ཨའོ་ཞའོ། མང་རའི་གངས་ཐིགས་ཀྱིས་བསྒྱུར། ང་སྟོན་པ་ཤཱཀྱ་ཐུབ་པ་ལ་དགའ་བོ་ཡོད། ཅི་ཕྱིར་ཞེ་ན། ང་ལ་མཚོན་ན་ཁོང་གིས་མེད་དུ་མི་རུང་བའི་ཆོས་ལུགས་ཀྱི་སྲོག་ཤིང་མཚོན་གྱི་འདུག ཁོང་ནི་སངས་རྒྱས་ཆོས་ལུགས་ཀྱི་སྲོལ་འབྱེད་མཁན་མ་རེད། སངས་རྒྱས་ཆོས་ལུགས་ནི་ཞར་བྱུང་ཐོན་རྫས་ཤིག་རེད། ཁོང་ནི་འཛམ་གླིང་ནང་ཡོངས་སུ་ཐ་དད་པའི་ཆོས་ལུགས་ཤིག་གི་སྲོལ་བཏོད་མཁན་ཏེ་ཆོས་ཀྱི་ལུགས་མེད་པའི་ཆོས་ལུགས་ཀྱི་སྲོལ་བཏོད་པ་པོ་རེད། ཁོང་གིས་ཆོས་སེམས་ Religiousnessདཔྱད་པ་བཏང་ནས་གཏན་ལ་ཕབ་འདུག་པ་ལས་ཆོས་ལུགས་ལ་དཔྱད་པ་བཏང་མི་འདུག་གོ བསྒྱུར་མཁན་གྱི་ཕྲན་དཔྱད། འདི་ནི་བདག་ཅག་གི་སྟོན་པ་སངས་རྒྱས་ཤཱཀྱ་ཐུབ་པ་ལ་ངོས་འཛིན་གསར་བ་ཞིག་རེད་བསམ་ཏེ་མཁྱེན་ཡངས་དྲ་◌ྭགྲོགས་དག་ལ་ལེགས་སྐྱེས་སུ་ཕུལ་བ་ཡིན། ྐློག་པ་པོ་དག་གི་དོ་སྣང་ཡོང་ཆེད་དུ་གསུངས་ཚིག་ཅིག་ཁ་བྱང་དུ་བཞག་པ་ཡིན། འདི་ལས་མང་པ་མཁྱེན་འདོད་ཡོད་ན་སྐྱེས་ཆེན་དམ་པ་ཨའོ་ཞའོ་ཡི་དཔེ་དེབ་༵ཕ་ལམ་མདོྐ་ཡི་སྔོན་གླེང་ལ་གཟིགས་པར་འཚལ།་
སྒྱུར་མཁན། ཟླ་བ་གཞོན་ནུ།
རང་བཞིན་དུལ་བའི་རིགས་ཅན་དང་།།
རྟག་པར་རྒན་བཀུར་བྱེད་པ་ཡི།།
ཚེ་དང་ཡོན་ཏན་གྲགས་པ་སྟོབས་།།
བཞི་བོ་རྣམས་ནི་འཕེལ་བར་འགྱུར།།
ཕྲུ་གུ་སྐྱེས་བའི་གནས་སྐབས་སུ།།
ཕ་མས་མྱངས་པའི་སྡུག་དེའི་དྲིན།།
ལོ་བརྒྱའི་སྲི་ཞུ་བསྒྲུབ་པས་ཀྱང་།།
འཇལ་བར་ནུས་པ་མ་ཡིན་ནོ།།
ཡེ་ཤེས་བསྟན་འཛིན་ནས་བསྒྱུར།
དགའ་ཞིང་གུས་པའི་ཏཱ་ལའི་བླ་མ་མཆོག་ལ།
ངས་གང་ཉིད་ལ་མ་ཞུས་རང་ཞུས་ཤིག་ལ། ངའི་ལོ་གཞོན་དུས་རིམ་གྱི་བག་ཆགས་ནང་དུ་ཁྱེད་ནི་མི་ལྤགས་བཤུ་ཞིང༌། མི་རུས་འཆའ་བའི་གདོན་འདྲེ་ཞིག་ཡིན་པར་བསམས་ཡོད།ལྟ་ཚུལ་འདི་ཁོ་ནས་གཅིག་བྱས་ན་ཁྱེད་ཀྱིས་ང་རང་རྒྱ་མི་ཞིག་ཡིན་པ་དཔོག་ཐུབ། རེད་དེ། ང་ནི་དམར་ཤོག་གི་སློབ་གསོའི་སྒྲིག་གཞིའི་ནང་འཚར་ལོངས་བྱུང་བ་ཞིག་ཡིན། ཕྱི་ལོ༡༩༩༧ལོར་སྟེས་དབང་ཞིག་གིས་ང་རང་བོད་ནང་དུ་རྐང་རྡོག་སྤོ་རྒྱུའི་གོ་སྐབས་ཤར་བྱུང༌། ལོ་དེར་ངས་གསང་སྟབས་ཀྱིས་གང་ཉིད་ཀྱི་སྐུ་པར་ཐོག་མར་མཇལ་བ་ཡིན་ལ་སྐུ་ཉིད་ཀྱི་བླ་རུ་འཕགས་པའི་མཉེས་གཤིན་གྱི་རྣམ་འགྱུར་དེས་ང་རང་དམར་ཤོག་གི་དྲིལ་སྒྲོག་ལ་ཡིད་གཉིས་སྐྱེ་རུ་བཅུག
ལོ་དེ་གའི་དཔལ་ལྷའི་དུས་མཆོད་ཉིན་མོར་ང་རང་སྔ་ས་ནས་གཙུག་ལག་ཁང་དུ་སླེབས་ཡོད་ལ། བཀྲ་ཤིས་དཔལ་ལྷ་མོའི་ཞལ་ཁེབས-ཀྱང་ཕྱེས་ཚར་འདུག་པས། ངས་གློག་སྒྲོན་གྱི་ངོགས་ནས་མགོ་བོ་བསྲིངས་ཏེ་དཔལ་ལྷ་མོའི་ཞལ་མཇལ་ཞུ་བའི་ཚེ་གློ་བུར་དུ་ངའི་རྒྱབ་ཕྱོགས་ནས་གླུ་སྒྲ་ཞིག་ཐོས་བྱུང༌། དེ་ནི་མི་རྒན་ཞིག་གི་ཡིད་སྐྱོ་དང་ཁྲོ་ཉམས་འདྲེས་པའི་གླུ་སྐད་ཅིག་རེད། ཁོང་གིས་སྲོང་བཙན་སྒམ་པོའི་འདྲ་སྐུའི་གམ་དེ་ནས་གླུ་ལེན་ཞོར་དང་ཆང་ཕུད་མཆོད་ཀོང་དུ་འབུལ་བཞིན་ཡོད་ལ་དེའི་ཕྱོགས་བཞི་ན་འཁོད་པའི་སྐྱེས་པ་དང༌། བུད་མེད། ཐ་ན་ཕྲུ་གུ་ཆུང་ཆུང་ཚོས་ཀྱང་མྱུར་སྟབས་ཀྱིས་མི་རྒན་ཁོང་དང་གླུ་ངག་འཐེན་བཞིན་ཡོད།
དེ་ལས་མང་བ་། “རྒྱ་མི་ཀྲུའུ་རས་ནས་སྐྱབས་མགོན་ཏཱ་ལའི་བླ་མར་ཕུལ་བའི་འཕྲིན།” »
འོད་ཟེར་གྱིས་བརྩམས།
མང་རའི་གངས་ཐིགས་ཀྱིས་བསྒྱུར།(ཝཱ་ཎ)
——————
ཉེ་ཆར་ཁོ་མོའི་ཟིན་བྲིས་ནང་རྒྱ་ནག་གི་”དཔྱིད་ཀའི་དགའ་སྟོན་”དང་བོད་ཀྱི་”ལོ་སར”་སྐོར་ལ་བསམ་འཆར་ཧ་ཅང་མང་པོ་ཞིག་བཀོད་འདུག ཧན་མི་སེར་ཚོས་བརྗོད་དོན། ” ཁྱེད་ཚོས་ཁྱེད་རང་ཚོའི་”ལོ་སར”་སྲུང་བརྩི་བྱེད་གི་ཡོད་པ་རེད། ང་ཚོས་ང་རང་ཚོའི་”དཔྱིད་ཀའི་དགའ་སྟོན་”སྲུང་བརྩི་བྱ་ངེས་ཡིན། འདི་གཉིས་བར་ལ་འབྲེལ་བ་ཡོད་པ་མ་རེད། ཁྱེད་རང་ཚོས་ལོ་སར་སྲུང་བརྩི་བྱ་མིན་ང་ཚོར་ཅི་ཡང་བྱེད་ཀྱི་མེད།” ཟེར། འདི་དངོས་གནས་རེད། མི་རིགས་རེ་རེ་ལ་རང་རང་གི་དུས་ཆེན་ཡོད་པ་རེད། མི་རིགས་ཤིག་གིས་མི་རིགས་གཞན་ཞིག་ལ་རང་གི་དུས་ཆེན་དག་སྲུང་བརྩི་བྱེད་པར་དགོས་འདུན་འདོན་མི་རུང་། སྤྱི་ལོ༡༩༡༣ནང་དེ་སྔ་ཡོན་ཧྲི་ཁེ་”རྒྱ་ནག་སྤྱི་མཐུན་རྒྱལ་ཁབ”་ཀྱི་འགོ་གཙོ་ཡིན་སྐབས་ཁོང་གིས་ཧོར་ཟླ་དང་པོའི་ཉིན་དང་པོ་”དཔྱིད་ཀའི་དགའ་སྟོན”་དུ་གཏན་འབེབས་བྱས་ཏེ་རྒྱལ་ཡོངས་ལ་ཉིན་གཅིག་རིང་གི་གུང་གསེང་བཏང་པ་རེད། སྐབས་དེར་”མི་རིགས་ལྔ་ཡི་སྤྱི་མཐུན་རྒྱལ་ཁབ་”དར་སྤེལ་གཏོང་གི་ཡོད་སྟབས། ཧན་མི་རིགས་ཀྱི་དུས་ཆེན་གཙོ་བོ་དཔེར་ན། Dragon Boat Festival དངMid-Autumn Fesitival་དེ་སྔ་རྒྱལ་ཁབ་ཀྱི་དུས་ཆེན་ལ་གཏན་འབེབས་བྱས་ཡོད་པ་མ་རེད། ཡིན་ཡང་། ད་ལྟའི་དབུ་ཁྲིད་འདི་གར་ཐ་ན་དམག་གཤེད་ཅན་ཡོན་ཧྲི་ཁེ་ལྟ་བུའི་བློ་རྒྱ་འང་མེད་པར་སྣང་། “རྒྱ་ནག་མི་དམངས་”ཞེས་པའི་ལྟ་ཚུལ་གྱི་དར་ཁྱབ་དང་ལྷན་དུ་རྒྱ་ནག་གི་གླ་བ་རྩོམ་འབྲི་བ་ཚོས་ “རྒྱ་མིའི་ངག་བརྗོད”ཅེས་པའི་གཅིག་བསྒྲིལ་ཞིག་ཡོང་བར་འབོད་སྐུལ་བྱེད་བཞིན་ཡོད།
དེ་ལས་མང་བ་། “བོད་ཀྱི་”ཞི་བའི་བཀའ་ཁྲིམས་བརྩི་མེད”ཀྱི་ལས་འགུལ་ཆེན་མོ།” »
འོད་ཟེར་གྱིས་བརྩམས།
མང་རའི་གངས་ཐིགས་ཀྱིས་བསྒྱུར།(ཝཱ་ཎ)
——————
ཉེ་ཆར་ཁོ་མོའི་ཟིན་བྲིས་ནང་རྒྱ་ནག་གི་”དཔྱིད་ཀའི་དགའ་སྟོན་”དང་བོད་ཀྱི་”ལོ་སར”་སྐོར་ལ་བསམ་འཆར་ཧ་ཅང་མང་པོ་ཞིག་བཀོད་འདུག ཧན་མི་སེར་ཚོས་བརྗོད་དོན། ” ཁྱེད་ཚོས་ཁྱེད་རང་ཚོའི་”ལོ་སར”་སྲུང་བརྩི་བྱེད་གི་ཡོད་པ་རེད། ང་ཚོས་ང་རང་ཚོའི་”དཔྱིད་ཀའི་དགའ་སྟོན་”སྲུང་བརྩི་བྱ་ངེས་ཡིན། འདི་གཉིས་བར་ལ་འབྲེལ་བ་ཡོད་པ་མ་རེད། ཁྱེད་རང་ཚོས་ལོ་སར་སྲུང་བརྩི་བྱ་མིན་ང་ཚོར་ཅི་ཡང་བྱེད་ཀྱི་མེད།” ཟེར། འདི་དངོས་གནས་རེད། མི་རིགས་རེ་རེ་ལ་རང་རང་གི་དུས་ཆེན་ཡོད་པ་རེད། མི་རིགས་ཤིག་གིས་མི་རིགས་གཞན་ཞིག་ལ་རང་གི་དུས་ཆེན་དག་སྲུང་བརྩི་བྱེད་པར་དགོས་འདུན་འདོན་མི་རུང་། སྤྱི་ལོ༡༩༡༣ནང་དེ་སྔ་ཡོན་ཧྲི་ཁེ་”རྒྱ་ནག་སྤྱི་མཐུན་རྒྱལ་ཁབ”་ཀྱི་འགོ་གཙོ་ཡིན་སྐབས་ཁོང་གིས་ཧོར་ཟླ་དང་པོའི་ཉིན་དང་པོ་”དཔྱིད་ཀའི་དགའ་སྟོན”་དུ་གཏན་འབེབས་བྱས་ཏེ་རྒྱལ་ཡོངས་ལ་ཉིན་གཅིག་རིང་གི་གུང་གསེང་བཏང་པ་རེད། སྐབས་དེར་”མི་རིགས་ལྔ་ཡི་སྤྱི་མཐུན་རྒྱལ་ཁབ་”དར་སྤེལ་གཏོང་གི་ཡོད་སྟབས། ཧན་མི་རིགས་ཀྱི་དུས་ཆེན་གཙོ་བོ་དཔེར་ན། Dragon Boat Festival དངMid-Autumn Fesitival་དེ་སྔ་རྒྱལ་ཁབ་ཀྱི་དུས་ཆེན་ལ་གཏན་འབེབས་བྱས་ཡོད་པ་མ་རེད། ཡིན་ཡང་། ད་ལྟའི་དབུ་ཁྲིད་འདི་གར་ཐ་ན་དམག་གཤེད་ཅན་ཡོན་ཧྲི་ཁེ་ལྟ་བུའི་བློ་རྒྱ་འང་མེད་པར་སྣང་། “རྒྱ་ནག་མི་དམངས་”ཞེས་པའི་ལྟ་ཚུལ་གྱི་དར་ཁྱབ་དང་ལྷན་དུ་རྒྱ་ནག་གི་གླ་བ་རྩོམ་འབྲི་བ་ཚོས་ “རྒྱ་མིའི་ངག་བརྗོད”ཅེས་པའི་གཅིག་བསྒྲིལ་ཞིག་ཡོང་བར་འབོད་སྐུལ་བྱེད་བཞིན་ཡོད།
དེ་ལས་མང་བ་། “བོད་ཀྱི་"ཞི་བའི་བཀའ་ཁྲིམས་བརྩི་མེད"ཀྱི་ལས་འགུལ་ཆེན་མོ།” »
འཛམ་གླིང་གི་མྱ་ངན།
གཱན་ངྷི་། ཁོང་གི་མི་ཚེ་དང་འཛམ་གླིང་ལ་གསུང་འཕྲིན།
ལོའུ་བེ་སུ ཧྥི་ཆེར་གྱིས་བརྩམས།
བོད་སྒྱུར། ཚེ་རིང་དོན་གྲུབ
མོ་ཧཱན་ངྷ གཱན་ངྷི ༡༨༦༩ ཟླ་བ་༡༠་ཚེས༢ – ༡༩༤༨་ཟླ་བ་༡་ཚེས་༣༠
ལྡི་ལི་གསར་བའི་ཉེ་འཁྲིས། ཇུམ་ནཱ་གཙང་བའི་འགྲམ་དུ། མི་མང་ས་ཡ་གཅིག་ལ་ཉེ་བས་སྐུ་ཕུང་གདན་ཞུའི་ཆོ་ག་ཞུགས་འབུལ་གནང་སའི་གནས་ཏེ་འབྱོར་བར་སྒུག་འདུག སྐྱེས་བ་ཚོས་དར་གོས་དཀར་པོ་གྱོན་པ་དང་། བུད་མེད་ཚོས་སྲིང་བལ་གྱི་གཟན་རས་དཀར་པོ་གཡོག་པ་དེས་ས་གཞི་ཡོངས་དཀར་པོས་ཁེབས།
གཙང་བོ་ནས་གོམ་ཁྲི་བརྒྱ་ཕྲག་ཅིག་གི་སར་རཱ་རྗེ་གཱ་ཊ་རུ་ས་དང་རྡོ། ས་ཕག་གིས་བཟོས་པའི་དུར་ཁང་གསར་བ་ཞིག་འདུག དེ་ནི་གོམ་ཁྲི་བརྒྱད་ཅན་གྱི་གྲུ་བཞི་ཞིག་རེད་། མཐོ་ཚད་ལ་གོམ་ཁྲི་གཉིས་ཙམ་འདུག ཙན་དན་གྱི་ཤིང་དུམ་ཕྲ་ཞིང་རིང་བོ་ལ་དྲི་བཟང་ཞུགས་ནས་དེའི་སྒང་དུ་སྤུངས། མཱ་ཧཱ་མཱ གཱན་ངྷའི་སྐུ་ཕུང་གི་དབུ་བྱང་ལ་གཏད་དེ་དུར་ཁང་དུ་བཞག སྟོན་པ་སངས་རྒྱས་མཆོག་མྱ་ངན་ལས་འདས་བའི་མཛད་པ་དེ་བཞིན་བསྟན་འདུག
ཕྱི་དྲོ་དུས་ཚོད་༤་དང་སྐར་མ་༤༥་ཐོག མཱ་ཧཱ་མཱའི་བུ་གསུམ་པ་རཱམ་ངྷ་སུ་ཡིས་དུར་ཁང་གི་སྐུ་ཕུང་ལ་ཞུགས་མེ་སྒྲོན་པ་ན། ཤིང་དུམ་འབར་བས་མེ་ལྕེ་མཆེད་པ་དང་། རྒྱ་ཆེ་བའི་མི་ཚོགས་འདུ་འཛོམས་ཀྱིས་མྱ་ངན་ཆེན་པོ་ངང་བུད་མེད་ཚོས་སྐད་ཤུགས་ཆེན་པོར་ངུ་བ་དང་སྨྲེ་སྔགས་འདོན་པ། སྐྱེས་བ་ཚོས་མིག་ནས་མཆི་མ་བཏོན། ཤིང་དུམ་འབར་བས་ཚག་སྒྲ་འབྱིན་ཞིང་མེ་ཚིགས་པ་དང་། མེ་ལྕེ་ཕྱོགས་གཅིག་ཏུ་མཆེད་ནས་མེ་ཕུང་ཞིག་ཏུ་གྱུར། ད་ལྟ་གནས་དེ་ཁུ་སིམ་སིམ་དང་། གཱན་ངྷའི་ཕུང་བོ་ཆུང་དུ་ཕྱིན་ཏེ་ཚིགས་རོ་དང་ཐལ་བ་གྱུར།
ཕྱི་ལོ་༡༩༤༨་ཟླ་༡་ཚེས་༣༠་ཉིན་གྱི་སྔ་བོ་དེ་ལ། མི་དར་མ་ཞིག་གིས་རྒྱ་གར་གྱི་གཙོ་འཛིན་མོ་ཧཱན་ངྷ་ གཱན་ངྷི་ལ་མེ་མདའ་རྒྱབ་ཏེ་བཀྲོངས་བ་རེད།
ལེའོ་ནར་སྒྲོ་ཡིས་བཞེངས་པའི་མོ་ན་ལིས་ས།
ལེའོ་ནར་སྒྲོ་ སྒྲ་ ཝེན་སི།
ཁོའི་བརྩམས་ཆོས་གྲགས་ཅན་མཐའ་མཇུག་གི་དགོང་ཟས།
མང་ར་བ་གདུགས་དཀར་འབུམ།
གཤམ་གསལ་བོད་རྒྱའི་དཀའ་རྙོག་ཐད་ཀྱི་དགོངས་ཚུལ་འདི་དག་ནི་གུས་པ་མང་ར་བ་གདུགས་དཀར་འབུམ་ད་ལོའི་ཕྱི་ཟླ་༨ པའི་ནང༌། ཉི་ཧོང་དུ་སྐོང་ཚོགས་གནང་བའི་ ༢༠༠༨ ལོའི་རྒྱ་ནག་དང་ཨེ་ཤ་ཡ་མང་གཙོར་བསྒྱུར་བའི་རྒྱལ་སྤྱིའི་རོགས་སྐྱོར་ཚོགས་ཆེན་སྟེང་ཚོགས་ཞུགས་སྐབས། ཕྱི་རྒྱལ་ཡུལ་གྲུ་ཁག་ནང་གནས་སྡོད་རྒྱ་ནག་དམར་པོའི་གཞུང་དང་ཆབ་སྲིད་ཐད་ལྟ་སྤྱོད་མི་མཐུན་པ། རྒྱ་རིགས་མང་གཙོ་དོན་གཉེར་ཅན་ཚོ་དང་ལྷན་དུ་བོད་རྒྱའི་དཀའ་རྙོག་ཐད་བགྲོ་གླེང་གོ་སྐབས་བྱུང་བའི་ཁྲོད། རྒྱ་རིགས་མང་གཙོ་དོན་གཉེར་ཅན་སྐད་གྲགས་ཆེ་པའི་མི་སྣ་ཁག་ལྔ་སོ་སོར་བོད་རྒྱའི་དཀའ་རྙ ོག་ཐད་གླེང་མོལ་བྱུང་སྐབས། ཁོང་ཚོའི་བོད་རྒྱའི་དཀའ་རྙ ོག་ཐད་ཀྱི་དགོངས་ཚུལ་ཁག་ཅིག་ཕྱོགས་བསྡུས་བྱས་ཏེ། སྐབས་དེར་གུས་པས་རྒྱ་ཡིག་ནང་བྲིས་ཡོད་པ་འདིར་བོད་མི་ཡོངས་ཀྱིས་ཕྱི་རྒྱལ་ཡུལ་གྲུ་ཁག་ནང་གནས་སྡོད་རྒྱ་ནག་དམར་པོའི་གཞུང་དང་ཆབ་སྲིད་ཐད་ལྟ་སྤྱོད་མི་མཐུན་པ། རྒྱ་རིགས་མང་གཙོ་དོན་གཉེར་ཅན་ཚོའི་བོད་རྒྱའི་དཀའ་རྙོག་ཐད་ཀྱི་དགོངས་ཚུལ་ལ་སོགས་མཁྱེན་རྟོགས་སླད་བོད་ཀྱི་དུས་བབ་ལས་བྱེད་ཚེ་རིང་རྒྱལ་ལགས་ཀྱིས་བོད་བསྒྱུར་ལྟར་བཀོད་པ་ལགས།
དང་པོ།
ཨ་རིའི་ནུའུ་ཡོག་ཁུལ་དུ་རྟེན་གཞི་བྱས་ཡོད་པའི་པེ་ཅིང་གི་དཔྱིད་ཀ་ཞེས་པའི་རྒྱ་ཡིག་དུས་དེབ་ཀྱི་རྩོམ་སྒྲིག་པ་ཧུའུ་ཕིང་ལགས་དང་ཕྱི་ལུགས་༢༠༠༨་ལོའི་གསུམ་བཅུ་དུས་དྲན་ཉིན་ནས་བཟུང་བོད་ནང་མདོ་དབུས་ཁམས་གསུམ་གྱི་བོད་མི་ཡོངས་ཀྱིས་རྒྱ་ནག་དམར་པོའི་གཞུང་ལ་ཞི་བའི་གྱེན་ལངས་གནང་ཡོད་པའི་ཐད་བགྲོ་གླེང་གནང་རྒྱུའི་གོ་སྐབས་བྱུང་བ་དང༌། དགུང་ལོ་དྲུག་ཅུའི་ཡས་མས་སུ་སོན་པའི་ཧུའུ་ཕིང་ལགས་ལ་ཕྱིར་སྡོད་རྒྱ་རིགས་མང་གཙོ་དོན་གཉེར་ཅན་ཚོའི་གཞུང་ལུགས་སྨྲ་བ་བོ་ཞེས་པའི་མཚན་གསོལ་ཡོད་པ་མ་ཟད༌། ཁོང་ནི་རྒྱ་ནག་གི་གནས་སྟངས་ཐད་སྐབས་དོན་དཔྱད་བརྗོད་པ་ལེགས་གྲས་ཞིག་ཀྱང་ལགས་པས།
གཤམ་དུ་བཀོད་པ་ནི་ཧུའུ་ཕིང་ལགས་ཀྱིས་ཕྱི་ལུགས་ ༢༠༠༨ ལོའི་གསུམ་བཅུ་དུས་དྲན་ཉིན་ནས་བཟུང༌། བོད་ནང་མདོ་དབུས་ཁམས་གསུམ་གྱི་བོད་མི་ཡོངས་ཀྱིས་རྒྱ་ནག་དམར་པོའི་གཞུང་ལ་ཞི་བའི་གྱེན་ལངས་གནང་ཡོད་པའི་ཐད་བརྗོད་པའི་དགོངས་ཚུལ་ཡིན།
ཧུའུ་ཕེང་ལགས་ཀྱིས།
ངས་བསམ་ན་བོད་ཀྱི་དཀའ་རྙ ོག་གི་གཞི་རྩ་རྒྱ་ནག་གུང་ཁྲན་ཏང་གི་གཅིག་བསྡུ་དབང་བསྒྱུར་ལ་ཐུག་འདུག བོད་མིས་མིང་དོན་མཚུངས་པའི་རང་སྲིད་རང་སྐྱོང་བརྩོན་ལེན་གནང་གི་ཡོད་པ་རེད། གནད་འདིས་གུང་ཁྲན་ཏང་གི་གཅིག་བསྡུ་དབང་བསྒྱུར་ལ་འགྲན་རྩོད་ཧ་ཅང་ཆེན་པོ་ཞིག་བསླངས་ཡོད་པ་རེད། གཙོ་བོ་གུང་ཁྲན་ཏང་གིས་བོད་ལ་མིང་དོན་མཚུངས་པའི་རང་སྲིད་རང་སྐྱོང་ལག་བསྟར་གནང་རྒྱུར་ངེས་ལེན་གནང་མི་ཐུབ་པ་དེ་རེད། དེའི་དབང་གིས་འདི་ནི་ད་ལྟ་བོད་ཀྱི་དཀའ་རྙ ོག་སེལ་རྒྱུར་དཀའ་ངལ་ཧ་ཅང་ཆེན་པོ་འཕྲད་བཞིན་ཡོད་པའི་ཁྲོད་ཀྱི་རྩ་བའི་རྒྱུ་རྐྱེན་གཅིག་རེད། བརྒྱུད་རིམ་འདིའི་ནང་རྒྱ་མི་ཁག་ཅིག་ལ་གནས་སྟངས་དངོས་ལ་རྒྱུས་མངའ་མེད་པ་དང༌། དེའི་སྟེང་གུང་ཁྲན་ཏང་གིས་བོད་རང་བཙན་ཞེས་པའི་གནད་དོན་ཆེས་ཆེར་གཙོར་འདོན་གིས། རྒྱ་མི་ཁག་ཅིག་བེད་སྤྱད་ནས་རྒྱ་ནག་གཅིག་གྱུར་ཆེན་མོའི་ལྟ་བ་ཟེར་བ་དེ་སྤྱོད་བཞིན་ཡོད་པ་རེད། དེར་བརྟེན་བོད་མིའི་དྲང་བདེན་གྱི་འཐབ་བརྩོད་ལ་དྲང་སྙ ོམས་མིན་པའི་རྣམ་འགྱུར་དང༌། མདོར་ན་ངོ་རྒོལ་གྱི་རྣམ་འགྱུར་བཟུང་ཡོད།
དེ་ལས་མང་བ་། “ཕྱིར་སྡོད་རྒྱ་རིགས་ཤེས་ལྡན་པ་ཁག་གིས་བོད་དོན་ཐད་ལྟ་ཚུལ། ༼ཁག་དང་པོ།༽” »
(དམངས་ཁྲོད་ཀྱི་བཟོ་བཅོས་པར་གཞི། བསམ་འཆར་བསྡུ་ལེན་གྱི་ཡིག་ཆ།)
༢༠༠༨ལོའི་ཟླ་༡༢བའི་ཚེས་༢༣ཉིན་བཟོ་བཅོས་བྱས།
འབྲོག་མྱིས་བསྒྱུར།
————————
ད་ལོ་ནི་རྒྱ་ནག གི་རྩ་ཁྲིམས་འགོ་བཙུགས་ནས་ལོ་བརྒྱ་ཐམ་པ། ༼འཛམ་གླིང་འགྲོ་བ་མིའི་ཐོབ་ཐང་བསྒྲགས་གཏམ༽འགྲེམས་སྤེལ་བྱས་ནས་ལོ་དྲུག་ཅུ་ཐམ་པ། ༼དམངས་གཙོའི་རྩིག་པ༽བལྟམས་ནས་ལོ་སུམ་ཅུ་ཐམ་པ། རྒྱག་ནག་གཞུང་གིས༼མི་སེར་གྱི་ཁེ་དབང་དང་ཆབ་སྲིད་ཀྱི་ཐོབ་ཐང་རྒྱལ་སྤྱིའི་སྤྱི་ཆིངས༽ལ་མོས་མཐུན་མིང་རྟགས་བཀོད་ནས་ལོ་བཅུ་ཐམ་པ་སོན་པའི་དུས་རེད། དུས་རྒྱུན་རིང་བོའི་འགྲོ་བ་མིའི་ཐོབ་ཐང་གི་གོད་ཆག་དང་ཀྱག་ཀྱོག་དཀའ་སྡུག་ཅན་གྱི་རྒོལ་རྩོད་བརྒྱུད་རིམ་གྱི་རྗེས་སུ། གོ་རྟོགས་སད་པའི་རྒྱ་ནག་མི་སེར་ཚོས་ཉིན་མ་རེ་རེར་གསལ་ཞིང་དག་པའི་ངང་ཤེས་རྟོགས་བྱུང་བ་ནི། རང་དབང་དང་། དྲང་བདེན། འགྲོ་བ་མིའི་ཐོབ་ཐང་ནི་འགྲོ་བ་མིའི་རིགས་ཀྱི་གཅིག་མཚུངས་ཀྱི་ཡོངས་ཁྱབ་འཇིག་རྟེན་རིན་ཐང་ལྟ་ཚུལ་ཡིན་པ་དང་། དམངས་གཙོ་དང་། སྤྱི་མཐུན། ཁྲིམས་ཀྱིས་སྲིད་སྐྱོང་བ་ནི་དེང་རབས་ཆབ་སྲིད་ཀྱི་རྨང་གཞིའི་སྒྲིག་སྲོལ་གྱི་སྒྲོམ་གཞི་ཡིན་ཞིང་། ༼བརྩེ་བ་ནི་འགྲོ་བ་མིའི་རིགས་ཀྱི་སྤྱི་ཚོགས་ཀྱི་ཤ་ཤུན་རེད་།༽ ཡོངས་ཁྱབ་འཇིག་རྟེན་རིན་ཐང་ལྟ་ཚུལ་དང་རྨང་གཞིའི་ཆབ་སྲིད་སྒྲིག་སྲོལ་སྒྲོམ་གཞིའི་འོག་གི༼དེང་རབས་ཅན༽དང་འགལ་ཚེ། དེ་ནི་འགྲོ་བ་མིའི་ཐོབ་ཐང་བཙན་འཕྲོག་དང་། མི་གཤིས་རུལ་བསླད། མིའི་ལ་རྒྱ་གཏོར་བཤིག་གི་གེགས་དང་བར་ཆད་ཀྱི་བརྒྱུད་རིམ་ཞིག་ལས་མ་འདས། དུས་རབས་ཉེར་གཅིག་གི་རྒྱ་ནག་འདི་བཞིན་ལམ་ཁ་ག་འདྲ་ཞིག་ཏུ་འགྲོ་རྒྱུ་ཡིན་ནམ། མུ་མཐུད་ནས་ད་ལྟའི་ཟིལ་ཤུགས་དབང་བསྒྱུར་འོག་གི༼དེང་རབས་ཅན༽དེ་རྒྱུན་འཁྱོངས་བྱ་རྒྱུའམ། ཡང་ན་ཡོངས་ཁྱབ་འཇིག་རྟེན་རིན་ཐང་ལྟ་ཚུལ་དེར་ངོས་ལེན་བྱས་ཏེ། དེང་གི་འཕེལ་ཕྱོགས་གཙོ་བོར་གྱུར་བའི་ཡོངས་བཀུར་དཔལ་ཡོན་ཁྲོད་མཉམ་བསྲེས་དང་། དམངས་གཙོའི་སྲིད་དབང་གི་སྒྲིག་སྲོལ་གསར་འཛུགས་བྱ་རྒྱུ་ཡིན་ནམ། འདི་ནི་ལྡོག་ཏུ་མེད་པའི་གདམ་ག་ཞིག་ཡིན།
དུས་རབས་བཅུ་དགུ་བའི་དཀྱིལ་དུ་བྱུང་བའི་ལོ་རྒྱུས་ཀྱི་འགྱུར་ལྡོག་ཆེན་པོས་རྒྱ་ནག་གི་སྲོལ་རྒྱུན་ཁྲོད་གནས་པའི་སྒེར་གཅོད་ལམ་ལུགས་ཀྱི་རུལ་སུངས་དམར་རྗེན་དུ་ཕྱི་རུ་མངོན་པ་དང་ཆབས་ཅིག་ཀྲུང་ཧྭ་ཡུལ་ལྗོངས་སྟེང༼ལོ་ངོ་སྟོང་ཕྲག་དུ་མའི་རིང་བྱུང་མྱོང་མེད་པའི་གནས་བབ་ཀྱི་འཕོ་འགྱུར་ཆེན་མོའི༽ཡོལ་བ་འབྱེད། ཡཱང་ཝོའོ་[1] <#_ftn1>ལས་འགུལ་གྱིས་ཅ་དངོས་རིམ་པའི་ལེགས་བསྒྱུར་ལ་བརྩོན་ལེན་དང་། ཇཱ་ཝོའོ་དམག་འཁྲུག་[2] <#_ftn2>ལ་ཕམ་ཁ་རེག་པས་ཡང་ཐེངས་ཤིག་ཏུ་ལམ་ལུགས་རྗེས་ལུས་དང་དུས་དང་མི་འཚམ་པའི་སྐྱོན་ཆ་ཕྱི་རུ་མངོན། ཝོའོ་ཞེའུ་ལུགས་སྒྱུར་[3] <#_ftn3>དེ་ལམ་ལུགས་རིམ་གྱིས་གསར་སྒྱུར་ལ་རེག་ཐུབ་ཡོད་ན་ཡང་། མཐར་མཇུག་ཀླད་རྙིང་ངན་རེངས་ཤོག་ཁག་གི་གདུག་རྩུབ་དྲག་གནོན་གྱིས་ཕམ་ཁའི་གནས་སུ་བསྐྱལ། ཞིན་ཧྭེ་གསར་བརྗེ་[4] <#_ftn4>ཡིས་ལོ་ངོ་ཉིས་སྟོང་རིང་བརྒྱུད་པའི་རྒྱལ་བོའི་དབང་ཆའི་ལམ་ལུགས་དེ་ཕྱི་ངོས་སུ་དུར་འཇུག་བྱས་ཏེ་ཨེ་ཤི་ཡའི་གླིང་ཕྲན་སྟེང་སྤྱི་མཐུན་རྒྱལ་ཁབ་དང་པོ་དེ་བཙུགས། ཡིན་ནའང་སྐབས་དེའི་ནང་རྩོད་ཕྱི་འཁྲུག་གི་དམིགས་བསལ་ལོ་རྒྱུས་དང་ཆ་རྐྱེན་གྱི་དབང་གིས་སྤྱི་མཐུན་སྲིད་གཞུང་གི་སྒྲིག་སྲོལ་དེ་ཨུ་དུམ་ཝ་ར་ཡུད་ཙམ་བཞད་པའི་དཔེ་ལྟར་སྐད་ཅིག་ཙམ་ནང་ཡལ་བ་དང་། སྒེར་གཅོད་རིང་ལུགས་དེ་མ་ཐག་ཏུ་རོ་ལངས་བརྒྱབ། ཅ་དངོས་ལད་ཟློས་དང་སྒྲིག་སྲོལ་གསར་སྒྱུར་གྱི་ཕམ་ཁས་རྒྱལ་འབངས་ཚོ་ཞིབ་ཆར་གཞོལ་ནས་རིག་གནས་ཀྱི་ནད་གཞིའི་རྩ་བར་བསམ་ཞིབ་གཏོང་རྒྱུར་སྐུལ་འདེད་བྱས། དེའི་འཕྲོས་སུ༼ཚན་ རིག་དང་དམངས་གཙོ༽ཡི་དར་ཆ་དགུང་ལ་འཕྱར་བའི༼ལྔ་བཞི་རིག་གནས་གསར་བའི་ལས་འགུལ༽བྱུང་། ནང་གི་རྩོད་རྙོག་རྒྱུན་མ་ཆད་པ་དང་ཕྱི་དགྲས་བཙན་འཛུལ་བར་མེད་བྱུང་བར་བརྟེན། རྒྱ་ནག་གི་ཆབ་སྲིད་དམངས་གཙོ་ཅན་གྱི་ལོ་རྒྱུས་ལམ་བུ་དེ་ཐབས་ཟད་འུ་ཐུག་གིས་མཚམས་ཆད་དགོས་བྱུང་། ཉི་ཧོང་འགོག་པའི་དམག་འཁྲུག་ལ་རྒྱལ་ཁ་ཐོབ་པའི་རྗེས་སུ་ཡང་བསྐྱར་དམངས་གཙོའི་སྒྲིག་སྲོལ་ཅན་གྱི་རྐང་ལམ་དེར་ཞུགས་འགོ་བརྩམས། འོན་ཀྱང་གོ་མིན་ཏང་ཚོགས་ཤོག་དང་དམར་པོའི་ཚོགས་ཤོག་བར་གྱི་ནང་འཁྲུག་མཇུག་སྒྲིལ་རྗེས་རྒྱ་ནག་དེ་དེང་རབས་དབང་ཆ་སྒེར་སྡེམ་རིང་ལུགས་ཀྱི་གཡང་ས་ཟབ་མོའི་གཏིང་རུམ་དུ་ཟགས།
ཟླ་ཤས་སྔོན་ངེད་ཚོའི་ཚོགས་པས་གོ་སྒྲིག་གིས་འདི་གའི་འཇམ་དབྱངས་དགོན་ནང་ད་ལོར་བོད་རྒྱལ་ཁབ་ཀྱི་དོན་དུ་སྐུ་སྲོག་ཤོར་བ་ཚོའི་ཆེད་དུ་ཉིན་གང་གསོལ་བསྟོད་སྨོན་ལམ་རིགས་དུ་མ་ཞིག་སྙན་མོའི་དབྱངས་སུ་གྱེར་ནས་བཏོན་པའི་ནང་ ང་ཡང་དགའ་སྤྲོའི་ངང་ཞུགས་པ་ཡིན། ངེད་ཚོའི་དཔེ་ཆ་ཚང་མ་བོད་དབྱིན་ཧྥ་ཝི་སྐད་བཞི་ཤད་སྦྱར་རེད། དང་ཐོག་རང་གིས་ཀྱང་གཞན་པ་ཚོ་དང་སྐད་ཤུགས་འགྲན་བཞིན་ཐེངས་ཁ་ཤས་བཏོན་ཡང་རིམ་པས་རིམ་པས་ང་ཡང་ཡང་རྗེས་སུ་ལུས་ཤིང་འདོན་མཚམས་ཡང་ཡང་བརླག ཡིན་རྒྱུ་ནི་ངའི་བསམ་བློ་ཚིག་དོན་གྱི་གོ་བ་དང་དབྱིན་འགྱུར་ནང་ཤོར་ཏེ་གཞན་པ་ཚོས་གང་ཞིག་དང་གང་ན་འདོན་གི་ཡོད་པར་རྦད་དེ་འབྲེལ་མེད་དུ་གྱུར། སྒྲོལ་བསྟོད་ཉེར་གཅིག་དབྱིན་ཡིག་ལ་སྒྱུར་མཁན་དེ་ཆོས་ཀྱི་གོ་དོན་ཡག་པོ་ཤེས་མཁན་ཞིག་ཡིན་པ་འདྲ། སྐབས་རེར་བོད་ཡིག་ནང་གོ་བ་གསལ་བོ་མི་ལོན་པའི་ཚིག་དོན་རེ་ཡོད་ན་དབྱིན་འགྱུར་ནང་དེ་ལ་གསལ་ཁ་སྟེར་གྱི་འདུག ཡིན་ན་ཡང་། བརྡ་སྤྲོད་དང་མངོན་བརྗོད་རེའི་གོ་བ་ཡག་པོ་མ་ལོན་པར་འགྱུར་ལ་ནོར་འཁྲུལ་རེ་ཟུང་ཤོར་མེད་དམ་སྙམ། གཅིག་བྱས་ནས་ང་རང་གིས་གོ་བ་ལེན་སྟངས་ནོར་འདུག དེ་བས། དེ་རིང་ངས་དུས་ཚོད་ཕྲན་བུ་བཏང་ནས་དྲ་ཁང་འདིའི་ནང་གི་མཁས་དབང་ཚོར་བཀའ་སློབ་ཞུ་དགོས་བྱུང་སོང་བས་དགོངས་འཆར་འགྲན་བཞིན་གནང་བའི་རེ་བ་ཡོད། སྒྲོལ་བསྟོད་ཉེར་གཅིག་པ་ལས། འཇིག་རྟེན་གསུམ་མགོན་ཆུ་སྐྱེས་ཞལ་གྱི།། གེ་སར་བྱེ་བ་ལས་ནི་བྱུང་མ།།…
ཨེ་ལིའོ་ཊི་ སྤེར་ལིང་། དགེ་འདུན་རབ་གསལ་གྱིས་བསྒྱུར། ——————————————— (རྩོམ་ཡིག་འདི་ནི་དབྱིན་ཇིའི་སྐད་ཡིག་ཏུ་རྒྱ་གར་གྱི་དུས་བབ་གསར་ཤོག་ཏུ་འཁོད་ཅིང་། ཕྱིས་སུ་ཕ་ཡུལ་དྲ་རྒྱ་ལ་འང་བཀོད་འདུག བོད་འགྱུར་ལ་ཐུགས་དྭོགས་མཆིས་ཚེ་དབྱིན་ཡིག་གི་མ་ཕྱི་ལ་གཟིགས་ཞིབ་གནང་རོགས། He Has Got It Wrong) ————————————— མཐའ་མ་དེར་རྒྱ་ནག་འགྲིག་འདུག དོན་དག་ཚང་མ་༧རྒྱལ་བ་རིན་པོ་ཆེའི་སྐོར་རེད།…
དེབ་ཐེར་ནག་པོ།-གྷོལ་ཌི་སི་ཐེན་དང་བོད་ཀྱི་རྒྱལ་རབས་མེད་པར་བཟོ་བ། ཆ་གཉིས་པ།
འཇམ་དབྱངས་ནོར་བུས་བརྩམས། དགེ་འདུན་རབ་གསལ་གྱིས་བསྒྱུར།
(དེབ་ཐེར་ནག་པོ།-གྷོལ་ཌི་སི་ཐེན་དང་བོད་ཀྱི་རྒྱལ་རབས་མེད་པར་བཟོ་བ། ཆ་དང་པོ་ལ་གཟིགས་ན་ འདིར་ཡོད། https://www.khabdha.org/?p=531)
གསར་བརྗེའི་ལས་འགུལ།
མར་ཁེ་སི་རིང་ལུགས་ཀྱིས་ཤུགས་རྐྱེན་ཐེབས་པའི་བྲན་གཡོག་ལམ་ལུགས་ ༼ཡང་ན་མ་རྩ་རིང་ལུགས་༽སྐོར་གྱི་ལོ་རྒྱུས་སུ་རྒྱལ་ཁབ་རྣམས་རང་གི་ཤུལ་ལུས་ཀྱི་འགལ་ཟླ་ལ་བརྟེན་ནས་མགོ་རྟིང་སློག་གི་ཡོད་ཅིང་། དེར་ཏན་ཏན་གསར་བརྗེའི་ལས་འགུལ་དང་ཐ་ན་གསར་བརྗེའི་དཔའ་བོ་ཞིག་ལ་འོས་འཚམས་ཅན་གྱི་གོ་བབ་ཅིག་ཡོད་དགོས་པ་རེད། གྷོལ་ཌི་སི་ཐེན་གྱིས་ “བོད་ཀྱི་སྤྱི་ཚོགས་དང་གཞུང་ལ་གསར་བརྗེའི་འགྱུར་བ་”གཏོང་འདོད་པའི་”བོད་ཀྱི་ལེགས་བཅོས་ཚོགས་པ་”ཞེས་པའི་སྐོར་ལ་ཤོག་ངོས་བཅུ་གསུམ་ཡོད་པའི་ཞིབ་གསལ་གྱི་གནས་ཚུལ་བཀོད་ཡོད་པ་རེད། གྷོལ་ཌི་སི་ཐེན་གྱིས་ཚོགས་པ་ཆུང་ཆུང་འདིའི་སྐོར་ལ་གལ་ཆེར་བརྩིས་ནས་གནས་ཚུལ་དང་ཡིག་ཚགས་བཀོད་པའི་ཁོངས་སུ་དེའི་ཚོགས་མི་གསུམ་གྱི་པར་གཅིག་དང་། ཚོགས་པའི་ལས་རྟགས་བསྐྱར་པར་གྱི་ཤོག་ངོས་ཁ་གང་བ་གཅིག ཚོགས་པའི་ཚོགས་མིའི་འགེངས་ཤོག་བསྐྱར་པར་བྱས་པའི་ཤོག་ངོས་ཁ་གང་བ་གཅིག ཚོགས་པའི་སྙན་ཞུའི་འགེངས་ཤོག་གི་ཆ་ཤས་བསྐྱར་པར་བྱས་པ་བཅས་ཡོད་པ་རེད། མཐའ་མ་དེ་ཇེ་ཆུང་དུ་བཏང་ནས་བཀོད་པ་ནི་ཡིག་ཆ་དེའི་ཕྱེད་ཀ་དེ་རྒྱ་ཡིག་ཡིན་པའི་དོན་དངོས་དེ་མི་ཤེས་ཆེད་ཡིན་པ་འདྲ།
“བོད་ལེགས་བཅོས་ཚོགས་པ་”ནི་རྒྱ་ནག་གཞུང་གིས་དངུལ་སྤྲད་པའི་ཚོགས་པ་ཞིག་རེད། བོད་སྐད་ཀྱི་མིང་ལ་ནུབ་བོད་ལེགས་བཅོས་སྐྱིད་སྡུག་ཟེར་ཞིང་། དེས་མིང་འདི་ཐོག་མའི་སྐད་ཡིག་གང་གི་ནང་དུ་བརྩམས་པ་དེར་བརྡ་ཞིག་སྟོན་ཏེ། མིང་གི་ཆ་དང་པོ་ “ནུབ་”ཅེས་པ་དེ་༼རྒྱ་སྐད་དུ་ཞིས་༽རྒྱ་མིའི་འཇིག་རྟེན་ཁོ་ནའི་ནང་བོད་ཅེས་སྟོན་ཕྱིར་སྤྱོད་པའི་ཚིག་ཅིག་ཡིན་པ་རེད། ཚོགས་པ་དེ་འཛུགས་མཁན་དང་འགོ་འཁྲིད་ཡིན་པའི་སྤོམ་མདའ་ཚང་རབ་དགའ་ནི་གོ་མིན་ཏང་གི་ལས་བྱེད་ཅིག་རེད། བཀའ་བློན་སྦུག་ཏུ་ཡོད་པའི་རབ་དགའི་ཁང་པ་རཱེ་ལི་ཝིའོ་ཟེར་བ་དེར་ཁོ་གོ་མིན་ཏང་གི་ལས་བྱེད་གཞན་དང་མཉམ་དུ་གོ་མིན་ཏང་གི་སྒྲིག་ཆས་གྱོན་པའི་པར་ཅིག་འདུག ༼༡༽ ཐའེ་ཝན་གྱི་མཁས་པ་ཞིག་གིས་ གསང་རྒྱ་གྲོལ་བའི་གོ་མིན་ཏང་གི་ཡིག་ཆ་དག་བེད་སྤྱོད་བྱས་ཏེ་ཉེ་ཆར་པར་སྐྲུན་བྱས་པའི་རྩོམ་ཡིག་ཅིག་གི་ནང་། གོ་མིན་ཏང་གི་ལས་དོན་ཁྲོད་དུ་རབ་དགའ་ཡི་ཚོགས་པ་དེའི་འགན་འཁུར་ནི་བོད་ལ་སོ་ཉུལ་བྱེད་པ་དང་བོད་གཞུང་ཉམས་དམས་སུ་གཏོང་རྒྱུ་དེ་ཡིན་པ་གསལ་པོར་བསྟན་འདུག ཧྲའོ་ཏིན་ལིན་༼ Hsiao-Ting Lin ༽གྱིས་བྲིས་དོན། “ཁོའི་དམག་དོན་གྱི་ལས་བྱ་ལ་བཀའ་རྒྱ་བཏང་བ་ཞིག་གི་ནང་ཅང་ཅེ་ཧྲིས་མཐའ་མ་དེར་རབ་དགའ་ལ་རྒྱ་སྒོར་འབུམ་གཅིག་གི་ཟླ་རེའི་ཕོགས་ཐོབ་སྤྲོད་རྒྱུའི་བཀའ་བརྒྱ་བཏང་བ་རེད། ་་་ ཅང་གིས་ད་དུང་བོད་དང་ཞིས་ཁང་༼ཁམས།༽ རྒྱ་གར་བཅས་སུ་ཡོད་པའི་ཁོའི་གསང་བའི་ལས་བྱ་རྣམས་ལ་རྒྱ་མིའི་གཞུང་འབྲེལ་གྱི་ལག་འཁྱེར་ཡོད་མཁན་གྱི་རབ་དགའ་དང་ལྷན་དུ་ལས་ཀ་ནང་མོལ་གྱིས་བྱེད་དགོས་ཞེས་ལམ་སྟོན་བྱས་འདུག” ༼༢༽
བང་ལི་ཞུང་། ( དབྱིན་ཡིག)
མང་རའི་གངས་ཐིགས་ཀྱིས་བསྒྱུར། ཝཱཎ་མཐོ་སློབ།
(སྒྱུར་མཁན་གྱི་མཆན། ཕྲན་གྱིས་སྐུ་ཞབས་བང་ལི་ཞུང་གིས་བོད་དོན་ཐོག་ལ་འཛིན་པའི་ཆབ་སྲིད་ཀྱི་ལྟ་བ་ངོ་མ་དེ་ྐློག་པ་པོ་ཚོར་སྟོན་པའི་ཆེད་དུ་བསྒྱུར་བ་ཡིན་པ་ལས་དམིགས་ཡུལ་གཞན་ཅི་ཡང་མེད། ྐློག་པ་པོ་ཚོས་ཁོང་གི་བོད་འབྲེལ་གྱི་ཆབ་སྲིད་རྩོམ་ཡིག་སྤྱི་ལ་བགྲོད་གླེང་གནང་རོགས་ཞུ།)
ན་གཞོན་ཞིག་ཡིན་དུས་ང་དེ་སྔ་རྒྱ་ནག་གི་བྱང་ཤར་གྱི་གྲོང་གསེབ་དུ་”སློབ་གསོ་བསྐྱར་གཏོང”་བྱ་བར་བཏང་བྱུང་། ཉིན་ཞིག་ངས་ཤིང་རྟ་འཁོར་ལོ་ཞིག་དེད་དེ་ཀུང་ཧྲེ་ནང་ལ་རོགས་སྐྱོར་བཟའ་ཆས་ལེན་པར་སོང་བ་ཡིན། བཟའ་ཆས་དོ་དམ་ལས་ཁུངས་ནང་དུ་”གསར་འགྱུར་སྙིང་སྡུས་ News Digest ཚགས་པར་ཕྱོཊ་བསྡུ་ཤག་པ་ཞིག་མཐོང་བ་དང་ངས་འཕྲལ་དུ་པར་ལོག་ཅིག་ལ་སྤར་འཇུ་བརྒྱབ་སྟེ་བྐླགས་པ་ཡིན། འདི་ནི་དེ་སྔ་ཕྱི་གླིང་གི་གནས་ཚུལ་བཀོད་ཡོད་པའི་ཚགས་པར་གཅིག་པུ་དེ་ཡིན། དེའི་གསར་འགྱུར་དག་ནི་ཆབ་སྲིད་བསམ་བློའི་འཛིན་སྟངས་སྐོར་ལ་ཡིན་ནའང་། དེ་ཉུང་མཐར་སྐབས་དེའི་དམར་ཕྱོགས་ཚོགས་པའི་ཚགས་པར་དག་གི་ཚད་གཞི་དག་ལས་མ་འདྲ་བ་ཡོད། གསར་འགྱུར་དག་གི་ཁྲོད་དུ་གཅིག་ནི་དེ་སྔ་ཕྱི་རྒྱལ་གནས་ཚུལ་མཁོ་གཏོང་བ་ཞིག་གིས་༸ཏཱ་ལའི་བླ་མ་ལ་བཅར་འདྲི་བྱས་པ་ཞིག་རེད། ངས་རྩོམ་ཡིག་དེའི་ཞིབ་ཕྲའི་བརྗོད་བྱ་དྲན་པ་བརྗེད་འདུག་མོད། འོན་ཀྱང་ངའི་དྲན་འཛིན་གྱི་ཡོལ་བའི་ངོས་སུ་ད་དུང་འང་སྐམ་ཞིང་རིང་པའི་གཞོན་ནུ་ཞིག་གི་གཟུགས་བརྙན་ཞིག་ལྷག་འདུག་པ་ནི་རྒྱ་ནག་གི་ཚད་མེད་སྐྱོན་བརྗོད་འོག་ཁེར་རྐྱང་ངང་བཙན་བྱོལ་དུ་བཞུགས་འདུག་པའི་༸ཏཱ་ལའི་བླ་མ་མཆོག་རེད། ངས་ཁོང་གི་སྐོར་ལ་སྔོན་ཆད་གོ་མྱོང་ཡོད། ཡིན་ཡང་། དམར་ཕྱོགས་ཚོཊ་པའི་རྩོམ་རིག་ནང་”ཏཱ་ལའི་”ཞེས་པ་འདི་ནི་དེ་སྔ་བོད་ཀྱི་མུན་ནག་གི་ལོ་ཟླ་དག་གི་དོན་གཅིག་མིང་གི་རྣམ་གྲངས་ཀྱི་མིང་ཚིག་ཙམ་ཞིག་ཡིན། རྩོམ་ཡིག་འདི་ངའི་ཡིད་ལ་འཁོར་བའི་རྒྱུ་མཚན་ནི་དེས་བོད་ཀྱི་རྩ་དོན་ཐོག་ལ་བསམ་ཚུལ་རྒྱས་པ་གང་རུང་ཞིག་བཀོད་ཡོད་པའི་རྐྱེན་མ་རེད། དེ་ལས་ལྡོག་སྟེ་དེས་གལ་གནད་མེད་པ་ཞིག་ལ་ཞིབ་ཕྲ་བཀོད་འདུག་པ་དེ་རེད། ངས་དེ་སྔ་རྩོམ་ཡིག་དེ་ྐློག་བཞིན་པའི་སྐབས་དེར་བཟའ་ཆས་དོ་དམ་ལས་ཁུངས་ཀྱི་ལས་བྱེད་པ་ཞིག་གིས་ངའི་ལག་ནས་ཚཊ་པར་དེ་བཙན་ཤུཊ་ཀྱིས་འཕྲོག་པ་དང་དེ་ནི་”མཐོ་རིམ་དཔོན་རིགས་ཚོ”གཅིག་པུས་ྐློག་ཆོག་པའི་”ནང་ཁུལ་འགྲེམས་སྤེལ”ཞིག་ཡིན་སྐོར་ཁོང་ཉིད་གལ་ཆེ་མདོག་གིས་བརྗོད་བྱུང་། ཉིན་ཞིག་ལ་རྐེད་ལ་ཐག་པས་སྐེད་རགས་བཅངས་ཤིང་ལག་ལ་རྟ་ལྕགས་ཤིག་དམ་པོར་བཟུང་བའི་བསམ་མེད་བུ་ཆུང་”མཐོ་རིམ་དཔོན་རིགས་”མིན་པ་ཞིག་ཉིན་ཞིག་༸ཏཱ་ལའི་བླ་མ་མཆོག་དང་གདོང་དང་གདོང་གཏུགས་ཏེ་མཇལ་འཕྲད་གནང་ཐུབ་པ་ཞིག་ཁོང་དང་ངེད་གཉིས་སུས་ཀྱང་ཚོད་དཔག་གནང་ཐུབ་མེད་པ་རེད།
དེ་ལས་མང་བ་། “བོད་པའི་ཟིང་འཁྲུག་ཐག་གཅོད་ཐབས་ཀྱི་དབུ་མའི་ལམ་འཁྲུལ་མེད་ཅིག” »
གསར་འགྱུར་འདི་གཤམ་གྱི་རྒྱ་གཞུང་གི་དྲ་གྱའི་ཐོག་ནས་ཕབ་པ་ཡིན། http://tb.tibet.cn/news/xz_news/ttxw/200811/t20081107_437194.htm ཉེ་ལམ་པེ་ཅིང་དུ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་དང་སྐལ་བཟང་རྒྱལ་མཚན་འཁོར་དང་བཅས་པར་མཇལ་འཕྲད་གནང་བ་རེད། ཏུའུ་ཆིང་ལིན་གྱིས་རྒྱ་རི་བློ་གྲོས་འཁོར་དང་བཅས་པར་པེ་ཅིང་གི་ཨའོ་རྩལ་འགྲན་ཚོགས་དང་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་སྟེང་དུ་གྲུབ་འབྲས་ཆེན་པོ་བླངས་པ་དང་། འཕུར་གྲུ་ཨང་བདུན་པ་ཞེས་པར་མི་བསྡད་ནས་མཁའ་དབྱིངས་སུ་བསྐྱོད་པ་བདེ་བླག་ངང་ལེགས་འགྲུབ་བྱུང་བའི་གནས་ཚུལ་སྐོར་ངོ་སྤྲོད་གནང་ཞིང་། དེང་སྐབས་རྒྱལ་ཁབ་དང་བོད་རང་སྐྱོང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བའི་གནས་ཚུལ་སྐོར་དང་། དེ་མིན་བོད་ལྗོངས་ཀྱི་ཡོམ་འགོག་གེགས་སེལ་དང་ཤིན་ཏུ་མཐོང་དཀོན་པའི་གངས་སྐྱོན་འགོག་སེལ་བྱས་ཚུལ་སོགས་ངོ་སྤྲོད་གནང་བ་རེད། ཁོང་གིས་འདི་སྐད་དུ། ང་ཚོ་དཀའ་ངལ་དང་ཚོད་བགམ་སྣ་ཚོགས་ལས་རྒྱལ་ཐུབ་པ་དང་། བཅོས་སྒྱུར་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་ལ་ཀུན་གྱིས་དོ་སྣང་བྱེད་པའི་གྲུབ་འབྲས་གསར་པ་བླངས་ཡོད་པ་མཐའ་དག་གི་རྩ་བའི་རྒྱུ་རྐྱེན་ནི། ང་ཚོས་ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འཕེལ་རྒྱས་ཀྱི་ལམ་ཕྱོགས་རྒྱུན་འཁྱོངས་བྱས་པས་ཡིན་ལ། ཀྲུང་གོ་ཞི་བདེའི་ངང་འཕེལ་རྒྱས་འགྲོ་བ་ནི་ནམ་ཡང་འགོག་ཐབས་མེད་པའི་ལོ་རྒྱུས་ཀྱི་འཕེལ་ཕྱོགས་ཤིག་ཡིན་པ་དང་། བོད་ལྗོངས་ཉིད་མེས་རྒྱལ་གྱི་ཁྱིམ་གཞི་ཆེན་མོའི་ནང་དུ་དར་རྒྱས་ཆེན་པོ་འགྲོ་བཞིན་པ་ནི་ཀུན་གྱི་མིག་གིས་མཐོང་ཚོད་དུ་གྱུར་པའི་དོན་དངོས་ངོ་མ་རེད་ཅེས་གསུངས་པ་རེད། ཏུའུ་ཆིང་ལིན་གྱིས་འདི་སྐད་དུ། ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་། …
དེ་ལས་མང་བ་། “༄༅།།ཏུའུ་ཆིང་ལིན་གྱིས་ཏཱ་ལའི་བླ་མ་སྒེར་གྱི་འཐུས་མི་འཁོར་དང་བཅས་པར་མཇལ་འཕྲད་གནང་བ།” »
རོ་ལངས་སམ་གཟོར། （བོད་ཨ་མདོ་ནས）
གཅིག
བོད་མི་རིགས་ནི་ཞི་བདེ་ལ་ཧ་ཅང་དགའ་བའི་མི་རིགས་ཤིག་ཡིན། ད་ལྟ་རྒྱ་ནག་སྲིད་གཞུང་གི་ཡ་ང་བའི་གཉའ་གནོན་མང་པོ་མྱོང་བཞིན་ཡོད་ནའང༌། སྔར་བཞིན་དེ་བརྩོན་ལེན་བྱེད་པའི་སེམས་འདུན་གཏན་ནས་ཉམས་ཀྱི་མེད། འཛམ་གླིང་མི་དམངས་ཀུན་གྱིས་ཤེས་པ་ཞིག་ལ་སྤྱི་ལོ་གཉིས་སྟོང་བརྒྱད་ལོའི་ཟླ༣ཚེས༡༤ཉིན་འཛམ་གླིང་གི་མཐོ་སར་གནས་པའི་སྟོད་ཉི་མ་ལྷ་ས་ནས་མགོ་ནག་བོད་པ་ཚོས“ཞི་བའི་ལས་འགུལ”བསླངས་པ་ཀུན་ལ་གསལ་ཆ་ལྡན་པ་ཞིག་རེད། ཡིན་ན་ཡང༌། རྒྱ་ནག་སྲིད་གཞུང་གིས་འཛམ་གླིང་མི་མང་གི་མདུན་སར་དངོས་ཡོད་དང་མཐུན་པའི་དྲང་བདེན་གྱི་ངོ་བོའི་ཕྱོགས་ཙམ་མ་གླེང་བར་དེ་ནི“ཏཱ་ལའི་རུ་ཁག་གི་རྩ་འཛུགས”དང“ལྐོག་ཇུས་ཡིན་ལུགས”དང“མི་རིགས་ཁ་བྲལ་རིང་ལུགས”སོགས་ཀྱི་ནག་ཉེས་འགེལ་ཅི་ཐུབ་དང་སྐྱོན་བརྗོད་སྣ་ཚོགས་ཀྱི་སྒོ་ནས“ཞི་བའི་ལས་འགུལ”གྱི་ངོ་བོ་རྦད་དེ“རྡུང་བརླག་འཕྲོག་བསྲེག”གི་དོན་རྐྱེན་ཞིག་ཡིན་ཚུལ་འཛམ་གླིང་གི་ཁྱོན་ལ་ཁྱབ་བསྒྲགས་བྱས་པ་དེ་རེད། རང་ཉིད་ནང་ཁུལ་དུ་འཚོ་བའི་བོད་པ་ཞིག་གམ་མིའི་རིགས་ཀྱི་གཅེས་སུ་གྲུབ་པའི་རང་དབང་དང་དམངས་གཙོ། འདྲ་མཉམ། བདེན་དོན་ལ་བརྩི་བཀུར་བླ་མེད་གནང་བའི་སློབ་མ་ཞིག་ཡིན་པའི་ཆ་ནས་རྒྱ་ནག་སྲིད་གཞུང་གིས་བོད་མི་སེར་སྐྱ་མང་ཚོགས་ལ་ཐུབ་ཚོད་བཏང་དྲགས་པ་བཟོད་མ་ཐུབ་པ་དང༌། རྒྱ་ནག་སྲིད་གཞུང་གིས་བདེན་པ་རྫུན་དུ་བཅོས་པའི་ཀུན་སྤྱོད་ལ་དགག་བཞག་ནན་མོ་ཞིག་གཏོང་འདོད་པ་བཅས་རང་གི་མཐོང་ཐོས་དང་བསམ་ཚུལ་དེ་དྲང་བརྗོད་ཀྱི་ལམ་ནས་འུ་ཚོའི་ལོ་རྒྱུས་ཀྱི་བདེན་པ་ལ་འགན་ཁུར་བའི་སྐད་ཆ་ཐུང་ངུ་ཞིག་རྒྱལ་སྤྱིའི་མི་དམངས་ལ་བརྗོད་འདོད་པ་ཡིན།
དེ་ལས་མང་བ་། “བོད་པ་སློབ་ཆེན་པ་ཞིག་གིས་རྒྱལ་སྤྱིའི་མི་དམངས་ལ་སྤྲིངས་བའི་འཕྲིན།” »
བསྟན་འཛིན་བརྩོན་འགྲུས།
སྐར་ཆེན་གྱིས་བསྒྱུར།
དཀའ་ངལ་ཆེ་ཤོས་ཤིག་ནི་ང་ཚོས་སྔོན་ཆད་བྱུང་མ་མྱོང་བའི་འགུལ་བསྐྱོད་ཀྱི་གོམ་སྟབས་ཆེན་པོ་ཞིག་ཕྱིའི་དེང་རབས་སྤྱི་ཚོགས་སུ་སྤོ་མ་ཐུབ་པ་དེ་རེད། ཁེར་རྐྱང་དུ་བསྡད་པའི་དབང་གིས༌། འཛམ་གླིང་དམག་ཆེན་གཉིས་པའི་རྗེས་ཀྱི་ཧི་མ་ལ་ཡའི་རྒྱབ་ལོགས་ཀྱི་འཛམ་གླིང་ཧྲིལ་བོའི་འགྱུར་འགྲོས་ཀྱི་རྗེས་ང་ཚོས་མ་ཟིན་པ་རེད། དེར་བརྟེན། ཧི་མ་ལ་ཡའི་ནང་ལོགས་ཀྱི་བོད་པའི་སྤྱི་ཚོགས་དེ་ཀླད་རྙིང་མཁྲེགས་བཟུང་ཅན་གྱི་ཆོས་ལུགས་མི་སྣ་དང་ཁེ་དབང་གཅིག་པོར་རྔམ་པའི་སྐུ་དྲག་མི་སྣས་བསྒྱུར་བཀོད་བྱེད་སའི་ཞིང་བྲན་ལམ་ལུགས་ཀྱི་སྤྱི་ཚོགས་ཤིག་ཆགས་པ་རེད། ཕྱོགས་གཅིག་ནས་སྔོན་བྱོན་མཁས་པ་དག་གིས་ནང་ཆོས་འདི་བོད་ལ་དར་སྤེལ་བྱས་དེ་ཐོས་བསམ་དང་ཉམས་ལེན་གྱི་གདན་གསར་བ་ཞིག་བཏིངས་ཤིང་ཕྱོགས་གཞན་ཞིག་ནས་དེ་ཡར་རྒྱས་ཀྱི་བརྒྱུད་རིམ་ནང་ཆོ་ག་ཕྱག་ལེན་བྱེད་རྒྱུ་གཅིག་པོ་རྒྱ་ཆེ་རུ་བཏང་ནས་་རྨོངས་དད་ཤུགས་ཆེ་རུ་བཏང་འདུག
སློབ་གྲྭའི་དུས་ནས་བཟུང༌། ང་རང་བོད་ཀྱི་ཤེས་ལྡན་པའམ་བློ་གྲོས་ཅན་གྱི་མི་སྣ་དགེ་འདུན་ཆོས་འཕེལ་དང་དོན་གྲུབ་རྒྱལ༌། ཟླ་བ་ནོར་བུ། འཇམ་དབྱངས་ནོར་བུ། ལྷ་བཟང་ཚེ་རིང་བཅས་ལ་ཡིད་སྨོན་བྱེད་བཞིན་འཚར་ལོངས་བྱུང་བ་ཡིན། ད་དུང༌། མི་ལ་རས་པ་དང་གླིང་གེ་སེར་ནི་ང་རང་ཆེས་དགའ་སའི་བོད་ཀྱི་མི་སྣ་གཉིས་ཡིན།
གསང་བའི་ལམ་ནས་བཟོ་སྐྲུན་བྱས་པའི་བོད་མིའི་སེམས་ཀྱི་ཚོར་བ་ངོ་མ་མཚོན་པའི་གློག་བརྙན་ཞིག
བོད་མི་ཚོས་བོད་དང་རྒྱ་ནག་ཨོལིམཔིཀ་བཅས་ཀྱི་སྐོར་ལ་འགྲེལ་བརྗོད་བྱེད་པ།
ཕྱི་ལོ་༢༠༠༨ ཟླ་༨ ཚེས་༦ ཉིན་གྱི་ཉིན་གུང་ཚོུད་༡༢ ཐོག་པེ་ཅིན་དུ་གསར་འགོད་གསལ་བསྒྲགས་དང་གློག་བརྙན་སྤྱན་བསྟར་ཞུ་རྒྱུ།
ཕྱི་ལོ་༢༠༠༨ ཟླ་༨ ཚེས་༦ ཉིན་གྱི་གསར་འགོད་གསལ་བསྒྲགས།
༄༅།། །ད་རིང་ཐེངས་ཉེར་དགུའི་ཨོ་ལིམ་པིཀ་རྩེད་འགྲན་ཚོགས་སའི་གྲོང་ཁྱེར་པེ་ཅིན་གྱི་ནང་དུ་བོད་ནང་གསང་བའི་སྒོ་ནས་བཟོ་སྐྲུན་དང་སྦྲགས་ཕྱི་ཟླ་གསུམ་པའི་གྱེན་ལངས་མ་བྱུང་བའི་ཉིན་ཤས་སྔོན་དུ་སྦས་གསང་གིས་ཕྱིར་གཏོང་ཐུབ་པ་བྱུང་བའི་དེ་སྔ་བྱུང་མ་མྱོང་བའི་གློག་བརྙན་ཞིག་རྒྱལ་སྤྱིའི་བརྒྱུད་ལམ་ཁག་ལ་འགྲེམས་སྤེལ་སྤྱན་བསྟར་ཞུ་རྒྱུ་རེད། དུས་ཡུན་སྐར་མ་༢༥ ཅན་གྱི་དངོས་བྱུང་གློག་བརྙན་༼འཇིགས་བྲལ་༽ ཞེས་པ་འདི་སྙིང་སྟོབས་ཅན་གྱི་བོད་རིགས་གློག་བརྙན་བཟོ་མཁན་རུ་ཁག་ཅིག་གིས་བཟོ་སྐྲུན་གནང་ཡོད། གློག་བརྙན་འདིས་ཨོ་ལིམ་པིཀ་རྩེད་མོའི་མཚོན་རྟགས་དང་། སྐབས་དོན་གྱི་འབྲེལ་བ། ༸གོང་ས་༸སྐྱབས་མགོན་ཏཱ་ལའི་བླ་མ་རིན་པོ་ཆེ་རང་ཡུལ་དུ་ཕྱིར་ཕེབས། བོད་ནང་རྒྱ་ནག་གི་དབང་སྒྱུར་བཅས་ཀྱི་སྐོར་ལ་བོད་ནང་གི་བོད་མིའི་སེམས་ཚོར་ངོ་མ་ཇི་བཞིན་མཚོན་ཐུབ་པ་བྱས་ཡོད།་
བོད་ཤར་ཕྱོགས་ནས་ཡིན་པ། རང་ཉིད་ཀྱིས་རང་ལ་བསླབ་པའི་གློག་བརྙན་བཟོ་སྐྲུན་པ། ཞིང་པ་དོན་གྲུབ་དབང་ཆེན་དང་། ཁོ་པའི་གྲོགས་པོ་བཙུན་པ་འགོ་ལོག་འཇིགས་མེད་གཉིས་ལས་གྲུབ་པའི་རུ་ཁག་ཅིག་ནས་བོད་ནང་དུ་རྒྱ་ནག་གི་དབང་སྒྱུར་དང་། པེ་ཅིན་ཨོ་ལིམ་པིཀ་རྩེད་འགྲན། ༸གོང་ས་ཏཱ་ལའི་བླ་མ་རིན་པོ་ཆེ་བཅས་དོན་ཚན་གསུམ་གྱི་སྐོར་ལ་བོད་མི་དཀྱུས་མ་ཚོར་གསང་བའི་སྒོ་ནས་བཅར་འདྲི་ཞུས་ཏེ་དུས་ཡུན་ཚོུད་༣༥ ལས་མང་བའི་བརྙན་པར་བླངས་ཡོད།
བསྟན་འཛིན་ཟླ་འོད་ཚེ་དབང༌།
སྐར་ཆེན་གྱིས་བསྒྱུར།
ང་རང་ལྕགས་ཀྱི་རྐུབ་སྟེགས་དེར་བསྙེས་བཞིན། མི་ཚོགས་ཀྱི་ངོ་གདོང་བལྟ་དུས། ངའི་སེམས་སུ་སྐྱོ་སྣང་གི་རླབས་ཕྲེང་ཞིག་འཕྱུར་ནས་འོངས། བོད་ནང་དུ་ཞི་བའི་གྱེན་ལངས་བྱེད་མཁན་གཞིས་ལུས་བོད་མི་རྣམས་ལ་མྱ་ངན་གྱི་ཆེད་དུ་དྭང་བླངས་སྒོས་སོ་སོའི་དབུ་སྐྲ་བཞར་མཁན་རྣམས་རེ་རེ་བཞིན་སྐད་བཏང་སོང༌། ངའི་ཡབ་ཆེན་དང་ངེད་གཉིས་ཀྱི་མིང་ནས་ཀྱང་བོས་སོང༌། ང་ཡར་ལངས་སྟེ་མདུན་ལ་སོང༌། ངས་་གཡོན་ཕྱོགས་སུ་བལྟ་སྟངས་ཤིག་གིས་རང་གི་ཡབ་ཆེན་གྱི་གཟུགས་བརྙན་མཐོང་བྱུང༌། སྐད་ཅིག་མ་དེར་ངས་ཁོང་གིས་སྤྱི་ཚོགས་ལ་བཅིངས་བའི་ལྷག་བསམ་དང་སྙིང་སྟོབས་སོགས་དྲན་སོང༌། ལག་ཏུ་ཚོན་ཁྲ་དམར་ནག་གིས་བྲིས་བའི་འབོད་ཚིག་གི་དར་བྱང་དཀར་པོ་ཞིག་ཐོགས་བཞིན་ངའི་མགོ་བོ་སྡུག་བསྔལ་གྱི་ནང་ལ་ཟགས། ངས་རང་གི་མིག་ཟུང་བཙུམས་བཞིན་མྱ་ངན་བྱས། ངའི་སྐྲ་ལོའི་ཉག་མ་རེ་རེ་བཞིན་ས་རུ་ཟགས། འགོག་མེད་ཀྱི་མིག་ཆུའི་ཐིགས་པ་འགའ་ངའི་མཁུར་ཚོས་བརྒྱུད་ནས་ས་རུ་ཟགས། སྐད་ཅིག་མ་དེར།ཨ་མདོ་རྔ་བ་རུ་བོད་མིའི་ཞི་བའི་གྱེན་ལངས་ལ་དམག་དཔུང་གིས་གཅར་རྡུང་བྱེད་བཞིན་པའི་སྣང་བརྙན་དག་ངའི་མིག་ཟུང་དུ་འཆར། ངའི་སྐྲ་ལོའི་ཉག་མ་དག་ས་རུ་ཟགས་ཐེངས་རེར་ངའི་ནང་སེམས་ལ་འགྱུར་བ་ཐེབས་ཤིང་ང་རང་མི་གཞན་ཞིག་ཆགས་སོང༌།
པེ་ཅིང་ཞོགས་པ་ཆུ་ཚོད་བཅུ་པ། ཨ་རིའི་ཝ་ཤིང་ཀྲོན་དགོངས་མོ་ཆུ་ཚོད་བཅུ་པ། རྒྱ་རི། ཧ་ལོ། སྲིད་ཐར་ལགས་ཡིན་པས། ལས་སེ། ལས་སེ། བདེ་པོ་ཡིན། གནས་ཚུལ་གསར་པ་འདྲ་མིན་འདུག་གམ སྲིད་ཐར། མིན་འདུག ང་ཚོ་ཨོ་ལིམ་ཕི་ཀར་འབྲེལ་བཞིན་ཡོད། ཟླ་བ་བཅུ་པའི་ནང་ཕེབས་རྒྱུ་ཡིན་ནམ། ལན་གསལ་པོ་ཞིག་མགྱོགས་པོ་གཏོང་ཤོག་ཨ། འདིར་གྲ་སྒྲིག་བྱེད་པའི་ཁྱད་པར་འདུག ད་དུང་ལྟ་སྐོར་འདྲ་དགོས་ཀྱི་ཡོད་ན་སྔོན་ནས་གསུངས་ཤོག ཟླ་བ་བཅུ་པའི་ནང་ཤར་བྱང་ཁུལ་ལ་ཀུ་ཤུ་ཡག་པོ་སྐྱེ་ཀྱི་ཡོད། དེར་ཕེབས་ན་སྐྱིད་པོ་ཡོད་རེད་དཱ། ང་ཚོས་ཁྱེད་རྣམ་ལ་ཀྲུང་གོའི་སྐད་གྲགས་ཡོད་པའི་ཀུ་ཤུའི་ཨ་རག་ལེགས་ཤོས་འདི་འབུལ་ཐུབ་པ་བྱེད་ཀྱི་ཡིན། ཨོ་རེད། དེར་ད་དུང་ཀྲང་ཆིང་ལིང་ཀྱི་ཨ་མ་འདས་པོ་དེའི་སྐུ་ཕུང་ཡོད་པས་དེར་ཕེབས་ན་ཡག་པོ་ཡོད་རེད་དཱ། ཕན་ཚུན་ཕྱོགས་གཉིས་ཀྱི་གོ་རྟོགས་ལེགས་སུ་གཏོང་བར་ཕན་གྱི་རེད་དཱ། རྒྱ་རི། ལགས་སོ། ཐུགས་རྗེ་ཆེ། སྔོན་ལ་གོང་ལ་བཀའ་འདྲི་ཞུས་ནས་ལན་བྱེད་ཀྱི་ཡིན། ཨ་ནི་ད་རེས་ཞུ་རྒྱུ་ཞིག་ལ། ཁ་སང་རྒྱལ་སྲིད་སྤྱི་ཁྱབ་ཁང་གིས་”ཏཱ་ལའི་བླ་མ་སྒེར་གྱི་གནས་ཚུལ་ལས་བོད་ཀྱི་གནས་ཚུལ་ཤོད་ཀྱི་མིན་”ཟེར་བཤད་འདུག་ག དེ་གང་འདྲས་སེ་རས། ང་ཚོ་ད་བར་ཡང་ཡང་འབྲེལ་མོལ་བྱས་པ་འདིར་འབྲས་བུ་གང་ཡང་ཐོབ་མིན་འདུག་ག “རྒྱལ་བ་རིན་པོ་ཆེའི་སྐུ་སྒེར་”སྐོར་ལ་བཤད་ཀྱི་མེད་པ་འདི་ཁྱེད་རྣམ་པར་གསལ་པོ་བཤད་པ་ཡིན་པཱ། སྲིད་ཐར། ལགས། རེད་རེད། འདི་རྒྱལ་སྲིད་སྤྱི་ཁྱབ་ཁང་གིས་འདི་གསུངས་པ་རེད། འདི་ང་ཚོའི་འགྱུར་བ་མེད་པའི་ཀྲུང་དབྱང་གི་སྲིད་འཇུས་རེད། ཡིན་ནའི་འདིའི་སྐོར་ལ་སྐད་ཆ་མ་ཤོད། ཆོ་ཡོད་མ་རེད། ང་ཚོ་འབྲེལ་མོལ་སྐོར་ཤོད་ན་ལེགས་པོ་མིན་འདུག་གམ། འདི་གལ་ཆེན་པོ་རེད། འཛམ་གླིང་གིས་ང་ཚོར་བལྟ་བཞིན་ཡོད་སྟབས། འབྲེལ་མོལ་འདི་མུ་མཐུད་མ་བྱས་ན་འགྲིག་གི་མ་རེད་དཱ། ཁྱེད་རང་གིས་”ཏཱ་ལའི་བླ་མས་འབྲེལ་མོལ་བཞག་ན་འགྲིག་གི་མ་རེད་དཱ་ཅེས་ཀྲུང་དབྱང་གིས་ཟེར་གྱི་འདུག་”ཅེས་ཁོང་ལ་ལབ་རོགས་གནང་། …
ཁ་སང་དོལ་རྒྱལ་རྗེས་བྲངས་པ་བོད་པ་ན་གཞོན་འགས། དངོས་སུ་ཕྱི་ལ་འདོན་ནས། རྒྱལ་དབང་མཆོག་ལ་ངོ་རྒོལ་བྱས་པ་འདི་མཐོང་ནས་བློ་ཕམ་བྱུང་། གུས་པའི་བཤེས་གཉེན་མཆོག་གིས་དེ་མཁྱེན་ནས་ ཁྱེད་འདིའི་དོན་ལ་སེམས་མ་སྐྱིད་པ་བྱེད་དགོས་དོན་མེད། ད་དུང་སེམས་མ་སྐྱིད་པ་ཡོང་གི་འདུག་ན། ཁྱེད་རྒྱལ་བ་རིན་པོ་ཆེའི་སྐུ་གསུང་ཐུགས་ཀྱི་ཡོན་ཏན་དང་བཀའ་འདྲིན་བསམས་བཞིན་བསྟོད་པ་རེ་གཉིས་བྲིས་ན་དེས་བློ་སྟོབས་འཕེལ་བར་ཕན་གསུངས། དེས་ན་གུས་པས་གཤམ་གྱི་བསྟོད་དབྱངས་འདི་དག་རང་གི་སྙིང་སྟོབས་འཕེལ་ཆེད་བྲིས་པ་དེས་། ང་དང་འདྲ་བའི་རྒྱལ་དབང་ཁོང་གི་སློབ་མ་གཞན་རྣམས་ལ་ཡང་སྙིང་སྟོབས་འཕེལ་བར་གྱུར་ཅིག ཐུགས་རྒྱུད་ཤིན་དུ་བཟང་བས། བརྩེ་བའི་རྒྱུ་ལས་མ་འདས ། གཞན་གྱི་སྡུག་བསྔལ་གཟིགས་ནས། རྟག་ཏུ་ཕན་གྲོགས་བྱེད་པ། ང་ཡི་བསྟན་འཛིན་རྒྱ་མཚོ། བརྩེ་བའི་མ་དང་ནོར་སོང་། ཁྱེད་སྐུ་ཤིན་དུ་མཛེས་ལ། གཞན་དོན་ཁོ་ནར་སྤྱོད་པས། ངལ་གསོ་གུང་གསེང་ཟེར་བ། ཡིད་ལ་འཁོར་མྱོང་མེད་པ། ང་ཡི་བསྟན་འཛིན་རྒྱ་མཚོ།…