ཉེ་སྔོན་རང་གཞུང་བཀའ་ཤག་གི་ཡོངས་ཁྱབ་གསལ་བསྒྲགས་གནང་དོན་བཞིན་ཀོ་ལེ་གྷལ་གཞིས་ཆགས་ནས་ཀྱང་དགོན་པ་བདུན་དང་གཞིས་གྲོང་ཉེར་གཉིས་པོས་སྐྱེ་དགུ་མདོའི་ས་ཡོམ་གོད་ཆགས་དེར་བདུན་ཚིག་གསུམ་པ་མྱ་ངན་གུས་འདུད་དང་སྨོན་ལམ་འཚོགས་ཡོད། རྫོགས་ཆེན་དགོན་ནས་ཉི་མ་དེ་དང་བསྟུན་རྒན་གསོ་ཁང་ལ་ནང་ཆོས་ངོ་སྤྲོད་དང་འབྲེལ་མ་ཎི་གསོགས་སྒྲུབ་མཐར་བསྔོ་སྨོན་ཟབ་རྒྱས་གནང་ཡོད་པ་དང་། རྫོགས་ཆེན་དགོན་གཞུང་ནས་ཀྱང་ཀར་གླིང་ཞི་ཁྲོ་ཞལ་ཕྱེ་བྱས་ནས་བདུན་ཚིག་གསུམ་པ་ལེགས་གྲུབ་བྱས་ཡོད།
བཞི་བཅུ་བཞིའི་མྱ་ངན་རྩོམ་ཡིག་ཕྱོགས་བསྒྲིགས་གསལ་བསྒྲགས་ཕྱིར་འཐེན།
༄༅།། ཀློག་མཁན་ཡོངས་ལ་ཞུ་རྒྱུར། འདི་སྐོར་རྒྱ་གར་ལྷོ་ཕྱོགས་སེ་རའི་དགེ་འདུན་པ་ཨ་རིག་དགེ་མཐོང་ལགས་ཀྱིས་ཕྱོགས་བསྒྲིགས་ཟིན་ཉེར་ཡོད་འདུག་སྟབས། ལས་ཀ་ཉིས་ལྡབ་མི་ཡོང་བའི་ཆེད་དོ་བདག་གསལ་བསྒྲགས་སྤེལ་མཁན་ནས་གསལ་བསྒྲགས་དངོས་གཞི་ཕྱིར་འཐེན་གྱི་རེ་སྐུལ་ལྟར་དྲ་ངོས་ནས་ཕྱིར་བསྡུ་ཞུས་ཟིན་པ་ཡིན། ཁ་བརྡ་ཚང་གིས།
