ཁ་ཆེའི་ཆོས་ལུགས་ཀྱི་ཁ་གཏད་དུ་ལངས་པའི་ཁ་ཆེའི་བུད་མེད་རྩོམ་པ་པོ་ཞིག

Posted on By ཡེ་ཤེས་ 8 Comments on ཁ་ཆེའི་ཆོས་ལུགས་ཀྱི་ཁ་གཏད་དུ་ལངས་པའི་ཁ་ཆེའི་བུད་མེད་རྩོམ་པ་པོ་ཞིག

153px-taslima_nasrin

གནའ་ནས་ད་ལྟའི་བར་དུ་ཆོས་ལུགས་ཀྱི་ཁ་གཏད་དུ་ལངས་པའི་བུད་མེད་ཅིག་མིའི་རིགས་ཀྱི་ལོ་རྒྱུས་སྟེང་མཐོང་དཀོན་པ་དང་། ལྷག་པར་ཁ་ཆེའི་སྤྱི་ཚོགས་སུ་ཁ་ཆེའི་ཆོས་ལུགས་ཀྱི་ཁ་གཏད་དུ་འགྲེངས་པའི་ཁ་ཆེའི་བུད་མེད་ཅིག་སྐྱེས་རྒྱུ་དེ་ནི་མི་སྲིད་པའི་རྨི་ལམ་ཞིག་ཏུ་སྣང་། ཡིན་ན་ཡང་། དུས་རབས་ཀྱི་འགྱུར་ལྡོག་དང་བསྟུན་ནས་མི་རྣམས་ཀྱི་འཇིག་རྟེན་ལྟ་ཚུལ་ལ་སྔར་ལས་འགྱུར་བ་རབས་དང་རིམ་པ་ཞིག་ཕྱིན་པ་དང་། ཆོས་ལུགས་ལས་བསྟན་པའི་ཕོ་མཆོག་མོ་དམན་གྱི་ལྟ་བ་ལ་ཡིད་ཆད་པའི་མི་མོ་འགའ་རེ་རིམ་བཞིན་འཇིག་རྟེན་འདིའི་ཁུག་ཀྱོག་རེ་ནས་སྐྱེས་བྱུང་། ཁྲ་སི་ལི་ན་ན་ས་རེན་Taslina Nasreenནི་དེ་དག་གི་ཁྲོད་ཀྱི་དཔེ་མཚོན་ཞིག་ཡིན་པ་དང་། མོའི་ལོ་རྒྱུས་མདོར་བསྡུས་ནི། མོ་རང་སྤྱི་ལོ་༡༩༦༢ལོའི་ཟླ་བརྒྱད་པའི་ནང་སྔོན་ཆད་ཀྱི་ཤར་པ་ཀི་སི་ཐན་དང་ད་ལྟའི་ཆར་བྷང་ལ་རྡེ་ཤིར་འབོད་པའི་ཁ་ཆེའི་རྒྱལ་ཁབ་ཀྱི་མ་ཡེ་མེན་སིང་ཞེས་པའི་གྲོང་གསེབ་ཀྱི་ཁ་ཆེའི་ཁྱིམ་ཚང་ཞིག་ཏུ་སྐྱེས།

དེ་ལས་མང་བ་། “ཁ་ཆེའི་ཆོས་ལུགས་ཀྱི་ཁ་གཏད་དུ་ལངས་པའི་ཁ་ཆེའི་བུད་མེད་རྩོམ་པ་པོ་ཞིག” »

གསར་འགྱུར།

ཁམས་ལི་ཐང་ནས་བོད་མི་ ༡༦ སྐད་འབོད་བྱས་འདུག

Posted on By དགེ་རབ་ No Comments on ཁམས་ལི་ཐང་ནས་བོད་མི་ ༡༦ སྐད་འབོད་བྱས་འདུག

༼གསར་འགྱུར་འདི་ནི་བོད་ཀྱི་དུས་བབ་ནས་བཤུས་པ་ཡིན།༽
འདོན་སྤེལ། ༢༠༠༩/༠༢/༡༦

དེ་རིང་སྔ་དྲོ་ཁམས་ལི་ཐང་ཁུལ་དུ་བོད་མི་ ༡༥ ཡིས་བོད་རང་བཙན་ཡིན། རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། ད་ལོ་བོད་ལ་ལོ་གསར་མེད་ཅེས་སོགས་ཞི་བའི་སྐད་འབོད་བྱས་སྟབས་རྒྱ་གཞུང་གིས་འཇུས་འདུག

དགའ་ལྡན་བྱང་རྩེ་གྲྭ་ཚང་ཕ་ར་ཁང་ཚན་གྱི་གྲྭ་བློ་བཟང་ཆོས་སྐྱབས་ཀྱིས་འདི་གར་གནས་ཚུལ་སྤྲད་པ་ལྟར་ན། ཁ་སང་གཟའ་ཉི་མའི་ཉིན་གྱི་རྒྱ་ནག་གི་ཆུ་ཚོད་ ༡༢ ཐོག འབའ་མཐའ་རྫོང་གནས་སྒོ་དགོན་པའི་གད་མོ་ཁང་ཚན་གྱི་རང་ལོ་ ༣༨ ཡིན་པ་གྲྭ་བློ་བཟང་ལྷུན་གྲུབ་ཀྱིས། ལི་ཐང་རྫོང་གི་སྲང་ལམ་ནས་༧རྒྱལ་བ་རིན་པོ་སྐུ་ཚེ་ཁྲི་ལོར་བརྟན་པར་ཤོག བོད་རང་བཙན་ཡིན། ༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་མི་ཚོར་ལོ་སར་མེད་ཅེས་སྐད་འབོད་བྱས་ཡོད་འདུག གནས་ཚུལ་མཁོ་འདོན་པ་ལྟར་ན། སྐད་འབོད་བྱེད་མཁན་གྱིས་རྒྱ་ནག་གི་ཆུ་ཚོད་ ༡༢ ཐོག་སྐད་རྒྱག་དོན་ནི་རྒྱ་ནག་གི་ལས་བྱེད་ཚོའི་ཉིན་གུང་ཞལ་ལག་གི་མཚམས་སུ་ཡིན་ལ། སྐབས་འདིར་སྐད་བརྒྱབ་ན་དུས་ཡུན་རིང་ཙམ་ལ་སྐད་རྒྱག་པའི་གོ་སྐབས་རག་ཆེད་ཡིན་འདུག སྐར་མ་ཁ་ཤས་ལ་སྐད་འབོད་བྱས་རྗེས་རྫོང་ཉེན་རྟོག་པས་འཇུས་ཡོད་པ་དང༌། ཉིན་དེར་ལི་ཐང་རྫོང་གི་བཙོན་ཁང་དུ་བཀག་ཉར་བྱས་ཡོད་འདུག

དེ་ལས་མང་བ་། “ཁམས་ལི་ཐང་ནས་བོད་མི་ ༡༦ སྐད་འབོད་བྱས་འདུག” »

གསར་འགྱུར།

ཏུན་ཧོང་གཏེར་ཡིག་དང་རྡོ་རིང་སོགས་་ནང་ཕྲད་བཀོལ་སྟངས།

Posted on By dhatsenpa 54 Comments on ཏུན་ཧོང་གཏེར་ཡིག་དང་རྡོ་རིང་སོགས་་ནང་ཕྲད་བཀོལ་སྟངས།

ཉེ་ཆར་ངས་ཕྲད་གི་སྐོར་གླེང་སློང་གང་འཚམས་ཅིག་བྱས་ཟིན་ཡང་ད་རུང་མཇུག་སྣེ་ཕྲད་ལ་ཐོགས་ནས་ལས་སླ་པོར་རང་ཉིད་ཕྲད་ལས་ཕྲལ་ཐབས་མི་འདུག དེ་རིང་ཁོམ་ལོང་ཅུང་ཟད་སྤྱད་ནས་ཏུན་ཧོང་གཏེར་ཡིག་ནང་གི་ར་མ་ནའི་རྟོགས་བརྗོད་བསྒྱུར་ཡིག་གི་ཕྱེད་ཙམ ཞོལ་རྡོ་རིང་ཕྱི་མ། ཀོང་མོ་དེ་མོའི་བྲག་བརྐོས་ཡི་གེ་སོགས་གནའ་རྩོམ་འགའ་ཤས་ནང་གི་ཕྲད་གི་སྐོར་རྟགས་རྒྱག་གི་རྒྱག་གི་ཕྱིན་པ་ཡིན།
ཡིག་རྙིང་འདི་ཚང་མ་ཐོན་མིས་ ་་སུམ་རྟགས་གི་གཞུང་མཛད་་ གྲུབ་པའི་རྗེས་ལ་བྱུང་བ་ཡིན་ན་ཡང་དེ་དང་མ་མཐུན་པ་མང་པོ་ཅིག་འདུག འཇུག་ཡུལ་གཅིག་པའི་ཕྲད་མང་པོ་ཅིག་གང་བྱུང་འདོད་རྒུར་བཀོལ་འདུག་པར་བལྟས་ན་ངས་ཁ་སང་དེ་རིང་གི་ཕྲད་བེད་སྤྱོད་གཏོང་སྟངས་དང་འདྲ་སེ་འདུག མི་འདྲ་ས་ནི་ང་ནང་བཞིན་གཏན་ཁེལ་བའི་ཕྲད་སྟབས་བདེ་ཅིག་མིན་པར་འདམ་གསེས་གི་རང་བཞིན་ལྡན་པའི་ཕྲད་མང་དག་ཅིག་རེད། དཔེ་བཞག་ན། ཅིག ཆིག ཞིག ཤིག ཚང་མ་མང་ཉུང་ཅིག་མ་གཏོགས་གངབྱུང་ལ་བེད་སྤྱོད་བཏང་འདུག འདིར་སུམ་ཅུ་བའི་གཞུང་དང་མི་མཐུན་པ་སྐོར་ཅིག་དཔེ་མཚོན་གི་ཆེད་བཀོལ་གི་ཡིན། དཔེར་ན། ཞོལ་རྡོ་རིང་ནང་། རྗེ་བླས་གྱྀ་རྔོ་ཐོག་པའྀ། བཀའ་གྱོད་གྱི་ཚིགས་ཅྀ་ལ་བབ་པ་ལས། རབས་ཆད་ན་རབས་ཆད་གྱི་ཁོལ་ཡུལ་དང། ཕྱི་ནང་གཉྀས་གྱི
ཤ་ཁོན་གྱི་བག་དུ་སྲོག་སྲིད་ལ། མཛད་དོ་ཅོག་དུའང་ལེགས་སྟེ། རྟག་དུ་དཔྱ་དར་ཡུག་ལྔ་ཁྲི་ཕུལ་ཏེ། ལྟ་བུའོ།

དེ་ལས་མང་བ་། “ཏུན་ཧོང་གཏེར་ཡིག་དང་རྡོ་རིང་སོགས་་ནང་ཕྲད་བཀོལ་སྟངས།” »

གསར་འགྱུར།

དེ་རིང་གི་འཛམ་གླིང་།

Posted on By དགེ་རབ་ 2 Comments on དེ་རིང་གི་འཛམ་གླིང་།

picture-4དེ་རིང་ནི་ ༢༠༠༩ ལོའི་ཟླ་གཉིས་པའི་ཚེས་བཅུ་གསུམ་རེད། གྷོའུ་གྷལ་གྱི་མདུན་ཤོག་ན་ཡོད་པའི་གསར་འགྱུར་དག་བམ་ཀློག་ཅིག་བྱས་པ་ཡིན། མདང་གནམ་གྲུ་ཞིག་ཨ་རིའི་ནིའུ་ཡོག་ཁུལ་དུ་བརྡབས་ནས་འགྲུལ་མི་དང་བཅས་པའི་མི་ལྔ་བཅུ་ཤི་འདུག ཨ་རིའི་སྲིད་འཛིན་གསར་པས་ཨ་རིའི་དཔལ་འབྱོར་ཉམས་ཆག་ཏུ་ཕྱིན་པ་གསོ་སླད་ཨ་སྒོར་དུང་ཕྱུར་བརྒྱད་བརྒྱ་ཙམ་གྱི་གཞུང་དངུལ་གཏོང་འཆར་ཡོད་པ་དེ་གྲོས་ཚོགས་ཀྱིས་རྒྱབ་གཉེར་ཐོབ་ལ་ཉེ་ཟེར། སོ་ནཱེ་ཟེར་བའི་བཟོ་གྲྭའི་དཀོན་མཆོག་གི་དམག་གསུམ་པ་ཞེས་པའི་གློག་ཀླད་རྩེད་མོ་ཞིག་བཟོས་འདུག

དེ་ལས་མང་བ་། “དེ་རིང་གི་འཛམ་གླིང་།” »

གསར་འགྱུར།

ཆོས་རྒྱམ་དྲུང་པ་རིན་པོ་ཆེ། ནང་ཆོས་ནུབ་ཕྱོགས་སུ་སྤེལ་བའི་ཐོ་རངས་སྐར་ཆེན།

Posted on By ཡེ་ཤེས་ 39 Comments on ཆོས་རྒྱམ་དྲུང་པ་རིན་པོ་ཆེ། ནང་ཆོས་ནུབ་ཕྱོགས་སུ་སྤེལ་བའི་ཐོ་རངས་སྐར་ཆེན།

220px-trungpa6
ཀླུ་སྨྱོན།
(1939-1987)

ཆོས་རྒྱམ་དྲུང་པ་རིན་པོ་ཆེས་ལོ་རབས་དྲུག་ཅུ་བའི་ནང་དབྱིན་ཡིག་ཏུ་བྲིས་པའི་ཁོང་གི་སྐུ་ཚེའི་སྟོད་ཀྱི་རང་རྣམ་བོད་དུ་སྐྱེས་པ་ཞེས་པ་ཞིག་ཡོད་པ་དེ་ཨ་མདོ་བ་དེང་སྐབས་རྒྱལ་སྤྱིའི་བོད་དོན་ལས་འགུལ་ཁང་གི་ལས་བྱེད་པད་མ་དབང་རྒྱལ་གྱིས་བོད་ཡིག་ཏུ་གང་འཚམ་ཞིག་བསྒྱུར་ཡོད་ལུགས་ཐོས།
ཁོང་གི་སྐུ་ཚེ་སྨད་ཀྱི་རྣམ་ཐར་ནི་ཁོང་གི་གསང་ཡུམ་སྒྲ་ཡ་ན་སྨུག་པོ་ལགས་ཀྱིས་ལོ་ཤས་གོང་བརྩམས་པའི་དེབ་རྒན་ འབྲུག་སྒྲ། ངའི་མི་ཚེ་ཆོས་རྒྱམ་དྲུང་པ་དང་ལྷན་དུ་ ཞེས་པ་ཞིག་ཡོད་པ་དེར་གཟིགས་ན་ལེགས།

trungpas-life5

སྤྱིར་དྲུང་པ་རིན་པོ་ཆེ་འདི་བ་ཀརྨ་པ་སྐུ་ཕྲེང་བཅུ་དྲུག་པ་རིག་པའི་རྡོ་རྗེས་ངོས་འཛིན་གནང་པའི་སྤྲུལ་སྐུ་ཞིག་ཡིན་ཞིང་། ཁོང་གི་དགོན་པ་དེ་ནི་ཁམས་ཟུར་མང་བདུད་རྩི་དིལ་ཞེས་པ་དེ་རེད། ཁོང་གི་རྩ་བླ་གཅིག་ནི་གངས་ཤར་མཁན་པོ་ཞེས་པའི་སྐུ་ཚེ་དེ་ལ་རྟོགས་པ་བརྙེས་པའི་རྣལ་འབྱོར་བ་དེ་རེད། སྐྱབས་བཅོལ་ལ་ཕེབས་རྗེས་གོང་ས་མཆོག་ནས་སྐབས་དེའི་སྤྲུལ་སྐུ་ཆུང་ཆུང་ཚོའི་ཚོགས་པ་དེའི་དགེ་རྒན་དུ་བསྐོ་བཞག་གནང་འདུག ཨ་སྐོང་སྤྲུལ་སྐུ་དང་མཉམ་དུ་དབྱིན་ཡུལ་ལ་ཕེབས་ནས་སློབ་གཉེར་ཁྱུག་ཙམ་གནང་རྗེས་ཨ་རིར་ཕེབས། དང་པོར་ཝེ་ཐི་ནམ་དམག་འཁྲུག་ལ་རྒོལ་བའི་ཨ་རིའི་སྐྱིད་ཉལ་རིང་ལུགས་པ་HIPPIEཚོ་དང་མཉམ་དུ་རོ་སྙོམས་ཀྱི་སྤྱོད་པ་ཡང་གང་འཚམ་ཞིག་བསྐྱངས།

དེ་ལས་མང་བ་། “ཆོས་རྒྱམ་དྲུང་པ་རིན་པོ་ཆེ། ནང་ཆོས་ནུབ་ཕྱོགས་སུ་སྤེལ་བའི་ཐོ་རངས་སྐར་ཆེན།” »

གསར་འགྱུར།

སངས་རྒྱས་ཀྱི་གཟི་འོད་ནུབ་ཕྱོགས་སུ་འཕྲོས་པ།

Posted on By ཡེ་ཤེས་ 6 Comments on སངས་རྒྱས་ཀྱི་གཟི་འོད་ནུབ་ཕྱོགས་སུ་འཕྲོས་པ།

bhaisajya20guru20buddha2004-2

ནུབ་ཕྱོགས་སུ་བོད་བརྒྱུད་ནང་ཆོས་དད་ལྡན་པའི་སྤྱི་ཚོགས་ཀྱི་ཁོངས་སུ་འཛུལ་མཁན་ལ་རིགས་མི་འདྲ་བ་ཁ་ཤས་ཤིག་འདུག ཡག་ཤོས་ཁག་ཅིག་ཡོད་པ་ནི་ཆོས་རྒྱམ་དྲུང་པས་བཙུགས་པའི་ནྰ་རོ་བ་མཐོ་སློབ་དང་བལ་ཡུལ་གྱི་ཆོས་ཀྱི་ཉི་མའི་བཤད་གྲྭ མཁན་པོ་ཨ་པད་ཀྱི་རྒྱལ་ཡོངས་ས་ཆེན་བཤད་གྲྭ་ལྟ་བུ་ནས་ནང་ཆོས་ཀྱི་སློབ་གཉེར་གང་འཚམ་རེ་བྱས་ནས་ནང་པའི་ཆོས་ཀྱི་སྐྱབས་འགྲོ་ནས་ཡེ་ཤེས་ཆོས་སྐུའི་བར་དུ་འགྲེལ་བཤད་གང་ལ་གང་འཚམ་རེ་རྒྱག་ཐུབ་པ་སྐོར་ཞིག་དང་། འབྲིང་རིམ་པ་དག་ནི་དང་པོར་ཡེ་ཤུའི་ཆོས་ལ་དད་པ་བྱས། དེ་ནས་ཡེ་ཤུའི་ཆོས་ཀྱིས་འདོད་པ་མ་ཁེངས་པར་ཆོས་ལུགས་གཞན་པ་ག་རེ་ཡག་པ་བསམས་ནས་རྩད་གཅོད་བཏང་བའི་མཐའ་མར་ནང་པའི་ཆོས་ཀྱིས་ཡིད་དབང་ཕྲོགས་ཏེ་ནང་པར་འཛུལ་ནས་སློབ་གཉེར་བྱེད་བཞིན་པ་ཁྱུ་ཞིག་དང་། དེ་བཞིན་དང་པོ་ནས་ཆོས་ལུགས་ཅི་ཡང་མེད་པ་དང་།

དེ་ལས་མང་བ་། “སངས་རྒྱས་ཀྱི་གཟི་འོད་ནུབ་ཕྱོགས་སུ་འཕྲོས་པ།” »

གསར་འགྱུར།, དཔྱད་རྩོམ།

སྲིད་འཛིན་གསར་བའི་གཏམ་བཤད་དང་ཨ་རིའི་ནང་པའི་གྲངས་འབོར།

Posted on By ཡེ་ཤེས་ 8 Comments on སྲིད་འཛིན་གསར་བའི་གཏམ་བཤད་དང་ཨ་རིའི་ནང་པའི་གྲངས་འབོར།

ཉེ་ཆར་ཨ་རིའི་སྲིད་འཛིན་ཁྲི་ཐོག་ཞེ་བཞི་བ་སྐུ་ཞབས་ཨོ་སྦ་མས་ཁོང་གི་སྲིད་འཛིན་དམ་འབུལ་གྱི་གསུང་བཤད་སྐབས་ཨ་རི་ནི་ཆོས་ལུགས་མང་པོ་མཉམ་གནས་ཀྱི་རྒྱལ་ཁབ་ཅིག་ཏུ་བགྲང་སྐབས་ཡེ་ཤུ་དང་རྗུའུ། ཁ་ཆེ་དང་ཧིན་སྡུ་བཞི་མ་གཏོགས་ནང་པ་མ་བགྲངས་པར་དེང་སྐབས་ཨ་རིའི་མི་སེར་ཡིན་པའི་ནང་པ་ཁག་ཅིག་གིས་རང་རང་གི་ལྟ་ཚུལ་འདོན་བཞིན་འདུག་པ་དང་། སྤྱིའི་ཆ་ནས་ཨ་རིའི་ནང་གི་ནང་པ་པའི་གྲངས་འབོར་དང་དེའི་འཕེལ་རྒྱས་དེ་ནི་འདས་པའི་ལོ་ངོ་བཅུ་གྲངས་ནང་ཆོས་ལུགས་གཞན་དག་གིས་འགྲན་མི་ཐུབ་པའི་མགྱོགས་ཚད་ཧ་ཅང་མྱུར་བོ་ཞིག་གི་སྒོ་ནས་འཕེལ་རྒྱས་སུ་ཕྱིན་ཡོད་པ་ཞིག་རེད་འདུག གཤམ་དུ་དེའི་སྐོར་རྡེག་གནོན་དང་ཞིབ་ཀློག་མཛོད། http://buddhistfaith.tripod.com/pureland_sangha/id65.html

གསར་འགྱུར།

རྒྱ་བོད་འབྲེལ་མོལ་དགུ་པ་འདི་ཡང་མགོ་འཛུགས་གྲབ་ཡོད་པ་འདྲ།

Posted on By tenzin 32 Comments on རྒྱ་བོད་འབྲེལ་མོལ་དགུ་པ་འདི་ཡང་མགོ་འཛུགས་གྲབ་ཡོད་པ་འདྲ།

རྒྱ་བོད་ཀྱི་འབྲེལ་མོལ་དེ་ཡང་མགོ་འཛུགས་གྲབས་ཡོད་པ་འདྲ། དཔང་རྟགས་མེད། གཤམ་གྱི་གནས་ལུགས་རྣམས་ཞུ་རྒྱུ་ཡོད།  ༡༽ཕ་ཡུལ་དྲ་རྒྱའི་ནང་གཟའ་འཁོར་གཉིས་ཀྱི་གོང་ལ་གསར་འགྱུར་གྱི་ནང་རྒྱ་ཕྱོགས་ནས་ཏ་ལའི་བླ་མའི་སྐུ་ཚབ་སྐད་འབོད་བྱས་པ་དང་དེར་རྒྱ་རི་མཆོག་གིས་ལས་འདེབས་བྱས་ཟེར། ཡིན་ནའི་ཉིན་གཉིས་པ་དེར་གསར་འགྱུར་དེ་བཏོན་སོང་། ཡ་མཚན་པོ་བྱུང་། ༢༽བོད་གཞུང་གི་རྒྱ་བོད་འབྲེལ་བའི་སློབ་སྟོན་གྱི་ཚོགས་ཆུང་དེ་གང་མགྱོགས་ལྡི་ལིར་འཚོག་གི་འདུག རྒྱུན་དུ་བོད་ཕྱོགས་ཀྱི་སྐུ་ཚབ་རྣམས་པེ་ཅིང་ལ་མ་འགྲོ་གོང་ཚོགས་ཆུང་དེ་འཚོག་ནས་སྐད་ཆ་གང་ཤོད་དགོས་མིན་གྲོས་བསྡུར་བྱ་སྲོལ་འདུག ༣༽ཉེ་ཆར་པེ་ཅིང་ནས་ཤེས་རྟོགས་བྱུང་བར། བོད་ཀྱི་མཁས་པ་མི་ཉུང་བ་ཞིག་དང་། བོད་རིགས་ལས་བྱེད་ཁ་ཤས་ཤིག་ཕྱི་མིར་བོད་ཀྱི་གནས་སྟངས་ངོ་སྤྲོད་བྱེད་པར་སྦྱོང་བརྡར་བྱེད་ཀྱི་འདུག་ཟེར། ཕྱི་མི་སུ་ཡོང་གི་ཡོད་དམ་ཞེས་སྐད་ཆ་འདྲི་སྐབས། འདི་བཤད་མི་རུང་ཟེར། གོང་གི་གནས་ཚུལ་རྣམས་བསྡོམས་ཡོང་དུས་ཕལ་ཆེར་རྒྱ་བོད་ཀྱི་སྐུ་ཚབ་རྣམས་ཡང་རྒྱ་ནག་ལ་སྐྱར་ཐུག་ནས་འབྲེལ་མོལ་བྱེད་རྩིས་ཡོད་ས་འདུག  

གསར་འགྱུར།, དཔྱད་རྩོམ།

༼ཁ་སང་གི་གཏམ་རྒྱུད་༽གླེང་བ།

Posted on By དགེ་རབ་ 8 Comments on ༼ཁ་སང་གི་གཏམ་རྒྱུད་༽གླེང་བ།

ཤིས་ཚང་ལྗང་སྨྱུག་གིས།

————
སྐུ་ཞབས་རྡོ་གྲགས་ཀྱིས་འཁྲབ་ཁྲིད་བྱས་པའི་བོད་ཀྱི་བརྙན་འཕྲིན་ཟློས་གར་༼ཁ་སང་གི་གཏམ་རྒྱུད་༽ལ་བལྟས་རྗེས།
ཚན་རྩལ་འཕྲུལ་རིག་དར་བའི་བརྒྱུད་རིམ་གྱིས་མིའི་རིགས་ཀྱི་སྤྱི་ཚོགས་ཧྲིལ་བོ་ཟང་ཟིང་འདུ་ལོང་ཅན་དུ་བསྒྱུར་ཡོད་ལ། དུས་ཀྱི་འགྱུར་བ་དང་ཕྱིའི་ཟང་ཟིང་དེའི་སྒུལ་ཤུགས་གཡོ་སྐྱོམ་གྱིས་འུ་ཚོའི་བོད་མི་རིགས་ཀྱི་འཚོ་བ་ལའང་ཕྱོགས་ཡོངས་ནས་བརྡབ་གསིག་ཆེན་པོ་ཐེབས་ཡོད་པ་མིག་སྔའི་འགྱུར་ལྡོག་གི་སྣང་ཚུལ་རེ་འགས་ར་སྤྲོད་གསལ་བོར་བྱེད་ནུས། སྤྱི་ཚོགས་དེང་རབས་ཅན་དུ་ཕྱོགས་པ་དེས་ཐད་ཀར་མིའི་བསམ་བློ་ལ་བཀོད་འདོམས་བྱས་པ་དང་འདྲ་བར་མི་རིགས་ཤིག་གི་དངོས་པོ་དང་དངོས་པོ་མ་ཡིན་པའི་རིག་གནས་སྣང་ཚུལ་མཐའ་དག་ཉམས་ཡལ་དུ་འགྲོ་བཞིན་མཆིས་ལ། གསར་ཞེན་རྙིང་དོར་གྱི་འདུ་ཤེས་གློ་བུར་བ་ཞིག་ཀྱང་བསམ་བཞིན་དང་བསམ་བཞིན་མ་ཡིན་པའི་ཁྲོད་བོད་མིའི་སེམས་ཁོང་དུ་སིམ་འཛུལ་བྱེད་ཀྱིན་ཡོད། འདི་ནི་དུས་སྐབས་ཤིག་གི་ཆོས་ཉིད་ཀྱིས་དེད་འོངས་པའི་བསམ་བློའི་འགྱུར་ལྡོག་གི་སྣང་བརྙན་ཞིག་ཀྱང་མིན་པ་ག་ལ་སྲིད།
འདས་མ་ཐག་པའི་སྟོང་ལོ་བརྒྱད་པའི་ནང་སྐུ་ཞབས་རྡོ་གྲགས་ལགས་ཀྱིས་འཁྲབ་ཁྲིད་བྱས་པའི་བོད་ཀྱི་བརྙན་འཕྲིན་ཟློས་གར་གསར་བ་༼ཁ་སང་གི་གཏམ་རྒྱུད་༽ཀྱིས་དེ་ལྟ་བུའི་སྤྱི་ཚོགས་རིམ་འགྱུར་གྱི་དུས་བབ་ཁྲོད་དུས་བཞིའི་དྲོ་གྲང་དང་བསྡོངས་ཏེ་རི་སུལ་སྐྱ་མོར་སྐྱས་སྤོར་གནས་བཅས་བྱས་པའི་བོད་ཀྱི་འབྲོག་སྡེ་ཞིག་གི་བསམ་བློའི་འཕོ་འགྱུར་དང་། དངོས་པོ་མ་ཡིན་པའི་དམངས་ཁྲོད་རིག་གནས་ཉམས་ཡལ་དུ་འགྲོ་བཞིན་པའི་སྣང་ཚུལ་ཞིག་བརྙན་རིས་ཀྱི་ལམ་ནས་གསོན་ཉམས་དོད་པོས་མཚོན་པར་བྱས་ཡོད། བརྙན་འཕྲིན་ཟློས་གར་དེ་ནི་མཚོ་སྔོན་བོད་སྐད་བརྙན་འཕྲིན་ཁང་གིས་ཕབ་སྐྲུན་སྒྲིག་སྦྱོར་བྱས་པའི་བོད་ཀྱི་འཚོ་བ་དངོས་བརྗོད་བྱར་བཟུང་བའི་ལེའུ་བརྒྱད་ཅན་གྱི་བརྙན་འཕྲིན་ཟློས་གར་གསར་བ་ཞིག་ཡིན་ལ། འཁྲབ་ཁྲིད་པ་དང་བརྙན་ལེན་པ། སྒྲ་སྦྱོར་བ་དང་འཁྲབ་སྟོན་པ་ཚང་མ་བོད་པ་རྐྱང་བ་རེད།

དེ་ལས་མང་བ་། “༼ཁ་སང་གི་གཏམ་རྒྱུད་༽གླེང་བ།” »

གློག་བརྙན་།, དཔྱད་རྩོམ།

རིན་བཟང་གི་མུ་འབྲེལ་ཟིན་ཐོ། ངོ་སྤྲོད།

Posted on By དགེ་རབ་ 4 Comments on རིན་བཟང་གི་མུ་འབྲེལ་ཟིན་ཐོ། ངོ་སྤྲོད།

ཉེ་ཆར་གྲོགས་པོ་ཞིག་བརྒྱུད་ནས་ང་ལ་རིན་བཟང་གི་མུ་འབྲེལ་ཟིན་ཐོ་ཞེས་པའི་དེབ་གཉིས་འབྱོར་བྱུང་། དེབ་དང་པོ་དེ། ངའི་ཕ་ཡུལ་དང་ཞི་བའི་བཅིངས་འགྲོལ་ ཞེས་པ་དེ་རེད། དེབ་གཉིས་པ་དེ། ངའི་ཕ་ཡུལ་དང་གཟབ་ཉན། ཞེས་པ་དེ་རེད། དེབ་ཀྱི་ནང་དོན་གཙོ་བོ་ནི། མདོ་སྨད་ཁུལ་དུ་ ༡༩༥༨ ལོར་རྒྱ་དམག་སླེབས་སྐབས་ཤི་གསོད་གོད་ཆག་ཆེན་པོ་བྱུང་བའི་སྐོར་རེད། མི་སེར་སྡེབ་གསོད་བྱས་པ་དང་། བཙོན་དུ་འཁྲིད་པ། བོད་རིགས་དཔའ་བོ་ཚོས་གྱེན་རྒོལ་བྱས་པ་བཅས་དེང་སང་གི་རྒན་རྒོན་རྣམས་ལ་བཅར་འདྲི་ཞུས་པ་ཞིག་རེད་ལ། སྐད་ཀྱང་ཤུགས་ཆེ་ཨ་མདོའི་སྐད་དུ་བྲིས་འདུག …

དེ་ལས་མང་བ་། “རིན་བཟང་གི་མུ་འབྲེལ་ཟིན་ཐོ། ངོ་སྤྲོད།” »

གསར་འགྱུར།

ཝན་ཅ་པོ་ལ་ལྷམ་གྱིས་གཞུས་པ། (དུས་བབ་ནས་བཤུས)

Posted on By དགེ་རབ་ 4 Comments on ཝན་ཅ་པོ་ལ་ལྷམ་གྱིས་གཞུས་པ། (དུས་བབ་ནས་བཤུས)

རྒྱ་ནག་གི་སྲིད་བློན་ཝན་ཅ་པོ་ཡིས་དབྱིན་ལན་གྱི་སློབ་གྲྭ་ཆེན་མོ་ཞིག་ཏུ་འཛམ་གླིང་དཔལ་འབྱོར་གྱི་བརྗོད་གཞིའི་ཐོག་གཏམ་བཤད་བྱས་སྐབས། མི་ཞིག་གིས་ལྷམ་གཞུས་ནས་ངོ་རྒོལ་བྱས་ཡོད་འདུག ཚེས་ ༡ ནས་ཉིན་གསུམ་རིང་ལ་རྒྱ་ནག་གི་སྲིད་བློན་ཝན་ཅ་པོ་དབྱིན་ལན་དུ་ཚོང་འབྲེལ་གྱི་ལྟ་སྐོར་ལ་ཡོང་ཡོད་པ་དང༌། ཚེས་ ༢ ཉིན་དབྱིན་ལན་གྱི་ Cambridge University ཞེས་པའི་གཙུག་ལག་སློབ་གྲྭ་ཆེན་མོ་དེར་འཛམ་གླིང་དཔལ་འབྱོར་གྱི་བརྗོད་གཞིའི་ཐོག་གཏམ་བཤད་བྱས་སྐབས། ཚོགས་ཁང་ནང་མི་ཞིག་གིས་ཝན་ཅ་པོ་ལ་ངོ་རྒོལ་གྱི་སྐད་འབོད་བྱས་ཡོད་པ་དང༌། གཏམ་བཤད་མགོ་བཙུགས་མ་ཐག་ངོ་རྒོལ་བྱེད་མཁན་མི་དེས། ༼སློབ་གྲྭ་ཆེན་མོ་འདིས་སྲིད་དབང་སྒེར་གཅོད་པ་འདི་དང་མཉམ་དུ་རང་ཉིད་བཙོང་དགོས་པ་རེད་དམ། ཁོས་བཤད་པའི་རྫུན་གཏམ་ལ་ང་ཚོས་གང་འདྲ་བྱེད་ནས་ཉན་དགོས་སམ།༽…

དེ་ལས་མང་བ་། “ཝན་ཅ་པོ་ལ་ལྷམ་གྱིས་གཞུས་པ། (དུས་བབ་ནས་བཤུས)” »

གསར་འགྱུར།

བོད་པ་རྣམས་བོད་པར་སྡང་དོན་ཅི།

Posted on By tenzin No Comments on བོད་པ་རྣམས་བོད་པར་སྡང་དོན་ཅི།

བོད་པ་རྣམས་བོད་པར་སྡང་དོན་ཅི།   ཁ་སང་བོད་ལ་ཁ་པར་ཞིག་བཏང་ནས། ངའི་གཟའ་ཉི་མའི་དགུང་གསེང་དེ་མ་སྐྱིད་པ་ཆེན་པོ་ཆགས་སོང་། དྲ་གྲོགས་ཚང་མས་ང་ལ་རོགས་པ་ཞིག་གནང་རོགས། ངའི་གྲོགས་པོ་ཞིག་ལ་ཁ་པར་བཏང་ནས། ད་ལོ་དགོངས་པ་རག་ན། འདི་གར་ཤོག་ཅེས་ཟེར་སྐབས། ལགས་སོ། བལྟ་རྒྱུ་ཡིན། ད་ལྟ་ངེད་ཚོའི་རྒྱ་རིགས་དཔོན་པོ་དེ་ལོ་གསར་གཏོང་བར་ཕྱིན་སོང་། བྱས་ཙང་ཁོང་སླེབས་ན། ཁོང་ལ་ཞུ་གི་ཡིན་ཟེར། ངས། ཁྱེད་ཚོའི་ལས་ཁུངས་ཀྱི་འགོ་པ་གཙོ་དེ་བོད་པ་དེ་མ་རེད་པས་ལབ་པར། རེད། བོད་པ་འདི་རེད། བྱས་ཙང་མི་ཚང་མ་རྒྱ་མི་དེ་སྒུག་ནས་བསྡད་འདུག་ཟེར།   ངས་ཅིའི་ཕྱིར་ཟེར། ཁོ་པས། རྒྱ་རིགས་ཀྱི་དཔོན་པོ་དེ་ཚོར་སྐད་ཆ་ཤོད་བདེ་བ་དང་། ཁོང་ཚོ་བསམ་ཤེས་ཆེ་བ་འདུག བོད་པའི་འགོ་ཁྲིད་དེ་ཚོས་ཁོང་ཚོ་ཕྱི་ལ་འགྲོ་མ་ཐུབ་ན་མི་གཞན་སུ་ཡང་གཏོང་གི་མ་རེད་ཟེར།    ད་འདི་ཝ་སྐྱེས་ཝ་ལ་སྡང་པ་མ་ཡིན་ནམ། བོད་པ་བོད་པར་སྡང་སེམས་འདི་ཡ་མཚན་མ་རེད་པས།      

གསར་འགྱུར།, དཔྱད་རྩོམ།

གཏམ་ཉོག་འགའ

Posted on By དགེ་རབ་ 7 Comments on གཏམ་ཉོག་འགའ

མཚེ་མ་བརྒྱད་ ཨ་རིའི་ཁ་ལི་ཕོར་ནི་ཡའི་མངའ་སྡེའི་ནང་བུད་མེད་ཅིག་ལ་ཉེ་ཆར་མཚེ་མ་བརྒྱད་སྐྱེས་ཡོད་འདུག བུ་མོ་གཉིས་དང་བུ་དྲུག་ཡོད་པ་རེད་འདུག བྱིས་པ་རྣམས་གཤགས་བཅོས་ཀྱི་ལམ་ནས་སྐྱེས་པ་ཡིན་མོད་ཚང་མས་ངུ་སྐད་ཙག་གེར་བཏོན་པ་དང་བཅས་རང་ངོས་ནས་དབུགས་འབྱུང་རྔུབ་བྱེད་པ་དང་། རྒྱ་མ་གཅིག་ལྷག་ཙམ་རེ་ཡོད་འདུག ཁྱིམ་མི་སྡེབ་གསོད། ཡང་མངའ་སྡེ་དེའི་ནང་གི་མི་ཚང་གཅིག་གིས་བཟའ་ཚང་གཉིས་ཀའི་ལས་ཀ་ཤོར་བ་ལ་བརྟེན་ནས། ཁྱོ་ག་དེས་མེ་མདའ་བརྒྱབ་སྟེ་ཆུང་མ་དང་བུ་ཕྲུག་ལྔ་བཅས་བསད་རྗེས་རང་གསོད་བྱས་ཡོད་འདུག མཁལ་མ་ཚུར་ཁྱེར་ཤོག ཡང་ཨ་རིའི་བཟའ་ཚང་ཞིག་འགྲིག་པའི་སྐབས་སུ་ཆུང་མ་ལ་ཁྱོ་གའི་མཁལ་མ་བྱིན་ཡོད་པ་དང་། ཉེ་ཆར་ཆུང་མས་དགའ་རོགས་བཙལ་བ་ལ་བསྙད་ནས་བཟའ་ཚང་འཐོར་རྒྱུའི་ཁ་མཆུ་བརྒྱབ་ཡོད་པ་དང་། སྐབས་དེར་ཁྱོ་གའི་མཁལ་མ་ཚུར་འཁྱེར་ཤོག་ཅེས་བཤད་ཀྱིན་ཡོད་འདུག

གསར་འགྱུར།

བོད་རིགས་དམངས་ཁྲོད་རྩོམ་རིག་གི་དྭངས་མ་འདི་རུ་བཤམས།

Posted on By ཡེ་ཤེས་ No Comments on བོད་རིགས་དམངས་ཁྲོད་རྩོམ་རིག་གི་དྭངས་མ་འདི་རུ་བཤམས།

བོད་ཀྱི་དམངས་ཁྲོད་རིག་གཞུང་གི་དྭངས་མར་གྱུར་པའི་ཨ་མདོའི་ལ་གཞས་ཆེད་སྒྲིག་གི་སྐོར་ཤེས་འདོད་ན་གཤམ་དུ་རྡེག་གནོན་གྱིས། http://www.tibetcm.com/html/news/785bb8b89566db7d71b7b8b8cc09612b/

གསར་འགྱུར།

བོད་ཡིག་གི་གློག་རྡུལ་ཚིག་མཛོད་ཐོན་འདུག

Posted on By tenzin 23 Comments on བོད་ཡིག་གི་གློག་རྡུལ་ཚིག་མཛོད་ཐོན་འདུག

བོད་ཡིག་གི་གློག་རྡུལ་ཚིག་མཛོད་ཐོན་འདུག བོད་ལྗོངས་སློབ་གྲྭ་ཆེན་མོའི་རྩིས་འཁོར་སྡེ་ཚན་གྱི་དགེ་རྒན་ཨ་མདོ་བློ་བཟང་ལགས་ཀྱིས། བོད་ཡིག་གི་གློག་རྡུལ་ཚིག་མཛོད་དང་པོ་དེ་བཏོན་ཐུབ་འདུག དེ་ནི་ཁོང་གིས་ལོ་མང་དཀའ་ངལ་ཁྱད་གསོད་དང་།  བརྩོན་འགྲུས་དང་སྙིང་རུས་བག་ལ་བརྟེན་ནས། བསྒྲུབ་བྱ་བོད་ཕྲུག་ཚོས་འབྱུང་འགྱུར་བོད་རྒྱ་དབྱིན་གསུམ་གྱི་གློག་ཆས་ཚིག་མཛོད་ཆུང་ཆུང་ཞིག་ཁུག་མའི་ནང་ཁྱེར་ཐུབ་པའི་དམིགས་ཡུལ་བཅངས་ནས། བོད་དང་། རྒྱ་ནག དེ་བཞིན་ཨ་རི་སོགས་ལ་སློབ་སྦྱོང་དང་ཞིབ་འཇུག་གི་ལས་ཀ་ཡུན་རིང་སྒྲུབ་པའི་འབྲས་བུ་ཞིག་རེད་འདུག གློག་རྡུལ་ཚིག་མཛོད་དེར། “བོད་རྒྱ་དབྱིན་གློག་རྡུལ་ཚིག་མཛོད།”ཅེས་མིང་བཏགས་ཤིང་། མི་ཚང་མས་བློ་བཟང་ཚིག་མཛོད་ཅེས་ཀྱང་ཟེར། དེ་ནི་བོད་ལྗོངས་བློ་བཟང་གྲངས་ཀའི་ཚན་རྩལ་ཚད་ཡོད་ཀུང་སི་ནས་འགྲེམས་ཚོང་བྱེད་ཀྱི་ཡོད་འདུག  ཚིག་མཛོད་འདིའི་ནང་། དུང་དཀར་ཚིག་མཛོད་དང་། བོད་རྒྱ་ཚིག་མཛོད་ཆེན་མོ། བོད་དབྱིན་ཚིག་མཛོད། དེ་བཞིན་བོད་རྒྱ་ཚིག་མཛོད། ད་དུང་བོད་རྒྱ་དབྱིན་གསུམ་སོགས་ཀྱི་ཚིག་མཛོད་སུམ་བཅུ་ལྷག་ཙམ་དང་། དེ་བཞིན་རྩིས་འཁོར་དང་། ལོ་ཐོ། རོལ་རྩེད་སོགས་ཀྱི་བཀོལ་ཆས་མང་པོ་བཅུག་འདུག ཚིག་མཛོད་དེར་ཧི་མ་ལ་ཡའི་ཡིག་གཟུགས་དང་ཐེབ་གཞོང་བཀོལ་ཡོད་པ་མ་ཟད། ད་དུང་བོད་རྒྱ་དབྱིན་གསུམ་གྱི་སྒྲ་གདངས་ཀྱི་སྐད་ཡང་བཅུག་འདུག ཚིག་མཛོད་དེར་མི་དམངས་ཤོག་སྒོར་༡༢༠༠ཐོབ་ཀྱི་ཡོད་པ་དང་། ལྷ་ས། ཁྲེན་ཏུ། དེ་བཞིན་ཟི་ལིང་སོགས་ནས་ཉོ་ཐུབ་ཀྱི་འདུག ཕ་ཡུལ་ཨ་མདོ་ནས་ཡིན་པའི་དགེ་རྒན་བློ་བཟང་ལགས་ནི། དེ་སྔོན་ནུབ་བྱང་མི་རིགས་སློབ་གྲྭ་ཆེན་མོ་ལས་ཐོན་པ་དང་། རྗེས་སུ། ཀུན་ཕན་ཐེབས་རྩ་ཚོགས་པས་རོགས་སྐྱོར་བྱས་ནས་ ཝ་ཇིན་ནི་ཡའི་བྱང་ཕྱོགས་སློབ་གྲྭ་ཆེན་མོ་ཐོན་ནས།(University of Northern Virginia) རྩིས་འཁོར་རིག་པའི་ཞིབ་འཇུག་སློབ་མའི་ལག་ཁྱེར་ཐོབ་འདུག ཁོང་གི་ཚིག་མཛོད་སྐོར་ལ་མང་ཙམ་མཁྱེན་འདོད་ཡོད་ན། ཁོང་གི་དྲ་རྒྱ། http://luozang.com/index.html…

དེ་ལས་མང་བ་། “བོད་ཡིག་གི་གློག་རྡུལ་ཚིག་མཛོད་ཐོན་འདུག” »

གློག་ཀླད་ཤེས་བྱ།, གསར་འགྱུར།

རང་དབང་ལ་ངང་སྒུག་བྱས་པ།

Posted on By དགེ་རབ་ No Comments on རང་དབང་ལ་ངང་སྒུག་བྱས་པ།

རྣོ་སྦྲང༌། དགུན་ཁའི་སྒྱུ་འཕྲུལ་གྱི་མཁའ་དབྱིངས་ནས་པེ་ཅིན་Aལ་ཁ་བ་་རྡོག་གཅིག་ཀྱང་ལྷུང་མ་བྱུང ཉེ་འཁོར་ཚོས་ལམ་ཆས་བརྒྱབ་ཏེ་རེ་རེ་བཞིན་ཕ་ཡུལ་ལ་ལོ་སར་རོལ་དུ་འགྲོ་གི་འདུག ཉིན་ཧྲིལ་བོའི་ངལ་གསོ་ཡི་ཁྲོད་ནསལོ་སར་ལ་བརྡ་རྟགས་མེད་པ་འདྲ་བའི་ཕ་ཡུལ་ཡིད་ལ་ལོས་དྲན་མོད ཕ་ཡུལ་གྱི་སྙིང་དང་འདྲ་བའི་གྲོགས་པོ་ཚོ་དང་ལྷན་དུསྟོང་བཤད་ཡིད་ཚིམ་རེ་བརྒྱབ་ནས་བསྡད་ན་ལོས་བསམ་མོད འོན་ཏེ་ད་ལོ་ང་ཕ་ཡུལ་ལོག་འདོད་ཡེ་ནས་མེད ཁུ་སིམ་མེར་ཁ་བ་ལ་སྒུག་སྟེ ཁ་བའི་ཁྲོད་ནས་ཁེར་ལབ་གྱི་ཚོར་བའི་མཛེས་སྡུག་ཅིག་རྙེད་ཐུབ་སོང་ན འདོད་པ ཤོག་བུ་མེ་ཡིས་འཚིག་པ་དང་འདྲ་བར་རྨག་མེད་དུ་འགྲུབ་སོང་བ་ཡིན རོལ་དབྱངས་ཤིག་མི་མངོན་པའི་དབྱངས་ནས་གྲགས་ཏེ མུན་ནག་གི་ཁྲོད་ན་དྲ་བར་འཇུག་གིན་པའི་ཁོ་བོར་སེམས་གསོ་བླ་མེད་གནང་གི་ཡོད་ན་ཡང བརླན་བཤེར་གྱིས་གྲུབ་པའི་མཛུབ་གུས མཆི་མའི་གཏམ་རྒྱུད་ཅིག་དྲོད་རླངས་ཀྱི་ཁྲོད་ན་འབྲི་གི་འདུག འཛིན་རེག་བྲལ་བའི་གཟུགས་མེད་རལ་གྲི་ཞིག་འཆར་ཏེ་བཞེངས་བསྐྲུན་བྱ་གི་འདུག…

དེ་ལས་མང་བ་། “རང་དབང་ལ་ངང་སྒུག་བྱས་པ།” »

གསར་འགྱུར།

སྟོན་པའི་འཁྲུངས་སྐར་རྗེས་དྲན་ལོ་དེབ་སྤྱན་གྱི་མདུན་རྒྱབ་དང་དཀར་ཆག

Posted on By ཡེ་ཤེས་ 6 Comments on སྟོན་པའི་འཁྲུངས་སྐར་རྗེས་དྲན་ལོ་དེབ་སྤྱན་གྱི་མདུན་རྒྱབ་དང་དཀར་ཆག

ངེད་ཅག་བླ་ནག་ཤེས་རིག་ཁྱབ་སྤེལ་ཚོགས་པས་སྟོན་པ་ཐུབ་པའི་དབང་པོའི་འཁྲུངས་སྐར་ཤོག་བྱང་གང་མང་ཞིག་པར་སྐྲུན་གྱིས་འཛམ་གླིང་གི་ས་གནས་གང་སར་འགྲེམ་སྤེལ་བྱས་པ་ཡིན་ལ། ལོ་འགའི་སྔོན་ནས་སྟོན་པའི་འཁྲུངས་སྐར་རྗེས་དྲན་ལོ་དེབ་སྤྱན་ཞེས་པ་འདི་གསར་སྤེལ་བྱེད་བཞིན་པ་དང་། ལོ་དེབ་འདི་གསར་སྤེལ་གྱི་དུས་ཚོད་ནི་ས་ག་ཟླ་བའི་ནང་ལ་ཡིན། གཤམ་གསལ་འདྲ་པར་དག་གི་སྟེང་དུ་རྡེག་གནོན་བྱས་ཚེ་གསལ་བོར་ལྟ་ཐུབ།

དེ་ལས་མང་བ་། “སྟོན་པའི་འཁྲུངས་སྐར་རྗེས་དྲན་ལོ་དེབ་སྤྱན་གྱི་མདུན་རྒྱབ་དང་དཀར་ཆག” »

གསར་འགྱུར།

གསར་འགྱུར་མདོར་བསྡུས་ཆ་རེ།

Posted on By དགེ་རབ་ 1 Comment on གསར་འགྱུར་མདོར་བསྡུས་ཆ་རེ།

གོ་ཐོས་ལྟར་ན། ཨ་མདོ་བླ་བྲང་ཁུལ་དུ་བོད་མི་ཚོས་ལོ་གསར་དགའ་སྟོན་མི་བྱེད་པའི་ཐད་ལ་རྒྱ་གཞུང་སེམས་ཁུར་ལངས་ཏེ། ཁྱིམ་ཚང་འགའ་རེར་སྒོར་ཁྲི་གཅིག་དང་ ཡང་ཁྱིམ་ཚང་འགའ་རེར་སྒོར་ལྔ་བརྒྱ་ཙམ་རེ་བྱིན་ནས་ལོ་སར་གཏོང་བའི་རེ་སྐུལ་བྱེད་བཞིན་འདུག་ཟེར། རེབ་གོང་ཁུལ་ན་ཡང་ལོ་གསར་གཏོང་དགོས་པའི་བཀོད་འདོམས་གཏོང་བཞིན་ཡོད་སྐད། ལྷ་ས་བར་སྐོར་ནང་སྔ་ལོའི་གྱེན་ལངས་རྗེས་ནས་བཟུང་དམ་དྲག་ཆེ་དྲགས་པའི་རྐྱེན་བྱས་ཏེ། བོད་རིགས་ཚོ་གནས་སྤོར་ཟིན་པ་རེད་ཅེས་བརྗོད་ཀྱི་ཡོད་འདུག བར་སྐོར་ནང་གཏན་སྡོད་བྱེད་པའི་བོད་མིའི་གྲངས་འབོར་མངོན་གསལ་གྱིས་ཉུང་དུ་ཕྱིན་ཡོད་སྐད། བར་སྐོར་ནང་བོད་རིགས་ཚོས་ཕན་ཚུན་ལ་སྐད་ཆ་བཤད་རྒྱུར་ཡང་དྭོགས་ཟོན་བྱེད་ཀྱིན་ཡོད་ཚོད་ལ། བོད་མི་ཚོས་གླེང་རྒྱུ་ལ། བར་སྐོར་ནང་གི་ཉེན་རྟོག་པའི་པར་ཆས་དེ་ཚོས་སྐད་ཆ་བཤད་མཁན་གྱི་མི་དེའི་མཆུ་ཏོའི་དབྱིབས་པར་རྒྱག་བཞིན་ཡོད་ཐོག རང་བཙན་སོགས་ཀྱི་སྐད་ཆ་བཤད་ཚེ་འཕྲལ་དུ་འཛིན་བཟུང་བྱེད་ངེས་རེད་ཅེས་བཤད་ནས་བོད་རིགས་ཚོས་ཁ་བཀབ་ནས་སྐད་ཆ་བཤད་དགོས་ཆགས་ཀྱི་ཡོད་པ་རེད་ཟེར།

གསར་འགྱུར།

མདའ་ལན་༣པ།

Posted on By རབ་འབྱོར་ 13 Comments on མདའ་ལན་༣པ།

མདའ་ཚན་པ་ལགས། དང་པོ་བོད་ཡིག་གསར་བཅོས་ཀྱི་ཡིག་ཆ་དེའི་གནས་ཚུལ་ཁུངས་ལྡན་རེ་ཐོབ་སོང་། ཡིག་ ཆ་དེའི་བསྡུས་མིང་ལ་”ཟིན་བྲིས་གནད་བསྡུས།” དང་མིང་ཆ་ཚང་ལ་ “མའོ་ཀྲུའུ་ཞིའི་གསུང་རྩོམ་བོད་ཡིག་པར་སྐྲུན་དང་ཡིག་སྒྱུར་བྱ་བའི་མའོ་ཙེ་ ཏུང་དགོངས་པ་སློབ་སྦྱོང་འཛིན་གྲྭའི་གྲོས་བསྡུར་ཟིན་བྲིས་གནད་བསྡུས།”ཟེར་ གྱི་འདུག ཡིག་ཆ་འདི་ནི་ ༡༩༦༩ ལོའི་ཟླ་བདུན་པའི་ནང་ལ་མི་རིགས་དཔེ་སྐྲུན་ཁང་གི་ལས་བྱེད་སྐོར་ཞིག་གིས་གྲོས་གཞིན་བཏོན་པ་དང་། སྐབས་དེར་པེ་ཅིན་ན་ཡོད་པའི་བོད་ཡིག་གི་བྱ་བ་བྱེད་མཁན་སྐོར་ཞིག་མཉམ་འཛོམས་ཀྱིས་ཡིག་ཆ་འདི་གཏན་ལ་ཕབ་པ་རེད་ཟེར། ཡིག་ཆ་འདིས་བོད་ཡིག་ལ་ཚིག་ཕྲད་༦༤ཡོད་པ་ལས་༣༥ མི་དགོས་པ་བྱས་པ་རེད་ཟེར། ཡིག་ཆ་ངོ་མ་དེ་ད་བར་དུ་ལག་ལ་མ་ཡོང་ཐལ།…

དེ་ལས་མང་བ་། “མདའ་ལན་༣པ།” »

གསར་འགྱུར།