བདེ་ཆེན་སྒྲོལ་མ།
ཁུ་སིམ་ཞིང་ཚིགས་བར་གྱི་ཤིང་སྡོང་འོག་ནས།།
དཀར་གསལ་སྟོན་གྱི་ཟླ་བའི་འོད་དཀར་ཁྲོད་ནས།།
ངེད་གཉིས་སྙིང་གཏམ་བཤད་ནས་ནམ་ཐུན་བསྐྱལ་བ།།
ཟླ་ངོགས་མཆི་མས་བརླན་པའི་མཚན་གཞུང་རིང་མོ།།
འགྱུར་མེད་བརྩེ་བའི་ལག་རྡང་དམ་དུ་སྦྲེལ་ནས།།
མཚན་མོའི་ཟླ་འོད་ངོགས་ནས་འཆམ་འཆམ་བྱེད་དུས།།
ཕན་ཚུན་སེམས་ལ་དཔར་བའི་དྲན་ཤིང་རི་མོ།།
ཡིད་ཀྱི་མཚོ་མོ་སྐྱོམ་པའི་ཚོར་ཤུགས་དྲག་པོ།།
དགེ་བའི་བཤེས་གཉེན་དམ་པ་དགེ་བཤེས་བློ་བཟང་རྒྱ་མཚོ་ལ་ཕུལ། སྐར་ཆེན། ནོར་ལྦེ། སྔོན་བསགས་ལས་ཀྱི་དགེ་བའི་མཐུས།། ལྷོ་ཕྱོགས་རྒྱ་མཚོར་ཉེ་བའི་གནས།། བྷེལ་ཀོབ་བོད་ཁྱིམ་འབོད་པ་རུ།། དགེ་བའི་བཤེས་གཉེན་མཚན་འཛིན་པ།། གུས་བས་ཁྱེད་ཀྱི་ཞབས་ལ་གཏུགས།། འོན་ཀྱང་ལོ་ཟླ་འདས་པའི་ངོར།། ཁྱེད་ཀྱི་གསུང་གི་བདུད་རྩི་དག། གུས་བའི་སེམས་ཀྱི་བུམ་པར་འཁྱིལ།། ཤེས་བྱའི་གནད་ཀྱི་སྒོ་མོ་ཕྱེས།། དེ་ཕྱིར་གུས་བ་ཁྱེད་ལ་དུངས།། ཁྱེད་ཀྱི་ལྷག་བསམ་རི་བོ་ཆེ།། མཁྱེན་དང་དཔྱོད་པ་བླ་མེད་པ།།…
ཁ་སང་དོལ་རྒྱལ་རྗེས་བྲངས་པ་བོད་པ་ན་གཞོན་འགས། དངོས་སུ་ཕྱི་ལ་འདོན་ནས། རྒྱལ་དབང་མཆོག་ལ་ངོ་རྒོལ་བྱས་པ་འདི་མཐོང་ནས་བློ་ཕམ་བྱུང་། གུས་པའི་བཤེས་གཉེན་མཆོག་གིས་དེ་མཁྱེན་ནས་ ཁྱེད་འདིའི་དོན་ལ་སེམས་མ་སྐྱིད་པ་བྱེད་དགོས་དོན་མེད། ད་དུང་སེམས་མ་སྐྱིད་པ་ཡོང་གི་འདུག་ན། ཁྱེད་རྒྱལ་བ་རིན་པོ་ཆེའི་སྐུ་གསུང་ཐུགས་ཀྱི་ཡོན་ཏན་དང་བཀའ་འདྲིན་བསམས་བཞིན་བསྟོད་པ་རེ་གཉིས་བྲིས་ན་དེས་བློ་སྟོབས་འཕེལ་བར་ཕན་གསུངས། དེས་ན་གུས་པས་གཤམ་གྱི་བསྟོད་དབྱངས་འདི་དག་རང་གི་སྙིང་སྟོབས་འཕེལ་ཆེད་བྲིས་པ་དེས་། ང་དང་འདྲ་བའི་རྒྱལ་དབང་ཁོང་གི་སློབ་མ་གཞན་རྣམས་ལ་ཡང་སྙིང་སྟོབས་འཕེལ་བར་གྱུར་ཅིག ཐུགས་རྒྱུད་ཤིན་དུ་བཟང་བས། བརྩེ་བའི་རྒྱུ་ལས་མ་འདས ། གཞན་གྱི་སྡུག་བསྔལ་གཟིགས་ནས། རྟག་ཏུ་ཕན་གྲོགས་བྱེད་པ། ང་ཡི་བསྟན་འཛིན་རྒྱ་མཚོ། བརྩེ་བའི་མ་དང་ནོར་སོང་། ཁྱེད་སྐུ་ཤིན་དུ་མཛེས་ལ། གཞན་དོན་ཁོ་ནར་སྤྱོད་པས། ངལ་གསོ་གུང་གསེང་ཟེར་བ། ཡིད་ལ་འཁོར་མྱོང་མེད་པ། ང་ཡི་བསྟན་འཛིན་རྒྱ་མཚོ།…
སྤོབས་པ་མཐའ་ཡས།
རྟེན་བྱིན་ཅན་རྒྱ་གར་ཤར་ལི་འདི།།
བཟོ་བོ་མཁས་པའི་རྩལ་གྱིས་བསྐྲུན།།
སྦྱིན་བདག་ཕྱུག་པོའི་ནོར་གྱིས་བླུས།།
བླ་མ་དམ་པས་རབ་གནས་མཛད།།
ཕྱི་ན་ཐིག་ཚད་ལྡན་དང་གཅིག།
ནང་ན་གཟུངས་ཞུགས་འཛོམས་དང་གཉིས།།
གསང་བ་བྱིན་རླབས་ཆེ་དང་གསུམ།།
སྐུ་འདི་འདྲ་མཇལ་བ་ད་རེས་ཙམ།།
རྨེ་སྲིབ་ནོར་བུ
་་་་་་་་་་་་་༡་་་་་་་་་་་་་
ལོ་དང་བསྐལ་བར་བསྙལ་བའི་རྒུན་ཆང་འདི།།
ས་ཕོར་ནང་དུ་མེར་བར་རྔུབ་ཐེངས་རེར།།
འཇིག་རྟེན་འཇིག་པའི་ཟིན་ཐོ་ཤི་གཟུགས་མ།།
ཆང་ཕོར་ཁ་ནས་རོ་ལངས་བྱེད་ཡོང་གི།
ཁ་བའི་མེ་ཏོག་བཞད་པའི་ཐང་ཆེན་དུ།།
སྦྲ་དང་སྤྲེ་འུས་བདེ་སྐྱིད་འཚོ་སྟངས་ལས།།
མི་ཡི་ཞལ་རས་འཛུམ་བའི་ཟླ་བ་ཞིག།
སྨན་ལྗོངས་རི་བོའི་སུལ་ནས་ཤར་ཡོང་གི།
རང་བྱུང་མྱུ་གུ་འབུས་བའི་རི་ལུང་ལ།།
ཤིང་འབྲས་སིལ་ཏོག་འཚོལ་བའི་ཕོ་མོ་ཚོས།།
རྡོ་བཟོའི་ཡོ་བྱད་བཟུང་ནས་རྩེ་དགོད་ངང༌།།
བག་ཡངས་རྒྱུ་བའི་ལོ་ཟླ་ཇེ་གསལ་རེད།།
བོང་སྟག་རི་ལུ།
ཨ་མས་འུ་ཚང་དབུལ་པོ་ཡིན་ཞེས་ཁ་ནས་སྡུག་སྨེ་ཡང་ཡང་འདོན།།
སྲིང་མོས་འུ་ཚང་དབུལ་པོ་ཡིན་ཞེས་སེར་ག་གས་པའི་མཛུབ་མོ་སྟོན།།
ཚ་མོས་འུ་ཚང་དབུལ་པོ་ཡིན་ཞེས་དབུལ་སྐྱོར་སློབ་མའི་གྲལ་ལ་འཚང༌།།
ང་ཡིས་འུ་ཚང་ཕྱུག་པོ་ཡིན་ཞེས་ཀ་མད་སུམ་ཅུའི་རྩོམ་ཞིག་བྲིས།།
རྨེ་སྲིབ་ནོར་བུ།
ལོ་གསུམ་འཚོ་བ་དྷ་སའི་ཤིང་ལོའི་འོག།
གྲིབ་བསིལ་ལྷན་དུ་བདེ་བར་གནས་ན་ཡང༌།།
མིག་ཡངས་མ་ཡི་རེག་བྱ་འཇམ་པོའི་ཟས།།
ལོངས་སུ་མ་སྤྱད་སྐོམ་པས་གདུང་ཤུགས་ཀྱིས།།
ཨ་ཅག་བལ་བཟའི་ཁྱིམ་ལ་དེད་ཡོང་ཐལ།།
རྡ་སའི་ཐབས་མཁས་རྒྱ་མཚོས། འདུ་འཛི་འཁོར་བའི་སྲོག་གི་རྩ་བ། ། སྙིང་སྡུག་སེམས་ཀྱི་ཤེས་རབ་སྒྲོལ་མ། ། ལྷག་བསམ་དག་པའི་རང་མདངས་མཚོན་ཕྱིར། ། མི་རིགས་གཙང་མའི་དོན་ཆེན་སྒྲུབས་ཤིག།
ཨ་འཇམ།
མུན་པའི་གཏིང་དུ་གླིང་ཕྲན་ཡོད
ཧ་ལས་པའི་ཁྱོད་ཀྱང་ཡོད
མེ་ཏོག་ཅིག་གིས
ང དེ་ལྟར་ཁྲིད་སོང
ཨ་འཇམ།
སྙན་ངག་གཞུང་ལུགས་ཀྱི་སྟེང་དུ
སྔོ་ཚལ་རིལ་བུ་ཞིག་བཞག་སྟེ་འཁྱེར
རྒན་མོ་དེ་འཛུམ་བཞིན ཅི་ཡང་མི་ཟེར
ཁྱི་ཞིག་ཀྱང་གློ་བུར་དུ་ཉེ་འགྲམ་ནས་བྲོས་སོང
ཨ་འཇམ།
ཟ་ཟིའི་མི་ཡིས་རྙོག་པའི་གྲོང་ཁྱེར་ནས།།
བག་ལེབ་ཕྱེད་ཅིག་ཟོས་པའི་རིན་འབབ་ཀྱིས།།
ཁ་པར་ནང་གི་ཨ་མའི་བུ་ཆུང་ཞིག།
ས་འོག་མེ་འཁོར་སྲུང་བའི་འགྲུལ་བ་ཡིན།།
མི་ནག་ཞབས་བྲོ་བ་ཡི་རྐང་རྩེ་ནས།།
རུས་རྐང་གློག་ལ་འདྲེས་པའི་སྒྱུ་རྩལ་འཁྲིགས།།
ཁང་ཆེན་སྒོ་བྱང་རེ་རེའི་འོག་རོལ་ན།།
རྐུབ་དང་ནུ་མ་མཛེས་པའི་འོད་ལ་ཕྱོགས།།
ཨ་འཇམ།
ལག་པའི་འདུ་འཛི་རྫས་ལ་བཞག་པ་ཡིས།།
རང་བྱུང་ཁམས་ཀྱི་རྨི་ལམ་རྡུལ་གྱིས་བཏུམ།།
ཤིང་ལེབ་གྲུ་བཞིའི་སྟེང་གི་སྣོད་དུ་ཡང༌།།
འཚོ་བཅུད་གཤེར་ཁུ་མི་ཡི་སྲོག་ལ་འགོས།།
དྭངས་གཙང་རང་བྱུང་འཁྱིལ་བའི་སྣང་བརྙན་གྱིས།།
གད་སྙིགས་ལུས་ལ་ཕབ་པའི་ཉམས་ཤིག་ཕྱིན།།
ཁ་བའི་འཚོ་བ་མཐོང་བའི་ཡུལ་ལྗོངས་ནི།།
ཤེལ་ཕོར་དཀར་པོའི་འོག་གི་གཏེར་ཁ་ཉིད།།
ཨ་འཇམ།
༼གཞན་ཡུལ།༽
ཨེ་གཉིས་ཀྱི་ཁྲག་ཐིགས་ཏེ རྒྱང་ཐག་མི་རིང་ཡང་
ས་གཞི་དང་ནམ་མཁས ང་ཐག་རིང་དུ་དེད་སོང་
ལོ་མའི་ཤག་སྒྲ་ཁོ་ན
འཚོ་བ་འདིའི་སྙིང་པོ་ཡིན
༼ངས་ལྷ་སའི་ཆང་ཁང་གི་གསང་གཅོད་ནང་ནས་འདི་འདྲ་ཞིག་གོ་བྱུང་།༽ ཁྱེད་ཀྱི་དེའི་དོན་གོའམ། ཨ་ཀྱེ། ཁྱོད་རའི་རོ་ར་གཅིག་ཡིན་འགྲོ། སུས་ཁྱོད་ལ་ཤི་ཅའོ་ལ་ཤོར་ཟེར་གྱི་འདུག ང་འདིར་རྨོ་ཏོ་ཤ་སྟག་གཅིག་གི་མཉམ་དུ་བཞག་ནས་ཁྱོད་ར་ཤི་ཅའོ་ལ་སྐྱག་པ་ཟ་གི་ཡོད་པས། ད་མགྱོགས་ཙམ་ཤོག་མ་གཏོགས་རྙོག་ཉོས་ཡོང་། ག་རེ། མཚོ་མོ་སྒུག་བསྡད་ཡོད་ཨས། མོ་གཡུག་ཞོག གོ་ཡག་བྱས་ན་མོའི་མ་གིར་མེ་ཏོག་འདུག་ཟེར་གྱིས ཁ་སང་བསོད་ནམས་ཁོས་མོ་ལ་སྟེར་ནས་དེང་སང་ཁོ་སྨན་ལྤག་ཟ་ཟ་བཟའ་གི་འདུག ཆོ་ཁོ་ར་མིན་འདུག་ཟེར་གྱིས། བྱས་ཙང་ཁྱོད་ར་ཚོད་བྱེད་མ་གཏོགས་པོ་ཏོག་གཏུབ་དགོས་ཁྱེར་ཡོང་། ཁ་ས་ཁྱོད་རས་ཁྲིད་ཡོང་བའི་ཞི་མི་དེ་ཆོ་ཁོ་ར་མིན་འདུག…
དེ་ལས་མང་བ་། “དུས་རབས་ཉེར་གཅིག་གི་བོད་སྐད། སྐད་སྒྱུར་ཞིག་གནང་རོགས།” »
བདེ་ཆེན་སྒྲོལ་མ།
ཁ་བ་བབས་རྗེས་ཀྱི་ཞོགས་པ།
ཁྱོད་རང་སྔ་མོར་ལངས་ནས།
ཁྱོད་ཀྱི་སྒོ་འགྲམ་དང་མཐའ་བསྐོར་ལ་གཟིགས་དང༌།
རྐང་རྗེས་གྲངས་མེད་ཞིག་དཔར་ནས་ཡོད་པ།
ངས་ཁྱོད་ལ་སྒུག་པའི་སེམས་པ་རྣམ་དག་ཡིན།
བོང་སྟག་རི་ལུ།
ཨེ་ཐོབ་བསམ་པའི་ནོར་བུ་གཞན་ལ་ཤོར་ཐལ།།
མི་ཐོབ་བསམ་པའི་སྡུག་བསྔལ་མགོ་ལ་ལྷུང་ཐལ།།
ལས་དེ་བསམ་སར་མི་འགྲོ་གསེག་སར་འགྲོ་བས།།
དོ་ནུབ་ཡ་ཆུང་སེམས་པ་སྡུག་གིས་ཁེངས་ཐལ།།
དེ་ལས་མང་བ་། “མཁན་པོ་འཇིགས་མེད་ཕུན་ཚོགས་ཚང་དྲན་པ། ༼བོད་འབྱོར་རྩོམ་ཡིག༽” »
རྡ་ས། ཤཻས་རབ་སྒྲོལ་མས།
མཐོང་ན་མི་བདེ་ཞིང་མ་རིག་ན་དྲན་འཛིན་གྱི་རྒྱ་རུ་ཚུད་པའི་སྙིང་སྡུག་ཕྱོགས་སུ།
བཟོད་བསྲན་མི་ཐུབ་པའི་འདུ་ཤེས་ཁྱད་མཚར་བ་ཞིག་དྲག་ཏུ་འཕྱུར་དུས།
ཡོད་ཚད་མགོ་མཇུག་མེད་པར།
ཆེས་ཐོག་མར་རང་ཉིད་བོར་སོང༌།
ཆེས་མཐའ་མར་རང་ཉིད་ཕོངས་སོང༌།
རྒྱ་ནག་དམར་ཤོག་གི་འགོ་པ་ཚོ་སྡོད་སའི་ཕོ་བྲང་དེ་པེ་ཅིང་གི་དཀྱིལ་དེར་གནས། ཁང་པ་དེར་སྐུ་སྲུང་བ་མང་པོས་མཐའ་སྐོར་ནས་ཡོད། ཉིན་ལྟར་བོད་པའི་འབྲོག་པ་རྒན་པོ་ཞིག་གིས་དེའི་རྒྱལ་སྒོའི་ནང་འཛུལ་ཐབས་བྱེད། ཡིན་ནའི་སྐུ་སྲུང་བས་ཁོ་པ་བཀག་ནས་འདྲི་དོན།
གཡུ་དྲུག་དཀར།
ཚན་ཚན་རིག་པའི་ཡར་འཕེལ་གྱི་མཐོ་རླབས་བླ་རུ་འཕར་བའི་དུས་རབས་ཉེར་གཅིག་པའི་ས་སྒང་ཧྲིལ་བོ་འདིའི་སྟེང་ངོ་མཚར་བའི་ལྟད་མོ་གཞན་ཞིག་མཐོང་རྒྱུ་ཡོད་པ་ནི། བོད་མི་ཚོའི་བྲང་ཁོག་ལྷན་སྐྱེས་ཀྱི་འཆི་ཕོད་སྙིང་སྟོབས་ཤིག་གིས་ཁེངས་ཡོད་པ་འདི་རེད།
ལྷ་ལུང་རྒྱལ།
ཕྲག་དོག་གདོན་གྱི་བྱེད་བབ་ནག་པོའི།།
རྣོ་དབལ་སྤུ་གྲིས་སྙིང་གི་གླང་པོ།།
ཁྲག་ཏུ་བརྫུས་ཀྱང་ཤེས་རབ་སྣ་ཞགས།།
རིང་བར་བརྐྱངས་པ་འགོག་ཐབས་ཨེ་ཡོད།།