ཨེ་མ་ཧོ། །
མཆོག་གསུམ་རྒྱལ་བ་སྲས་བཅས་བྱིན་རླབས་དང་། །
རྟེན་འབྲེལ་བསླུ་བ་མེད་པའི་བདེན་སྟོབས་ཀྱིས། །
དད་སྙིང་དྲང་བདེན་མཛད་པའི་སྐྱེ་བོ་ཀུན། །
བཀྲ་ཤིས་དབུ་གདུགས་དཀར་པོ་ཡར་ལ་ལྕོག །

དེ་ལས་མང་བ་། “བཀྲ་ཤིས་བདེ་ལེགས་ཀྱི་རྟེན་འབྲེལ་དར་དཀར་རིང་མོ། །” »

ཟླ་བ་གཞོན་ནུ།

ཤ་དྲོད་ཀྱིས་བྲང་ཁོག་བསྲེག་སྲིད་པའི་ནུ་མ་རྡོག་དེ་གཉིས
ང་ནམ་ཡང་རྩིབ་ལ་ཤོག་ཅེས ཡང་ཡང་འབོད་པའི་གཡབ་མོ་ཞིག་ཡིན་ནམ།
ཡང་ན་ཁྱོད་ལུགས་ཀྱི་བརྡ་རྟགས་རིགས་ཤིག་ཡིན

དེ་ལས་མང་བ་། “ཁྱོད་དྲན་སྟངས་ཤིག” »

ཨ་རིག་འགྱུར་མེད

ཁ་སང་དགོང་མོ་ནས་ད་ལྟའི་བར་ཆར་བ་བསྟུད་མར་བབས་པས།
ངྷ་སའི་དེ་རིང་གི་ནམ་ཟླ་ཧ་ཅང་འཁྱག་གི
རྡོ་ལ་བརྡར་གྱི་རི་མགོ་གངས་ཀྱིས་གཡོགས་འདུག
ཀཱང་ར་ལུང་ཁོག་གི་མཛེས་ལྗོངས་ཆར་གྱིས་རླན་འདུག
གངས་སྐྱིད་ཀྱི་རི་ལུང་ཐང་གསུམ་དུའང་འདམ་བག་གིས་ཁེངས་འདུག
ངའི་སེམས་ཁམས་ཀྱང་འཁྱག་སོབ་སོབ་དང་གྲང་ཤུར་ཤུར་རེད།

དེ་ལས་མང་བ་། “ངྷ་སའི་དེ་རིང་གི་ནམ་ཟླ་ཧ་ཅང་འཁྱག་གི” »

རས་པ།

ཁྱེད་རང་ཆུང་བྱིས་པའི་དུས་ནས
འཚུབ་ཆ་ཆེ་བའི་གློག་ཞགས་ཀྱི་འགྲམ་ངོགས་ནས་ནར་སོན་པ་ལགས་ཏེ
པོ་ཏ་ལའི་གསེར་འོད་ལམ་ལམ་གྱི་རྒྱ་ཕིབས་དང་གསེར་ཏོག་ཀྱང་གློག་ཞགས་འདྲ

ཁྱེད་ཀྱི་སྤྱན་ཟུང་ལ་ཁ་བ་བབས་པ་ཕྱི་རུ་བཏོན་མ་མྱོང་བ་འདྲ་སྟེ
ཀ་ལོན་སྦུག་ནས་བྲག་རིས་རྐང་རྗེས་ཀྱི་ཤུལ་ལམ་ང་ཡིས་མཐོང་ཐུབ་ཅིང
ཁྱོད་ཀྱི་ཀི་སྒྲ་རིང་མོའི་རླུང་ཤུགས་ཀྱིས་དེད་པའི་སྤྲིན་པ་དཀར་པོ
ལྷ་སའི་དབྱར་དཀྱིལ་ལ་མཁའ་རུ་འཁོར
རྒྱ་ལོ་དོན་གྲུབ

དེ་ལས་མང་བ་། “ལ་མོའི་རྩེ་ཡི་རྒྱ་ལོ་དོན་གྲུབ།” »

ཛམ་གཡུ་སྤེན་པ་ཚེ་རིང་གིས།

འདས་པའི་ལོ་རྒྱུས་སྨྲ་དབང་མང་དག་གིས།།
སྔོན་འབྱོན་བཙན་པོ་དག་གིས་མཐོ་སྒང་འདི།།
ཆོས་དང་ཞི་བས་བསྐྱངས་ཚུལ་ཆོས་འབྱུང་བརྩམས།།
ཆོས་རྒྱལ་ཞེས་པའི་ཐ་སྙད་གང་སར་སྦྱར།།

ཐུན་མིན་གཡུང་དྲུང་བོན་གྱི་བསྟན་པ་འདི།།
རྒྱལ་བརྒྱུད་གསུམ་གྱིས་འབད་པས་རབ་བཅོམ་ནས།།
ཤཱཀྱའི་བསྟན་པ་མགོ་ནག་བོད་མི་ཡི།།
སྣོད་བཅུད་གཉིས་སུ་གཏིམ་དུ་བཅུག་ཚུལ་སྦྱོངས།།

དེ་ལས་མང་བ་། “བོད་ལུགས་གསོ་རིག་རྒྱུད་བཞིའི་དགོངས་དོན་ལས་བོད་ཀྱི་བཙན་པོའི་སྐུ་རིང་གི་དངོས་ཡོད་གནས་ཚུལ་འགའ་གླེང་བ་རྣམ་རྟོག་གསར་པའི་གེ་སར།” »

རྫ་ཚེ་རིང་བཀྲ་ཤིས་
ངག་གི་དབང་ཕྱུག་ལ་ཕྱག་འཚལ་ལོ།།

༡ སེམས་པ་སེམས་པར་གླན་པའི་དལ་གཅིག་ན།།
སེམས་ཀྱི་རླབས་སྒྲ་སེམས་ཀྱིས་ཚོར་བར་གྱུར།།
དེ་ཚེ་འཇགས་པ་མེད་པ་ཡིད་ཀྱི་རླབས།།
སླར་ཡང་ཀུན་གཞིའི་རྒྱ་མཚོར་ཐིམ་པར་གྱུར།།

༢ རྩ་བ་མེད་པའི་རྩེ་མོ་འབུམ་ཕྲག་གིས།།
མཐའ་ཡས་གནམ་དང་ས་གཞི་གཡོ་བར་བྱས།།
ནམ་མཁའི་བུ་མོས་མཁའ་ལ་གར་བྱེད་པ།།
རྟོག་མེད་ཡིད་ཀྱི་སྐྱེས་བུས་ཚོར་བར་གྱུར།།

དེ་ལས་མང་བ་། “ལྐུག་བརྡ།” »

ཁེར་མ། ༼བོད་ནང།༽

ནམ་མཁའ་ཧ་ཅང་གཡའ་དག་པ

ཉིན་འོད་ཚ་ཤུར་རེ་འཕྲོ་སྟངས་ལ་བལྟས་ན

ཉི་མ་ལ་སྙིང་རྗེ་ཟེར་བ་ཞིག་གཏན་ནས་མེད་པ་འདྲ

བྱེ་ཐང་དེ་ཕ་མཐའ་མེད་སྟངས་ལ་བལྟས་ན

སྲིད་པ་ལ་ཆག་འཇིག་ཅེས་པ་ཞིག་གཏན་ནས་མེད་པ་འདྲ

ཆུ་བོ་སྐྱ་ཤུར་རེ་སྐམ་སྟངས་ལ་བལྟས་ན

ལྗང་མྱུག་ཅིག་གཏན་ནས་འབུས་ཐབས་མེད་པ་འདྲ

དེ་ལས་མང་བ་། “མིག་ཆུ་བཞུར་སྟངས་ཤིག” »

དཀར་མཚོ་སྐྱིད།

ང་ཚོར་དགོས་པ་ནི།
འཁྱག་སིབ་སིབ་ཀྱི་གཏམ་རྒྱུད་ཟླུམ་པོ་དེ།
མིན་ལ།
རེ་ཟད་ཀྱི་ངོ་གདོང་དང་ཕམ་ཉེས་ཀྱི་ལྷག་མ་ནི།
དེ་བས་ཀྱང་མིན།
ང་ཚོར་དགོས་པ་ནི།
དྲང་བདེན་དང་ལྷད་མེད་ཀྱི་བསམ་བློ་ཞིག་དང་།
ལྷག་བསམ་དང་ངེས་དོན་གྱི་དམ་ཚིག་ཅིག

དེ་ལས་མང་བ་། “ལྷད་མེད་སེམས་ཀྱི་རང་སྒྲ” »

གཅན་བཟོད་རྒྱམ

༡
འགྲོ་རན་པའི་མི་ཞིག་ལ་སྨན་ཁང་ནི་སྨན་པའི་ཡུལ་ཞིག་ཡིན་ནམ

ཁྱོད་སྨན་ཁང་ལ་མི་དགའ་དོན་ངས་ལོས་ཤེས

༢

རང་ཁྱིམ་ནས་ལོ་མི་དོན་དགུ་འདས་ཟིན་པས

ཁྱོད་འགྲོ་ཁར་ཡང་རང་ཁྱིམ་གྱི་མལ་ཁྲིའི་དྲོད་ཁོལ་ལ་གླན་ན་ལོས་འདོད

དེ་ལས་མང་བ་། “ཚེ་སྲོག (བཞུད་ཟིན་པའི་བགྲེས་སོང་ལགས།)གཉིས་པ།” »

བསམ་གླིང་་ཚེ་རིང་ལྷ་མོ།
རང་བྱུང་ཟླ་བའི་བསིལ་བསིལ་འོད་ཀྱིས་འཇིག་རྟེན་མུན་པ་ཕ་མཐར་བསྐྲད།།
ཞི་བསིལ་ཕན་བདེའི་བཀའ་སློབ་ཟབ་མོས་འཛམ་གླིང་རྒྱ་ཆེན་བདེ་ལ་སྦྱར།།
ཞབས་སེན་འོད་ཆགས་སྒྱུར་བ་ཙམ་གྱིས་ས་ཕྱོགས་ཀུན་ཏུ་བདེ་ལེགས་སྦྱིན།།
མཚན་ཙམ་ཐོས་པས་འགྲོ་བའི་ཡིད་ལ་སྣུམ་པའི་བདེ་བ་མཛད་མེད་འཕེལ།།

དེ་ལས་མང་བ་། “གསོལ་འདེབས་དད་པའི་གླུ་དབྱངས།” »

ཆུ་སྐྱེས་སྒྲོལ་མས།
འཛམ་གླིང་སྲིད་པའི་རྩེ་མོ་གངས་ལྗོངས་ཀྱི།།
ཆབ་དཔལ་རིག་གསུམ་གཏེར་བཞིན་བརྡོལ་བའི་ཞིང༌།།
དབུས་འགྱུར་ཉི་མ་ལྷ་སའི་གྲོང་ཁྱེར་ཏེ།།
སྔོན་ཚེ་ངམ་ཤོད་འམ་འོད་འོམ་འོད་ཅེས།།
མིང་བརྡའི་ཐ་སྙད་འབོད་པ་དེ་ལྟར་ཡང༌།།
ས་ཡི་ཚངས་དབང་སྲོང་བཙན་ཞབས་སྐྱེས་རྡུལ།།
འདི་ནས་འཕྱུར་བའི་མཛད་འཕྲིན་ཉི་འོད་ཀྱིས།།
ལྷ་ཡི་ཕུན་ཚོགས་འཇིག་རྟེན་མི་ཡུལ་ནས།།
རོལ་བའི་རྫོགས་ལྡན་བསྐྲུན་པས་ལྷ་སར་ཐོགས།།

དེ་ལས་མང་བ་། “ལྷ་སའི་གནས་བཤད།” »

བོད ལྷ་ཀླུ་གཉན་གསུམ།

ལྷག་རླུང་དྲགས་པོ་ཞིག་གི་ལྟགས་རྒྱབ་དུ།།
ཆུ་འཁྱག་གྲང་མོ་ཞིག་གི་ཕོར་ཁ་ནས།།
མི་གཤིས་གསེར་དུ་རློམ་པའི་སྔ་གཞུག་ན།།
རང་ལ་སེར་ཁ་ཞུགས་པའི་ཚུལ་འདི་མཐོང་།།

ཕྱི་ནས་མཐོང་དུས་ལྷད་མེད་བརྩེ་བ་ཅན།།
ནང་དུ་བལྟས་དུས་ཆགས་སྲེད་དམར་པོ་མེ།།
ཕར་ལ་འཐམ་ན་ཚུར་ལ་བསྲེག་ནས་འོང་།།
དེ་ཡིས་ལུས་ཀྱི་ཕྱི་ནང་གཡོག་དུ་བཀོལ།།

དེ་ལས་མང་བ་། “ང་ཚོ་མྱི་མ་རེད།” »

འབའ་སྲས།

རི་ཚོགས་སྟོང་གིས་མཐོང་བ་བཅད་པའི་རྒྱང་ཐག་རིང་བའི་ཡུལ་ཞིག་ན།།
གཡོ་མེད་དམ་བཅའ་རྡོ་ལ་བརྐོས་པའི་ཁོ་བོའི་སྙིང་གི་མཛའ་ན་མོ།།
བདག་གི་མིང་གི་འཛིན་པ་མ་དོར་སེམས་ཀྱི་བརྩེ་དྲོད་མ་ཉམས་པར།།
དྲན་གདུང་མིག་གི་སྐྱོ་བའི་མཆི་མས་བྲང་ཁ་བརླན་བཞིན་གནས་བཅོས་ཡོད།།

དེ་ལས་མང་བ་། “དྲན་གདུང་གི་མིག་ཆུ།” »

བོད ལྷ་ཀླུ་གཉན་གསུམ།

སྙིང་ནས་བརྩེ་བའི་གྲོགས་ཤིག་ལ་སེམས་གསོའི་ཚུལ་དུ་ཐད་ཀར་དུ་བཏགས་པ།

གློ་བུར་གློ་བུར་གྱི་སྐད་ཆ།།
རྒྱང་རིང་རྒྱང་རིང་གི་ཡུལ་ནས།།
གཅེས་པའི་སེམས་གཏིང་གི་གྲོགས་པོས།།
མྱུར་བའི་གློག་འཕྲིན་དུ་སྐུར་འདུག།

མ་འབྱོར་ཡུན་རིང་གི་འཕྲིན་པ།།
མཐོང་བས་སེམས་པ་རང་དགའ་ནས།།
ཡིག་འབྲི་རེ་རེ་བཞིན་ཀློག་དུས།།
ཚིག་གི་ངར་ཤུགས་ཀྱིས་རྨས་སོང་།།

དེ་ལས་མང་བ་། “སྐད་ཆ་ཞིག་གློག་འཕྲིན་ནས་ཐོས་རྗེས།” »

དོལ་སྨྱོན།

བུ་ག་མང་བའི་སེམས་པ་འདི་ཉིད་འཁྱགས་རོམ་གཏིང་གི་ཆུ་ལས་གྲང་། །
བསམ་གཞིག་སྐྱེན་པའི་ཚོར་བ་འདི་ཉིད་ཉམ་ཐག་ནད་ཀྱི་ཟུག་ལས་ལྕི། །
བདེ་དྲོད་བྲལ་བའི་ལོ་ཟླ་འདི་ཉིད་ངམ་གནག་རྒྱ་མཚོའི་གཏིང་ལས་རིང་། །
ཡོད་ཚད་ཁྱོད་ལ་ཤོར་བའི་ཉིན་ནས་ང་ཡི་འཇིག་རྟེན་གྲང་ཤུར་ཤུར། །

དེ་ལས་མང་བ་། “བརྩེ་དུང་གི་རྨ་ཁ།” »