བོད་ནས་ལྷམ་ཀོག་གིས་སྤྱི་ལོ་གསར་བའི་བྱེས་གྱུར་དག་ལ་ལེགས་སྐྱེས་སུ་ཕུལ་བ་ཡིན་ཟེར་་་་་་་་་་་་་་་་་
རླུང་གི་རྒྱུ་བ་ནི་ངའི་སྙིང་ལ་སྐྱེས་ཤིང
ལྗོན་ཤིང་གི་འདབ་མ་ནི་རླུང་གི་རྩེ་མོར་སྨིན
རླུང་ནང་ན་བཞུར་བའི་ཁྱེད རླུང་ལྡང་ཚུལ་གྱི་གོ་རིམ་ཞིག་རེད
མིག་ཀོང་ལས་ཅི་ཡང་སྣང་ཞིང་གང་ཡང་འགྲུབ་ཀྱིན་པ་དེ་དག་རླུང་ཡིན་ལ
རྨི་ལམ་ལས་ཕྱོད་ཀྱིས་སོང་བ་དེ་ཡང་རླུང་ཡིན་ཞིང
རླུང་ནི་ཁྱེད་དྲན་ཚུལ་གྱི་མེ་ལྕེ་ཞིག

ཆབ་ཆབ་ནི་ཕ་རོལ་ནས་རླུང་ལྡང་དུས
ཡར་ཆབ་ནི་ཕ་རོལ་ནས་རླུང་ལྡང་དུས
བརླ་བརྡུང་ཞིང་སྤུར་འདེབས་མཁས་པའི་ཁྱེད་རང
རླུང་བུ་ཞིག་ཡིན་ཞིང
སྐུ་འབུམ་དགོན་པའི་ཉེ་འགྲམ་ན་ཙན་དན་གྱི་ལོ་མ་རླུང་གིས་ཁྱེར་ཞིང
ལྷ་སའི་སྐྱིད་ཆུའི་འགྲམ་ནས་པོ་ཏ་ལ་ཡོམ་ཡོམ་བསྒུལ་ཚེ
དབུས་ཀྱི་རྡོ་རིང་ངོས་ཀྱི་ཡིག་ནོར་དག
དཀར་བོ་དང་དམར་པོ སེར་བོ་དག་གིས་གྲུབ་ཅིང
དབྱིན་ཇི་བ་དང་མ་ཧ་ཙི་ན་བ་དག་གི་གློ་ཁུག་ཏུ་འཛར་བའི་ཐིགས་པ་ཞིག

དེ་ལས་མང་བ་། “རླུང་ནང་ནས་དྲན་པའི་ཁྱེད” »

རྔ་བ་རྒྱལ་ཁམས་པ།

ལོ་འདི་ཚོའི་རིང་ལ།

ངས་རང་ཉིད་ལ་བསམ་བློ་མང་བོ་ཞིག་བཏང༌།

བསམ་བློ་གཏོང་ཐེངས་རེར།

ངའི་འཇིག་རྟེན་དང༌། ངའི་སྐྱིད་སྡུག་གི་ཁོར་ཡུག

ང་རང་ཉིད་ཀྱིས་བསྐྲུན་པ་ཤེས་ཤིང༌། གཏོར་བའང་ཤེས།

དེ་ལས་མང་བ་། “འཇིག་རྟེན་གྱི་བྱེད་པོ་ངོ་མ་དེ་ང་ཚོ་རང་ཉིད་ཡིན་པ་འདྲ།” »

གཡུ་དྲུག་དཀར། རྡ་ས།
རྨི་ལམ་ཞིག་ལས་སད་དུས། མིག་ཆུའི་མུ་ཏིག མཁུར་ཚོས་སྟེང་ལ་འབྱར་འདུག་ལ། སེམས་པའང་འཁྱག་ཤུར་ཤུར་དུ་འདུག་པས། ང་རང་དབང་མེད་དུ་ཡར་ལངས་དགོས་བྱུང་།
གོམ་པ་རེ་རེ་དང་ལོ་ཟླ་རེ་རེ་བཞིན། རྒྱབ་ཏུ་སྐྱུར་བཞིན། བར་ཐག་ཅིག་གི་འཁྲེང་སེམས་ཀྱི་གླུ་ངག་ཤུགས་ཀྱིས་གྱེར་བས། སྨག་རུམ་སྟུག་པོའི་ཐུ་འོག་གི་ ལྷིང་འཇགས་ཀྱི་མཚན་མོ་རེ་རེ་བཞིན། གཉིད་ལས་དཀྲོག་མཁན་དེ། ང་རང་ཡིན་སོང་།
སྒེའུ་ཁུང་འགྲམ་དུ་སླེབས་པ་ན། ཡོལ་རས་སྲབ་པོ་དེ། བསིལ་རླུང་གིས་སྒུལ་བཞིན་འདུག་ལ།

དེ་ལས་མང་བ་། “ཨ་མ་དྲན་ཚུལ།” »

2009།11།10། མཚན་མོར།

སྤྲ་དང་སྤྲེ་འུའི་འཚང་ཁ་ཆེ་བ་ཡི༎

དྷ་སའི་ནགས་ཀླུང་རེ་ཞིག་གྱེས་མཇལ་བྱས༎

མོ་ཊའི་ནང་ནས་པ་ཊམ་ཀོ་ཊའི་བརྒྱུད༎

ཨེ་སི་མེ་འཁོར་འགྲིམས་ནས་ལྡི་ལིར་འབྱོར༎

དོན་གཅོད་ཁང་ནས་མཐོང་ཁྱེང་ལག་འཁྱེར་འབྱོར༎

གོ་སྒྲིག་པ་ལས་གནམ་གྲུའི་པ་སེ་བླངས༎

ནམ་ཕྱེད་རྒྱལ་བའི་དཀྱིལ་འཁོར་ཏག་ཏག་ལ༎

བསམ་ཡས་གླིང་ནས་ལྡི་ལི་གནམ་ཐང་འགྲིམས༎

དེ་ལས་མང་བ་། “ཨི་ཊ་ལིར་ཐེངས་དང་པོར་བསྐྱོད་པ།” »

སྨྱུག་རྒོད་གངས་བུ་དཔལ།
____________________________
༡ མདང་ནུབ་ངས་གློག་ཀླད་ཁ་ཕྱེ་བའི་དུས།
ལྷིང་འཇགས་ཀྱི་འཇིག་རྟེན་དཀྲོག་པར་མི་འདོད་ཅིང་།
ཚིག་ངན་གྱིས་རྣ་བ་དཀྲུག་པར་མི་འདོད།
འོད་སྣང་གིས་ངའི་མིག་གོང་ཧྲིལ་པོར་འགེབས།
དབུགས་རྔུབ་ཀྱི་རྒྱུ་བའི་སྒྲ་ཙམ་རྣ་བས་ཚོར།
དྲ་འདྲེན་གྱི་ལྒེ་ཁུང་ནང་འཚོལ་ཞིབ་ཀྱི ་དྲ་བྱང་བླུག།
“ང་སུ་རེད་དམ”་འདི་ངས་འཚོལ་དགོས་པ་ཡིན།

དེ་ལས་མང་བ་། “མདང་ནུབ་ངས་གློག་ཀླད་ཁ་ཕྱེ་བའི་དུས།” »

གཅན་བཟོད་རྒྱམ།
ཚོགས་ཆེན་ཞལ་ངོ་ལ་ཕུལ་བའི་ཀ་རྩོམ།

ཀ་མ་ལ་ལྟར་དཀར་བའི་བློ་ལྡན་ཅིང་།།
ཁ་ནས་ལེགས་བཤད་སྨྲ་བའི་སྐྱེ་བོའི་ཚོགས།།
ག་ན་གནས་ཀྱང་ཐ་སྙད་པ་ཡིན་ཏེ།།
ང་ཅག་ཙམ་མིན་མཁས་པ་སྤྱི་ཡིན་ནོ།།

ཅ་ཅོ་འུར་ཟིང་མཐོ་བ་བདེན་མོད་ཀྱང་།།
ཆ་ཤས་ཕལ་ཆེར་དོན་ལྡན་ཆོས་གཏམ་ཡིན།།
ཇ་བཟང་འཐུང་བཞིན་རྒྱ་བོད་ཧོར་སོགས་ཀྱི།།
ཉ་ཉོག་སྐད་ཆ་བཤད་དང་འདི་མི་འདྲ།།

དེ་ལས་མང་བ་། “མཁས་དབང་དགེ་འདུན་ཆོས་འཕེལ་གྱི་རྩོམ་ཡིག་གསར་པ་ཞིག” »

བོད། ལྷ་ཀླུ་གཉན་གསུམ་ནས།

རེ་བ་འདུག་གམ། འདི་འདྲའི་མི་རིགས་ཤིག་ལ།
ཕུགས་ན་སྲོལ་རྒྱུན་ཐག་ནག་སྲ་མོ་ཞིག།
གཞུག་ན་སྒྱིད་ལུག་ངན་པའི་གོམས་གཤིས་ཤིག།
བར་ན་ཕྲག་དོག་ཁྲག་གི་གླེན་རྟགས་ཤིག།

དེ་ལས་མང་བ་། “རེ་བ་འདུག་གམ། འདི་འདྲའི་མི་རིགས་ཤིག་ལ།” »

གཅན་བཟོད་རྒྱམ།

_______ལྕགས་ཤོག་ཁང་ཆུང་ནང་ནས་རྗེའི་གདུང་མཆོད་འབུལ།

སྤྲ་ཚིལ་སྒྲོན་མེ་ཞིག་ཡིད་ཀྱིས་བཏེགས་ཏེ། གཙུག་ལག་ཁང་དུ་རྗེའི་གདུང་མཆོད་འབུལ་དུ་སོང་ཡང་། ཡབ་རྗེ་བླ་མ་དྲན་བཞིན་མིག་ནས་མཆུ་མ་འདོན་མཁན། ང་དང་ཕྱི་གླིང་མགོ་སེར་འགའ་ལས་མི་འདུག ངས་ཕྱི་གླིང་བ་ཚོ་དང་ལྷན་དུ་རྟེན་འབྲེལ་བསྟོད་པ་ཚར་གཅིག་འདོན་བསམ་ཡང་། མགོ་སེར་ཚོས་དབྱིན་སྐད་ཀྱིས་བཏོན་སོང་བས། ངས་རང་གི་བློ་ན་རྟེན་འབྲེལ་བསྟོད་པ་མེད་པ་གཞི་ནས་ཤེས།

དེ་ལས་མང་བ་། “ཡབ་རྗེ་ལགས། ངས་ས་མཐའ་ནས་ཁྱོད་ལ་སྤྲ་ཚིལ་སྒྲོན་མེ་འབུལ།” »

བེ་རི་རིག་རྡོར
———-

འཇམ་དཔལ་ངག་ལ་དབང་འབྱོར་མཁྱེན་པའི་བློ།།
བཟང་བོའི་འོད་དཀར་ཡེ་ཤེས་དྲ་བ་ཅན།།
བསྟན་འཛིན་རྒྱུ་སར་བྱེ་བའི་འདུན་ས་ཆེར།།
བསྟོད་སྨོན་རྒྱ་མཚོའི་རླབས་ཕྲེང་གདངས་སུ་འགུག།

མ་རྨད་ཚོགས་གཉིས་འོ་མཚོ་འཕྱུར་བའི་རྩེར།།
སྤངས་རྟོགས་བཅུ་དྲུག་ལང་ཚོའི་འཇོ་སྒེག་གིས།།
ནག་ཕྱོགས་མུན་པའི་གཡུལ་ལས་རྒྱལ་བྱེད་པའི།།
དགེ་མཚན་སྣང་བའི་རྩེ་དགའ་ཅི་ཡང་ངོམ།།

དེ་ལས་མང་བ་། “༄༅།། ཞི་བདེའི་བསྟོད་སྨོན་རང་བྱུང་རྒྱ་མཚོའི་གདངས་སྙན།” »

གཅན་བཟོད་རྒྱམ་པས་གུས་པས་ཕུལ།

—————————-

༡༽སྐུ་འཁྲུངས་པ།

འཛམ་གླིང་ཤར་ནུབ་དམག་འཁྲུག་བཙན་པོས་སེམས་ལྡན་དུཿ་ཁའི་ཀློང་དུ་ལྷུང་།།
བོད་དང་ཙི་ནའི་ལས་དབང་བཙན་པོས་གཅིག་ཁ་གཅིག་གིས་གནོན་པའི་དུས།།
ཨ་ཀ་མ་ཡི་ཡུལ་ཆེན་དེ་ནས་ཨ་མ་ཆེན་མོའི་སྲས་སུ་འཁྲུངས།།
ངོ་མཚར་རྟགས་དང་རྟེན་འབྲེལ་ཞིག་གིས་སྒང་བ་བོད་ཀྱི་མིག་ཏུ་གྱུར།།

༢༽ཁྲི་འདོན་གནང་བ།

པོ་ཏཱ་ལ་ཡི་སྒེའུ་ཁུང་རེ་ལ་ཁྱོད་ཀྱི་བྱིས་དུས་རྐང་རྗེས་རེ།།
བྱིས་པའི་མིག་ཟུང་ཕྱི་རོལ་ཡུལ་ན་རྩེད་འཇོར་གཡེང་བའི་བྱིས་པར་ཤོར།།
བྱིས་དུས་རྩེད་འཇོ་བྱིས་པར་མ་དབང་ཆེན་པོ་རྣམས་ཀྱིས་སྒམ་ཚིག་བསླབས།།
ཡབ་རྗེའི་གསེར་གྱི་ཁྲི་འཕང་མཐོན་པོར་བྱིས་ཁྱོད་མེས་པོ་སྲོང་བཙན་ཡིན།།

དེ་ལས་མང་བ་། “ང་ཡི་རྩ་བའི་བླ་མ།” »

རྔ་བ་རྒྱལ་ཁམས་པ། ཨ་རི།
———-

རིས་མེད་འགྲོ་བའི་སྐྱབས་མགོན།། གངས་ཅན་བོད་ཀྱི་ལྷ་སྐལ།།
འཕགས་མཆོག་སྙིང་རྗེའི་དབང་ཕྱུག། རྒྱལ་བ་བསྟན་འཛིན་རྒྱ་མཚོ།།
ཁྱེད་སྐུ་ཉི་མ་གཞོན་ནུ།། གངས་ལྗོངས་སྨད་ནས་ཤར་ཀྱང་།།
མཛད་འཕྲིན་འོད་ཀྱི་སྣང་བ།། འཛམ་གླིང་སྤྱི་ལ་ཤར་སོང་།།
ང་རང་ལོ་ན་ཆུང་དུས།། ཁྱེད་ཉིད་དག་ཞིང་ཞིག་ལས།།
འཛམ་གླིང་ས་ཐོག་འདི་ན།། ཡོད་སྣང་ཡིད་ལ་མ་ཤར།།
ཨ་ཁུའི་མཆོད་ཁྲིའི་སྒང་གི། སྣང་བརྙན་མཐོང་བ་དོན་ལྡན།།
མིག་གིས་མཇལ་ཐེངས་རེ་རེར།། རེ་སྨོན་སྐྱབས་འཇུག་ཞུས་ཡོད།།

དེ་ལས་མང་བ་། “ཞི་བདེའི་བཟང་སྟོན།” »

བོད། ལྷ་ྐླུ་གཉན་གསུམ།

རུམ་ལ་སྙོབས་ན་རུམ་ཁོག་གྲང་མོ་རེད།།
སེམས་ལ་བརྟག་ན་སེམས་པ་མིག་ཆུ་རེད།།
ལུས་ལ་བལྟ་དུས་རོ་ཐོ་སྐམ་པོ་རེད།།
རང་ལས་གླེན་པའི་མི་ཞིག་ངས་མ་རྙེད།།

འཁྲིས་ཀྱི་མི་ཚོས་ང་ལ་གདོན་རྫས་ཟེར།།
མདུན་གྱི་གྲོགས་པོས་ང་ལ་ཁ་ནག་འབོད།།
རྒྱབ་ཀྱི་མགྲོན་པོས་ང་ལ་འཕྱ་དམོད་བྱེད་།།
རང་ལས་གླེན་པའི་མི་ཞིག་ངས་མ་རྙེད།།

དེ་ལས་མང་བ་། “ང་རང་མེད་པོ་རེད། གླེན་པ་རེད།” »

གཡུ་དྲུག་དཀར། རྡ་ས།

ནམརྒྱུན་གྱི་རྨི་ལམ་ལས། མུན་ནག་གིས་ཟ་བཞིན་པའི་ངའི་བྲང་ཁོག སྐར་ཚོགས་ལྟ་བུའི་སྣང་བ་རྣམ་རྟོག་གིས་ནོན་ཞིང་། རང་ཉིད་དང་གདོང་ཐུག་རྒྱག་པའི་མཚན་མོ་རེ་རེའི་པང་ལ་བུད་དེ། ཧ་ཅང་སྟུག་པོའི་སྨག་རུམ་གྱི་ཟབ་སར་ལག་སྙོབ་བྱེད་བཞིན། ངས་ཅི་ཡང་བཙལ་མོད།
ནམ་རྒྱུན་ལག་པས་རེག་ས་ཞིག་གདའ་བ་ནི། གཅིག་ལས་གཅིག་ཆེ་ཞིང་། གཅིག་ལས་གཅིག་གྱོང་བའི་མགོ་བོ་རྐྱང་ལས་མ་འདས་ལ། མགོ་བོ་འདི་དག་ལ་རྒྱང་ལྟ་བྱས་ཚེ། དེ་དག་ནི་གཅིག་ལས་གཅིག་ཆེ་ཞིང་། གཅིག་ལས་གཅིག་བརྗིད་པ་ལྟ་བུའི་མགོ་བོ་འགའ་རེད་མོད།

དེ་ལས་མང་བ་། “མགོ།” »

བོད། ལྷ་ྐླུ་གཉན་གསུམ།

སྙི་མོ་སེམས་ལ་ན་ཟུག་ལྕི་ན་ཡང་།།
གོར་མོ་རྡོ་ལ་སྐད་ཆ་བཤད་མི་འདོད།།
ཡིན་ཡང་སེམས་ཀྱི་ཆུ་ཐིགས་རེ་རེ་ཡིས།།
རྡོ་འཁྱག་གོར་མོ་ཨུ་ཁུངས་གཏད་པ་མཐོང་།།

རང་གཤིས་གསེར་དུ་འཁྲུལ་བའི་གཤིས་ཀ་མེད།།
རང་རྩིས་ནོར་དུ་རློམ་པའི་ལྟ་བ་མེད།།
རང་ཉིད་བདེན་དུ་འཁྲུལ་བའི་རྣམ་དཔྱོད་མེད།།
མེད་མུག་འདི་གསུམ་རྒྱུན་དུ་ང་ལ་ཡོད།།

དེ་ལས་མང་བ་། “ང་མི་ཞིག་ལས་གང་ཡང་རེད་མི་འདུག” »

གཅན་བཟོད་རྒྱམ།
མདང་ནུབ་མགོ་བོ་སྔས་ལ་བཞག་ནས། །སྐྱིད་པོ་གཉིད་ལ་རོལ་ན་བསམ་སྐབས། །
དྲན་ཤེས་གསལ་བོའི་མེ་ལོང་ངོས་སུ། །གྲྭ་སའི་དུས་ཐུང་འཚོ་བ་ཤར་བྱུང་། །

དབང་ཕྱོགས་སྐྱ་རེངས་དང་པོ་ཤར་དུས། །ཐར་འདོད་ངང་མོ་བརྒྱ་སྟོང་ཚོགས་ཀྱིས། །
རྒྱན་འཇུག་ལ་སོགས་རྒྱ་བོད་གཞུང་ལུགས། །བློ་འཛིན་མགྲིན་རྔ་བརྡུངས་བ་དྲན་བྱུང་། །

དེ་ལས་མང་བ་། “ཕྱིར་དྲན་འཇོལ་མོའི་སྐྱོ་གླུ།” »

འབྲོག་རུ་ཆོས་གྲགས།

ཉེ་ལམ་བོད་ནང་གི་གྲོགས་པོ་འགའ་དང་མཉམ་དུ་དྲ་ལམ་ནས་གླེང་མོལ་བྱས་པའི་སྐད་ཆ་ཚིགས་བཅད་ཀྱི་ལམ་ནས་བྲིས་པ་ཡིན་ལ། ཁོང་ཚོའི་ཚབ་བྱས་ནས་བྱེས་འབྱོར་བོད་མི་རྣམ་ལ་གཞིས་ལུས་ཀྱི་གྲོགས་པོ་འགའི་སེམས་པ་དམར་རྗེན་དེ་བསྟན་པའང་ཡིན།

ནོར་ལུག་ཐང་མར་བརྡལ་བའི་སྤང་ལྗོངས་ཤིག་ན།།
མེ་ཏོག་སྣ་ཚོགས་བཞད་པའི་རི་ལུང་ཞིག་ན།།
སྒོ་དར་རླུང་གིས་བསྐྱོད་པའི་སྦྲ་ནག་འོག་ན།།
ཨ་མའི་རེ་སྒུག་མིག་ཟུང་རྒྱང་ལ་ཅེར་ཡོད།།

འབྲུ་རིགས་སྣ་ལྔའི་ཉིང་བཅུད་ལྷ་ལ་ཕུལ་བཞིན།།
ཁ་དོག་སྣ་ལྔའི་རླུང་རྟ་མཁའ་རུ་གཏོར་བཞིན།།
དབང་བོ་རྣམ་ལྔའི་ཚོར་ཤུགས་ཕྱི་ལ་ཕྱོགས་དུས།།
དྲིན་ཆེན་ཕ་ལོའི་སེམས་པ་མིག་ཆུས་བརླན་ཡོད།།

དེ་ལས་མང་བ་། “སྐད་ཆ་དམར་རྗེན་མ།” »

འདྲ་པར་དེ་ནི་བོད་ནས་གསར་དུ་བཏང་འབྱོར་བྱུང་བ་དང་ན་ནིང་ཨ་མདོ་རྨ་ཆུ་ནས་ཞི་རྒོལ་སྐབས་བོད་མི་ཞིག་རྒྱའི་ཉེན་རྟོག་པས་འཛིན་བཟུང་གཅར་རྡུང་བྱས་ཏེ་ཟླ་ངོ་གཅིག་རིང་སྨན་ཁང་དུ་ལུས་བའི་སྐབས་ཀྱི་པར་ཡིན།

༣．༡༤ བདག་གི་ཆུང་མ་ཁྲིད་ཤོག

བོད་ནས་མ་ཎི་དོན་གྲུབ་ནས་་་་་་་་་་་་་་་

དུས་ཚུགས་འདིའི་ནང་དུ་ང་ཚོའི་རང་གི་ཆུང་མ་ལྟ་བུའི་སྙིང་ཉེ་བ་མང་བོ་ཞིག ཁྲག་དང་མཆི་མ་ལ་འདྲེས་ཏེ་བུད་སོང༌།ད་ལྟ་ང་ཚོ་ལ་ཁོ་ཚོའི་མིང་ཡིག་ཙམ་ལས་ཅི་ཡང་ལུས་མི་འདུག ཅི་ཡང་ལུས་མི་འདུག སྐབས་འདིར་ང་ཚོའི་ཞེ་བསམ་པའི་གཏིང་ནས་དྲན་འོང་བ་ནི་ཁོ་ཚོ་ཡིན། 
                                               —ཁ་བྱང་གི་འགྲེལ།

དེ་ལས་མང་བ་། “༣．༡༤ བདག་གི་ཆུང་མ་ཁྲིད་ཤོག” »

 སྐར་ཁྲི་བཙན།

དེང་རབས་བུ་མོ་ཕལ་ཆེར་ཞིག་ལ་སྐུ་ངོ་རྒྱག་པའི་བཞུགས་ཁྲི་དགོས་པའི།།
རས་གདན་སྟེང་གི་ལྡོམ་པོ་ང་ཡི་འདུག་ས་བུ་མོའི་བློ་ལ་ཨེ་འགྲོ།།
དེང་རབས་བུ་མོ་ཕལ་ཆེར་ཞིག་ལ་ཕྱུག་པོ་རྫིག་པོའི་རླངས་འཁོར་དགོས་པས།།
རྐང་ཐང་འགྲོ་བའི་འཁྱར་བོ་ང་ཡི་འགྲོ་རོགས་བུ་མོས་བྱ་ན་ཨེ་འདོད།།

དེ་ལས་མང་བ་། “དེང་རབས་བུ་མོ་ཕལ་ཆེར་ཞིག་ལ།” »