་
བོད་ནང་གི་བོད་རིགས་ན་གཞོན་རྩོམ་པ་པོ་དང་ཤར་དུང་རི་དུས་དེབ་ཀྱི་རྩོམ་སྒྲིག་པ། ད་དུང་༼ཁྲག་ཡིག་༽དཔེ་དེབ་གྱི་རྩོམ་པ་པོ་བཀྲ་ཤིས་རབ་བརྟན་ནམ། སྨྱུག་མིང་ལ་ཐེའུ་རང་ཞེས་བ་ནུབ་བྱང་མི་རིགས་སློབ་ཆེན་གྱི་དབྱར་ཁའི་གུང་སེང་དང་བསྟུན་སྤྱི་ཟླ་བདུན་པའི་ཕྱི་ཚེས་ ༢༦ ཉིན་ཙམ་ནས་གར་སོང་ཆ་མེད་དུ་གྱུར་ཡོད་པ་དང་།
རྔ་བ་རྒྱལ་ཁམས་པ།
————
སྤྱི་ལོ་སྔོན། 427—347
མཁས་པའི་དབང་བོ་སྐུ་ཞབས་ཕི་ལ་ཁྲོས་མཆོག་ནི། བདག་ཉིད་ཆེན་པོ་ས་ཁུར་ཁྲེ་སི་མཆོག་གི་སློབ་མའི་གཙོ་བོ་ཞིག་ཡིན་ལ། ཁོང་ཨ་ཐེན་གྲོང་ཁྱེར་གྱི་སྐུ་དྲག་ཆེན་པོ་ཞིག་རྒྱུད་དུ་སྐུ་འཁྲུངས་ཤིང་། ཡབ་གཞིས་ཀྱི་གནས་སྟངས་ལས་དཔོན་གྱི་གོ་གནས་ཤིག་ལས་སླ་བོར་རག་ཐུབ་པར་ཐེ་ཚོམ་མི་འདུག་མོད། སྐེ་གཅོད་སྣ་བྲེག་དང་། དཔྱངས་འདོག་གསོན་དུར་སོགས་སྐབས་དེའི་ཆབ་སྲིད་ཀྱི་གདུག་རྩུབ་ལག་ལེན་དེར། སྐྱོ་ཤས་ཞེན་ལོག་ངེས་འབྱུང་ངང་གིས་སྐྱེས་ཏེ། དཔོན་གནས་གང་ཡང་ཐུགས་གཉེར་གནང་མི་འདུག་ཅིང་། ཁོང་གིས་སྲིད་གཞུང་བཟང་བོ་ཞིག་གིས། མི་ཡ་རབས་སྐུ་ཞབས་ས་ཁུར་ཁྲེ་སི་ལྟ་བུ་སྐུ་སྲོག་བཀྲོངས་པ་ནི། རྒྱལ་འབངས་གཉིས་ཆར་ཕན་ཉེས་དང་། གྱོང་གུད་ཆེན་པོ་ཞིག་ཡིན་པར་ཡང་ཡང་དྲན་སྐུལ་གནང་ཞིང་། དགུ་རིག་ཨ་ཐེན་གྱི་གྲོང་ཁྱེར་ནང་། ཤེས་འཇོན་གཉིས་ལྟན་གྱི་དཔོན་རིགས་བཟང་བོ་ཞིག། ཉིན་སྐར་ལྟ་བུར་གྱུར་པ་གཟིགས་ནས། སྐབས་དེའི་སྤྱི་ཚོགས་ཀྱི་སྲོལ་ཀ་་ངན་གྲས་མཐའ་དག བཅོས་བསྒྱུར་གཏོང་རྒྱུའི་ཐུགས་དམ་རྒྱ་ཆེར་བཞེས་ཏེ། རང་ཉིད་སྐུ་སྒེར་ནས་སློབ་གྲ་ཞིག་ཆེད་གཉེར་འཛུགས་སྐྲུན་གནང་།
དེ་རིང་དུས་བབ་དྲ་རྒྱའི་ཐོག་ནས་གཤམ་གྱི་སྐུ་པར་འདི་མཇལ་བྱུང་། ཞལ་རས་ལ་གཞོན་ཉམས་རྒྱས་པའི་བླ་མའི་ཞལ་རས་འདིས་དགའ་དད་ཀྱི་སྤུ་ལོང་གཡོ་བ་བར་བྱས། ཕྱི་ཚེས་ ༢༨ ཉིན་པོ་ལན་ཌིའི་ཝར་སོ་གཙུག་ལག་སློབ་གཉེར་ཁང་དུ་གསུང་བཤད་གནང་བཞིན་པ། པར་དབང་། AFP
མགོན་པོ་ཕྱག་གཉིས་པ། འཛམ་གླིང་ནང་ཆོས་ལུགས་མང་པོ་ཞིག་ཡོད་པ་རེད། དེའི་ནང་ནང་པ་སངས་རྒྱས་པའི་ཆོས་འདི་རྒྱ་ཆེ་ཤོས། གཏིང་ཟབ་ཤོས། འཐུས་ཚང་ཤོས་ཤིག་གི་གྲས་ཡིན་པ་དེ་ནི་བཤད་མ་དགོས་པ་ཞིག་རེད། དེ་ཡང་ནང་ཆོས་ཟེར་ན་སངས་རྒྱས་ཀྱི་གསུང་གཅིག་པོ་མིན་པར། གནའ་ནས་ད་བར་གྱི་སངས་རྒྱས་ཀྱི་རྗེས་འཇུག་པ་མང་པོ་ཞིག་ནས་ལྗགས་རྩོམ་གནང་བ་དེ་དག་ཀྱང་དེར་འདུས་ཡོད་པ་རེད། དེ་བས་ད་ལྟ་མང་བོ་ཞིག་ནས་ ་་ཚན་རིག་དང་དཔུང་བ་མཉམ་གཤིབ་ཀྱིས་འགྲོ་ཐུབ་་ ཟེར་གྱི་ཡོད་པ་རེད། ཡིན་ན་ཡང་། གྲ་མ་ཆག་གྲུ་མ་ཞིག་པར་ཁྱོན་ཡོངས་ནས་ཚན་རིག་དང་མཐུན་གྱི་ཡོད་ཟེར་ན་དེ་ནི་ཡོངས་ཐབས་མེད་པ་ཞིག་རེད། ལྟ་བ་མི་མཐུན་པ་ཞིག་བྱུང་བྱུང་ཚང་མར་ཁ་གཏད་གཅོག་དགོས་ན་རྣམ་པ་ཚོར་སྐུ་མཉེལ་བོ་ཡོང་གི་རེད། ངས་བལྟས་ན་ཁྱེད་ཚོ་འགའ་རེས་རང་གི་ཨ་ཕའི་ཁ་ཕར་ངོས་ཟིན་གི་མེད་པ་དང་བདག་གཅེས་བྱེད་སྟངས་ཤེས་གི་མི་འདུག རིའི་རྒྱལ་པོ་རི་རབ་རྡུལ་ཕྲན་མཚོན་གྱིས་གཏོར་ནའང་གཏོར་ཆུག…
ང་ཚོ་ཚང་མས་ཤེས་གསལ་ལྟར། ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་པ་ནི་བཅའ་ཁྲིམས་ཀྱི་དགོངས་དོན་དང་འགལ་ཡོད་པ་དེ་རེད། ད་ག་རེ་བྱེད་དགོས་རེད། དེ་ལ་བྱེད་ཡ་གང་ཡང་ཡོད་མ་རེད། ཡིན་ན་ཡང་། མི་ཉུང་ཤས་ཤིག་ནས་འགུལ་སྐྱོད་བྱས་ཏེ་ཁྲིམས་འགལ་གྱི་བྱ་བ་དེ་ཁྲིམས་མཐུན་ལ་བསྒྱུར་ཐབས་སུ་ཁྲིམས་ཡིག་ལ་བསྒྱུར་བཅོས་བྱེད་པར་འབད་བཞིན་པ་དེ་ནི་ཁྲིམས་འགལ་ཞིག་མིན་ན་ཡང་གད་མོ་ཤོར་དགོས་པ་ཞིག་རེད། མ་གཞི་སྐད་ཆ་འདི། ཐུབ་བསམ་གྱིས་བཀའ་ཁྲི་འཚོལ་བའི་ལས་གཞི་མགོ་འཛུགས་ཞུ་སྐབས་ནས་ངས་གོ་སོང་། ཁོང་ནས་ཟམ་གདོང་རིན་པོ་ཆེ་ལྟ་བུ་ཡོད་པ་མ་རེད། དྷ་སར་མི་རེ་ཟུང་གིས། ཁྲིམས་ཡིག་ལ་བསྒྱུར་བཅོས་བཏང་ན་ཟམ་གདོང་རིན་པོ་ཆེ་ཡང་སྐྱར་བཀའ་ཁྲིར་སླེབས་པའི་ལམ་ཀ་ཡོད་པ་རེད་ཟེར་གི་འདུག་ཟེར། དངོས་གནས་ཁེ་ཕན་ཆེན་པོ་ཞིག་ཡོད་པ་ཡིན་ན་དེ་ལྟར་བྱས་ན་ཡང་མ་འགྲིགས་པ་ག་ལ་ཡོད་པ་རེད་དེ། ཡིན་ན་ཡང་། ངས་དེ་ནི་བྱིས་པའི་སྤྱོད་པ་ལྟ་བུ་ཞིག་ལས་མིག་རྒྱངས་རིང་བའི་དོན་ཞིག་ཏུ་རྩ་ནས་མཐོང་གི་མི་འདུག ད་དེར་སྐད་ཆ་མང་པོ་བཤད་འདོད་མེད།…
དེ་ལས་མང་བ་། “ཟམ་གདོང་རིན་པོ་ཆེ་སྐྱར་དུ་བཀའ་ཁྲིར་འདེམས་དགོས་པ་རེད་དམ།” »
ལྷུན་ཆགས་ཀྱི་ནགས་ཀླུང་གསེབ་ན།།
དམར་སེར་གྱི་གཟི་མདངས་འབར་ཞིང༌།།
ངར་སྒྲ་ཡིས་རི་ལུང་ཁེངས་པའི།།
འཛུམ་དྲུག་གི་རྒྱ་སྟག་རྒན་པོ།།
གཅན་གཟན་གྱི་གྲལ་ཚོགས་དབུས་ན།།
འགྱིངས་སྟབས་ཀྱིས་དྲེགས་པ་ཁྱོད་རེད།།
མགོན་པོ་ཕྱག་གཉིས་པས། དེ་རིང་ལྷ་དང་ལྷ་ཡུལ་དང་འབྲེལ་བའི་སྐད་ཆ་ཉུང་ཉུང་ཞིག་བཤད་ན་འདོད་བྱུང་། སྤྱིར་མ་རྙེད་པ་ལ་བརྟེན་ནས་མེད་ཅེས་བཤད་ན་དེ་ནི་ཚན་རིག་དང་མཐུན་པའི་སྐད་ཆ་ཞིག་མ་རེད། སྐད་ཆ་དྲང་མོ་ཞིག་བཤད་ན། ལྷ་དང་ལྷ་ཡུལ་ཡོད་མེད་ངས་མི་ཤེས། ཡིན་ན་ཡང་། ང་ཚོས་ད་བར་ག་རེ་ཤེས་ཡོད་པ་རེད་ཟེར་ན། འཛམ་གླིང་རིལ་རིལ་འདིའི་སྒང་རིག་གཞུང་དང་ཆོས་ལུགས་མི་འདྲ་བ་ལ་བརྟེན་ནས་ལྷ་དང་ལྷ་ཡུལ་ཡང་མི་འདྲ་བ་བྱུང་ཡོད་པ་དེ་ཤེས་ཐུབ་ཡོད་པ་རེད། དེར་མ་ཟད། ལྷ་དང་ལྷ་ཡུལ་དེ་ཚོ་རིག་གཞུང་དེ་དང་དེའི་ཁྱབ་ཁོངས་ཀྱི་མིའི་སྤྱི་ཚོགས་དེའི་སྣོད་བཅུད། འདོད་འདུན གོམས་སྲོལ་ ཆས་གོས ། དགའ་སྡུག་ཆགས་སྡང་ཚུད་ཆད་ནས་རིག་གཞུང་དེ་དང་སྤྱི་ཚོགས་དེས་བཟོས་བཞག་པ་འདྲ་བོ་ཞིག་ཡོད་པ་རེད།…
m2009ལོའི་ཟླ་བདུན་པའི་ཚེས་ཉི་ཤུའི་མཚན་མོར། རྨ་ཆུ་རྫོང་གི་མཐའ་འཁོར་གྱི་གྲོང་སྡེ་རུ་ཆུ་ལོག་གིས་གནོད་སྐྱོན་ཚབས་ཆེན་བཟོས་སོང༌།
མི་དམངས་ཀྱི་སྡོད་ཁང་བགྲང་ལས་འདས་པ་ཞིག་ཆུས་ཁུར་ཞིང༌། རྒྱུ་ནོར་ལ་གྱོང་གུད་མི་ཆུང་བ་ཞིག་ཐེབས། དེ་ལས་གལ་ཆེ་བ་ནི་ལོ་འགའི་སྔོན་དུ་བྱིས་པ་སློབ་གྲྭར་མངག་པར་དམིགས་ནས་རྫོང་ཐོག་ཏུ་ཡོང་སྟེ་ཞོར་ལས་བགྱིས་ནས་རང་ཁ་རང་གསོ་བྱེད་པའི་དབུལ་ཕོངས་ཀྱི་ཁྱིམ་ཚང་ཞིག་ལ་ཆུ་ལོག་དྲག་ཏུ་རྒྱུགས་ཏེ། ཁྱིམ་ཚང་གི་རེ་བའམ་བསོད་ནམས་སུ་སྒོམ་པའི་བྱིས་པ་གསུམ་པོ་ཆུས་ཁུར་སོང༌། བྱིས་པ་གསུམ་གྱི་ཨ་མ་ནི་ངང་ཚབ་དང་སྐྱོ་སྡུག་གིས་ཇི་ལྟར་གདུང་ནའང༌། རང་གི་བགྲོད་ལམ་ཡང་མི་མཐོང་བའི་མུན་ནག་གི་ཁྲོད་ནས་བྱིས་པ་ཚོ་འཚོལ་དུ་ཅི་ལྟར་འགྲོ།
དེ་ལས་མང་བ་། “མི་རྒྱུ་གཉིས་ཀ་བཅོམ་སོང་། རོགས་རམ་བྱེད་རོགས།” »
ཆུ་བཞི་སྒང་དྲུག་གི་སྐོར་ཕྱོགས་གཉིས་ནས་བལྟ་དགོས་ཀྱི་འདུག ཡག་པོ་་བྱས་པའི་སྐོར་དེ་ཆུ་སྒང་རང་གིས་མང་པོ་ཞིག་བྲིས་ཡོང་གི་འདུག མི་སྒེར་དེ་འདྲས་ཀྱང་འགའ་ཤས་རེ་བྲིས་ཡོང་གི་འདུག ད་ཆུ་སྒང་གི་སྐྱོན་བྲིས་པའི་དེབ་དེ་འདྲ་སུ་གང་གིས་བྲིས་ཡོད་པ་རེད་དམ། དེ་ཡང་གལ་ཆེན་པོ་རེད་འདོད། ཆུ་བཞི་སྒང་དྲུག་གིས་ནང་ཁུལ་གསོད་རེས་བཏང་བ། གཞན་ལ་ཇག་བཅོམ་བྱས་པ། ལག་པ་གཅིག་ནང་གྲི་བཟུང་སྟེ་ཁྱོད་ལ་འདི་དགོས་ལེ་རེད། འདི་དགོས་ལེ་ལེ་རེད་ཟེར་ནས་གྲི་དང་མཇེ་གཉིས་བསྟན་ནས་བུད་མེད་ལབཙན་གཡེམ་བྱས་པ། གཞན་གྱི་ཆུང་མ་འཕྲོག་པ། བཙན་བྱོལ་སྤྱི་ཚོགས་ནང་ཡང་ཆུ་སྒང་དང་རྗེས་འབྲེལ་གྱིས་རྙོག་དྲ་སྔ་ཕྱིར་བྱུང་བ། རྒྱལ་དབང་རིན་པོ་ཆེར་ཐུགས་ཕམ་གནང་བཅུག་པ་དེ་འདྲ་བློ་ཡིད་ལ་ཤོང་དཀའ་བའི་གནས་ཚུལ་ཡང་མང་པོ་ཞིག་གོ་རྒྱུ་འདུག་ག ད་མདོར་དེད་ན་ཆུ་བཞི་སྒང་དྲུག་བཙུགས་པའི་ལེགས་ཆ་གཙོ་བོ་དེ་ག་རེ་རེད། ཆུ་སྒང་བཙུགས་མེད་ན་ག་རེ་བྱུང་ཡོད་པ་རེད། བོད་མི་བསད་གྲངས་ཉུང་དུ་ཕྱིན་ཡོད་པ་རེད་མང་དུ་ཕྱིན་ཡོད་པ་རེད།…
དེ་རིང་ཁ་བརྡའི་མཆན་ཞིག་གི་ནང་དུ། སྒོམ་སྡེ་ལྷ་རམས་པ་དང་མགོན་པོ་ཕྱག་གཉིས་པ་གཉིས་ཀྱིས་དྲི་བ་དྲི་ལན་བྱས་འདུག “མ་དགར་དབུས་ལ་སོང་ནས། མ་མཇལ་ཕྱིར་ཡོང་ན་སྡུག་གྱོང་རེད། ཅེས་པ་འདི་ལ་ཡིག་ནོར་ཡོད་ཚུལ་གསུངས་འདུག་རུང་ནོར་བཅོས་མི་འདུག་པས།”སོགས་དྲིས་དོན་ལ་མགོན་ཕྱག་གིས་ “འདི་ཨ་མདོའི་ནང་དར་སོ་ཆེ་ བའི་གཏམ་དཔེ་ཞིག་རེད། ཁྱེད་རང་གིས་གང་ཞིག་བྱས་པ་ལ་མི་གཞན་མ་དགའ་བའི་སྐབས་སུ་གཞན་པ་དེར་སྙིང་ཚིམ་ གཏོང་བར་བེད་སྤྱོད་བྱེད། ཁྱོད་མ་དགའ་བར་དབུས་ཉི་མ་ལྷ་སར་ཕྱིན། དབུས་སེར་བོར་མཇལ་མ་ཐུབ་པར་ཕྱིར་ཡོང་དགོས་བྱུང་ན་ཡང་ཁྱོད་རང་སྡུག་གྱོང་རེད་ ཟེར་བའི་དོན་རེད།”ཅེས་ལན་བཏབ་འདུག ད་ནི་ངེད་ཀྱང་གོང་གི་ཚིག་འདིའི་བརྡ་སྤྲོད་ལ་དོ་སྣང་ཇེ་ཆེར་སོང་བས་འདིར་བསྐྱར་འདྲེན་ཞིག་བྱས་པ་ཡིན། ཚིག་གི་སྡེབ་སྦྱོར་གཞན་ཞིག་བྱས་ན། “མ་དགའ་འ་དབུས་འ་སོང་ནས།།…
དེ་ལས་མང་བ་། “མ་དགའ་འ་དབུས་འ་སོང་།། མ་མཇལ་ལ་ཕྱིར་ར་ཡོང་།།” »
ཀླུ་སྨྱོན་ཧེ་རུ་ཀ
གཅིག
དྲོད་རྟ་རྔ་ཙམ་ཡང་མེད་པའི་ཉི་འོད་སེར་པོ་ཞིག་ཕོ་བྲང་པོ་ཏ་ལའི་དབུ་རྩེར་འཕྲོས་ནས་ཡུན་རིང་མ་འགོར་བར། ཇོ་ཁང་གི་གཡས་གཡོན་གང་སར་ལྷ་བསང་གི་དུད་སྤྲིན་དཀར་ལྷོག་ལྷོག་ཏུ་འཕྱུར་བའི་ཁྲོད། མར་དྲི་དང་རྩམ་དྲི། ད་དུང་ཤུག་ལོའི་དྲི་བཟང་སོགས་གང་སར་འཐུལ་ཞིང་། ངོ་གདོང་དྲེགས་པས་འཚོས་པའི་སྤྲང་བོ་ཁྱུ་ཞིག་གྲལ་བསྒྲིགས་ནས་རང་རང་གི་ཤེས་ཚོད་ཀྱི་མ་ཎི་དང་གུ་རུ་རིན་པོ་ཆེའི་མཚན་སྔགས་སོགས་ཉམས་འགྱུར་ལྡན་པའི་ངང་ཟློ་ཅི་ཐུབ་བྱེད།
ང་རང་འཆར་གཞི་ལྟར་ཇོ་ཁང་ནས་ཅུང་ཟད་ཐག་རིང་བའི་གཙང་པོའི་འགྲམ་གྱི་སྤྲང་འཁྱམ་སྡོད་ས་དེར་བསྐྱོད། རས་གུར་རྩབ་རལ་ཞིག་གི་འདབས་ཀའི་བར་ནས་མགོ་སྐྲ་ཟིང་ཟིང་དུ་གྱུར་པའི་སྐྱེས་པ་ཞིག་གིས་ང་ལ་ལྟ་ཙམ་བྱས་རྗེས་གདོང་ལ་འཛུམ་བཅོས་མ་ཞིག་བསྡུས་ཏེ། ཝ་ཡེ། གྲོང་ཁྱེར་གྱི་མི་བསླེབས་སོང་། ཟེར། ང་ཐད་ཀར་རས་གུར་གྱི་སྒོར་ཕྱིན་ནས་སྒོ་ཡོལ་རྫོབ་རོ་དེ་ཡར་བཀྱགས་པ་ན། པགས་གདན་རྙིང་ཧྲུལ་ཞིག་གི་སྟེང་དུ་ཉལ་འདུག་པའི་ཕོ་གསར་དེ་ཡར་ཙོག་བྱུང་ལ། ཁོའི་སྐེ་རུ་བཏགས་པའི་གཟི་མིག་དགུ་ཅན་དེ་ལས་ངས་ལམ་སེང་ཁོ་རང་ཨ་ཇོ་པ་སངས་ཡིན་པ་ངོས་ཟིན་སོང་།
དབུས་ཕྲུག་ཚེ་རིང།
སྤྱིར་ བཏང་ཟུངས་ཁྲག་ཅེས་པའི་མིང་ཚིག་འདི་གོ་མ་ཐག་མི་རྣམས་ཀྱི་སེམས་ངོར་དེ་མ་ཉིད་ དུ་སྐྱི་གཡའ་ཞིང་འཇིགས་སྣང་ཅན་གྱི་ཁ་དོག་ཅིག་བློ་ངོར་འཆར་ངེས་རེད། ཁ་དོག་འདིས་གྲུབ་པའི་ཟུངས་ཁྲག་ནི་སྐྱེ་འགྲོ་རྣམས་ཀྱི་ཚེ་སྲོག་གི་རྒྱུན་ཐག་ སྐྱོང་མཁན་གཙོ་བོ་དེ་ཡིན་སྟབས། རང་ཤུགས་ཀྱིས་སྐྱེ་བོ་སུ་ཡིན་ཡང་རང་ཉིད་ཀྱི་ཟུངས་ཁྲག་ལ་གཅེས་སྤྲས་དང་ཟུངས་ ཁྲག་བཞུར་སོང་ན་འཆི་མ་མྱོང་ངམ་སྙམ་པའི་འཇིགས་སྣང་དེ་ངང་གིས་སླེབས་པ་རེད། དེར་བརྟེན་དང་པོར་རང་ཉིད་ཀྱི་སྒལ་ཚིགས་དྲང་པོ་ཞིག་འདྲོང་ཐུབ་པའི་ཆེད་དུ་ ལུས་པོར་ཚད་ངེས་ཅན་གྱི་ཟུངས་ཁྲག་གསོག་འཇོག་བྱེད་དགོས། དེས་ནས་གོ་རིམ་གཉིས་པར་འཕེལ་རྒྱས་ཀྱི་ཆེད་དུ་མདུན་མཆོང་རེ་བྱས་ན་འོས་ཤིང་ འཚམས།
བལ་ཡུལ་གྱི་རྒྱལ་སར་ཉི་འཛིན་དེ་རིང་ཞོགས་པ་སྔ་མོའི་ཆུ་ཚོད་ལྔ་དང་སྐར་མ་་༥༠་ཐོག་འགོ་བཙུགས་པ་དང་བདུན་དང་སྐར་ ༤༠་ཙམ་ལ་མཇུག་བསྒྲིལ་སོང་། སྐབས་དེར་ཉི་མའི་བརྒྱ་ཆ་དགུ་ཅུ་ཙམ་བཟུང་བ་མཐོང་ཐུབ་པ་དང་སྐར་མ་ཤར་བ་ཡང་མཁའ་དབྱིངས་ནས་གཅིག་མཐོང་རྒྱུ་འདུག། བལ་ཡུལ་རྒྱལ་ནང་དུ་ཉི་འཛིན་བྱུང་པ་རྒྱལ་ཁོངས་ཀྱི་རྫོང་སྡེ་ཁག་བཅུ་བཞི་ཙམ་ནས་མཐོང་ཐུབ་ཚུལ་བཤད་པ་དང་ཉིན་དེར་གཞུང་འབྲེལ་གྱི་གུང་སེང་ཁྱབ་བསྒྲགས་བྱས་སོང་།
༼དུས་བབ་ཀྱི་དྲ་རྒྱ་ནས་བཤུས། གཤམ་གྱི་འབྲེལ་ཐག་འདི་ན་འདུག འབྲེལ་ཐག་ལ་བསྣུན་ན་པར་དང་བཅས་པ་མཐོང་ཐུབ།༽
http://tibettimes.tibethosting.com/news.php?showfooter=1&id=1389
རང་བཙན་འཐབ་རྩོད་པ་དང་རྩོམ་པ་པོ་འཇམ་དབྱངས་ནོར་བུ་ལགས་ཀྱི་ལྷག་བསམ་དང་ལར་ཞེན། སྙིང་སྟོབས་བཅས་ལ་ཉམས་པ་མེད་པར་ལོ་མང་རིང་དཀའ་སྤྱད་འབད་བརྩོན་བརྒྱུད་དེ། བོད་རྒྱལ་ཁབ་ཆེན་པོའི་རྒྱལ་དར་དང་རྒྱལ་གླུ། ས་ཁྲ། དངུལ་སྒོར། ཕྱིར་སྐྱོད་ལག་ཁྱེར། རྒྱལ་ཁབ་བར་གྱི་ཆིངས་ཡིག རྒྱལ་ཁབ་ནང་ཁུལ་གྱི་སྒྲིག་འཛུགས་བཅས་ཕྱོགས་བདུན་གྱི་ཐད་ནས་བོད་རང་བཙན་གཙང་མ་ཡིན་པའི་ཁུངས་སྐྱེལ་དཔང་རྟགས་འཚོལ་བསྡུ་བྱས་ཏེ། འཛམ་གླིང་མི་དམངས་ལ་དྲ་ཚིགས་དང་བརྙན་འཕྲིན་བརྒྱུད་དེ་ངོ་སྤྲོད་བྱ་མགོ་བརྩམས་ཡོད།
ཕྱི་ཚེས་ ༡༨ ཉིན་ངྷ་ས་ཡོངས་གླིང་སློབ་གྲྭའི་ཚོགས་ཁང་ནང་། བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག བཞུགས་སྒར་ཁུལ་གྱི་སེར་སྐྱ་མི་དམངས་སུམ་བརྒྱ་ཡས་མས་ཤིག་ལ། བོད་རང་བཙན་འཐབ་རྩོད་པ་དང་རྩོམ་པ་པོ་འཇམ་དབྱངས་ནོར་བུ་ལགས་ཀྱིས་༼རང་བཙན་དོན་དངོས་ཀྱི་ལོ་རྒྱུས་༽ ཞེས་པའི་བརྗོད་གཞིའི་ཐོག་གཏམ་བཤད་དང་དྲི་བར་ལན་འདེབས། བོད་རང་བཙན་སྐོར་ཁུངས་སྐྱེལ་སྐོར་གྱི་རྒྱུ་ཆ་གལ་ཆེན་ཁག་ཅིག་བརྙན་འཕྲིན་བརྒྱུད་སྤྲོད་བཅས་གནང་སོང་ལ། ཁོང་མུ་མཐུད་དུ་བཙན་བྱོལ་བོད་མིའི་གཞིས་སྒར་གཞན་ཁག་ཅིག་ཏུའང་འགྲོ་རྒྱུ་ཡིན་སྐོར་ཡང་གསུངས་སོང་། ཁོང་གིས་ (www.rangzen.net) ཞེས་བའི་དབྱིན་ཡིག་གི་དྲ་ཚིགས་ཤིག་གསར་དུ་སྒོ་འབྱེད་བྱས་ཏེ། རྒྱལ་སྤྱིའི་སྤྱི་ཚོགས་ལ་སླར་ཡང་བོད་རང་བཙན་དག་སྐྱེལ་བྱེད་མགོ་བརྩམས་ཡོད་པ་མ་ཟད། དབྱིན་ཡིག་ཐོག་༼བོད་རང་བཙན་གྱི་བཅའ་ཁྲིམས་༽ཞུ་བ་ཞིག་གསར་རྩོམ་གནང་སྟེ། ད་ལྟ་བོད་རང་བཙན་སློབ་ཕྲུག་ཚོགས་པས་བོད་སྒྱུར་བྱེད་བཞིན་ཡོད་པ་དང་། མི་འགྱངས་པར་ཁྱབ་བསྒྲགས་བྱ་འཆར་ཡོད་འདུག
དེ་ལས་མང་བ་། “འཇམ་དབྱངས་ནོར་བུས་སླར་ཡང་བོད་རང་བཙན་ཁུངས་སྐྱེལ་བྱས།” »
རྒྱ་མོ་མཛེས་མ་འདིས་རྒྱལ་བ་རིན་པོ་ཆེར་འདི་འདྲ་བཤད་སོང་།
ང་ཁ་སང་གྲོགས་པོ་ཞིག་གི་སྐྱེ་སྐར་གྱི་གསོལ་ཚིགས་ལ་ཕྱིན་པ་ཡིན། དེ་གར་མགྲོན་པོ་མང་ཆེ་བ་རྒྱ་ནག་ནས་སློབ་གྲྭ་འགྲིམས་མཁན་དང་། དེ་མིན་ཨ་རིའི་ནང་ལ་ལས་ཀ་བྱེད་མཁན་གྱི་རྒྱ་རིགས་བདུན་ལྷག་འདུག དེའི་ནང་དེ་སྔོན་མཐོང་མྱོང་བའི་རྒྱ་མོ་མཛེས་མ་ཞིག་ཀྱང་འདུག ཁོ་མོས་རྒྱའི་སྲོལ་རྒྱུན་གྱི་ཕྱུ་པ་ལྟ་བུའི་རས་གོས་དམར་པོ་ཞིག་མགྱོན་པ་དང་། འོག་ལ་་ནང་འཇམ་སོགས་མེད་སྟབས། བརླ་ཤ་དཀར་ལ་འཇམ་པ་དེར་་ཚང་མས་ཡང་སེ་ལྟ་བར་ཤོར་སོང་།
ང་ཚོ་ཁ་ལག་ཟ་ཞོར་ལ་ཤིན་ཅང་གི་དོན་རྐྱེན་འདི་གླེང་བར་ཐལ། པེ་ཅིང་སྤྱི་ཚོགས་ཚན་རིག་ཁང་གི་ཞིབ་འཇུག་པ་ཡིན་ཟེར་མཁན་རྒྱ་མི་ཞིག་གིས། “ད་རེས་དོན་རྐྱེན་དེ་དང་སྔོན་མ་བོད་ཀྱི་དོན་རྐྱེན་གཉིས་ངོ་བོ་གཅིག་པ་རེད། མི་རིགས་ཀྱི་གནད་དོན་རེད། བོད་ལ་ཚོན་ན་ཏ་ལའི་བླ་མས་ཕྱི་ནས་བོད་པ་རྣམས་ལ་ངན་སྐུལ་བྱས་ཡོད་ཟེར།” གློག་ཀླད་ཀྱི་འཕྲུལ་ཆས་བཟོ་མཁན་རྒྱ་ཞིག་གིས། “བོད་པ་འདི་ཚོར་རོགས་པ་འདི་ཙམ་བྱས། ཡར་རྒྱས་འདི་ཙམ་བཏང་། ད་དུང་ཏ་ལའི་བླ་མས་ལས་སླ་པོར་མགོ་འཁོར་གཏོང་ཐུབ་པ་འདི་ཡ་མཚན་ཟེར།
དེ་ལས་མང་བ་། “རྒྱ་མོ་མཛེས་མ་འདིས་རྒྱལ་བ་རིན་པོ་ཆེར་འདི་འདྲ་བཤད་སོང་།” »
འབྲོག་རུ་ཆོས་གྲགས།
སྐད་ཡིག་ཚགས་པར་སྤྱིའི་འདོན་ཐེངས་བརྒྱད་དེ་ང་ཚོའི་ལུས་ཀྱི་དཀའ་ངལ་དང་སེམས་ཀྱི་ངལ་དུབ་ཁྲོད་ནས་རང་གི་ཉིན་རེ་འཚོ་བའི་ཁྲོད་ཀྱི་ཇ་བཏུང་བྱེད་དང་ཟས་བཟའ་བྱེད་སོགས་ཁབ་གསོག་འབུག་གསོག་བྱས་ནས་པར་བསྐྲུན་བྱས་ཏེ། སྤྱི་ཚོགས་སྟེང་སླེབས་དུས། བསྟོད་བསྔགས་ཀྱི་མཐེ་བོང་བསྒྲེངས་ནས་རྔན་པ་ཧིན་སྒོར་ཆིག་སྟོང་ལྔ་བརྒྱ་སྤྲོད་མཁན་ཡང་བྱུང་སོང་ལ། དམོད་ཚིག་གི་མཛུབ་ཆུང་མདུན་དུ་བསྟན་ནས་ལས་སྟངས་དེས་བོད་ཡིག་ཉམས་རྒུད་དུ་འགྲོ་བར་ཁ་སྣོན་བྱ་ཚུལ་ཡང་བྱུང་སོང༌། གང་ལྟར་ཡང༌། ང་ཚོ་ལམ་ཀ་འདིར་འགྲོ་ངེས་ཡིན། བོད་སྐད་ཡིག་གི་ཚེ་སྲོག་སྐྱོབས་ཆེད་ལྐུག་པའི་བརྟུལ་ཞུགས་བཟུང་བའི་ཡིན་མདོག་མདོག་གིས་མི་མང་ལ་གསལ་བསྒྲགས་དང་མཛུབ་སྟོན་གནང་བཞིན་པའི་བོད་སྐད་ཡིག་ནང་བྲིས་པའི་ཡིག་ཆ་དེ་དག་ཐེར་འདོན་བྱེད་ཞོར་ལམ་ཀ་འདིར་འགྲོ་ངེས་ཡིན།
སྤྱི་ཚེས་༡༤ ཉིན་བལ་ཡུལ་དུ་གནས་སྡོད་བྱེད་མཁན་བོད་མི་ཉི་ཤུ་ལྷག་གིས་རྒྱལ་ས་ཀཱ་ཐ་མན་ཀྲོའུ་ལ་ཡོད་པའི་འཛམ་གླིང་མཉམ་འབྲེལ་རྒྱལ་ཚོགས་གྱི་ལས་ཁུངས་མདུན་ཞི་བའི་རྔམ་སྟོན་སྐད་འབོད་གྱི་ལས་འགུལ་ཟིག་སྤེལ་ཡོད་པ་དང་། ཁོང་ཚོས་བོད་ནང་རྒྱ་ནག་གིས་དྲག་གནོན་གཏིང་འཛིན་བྱས་བ་ནས་འཛིན་བཟུང་བྱས་པའི་བོད་མི་ཚོ་གློད་དཀྲོལ་གཏོང་དགོས་པ་དང་། བོད་མི་དམར་གསོད་གཏོང་རྒྱུ་མཚམས་འཇོག་དང་དྲག་སྤྱོད་དེ་འཛམ་གླིང་མཉམ་འབྲེལ་རྒྱལ་ཚོགས་ནས་ཁྲིམས་ལྟར་རྒྱབ་སྐྱོར་དང་ཐག་གཅོད་ཡོང་རྒྱུ། ད་དུང་ཞིན་ཅང་ལ་ཡང་གཅིག་མཚུངས་དང་ཞིན་ཅང་ཡུ་གུར་མི་རིགས་ལ་གདུང་སེམས་མཉམ་བསྐྱེད་ཡོད་པ་སོགས་གྱི་དགོས་འདུན་རྒྱུ་མཚན་དུ་འཁོད་འདུག། དེ་འབྲེལ་གྱི་ཡིག་ཆ་ཡང་རྒྱལ་ཚོགས་ལས་ཁུངས་དང་འབྲེལ་ཡོད་ལ་སྤྲད་ཡོད་ཟེར། བོད་མི་ཚོས་དུས་ཡུན་སྐར་གྲངས་༡༥ ཙམ་ལ་ལས་འགུལ་སྤེལ་རྗེས་ཉེན་རྟོག་པས་བུ་༡༢ དང་བུ་མོ་གསུམ་བཅས་བསྡོམས་པས་མི་གྲངས་ ༡༥་བཙན་གྱིས་རླངས་འཁོར་ལ་བཅུག་ནས་འཛིན་བཟུང་བྱས་སོང་།
རྫ་ཆུ་ཁ་བ་ཚེ་རིང་བཀྲ་ཤིས།
ངས་ཁར་རྩང་བདུན་རེའི་གུང་གསེང་གི་ཉིན་ཆེད་དུ་ཡིད་བྱུང་བའི་གྲྭ་བ(angry monk )ཞེས་པའི་དགེ་འདུན་ཆོས་འཕེལ་སྐོར་གྱི་གློག་བརྙན་དེར་ཚར་གཅིག་བལྟས་པ་ཡིན། གློག་བརྙན་དེར་དགེ་ཆོས་མཆོག་འཁྲུངས་ཡུལ་དང་ཕེབས་བཞུད་གནང་བའི་ས་གནས། སྐབས་དེའི་རྒྱལ་སྤྱིའི་འགྱུར་འགྲོས་དང་གནས་སྟངས། ཁོང་གི་ཤུལ་བཞག་རི་མོ་དང་རྩོམ་ཡིག ཁོང་དང་འབྲེལ་བ་ཡོད་པའི་ལོ་ན་རྒན་པའི་མི་དང་རྗེས་རབས་པ་ཁོང་གི་སྐོར་ལ་ཞིབ་འཇུག་མྱོང་མཁན་གྱི་གཅར་འདྲི་སོགས་མང་པོ་ཞིག་བསྡུ་བསྒྲིགས་བྱས་ཡོད་ལ། དེ་ནི་དྲན་དབང་མཆོག་གི་མཛད་རྗེས་ཀྱི་སྐོར་ལ་ཕན་རླབས་ཆེན་པོ་ཡོད་པའི་བྱས་པ་ཞིག་ཡིན་ན་ཡང་། ཕྱོགས་གཞན་ཞིག་ནས་བསམ་ན་ང་ཚོའི་དངོས་སུ་མཇལ་དུ་ཡོད་པའི་ཁོང་གི་གསུང་རྩོམ་གལ་ཆེན་གསེར་ཐང་དང་ཀླུ་སྒྲུབ་དགོངས་རྒྱན། རི་མོ་གྲགས་ཅན་མི་ལ་རས་པ་ལྟ་བུའི་སྐོར་དང་། རྒྱ་དབྱིན་སོགས་སུ་ཕན་ཚུན་བསྒྱུར་བའི་སྤྱོད་འཇུག་དང་ཆོས་ཀྱི་ཚིགས་སུ་བཅད་པ་སོགས་ཀྱི་སྐོར་ལ་གླེང་སློང་འདང་ངེས་གནང་མི་འདུག་སྙམ་པ་དང་། དེ་ལས་གལ་ཆེ་བ་ཞིག་ལ་ཁོང་གིས་ཐུགས་སྣང་ཆེན་པོ་གནང་ནས་ཕེབས་སའི་ལྷོ་མཐའི་ནང་བའི་རྒྱལ་ཁབ་ཤྲི་ལངྐ་དང་འབྲེལ་བའི་སྐོར་ལ་དམིགས་བསལ་གླེང་བརྗོད་དང་ཉམས་ཞིབ་བྱུང་མེད་པ་འདིས་ང་ཚོས་དགེ་འདུན་ཆོས་འཕེལ་དང་འབྲེལ་བའི་རྒྱུ་ཆ་གལ་ཆེན་ཞིག་ལྷག་ནས་ཡོད་པ་ཚོར། བསམ་ཚུལ་འདི་དགེ་འདུན་ཆོས་འཕེལ་གྱི་རབས་བྱེད་ཞབས་བཏགས་མ་དང་། དྲང་བདེན་གྱིས་བསླུས་པའི་སློང་མོ་བ་གཉིས་མཇལ་བའི་སྐབས་སུའང་སྐྱེས་མྱོང་། མ་གཞི་དགེ་འདུན་ཆོས་འཕེལ་གྱིས་ཤྲི་ལངྐའི་སྐོར་ལ་སྐུ་དངོས་ཕེབས་ཀྱིས་མཁྱེན་རྟོགས་དང་ཞིབ་འཇུག་ཡུན་རིང་གནང་སྟེ་རྩོམ་ཡིག་འབྲི་གནང་མཛད་པ་སོགས་ཡོངས་གྲགས་ཡིན་ན་ཡང་། ང་ལ་དེའི་སྐོར་དམིགས་བསལ་སྲེད་ཞིན་ཞིག་ཡོད་པའི་འབྱུང་ཁུངས་ནི་གཤམ་གྱི་དོ་སྣང་འོས་པའི་གཏམ་རྒྱུད་འདི་ཡིན།
དེ་ལས་མང་བ་། “སིངྒ་ལའི་མཚོ་འགྲམ་ཞིག་ཏུ་དགེ་འདུན་ཆོས་འཕེལ་གྱི་སྐུ་བརྙན་སེར་ཟིང་ངེ་བ་ཞིག་ཡོད།” »
དུས་བབ་ཟིན་བྲིས་ཐོག་གི་གྲྭ་སྨྱོན་བསྟན་རབ་ཀྱི་སྦྲ་རྒན་ནག་ལྡང་ཞེས་པའི་ནང་གནས་ཚུལ་བཀོད་པ་ལྟར་ན། རིན་བཟང་གི་མུ་འབྲེལ་ཟིན་ཐོ་ཞེས་པའི་དེབ་ཕྲེང་རྩོམ་མཁན་བྱ་མདོ་རིན་ཆེན་བཟང་པོ་ཉེ་ཆར་མཚོ་སྔོན་པོ་ནས་གར་སོང་ཆ་མེད་དུ་གྱུར་པའི་གནས་ཚུལ་སྤེལ་འདུག ཁོང་གི་དེབ་ཕྲེང་གཉིས་ནི་ ༼ངའི་ཕ་ཡུལ་དང་ཞི་བའི་བཅིངས་འགྲོལ ༽ དང་༼ ངའི་ཕ་ཡུལ་དང་གཟབ་ཉན ༽ཞེས་པ་རེད་ལ། དེའི་ནང་རྒྱ་དམག་ཐོག་དང་པོར་བོད་དུ་སླེབས་སྐབས་ཀྱི་ཡ་ངའི་གནས་ཚུལ་འཁོད་ཡོད་པ་རེད། འདིའི་སྐོར་གྱི་ཞིབ་གསལ་གནས་ཚུལ་ཡོད་ན་འདིར་འགོད་རོགས། ཕྲན་གྱིས་ཁོང་གི་རྩོམ་དེབ་དེ་ལས་ཟུར་ཅིག་ལས་རོགས་ནེ་ཁོལ་དང་ལྷན་དབྱིན་ཡིག་ཏུ་བསྒྱུར་ཡོད་པ་གཤམ་གྱི་འབྲེལ་ཐག་ན་ཡོད་ཅིང་། ཁྱབ་སྤེལ་ཅི་ཙམ་ཞུ་ཐུབ་ན་དེ་ལ་དགའ་བསུ་ཞུ་བ་ཡིན། my-conversation-with-aku-yarphel-final-1