ལྷ་ལུང་རྒྱལ།
ཕྲག་དོག་གདོན་གྱི་བྱེད་བབ་ནག་པོའི།།
རྣོ་དབལ་སྤུ་གྲིས་སྙིང་གི་གླང་པོ།།
ཁྲག་ཏུ་བརྫུས་ཀྱང་ཤེས་རབ་སྣ་ཞགས།།
རིང་བར་བརྐྱངས་པ་འགོག་ཐབས་ཨེ་ཡོད།།
གྲོགས་ལ་སྤྲིངས་པའི་འཕྲིན།
རྡོར་དབང༌།
ཤེས་རབ་མེ་ཡིས་མུན་པའི་ནགས།།
སྲེག་པར་སྤྲོ་ན་མཐོང་ཐོས་ཀྱི།།
ནོམ་པ་གསོག་པར་བྲེལ་སྟབས་ཀྱིས།།
འཇུག་ལ་ཕྱི་བཤོལ་དུས་ཀྱིས་གཏུགས།།
དུས་དང་བསྐལ་བའི་བར་དག་ཅི།།
ཉིན་དང་ཟླ་བས་ཟུངས་འཛད་དེ།།
འཆི་ལམ་སྙེགས་པའི་གད་སྙིགས་ཚོགས།།
གཅེས་པར་མ་འཛིན་རིགས་ཀྱི་བུ།།
བོད་མིའི་སྙིང་སྟོབས།
ཆུ་སྐྱེས་སྒྲོལ་མས།
གཅིག་རྒྱབ་གཉིས་ལངས་ཀྱི་ལས་འགུལ།།
བོད་ས་ཡོངས་རྫོགས་ལ་ཁྱབ་བྱུང༌།།
བརྒྱ་བསད་སྟོང་ལངས་ཀྱི་མེ་ལྕེ།།
བོད་མིའི་སེམས་ཁོང་ནས་འབར་བྱུང༌།།
ལྷད་མེད་པའི་སེམས།
ཆོས་རྫོང་བསྟན་པ།
ཁྱོད་རང་བཞུད་རྗེས་ཀྱི་ལོ་ཟླ་ནི།
གཙང་ངོགས་ཀྱི་གཏམ་རྒྱུད་ཐན་ཐུན་ཞིག་གམ།
ཡང་ན། སྟེས་དབང་གིས་འཕྲད་པའི་ལམ་མདོའི་མགྲོན་པོ་བཞིན་
བརྗེད་སླ་བ་ཞིག་ཡིན་ན་ཅི་མ་རུང།
འཕྲིན་ལམ་ནས་མཇལ་བའི་སེམས་པ།
ཆུ་སྐྱེས་སྒྲོལ་མས།
ལེའུ་དང་པོ། གཅུང་པོར་བསྐུར་བའི་སྙིང་གཏམ།
ཞོགས་པའི་མཁའ་རླུང་གཙང་ཞིང་བསིལ་ལ། བྱེའུ་ཆུང་འཇོལ་མོས་སྐད་སྙན་བར་མེད་སྒྲོག་བཞིན། ལྗོན་པའི་གསེབ་དང་ཨ་སྔོན་གྱི་དབྱིངས་ལ་རང་དབང་གིས་འཕུར་ལྡིང་བྱེད་དུས། ཞི་བདེའི་གྲིབ་ངོགས་ན་ཞི་བསིལ་འོད་སྣང་གིས་འཚོ་བའི་རང་དབང་ལ་བཙན་འཛུན་གྱི་མུན་པ་བསྟིབས་ནས་གཞིས་བྱེས་གཉིས་སུ་གྱེས་པ་དང༌། དེ་བཞིན་བྱེས་ནས་གཞིས་དང་གཞིས་ནས་བྱེས་ཀྱི་དྲན་གདུང་གི་སྡུག་བསྔལ་འདི། རང་དབང་གི་འོད་སྣང་ཡུག་གཅིག་གིས་ཁྱབ་པར་གྱུར་ན་ཅི་མ་རུང་གི་འདུན་པ་ཤུགས་དྲག་སྐྱེས་བྱུང་བས་རྐྱེན་བྱས་ཏེ། རང་དབང་གི་གཞིས་ཁྱིམ་གཡར་པོ་འདི་དང་མུན་གླིང་དུ་འཚོ་བའི་རང་ཡུལ་དང་སྤུན་ཟླ་རྣམས་ཡིད་ཀྱི་མེ་ལོང་ངོས་སུ་འཆར་བ་གཉིས་བསྡུར་ཏེ། རང་སེམས་ཀྱི་སྐྱོ་གདུང་སངས་ཆེད་མཁའ་དབྱིངས་ན་འཚེར་བའི་ཁུ་བྱུག་སྔོན་མོ་ཕོ་ཉ་ལ་བཀུག་ནས་རང་གི་གཅུང་པོར་སྙན་ཚིག་གིས་བཏུམས་པའི་སེམས་འཕྲིན་འདི་འབྲི་འགོ་བཙུགས་པ་ཡིན།
ཁ་ཆེམས།
ཚེ་རིང་ལྷ་མོ།
དམར་པོ་ཁྲག་གི་དཀྱིལ་ནས།།
གངས་སེང་རྒྱལ་དར་བསྒྲེངས་བྱུང༌།།
མེ་མདའི་ལྡིར་སྒྲའི་འཕྲོད་ནས།།
རྣམ་ཤེས་ལུས་དང་བྲལ་སོང༌།།
སྤུན་ཟླ་ཚོ། བོད་པ་ཚོ། ཡར་ལ་ལོངས་ཤོག
གང་ལ་བུད་སོང༌།༼འདས་ཟིན་པའི་ཚ་བོ་ལ་ཕུལ་བ།༽
ལྷ་ལུང་རྒྱལ།
སྒུག་ཀྱང་ཞལ་རས་མིག་གིས་མ་མཐོང༌།།
ཉན་བསམ་སྐད་ངག་རྣ་བས་མ་གོ།
ཚེ་འདིར་ཐུག་རྒྱུའི་གོ་སྐབས་མ་བྱུང༌།།
དངངས་ཤིང་སྐྲག་བཞིན་གང་ལ་བུད་སོང༌།།
དར་དམར་འོག་གི་བོད།
པདྨ་ཚེ་དབང་ཤཱསྟྲིས།
༡། དར་དམར་འོག་གི་བོད།
དུས་ངན་ས་ཁྱིའི་ལོ་ལ།།
གངས་ཕྲུག་རྩེད་མོར་གཡེངས་སྐབས།།
འབྲུག་གིས་དུག་མདའ་འཕངས་པས།།
སྙིང་ལ་གཅོང་ནད་བཟོས་སོང༌།།
གལ་སྲིད་ང་ལ་རྨི་ལམ་ཞིག་ཡོད་ན།
དགེ་འདུན་རབ་གསལ་གྱིས།
དེ་རིང་གཟའ་ཟླ་བ་རེད། ང་ལ་ལས་ཀ་མེད། གང་ཡིན་ཟེར་ན། དེ་རིང་ནི་ཨ་རིའི་འགྲོ་བ་མིའི་ཐོབ་ཐང་རྩོད་ལེན་པ་མྰར་ཋིན་ལུ་ཐར་ཀིང་གི་ཉིན་མོ་རེད་ལ། དེའི་རྐྱེན་གྱིས་གཞུང་འབྲེལ་ལས་ཁུངས་མང་པོ་གུང་གསེང་རེད། ང་ལ་ཡང་གུང་གསེང་དེ་ཐོབ་པ་རེད། མི་ཚོས་ཌོཀ་ཊར་ཀིང་གི་སྐུ་ཚེའི་མཛད་རྗེས་ལ་དྲན་གསོ་བྱེད། ངས་ཀྱང་རང་གི་མི་ཚེ་ལ་དྲན་གསོ་བྱས། ཁོང་གི་མཛད་རྗེས་དེ་ནི་ཨ་རིའི་ནང་གི་མི་རིགས་ནག་པོ་ཚོར་མི་རིགས་དཀར་པོ་དང་འདྲ་མཉམ་གྱི་ཐོབ་ཐང་ཡོང་བར་མཛད་པ་དེ་རེད། ཁོང་གིས་དེའི་ཐད་ཀྱི་གསུང་བཤད་གྲགས་ཅན་ཞིག་ནི། ང་ལ་རྨི་ལམ་ཞིག་ཡོད། ཅེས་པ་དེ་རེད