གཅན་ཡུ་མོ།
མེ་ལྕེ་ཁྲོད་ཀྱི་ཁྱེད།
ངས་དེ་རིང་གསང་ལམ་འདིའི་གྲུ་ཟུར་ཏུ།
ཁྱེད་ཀྱི་སྙིང་སྟོབས་ལ་ཡིད་སྤོབས་སྐྱེས་ཏེ།
དྲི་མེད་དྭངས་གཙང་གི་ཁ་བཏགས་ཞིག་ལག་ཏུ་བཟུང་བཞིན་ཁྱེད་ཉིད་ལ་སྒུག
དུས་རྒྱུན་ཟིང་ཟིང་བྱེད་པའི་མི་ཚོགས་དག
དེ་རིང་ཁུ་སིམ་མེར་ལམ་འགྲམ་དུ་ལྐོག་སུབ་སུབ་ཀྱི་མིག་ཆུ་འབྱིན་བཞིན་ཁྱེད་ལ་ལྟ།
མུ་ཏིག
༡
ཁ་བ་ལྷབ་ལྷབ་དུ་འབབ་པའི་ཞོགས་པ་དེར། ཁོང་གིས་རང་གི་རེ་སྙེག་ཐོད་ལ་བཟུང་ནས། གཅེས་སུ་རུང་བའི་ཕ་ཡུལ་དང་ཕ་མ། མཛའ་མོ་སོགས་ན་ཟུག་ཅིག་གི་མཆི་མར་བསྒྱུར་རྗེས། ཁེར་རྐྱང་དང་སྐྱོ་གདུང་གིས་ལམ་ལ་ཆས།
༢
“ཧུར་རེ། ཧུར་རེ།”་ཀི་ལྡིར་དང་ཅ་ཅོ་འདྲེས་མ་དེས་ཁོང་རང་གཉིད་ལས་བསླངས་སོང་།
“དོན་དག་ཅི་ཞིག་བྱུང་བ་ཡིན་ནམ།” ཁོང་གིས་སྒེའུ་ཁུང་གི་ཡོལ་བ་ཕར་དེད་ཙམ་བྱས་པ་ན། མིག་ལམ་ཧྲིལ་བོར་དཀར་བོངས་བོངས་བྱས་སོང་།
“ཡ་མཚན། ཁ་བ་འབབ་ཀྱིན་ཡོད་དམ།” སྒྱིད་ལུག་གིས་ཞོགས་ཉལ་ལ་དགའ་བའི་གོམས་གཤིས་དེའང་གཏིང་ནས་བརྗེད་སོང་། ངོ་གདོང་ཡང་མ་བཀྲུས་བར་ཕྱི་ལོགས་ལ་བུད་པ་ན། ཁ་བའི་འདབ་མ་ནི་དཀར་སོབ་སོབ་ཀྱིས་བར་སྣང་ནས་ལྡིང་སྐོར་རྒྱག་བཞིན་དུ་འབབ་ཀྱིན་འདུག རྒྱའི་སྙན་ངག་པ་ཞིག་གིས་བོད་ཡུལ་ནས་བྱེའུ་ཀླད་པ་ལྟ་བུའི་ཁ་བ་མཚམས་མི་ཆད་པར་འབབ་པར་བཤད་པའི་སྐད་ཆ་དེ་ཡིད་ལ་འཁོར་བ་དང་རང་ཉིད་ཕ་ཡུལ་ན་ཡོད་པ་དང་འདྲ་བའི་ཚོར་སྣང་དམིགས་བསལ་ཞིག་བྱུང་།
གཅན་ཡེ་རྒྱམ།
གསུམ་པ།
ལྷ་སྐྱིད་ཞོགས་པ་སྔ་བོ་ནས་ཡར་ལངས་ཏེ་གཟུགས་པོ་བཀྲུས་རྗེས་དོན་འགྲུབ་གཉིད་སད་པར་བསྒུག ཡིན་ནའང་དོན་འགྲུབ་མདང་དགོང་དཀའ་ལས་ཁག་པ་འམ་ཡང་ན་ཅི་ཞིག་གི་རྐྱེན་གྱིས་འདི་འདྲ་གཉིད་དུ་ཤོར་བ་མི་ཤེས་མོད། ཕར་ལྟོས་ཚོད་ལ་ད་དུང་གཉིད་སད་རྒྱུའི་རེ་བ་ཅུང་མེད་པ་འདྲ། ཆུ་ཚོད་བདུན། ཆུ་ཚོད་བརྒྱད་་་་་། ཉི་འོད་རི་རྩེ་ནས་བབས་ཏེ་མཐར་ཁང་བའི་ནང་དུ་བསླེབས། ཁང་ཆུང་གསལ་དུ་གསལ་དུ། ཆུ་ཚོད་བཅུ། ཆུ་ཚོད་བཅུ་གཅིག་་་མཐར་ལྷ་སྐྱིད་ཨུ་ཐུག་ནས་དོན་འགྲུབ་ཡར་ལོངས། ང་གྲོད་ཁོག་ལྟོག་གི་འདུག་ཟེར་བཞིན་ལག་པས་ཐུག་ཙམ་བྱས་པར། དོན་འགྲུབ་ཧོབ་སད་རྒྱབ་སྟེ་ཆུ་ཚོད་ག་ཚོད་རེད། ཆུ་ཚོད་ག་ཚོད་རེད་ཟེར་བཞིན་ལྷ་སྐྱིད་ཀྱི་གདོེང་ལ་ཅེར།
མུ་ཏིག་གིས།
༡
རྡོར་གདན་དུ་མི་ཚོགས་ཀྱི་འཚང་ཁ་ཆེ་རུ་ཕྱིན། ཆོས་ཞུ་མཁན་ནི་ཉིན་རེ་ནས་ཉིན་རེར་ཇེ་མང་རེད། ཨ་ཁུ་བསོད་ནམས་མི་ཚོགས་ཀྱི་འཚང་ཁ་ལས་བྱང་ཆུབ་མཆོད་རྟེན་ལ་སྐོར་བ་ག་ཚོད་བརྒྱབ་པ་ཁོ་རང་ལའང་གསལ་བོ་ཞིག་བཤད་རྒྱུ་མི་འདུག བྱང་ཆུབ་མཆོད་རྟེན་ནས་ཁོའི་སྡོད་ཁང་བར་དུ་རྣ་ལམ་དུ་ཡང་ཡང་གྲགས་ཡོང་བ་ནི།
“བག་ལེབ་གཟིགས།”
“ཚགས་པར་གཟིགས།”
“དེབ་གཟིགས།”
སྤྱི་ཚོགས་ནང་ཆེས་ཉམ་ཆུང་བའི་ཚོང་འབོད་དེ་ཚོ་རེད། བྱང་ཆུབ་ཤིང་གི་ལོ་འདབ་དག་ནི་དབང་ཞུ་མཁན་ཚོར་བསུ་མ་བྱེད་པ་དང་འདྲ་བར་གང་ནས་བལྟས་ནའང་ལྗང་ལོ་ལྷབ་ལྷུབ་ཏུ་གཡོ།
(དུས་ནི་མི་འགྱུར་མི་རྣམས་འགྱུར་བ་ཡིན།)
ཉི་མ་འཚོ།
“ཁྱེད་གཉིས་བཟའ་ཚང་ཡིན་པའི་དཔང་རྟགས་འདྲ་བསྟན་རྒྱུ་ཡོད་དམ།”
གཞུང་ཚབ་ཀྱི་ལས་བྱེད་དེའི་སྐད་ཆ་གོ་མ་ཐག བློ་བཟང་འཚབ་འཚུབ་ཏུ་གྱུར་བ་དང་ཟུར་མིག་གིས་ལས་བྱེད་དེར་ལྟ་བཞིན་རང་གི་སྲིང་མོའི་མ་ནེ་ལ་འཇུས་ནས་མཆུ་འདབ་སྦྱར། ལས་བྱེད་དེའི་ངོ་གདོང་ལས་ཡིད་ཆེས་སོང་བསམ་བསམ་གྱི་རྣམ་འགྱུར་གང་ཡང་མ་མངོན་པས། ཁོ་དེ་བས་འཚབ་འཚུབ་ཏུ་གྱུར་ནས་སྲིང་མོའི་མཆུ་ཏོ་ཤུགས་ཀྱིས་འཇིབ་འགོ་བརྩམས། བློ་ཡིད་ལས་འདས་པ་ཞིག་ལ་སྲིང་མོའི་ངོ་གདོང་དམར་ནག་ཏུ་གྱུར་ཏེ་ཕྱི་ལ་བྲོས་སོང་། སྐད་ཅིག་མའི་དུས་ཚོད་དེའི་ནང་ཁ་སང་རང་འགོ་བཙུགས་པ་ལྟ་བའི་བྱས་ཇུས་གང་མང་ཞིག་འཚང་ཁ་ཤིག་ཤིག་གིས་བློ་བཟང་གི་ཀླད་པ་རུ་འཛུལ་འོང་། “ཕུ་བོ་ཁྱེད་ཀྱིས་ང་ངེས་པར་དུ་ཨ་རི་ལ་ལེན་ཐབས་བྱོས།” “སེམས་ལ་བཟུང་ཡོད། གོ་སྐབས་ཡག་པོ་ཞིག་ལ་སྒུགས།” “གོ་སྐབས་དང་གོ་སྐབས་ཟེར་ནས་ང་རྒས་འགྲོ་གི་འདུག
—དངོས་བྱུང་གི་གཏམ་རྒྱུད་ཐུང་ཐུང་ཞིག
དམྱལ་བ་བོ། ད་སོངས། རེམ་མ་སོངས།
ཤག་རོགས་དེ་ཚོ་ཚང་མ་ང་ལས་ལོ་གསུམ་བཞི་ཙམ་གྱིས་རྒན་པ་ཡིན་ཡང་། ཁོ་ཚོས་སྨག་འདི་ལྟར་ནག་པའི་མཚན་མོ་འདིར་སྡར་མ་སྙིང་ཆུང་གི་ང་རང་སློབ་གྲྭའི་ཇ་ཁང་གི་སྒེའུ་ཁུང་ཆུང་ཆུང་དེ་ལས་ཅོང་རྡོག་རྐུ་རུ་འགྲོ་དགོས་ཞེས་བཙན་སྐུལ་བྱས་སོང་།
ཟླ་གཅིག་སྔོན་གྱི་དགུན་ཁའི་མཚན་མོ་ཞིག་ལ་ཡང་ཁོ་ཚོས་འདི་ལྟར་ང་རང་བཙན་གྱིས་ཉལ་ཁང་གི་ལྟག་རྒྱབ་དེར་ཡོད་པའི་ཞོག་ཞོག་བླུགས་ཡོད་སའི་ས་དོང་དེའི་ནང་དུ་བཙན་གྱིས་སོང་ནས་ཞོག་ཁོག་རྐུ་རུ་བཅུག་པ་དྲན་ན་ད་དུང་ཤ་འདར་རྒྱག་ཡོང་བ་ཞིག་ཡིན་ཡང་། ཁོ་ཚོའི་གཏུམ་དྲག་གི་གདོང་རིས་རེ་རེ་ལས་གལ་སྲིད་ངས་ཁོ་ཚོའི་ཁ་ལ་མ་ཉན་ན་ལམ་སེང་གཅར་རྡུང་དྲག་པོ་ཞིག་བྱེད་རྒྱུ་ཡིན་པར་ཐེ་ཚོམ་ཕྲ་མོ་ཙམ་ཡང་མི་འདུག
ངའི་སྐམ་ལ་རིད་པའི་ལུས་པོ་ཆུང་ཆུང་དེ་སྤྲེའུ་ཞིག་དང་འདྲ་བར་ཇ་ཁང་གི་སྒེའུ་ཁུང་ལས་ནང་དུ་ཤུད་སོང་། གཤའ་དཀར་གྱི་སྡེར་མ་ཆེན་པོ་གཉིས་ཀྱི་ནང་དུ་དཀར་སོབ་སོབ་ཀྱི་ཅོང་རྡོག་དང་སེར་ལྷང་ལྷང་གི་མར་ལོ་མང་པོ་ཞིག་གིས་ང་ལ་བསྒུགས་བསྡད་འདུག ངས་རང་ཉིད་དང་ཤག་རོགས་ཚོའི་ཚིལ་དྲེགས་ཆགས་པའི་ཞྭ་མོ་དེ་ཚོའི་ནང་དུ་ཅོང་རྡོག*་དང་མར་ལོ་མང་ཐག་ཆོད་རེ་བཅུག་སྟེ་སྒེའུ་ཁུང་ཕྱི་རོལ་ནས་སྤྱང་ལྟོགས་བཞིན་བསྒུགས་བསྡད་ཡོད་པའི་ཁོ་ཚོར་བྱིན། ཅོང་རྡོག་དང་མར་ལོ་རག་རྗེས་ཁོ་ཚོས་ང་རང་ཇ་ཁང་གི་སྒེའུ་ཁུང་ལས་ཕྱིར་ལེན་རོགས་ཀྱང་མི་བྱེད་པར་རླུང་གཡུག་པ་ལྟར་མུན་ཁྲོད་དུ་ཡལ་སོང་།
ངས་རང་ནུས་ཅི་ཡོད་ཀྱིས་རང་གི་ཕྲ་ལ་མཉེན་པའི་གཟུགས་པོ་དེ་སྒེའུ་ཁུང་ཆུང་ཆུང་དེའི་ཕྱི་རོལ་ཏུ་འབུད་ཐབས་བྱས། ནང་ལ་བསླེབས་དུས་ཤག་རོགས་ཚོས་མེ་བུས་ནས་རང་རང་གི་ལྕགས་ཕོར་ཚོ་ཚ་བོ་བཟོས་པའི་ནང་དུ་མར་ལོ་བཞུས་པའི་ཤིང། དེའི་ནང་དུ་ཅོང་རྡོག་བརྔོས་ནས་མ་ཁོམ་པར་འདུག སྟབས་ལེགས་པ་ཞིག་ལ་དོ་དགོང་ཁོ་ཚོས་ངའི་སྐལ་བ་མ་བཅད་པར་ང་ལ་ཡང་བརྒྱགས་ཚད་ཅིག་བཟའ་རུ་བཅུག་བྱུང་།
གཅན་ཡེ་རྒྱམ།
གཉིས་པ།
༡༩༩༣ལོའི་སྟོན་ཁ་གནམ་གཤིས་ཧ་ཅང་ཡག་ལ་དྲོད་གྲང་ཚད་སྙོམས་པའི་སྐབས་དེར་བོད་ཀྱི་སུ་ཚོང་བ་རྣམས་ཕྱོགས་བཞི་མཚམས་བརྒྱད་ནས་སུ་ཊ་ལེན་པར་ལོ་ལྡི་ཡ་ནའི་གྲོང་ཁྱེར་དུ་སླེབས་བཞིན་ཡོད་སྟབས། ལོ་ལྡི་ཡ་ནའི་གྲོང་ཁྱེར་གྱི་ཕྱོགས་གང་སར་བོད་རིགས་མཐོང་རྒྱུ་ཡོད་པ་མ་ཟད། ལོ་ལྡི་ཡ་ནའི་མགྲོན་ཁང་དང་ཟ་ཁང་མང་དག་ཅིག་ལ་ཚོང་ཡག་པའི་སྒང་དང་། སྐབས་དེར་ལཱ་ལཱ་ཁ་ཤས་ཤིག་ཉིན་མཚན་ཀུན་ཏུ་གཉིད་ཆག་ལྟོ་བྲལ་གྱིས་ལས་ལ་བརྩོན་བཞིན་ཡོད་ལ། བོད་རིགས་སུ་ཚོང་བ་རྣམས་ཀྱིས་ཀྱང་རང་རང་གི་མ་རྩ་ལས་བརྒལ་ཏེ་ལ་ལའི་རྩ་ནས་སུ་ཊའི་བུ་ལོན་མང་ཙམ་བླངས་ཏེ་ལོ་འདིའི་ནང་ཚོང་མང་ཙམ་རྒྱག་རྒྱུ་དང་། ཁེ་བཟང་མང་ཙམ་ལེན་རྒྱུའི་རེ་བ་དང་སྨོན་ལམ་རྒྱག་བཞིན་ཡོད། །
གཅན་ཡེ་རྒྱམ།
དང་པོ།
དོན་འགྲུབ་རྒྱལ་བོས་ཨ་སམ་སོ་གྲོང་ཁྱེར་ནང་འབྱོར་བའི་སོ་ཊའི་དོ་པོ་རྣམས་དོ་ཁང་ཆུང་ཆུང་ནང་ལེགས་པར་བརྩིགས་ཏེ་དོ་དམ་ནན་པོས་རང་བློ་བདེ་བོ་ཆགས་མཚམས་རང་ཡུལ་དུ་ཕྱིར་ལོག་པའི་གྲ་སྒྲིག་གིས་མེ་འཁོར་འབབ་ཚུགས་སུ་སོང་སྟེ་པ་སི་ཉོས། ཁ་ལག་ཡག་པོ་ཞིག་ཟོས་རྗེས་དགོང་དྲོའི་ཆུ་ཚོད་དགུ་བའི་སྟེང་གི་མེ་འཁོར་ལ་སྒུག མེ་འཁོར་གྱི་ཁྲོག་སྒྲ་དང་། མི་མང་གི་འདུར་སྒྲ་ནི་རྒྱུན་ཆད་རྒྱུ་མེད་ལ། མི་མང་གི་སྐད་སྒྲ་ནི་དེ་བས་ཀྱང་རྒྱུན་ཆད་རྒྱུ་མེད། དོན་འགྲུབ་རྒྱལ་བོས་རས་གདན་བརྡབ་བརྡབ་བཏང་སྟེ་ངོས་གཅིག་ཏུ་ལེགས་པར་བཏིང་པའི་སྟེང་བལ་གོས་ཀྱི་ཞོལ་བལྟབས་ནས་བཞག་པ་དང་། དེའི་སྟེང་དུ་རྒྱབ་ཁུག་སྨུག་ནག་བསྙལ་ནས་བཞག རང་ཉིད་ཀྱང་རས་གདན་སྟེང་དཀྱིལ་ཀྲུང་དུ་བསྡད་དེ་ཐོ་འགོད་དེབ་ཆུང་གི་སྟེང་དེ་རིང་གི་འགྲོ་སོང་བཏང་བ་རྣམས་ལེགས་པར་བྲིས། གདོང་ལ་འཛུམ་མདངས་དང་སེམས་ལ་སྤྲོ་བའི་ཁེངས་བཞིན་ད་ཐེངས་ངས་ནང་མི་ལ་གཏམ་བཟང་ཞིག་བཤད་ཡག་ཡོད། འགྲོ་སོང་ཞེ་དྲག་གཏོང་མ་དགོས་པའི་སྟེང་སོ་ཊ་སྤུས་དག་ངང་འབྱོར་ཡོད་ལ། རྩིས་ཁྲའང་ཁ་གསལ་ཡོད་པས།
ཀླུ་སྨྱོན་ཧེ་རུ་ཀ
གཅིག
ལོ་དེར། ཨ་ཕས་ང་ཁྲིད་ནས་མཚོ་ཆེན་ཁྲི་ཤོར་རྒྱལ་མོའི་ཁ་རུ་མཚོ་སྐོར་ལ་སོང། མཚོ་སྐོར་དུ་འགྲོ་ཞོར་ཁོང་གིས་ང་ལ་སུན་སྣང་མེད་པར་མཚོ་མོ་འདི་དང་འབྲེལ་བའི་ལྷ་སྒྲུང་མང་པོ་ཞིག་བཤད་ཀྱང་། དེ་དུས་ཀྱི་ལྷ་སྒྲུང་རེ་རེ་ནི་མཚོ་ངོགས་ཀྱི་ཐང་མར་བརྡལ་བའི་མགྲོན་བུ་དང་ཉ་ཕྱིས་ཀྱི་ཤུན་ལྐོགས་རེ་རེ་དང་འདྲ་བར་ལོ་ཟླའི་ཆུ་གཉེར་གྱིས་དེད་ནས་གར་སོང་ཆ་མེད་དུ་གྱུར་སོང་མོད། སྐབས་དེར་འཕྲད་པའི་དངོས་ཡོད་ཀྱི་གནས་ཚུལ་ཞིག་མཚོ་མོའི་ཁ་གཏད་དུ་འགྱིངས་པའི་བྲག་རྡོ་ཞིག་དང་མཚུངས་པར་ད་དུང་ངའི་དྲན་འཛིན་གྱི་ངོས་སུ་ལྷང་ངེར་འདུག
སྙན་བཟང་གཡུང་དྲུང་ཚེ་རིང་།
————-
གཅིག
སྐྱ་རེངས་དང་པོའི་དུས་དེར་ང་གཉིད་ལས་སད་བྱུང་། མདང་དགོང་གི་འབྲུག་གི་ངར་སྐད་དང་། གནམ་ལྕགས་ཀྱི་ཐོག་མདའ། ཆར་བའི་ཤག་སྒྲས་ལྷ་སའི་གནམ་ས་ཧྲིལ་བོར་སྒྲ་ཆེན་གྱིས་འགེངས་པར་བྱས་པའི་རྐྱེན་དེས་ཡིན་ནམ། མདང་ནུབ་མགོ་བོ་སྔས་མགོར་བཞག་སྟེ་སྒེའུ་ཁུང་ཕྱི་རོལ་གྱི་གློག་ཞགས་ལ་ལྟ་བཞིན་དེ་རིང་གི་དུས་ཆེན་ལ་བསམ་བློ་བཏང་བ་མང་དྲགས་པ་གང་ཡིན་ཆ་མ་འཚལ་མོད། མལ་ཁྲིའི་སྟེང་ནས་ཡར་ལངས་སྐབས་སེམས་ཁམས་མི་བདེ་བའི་བློ་ཞིག་བར་མེད་དུ་ལྡིང་བར་བྱེད། རྨི་ལམ་ཡག་པོ་འདྲ་བཏང་མ་བཏང་ཀྱང་ང་ལ་གསལ་བོ་ཞིག་བཤད་རྒྱུ་མི་འདུག ནམ་རྒྱུན་ལྟར་ཁྲུས་ཁང་དུ་སོང་ནས་སོ་བཀྲུས་པ་དང་། ཁྲུས་ཤིག་བརྒྱབ་སྟེ་ཐབ་ཚང་དུ་སོང་ནས་ཁྲག་ཤེད་ལ་ཕན་པའི་རིན་ཆེན་དགུ་སྦྱོར་གྱི་རིལ་བུ་གསུམ་བཏུངས་རྗེས། སྒེའུ་ཁུང་ཕྱེ་ནས་ཕྱི་ལོགས་སུ་རྒྱང་ལྟ་བྱས། ལྷ་སའི་ཤར་ཕྱོགས་ཀྱི་རི་ངོས་སུ་གསར་དུ་བཙུགས་པའི་ལྗོན་ཤིང་དག་གི་གདོང་ལ་ལྗང་མདོག་རྒྱས་ཤིང་། གཙུག་ལག་ཁང་གི་སྒོ་ཆེན་ྐླད་ཀྱི་རི་དྭགས་ཆོས་འཁོར་གྱི་གཡུང་དྭགས་ཕོ་མོ་དེ་གཉིས་ལྷོད་ལ་བབས་ནས་མཆོང་རྩིས་བྱེད་པ་དང་འདྲ། པོ་ཏ་ལའི་མདུན་དུ་བསྒྲེངས་པའི་རྒྱལ་དར་ཕར་གཡོ་ཚུར་གཡོ་བྱེད་ཅིང་། འོད་སྣང་སྤྲོ་བའི་ཉི་མ་གཞོན་ནུའང་ཤར་རིའི་རྩེ་ནས་འཕགས་བྱུང་བ་དང་ཆབས་ཅིག སྤོས་དྲི་ཞིམ་པོ་ཞིག་བསིལ་འཇམ་རླུང་གིས་འཁྱེར་འོངས་ཏེ་ངའི་རྣ་ལམ་དུ་མནམས་བྱུང་།
གཡང་སྐྱབས་རྒྱལ།
———
རྒད་པོ་འདིའི་བཞུགས་ས་ནི་རྡོ་སྐས་རིང་པོ་ཞིག་གི་གཤམ་དུ་འདུག རྒད་པོ་རྡོ་སྐས་ནས་ཡར་མར་ཕེབས་པ་ནི་ཁོང་གི་ཉིན་རེའི་ལུས་རྩལ་ཞིག་རེད། རྡོ་སྐས་ཀྱི་མཐའ་གཉིས་ན་ལྕགས་ཀྱིས་བཟོས་པའི་མཐའ་སྐྱོར་རེ་བསླངས་འདུག མཐའ་སྐྱོར་དེ་གཉིས་ནི་རྒད་པོའི་ཕྱག་འཁར་དང་མཚུངས། རྒད་པོས་ག་ལེར་ལག་ཤུགས་ཡོད་ཚད་བཀོལ་ནས་མཐའ་སྐྱོར་གྱི་ལྕགས་དེ་ལ་འཐམས། རྐང་པ་ཡ་གཅིག་རྡོ་སྐས་སྟེང་མའི་ཐོག་བཞག ལག་ཤུགས་ཀྱིས་གཟུགས་པོ་བཀྱགས་ནས་རྡོ་སྐས་སྟེང་མར་སྤོས། སྤྱན་གྲུང་རིག་རིག་དེས་གཡས་གཡོན་ལ་གཟིགས། ངལ་གསོ་ཞིག་བྱས། དེ་ནས་སླར་ཡང་མཐའ་སྐྱོར་གྱི་ལྕགས་དེ་ལ་འཐམས། རྡོ་སྐས་དེ་དག་གིས་རྒད་པོ་ལ་སྙིང་རྗེ་བྱེད་མི་ཤེས། རྒད་པོ་སྐས་འཛེགས་བརྒྱུད་ནས་ལམ་ཕྲན་སྟེང་ལ་སླེབས་སྐབས།
(འགྲན་རྩོམ)
ལྷོ་ཕྲུག་སྣ་བོ་ཆེ།
ཁྲོན་པའི་ཟླ་གཟུགས་ཀྱིས་སྤྲེལ་རྒན་ཆུ་ལ་ལྷུངས་ཤིང་། སྨིག་སྒྱུའི་རྫུན་སྣང་གིས་རི་དྭགས་རྣམས་མྱ་ངམ་གྱི་ཐང་དུ་འཁྲིད་པར་བྱེད། བླུན་རྨོངས་དུད་འགྲོའི་ཚོགས་ལ་ཁག་ཅི་ཡོད། འཇིག་རྟེན་ཐོག་སྤྱང་གྲུང་དོད་ཤོས་དང་རྣམ་རིག་བཀྲ་ཤོས་ཡིན་ཟེར་མཁན་གྱི་མི་རྣམས་ཀྱང་ཉིན་རེའི་འཚོ་བའི་ཁྲོད་དུ་སྣང་གནས་མི་མཐུན་པའི་བསླུ་བྲིད་སྟོང་གིས་མྱ་ངན་དང་ཡིད་ཆད། ཕམ་ཁ་དང་སྡུག་བསྔལ་གྱི་ཚོར་བ་ཆུ་ཡི་གཉེར་རིས་ལྟར་ཟད་དུ་མེད་པ་དག་ལ་སྦྱོར་བཞིན་ཡོད། མ་གཞི། འཁྲུལ་པའི་རྫུན་ཕུགས་མ་བརྡིབ་བར། བདེ་བའི་གོ་སྐབས་ཅི་ལྟར་འཐོབ།
ཁྱོད་ཀྱི་སེམས་ལ་ཁོ་པའམ་ཁོ་མོའི་ལུས་སྟེང་ནས་ཇི་ལྟར་གཞོན་ཤ་ཆགས་ཤིང་། བལྟ་བཟོ་དོད་ལ། ཐང་ཉམས་ལྡན་པའི་སྣང་ཚུལ་ཡིད་དུ་འོང་བ་ཅི་ཞིག་སྟེར་བར་བྱེད་ཀྱང་། དེ་དག་བརྫུན་དུ་སྒོམ་ལ། བཅོས་མ་དང་བསླུ་བྲིད་ཀྱི་རྫུ་བག་ཏུ་བལྟ་བར་བྱོས། ཁྱོད་ཀྱིས་ཁོ་པའམ་ཁོ་མོའི་ཟུངས་ཁྲག་ནང་རེག་དུག་གི་ནད་འབུ་ཡོད་མེད་ཀྱི་བདེན་དཔང་མ་རྙེད་བར། ཁོ་པའམ་ཁོ་མོ་ནི་རེག་དུག་གི་ནད་གཞི་ཡོད་པའི་ནད་པ་ཞིག་ཡིན་ཤག་གི་བསམ་པ་བསྐྱེད་པར་བྱོས། ཐང་ལ་ཤེད་མོང་བཙན་པོའི་ཕོ་གཞོན་གྱི་ཁུ་བའི་ནང་རེག་དུག་གི་ནད་འབུའི་འདུ་ཚོགས་ལང་ལོང་དུ་འཕྱུར་གྱིན་ཡོད་ལ། དཀར་ལ་འཇམ་ཤ་དོད་པོའི་མོ་གཞོན་གྱི་གཡའ་ཆུའི་[Vaginal Fluid]ནང་རེག་དུག་གི་ནད་འབུའི་ཁྱུ་ཚོགས་ཟང་ཟིང་དུ་འཕྱོ་བཞིན་ལྡིང་གིན་ཡོད། ཅི་སྟེ་འདོད་ཆགས་ཀྱི་ངར་གཏིང་ནས་ལངས་ཏེ་གསེབ་ངར་མའི་སྲབ་ཁ་འགོག་པར་མི་ནུས་པའི་གནས་སྐབས་ལ་གྱར་ཚེ་འགྱིག་ཤུབ་ངེས་པར་དུ་སྤྱོད་པར་གྱིས། གཅེས་པ་ཡོད་ཚད་ཀྱི་མཆོག་རྟ་རྔའི་ཉག་མ་ལས་ཀྱང་ཕྲ་བའི་ཚེ་སྲོག་གི་རིན་ཐང་ལ་གོང་བརྒྱབས་ཏེ་ཡུན་ཚད་སྐར་ཆ་འགའ་ཡི་རིང་ཐུང་ལས་མེད་པའི་ཟག་བདེ་ཕྲ་མོ་ཞིག་ལ་དེ་འདྲའི་སྣང་ཆེན་དུ་མ་ཟུངས།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
གངས་དཀར་རྒྱལ་སྲས།
མཚམས་མཚམས་ལ་ཁྱི་ཚོགས་ཀྱི་ཟུག་སྐད་རེ་ཟུང་ལས་རྩེ་གཞུང་རྫོང་མཁར་ཧ་ཅང་ཁུ་སིམ་མེར་གནས། ནམ་ད་རུང་གསལ་མེད་མོད། ཤར་མཐའ་ནས་སྐྱ་རེངས་དང་པོ་འགྱོག་བཞིན་འདུག རང་ལོ་སུམ་ཅུ་སོ་ལྔ་ལ་ཐོན་པའི་དར་རྒྱས་ཀྱི་ཆུང་མ་ལ་བྱིས་པ་སྐྱེ་རྒྱུ་ཡོད་པས་ན་ཟུག་བར་མེད་དུ་རྒྱག་བཞིན་ཡོད་ནའང་མོའི་སེམས་ལ་ཁོག་གི་བྱིས་པ་འདི་བུ་ཞིག་ཡིན་ན་ཅི་མ་རུང་སྙམ་ལ་ལྷག་པར་དུ་བྱིས་པ་འདི་དབང་བོ་སྐྱོན་ཅན་དེ་འདྲ་མ་ཡིན་པར་ཁ་མིག་ཡན་ལག་ཚང་བའི་བྱིས་པ་སྤྱི་མཚུངས་ཤིག་ཡིན་པར་སྨོན་ཞེས་སེམས་ནས་སྨོན་བཞིན་ཡོད།
(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
རྡོ་སྦིས་ཟླ་བ་ཚེ་རིང།
དེ་རིང་ཡང་ནམ་རྒྱུན་ལྟར་ཆར་བ་ཆུང་ཆུང་ཞིག་གིས་བརྗིད་ཉམས་ཆེ་བའི་རྡ་སའི་གྲོང་ཁྱེར་དེ་ཡོངས་སུ་བརླན་པར་གྱུར་ཅིང༌། སོ་ཕག་དང་ཨར་འདམ་ལས་བཟོས་པའི་ཐོག་བརྩེགས་མའི་རྒྱ་ཁང་རྣམས་གངས་རིའི་ཕྲེང་བ་ལྟར་ཧ་ཅང་མཛེས་ལ། དེའི་སྟེང་གི་རི་དྭགས་ཕོ་མོའི་འོད་མདངས་སྔོན་ལས་ཆེ་རུ་གྱུར་བ་དང་གཡས་གཡོན་ན་འཇའ་མཚོན་སྣ་ལྔའི་གྲུབ་པའི་དར་ལྕོག་དེས་སྲང་ལམ་སྟེང་གི་སྐུ་མགྲོན་རྣམས་ཡར་སྐྱེལ་མར་སྐྱེལ་བྱེད་མ་ཐུབ་པར་ཧ་ཅང་ཐང་ཆད་པའི་ངང་གིས་མགོ་བོ་གཡུག་གཡུག་བྱེད་པ་དང་གཉིས་སུ་མ་མཆིས།
གཞུང་ལམ་དེ་ནི་རྡ་སའི་གྲོང་དཀྱིལ་ན་ཡོད་པ་དང་དེའི་གཡས་གཡོན་ན་ཁེ་སྤོགས་ཆེན་པོ་གསོག་པའི་སྦྱིན་བདག་འདྲ་མིན་ཀྱིས་གཉེར་བའི་གསོལ་ཚིགས་ཁང་དང་ཚོང་ཁང༌། པར་ཁང༌། གློག་ཀླད་ཁང༌། སྤྲོ་སྐྱིད་ཁང་མང་བོ་སོགས་ཀྱི་སྒོ་བྱང་དུ་དབྱིན་ཡིག་ཁོ་ན་བེད་སྤྱོད་བྱེད་པ་འདི་ལ་བསམས་ན་བོད་པའི་སྤྱི་ཚོགས་ཞིག་རེད་ཟེར་ན་བྱིས་པ་སྣབས་ལུག་ཅིག་ཀྱང་ཡིད་ཆེས་དཀའ་བའི་ཚད་ལ་བསླེབས་འདུག
(ཀླུ་སྨྱོན་རྩོམ་རིིག་བྱ་དགའི་འགྲན་རྩོམ།)
སྨྲ་སྲུང་།
དེ་རིང་ནམ་མཁའ་དྭངས་ཤིང་ཉི་འོད་གསེར་མདོག་ཏུ་གྱུར་འདུག ཞོགས་པའི་མཁའ་དབུགས་བསིལ་མོའི་བདེ་སྣང་ལ་རོལ་བའི་མི་ཚོགས་རྣམས་རང་རང་གི་ལས་ལ་བྲེལ་ཞིང་ཡོད། “ཚགས་པར་གཟིགས” “ཚགས་པར་གཟིགས”སྐད་འདིས་མི་རྣམས་ཅི་ཞིག་དྲན་གསོ་བྱས་པ་དང་འདྲ་བར་ཚང་མ་སྦག་སྦག་ཆུང་ཆུང་དེའི་མཐའ་ལ་བསྐོར་བྱུང་། ཁང་མིག་ཆུང་ཆུང་ཞིག་གི་རབ་གསལ་མདུན་ལ་རྐུབ་སྟེགས་རྒྱབ་སྙེས་ཅན་ཞིག་ཞིག་གི་ཐོག་ཏུ་༸གོང་ས་མཆོག་གི་བཀའ་སློབ་(ཤེས་ཡོན་ལམ་སྟོན)་གྱི་དཔེ་དེབ་ཀློག་བཞིན་པའི་ཆོས་དག་གྱིས་དེབ་དེ་མདུན་གྱི་ཅོག་རྩེ་གྲུ་བཞི་དེའི་སྟེང་དུ་བཞག་ནས་ད་ལྟ་རང་ཉོས་པའི་(བོད་ཀྱི་དུས་བབ)་ཀྱི་མདུན་ཤོག་བཀླགས།ཐེངས་འདིའི་སྒྲུང་རྩོམ་འགྲན་བསྡུར་གྱི་ཁྲོད་ནས་རྩོམ་པ་པོ་ཆོས་དར་ལགས་ཀྱིས་བྲིས་པའི་(སྒྲོལ་མའི་རྨི་ལམ)་ལ་འགྲན་བསྡུར་ཡོངས་ཀྱི་ཨང་དང་པོ་ཐོབ་འདུག་པས་གསལ་བསྒྲགས་ནང་གསལ་བཞིན་གཟེངས་རྟགས་དང་བྱ་དགའ་འབུལ་རྒྱུ།
ཀླུ་སྨྱོན།
གཅིག
ཉེ་ཆར་དོན་དག་ཅིག་གི་ཆེད་དུ་ང་རང་ཡོ་རོབ་ཀྱི་རྒྱལ་ཁབ་ཆུང་ཆུང་ཞིག་ཏུ་སོང་བ་ཡིན། དེ་གར་གནའ་བོའི་སྡོད་ཁང་སྤུས་ལེགས་དང་ཀྱག་ཀྱོག་ཅན་གྱི་རྒྱ་ལམ། གཟན་ལ་བཀྲམས་པའི་ལུག་ཁྱུ་དང་རི་མགོར་ལྷུང་བའི་སྤྲིན་དཀར་སོགས་ཀྱིས་ཁོ་བོར་མ་བཅོས་རང་བྱུང་གི་ལྷུན་ཆགས་མཛེས་སྡུག་ངོ་མ་དེ་འདི་རེད་ཨང་སྙམ་པའི་བསམ་བློ་ཞིག་དབང་མེད་དུ་འཁོར་བར་བྱས་སོང་། ཉི་མ་འགའི་རིང་ལ་ང་དང་གྲོགས་པོ་འགས་རེས་མོས་ཀྱི་དངུལ་ཁུག་ཕྱིར་བཏོན་ནས་སྤྲོ་གསེང་གི་ས་ཆ་གྲགས་ཅན་འདི་དང་དེ་ལ་ངས་མགྲོན་སྦྱིན་བྱེད་ཀྱི་ཡིན་ཞེས་རང་རང་གི་རྒྱུ་ཤེད་ངོམ་པའི་ལྟད་མོ་ཆུང་ཆུང་ཞིག་ཀྱང་འཁྲབ་སྟོན་བྱས་པ་ཡིན་ལ། དེའི་ནང་དུ་ངའི་གྲོགས་པོ་ར་སེལ་ལ་རྒྱལ་ཁ་མང་ཤོས་དེ་ཐོབ་སོང་། རྒྱུ་མཚན་ནི་ཁོང་གི་དངུལ་ཁུག་དེ་ང་ཚོའི་དངུལ་ཁུག་ལས་ཆེ་ཞིང་ལྕི་བས་སོ།།
བསྒྱུར་མཁན་པད་མ་ཆོས་སྒྲོན
རྩོམ་པ་པོ་འབྲུག་རྒྱལ་ཚེ་རིང
《ཨ་ཚོགས་ཉི་ཁྲི་ཚང་གི་དར་རྒུད།》
མ་རྒན་དང་། ཁྱི་རྒན། ད་དུང་རྙིང་ཧྲིལ་དུ་གྱུར་བའི་སྦྲ་ནག
བོད་ཀྱི་ཡངས་བའི་རྩྭ་ཐང་ནི་མཐའ་ཡས་པས། ཆེས་མཐོ་སར་བུད་ནས་ལྟོས་ཀྱང་རྩྭ་ཐང་གི་མགོ་ནས་མཇུག་བར་མཐོང་མཁན་ཞིག་སྔར་བྱུང་མྱངས་མེད་ལ། ཕྱིན་ཆད་ཀྱང་འབྱུང་མི་སྲིད་ཅེས་བཤད་ཀྱང་དེ་ནི་འུད་ཤོབ་ཅིག་གཏན་ནས་མིན།
དེ་བས་རྩྭ་ཐང་གི་ལྟེབས་ཁུག་རེ་ལ་གནས་འཆའ་པའི་འབྲོག་སྡེ་སོ་སོས་རང་ཉིད་བསྡོད་སའི་རི་ལུང་ཐང་གསུམ་ལ་ས་མིང་ཆུ་མིང་རེ་བཏགས་ཤིང་། མི་རེ་ངོ་རེས་ནས་རང་གིས་སྲུང་ཞིང་གཞིས་ཆགས་སའི་ས་ཁོད་དེར། འཕྲུལ་སྣང་དང་། མངོན་གྱུར། ཡང་ན་ཤིན་ལྐོག་བཅས་ཀྱི་བརྩེ་སེམས་ཟབ་མོ་བཅིངས་ཡོད།
ལུང་རྟོགས་རྒྱལ་མཚན།
གཤམ་གྱི་སྒྱུར་རྩོམ་འདི་ནི་པདྨའི་རང་མདངས་ཞེས་པའི་དུས་དེབ་ལས་དྲང་བ་ཡིན་ལ། འདིའི་རྩོམ་པ་པོའི་མིང་མི་གསལ་ཞིང་། སྒྱུར་བ་པོ་ནི་དགེ་བ་བཟང་པོ་ཞུ་བ་ཁོང་རེད། རྩོམ་ཡིག་འདི་འདིར་དྲངས་དགོས་དོན་ནི། གཅིག་ནས་ཕ་སེམས་བུ་ཐོག་དང་བུ་སེམས་རྡོ་ཐོག་ཞེས་པའི་དཔེ་ལྟར། རྩོམ་ཡིག་འདིའི་ནང་གི་ཨ་མ་ལགས་དེས་རང་གི་བུ་ལ་བཅང་བའི་ལྷད་མེད་ཀྱི་བརྩེ་སེམས་དང་རྣམ་པར་དག་པའི་ལྷག་བསམ་བཅས་དང་། བུས་རང་གི་ཨ་མར་འཛིན་པའི་མཐོང་ཆུང་དང་ཁྱད་གསོད་ཀྱི་ལྟ་བའི་དབར་གྱི་འགལ་འདུའི་རང་བཞིན་དེས་སེམས་ཚོར་སྐྱུར་མོ་ཞིག་སྤྲད་པ་དང་། ལྷག་པར་མཇུག་མཐའི་ཨ་མ་ལགས་ཀྱིི་སེམས་འཕྲིན་དེས་ང་ལ་རྒྱུན་རིང་བྱུངས་མ་མྱོང་བའི་བརྗོད་དཀའི་ཚོར་བ་དྲག་པོ་ཞིག་གིས་མིག་ཆུ་ཆར་རྒྱུན་ལྟར་ཤུར་ཤུར་འབབ་པ་མ་ཟད། སྐད་ཤུགས་ཆེན་པོས་ངུ་ཤོར་བའི་གནས་སྟངས་ཁྱད་མཚར་ཞིག་བྱུང་བ་ནི་ཨ་མ་ལགས་དེའི་བྱམས་བརྩེའི་ནུས་སྟོབས་ལས་གཞན་ཅི། དེས་ན་ང་ལ་རྩོམ་ཡིག་འདི་ཀློག་པ་པོ་གང་མང་གི་སྤྱན་སྔར་བསྟར་འདོད་ཀྱི་འདུན་པ་ལྡོག་ཏུ་མེད་པ་ཞིག་བྱུང་བ་དང་། གཉིས་ནས་ང་ཚོའི་སྤྱི་ཚོགས་ཁྲོད་མི་འདི་ལྟ་བུའམ་འདི་དང་ཆ་འདྲ་བ་མི་ཉུང་བ་ཞིག་ཡོད་ངེས་པས་དེ་ཚོ་ལ་འགྱུར་བ་ཅུང་ཟད་རེ་འགྲོ་རྒྱུའི་རེ་བ་བཅང་ཡོད།
༼བརྩེ་དུང་སྐོར་གྱིས་སྒྲུང་རྩོམ་ཞིག༽
ཀློག་པ་པོ་རྣམས་ལ་ཞུ་རྒྱུ། སྒྲུང་རྩོམ་འདི་ནི་མཐོ་སློབ་སློབ་མ་ཞིག་གིས་སྦྱོང་བརྡར་གྱི་ཚུལ་ཏུ་འབྲིས་པ་ན། ཚིག་དོན་སོགས་གང་ཅིའི་ཐད་ལ་སྐྱོན་ཆ་མང་པོ་ཡོད་ངེས་ཡིན་པར་དགོངས་འགལ་མེད་པར་ཞུ།
བུ་མོ་སྒྲོལ་མ་དང་ངེད་གཉིས་ཀྱི་འབྲེལ་བ་ནི། ཁ་པར་བརྒྱུད་དེ་བྱུང་པ་དང་། དེ་ཡང་ཉིན་ཞིག གཟའ་འཁོར་གཅིག་རིང་སློབ་གྲྭ་ཆེན་མོའི་ངལ་དུབ་ཀྱི་འཚོ་བས་མནར་བས། ང་རང་ནམ་ཀུན་ལྟར་གྲོགས་པོ་བསམ་གྲུབ་སར་སོང་ནས་ཅུང་གུ་ཡངས་ཀྱི་འཚོ་བ་ཞིག་འཐོབ་ན་བསམ། ང་རང་གླ་འཁོར་ཞིག་ཏུ་བསྡད་ནས་གྲོང་ཁྱེར་གྱི་ཟང་ཟིང་དང་རྙོག་ཙི་ཆེ་བའི་འགྲུལ་ལམ་བརྒྱུད་དེ་བྱ་ཕུར་པར་ལྟར་བསམ་གྲུབ་ཀྱི་སྡོད་གནས་སུ་སོང་ལ།
ཤར་ཕྱོགས་ཁུག་རྟ།
ཉིན་ཁ་ཤས་ཀྱི་གོང་ནས་༧གསུང་འཕྲིན་རིན་པོ་ཆེར་བགྲོ་གླེང་གིས་མི་རྣམས་བག་ཕེབས་པོ་རང་མ་བཞག་པའི་སྐབས་དེ་ཤེད་དུ། ཁོ་བོས་རྒྱ་གར་དུ་ཡོང་བའི་དོན་རྩ་གཞན་ཞིག་སྟེ། སྐྱབས་གཞན་ལ་བཅོལ་བའི་མི་ལོ་ ༥༢ གྱི་བྱུང་རབས་ཀྱི་ཟུར་གཞན་ཞིག་ལ་རྒྱབ་བསྙེས་ཏེ། ༧བླ་ན་མེད་པའི་སྐྱེས་བུ་དེའི་༧གསུང་འཕྲིན་རིན་པོ་ཆེའི་ཕྱི་ནང་གསང་གསུམ་མིན་པའི་ངོས་གཞན་ཞིག་ལ་གཟུགས་རིས་ཤིག་བྲིས་པ་ཡིན།