ཁྲོ་གཏུམ།
སྙན་ངག་གིས་བྱང་ལམ་གཅད་དེ
མདུན་རི་དག་གི་ཕར་རྒྱབ་ནས་ཕར་རྒྱབ་ལ་འགྲོ་དགོས
གནས་དེ་ན
ས་དེ་ན་
ཆེས་མཐོང་འདོད་པའི་བདུད་བརྩི་ཡོད
ཤིན་ཏུ་ཉན་འདོད་པའི་དབྱངས་འགྲོས་ཡོད
བོད་ཀྱི་ལས་དབང་།
བསྟན་དར།
ཀྱེ་མ། བོད་ཀྱི་ལས་དབང་།
རླུང་རྟ་མེད་པའི་དར་ཅོག
དྲི་བཟང་མེད་པའི་བདུག་སྤོས།
པད་མ་མེད་པའི་ཆུ་མཚོ།
སྐུ་པར་འགོག་པའི་གདུལ་ཞིང།
སྐུ་བརྙན་བཅོམ་པའི་ལྷ་ཁང་།
དགེ་འདུན་འབྱིན་པའི་དགོན་པ།
མ་བུ་འབྲལ་བའི་ཡུལ་གྲོང་།
༼ཉི་མ་ལྷ་ས་དྲན་གི༽
ཐེ་བོ་སངས་རྒྱས།
ཉི་ཟླ་སྐར་གསུམ་ལྷ་རུ་བཀུར་ཅིང་།།
འཛམ་གླིང་སུམ་ཉིས་ས་ལ་སྤྱོད་པའི།།
བཙན་པོའི་བཀའ་ཆེམས་རྡོ་ལ་བརྐོས་ཤིང་།།
གཙུག་ལག་ཁང་བཟང་འཕྲུལ་གྱིས་བཞེངས་སོ།།
ཕོ་བྲང་དམར་པོར་ཉི་རྩེ་ཕོག་དུས།།
ལྷ་ཁང་ཕུག་གི་མར་མེའི་འོད་ཀྱིས།།
རྩིག་ངོས་ལྷ་སྒྲུང་རི་མོ་གསལ་བ།།
ཇོ་བོར་ཞུས་པའི་རྨོ་མོའི་འདོད་གསོལ།།
ཡེ་ཤེས་རང་སྣང་གི་གངས་རི་དཀར་པོ།
ཤེད་བུ།
ལྟ་གྲུབ་རིག་པ་སྟོང་ཕྲག་གི་བསྒྲུབ་བྱ་གཞན་ལ་བརྩེ་བ་དང་། །
གཞན་ལ་བརྩེ་བའི་རིགས་ལམ་གྱི་རྒྱལ་བོ་བརྟེན་ནས་འབྱུང་བ་གཉིས། །
རིགས་པའི་རྣམ་གྲངས་མཐའ་ཡས་པའི་སྒོ་ནས་སྟོན་པར་དབང་ཐོབ་པ། །
ཡེ་ཤེས་རང་སྣང་གི་གངས་རི་དཀར་པོ་ཞིག་ཡིད་ལ་འཁོར་སོང་། །
རི་མགོ་ཁ་བས་གཡོག་ཐེངས་རེར་དུང་མདོག་གི་སྨིན་མའི་འོག་ནས། །
གང་ཞིག་ལ་རྒྱང་གཟིགས་གནང་ཞིང་ཅི་ཞིག་ལ་ཐུགས་གཡེང་གནང་ཡོད། །
རང་ངོ་མི་ཟིན་པའི་ནོར་ནག་སྟོང་གི་རིགས་ཀྱི་བདག་པོ་ཀྱེ། །
བདེན་པ་འཚོ་བའི་སངས་རྒྱས་ཀྱི་ཚོ་བ་ཞིག་ཇག་པས་བཟུང་སོང་། །
དགུན་ཟླ།
ཐེ་བོ་སངས་རྒྱས། ཁྲུང་ཁྲུང་ལྷོ་རུ་འཕུར་རྗེས།།གཤོག་སྒྲོ་རྐང་གཅིག་ཟེགས་འདུག།གཤོག་སྒྲོའི་རི་མོའི་ནང་དུ།།འདས་པའི་གཏམ་རྒྱུད་གསལ་འདུག།མཚེའུ་དར་གྱིས་བསྡམས་པས།།སེམས་པ་འཁྱགས་ལ་འབྱར་སོང་།།འཇག་མའི་སྐྱོ་གླུར་ཉན་གྱིན།།དཔྱིད་ཀ་ཡོང་ངམ་སྙམ་ཡོོད།།
རྣམ་ཤེས་ཀྱི་འོ་དོད།
གཡུ་སྒང་དགེ་འདུན།
དུག་ནད་སྒྱུ་མས་སྤྲུལ་འགྱུར་སྣ་ཚོགས་བསྟན།།
བཞི་བརྒྱ་རྩ་བཞིའི་ནད་ཀུན་བདག་ཏུ་བཟུང་།།
འཇིག་རྟེན་འདི་རུ་ནད་ཀྱི་རྒྱལ་པོ་ནི།།
ཡིན་པར་རློམ་སྟེ་ས་ཆེན་ཧམ་པས་མནན།།
གོས་སྔོན་སྲིན་པོས་བཟོས་པའི་དུག་ནད་ཀྱིས།།
ས་ཆེན་སྡུག་གི་མེ་མུར་བསྐྱིལ་བ་ན།།
རྣམ་ཤེས་གྲངས་མེད་ངུས་པའི་འོ་དོད་དེར།།
འཛམ་གླིང་ས་སྐྱོང་དག་ཀྱང་བཤོལ་ལ་ལྟོས།།
ཉིན་ཐོ་རྐང་ཆག་མ།
ཆང་སྐྱེས།
ཉི་མ་ལ་མོ་བརྒལ་ཏེ་རི་ལ་ནུབ།།
བྱ་ཁྱུའི་གཤོག་འགྱུར་བདེ་མོ་ཐང་ནས་ཡལ།།
མུན་པ་རྫ་ལ་འཐིབས་ཏེ་ས་ལ་ལྷུང་།།
ཟུར་གསུམ་སྙིང་གི་འཕར་ལྡིང་ལག་པས་སྐྱོར།།
མཚམས་སྤྲིན་དམར་པོའི་མཛེས་སྡུག་ཡུན་གྱིས་རྒུད།།
འཁོར་ཡུག་རི་བོ་ཕལ་ཆེར་གཉིད་དུ་ཡེར།།
ཟླ་བ་ཁེར་འགྲོ་མཚན་མོའི་མཁའ་ན་འདུར།།
ས་མཐའི་འཁྱམ་པོ་ཨ་རག་ཆང་གིས་བཟི།།
ངའི་ཕ་ཡུལ་ལ་ལྟ་བ།
ཁྲོ་གཏུམ།
ཞི་བདེ་རྒྱ་མཚོའི་རླབས་རིས་མིག་མདུན་དུ་རྩེན
མཚོ་དེའི་ཕ་རོལ་ང་ཡི་ལྟེ་ཁྲག་འཕོ་ས་ཡིན་པར་ཤེས་ནས་ཡོད་ཀྱང
རྒྱང་ཤེལ་ཇི་འདྲ་ཡག་རུང་རང་ཡུལ་མཐོང་བའི་རྒྱང་མིག་གཅོད་ཐུབ་བྲལ
སེམས་དང་བསམ་པ་ཞིག་གིས་ཕ་ཡུལ་ཕྱོགས་སུ་ལྟ་ཁུལ་བྱས་པ་འདི་ཡང་སེམས་བདེ་བག་ཕེབས་ཤིག
བོད་ལ་མང་།
རྒྱ་སྟོན་བུ་དར་རྒྱས།
དུས་རབས་ད་ལྟའི་རྣམ་འདྲེན་སྟོན་པ་འམ།།
ཤཱཀྱའི་ཡོན་ཏན་མངའ་བའི་བདག་ཉིད་མཆོག།
རྒ་བའི་ཚེ་འདིར་དམོད་པ་འདེབས་ཕོད་པའི།།
བསྟན་དགྲའི་ལྟ་བ་ཅན་ནི་བོད་ལ་མང་།།
༄༅ །།བསྟོད་པ་བདེན་གཏམ་དྲང་སྲོང་དགྱེས་པའི་རོལ་དབྱངས།
༧ཐེག་པ་མཆོག་གི་དགེ་བའི་བཤེས་གཉེན་ཆེན་པོ་གནས་བརྟན་སྡེ་སྣོད་འཛིན་པ་བདག་གི་མཁན་པོ་རིན་པོ་ཆེ་ཀུན་སྤངས་སེམས་དཔའ་ཆེན་པོ་༧ དགེ་འདུན་ཆོས་འཕེལ་༼ཡོངས་གྲགས་ལ་མཇའ་མོ་ཨ་ཁུ་ཚང་༽མཆོག་ལ་རྗེས་དྲན་དུ་ཕུལ་བ།
རོང་བོའི་དགེ་བཤེས་བློ་བཟང་ཆོས་གྲགས།
དགེ་བཅུ་བསླབ་གསུམ་བྱང་སེམས་ཕྱིན་དྲུག་སྤྱོད།།
འདུན་ལྡན་སྐྱེས་བུ་གསུམ་གྱི་ལམ་སྲོལ་མཆོག །
ཆོས་འདུལ་ཇི་བཞིན་སྟོན་དང་སྒྲུབ་མཁས་པ།།
འཕེལ་འགྲིབ་ཡོངས་བྲལ་སྨྲ་བའི་ཟླ་བར་འདུད།།
དེ་ལས་མང་བ་། “༄༅ །།བསྟོད་པ་བདེན་གཏམ་དྲང་སྲོང་དགྱེས་པའི་རོལ་དབྱངས།” »
རེབ་གོང་གི་བླ་རྒན་ཞིག་གི་དགེ་ཕྲུག་ཤར་ཙོང་ཁ་བ།
ནམ་མཁའ།
ལོ་ངོ་དྲུག་བརྒྱའི་དུས་ཀྱི་སྔ་རོལ་དུ།།
མདོ་ཁམས་གཡར་མོ་ཐང་གི་ཡུལ་ལྗོངས་ཀྱི།
ཙོང་ཆུ་སྔོན་མོའི་འགྲམ་གྱི་སྦྲ་ཁྱིམ་རུ།།
རིག་པའི་ཁྱེའུ་འཁྲུངས་པ་དེ་ལ་འདུད།།
དེ་ལས་མང་བ་། “རེབ་གོང་གི་བླ་རྒན་ཞིག་གི་དགེ་ཕྲུག་ཤར་ཙོང་ཁ་བ།” »
ཡེ་ཤུའི་སྐྱེས་མཆོག་ཌེ་སི་མོན་ཋུ་ཋུ་སྐུ་གཤེགས་པར་མྱ་ངན་ཞུ་ཚིག
རླུང་དམར།
མུན་པ་དང་མུན་པའི་བར་ཐག་ལ་ཚད་གཞི་འཇལ་བའི་ཉི་གདུགས་ཀྱི་སྒོ་ཆེན་པོ
རང་དབང་དང་བཙན་ཤེད་ཀྱི་ཤ་ལུས་ལ་བདེ་སྐྱིད་ཀྱི་འདྲ་མཉམ་བརྩིགས་པའི་ནམ་མཁའི་ཕོ་བྲང
འཇིག་རྟེན་དཀར་ངོགས་འདིར་ཞི་བདེའི་ངོ་གདོང་ལ་བསུས་པའི་ཡེ་ཤུའི་ལྷ་ཆེན་པོ
མཛད་དཔྱོད་ཀྱི་བྱམས་བརྩེ ཐུགས་མཛངས་ཀྱི་སྙིང་རྗེ བྱམས་སྐྱོང་གི་ཆོས་དཔོན
ཁྱེད་རང་སྐུ་གཤེགས་པར་གདུང་ཚོར་དྲག་པོས་མིག་ཆུ་ཆར་བཞིན་ལྷུང
ཁ་བ་ཉི་མས་བསྐམས བྲག་ནགས་སྤྲིན་རླུང་གིས་གཡོགས
ཞི་བདེའི་དབུ་འདྲེན་པ་སྐྱེས་བུ་ཁྱེད་འཁོར་བ་འདི་ནས་གཏན་གཤེགས་གནང་ཡོད་ནའང
ཁྱེད་ཀྱི་མཛད་རྗེས་ཀྱི་འོད་གཏེར་འཇིག་རྟེན་འདིའི་དབུ་ན་རྒུད་མེད་ཀྱི་ཉི་མ་ཤར་ཡོད
དེ་ལས་མང་བ་། “ཡེ་ཤུའི་སྐྱེས་མཆོག་ཌེ་སི་མོན་ཋུ་ཋུ་སྐུ་གཤེགས་པར་མྱ་ངན་ཞུ་ཚིག” »
༄༅། །ཀ་བཤད་བསླབ་བྱ་གདམས་པ།
གཞུང་པ་ཚེ་དབང་བསོད་ནམས་།
ཀ་ཁ་སྤྱི་བོར་བཀུར་ནས་ཀ་བཤད་བྲིས།།
ཁ་སྐད་བོད་སྐད་རྒྱབ་ནས་ཀ་བཤད་སྤེལ།།
ག་པར་གནས་ཀྱང་བོད་སྐད་བོད་ཡིག་ཟབ།།
ང་ཚོའི་སྐད་ཡིག་ང་ཚོའི་བདག་པོ་རྒྱོབ།།
བར་ཆད།
ཆང་སྐྱེས།
སྒོ་ཤེར་ལགས་ལ་ལོ་བཅུའི་ཁྲིམས་ཐག་བཅད་པའི་གཏམ་ངན་ཐོས་རྗེས་སྐྱོ་སེམས་དང་བཅས།
རང་གི་རིགས་ལ་ཕན་དང་བདེ་བའི་ལས།།
ཧུར་གྱིས་བརྩོན་པའི་དཔའ་མཛངས་རྟུལ་ཕོད་ཅན།།
མི་གཙང་ཁ་དབུགས་རུལ་བའི་འཁོར་ཡུག་ན།།
སྐུ་ངལ་ཡང་ཡང་མྱངས་སོང་ཨ་མའི་བུ།།
སྨུག་པོ་གདོང་དམར་ཅན་གྱི་མི་རིགས་འདིའི།།
བྱུ་རུའི་ལྗོན་པ།
གཡུ་སྒང་དགེ་འདུན།
༡༽རྒྱལ་བསྟན་སྲོག་གི་ཀ་ཆེན་འདེགས་མཁས་པའི།།
ལེགས་བཤད་ཉིང་བཅུད་འཛིན་པའི་དེད་དཔོན་དེས།
དུས་མིན་འཚུབ་ལོང་རྒྱ་མཚོའི་སྙིགས་མཐའ་རུ།།
འགྲོ་རྣམས་ཞི་བདེས་བསྐྱངས་ལ་གུས་པས་བསྟོད།།
༢༽ཆོས་སྲིད་ཟུང་གི་རྒྱུད་མང་དཀྲོལ་བ་ན།།
སྐལ་ལྡན་གདུལ་བྱའི་དགའ་སྤྲོའི་ཐལ་སྒྲ་ཡིས།།
སྟོང་གསུམ་གཡོ་བར་བྱེད་པའི་ངང་ཚུལ་ལ།།
དད་པའི་སྤུ་ལོང་མི་ལྡང་སུ་ཞིག་མཆིས།།
བཀྲིན་བསམ་མ
འཇིགས་དབང་།
༄༅།། ལྷ་མོ་དོན་གྲུབ་མདོ་སྨད་ཡུལ་ནས་འཁྲུངས།།
བསྟན་འཛིན་རྒྱ་མཚོ་ལྷ་སའི་གསེར་ཁྲིར་བསྐོས།།
ཏཱ་ལའི་བླ་མར་ཞི་བདེའི་གཟེངས་རྟགས་ཕུལ།།
ནང་པ་ཡོངས་ཀྱི་རྩ་བའི་བླ་མར་བཀུར།།
འཛམ་གླིང་ཡོངས་ཀྱི་བཀའ་སློབ་ཞུ་ཡུལ་ཆགས།།
གསེར་སེར་པོའི་ཉི་མ་ཤར་འདྲ་བོ།།
རྗེ་བླ་མ་ཡིད་བཞིན་ནོར་བུ་རེད།།
ཁོང་བྱམས་བརྩེ་ནམ་མཁའི་མཐའ་ལས་ཡངས།།
ཀ་བཤད་བཀའ་བློན་གསུམ་ལ་བྲིས།
གངས་ལྷ་མོ།
ཀ་བ་བུམ་པའི་གནད་ལ་སྦྱངས་མེད་ཀྱང་།
ཁ་བའི་རིགས་སུ་སྐྱེས་པའི་སྒྲོལ་མ་གསུམ།
ག་ས་གང་ལ་དོན་གཉེར་སྒྲོལ་མ་གསུམ།
ང་ཡི་སྐད་བསྐུར་ཚིག་གསུམ་ཚུར་ལ་ཉོན།
ཁྲིག་ཁྲིག་མི་འདུག
རྐ་སྲས།
ཞེ་རྩ་དུང་བས་དྲོས་བའི་སློབ་རྭ་འདི་ནས།།
བཅུ་ཕྲག་རིག་པའི་མེ་ཏོག་འཐུ་བའི་ཤོར་ལ།།
སྙིང་ལ་རི་མོ་འབྲི་བའི་རི་དྭགས་མིག་ཅན།།
འཁྱོག་དཀར་གཞུ་ལ་ཁུག་ན་ཁྲིག་ཁྲིག་མི་འདུག།
མ་འདྲིས་སྙིང་ལ་སྡུག་པའི་ལུས་ཕྲ་བུ་མོ།།
མི་ཚོགས་སྐོར་བྲོའི་དཀྱིལ་ཀྱི་ཟླ་བ་ལྷ་མོ།།
པ་ཅེ་*སྣང་བ་འཕྲུལ་བའི་སྨུག་རྒྱུ་མིན་ན།།
ང་ལ་འཛུམ་ཙམ་བྱས་ན་ཁྲིག་ཁྲིག་མི་འདུག།
འཐེན་ཐུག་ཁ་ཚ་མ།
ཆང་སྐྱེས།
དམངས་དོན་དར་ཆ་སྟོང་བའི་དབྱིངས་སུ་བསྒྲེངས་ཏེ།།
རང་དོན་བྱ་བ་མངོན་ལྐོག་གཉིས་ནས་སྒྲུབ་བཞིན།།
ཕན་དང་ཁེ་བཟང་མ་ལུས་བདག་གིར་སྤྱོད་པའི།།
སྡེ་ཆེན་དཔོན་པོ་ཚོ་ལ་གྱོད་ཅིག་རྒྱག་དགོས།།
མི་རིགས་སློབ་གསོ་བྱང་ཐང་རླུང་ལ་བསྐུར་ཏེ།།
ཀ་ཁའི་རིན་ཐང་ཨ་རག་ཆང་ལ་རྗེ་བཞིན།
ཇ་ཁང་ཤོ་ཁང་ནང་ན་བག་ལ་ཞ་བའི།།
དགེ་རྒན་འདི་འདྲའི་རིགས་དག་ས་མཐར་སྤྱུགས་དགོས།།
ཕ་མེས་སྐད་ཡིག་སྲུང་སྐྱོབས་སྐོར་ལ་ཕུལ་བའི་ཀ་བཤད་།
གཞུང་པ་ཚེ་དབང་བསོད་ནམས་།
ཀ་ཁ་ཕ་མེས་སྐད་ཡིག་བོད་མིའི་སྣང་ཆུང་མ་གནང་དང་།།
ཁ་སྐད་བོད་སྐད་གཙང་མ་བོད་མིའི་བེད་སྤྱོད་གནང་དང་།།
ག་པར་བསྡད་ཀྱང་རང་གིས་སྐད་ཡིག་མ་བརྗེད་གནང་དང་།།
ང་ཚོ་བོད་པ་ཡིན་པའི་ངོ་སྤྲོད་སྐད་ཡིག་རིག་གཞུང་ཙམ།།
དེ་ལས་མང་བ་། “ཕ་མེས་སྐད་ཡིག་སྲུང་སྐྱོབས་སྐོར་ལ་ཕུལ་བའི་ཀ་བཤད་།” »