རྒྱ་སྟོན་བུ་དར་རྒྱས།
མཁའ་དབྱིངས་སུ་སྤྲིན་ནག་ཐིབས་པས།
ཕུགས་འདུན་གྱི་ཁ་ཕྱོགས་མི་གསལ་བའི་དུས་སྐབས།
མི་སེམས་གུ་དོག་ལ་དྲང་བདེན་ངོ་མི་ཤེས།
་་་གུ་ཡངས་ནི་ཇི་ལྟར་ཡོང་།
དེ་བས་ན “བཟོད་སྒོམ” ནི་ཆོས་ཚིག་ཟབ་མོ།
“ལ་རྒྱ”་ནི་རྒྱན་ཚིག་ཉག་གཅིག
དོན་ལ་ནི་འཇིག་རྟེན་གྱི་ལྷིང་འཇགས་དཀྲོགས།
ལོག་སྤྱོད་པས་བཙན་ཐབས་བཟུང་།
ཁྲོ་གཏུམ།
དེ་རིང་། ལྷིང་འཇག་གི་མཚོ་མོ
རླབས་ཀྱི་འགྲམ་ལྕག་བྲལ
ཆུ་སྐྱུར་ཆ་ཀ་ཡང་ག་ཤེད་ཅིག་ཏུ་འཕུར
མཚོ་མོའི་ངོགས་སུ་ནམ་ཡང་ཅེར་མཁན
རྟག་བརྟན་གྱིས་གཟིགས་མཁན
མཚོ་མཐའི་ཁང་བརྩེགས་འདི་རིགས་ཡིན
ཁ་བ་མཚོ།
ཡང་བསྐྱར་གསོན་ན།
ཞང་ཡཱ་རེས་གཡུ་སྦྲ་དབྱངས་ཀྱིས་སྤུར་ཏེ།
རྗེ་བླ་མའི་བྱིན་རླབས་གླུ་ཡིས་ཞུས་ཏེ།
ཡུལ་ཕ་མའི་སྤྱན་ཟུང་འོད་དུ་འཚེར་བའི།
དྲིན་འཛུམ་དཀར་མེ་ཏོག་འདབ་བརྒྱ་དགོད་འདོད།
ཁྲོ་གཏུམ།
འབྲོག་ཐང་ནས་མེ་སྦར་མྱོང
སྔར་བཞིན་སྣང་བ་དགུང་སྔོན་གནམ་ཡིན
སེམས་པ་མེ་དང་གཅིག་ཡིན
རི་བོ་ལ་བྱིན་མྱོང
དེ་བཞིན་སྣང་བ་དབྱར་གཞུང་ཡིན
ཁ་བ་མཚོ།
ནམ་མཁའི་ལྷ་མོའི་གཞས་ཀྱི་དབྱངས་རྟ་དང་འགྲོགས་ནས།
ལམ་ལ་ཆས་དུས་ནང་ནས་ཆས་སྟངས་དང་འདྲ་བར།
ངའི་ཁང་ཆུང་གྲུ་བཞིའི་སྒེའུ་མིག་ལ་ཨ་མའི་མིག་ཟུང་ཕྱག་བརྡ་གཏོང་བ་འདྲ།
ཨོ་གླིང་། འདྲེ་གླེན་པ།
དྲན་གདུང་ཆེ་སྐབས་སྙན་ངག་འབྲི
སེམས་པ་མི་སྐྱིད་སྐབས་རོལ་མོ་དཀྲོལ
ཀླད་པར་མུན་པ་འཐིབས་སྐབས་རི་མོ་འབྲི
སྙན་ངག
དཔལ་འབྱོར་མ་རེད
ཚན་རིག་མ་རེད
ཆོས་ལུགས་ཀྱང་མ་རེད
འུ་གཉིས་གཅིག་པུའི་སེམས་ཁྲལ་ཐོལ་པ་རེད
ཨ་མཆོད་འཇམ་ཚུལ།
“འཚལ”་འདི་སྙན་ཚིག་འདི་ཡི་ཁ་ཡིག་མིན།
འདི་ནི་བསྟོད་ཚིག་ཅིག་གི་རྩོམ་ལུས་ཧྲིལ་པོ་ཡིན།
འདི་ནི་ཚེ་གཅིག་གི་འགྱོད་སེམས་དེ་གསོ་བའི་ཚིག་ཡིན།
འདི་ནི་ཚེ་གང་ལ་བསྟོད་ཚིག་ཅིག་མ་ཕུལད་པ་དེའི་དོད་པོ་ཡིན།
མགོ་བོ་སྔས་ཐོག་ལ་བཞག
ལག་པ་བྲང་ཐོག་ལ་བཀོད།
བསམ་བློ་མཛད་ཐོག་ལ་བསྡུས།
ཀླུ་སྨྱོན།
ཚེ་སྲོག་གྲངས་མེད་ཅིག་རྡོ་བ་ལས་སྐྱེས་རྗེས།
འཇིག་རྟེན་འདི་འཁོར་སྐྱོད་བྱེད་མཚམས་བཞག་སོང་།
སྲིན་བུ་མེ་འཁྱེར་རེ་ཟུང་མཚན་མོའི་མེལ་ཚེ་བར་གྱུར་ཅིང་།
དགོན་པའི་མཐོ་སར་ཆགས་པའི་གྲྭ་ཤག་ཅིག་གི་སྒེའུ་ཁུང་ལས།
ཞོགས་པ་སྔ་བོར་སྒྲོན་འོད་ཅིག་དྲ་མར་སྦྱར་བའི་ཤོག་དཀར་སྟེང་འཕྲོས་སོང་།
བླ་མ་དེ་གསོ་རིག་སྨན་པ་ཞིག་མིན་ཡང་།
ཁོང་གི་གཟིམ་ཤག་ཧྲིལ་བོ་དྲི་བཟང་གིས་ཁྱབ་ཡོད།
དགོན་ཆེན་ཚོ་ཡང་མུན་ནག་གི་ཀློང་ཆེན་པོར་སྔུར་བ་འཐེན་བཞིན་གཉིད་དུ་ཡུར།
ཁྲོ་གཏུམ།
འཛམ་གླིང་གི་གང་སར་བཞད་མོས་བཀང་བའི་དུས་ནི
དེ་རིང་གི་ཉིན་མོ་སྟེ
ས་སྟག་འཚེར་ནས་འཁྲུངས་པའི་སྐྱེས་བུ་ཞིག
དུས་རབས་ཀྱི་འཕེལ་རྒྱས་ཁྲོད་དུ་བཞད་པའི་འཛུམ་མདངས་དེ་ཉིད
དེ་རིང་གི་ཉི་བཟང་སྐར་བཟང་སྟེ
བོད་མཐོ་སྒང་ལ་ཞབས་རྗེ་བཀོད་མཁན་གྱི་སྐྱེས་བུ་ཞིག
དེ་ལས་མང་བ་། “འཛམ་གླིང་གི་ཡངས་རྩེ་རུ་བཞད་པའི་མེ་ཏོག་གངས་ལྟ།” »
ཆང་སྐྱེས།
རྒྱལ་བའི་འཁྲུངས་སྐར་ལ།
རྒྱལ་བ་རིན་པོ་ཆེ་ལགས
དེ་རིང་ནི་ཁྱེད་རང་དགུང་གྲངས་གྱ་དྲུག་ལ་སླེབས་པའི་བཀྲ་ཤིས་པའི་ཉིན་མོ་རེད
ཁྱེད་ཀྱི་འཁྲུངས་སྐར་ལ་བཀྲ་ཤིས་བདེ་ལེགས་གྲངས་མེད་ཞུ
རྒྱལ་བ་རིན་པོ་ཆེ་ལགས
ཁྱོད་ནི་བོད་མི་ས་ཡ་དྲུག་གི
དེ་ལས་མང་བ་། “རྒྱལ་བ་རིན་པོ་ཆེ་ཁྱེད་རང་ཡུན་རིང་དུ་བཞུགས་རོགས།” »
ཁ་བའི་རྣམ་ཤེས།
ཆེམ་ཆེམ་འཇའ་ཚོན་སྣ་ལྔའི་དབུས་སུ་རྫིག་རྫིག་དྲག་ཏུ་ཁྲོས་པའི་ཉམས།།
རྔམ་རྔམ་མི་ཤིགས་རྡོ་རྗེའི་སྡིགས་མཛུབ་ཞུམ་ཞུམ་འབྱུང་པོའི་གཤེད་དུ་སྤྲོས།།
བསིལ་བསིལ་ཁ་བའི་ལྗོངས་སུ་ཕེབས་ཏེ་ནག་ནག་བདུད་སྡེ་ཆབ་ལ་ཕབ།།
དུང་དུང་དད་པས་གསོལ་བ་འདེབས་སོ་སྣང་སྲིད་ཟིལ་གནོན་དེང་འདིར་དགོངས།།
མཐའ་དབུས་ཚད་ཀྱིས་གཞལ་བར་མི་ནུས་སྟོང་སང་ནམ་མཁའི་དཀྱིལ་འཁོར་དུ།།
འོག་གཞི་ལས་རླུང་འཕྲུལ་གྱི་འཁོར་ལོས་འགྱུར་མེད་རྡོ་རྗེའི་ཁམས་སུ་བསྐྲུན།།
རིན་ཆེན་འབྱུང་གནས་བསྲུབས་ལས་སྐྱེས་པའི་རི་རབ་གླིང་བཞི་ཉི་ཟླ་བཅས།།
སོ་རུ་ཚེ་རིང་།
ཤར་གྱི་སྐྱ་རེངས་དང་པོའི་ཐུན་མཚམས་ངོགས།།
ཐུགས་སྨོན་ལས་ཀྱི་ཆར་ཟིམ་བབས་པའི་མོད།།
ཨ་ཀ་མ་ཞེས་འབྲུ་དོན་གསལ་བའི་དབྱངས།།
ཨེ་མ་ཙོང་ཁའི་དཔལ་དུ་མངོན་བཞད་དེ།།
གཟུགས་སྐུ་གསེར་གྱི་ཉི་མའི་བྱིན་རླབས་འོད།།
དབུས་འགྱུར་ཞིང་གི་རི་བོ་གྲུ་འཛིན་རྩེར།།
ཕོག་པས་གངས་ལྗོངས་མུན་པའི་འཇིག་རྟེན་གྱི།།
གཞུང་པ་ཚེ་དབང་བསོད་ནམས་།
༄༅།། ཀེ་ལ་ཤ་དང་གངས་དཀར་ཏི་སེ་ཆུ་ཤེལ་གངས་ཅན་མགོན་པོར་འདུད།།
ཁ་བས་གཡོགས་པའི་མདོ་སྨད་སྐུ་འབུམ་སྟག་འཚེར་ཡུལ་དུ་གཟུགས་སྐུ་བལྟམས།།
ག་ས་ག་ལ་ཁྱེད་ཀྱིས་འཁྲུངས་སྐར་བསུ་བའི་ཉི་མ་འབུམ་དུ་མངར།།
ང་ཚོ་བོད་རིགས་འཚོ་བའི་རྒྱབ་བསྟེན་མགོན་པོ་གང་གིས་སྐུ་ཚེར་རག །
ཅ་ཅོ་མང་བའི་དུས་ངན་སྙིགས་མར་ཕྱི་དང་ནང་གི་འགལ་རྐྱེན་མང་།།
ཆ་མེད་ཡུལ་དུ་ཁྱེད་ཀྱིས་ལམ་སྟོན་མང་གཙོ་ཁྲིམས་ཀྱིས་དབང་བསྒྱུར་བཙུགས།།
ཇ་ཆང་ལོངས་སྤྱོད་བདེ་སྐྱིད་འཚོ་བ་རང་ཡུལ་ལས་ལྷག་ཁྱེད་ཀྱི་སྦྱིན།།
དེ་ལས་མང་བ་། “༸གོང་ས་མཆོག་དགུང་གྲངས་ ༨༦ ཐོག་ཕེབས་པའི་སྐུའི་འཁྲུངས་སྐར་ལ་ཕུལ་བའི་ཀ་བཤད།” »
ཨོ་གླིང་། འདྲེ་གླེན་པ།
ངོ་མི་ཤེས་ཀྱང་དྲྭ་ལམ་ནས་ཕན་ཚུན་གྲོགས་སུ་གྱུར་བའི་གྲོགས་པོ་སྙན་ངག་པ་མང་པོ་འཛམ་གླིང་གི་ས་ཕྱོགས་གང་སར་ཡོད། ང་ཚོས་རྒྱུན་སྙན་ངག་བྲིས། ནུབ་ཕྱོགས་ཀྱི་འཚོ་བ་དང་ཕ་ཡུལ། ཕུགས་བསམ། བརྩེ་དུང་། དགའ་སྐྱོ། རང་དབང་། ཆགས་སྡང་སོགས་འཛམ་གླིང་གི་ཟུར་ངོས་འདྲ་མིན་དང་སྦྱར་ཏེ་སྙན་ངག་བྲིས་པ་རྣམས་ང་ཚོས་ཕན་ཚུན་བཀླགས་པའི་བརྒྱུད་རིམ་ཁྲོད་
དེ་ལས་མང་བ་། “མཐའ་མེད་པའི་བརྩེ་དུང་དང་མཛའ་བརྩེ་བསྩལ་བར་བྱིན་རླབས་གནང་བྱུང་།” »
ཁྲོ་གཏུམ།
རླུང་བུ་གཡུགས་སྟངས་བརྗེས་པའི་ལམ་ཕྱོགས་སུ།།
ནད་ཀྱི་དམག་འཁྲུགས་འཐིབས་པའི་ཡོ་ལངས་སུ།།
ལས་དབང་སྐྱོ་བའི་མིག་ཆུའི་རླབས་ངོས་སུ།།
དྲན་པ་འགུལ་བའི་ལོ་མ་རླུང་ལ་སྤུར།།
རང་སྐད་ཉུང་ཉུང་གྲགས་པའི་ཁང་སྐད་ལ།།
གཞན་སྐད་བྲག་ཅར་འཁོར་བའི་སྒྲ་གཅིག་པུ།།
རྣ་བའི་བུ་ག་གཏོར་བའི་འོན་ལྐུག་ཅིག།
ཁྲོ་གཏུམ།
རི་གྲོང་ལ་ལུད་པའི་ན་བུན་དེ་དག
ལུག་ཁྱུ་དང་འགྲོགས
ནོར་ནག་དང་འགྲོགས
རྟ་མཆོག་དང་འགྲོགས
ལུག་རྫི་བུ་དང་བུ་མོ་རྣམས་སུ་འགྲོགས
རྫི་གླུའི་དབྱངས་འགྲོས་དང་འགྲོགས
ང་ན་བུན་ཁྲོད་དུ་ལྷག་མྱོང
ཆང་སྐྱེས།
ཀ་ཚང་གིས་སྒྲ་ལོག་རྐྱང་རྐྱང་བཤད།།
ཁ་ཚང་གིས་སྐོར་ལོག་ཏག་ཏག་ལས།།
ག་ཚང་གིས་རྙོག་གྲ་རྐྱང་རྐྱང་ལངས།།
ང་ཚང་གིས་ངོ་ཚ་རྒྱབ་ལ་གཡུགས།།
ཅ་ཚང་གིས་གྲུབ་མཐའི་ཁྱད་པར་གླེང་།།
ཆ་ཚང་གིས་ཆོལ་ཁའི་དབྱེ་མཚམས་ཕྱེས།།
ཇ་ཚང་གིས་ཕྱི་ནང་ཡང་ཡང་དཀྲུགས།།
སོ་རུ་ཚེ་རིང་།
ཁྲོ་ཞིང་ནག་པའི་མཁའ་དབྱིངས
གཡོ་ཞིང་འགུལ་བའི་ས་འཛིན
བརྗིད་ཅིང་འདར་བའི་ལྷུན་པོ
འཕྱོ་ཞིང་རྒྱུགས་པའི་གཙང་པོ
ཀྱེ་མ
དེ་ལས་ཀྱང་འཇིགས་སུ་རུང་བ་ནི
མིག་ཟུང་འབུམ་ཕྲག་གི་མདུན་ངོགས་ན
ལམ་ལམ་དུ་མཆེད་པའི་མེ་ལྕེ་རེད
ཁྲོ་གཏུམ།
ཤོག་བུ་གློའུ་ལྡིང་འགའ་ཀློག་ཞོར
བསམ་གཞིགས་ཀྱི་སྣེ་མོ་ནམ་མཁར་བཏེགས་པའི་སྐྱེས་བུ
མཐོང་རྒྱ་མཐེ་མོང་ཀེར་ས
ཐོས་རྒྱ་རང་སྟོད་བྱེད་ས
དེ་ལྟ་བུའི་གཡང་གཟར་ན་ལྷོད་ལ་བབས་པའི་ཕུག་འདུན་དག
རླུང་ཆེན་གཡུགས་སྟངས
དྲག་ཆར་འབབ་སྟངས་སུ
ནམ་ཡང་གར་འགྲོ་མེད་པའི་མཛོ་མོ་བལ་དཀར་ཞིག
གཡུ་སྒང་དགེ་འདུན།
རང་སྣང་དག་པ་ལྷ་ཡི་ཞིང་ཁམས་བཟུང་།།
རང་བྱས་སྡིག་ཉེས་དགེ་བའི་ལས་སུ་བསམ།།
རང་ངོའི་སྐྱོན་གྱི་གཡག་རོ་རེ་ལྡེས་བཀབ།།
རང་སྐྱོན་གཞན་ལ་གཡོག་པའི་འདྲེ་ཚོགས་བདོ།།
ལེགས་བྱས་ལོག་པར་ལྟ་བའི་སྲིན་བྱ་རྣམས།།
ཞེན་ཁོག་དུག་གིས་བཟི་བའི་སྤྱོད་ཚུལ་དེས།།
བདེན་དོན་རྡུལ་དུ་བརླག་པའི་བསམ་སྦྱོར་ལ།།