___བེ་རི་འཇིགས་མེད་དབང་རྒྱལ།

གཅིག ཞབས་བྲོ་ཁང་གི་དོན་སྐྱོན།
འཇམ་ རླུང་བསིལ་པོ་ཞིག་གིས་སྨུག་སྤྲིན་གྱི་ཡོལ་བ་གནམ་མཐོངས་ལ་བརྫཻས་ཏེ་གཡུ་གོས་ གོན་པའི་ལྗོན་ཤིང་གི་ཕྲེང་བ་རྣམས་དལ་བུར་བགྲང་བའི་གསེང་ནས། ཁུ་བྱུག་སྔོན་མོས་མགྲིན་པའི་གླིང་བུ་ལྷང་ལྷང་དུ་སྒྲོག་པའི་ཟོལ་གྱིས་ཨ་མྱེས་དང་ཡང་མྱེས་རྒན་པོའི་ཁ་ཆེམས་ཀྱི་གླེགས་བམ་ཀློག་སྟེ། གོ་ལའི་འགྱུར་འགྲོས་ཀྱི་བར་སྲུབ་ནས་རྗེས་ལུས་ཀྱི་སྐུལ་འདེད་དང༌། ཐལ་ཆེས་ཀུན་སྤྱོད་ལ་སློབ་གསོའི་དུང་བརྡ་སྙན་པོ་ཞིག་གཏོང་གིན་ཡོད་པ་དང་འདྲ་མོད། དཀར་གཙང་གི་སྨ་ར་རིང་པོ་འཆི་བདག་གི་རླུང་བསིལ་གྱིས་བསྐྱོད་པའི་ཉམས་མྱོང་རྒན་པོ་ཚོས་མ་གཏོགས་སུས་དཔོག་ནུས།

དེ་ལས་མང་བ་། “དུས་རབས་ཀྱི་དོན་སྐྱོན༌།” »

___བེ་རི་འཇིགས་མེད་དབང་རྒྱལ།

གཅིག ཞབས་བྲོ་ཁང་གི་དོན་སྐྱོན།
འཇམ་ རླུང་བསིལ་པོ་ཞིག་གིས་སྨུག་སྤྲིན་གྱི་ཡོལ་བ་གནམ་མཐོངས་ལ་བརྫཻས་ཏེ་གཡུ་གོས་ གོན་པའི་ལྗོན་ཤིང་གི་ཕྲེང་བ་རྣམས་དལ་བུར་བགྲང་བའི་གསེང་ནས། ཁུ་བྱུག་སྔོན་མོས་མགྲིན་པའི་གླིང་བུ་ལྷང་ལྷང་དུ་སྒྲོག་པའི་ཟོལ་གྱིས་ཨ་མྱེས་དང་ཡང་མྱེས་རྒན་པོའི་ཁ་ཆེམས་ཀྱི་གླེགས་བམ་ཀློག་སྟེ། གོ་ལའི་འགྱུར་འགྲོས་ཀྱི་བར་སྲུབ་ནས་རྗེས་ལུས་ཀྱི་སྐུལ་འདེད་དང༌། ཐལ་ཆེས་ཀུན་སྤྱོད་ལ་སློབ་གསོའི་དུང་བརྡ་སྙན་པོ་ཞིག་གཏོང་གིན་ཡོད་པ་དང་འདྲ་མོད། དཀར་གཙང་གི་སྨ་ར་རིང་པོ་འཆི་བདག་གི་རླུང་བསིལ་གྱིས་བསྐྱོད་པའི་ཉམས་མྱོང་རྒན་པོ་ཚོས་མ་གཏོགས་སུས་དཔོག་ནུས།

དེ་ལས་མང་བ་། “དུས་རབས་ཀྱི་དོན་སྐྱོན༌།” »

___བེ་རི་འཇིགས་མེད་དབང་རྒྱལ།

གཅིག ཞབས་བྲོ་ཁང་གི་དོན་སྐྱོན།
འཇམ་ རླུང་བསིལ་པོ་ཞིག་གིས་སྨུག་སྤྲིན་གྱི་ཡོལ་བ་གནམ་མཐོངས་ལ་བརྫཻས་ཏེ་གཡུ་གོས་ གོན་པའི་ལྗོན་ཤིང་གི་ཕྲེང་བ་རྣམས་དལ་བུར་བགྲང་བའི་གསེང་ནས། ཁུ་བྱུག་སྔོན་མོས་མགྲིན་པའི་གླིང་བུ་ལྷང་ལྷང་དུ་སྒྲོག་པའི་ཟོལ་གྱིས་ཨ་མྱེས་དང་ཡང་མྱེས་རྒན་པོའི་ཁ་ཆེམས་ཀྱི་གླེགས་བམ་ཀློག་སྟེ། གོ་ལའི་འགྱུར་འགྲོས་ཀྱི་བར་སྲུབ་ནས་རྗེས་ལུས་ཀྱི་སྐུལ་འདེད་དང༌། ཐལ་ཆེས་ཀུན་སྤྱོད་ལ་སློབ་གསོའི་དུང་བརྡ་སྙན་པོ་ཞིག་གཏོང་གིན་ཡོད་པ་དང་འདྲ་མོད། དཀར་གཙང་གི་སྨ་ར་རིང་པོ་འཆི་བདག་གི་རླུང་བསིལ་གྱིས་བསྐྱོད་པའི་ཉམས་མྱོང་རྒན་པོ་ཚོས་མ་གཏོགས་སུས་དཔོག་ནུས།

དེ་ལས་མང་བ་། “དུས་རབས་ཀྱི་དོན་སྐྱོན༌།” »

དབང་སྡུད།

གྲོང་སྟོད་རྒན་པོ་དབང་དུ་སྡུས།།
གྲོང་སྨད་རྒན་མོ་དབང་དུ་སྡུས།།
བུ་ཚ་བུ་མོ་དབང་དུ་སྡུས།།
ཇ་དང་རྩམ་པ་ཆར་ལྟར་ཕོབས།། ཕཊ་ཕཊ་ཕཊ།

ཟིལ་གནོད།
རང་ཡུལ་བསྐྱུར་པའི་རྟོགས་ལྡན་ངས།།
དབྱར་དགུན་མེད་པར་གཞན་སྒོ་འགྲིམ།།
ཟླ་མཚམས་གཅིག་ཀྱང་འདུག་མ་ཚུགས།།
ངོ་ཚ་མེད་པར་ཟིལ་གྱིས་ནོན།། ཕཊ་ཕཊ་ཕཊ།

དེ་ལས་མང་བ་། “གྲོང་ཉུལ་གྱི་གཅོད་པ་འགའ་ཞིག་ལ། ཟབ་གནད་ཀྱི་དམིགས་སྒོ་རྒྱུན་འཁྱེར་བཞུགས།” »

པདྨ་ཚེ་དབང་ཤཱསྟྲི།
————
དེ་ཡང་གནའ་སྔ་མོ་ཞིག་ན་རྒྱ་གར་གྱི་གྲོང་གསེབ་ཅིག་ཏུ་ཚོང་དཔོན་ཨཱནནྡ་མཱལིཀ་ཟེར་བ་ཞིག་གིས་གྲོང་གསེབ་དེའི་མང་ཚོགས་ལ་‘‘ཁྱེད་ཚོའི་གྲོང་གསེབ་ཆགས་ཡུལ་འདིར་སྤྲེའུ་ཧ་ཅང་གི་མང་པོ་འདུག་པས་ཁྱེད་ཚོས་སྤྲེའུ་བཟུང་ཐུབ་ན་ངས་སྤྲེའུ་རེར་ཧིན་སྒོར་བཅུ་རེ་སྤྲད་དེ་ཉོ་གི་ཡིན།,, ཞེས་བརྗོད།
གྲོང་གསེབ་པ་རྣམས་ཀྱིས་ཀྱང་ཤིང་ནགས་སུ་ཕྱིན་ཏེ་དེར་སྤྲེའུ་ཧ་ཅང་མང་པོ་ཡོད་པ་མཐོང་སྟེ་རྙི་བཙུགས་ནས་སྤྲེའུ་བཟུང་རྒྱུ་འགོ་བརྩམས། ཚོང་པ་དེས་སྤྲེའུ་རེར་སྒོར་བཅུ་རེ་སྤྲད་དེ་སྤྲེའུ་སྟོང་ཕྲག་མང་པོ་ཉོས་པར་བརྟེན་ག་ལེར་ཤིང་ནགས་སུ་སྤྲེའུ་དཀོན་དུ་ཕྱིན་པས་གྲོང་གསེབ་པ་རྣམས་ཀྱིས་སྤྲེའུ་བཟུང་རྒྱུ་མཚམས་བཞག ཚོང་པ་དེས་ད་ཆ་སྤྲེའུ་རེར་སྒོར་ཉི་ཤུ་རེ་སྤྲོད་རྒྱུའི་གསལ་བསྒྲགས་བྱས་པས་གྲོང་གསེབ་པ་རྣམས་སེམས་ཤུགས་འཕར་ཏེ་སླར་ཡང་སྤྲེའུ་བཟུང་རྒྱུ་འགོ་བཙུགས། རིང་པོར་མ་ཐོག་པར་ཤིང་ནགས་སུ་སྤྲེའུ་ཆེས་ཉུང་དུ་ཕྱིན་པས་གྲོང་གསེབ་པ་རྣམས་ཀྱིས་སྤྲེའུ་བཟུང་རྒྱུའི་ཚབ་ཏུ་རང་རང་གི་ཞིང་ཁ་རྨོ་འདེབས་ཀྱི་ལས་ལ་ཞུགས། ཚོང་པ་དེས་སླར་ཡང་སྤྲེའུ་རིན་གོང་སྒོར་སུམ་ཅུར་སྤར་བས་ད་ཆ་ཤིང་ནགས་སུ་སྤྲེའུ་བཟུང་རྒྱུ་ཕར་བཞག་སྤྲེའུ་གཅིག་ཀྱང་མིག་གིས་མཐོང་དཀོན་པར་གྱུར།

དེ་ལས་མང་བ་། “འཛམ་གླིང་དཔལ་འབྱོར་བཞུ་བྲིད་དང་ནོར་སྲིད་ཀྱི་གནས་བབ།” »

གཡང་སྐྱབས་རྒྱལ།
———-
ང་རྒྱ་གར་ལ་མ་ཕྱིན་པར་ལོ་བཅུ་ཏག་ཏག་འགྲོ་གི་འདུག ལོ་ངོ་བཅུའི་དུས་ཡུན་དེ་ཇི་ལྟར་ཕྱིན་པ་ཡང་མི་ཤེས། ཁ་སང་གི་བྱུང་བ་ཞིག་ལས་ཅི་ཡང་དྲན་རྒྱུ་མི་འདུག ཐོག་མར་ལས་ཀ་མ་རག་པའི་དཀའ་ངལ། དེ་ནས་ཡིག་ཆ་མ་འགྲིག་པའི་དཀའ་ངལ། དེ་ནས་ཁྲིམས་མཐུན་གྱི་ལས་ཀ་ཞིག་མ་རག་པའི་དཀའ་ངལ། དེ་ནས་སླར་ཡང་ཕ་ཡུལ་ཕྱོགས་སུ་འགྲོ་རྒྱུའི་ཡིག་ཆ་བཟོ་མི་ཐུབ་པའི་དཀའ་ངལ། དཀའ་ངལ་དེ་དག་གིས་ང་རྒས་བཅུག་སོང་། ད་ནི་གུང་གསེང་ཞིག་ལ་འགྲོ་རྒྱུ་དང་། དེ་ནས་སྐབས་འགྲིག་ཚེ་ངེད་ཀྱི་གྲོགས་པོ་ཞིག་གིས་ང་ལ་བཙལ་བའི་བུ་མོ་དེ་ལ་ལྟ་ཙམ་བྱེད་རྒྱུ་བཅས་ཀྱི་ཆེད་དུ་རྒྱ་གར་ལ་འགྲོ་རྒྱུའི་ཐག་གཅོད་བྱས་པ་ཡིན། ལས་ཀ་ནས་ཟླ་བ་གཅིག་ཙམ་གྱི་གུང་གསེང་བླངས་པ་ཡིན་ལ། ངའི་སྒང་གི་ལྟ་རྟོག་པས་ཀྱང་ངས་ད་བར་དུ་ལས་ཀ་ལ་ཧུར་ཐག་བྱས་པའི་ཉེར་ལེན་གྱིས་ད་ཐེངས་གུང་གསེང་སྤྲོད་རྒྱུར་དེ་ཙམ་དགག་པ་བྱས་མ་བྱུང་། ངས་དེ་ལྟར་གྲ་སྒྲིག་བྱས་ཟིན་ནས་ཅ་ལག་རྣམས་ཀྱང་དོ་ཁུག་ཆེན་པོ་གཉིས་དང་ཆུང་བ་གཉིས་བཅས་གྲ་སྒྲིག་བྱས་ཟིན་པ་ཡིན།

“ཡིད་བཞིན་ནོར་བུ། འདི་ག་རེ་རེད།” ངའི་གྲོགས་པོ་བློ་བཟང་གིས་ངའི་མདུན་གྱི་དོ་པོ་ལ་བལྟས་ནས་ཧང་སངས་སོང་། “ཁྱོད་ཚོང་ལ་འགྲོ་གི་ཡོད་དམ། ཁོ་རེ།”

དེ་ལས་མང་བ་། “ལྷམ་བཅུ་དགུ་བ་དང་གོམས་གཤིས།” »

གཡང་སྐྱབས་རྒྱལ་གྱིས།
_______________
དེ་རིང་རེས་གཟའ་སྤེན་པ་རེད། ང་སྐྲ་བཞར་ཁང་ཞིག་ཏུ་སོང་། སྐྲ་བཞར་ཁང་དེའི་སྐྲ་བཞར་པ་རྣམས་ནི་དབྱིན་མོ་དཀར་པོ་ཤ་སྟག་རེད། ང་སྒོ་ནས་ཡར་འཛུལ། ཐོ་འགོད་ཀྱི་མདུན་ཅོག་དེའི་མདུན་ནས་ཡར་ལངས། བུ་མོ་ཞིག་འཛུམ་དང་བཅས་ཚུར་གློག་ཀླད་ཀྱི་མདུན་དེར་སླེབས།
“ཁྱེད་རང་གི་སྐྲ་བཞར་དགོས་ཡོད་དམ།”
“ལགས་ཡོད། ངའི་སྐྲ་བཞར་དགོས་ཡོད།”
“མིང་ལ་ཅི་ཟེར།” “ཁ་བྱང་དང་ཁ་པར་ཨང་གྲངས་ག་རེ་ཡིན།”
ངས་དྲི་བ་རེ་རེ་ལ་ལན་བཏབ། གུས་ཞབས་དང་བཅས་ལན་བཏབ།
“སྐར་མ་ ༢༠ ལ་སྒུག་དགོས།”

དེ་ལས་མང་བ་། “སྐྲ་བཞར་ཁང་།” »

གངས་སྒྲོན་གྱིས་བརྩམས།
“གཅེས་ཕྲུག(baby)”
“པོ་དོ།”
“ཨ། ག་རེ། པོ་དོ་ཨེ། (o baby) འོ་གཅེས་ཕྲུག དེ་འདྲ་མ་གསུང༌།” “ང་ད་དུང་པོ་དོ་ག་ལ་གྱུར། ཡང་བསྐྱར་གཅིག།”
“མིན། ང་ལ་baby(ཕྲུ་གུ།ཆགས་ན་ག་རེ་བྱ།”
“ངས་མི་ཆགས་པའི་ཐབས་ཤེས་བྱ་ཆོག གཅེས་ཕྲུག མགྱོགས་སུ།”
བཟི་ལ་ཉེ་བའི་དར་མ་ཞིག་གི་མིག་འོད་བཞིན་སྙོམ་ཞིང་གསལ་ཆ་ཆེར་མེད་པའི་གློག་འོད་དམར་པོ་དེའི་འོད་ངོགས་སུ། ལུས་པོ་དམར་ཧྲིང་དུ་ཕོ་མོ་ཡི་འདོད་བརྩེ་འཁྲིག་སྤྱོད་དང་འོ་སྦྱར་ལན་མང་བྱས་པའི་གཡུལ་འགྱེད་དེའི་མཐར། ལུས་པོ་མགོ་རྟིང་གི་བ་སྤུ་བུ་ག་མ་ལུས་པ་ནས་ངལ་དུབ་ཀྱི་རྔུལ་ཆུ་ཕྲོམ་ཕྲོམ་དུ་བཞུར་བཞིན་པའི་སྣང་བརྙན་དེ་ནི། གལ་སྲིད་འཁོར་བ་རྒྱབ་ཏུ་བསྐྱུར་པའི་རྣལ་འབྱོར་བ་ཞིག་གིས་གཟིགས་ཚེ། ཀྱེ་ཧུད། མ་བསྐུལ་དང་དུ་བླངས་པའི་དཀའ་སྡུག་འདི་ཨང་སྙམ་སྲིད་མོད། འོན་ཀྱང༌། འཇིག་རྟེན་ཁྱིམ་པ་བ་སུ་ལའང་ཡོད་པའི་ཉམས་མྱོང་འདི་ནི་འདོད་པ་ཡིད་སིམ་གྱི་བདེ་བ་ཁྱད་པར་བ་ཞིག་ལས། དཀའ་བ་དང་ངལ་བ་ཞིག་ཏུ་གཏན་ནས་མི་བརྩིས་མོད། ཡང་ན་ཚོད་ཀྱིས་ཕངས་པའི་རྒན་རྒོན་ཆགས་ལྡན་འབའ་ཞིག་ལ་དེ་ལྟར་སྲིད།
ཆ་འགྲིག་ཉལ་ཁྲི་ཡི་སྟེང་ན་དབུགས་དུབ་ངལ་ངལ་ཏུ་བརྒྱལ་འདུག་པའི་བསྟན་འཛིན་གྱིས། དྲག་ཏུ་འཁོར་བཞིན་པའི་ཁང་ངོས་ཀྱི་རླུང་གཡབ་དེ་ཉིད་སྔར་ལས་ཤུགས་ཆེར་གཏོང་འདོད་ཀྱིས། ཉལ་ཁྲི་ལས་སར་རྐང་པ་ཕབས་པ་ན། ནག་འཐོམ་འཐོམ་ཏུ་གྱུར་པའི་སྣང་བ་ཞིག་དང་ལྷན་ཏུ་སླར་ཉལ་ཁྲིའི་སྟེང་དུ་གན་རྐྱལ་དུ་རིལ། གློ་བུར་དངངས་སྐྲག་གིས་ཁ་ནས་ཨ་མ་འཆོར་པའི་མཚོ་མོས།
“བསྟན་འཛིན། ཁྱེད་ག་རེ་བྱས་སོང༌། འ་་འ་་་་ག་རེ་བྱས་སོང་་་་་་་་་་”
“གཅེས་ཕྲུག ངའི་ནུས་ཤུགས་ཡོད་ཚད་རྫོགས་ཚར་བ་འདྲ། ང་མགོ་ཡུ་འཁོར་གྱིན་འདུག དངངས་སྐྲག་མ་བྱེད། ཅུང་ཙམ་གཉིད་པ་ན་འགྲིག་ངེས། ད་ལྟ་ཆུ་ཚོད་ག་ཚོད་རེད་དམ།”
“འ་ལ་་་་ཉོབ་པ་ལ། ད་ལྟ་ཆུ་ཚོད་་་་ཨ་མ་་་་་་ཞོགས་པའི་ཆུ་ཚོད་ལྔ་པ་རེད་འདུག ཧུ་ཧུ་་་ཧ་ཧ”
ནམ་ལངས་ཀྱང་གཉིད་མི་ཡོང་བའི་མཚོ་མོའི་འཇམ་མཉེན་གྱི་ལག་པས། ཐར་ཐོར་ཏུ་སྐྱེས་པའི་བ་སྤུའི་གསེབ་ཏུ་ཆར་ཆུ་བཞིན་འཛུམ་པའི་བསྟན་འཛིན་གྱི་བྲང་གཞུང་གི་རྔུལ་ཆུ་ཕྱིས། འདོད་སྲེད་ཀྱི་གབ་ཁང་ལྟ་བུ་མཆན་འོག་དང་བརླ་ཤ བྲང་ནུ་གང་སར་ལག་པས་ཕུར་ཕུར་དང་འགུལ་སློང་བྱ་ཞོར། འཇེབས་ཤིང་དམའ་བའི་ངག་གིས་ཁོང་གི་རྣ་ནང་དུ་“བསྟན་འཛིན་བྱབྱཞེས་བོས་ཀྱང༌། གར་ཡོང་ཆ་མི་འཚལ་པའི་གཉིད་དུབ་སྟུག་པོ་ཞིག་གིས་ཡོངས་སུ་གཏུམས་པའི་བསྟན་འཛིན་གྱི་ངོ་གདོང་དུ་ཡང་ཡང་ལྟ་རྒྱུ་ལས་བྱ་ཐབས་ཅི་ཡང་མ་རྙེད།
རང་ཉིང་ཀྱི་རེ་འདོད་ཕམ་ཉེས་སུ་བྱུང་བའི་མཚོ་མོས་དབུགས་རིང་དང་བཅས་ཁོང་གི་གཡོན་ཟུར་ཏུ་སྟེགས་རྒྱས་སུ་ཉལ་ཏེ་མིག་ཟུང་བཙུམ།

དེ་ལས་མང་བ་། “གཅེས་ཕྲུག” »

ཀླུ་སྨྱོན་ཧེ་རུ་ཀ
སྙིང་ལ་ན་ཚ་ཡོད་མཁན་དག་གིས་གཤམ་གྱི་སྒྲུང་འདི་མ་བཀླགས་ན་ལེགས།
༡
སྤྱི་ལོ་གཅིག་སྟོང་དགུ་བརྒྱ་ཞེ་གཉིས་ལོའི་སྟོན་མགོའི་ཉིན་ཞིག
“ཨ་ཕ། ཁྱོད་ཀྱིས་རང་གི་བུའི་སྙིང་དམར་པོ་ཟོས་མྱོང་བ་དེ་བརྗེད་སོང་བ་ཡིན་ནམ།” མནའ་མ་གཡུ་མཚོའི་སྐད་ཆ་དེ་དུག་ཚེར་ཞིག་དང་འདྲ་བར་ཞག་མ་གསུམ་ལ་གཉིད་མ་ལོག་པར་གཤིན་རྗེ་ནག་པོའི་སྲོག་སྒྲུབ་ལ་འབད་པའི་སྔགས་རྒན་རིག་འཛིན་གྱི་སྙིང་ལ་ཙག་ཤད་ཅིག་བརྒྱབ་ནས་དྲག་སྔགས་མཚམས་མི་ཆད་པར་བགྲངས་བྱུང་ལ། ཁོའི་སོར་གསུམ་བཞི་རེ་སྐྱེས་ཡོད་པའི་སེན་མོ་རིང་བོ་དེ་དག་གི་འགུལ་སྐྱོད་དང་མཉམ་དུ་རག་ཤའི་ཕྲེང་གོག་དེའི་སྟེང་ནས་མེ་སྟག་ཅིག་དམར་ཁྲོམ་ཁྲོམ་དུ་འཐོར་བཞིན་འདུག་ཅིང་། ཁོའི་མིག་ལམ་དུ་གདུག་རྩུབ་ཅན་གྱི་སྡེ་དམག་གཉིས་ཀྱིས་ཁོའི་བུའི་མགོ་བོ་བཅད་པའི་བེམ་པོ་དེ་ཁོ་ཚང་གི་ཁང་པའི་གདུང་མར་བཏགས་རྗེས། བེམ་རོའི་བྲང་ཁ་གཤགས་ནས་སྙིང་དམར་པོ་ཕྱིར་བཏོན་ཏེ་ཁོའི་ཁ་ནང་དུ་བརྫངས་ཚུལ་རྣམས་སྒྱུ་མའི་འཕྲུལ་བཞིན་ཤར་ཅིང་། མནའ་མ་གཡུ་མཚོ་གཅེར་བུར་ཕུད་ནས་བཙན་གཡེམ་བྱེད་སྐབས་ཀྱི་སྐྱི་གཡའ་བའི་ངུ་སྐད་དྲག་པོ་དེ་ད་དུང་རྣ་ལམ་དུ་གྲག་བཞིན་འདུག ་་་ ་་་

དེ་ལས་མང་བ་། “རྨ་འགྲམ་གྱི་སྐྱ་རེངས་དམར་པོ།” »