ཤ་ཀླན་འཇམ་དབྱངས་གྲགས་པ།
ཕ་མའི་རེ་བ་རླུང་ལ་བསྐུར།།
བླ་མའི་གདམས་ངག་ཐོད་ལ་བོར།།
འབངས་ཀྱི་དད་པ་ཆུ་རུ་བསྐྱུར།།
ང་ནི་གཞན་བརྟེན་སྲིན་འབུ་ཞིག །
ཚོར་བ་གྱ་མ་གྱུ།
བོད ལྷ་ཀླུ་གཉན་གསུམ།
གཉིད་ན་གཉིད་ཡུན་རིང་ནས་སད་རྒྱུ་ཞིག་མེད་ན།།
ལྟོགས་ན་ལྟོགས་ནས་ཤི་བའི་ཐབས་ཤེས་ཤིག་ཡོད་ན།།
གཟེར་ན་གཟེར་ནད་འཕོག་ནས་རུལ་རྒྱུ་ཞིག་བྱུང་ན།།
རྒས་ནས་རྒས་ཤིང་འཁོག་པའི་སྡུག་བསྔལ་རང་ཤེས་ན།།
སུ་དང་འགྲོག་ན་ངོ་གཉིས་བྱེད་སྟངས་ཤིག་མེད་ན།།
གང་དང་འཕྲད་ཀྱང་རང་གཞན་གཅིག་པ་ཞིག་བྱུང་ན།།
ཅི་ཞིག་བཤད་ཀྱང་ངོ་ལྐོག་ཕྱི་ནང་ཞིག་མེད་ན།།
རིགས་རུས་དུངས་པ་ཟབ་པའི་འདུ་ཤེས་ཤིག་བྱུང་ན།།
འཚོ་བར་བླངས་པའི་གླུ།
ཤ་ཀླན་འཇམ་དབྱངས་གྲགས་པ།
༡
ཝཱ་ཎའི་གནམ་གཤིས་དེ་གྲང་དུ་གྲང་དུ།།
རྐང་ཆུང་སེར་ཁ་དེ་ཆེ་རུ་ཆེ་རུ།།
ཀུན་དགའ་དོན་འགྲུབ་དེ་དཀོན་དུ་དཀོན་དུ།།
གྲྭ་རྐྱང་ལུས་པོ་དེ་ངལ་དུ་ངལ་དུ།།
དུང་སེམས་གསེར་གྱི་རང་མདངས།
ཟླ་བ་གཞོན་ནུ།
རིན་ཆེན་སྣང་བས་འཕྲོག་པར་མི་བྱེད་ཉི་མའི་འོད་ཀྱིས་མི་བཟློག་པ།།
ལང་ཚོ་ལས་བྱུང་ན་ཆུང་གི་ནི་མུན་པས་ལྟ་བ་འགོག་བྱེད་ཅེས།།
གསུངས་པ་འདི་ལས་མད་པའི་གཏམ་ཞིག་བུ་ཆུང་སྒྲ་འཛིན་བུ་གར་སྟོང༌།།
བདེན་པའི་ཐ་ཚིག་རིང་ནས་བསྒྲགས་ཀྱང་མངོན་སུམ་འབྲས་བུ་དེ་རིང་མཐོང༌།།
དྲན་པ། ངལ་གསོ་ཅུང་ཙམ་གནང་རོགས།
སྐར་ཆེན་།
ཁ་སང་། གློག་འཕྲིན་བརྒྱུད་ཁྱེད་རང་ཅུང་ཙམ་ན་བྱུང་ཟེར།
ན་བའི་རྐྱེན་གྱིས།
རི་ལྟར་སྤུངས་བའི་ལས་ཀ་དག།
རྗེས་སུ་ལྷག་སོང་ཟེར།
རྗེས་སུ་ལྷག་སོང་བསམ་པའི་སེམས་ཁྲལ་དེའི་དབང་གིས།
ཁྱེད་ཀྱི་ཕྲག་པ་བསྐྱར་དུ་མནན་བྱུང་ཟེར།
དྲན་པ། ངལ་གསོ་ཅུང་ཙམ་གནང་རོགས།
དགོངས་པ་མ་ཚོམས་རོགས།
བསེ་རུ།
ཉི་ཤུ་དགུ་ཡི་དགུ་ཐུག་མེད་པས་བསེ་རུ་འབྲས་དང་ལྡ་ལིར་རོལ།།
རྐྱེན་ངན་གོད་ཆག་ཟློག་ཐབས་སྣ་ཚོགས་འབྲས་དང་ལྡ་ལིས་བྱེད་ཐབས་བྲལ།།
ཁྱི་དང་ཁྱི་མོར་ཆངས་བུ་སྟེར་བའི་གོ་སྐལ་དེ་ཉིད་ང་ལ་མེད།།
ད་ནི་ལོ་གསར་བསུ་སྟངས་ཤིག་གིས་ང་ལ་མནར་གཅོད་སླར་ཡང་བཏང་།།
བོད་དུ་ལོག་མ་ཐུབ་ན། ལོ་གསར་མེད།
བོད ལྷ་ཀླུ་གཉན་གསུམ།
ལོ་སར་མེད་ལ་གོས་གསར་དེ་བས་མེད།།
རྒྱལ་ཁབ་མེད་ལ་ཐུགས་སྤྲོ་དེ་བས་མེད།།
རྩམ་པ་མེད་ལ་འོ་ཇ་དེ་བས་མེད།།
རང་ཡུལ་མིན་པས་ལོ་འདི་ནམ་ཞིག་རྫོགས།།
ལོ་གསར་མེད་དོན་འདི་ཡིན།།
འཆམ་ར་དྲི་མེད་རྒྱལ་མཚན་ནས།
མི་རིགས་གོད་ཆག་ཕོག་ནས་ལོ་ནག་བྱུང་།།
ཆོས་རིག་ཆུ་ཁར་བྱིངས་ནས་ལོ་ནག་བྱུང་།།
ནད་ངན་མྱོས་རྫས་དར་ནས་ལོ་ནག་བྱུང་།།
ལོ་ནག་བོད་ལ་ཚེས་དུས་ལོ་གསར་མེད།།
རང་ས་དགྲ་ལག་ཤོར་ནས་ལོ་ལྔ་བཅུ།།
༧གོང་མ་མི་ཡུལ་འཁྱམས་ནས་ལོ་ལྔ་བཅུ།།
མེས་པོ་བར་དོར་འཆར་ནས་ལོ་ལྔ་བཅུ།།
ལྔ་བཅུའི་སྡུག་གི་མཐའ་མ་ལོ་གསར་མེད།།
ཁ་བརྡ་དྲ་ཁང་ནང་ལ་དགུ་རྡུལ་ལེན།
ཉི་མ་སུམ་བརྒྱ་དྲུག་ཅུ་ཚར་གོ་གི།
ཉི་ཤུ་དགུ་འདི་དགུ་རྡུལ་ལེན་ཉིན་རེད།།
གང་ས་གང་ན་དགུ་རྡུལ་ལེན་གོ་གི།
ང་རང་དགུ་རྡུལ་བླངས་ནས་ཚར་སོང་ང་།།
ཁ་བརྡ་དྲ་ཁང་རྡུལ་གྱི་འཁོར་ལོ་རེད།།
མི་རེས་རྩོམ་རེ་བྲིས་ནས་རྡུལ་འཚུབ་བསླངས།།
དཔྱད་མཆན་འདྲ་མིན་རྒྱབ་ནས་རྡུལ་གྱིས་ཁེངས།།
ཁ་བརྡ་དྲ་ཁང་ནང་ལ་དགུ་རྡུལ་ལེན།།
ཚིག་ངན་རྡུལ་ནག་སློང་ས་འདི་ལ་རེད།།
ཕྲག་དོག་རྡུལ་དམར་འཚུབ་ས་འདི་ལ་རེད།།
ཁ་རྩོད་ཐལ་རྡུལ་འཁོར་ས་འདི་ལ་རེད།།
ཁ་བརྡ་དྲ་ཁང་ནང་ལ་དགུ་རྡུལ་ལེན།།
ཁ་བ་ཅན་ལ་འདུད་།
བུ་ཆུང་ལྡུམ་ར་བསོད་ནམས།
ས་ཡི་གོ་ལའི་དབུ་ཡི་རྩེ་ཐོག་ཏུ་།
དངུལ་གྱི་རི་རབས་མང་པོས་བསྐོར་བ་དེ་།
ཁ་བ་ཅན་ནམ་ས་ལ་སྨན་གྱི་ལྗོངས་།
ལྷུང་ལྷུང་དལ་གྱི་བབས་པའི་རྒྱུགས་ཆུ་མང་།
མཚོ་དང་མཚེའུ་གནམ་ས་སྦྱར་འདྲ་དང་།
ང་མྱི་མ་རེད། མྱི་འབག་ལ་འཁེན་འདུག
བོད ལྷ་ཀླུ་གཉན་གསུམ།
ཤ་དང་འབག་པའི་བར་དུ་གནས་པ་ཡིས།།
གཟུགས་ མེད་རོ་བླངས་འདི་ཉིད་བྱེད་ཐེངས་རེར།།
རང་གི་གཟུགས་ལ་གདོན་གྱི་སེམས་ཤུགས་ པ།།
འདི་ཉིད་བསམ་ན་སེམས་པར་གཏད་སོ་བྲལ།།
བརྩིགས་ངོས་བཀལ་བ་ རྒྱལ་བའི་སྐུ་དཔར་ཞིག།
ལག་དུ་བཟུང་བ་ཙན་དན་འཕྲེང་བ་ཞིག།
ཁ་ནས་འདོན་པ་ཡི་གེ་དྲུག་མ་ཞིག།
དོན་ ལ་མི་གཟུགས་སྟོན་པའི་ཚུལ་ཆོས་ཙམ།།
གླུ་མ་རྨས་མ།
མདའ་ཚན་བླ་མ་སྐྱབས། དྲི་ཟའི་ལྷ་ཚོགས་ཀྱི་ཕོ་མི་རྒྱགས་ལ་ཁོང་ཁྲོ་སློངས་བྱེད་ཀྱི་ཟས་མཆོད། ལྟེ་ཁྲག་འཕོས་བ་ནས་བསང་མཆོད་དང་གསུར་མཆོད་ཀྱི་ཁྱད་པར་ལས་བཙུར་ཡོང་བའི་དབྱེ་འབྱེད། ཕྱོགས་ལྷུངས། དམའ་འབེབས་ཀྱི་ཀློང་དུ་གཡུག་པའི་བུ་མོ་ང་། བྲིན་ཆེ་ལ་བཀོད་ཆེ་བའི་ལོ་རྒྱུས་ཅན་གྱི་ཚོང་ཟོག ཚེ་སྲོག་དང་འཚོ་ཐབས་ཀུན། ཁྲག་འཛར་གྱིན་པའི་མཆུ་སྒྲོས་ཀྱི་ཚོགས་ཏེ་ཁྱོད་ཚོའི་གཟན་དུ་གྱུར་ཡོད། ང་། ཇ་མ་ཁོལ་ན་ཁྲག་ཁྲལ་འཕོག་པའི་ཁྱིམ་གཡོག་མ། མའི་རིན་ཐང་འཕྲོག་པས་ཁྱོད་ཚོའི་བཤད་ཚད་ལ་ཡ་ལན་སྤྲོད་དགོས། ཁ་ཡོད་ཀྱང་བཤད་དབང་མེད། བརྗོད་བྱ། རྗོད་བྱེད། ཐ་སྙད་ཀྱིས་བཞེངས་བའི་འཇིག་རྟེན་ཁྱོད་ཚོས་བསྐྲུན།…
གངས་ལྗོངས། དཔའ་རྒོད་ཚོའི་སྙིང་གི་དུམ་བུ།
སྒང་ནེ་ཡེ་ཤེས་འཇིགས་མེད།
ཀྱེ་མ།
ལྟེ་ཁྲག་གངས་ལྗོངས་སུ་འཕོས་པའི་ཁེར་རྐྱང་གི་ད་ཕྲུག་བདག་དང༌།
ཕ་ཡུལ་གངས་ལྗོངས་སུ་འབོད་ཀྱང་ཕ་གཞིས་མིག་གིས་མ་མཐོང་བའི་ཁྱེད་ཚོ།
ཅིས་ཕྱིར།
རང་དབང་དང་བགོད་སྒྲའི་ལྷན་དུ་ཡུམ་ཆེན་གྱི་སྤང་དུ་མ་བཞུགས་པར།
སྡུག་ཡུས་དང་ཕམ་ཁ་སྟོང་གིས་མི་ཡུལ་དུ་གྱར་བ་ཡིན།
སྐུ་ཚབ་ཚོ། ཨེ་དཀའ་ཐལ།
ཟ་ལེ་རྒྱལ།
ཚུགས་ཀ་མེད་ཀྱང་སྡོག་པ་བྱས་ནས་ས་ཡ་དྲུག་གི་སྐུ་ཚབ་དག།
བོད་ལྭ་གོན་ནས་བོད་ཚུགས་བཏོད་དེ་བོད་ཀྱི་རྒྱལ་ས་གཉིས་བ་ནས།།
༧ཡིད་བཞིན་ནོར་བུར་མགོས་ཕྱག་འཚལ་སྟེ་དམ་བཅའ་ཁས་ལེན་བྱས་བ་དང་།།
ཟ་དང་འཐུང་དང་ཡིན་དང་མིན་སོགས་རྒྱ་སྐད་ཁ་ཤས་སློབ་ཞོར་ལ།།
བོད་ལྭ་ཕུད་ནས་རྒྱ་ལྭ་གོན་ཏེ་མཁའ་ལམ་བརྒྱུད་ནས་ཕེབས་སོང་ཟེར།།
ལོ་གསར།
བུ་ཆུང་ལྡུམ་ར་བསོད་ནམས།
སྐར་ཆེན་གྱིས་བསྒྱུར།
ང་ཚོས་ལོ་གསར་གཏོང་དགོས།
མི་ཁ་ཤས་ཀྱིས་གསུངས་ན།
ང་ཚོས་སྒོ་གླེགས་གསར་བ་ཞིག་ཕྱེས་ནས།
བོད་མིའི་ཚོར་ཞེན་ཡོད་མཁན་ཞིག་བྱེད་དགོས།
བོད་ལྭ་གྱོན་དགོས་
བོད་སྐད་བསྐྱོན་དགོས།
ཕ་མེས་ཀྱིས་གནང་བའི་མགོ་བོ་དེ་མགོ་རུ་བཏེགས་ནས་
འདས་བ་དྲན་པར་ཉེར་བཞིན། བཞུད་ལམ་གསར་བ་ཞིག་ཏུ་བསྐྱོད་དགོས
བརྩེ་དུང་གི་སྙན་ངག་ཐབས་ཆག་དེ་ཚོ།
ཀ་ྐླན་འཇམ་དབྱངས་གྲགས་པ།
བརྩེ་དུང་གི་སྙན་ངག་ཐབས་ཆག་དེ་ཚོ།
སྦྲང་ནག་བཞིན་ང་ཚོའི་མིག་སྔར་འགུལ་དུས།
མཛེས་སྡུག་ཟེར་བ་ཞིག་སྦྱིན་མ་མྱོང༌།
བརྩེ་དུང་གི་སྙན་ངག་ཐབས་ཆག་དེ་ཚོ།
གྲྭ་བ་ལས་ཀྱང་ཚུལ་ཁྲིམས་གཙང་བའི་སྐྱེས་པ་ཞིག་གིས་བྲིས-པདང་འདྲ།
ཨ་རིག་གླེན་པས་བོད་ལ་བཀའ་བསྩལ་བ།
ཨ་རིག་དགེ་མཐོང་།
བྱམས་སེམས་ཅན་གྱི་བོད་མིའི་དབུ་ཁྲིད་དེ་ཡང་།།
དགོང་ལོ་བརྒྱད་ཅུའི་འགག་འཕྲེང་སྣེ་མོར་སླེབས་འདུག།
རིན་ཐང་ལོ་རྒྱུས་ཅན་གྱི་རྒྱལ་ཁབ་བཙན་པོ།།
ཙི་ནའི་བཙན་འཛིན་འོག་ནས་ཐར་ས་མ་རེད།།
ཀུ་རེ་མིན་པའི་ཀུ་རེ།
ཤ་ཀླན་འཇམ་དབྱངས་གྲགས་པ།
བསྟོད་ར།
ཁོས་ང་ཡག་པོ་འདུག་ཟེར།
ངས་ང་ཡག་པོ་མེད་ཅེས་སྨྲས།
དོན་དུ་ངེད་གཉིས་ཀས་ང་ཡག་པོ་ཡོད་པར་འདོད།
རིམ་ལྔའི་གནད་ཆིངས།
རྔ་བ་རྒྱལ་ཁམས་པ།
————–
དད་པ་ཅན་ལ་བྱིན་རླབས་གློག་ལྟར་མྱུར།།
ཤེས་རབ་ཅན་ལ་ཤེས་བྱའི་གསང་བ་སྟོན།།
ལྟ་དགོངས་ཅན་ལ་ཉམས་ལེན་གྲོགས་སུ་བྱོན།།
ཨརྱཱཏ་རེར་འཛིན་མེད་སེམས་ཀྱིས་འདུད།།
སྦྱང་བྱ་སྐྱེ་ཤི་བར་དོ་སྦྱོང་བྱེད་ཐབས།། སྣ་ཚོགས་བློས་བཏགས་སྣང་སྟོང་ལྷ་ཡི་སྐུ།།
རྫོགས་རིམ་སྨིན་བྱེད་བསྐྱེད་པའི་རིམ་པ་སྟེ།། དབྱེ་ན་ཕྲ་རགས་རྟོག་དྲན་རྣལ་འབྱོར་གཉིས།།
རགས་པའི་རྟེན་དང་བརྟེན་པའི་དཀྱིལ་འཁོར་ལ།། རིམ་པར་གསལ་བཏབ་གསལ་བར་སྣང་ན་ཡང༌།།
སྐད་ཅིག་ཡུན་ལ་དེ་འཆར་མི་ནུས་པའི།། རྣལ་འབྱོར་ལ་བ་ལ་ལས་དང་བོ་ཞེས་བརྗོད།།
ཁ་ཆེམས་འཇོག་པའི་དུས་ཚོད་ཡག་ཤོས།
ཀླུ་སྨྱོན།
ཁོ་བོ་ཤི་རྗེས་རང་གི་ལུས་སེམས་གཉིས་ཀ་འཐིམ་ན་འདོད་སའི་ཕ་ཡུལ་གྱི་རི་སྒང་དང་ནམ་མཁའི་འདྲ་པར།
མི་ཚེ་ཐུང་ཐུང་ཞིག
འདི་ལྟར་དགའ་སྐྱོ་ཆགས་སྡང་གི་སེམས་ཚོར་གྱི་ཀློང་ནས་ཟད་སོང་།
མི་ཚེ་རིང་མོ་ཞིག
འདི་ལྟར་ཐོབ་ཤོར་རེ་དོགས་ཀྱི་བསླུ་བྲིད་འབའ་ཞིག་གི་ཁྲོད་ནས་རྫོགས་སོང་།
རིང་ཞིང་ཐུང་བའི་མི་ཚེ་འདིར།
དགེ་སྡིག་གང་ཞིག་བསགས་ཡོད་མེད་དེ་ཀུན་གཞིའི་བག་ཆགས་ཀྱི་གཏིང་རུམ་དུ་རྒྱས་བཏབ་སྟེ།
ད་ནི་འཆི་བྲོད་ཐིགས་ཚགས་མ་*རེ་བྱེད་རེ་རན།
ད་ནི་འགྱོད་པ་མེད་པའི་ཁ་ཆེམས་སྐྱིད་པོ་རེ་ཡང་འཇོག་རེ་རན།
གལ་སྲིད་ང་རང་སྨན་ཁང་ཞིག་ནས་ཤི་བ་ཡིན་ན།
ངའི་གཟུགས་ཕུང་འདིར་སྒུལ་སྐྱོད་མ་གཏོང་བར་ཉི་མ་གསུམ་ལ་ཞོག
གལ་སྲིད་ང་རང་ཁྱིམ་ཚང་ཞིག་ཏུ་གཉིད་པ་ཡིན་ན།
ངའི་རྣ་ལམ་དུ་ཉི་མ་ལྷ་ས་ཞེས་པའི་གླུ་གཞས་དེ་ཉི་མ་གསུམ་ལ་ཞི་འཇགས་ངང་ཐེངས་རེ་གཏོང་རོགས།