་བཟང་བརྩེགས་མའི་མལ་ཁྲིར་ཞེན།།
སྙིགས་མའི་དུས་ཀྱི་ཁུགས་སོ་རུ་རྟགས་ཙམ་འཛིན་པའི་ལེའུ་ཤར།།
ལ་མོ་རྒྱབ་ཀྱི་མཛེས་མ།
འབའ་སྲས།
ཀ་ར་གཅིག་གིས་འགྲོ་སོང་མ་དགོས།།
ཁ་ཡག་བཤད་ནས་མགོ་སྐོར་མ་བཏང་།།
ག་ལེར་ཡིད་སེམས་གཏིང་འདྲེས་གྱུར་བའི།།
ང་ཡི་སྙིང་སྡུག་བཀྲ་ཤིས་བདེ་ལེགས།།
སེམས་པ་བརྐུས་རྗེས་བྲིས་པའི་སྙན་ངག
ཀླུ་སྨྱོན།
དྲ་ངོས་ནས་སེམས་གཏམ་བརྗོད་པ་དེས་ངའི་བླ་སྲོག་འཕྲོགས་སོང་བས།
ཡུན་རིང་ཞིག་ལ་ང་རང་གཤིན་པོ་ཞིག་གི་ཚུལ་དུ་གློག་ཀླད་ཀྱི་ཁ་གཏད་དུ་འགྱེལ་ནས་བསྡད་པ་ཡིན།
ཁྱེད་རང་རྡ་རམ་ས་ལ་རུ་ལང་ཚོ་དང་སྙན་ངག་གིས་སྐད་གྲགས་ཆེ་དུས་ཤིག་ལ།
ངས་རང་ལ་དབང་བའི་བརྩམས་ཆོས་དེབ་ཧྲུལ་འགའ་ཁྱེར་ནས་ནུབ་ཕྱོགས་སུ་སྤོས་ཤིང་།
དེ་དུས་ཁྱེད་ཀྱིས་ང་ལ་བཞག་པའི་བག་ཆགས་ནི་ཧ་ཅང་རབ་རིབ་ཅིག་ཡིན།
རྗེས་སུ་ཁྱེད་རང་ཡང་ནུབ་ཕྱོགས་སུ་བསྐྱོད་པའི་སྐོར་གྱི་གཏམ་ཡན་རེ་ཟུང་ཐོས་ན་ཡང་།
ང་རང་ས་འདིའི་ཡོད་ཚད་ལ་གསར་བ་གསར་རྐྱང་ཡིན་པ་ཙམ་ལས།
ངས་ང་དང་རྒྱང་ཐག་རིང་པའི་ཁྱེད་ལ་དོ་སྣང་ཅི་ཡང་བྱེད་མ་མྱོང་།
མུན་ཁྲོད་ཀྱི་མཆོད་མེ་བཞིན་འབར་བཞིན་པའི་དྲ་ངོས་ཤིག་ལས།
སྙན་ངག་འབྲི་དུས་ལག་པ་འདར་བའི་དགུན་གཞུང་།
ཀླུ་སྨྱོན།
སྒེའུ་ཁུང་གི་ཕྱི་རོལ་ནས་སློབ་གྲྭ་གྲོལ་བའི་འུར་ཟིང་གི་སྐད་ཅོར་ཐོས་ཡོང་།
ཉི་ཟེར་བན་བུན་ཞིག་ཀྱང་སྤྲིན་པ་འཁྱག་པོ་དག་གི་བར་གསེབ་ནས་ཐད་ཀར་འཕྲོས་ཡོང་།
གཟུགས་པོ་ལྡེམ་ལྡེམ་འཁྱུག་འཁྱུག་ཅན་གྱི་གསར་མོ་འགས་རྒྱ་ལམ་སྟེང་འཆམ་འཆམ་བྱེད་བཞིན་འདུག
ལམ་འགྲམ་གྱི་ལྗོན་པ་དག་གི་ཡལ་གའི་སྟེང་དུ་ལོ་མ་རྐང་གཅིག་ཀྱང་མཐོང་རྒྱུ་མི་འདུག
ཉལ་ཁང་གི་རྩིག་ཟུར་ལ་ཁ་གཏད་པའི་གློག་འོད་དེའི་ཀློང་དུ།
ངས་འཆར་ཅན་བཞིན་དམིགས་ཡུལ་དང་གྲ་སྒྲིག་ཅི་ཡང་མེད་པར་སྙན་ངག་ཅིག་འབྲི་རྩིས་བྱེད་དུས།
གློ་བུར་དུ་ཁ་བ་བབས་བྱུང་།
ང་བཙོང་ན་ཉོ་མཁན་ཡོད་དམ།
བོད། ལྷ་ཀླུ་གཉན་གསུམ།
ཚོང་རྫས་ལྟ་བུའི་ང་རང་
ཁྱེད་ཚང་གི་སྒོ་འགྲམ་དུ་སླེབས་པའི་སྔ་གཞུག་ལ
རིན་གོང་ག་ཚོད་ཅིག་ང་ལ་འབབ་སྲིད
རྙ་མ་འཛག་སྟངས་ཀྱི་སློབ་ཁྲིད།
༼གྲོགས་པོ་ཞིག་ལ་སྤྲིངས།༽
འབའ་སྲས།
སྙན་ངག་མེ་ལོང་ཁྲིད་པའི་ལངས་ཤོར་གྱིས།།
བདག་གི་སྐྱག་ཁ་སྐྱག་ལངས་ཤོར་བ་ཡིས།།
ད་ནི་ཁ་འདི་སུ་ལ་མི་འཛེམས་པར།།
འདོད་པའི་གཏམ་ཞིག་སྨྲ་ལ་ངོ་མི་གནོང་།།
བདག་དང་འོད་ཀྱི་ཕུང་བོ།
འབའ་སྲས།
རང་ས་དྲོད་མོ་འཁྱག་པས་བཅུན་སོང་ད་ནི་བདག་ལ་རྟེན་གཞི་མེད།།
ས་གཞིའི་དབྱིག་གི་སྙིང་བོ་གཏོར་སོང་ད་ནི་བདག་ལ་འབྱོར་བ་མེད།།
ཞི་བདེའི་མེ་ཏོག་སད་ཀྱིས་སྐམ་སོང་ད་ནི་བདག་ལ་བདེ་སྐྱིད་མེད།།
བདག་གི་ཕུ་ནུ་ཕྱི་མར་བརྫངས་སོང་ད་ནི་བདག་ལ་བསྡོངས་གྲོགས་མེད།།
ཚང་མ་གཉིད་ཁུག་འདུག
ཀླུ་སྨྱོན།
ད་སོ་མ་ང་ཕྱི་རོལ་གྱི་མུན་པའི་ཁྲོད་དུ་འཆམ་འཆམ་ཞིག་ལ་ཕྱིན་པ་ཡིན།
མུན་ནག་གི་ཁྲོད་དུ་གློག་འོད་གསལ་ལ་མི་གསལ་བ་ཞིག་འཕྲོས་འདུག
མཉམ་པར་ཞིག་བཞག་དུས།
ལམ་འགྲམ་གྱི་རླངས་འཁོར་ཆེ་ཆུང་ཚང་མ་གཉིད་ཁུག་འདུག
རླངས་འཁོར་དེ་ཚོའི་རྒྱབ་ཀྱི་ཁང་པ་ཚང་མ་ཡང་གཉིད་ཁུག་འདུག
ཁང་པའི་ནང་གི་མི་ཚང་མ་ཡང་གཉིད་ཁུག་འདུག
མི་དེ་དག་གི་རྣམ་ཤེས་མ་རབས་དེ་ཚོ་ཡང་གཉིད་ཁུག་འདུག
ལོ་ངོ་ཅི་ཙམ་རིང་དུ། ངས་ཁྱེད་རང་བཙལ།
བོད ལྷ་ཀླུ་གཉན་གསུམ།
ལོ་ངོ་དེ་འདྲའི་མང་བོ་ཞིག
ངས་ཁྱེད་རང་ཁོ་ན་བཙལ་བ་ཡིན
ངས་ཁྱེད་ལ་རེ་བ་བརྒྱབས
ཡིད་ཆེས་བྱས
ཡོད་ཚད་ཁྱེད་ཀྱི་ཆེད་དུ་བཏང་
མཐར་ཐུག་ན ང་ལ་ཐོབ་སྲིད་པའི་དངོས་པ་དེ་གང་ཡིན་སྲིད
ཚོགས་ཆང་མ་བཞེས་གོང་གི་སྐད་ཆ།
ཀླུ་སྨྱོན།
མི་ཚེའི་ནང་བརྗེད་ཐབས་བྲལ་བའི་ཉིན་མོ་ཞིག་ནས་བཟུང་སྟེ།
གནའ་བོའི་སྙན་ངག་པ་སྐོར་ཞིག་གི་བྱེད་སྟངས་བཞིན།
ཟླ་འོད་དཀར་ཞིང་བསིལ་རླུང་ལྡང་པའི་མཚན་མོ་རེ་རེ་བཞིན།
སྒེའུ་ཁུང་འཁྲིས་ཀྱི་ལྗོན་ཤིང་དེའི་འོག་ཏུ་བསྡད་དེ།
རྒུན་ཆང་དམར་པོའི་བྲོ་བ་མྱོང་བཞིན།
རང་སེམས་སྐྱིད་པོ་དགུང་ལ་བཏེགས་ཏེ།
ཆགས་སྡང་འབར་བའི་སྙན་ངག་རེ་འབྲི་རྒྱུ་དེ་ནི་ངའི་གོམས་གཤིས་ཤིག་ཏུ་གྲུབ་ཡོད།
ཉིན་འདི་ཚོར་ལུས་ཕུང་དེ་འདྲའི་བདེ་རྒྱུ་ཞིག་མེད་ལ།
སེམས་པ་ཡང་དེ་ཙམ་སྐྱིད་རྒྱུ་མེད་ན་ཡང་།
ཁ་སང་ཕྱི་དྲོར།
གཤིན་ཡུལ་ལ་སྤྲིངས་པ།
རྟ་ནག་སྐལ་བཟང་ལུང་རིགས།
_______རྭ་རྒྱ་ཤེས་རིག་ནོར་བུའི་སློབ་གླིང་དུ་ལོ་ངོ་བཞིའི་འཚོ་བའི་ཁྲོད་འདྲིས་པའི་གྲོགས་པོ་ཚེ་རྡོར་གཏན་དུ་གྱེས་པ།
མང་རའི་བྱེ་མའི་གཞུང་ན་ཁྱེད་ཀྱི་སེམས་རྟེན་ལུས་ཡོད།།
ར་རྒྱའི་ས་དམར་གཞུང་ན་ཁྱེད་ཀྱི་རྐང་རྗེས་ལྷག་ཡོད།།
གཤིན་རྗེ་ཞགས་པ་ནག་པོ་འཕེན་པ་ཅུང་ཙམ་སྔ་སོང་།།
མི་མཐོང་ཕྱི་མའི་འཕྲང་ལ་འགྲོ་བ་དེའུ་རེ་སྔ་སོང་།།