སྐལ་བཟང་རྒྱ་མཚོ།
༄༅། །ཤེས་བྱ་རིག་པའི་གནས་ལ་བློ་གྲོས་ཀྱི་སྤྱན་དཀྱུས་མཆོག་ཏུ་ཡངས་པའི་བོད་ཀྱི་ཞིབ་འཇུག་པ་དང་། རྩོམ་པ་པོ། སློབ་གཉེར་བ་རྣམས་ཀྱི་སྙན་ལམ་དུ།
ཚང་མས་མཁྱེན་གསལ་ལྟར་མི་རིགས་ཆེན་པོ་དག་གི་སྐད་ཡིག་གི་ཤུགས་རྐྱེན་གྱིས་ཉིན་རེ་བཞིན་སྐད་ཡིག་ཆུང་ངུ་དག་ཡོད་པ་ནས་ཉམས་རྒུད་དང་། ཉམས་རྒུད་ནས་ག་ལེར་རྩ་མེད་མེད་དུ་འགྱུར་བཞིན་པ་ལྟར། དཔལ་འབྱོར་འབའ་ཞིག་གཙིགས་སུ་འཛིན་ཅིང་བརྡ་འཕྲིན་གྱི་འགྱུར་བ་ཧ་ཅང་རྒོད་པའི་དུས་སྐབས་འདིར་རང་ཅག་གི་སྐད་ཡིག་འདི་ཉིད་ཀྱང་ཉེན་ལྡན་སྐད་ཡིག་གི་གྲས་སུ་མི་ཚུད་པའི་ངེས་པ་ལར་ནས་མེད་ཅེས་སྨྲས་ཚེ།