ཤར་ཕྱོགས་ཁུག་རྟ —————— ཟི་ལིང་མཁར་གྱི་ལྷ་མོ ཐག་ཉེ་ཡིན་ཡང་ ཐག་རིང་ནས་མཇལ་བྱུང ལྷ་མོ་སྐྱེས་ས ཨ་མ་བཞུགས་སའི་ཙོང་ཁའི་འདབ་རོལ་ཡིན་མོད ལྷ་མོ་མཐོང་ས གནས་ཚང་གཡར་མའི་ཁང་མིག་གྲུ་བཞི་ཡིན ས་མཐའི་སེམས་ཀྱི་་་  ལྷ་མོ གནའ་མཁར་གྲོང་གི་ཙན་དན་ལོ་མ་རེད དྲི་བསུང་དང་དེ་ལ་བརྒྱུས་པའི་རླུང་གི་ཁུགས་པ་ཡོད་ཚད བརྙན་འཕྲིན་གྲུ་བཞིའི་ཤེལ་ངོས་ནས་མཐོང་བྱུང མཐའ་བཞི་ནག་པོའི་བརྙན་འཕྲིན…

དེ་ལས་མང་བ་། “མདཽ་འཛིན་པ་ལྷ་མོ” »

འབྲོག་རུ་ཆོས་གྲགས། རྒྱ་ནག་གནམ་ལྕགས་ཐོག་རེད།། བོད་ཡུལ་ཛ་དྲག་ནང་རེད།། ཚེ་སྲོག་མེ་མདའི་འོག་རེད།། དགོན་སྡེ་དམག་སྒར་གྲོང་རེད།། སྨྲ་བརྗོད་རང་དབང་མེད་པས།། མི་རྣམས་ལྐུགས་པར་གྱུར་སོང༌།། ལྐུགས་པའི་སྙིང་གི་ན་ཟུག། རང་ལུས་མེ་རུ་སྦར་སོང༌།། བོད་འབངས་སྡུག་གི་ནང་རེད།། བོད་ཡུལ་དུ་ཁྲོད་གནས་རེད།། གཞིས་བྱེས་གཉིས་ཀྱི་བརྩེ་དུངས།། དཀར་པོ་དུང་ལས་ལྷག་རེད།།

འབྲོག་རུ་ཆོས་གྲགས། རྒྱ་ནག་གནམ་ལྕགས་ཐོག་རེད།། བོད་ཡུལ་ཛ་དྲག་ནང་རེད།། ཚེ་སྲོག་མེ་མདའི་འོག་རེད།། དགོན་སྡེ་དམག་སྒར་གྲོང་རེད།། སྨྲ་བརྗོད་རང་དབང་མེད་པས།། མི་རྣམས་ལྐུགས་པར་གྱུར་སོང༌།། ལྐུགས་པའི་སྙིང་གི་ན་ཟུག། རང་ལུས་མེ་རུ་སྦར་སོང༌།། བོད་འབངས་སྡུག་གི་ནང་རེད།། བོད་ཡུལ་དུ་ཁྲོད་གནས་རེད།། གཞིས་བྱེས་གཉིས་ཀྱི་བརྩེ་དུངས།། དཀར་པོ་དུང་ལས་ལྷག་རེད།།

ཤ་བོ་དཔལ་ལྡན། བཅུ་ཕྲག་ལོ་ཟླའི་དཀའ་ངལ་རི་བོ་གདོང་ལེན་སྤོབས་པས་ས་ལ་བསྙིལ།། རྒྱ་ནག་དམར་པོའི་འཁྱོག་བཤད་ཡིག་ཆ་བདེན་དོན་སྨྱུ་གུས་ཚལ་བུར་གཤགས།། གཞིས་བྱེས་བོད་ཀྱི་སེམས་འདུན་དྲོན་མོ་གླིང་ལྔ་མཚོ་བཞིའི་ཁྱོན་ལ་བརྡལ།། དུས་ལ་བབ་པའི་གཏམ་གྱི་ཚལ་འདི་བདེན་པ་གླེང་སའི་གླིང་ག་ཞིག། གང་ན་སྐྱོན་དང་ནོར་འཁྲུལ་ཡོད་པ་དེ་ན་དུས་བབ་གཏམ་གླེང་རྒོད།། གཞུང་སྒེར་སྐྱོན་དང་མཚང་གི་ན་ཚ་རྨང་ནས་བསྔོགས་པའི་ལག་ལེན་དེས།། ནད་རྙིང་མང་པོ་བཅོས་སྐྱེད་ལྷ་རྗེ་བོད་ཀྱི་དུས་བབ་གསར་ཤོག་ཅེས།། གཟུར་གནས་བློ་དང་ལྡན་པ་དག་ནི་བདེན་པའི་གཏམ་གྱིས་ཡང་ཡང་མཆོད།། བདེན་པའི་ཁ་ལོ་མདུན་དུ་བསྒྱུར་བས་རྫུན་གྱི་ལམ་སྣེ་བརྩད་ནས་བཅད།། རང་ཚུགས་རི་མོ་སྙིང་ལ་ཉར་བས་ཐུན་མོང་ནོར་གྱི་ཕྱྭ་གཡང་སྦྲུམ།། ད་སྟེ་བོད་ཀྱི་དུས་བབ་འདི་ཀོ་ཆོལ་གསུམ་སྤྱི་ཡི་ནོར་བུ་སྟེ།། ཀློག་མཁན་འཚང་ཁའི་རྡུལ་རླབས་མེ་ཏོག་གངས་ཅན་འཛིན་མའི་ཁྱོན་ལ་བཞད།། རྒན་གཞོན་རྩོམ་སྒྲིག་སྟངས་འཛིན་དམག་དཔོན་དང༌།། དུས་ཐོག་གསར་འགྱུར་འགོད་པའི་འཐབ་མོ་བ།།…

དེ་ལས་མང་བ་། “༼བོད་ཀྱི་དུས་བབ༽དང་ངའི་བར་གྱི་ཟླ་ངོ་བཞིའི་དུས་ཚོད།” »

འཇིགས་མེད།༼ཁེ་ན་ཊ༽ རྒྱ་ནག་དམར་པོའི་གཞུང་ནས་བོད་ལ་དྲག་སྤྱོད་བཙན་འཛུལ་ཧམ་ཟོས་མནར་སྤྱོད་བཏང་ནས་ལོ་ལྔ་བཅུ་འཁོར་གྱི་ཡོད་ཀྱང༌། བོད་ལ་བཅིངས་འགྲོལ་བཏང་ནས་མི་ལོ་ ༥༠ འཁོར་ནས་གང་ལེགས་གང་ཕན་བྱུང་བའི་དུས་དྲན་སྲུང་བརྩི་བྱ་རྒྱུའི་འཆར་གཞི་ཡོད་སྐོར་གསལ་བསྒྲགས་བྱས་འདུག་པ་འདིའི་ཐོག་དགག་ལན་འདི་ལྟར། ཞི་བའི་སྟི་གནས་པུར་རྒྱལ་བོད་ལྗོངས་ལ།། རྒྱ་ནག་དམར་པོས་བཙན་འཛུལ་དྲག་སྤྱོད་དང༌།། གདུག་རྩུབ་གཉའ་གནོན་བཙོན་འཇུག་མུ་མཐུད་ནས།། བཏང་སྟེ་མི་ལོ་ལྔ་བཅུ་འཁོར་འདི་དྲན།། རྩ་ཆེའི་ཆོས་དང་རིག་གཞུང་སྐད་ཡིག་སོགས།། རྡོག་རོལ་བཏང་ནས་མི་ལོ་ལྔ་བཅུ་འཁོར༌།། ཆོས་བྱེད་བསྟི་གནས་དགོན་སྡེ་དྲུག་སྟོང་ལྷག། གཏོར་བཤིག་བཏང་ནས་མི་ལོ་ལྔ་བཅུ་འཁོར།། ཆོལ་གསུམ་བོད་མི་སྐྱ་སེར་ཆེ་ཆུང་བསྡོམས།། འབུམ་ཕྲག་བཅུ་གཉིས་ལྷག་ཙམ་ཉེས་མེད་ཀྱིས།།…

དེ་ལས་མང་བ་། “གདུག་རྩུབ་གཉའ་གནོན་བཏང་ནས་ལྔ་བཅུ་འཁོར་ལ་སོམས།” »

འཇིགས་མེད།༼ཁེ་ན་ཊ༽ བསླུ་མེད་དཀོན་མཆོག་གསུམ་ལ།། སྙིང་ཁོངས་རུས་པའི་གཏིང་ནས།། གསོལ་བ་ཕུར་བཙུགས་བཏབ་སྟེ།། མི་ལོ་ལྔ་བཅུ་འཁོར་སོང༌།། སྔོན་བསགས་ལས་ཡིན་དག་ཡོད།། ལས་བསྐོས་ཡིན་ཡང་རྗོགས་ཡོད།། གཟིགས་ནས་མ་བཞུགས་བཞེངས་དང༌།། པུར་རྒྱལ་བོད་ཀྱི་ལྗོངས་ལ། དུཿཁས་མནར་དོན་གང་ཡིན།། ཁ་བའི་ལྗོངས་ཀྱི་འགྲོ་བར།། སྤྱན་གཅིག་དམིགས་བསལ་གཟིགས་ནས།། གངས་ཅན་བོད་མི་རྣམས་ཀྱི༌།། སྡུག་བསྔལ་གནས་ལས་སྐྱོབས་མཛོད། སྙིང་ཁོང་རུས་པའི་གཏིང་ནས༌།།…

དེ་ལས་མང་བ་། “མཆོག་གསུམ་ལ་གདུང་འབོད།” »

འཇིགས་མེད།༼ཁེ་ན་ཊ༽ ཆོལ་གསུམ་བོད་མི་རྣམས་ནས།། འུ་ཐུག་བཟོད་བྲལ་བྱུང་སྟེ།། གཅེས་པའི་སྲོག་ཀྱང་དོར་ཏེ།། ལུས་ངག་ཡིད་གསུམ་ན་ཚ།། འཛམ་གླིང་ཡོངས་ལ་བསྒྲགས་ཡོད།། བདེན་པའི་རྔ་སྒྲ་ཡིན་ཞིང༌།། དྲང་པོའི་གསལ་བསྒྲགས་ཡིན་ལགས།།

ཟླ་བ་གཞོན་ནུ། ========= ཀ་ཕྲེང་ལ་འོ་བརྒྱལ་བཟོ་དགོས་སམ ཁ་ལྕེ་འདི་སྡུག་ལ་གཏད་དགོས་སྙམ་པའི་འགལ་འདུ་ཁྲོད ག་ལེར་ལོ་མང་འགྲོགས་པའི་སྨྱུ་གུ་དེ་ལག་ཏུ་ཐོགས་དུས ང་རང འཆར་ཡན་གྱི་སྣང་བ་མོད་པོས་ཡུན་གྱིས་གཅུད་བྱུང་། ཅ་རེ་ྐླད་སྦུབས་དང་ཡིད་ཡུལ་དུ་འཁོར་འོང་བ་ནི ཆ་ཡོད་དང་མཛེས་སྡུག་གི་ཁྱེད་ཉིད་དེ ཇ་ཁའི་བྱད་བཞིན་དུ་བརྟན་པའི་འཛུམ་ཀོང་ལ ཉ་མ་ཁྲི་ཕྲག་གི་སྡུག་ཡུས་འཁྱིལ ཏ་ཀུ་ལ་ཁེན་རན་པའི་རྒན་པོ་དག་གི་མིག་ཞགས་ཀྱང ཐ་མག་དང་ཆང་རག་གིས་བསྐྱོར་ཏེ་ཁྱེད་ཉིད་ལ་ཡང་ཡང་འཕེན དྭ་ཕྲུག་ལྟར་ཁེར་འགྲོ་ཁེར་འདུག་གི་གདུང་བ་བཟོད་དམ་ཞེས ན་ཟུག་གིས་བསྟིམས་པའི་འདྲི་ཚིག་ཅིག…

དེ་ལས་མང་བ་། “ཀ་རྩོམ་རང་མོས་མ།” »

ཟླ་བ་གཞོན་ནུ། —— མཛེས་པོའི་ལྷ་ཟླ་དཀར་པོ།། སྤྲིན་ནག་ཕག་ལ་མ་འགྲོ། གྲོགས་མེད་ཨུཏ྄ྭཔལ་སྔོན་པོའི།། འབྱེད་འཛུམ་ཁྱེད་ལ་ལྟོས་ཡོད།།

ཨ་མེ་ཆ། ——— མིག་ཆུས་བཀྲུས་པའི་དུས་ཚིགས། ཁྲག་གིས་ཚེས་པའི་ས་གཞི། དགུན་ཟླ་འདི་ཇི་ལྟར་རིང་ནའང་། མི་རིགས་ཤིག་འཆི་མི་སྲིད་པའི་ངར་རྒྱལ་དང་སྤོབས་པས་བཞེངས་ཡོད། གནའ་ནས་བཟུང་དམངས་ཀྱི་སྨྲ་ལྕེ་འཕྲོག་སྟེ། ལྕགས་སྒྲོག་དང་ཁང་མིག་རེ་རེ་བཀོད་སྒྲིག་བྱས་ཡོད་ནའང་། སུས་ཀྱང་བསྲེགས་མི་ནུས་པའི་སེམས་ཁམས་རྣལ་མ་ཞིག་ཡོད་སྟབས། ང་ཚོ་བསྐལ་བ་མ་སྟོང་བར་མེ་རི་ལྟར་འབར་སྲིད། ང་ཚོ་དུས་ནས་དུས་སུ་གཙང་བོ་བཞིན་བརྡོལ་སྲིད། 08/02/2009 05:55:40AM

ཁམས་མེ་ཞགས་ཀྱིས་བྲིས། _______________ འདས་ཟིན་པའི་ཟུངས་ཁྲག་གི་ལོ་ཟླའི་ཁྲོད། ལྷ་ས་ནས་སྤུན་ཟླ་གྲངས་མེད་ཞིག དྲག་པོའི་མདའ་ཁ་ནས་བརླགས་སོང་བས། ད་ལོ། ང་ཚོ་ལ་ལོ་སར་མེད། སི་ཁྲོན་ནས་འབངས་མི་རྫོགས་མེད་ཞིག ཡ་མེད་ས་ཆེན་གྱིས་མནན་སོང་བས། ད་ལོ། ང་ཚོ་ལ་ལོ་སར་མེད། ཁྱོད་ཀྱི་ཁ་ན་མི་ཆོག་ལས་མེད་ཀྱང༌། ང་ཚོ་ལ་ཟེར་ན་གཏན་ནས་མེད། ཁྱོད་ཀྱི་ཁོག་ན་ཞེ་སྡང་ལས་མེད་ཀྱང༌། ང་ཚོ་ལ་འཁོན་ས་ཡེ་ནས་མེད།…

དེ་ལས་མང་བ་། “༄༅།།ད་ལོ། ང་ཚོ་ལ་ལོ་སར་མེད།” »