ད་ལོའི་སྤྱི་ཟླ་༤པའི་ཚེས་༢༤ཉིན་རྒྱ་ནག་གཞུང་གིས་༼རྒྱལ་ཁབ་ཁ་བྲལ་ལ་ངན་སྐུལ་༽གྱི་ནག་ཉེས་འོག་བོད་ཀྱི་རྩོམ་པ་པོ་གྲགས་ཅན་ཞོགས་དུང་ངམ་བཀྲ་རྒྱལ་ལགས་འཛིན་བཟུང་བྱས་ཏེ། ཟི་ལིང་གྲོང་ཁྱེར་ལྟ་སྲུང་ཁང་དང་པོའི་ནང་བཙོན་འཇུག་བྱས་ཡོད་ལ། ཟླ་བ་འདིའི་ཚེས་༡༤ཉིན་གྱི་ཕྱི་དྲོར་ཁག་ཐེག་བཀའ་སྒུག་གི་གནས་སྟངས་འོག་གློད་གྲོལ་ཐོབ་ཡོད་འདུག
ནོར་ཝེ་བོད་ཀྱི་རླུང་འཕྲིན་ཁང་གི་རྒྱ་སྐད་ཀྱིས་ད་ལྟ་པེན་ཅིན་དུ་གནས་སྡོད་བོད་ཀྱི་བུད་མེད་རྩོམ་པ་པོ་འོད་ཟེར་ལ་བཅར་འདྲི་དུས་སུ་ངོ་སྤྲོད་བྱས་བ་ལྟར་ན། བོད་ཀྱི་རྩོམ་པ་པོ་གྲགས་ཅན་བཀྲ་རྒྱལ་ལགས་མཚོ་སྔོན་ཟི་ལིང་དུ་ལོ་ཕྱེད་རིང་བཙོན་འཇུག་བཀག་ཉར་བྱས་རྗེས་ད་ལྟ་ཁག་ཐེག་བཀའ་སྒུག་འོག་གློད་གྲོལ་བཏང་ཡོད་ལ། འོད་ཟེར་ཀྱིས་མུ་མཐུད་དུ་གསུང་དོན། བཀྲ་རྒྱལ་ལགས་ཁ་སང་༩ཚེས་༡༤ཉིན་)ཁག་ཐེག་བཀའ་སྒུག་འོག་གློད་གྲོལ་ཐོབ་པ་རེད། གནས་སྟངས་འདི་ཁོང་གི་པེ་ཅིན་གྱི་གྲགས་ཅན་ཁེ་དབང་སྲུང་སྐྱོབ་ཁྲིམས་རྩོད་པ་ལི་ཧྥང་ཕེན་གྱིས་ང་ལ་བརྗོད་བྱུང་།

དེ་ལས་མང་བ་། “བོད་ཀྱི་རྩོམ་པ་པོ་ཞོགས་དུང་ཁག་ཐེག་བཀའ་སྒུག་འོག་གློད་གྲོལ་ཐོབ་པ།” »

ཡ་ང་བའི་བུ་རམ་་སྣ་བཙུན་དགོན་གྱི་བཙུན་མ་བསོད་ནམས་ཆོས་སྒྲོན།
འདི་ག་ལྟེ་གནས་ཁང་དུ་གནས་ཚུལ་འབྱོར་བར་གཞིགས་ན། ༢༠༠༨ ལོའི་ཟླ་ ༥ ཚེས་ ༡༤ ཉིན་རྒྱ་གཞུང་ལ་ཞི་རྒོལ་བྱེད་མཁན་གྱི་སྤུ་རུ་སྣ་བཙུན་དགོན་གྱི་བཙུན་མ་བསོད་ནམས་ཆོས་སྒྲོན་ལ་མནར་གཅོད་ཚད་མེད་བཏང་སྟེ་མགོ་ལ་མེ་མདའིརྒྱབ་ཤིང་གཞུས་པས་མགོ་བོར་རྨས་སྐྱོན་ཚབས་ཆེན་ཕོགས་ནས་རིགས་འཚོ་ཟིན་མི་ཐུབ་པར་འགྱུར་རྗེས་བཙོན་ནས་གློད་བཀྲོལ་བཏང་སྟེ་ནང་མིར་རྩིས་སྤྲོད་བྱས་ཡོད་ཀྱང་ རྟག་ཏུ་ངུ་འབོད་བྱེད་བཞིན་སྨྱོན་པ་ཆགས་ཡོད་འདུག

དེ་ལས་མང་བ་། “ཡ་ང་བའི་བུ་རམ་སྣ་བཙུན་དགོན་གྱི་བཙུན་མ་བསོད་ནམས་ཆོས་སྒྲོན།” »

བུད་དྷ། (སྨྱུག་མིང་ལ་སྤྲང་པོ་བུད་དྷ།) ༡༩༧༩ལོར་སྐྱེས། བོད་པ། (ཨ་མདོ་རྔ་བ་རྫོང་གི་མི་ཡིན།) ཁོང་ནི་༡༩༩༤ལོ་ནས་༡༩༩༨ལོར་རྔ་བ་ཁུལ་མཛོད་དགེ་རྫོང་གི་ཁུལ་བོད་སྨན་སློབ་གྲྭར་སློབ་གཉེར་བྱས། ༡༩༩༩ལོ་ནས་༢༠༠༣ལོར་ཁྲོང་ཆིན་སྨན་གྱི་སློབ་གྲྭ་ཆེན་མོ་རུ་སློབ་སྦྱོང་མཛད་ནས་མཐར་ཕྱིན། ད་ལྟ་རྔ་བ་རྫོང་བར་མ་ཞིང་གི་འཕྲོད་བསྟེན་ཁང་དུ་ལས་ཀ་གནང་བཞིན་ཡོད། ཁོང་གིས་<སྤང་རྒྱན་མེ་ཏོག>སོགས་དུསདེབ་ཐོག་ལ་སྙན་ངག་དང་བརྩམས་སྒྲུང་བྲིས་མྱོང་ཡོད། དེ་མ་ཟད་བོད་ཡིག་གི་དུས་དེབ་<དུས་རབས་ཀྱི་ང་།>རྩོམ་སྒྲིག་བྱས་ཡོད།
༢༠༡༠ལོའི་ཟླ༦ཚེས་༢༡ཉིན་གྱི་ཕྱི་དྲོ་ཆུ་ཚོད་གཅིག་ཡས་མས་སུ་རྔ་བ་རྫོང་བར་མ་ཞིང་གི་འཕྲོད་བསྟེན་ཁང་ནས་རྔ་བ་ཁུལ་སྤྱི་བདེ་ལས་ཁུངས་ཀྱིས་“རྒྱལ་ཁབ་ཁ་བྲལ་གྱི་ངན་སྐུལ་ནག་ཉེས་”ཞེས་རྒྱུ་མཚན་ལ་བརྟེན་ནས་འཛིན་བཟུང་བྱས་ཡོད། སྒེར་གྱི་རྩོམ་ཡིག་དང་དཔེ་ཆ་ཚང་མ་གཞུང་བཞེས་བྱས་ཡོད།

དེ་ལས་མང་བ་། “རྩོམ་པ་པོ་བུད་ངྷ་ལགས་འཛིན་བཟུང་བྱས་འདུག” »

དེ་རིང་ ༢༠༡༠ ལོའི་ཟླ་ ༡༠ ཚེས་ ༡༠ ཉིན་གྱི་ཆུ་ཚོད་ ༡༠ ཐོག་ ཨ་རིའི་ཨིན་ཌི་ཡ་ན་ ནས་ ཁེ་ཎ་ཌའི་ཊོ་རོན་ཊོའི་བར་གྱི་ རང་བཙན་གོམ་བགྲོད་དེ་མགོ་འཛུགས་བྱས་ཡོད་པ་དང་། གོམ་བགྲོད་པ་ནི་སྐུའི་གཅེན་པོ་ལྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་དང་། དེ་བཞིན་ཝི་ཏི་ནམ་ནས་ཡིན་པའི་སྐུ་ཞབས་མཐའ་ཡས་གཉིས་པ་ཡིན་པ་རེད། ཉིན་དང་པོར་ས་གནས་བོད་མི་དང་བོད་དོན་རྒྱབ་སྐྱོར་བ་ བཅུ་ཕྲག་ཙམ་གྲོང་ཁྱེར་གྱི་རྒྱལ་སའི་ཁྲོམ་དཀྱིལ་དུ་འཛོམས་པ་དང་། སྒོ་མང་དགེ་བཤེས་སྦྱིན་པ་བསོད་ནམས་མཆོག་གིས་ཐུགས་སྨོན་གནང་བ་དང་། དེ་བཞིན་ས་གནས་ཀྱི་ཚོགས་པ་དག་གིས་རྒྱབ་སྐྱོར་གྱི་གསུང་བཤད་གནང་བ་དང་བཅས་གོམ་བགྲོད་མགོ་བཙུགས་ཡོད་པ་རེད།

དེ་ལས་མང་བ་། “འཇིགས་མེད་ནོར་བུ། རང་བཙན་གོམ་བགྲོད།” »

བོད་མི་རྒན་པོའི་གླེང་གཏམ་བཀྲ་ཤིས་འཁྱིལ་བ།

བོད་མིས་རང་གི་ཆོས་ལུགས་སྲུང་དགོས་ལ། ཆོས་ལུགས་མི་སྲུང་དེ་ནི་བོད་མི་མིན། བོད་མིས་བོད་སྐད་བོད་ཡིག་ཤེས་དགོས་ལ། བོད་སྐད་བོད་ཡིག་བརྗེད་ན་བོད་མི་མིན། བོད་མིས་བོད་ཀྱི་ཡུལ་སྲོལ་གོམས་དགོས་ལ། བོད་ཀྱི་ཡུལ་སྲོལ་བརྗེད་ན་བོད་མི་མིན། བོད་མིས་བོད་ཀྱི་བོད་ལྭ་གྱོན་དགོས་ལ། བོད་མིས་བོད་ཀྱི་བོད་ལྭ་མི་གྱོན་བོད་མི་མིན། བོད་མི་ལ་ལས་རང་གི་ལྷ་ཆོས་མི་འདོན་པ། མི་འདོན་དེ་ནི་བོད་མི་རང་གི་ངོ་ཚ་རེད། བོད་མི་ལ་ལས་རང་གི་མེས་པོ་བཀུར་མི་འདོད། མི་འདོད་དེ་ནི་བོད་མི་རང་གི་ངོ་ཚ་རེད། བོད་མི་ལ་ལས་དགེ་བཅུ་མི་སྲུང་མི་དགེ་བཅུ་ལ་བག་མེད་སྤྱོད། བོད་མི་དེ་ནི་བོད་མི་ཡང་དག་མ་ཡིན་ནོ།། 

དེ་ལས་མང་བ་། “བོད་མི་རྒན་པོའི་གླེང་གཏམ་བཀྲ་ཤིས་འཁྱིལ་བ།” »

— འབྲས་སྤུངས་དགོན་པའི་དགེ་བསྐོས་དང་དཔེ་འཁྲིད་དགེ་རྒན་གཉིས་ལ་ཚེ་བཙོན་དང་
ལོ་ཉེར་ཤུའི་ཁྲིམས་ཐག་བཅད་ཡོད་པ།
འདི་ག་ལྟེ་གནས་ཁང་དུ་གནས་ཚུལ་འབྱོར་བར་གཞིགས་ན། ༢༠༠༨ ལོར་ཆབ་སྲིད་དོན་རྐྱེན་དབང་གིས་འཇུ་བཟུང་བྱས་པའི་འབྲས་སྤུངས་དགོན་པའི་དགེ་འདུན་ཁྲོད་ནས་ཤེས་རྟོགས་བྱུང་བར་དགེ་བསྐོས་འཇམ་དཔལ་དབང་ཕྱུག་དང༌། དགེ་རྒན་དཀོན་ཅོག་ཉི་མ་གཉིས་ལ་ཁག་སོ་སོར་ཚེ་བཙོན་དང༌། མི་ལོ་ ༢༠ དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག

དེ་ལས་མང་བ་། “འབྲས་སྤུངས་དགོན་པའི་དགེ་བསྐོས་དང་དཔེ་འཁྲིད་དགེ་རྒན་གཉིས་ལ་ཚེ་བཙོན་དང་ ལོ་ཉེར་ཤུའི་ཁྲིམས་ཐག་བཅད་ཡོད་པ།” »

མདོ་འདུམ་ཚང་།

བཙན་བྱོལ་དུ་བོད་མི་ཆིག་འབུམ་བཞི་ཁྲི་ཙམ་ཡོད། ད་ལོར་འོས་འཕེན་གྱི་ཐོབ་ཐང་ཡོད་མཁན་༨༨༣༡༢ཙམ་ཡོད། དངོས་སུ་དེབ་སྐྱེལ་བྱེད་མཁན་༧༩༤༤༩ཙམ་བྱུང་འདུག སྐབས་སྔོན་མ་དག་དང་བསྡུར་ན། དེབ་སྐྱེལ་བྱེད་མཁན་གྱི་གྲངས་འབོར་འཕར་བཞིན་ཡོད། ལོ་རེ་ནས་ལོ་རེར་འཕར་བཞིན་ཡོད། བཙན་བྱོལ་བོད་མིའི་མི་འབོར་གྱི་བརྒྱ་ཆ་བདུན་ཅུ་ཙམ་རྒྱ་གར་དང་བལ་ཡུལ་གཉིས་སུ་ཡོད། བཙན་བྱོལ་བའི་ལོ་རྒྱུས་ཁྲོད། ད་ལོ་ལྟ་བུའི་འོས་བསྡུའི་འཁྲུགས་ཆ་ཞིག་བྱུང་མྱོང་མེད། མི་མང་གི་ངོས་ནས་དང་བླངས་སྒོས་བཀའ་ཁྲི་འཚོལ་མཁན་ཇེ་མང་ལ་ཕྱིན། བཀའ་ཁྲིའི་འོས་མི་ཁྱབ་བསྒྲགས་ཀྱི་ཆེད་དུ་འཛམ་གླིང་ཡུལ་གྲུ་བསྐོར་མཁན་ཡང་བྱུང་། དང་བླངས་སྒོས་བཀའ་ཁྲིར་ལངས་མཁན་ཡང་ཇེ་མང་ལ་སོང་། ཇེ་མང་ལ་སོང་བ་ཙམ་ག་ལ་ཡིན། གཅིག་རྗེས་གཉིས་མཐུད་བྱས་ནས་ལངས་། མང་གཙོའི་འོས་བསྡུ་ལ་མི་མང་གིས་དོ་སྣང་ཆེན་པོ་འཇོག་བཞིན་པ་འདི་ནི་ཡར་རྒྱས་ཤིག་ཡིན། འོན་ཀྱང་། མང་གཙོའི་ཁྲིམས་དང་སྒྲིག་གཞིར་བརྩི་སྲུང་དང་ལག་ལེན་ཇི་ཙམ་ཡོང་གི་ཡོད་མེད་ད་ལྟ་བཤད་དཀའ་བ་ཞིག་ཡིན། བཙན་བྱོལ་གྱི་སྔོན་འགྲོའི་འོས་བསྡུ་དེ་འུར་འུར་ཚ་ཚའི་སྒོ་ནས་འགྲོ་བཞིན་པའི་སྐབས་སུ།
བལ་ཡུལ་དུ་འོས་སྒམ་བཙན་འཁྱེར་གྱི་གནས་ཚུལ་བྱུང་། གནས་ཚུལ་ཡིད་སྐྱོ་བ་དེ་བཙན་བྱོལ་བོད་མིའི་ལོ་རྒྱུས་ཁྲོད་བྱུང་བ་ཐེངས་དང་པོ་ཡིན། འོས་སྒམ་བཙན་འཁྱེར་དེའི་རྒྱབ་ན། ནང་གི་བཙན་གནོན་དེ་ཕྱི་རུ་སླེབས་བཞིན་པའི་མངོན་རྟགས་ཤིག་ཡོད།
བོད་ནང་དུ། བོད་མིས་མྱོང་བཞིན་པའི་བཙན་གནོན་དེ། ད་ལྟ་ཧི་མ་ལ་ཡའི་རྒྱབ་ལོགས་ཀྱི་བོད་མིའི་མང་གཙོའི་སྒང་ལ་ཡོང་རྒྱུའི་སྟ་གོན་བྱེད་བཞིན་འདུག འདི་ཉེན་ཁ་་གསར་བ་ཞིག་རེད། འབྱུང་འགྱུར་གྱི་ལོ་ཁ་ཤས་ནང་། ཉེན་ཁ་དེའི་རྣམ་པ་ཇེ་གསལ་དུ་འགྲོ་སྲིད། བལ་ཡུལ་དུ་འོས་སྒམ་བཙན་འཁྱེར་བྱས་རུང་། བོད་མི་ཚོས་སྔོན་འགྲོའི་འོས་བསྡུའི་གསལ་བསྒྲགས་ལ་སྒུག་བཞིན་ཡོད། བཀའ་ཁྲིར་ལངས་མཁན་ཚོས་ཉིན་སྒུག་མཚན་སྒུག་བྱེད་བཞིན་ཡོད།

དེ་ལས་མང་བ་། “འོས་སྒམ་ཞབས་རྡོལ།” »