གནས་ཚུལ་མཁོ་སྤྲོད་པ། རྨེའུ་དཀོན་རྒྱམ།

 
ཨོ་སི་ཁྲོ་ལེ་ཡའི་བོད་དོན་ལས་འགུལ་ལྷན་ཁང་གིས་གོ་སྒྲིག་འོག ཕྱི་ལོ་ ༢༠༡༥ ཟླ་ ༢ ཚེས་ ༢༨ ནས་ཕྱི་ཟླ་ ༣ ཚེས་ ༡ ཉིན་བར་ཨོ་སི་ཁྲོ་ལེ་ཡའི་རྒྱལ་ས་ཁམ་བྷེ་ར་ནས་གཞུང་གི་ཕྱི་སྲིད་ལྷན་ཁང་གི་རྒྱ་ནག་གི་འགྲོ་བ་མིའི་ཐོབ་ཐང་ཞིབ་འཇུག་སྡེ་དང་གྲོས་ཚོགས་གོང་འོག་གཉིས་དང་ལྗང་ཁུ་ཚོགས་པ་བཅས་གཞུང་གི་གནད་ཡོད་མི་སྣ་བཞི་དང་གྲོས་ཚོགས་འཐུས་མི་སུམ་ཅུ་སོ་གཉིས་ལ་མཇལ་འཕྲད་ཀྱིས་བོད་ནང་གི་ཛ་དྲག་གནས་སྟངས་དང་བོད་ཀྱི་ཁོར་ཡུག་གི་གནས་བབ་སོགས་ཀྱི་ཐད་ནས་བོད་དོན་ཞུ་གཏུགས་ལས་འགུལ་ཐེངས་ལྔ་པ་སྤེལ་བ།

དེ་ལས་མང་བ་། “ཨོ་སི་ཁྲོ་ལེ་ཡའི་གྲོས་ཚོགས་གོང་འོག་ནང་བོད་དོན་ཞུ་གཏུགས་སྤེལ་བ།” »

–མཁོ་གཏོང་བ། ཀ་ཉག་ཚེ་རིང་།
 
ཕྱི་ལོ་2016 ལོའི་3 ཚེས་1 ཉིན་གྱི་བོད་ནང་གི་ཆུ་ཚོད་12 ཙམ་ལ་བོད་མདོ་སྨད་རྔ་པ་རྫོང་རྨེའུ་རུ་མ་ཡུལ་ཚོའི་རུ་ཆེན་དང་པོའི་བཀྲ་ཤིས་གཡས་འཁྱིལ་ཚང་གི་བུ་མོ་མང་དགའ་ལགས་ཀྱིས། རྨེའུ་རུ་མའི་ཡུལ་ཚོའི་ཁྲོམ་ལམ་དུ་༸གོང་ས་སྐྱབས་མགོན་ཆེན་པོ་མཆོག་གི་སྐུ་པར་ཞིག་ལག་གཉིས་ཀྱིས་གནམ་ལ་འཕྱར་ནས་རྒྱ་ནག་གཞུང་གིས་བོད་ཐོག་འཛིན་པའི་བཙན་གནོན་སྲིད་ཇུས་ལ་ངོ་རྒོལ་སྐད་འབོད་བྱེད་བཞིན་གོམ་བགྲོད་གནང་ཡོད་ཅིང་།

དེ་ལས་མང་བ་། “རྔ་བ་རུ་བུ་མོ་མང་དགའ་ལགས་ཀྱིས་ངོ་རྒོལ་སྐད་འབོད་གནང་བ།” »

—-བོད་ཀྱི་དུས་བབ།
 
ཁ་སང་ཕྱི་ཚེས་ ༢༩ ཉིན་གྱི་སྔ་དྲོའི་ཆུ་ཚོད་ ༨།༣༠ ཙམ་ལ་རྡེ་ར་རྡུན་གྱི་རྒན་གསོ་ཁང་གི་ཉེ་འཁྲིས་ཤིག་ཏུ་མ་སུ་རི་བོད་ཁྱིམ་གྱི་འཛིན་རིམ་བཅུ་པའི་སློབ་ཕྲུག་རྡོ་རྗེ་ཚེ་རིང་ལགས་ནས་སྐུ་ལུས་མེར་བསྲེགས་གནང་སྟེ། ད་ལྟ་ལྡི་ལིའི་སྨན་ཁང་(Safdarjung hospital)དུ་མྱུར་སྐྱོབ་བྱེད་བཞིན་ཡོད་ཀྱང་། གཟུགས་པོའི་བརྒྱ་ཆ་ ༩༥ ཚིག་ཟིན་ཡོད་འདུག

དེ་ལས་མང་བ་། “སློབ་ཕྲུག་ཅིག་གིས་སྐུ་ལུས་མེར་བསྲེཊ་གནང་འདུག” »

—ཡོང་ཁུངས། བོད་ཀྱི་བང་ཆེན།

 
བོད་ཤར་ཕྱོགས་དཀར་མཛེས་ཁུལ་ཉག་རོང་རྫོང་ཁོངས་སུ་དགེ་འདུན་པ་རང་ལོ་༡༨ ཡིན་པ་སྐལ་བཟང་དབང་འདུས་ཞེས་པའི་བསྟན་སྲིད་མི་རིགས་ཀྱི་ཆེད་དུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་སྲེག་བཏང་ནས་སྐུ་གཤེགས་པའི་གནས་ཚུལ་ཐོན་འདུག

དེ་ལས་མང་བ་། “ཁམས་ཉག་རོང་གི་གྲྭ་པ་ཞིག་གིས་རང་ལུས་མེར་སྲེག་གི་ངོ་རྒོལ།” »

དར་རྒྱས།

 
དེ་རིང་བརྒྱུད་ལམ་གང་སར་རྒྱ་ནག་གཞུང་འབྲེལ་ཀྲུང་གོའི་བོད་ཀྱི་དྲྭ་བ་ཞེས་པར། རང་རེའི་འོས་བསྡུ་དང་འབྲེལ་བའི་རྙོག་གླེང་ཁག་ཅིག་གི་གནས་སྟངས་ལ་འཚང་བྲུས་པའི་གསར་འགྱུར་ཞིག་ཐོན་འདུག གནད་དོན་དེ་དག་ནི། དུས་འཁོར་དབང་ཆེན་གྱི་སྐོར་དང་། ཨ་རིའི་དོན་ཁང་ནང་༧གོང་ས་མཆོག་གི་སྐུ་པར་སྲིད་སྐྱོང་གི་པར་ལས་རྩ་ཆེར་མ་བརྩིས་སྐོར། ཕྱི་དྲིལ་བཀའ་བློན་གྱིས་གློ་བུར་རྩ་དགོངས་ཞུས་སྐོར། གཞན་ཡང་ཚོགས་གཙོར་ཁུངས་མེད་ཀྱི་བསྙོན་འཛུགས་སོགས་རེད། གནད་དོན་འདི་དག་ལ་བཀའ་ཤག་གིས་ལན་འདེབས་དུས་ལྟར་ཞུ་དགོས་སྐོར།

དེ་ལས་མང་བ་། “སྲིད་སྐྱོང་ལགས། ཁྱེད་ལ་རྒྱ་ནག་གཞུང་གིས་ཀྱང་དྲི་བ་བཏང་འདུག” »

མཁོ་འདོན་པ། སྤྱི་འཐུས་དགེ་བཤེས་རོང་བོ་བློ་བཟང་སྙན་གྲགས།
 

༸རྒྱལ་བའི་བཀའ་དྲིན་རྗེས་དྲན་ཤྲཱི་ལངྐའི་གནས་བརྟན་སྡེ་པ་དང་བོད་བརྒྱུད་ནང་བསྟན་གྱི་གཞི་ཐམས་ཅད་ཡོད་པར་སྨྲ་བའི་སྡེ་པའི་དབར་དམ་ཆོས་འདུལ་བའི་བགྲོ་གླེང་།

ཕྱི་ལོ་༢༠༡༦ ཟླ་༢ ཚེས་༢༦ ནས་༢༧ བར་དགེ་ལུགས་ཡོངས་ཀྱི་༸རྒྱལ་བའི་བརྟན་བཞུགས་དང་བཀའ་དྲིན་རྗེས་དྲན་ཚོགས་ཆུང་གིས་གོ་སྒྲིག་ཞུས་ཏེ། ཤྲཱི་ལངྐའི་གནས་བརྟན་སྡེ་པ་དང་། བོད་བརྒྱུད་ནང་བསྟན་གྱི་གཞི་ཐམས་ཅད་ཡོད་པར་སྨྲ་བའི་སྡེ་པའི་དབར་དམ་ཆོས་འདུལ་བའི་བགྲོ་གླེང་ཞིག་དཔལ་ལྡན་འབྲས་སྤུངས་སྒོ་མང་གྲྭ་ཚང་དུ་ཚུགས་ཡོད་པ་དང་།

དེ་ལས་མང་བ་། “དམ་ཆོས་འདུལ་བའི་བགྲོ་གླེང་།” »

གནས་ཚུལ་གཏོང་མཁན། སྤྱི་འཐུས་རོང་པོ་བློ་བཟང་སྙན་གྲགས།

དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་དང་འབྲེལ་༸རྒྱལ་བའི་མཛད་རྣམ་དང་། གསུང་རྩོམ། དགོངས་གཞི་བཅས་ཀྱི་ཐོག་རིས་མེད་མཁས་པའི་བགྲོ་གླེང་འཚོགས་པ།

ཕྱི་ལོ་༢༠༡༦ ཟླ་༢ ཚེས་༢༥ ནས་༢༨ བར་དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་དང་འབྲེལ་༸རྒྱལ་བའི་མཛད་རྣམ་དང་། གསུང་རྩོམ། དགོངས་གཞི་བཅས་ཀྱི་ཐོག་རིས་མེད་མཁས་པའི་བགྲོ་གླེང་ཆེན་མོ་ཞིག་རྡ་སའི་ཉེ་འཁོར་རྒྱུད་སྟོད་ར་མོ་ཆེ་གྲྭ་ཚང་དུ་འཚོགས་ཡོད་པ་རེད། དེ་ཡང་དགེ་ལུགས་ཡོངས་ཀྱི་༸རྒྱལ་བའི་བརྟན་བཞུགས་དང་བཀའ་དྲིན་རྗེས་དྲན་ཚོགས་ཆུང་གིས་གོ་སྒྲིག་ཞུས་ཏེ། དཔལ་ལྡན་རྒྱུད་སྟོད་གྲྭ་ཚང་དུ།

དེ་ལས་མང་བ་། “༸རྒྱལ་བའི་མཛད་རྣམ་དང་། གསུང་རྩོམ། དགོངས་གཞི་བཅས་ཀྱི་ཐོག་རིས་མེད་མཁས་པའི་བགྲོ་གླེང་འཚོགས་པ།” »

བསྟན་འཛིན་རབ་དགའ།

 
བཀའ་བློན་བདེ་སྐྱིད་ཆོས་དབྱིངས་ཀྱིས་བོད་སྤྱི་བའི་ཆེད་དུ་སྒེར་དོན་ཕར་བཞག་ནས་སྤྱི་དོན་ཆེད་བཀའ་བློན་གྱི་ལས་གནས་ནས་རྩ་དགོངས་ཞུས་པ་དང་། དེ་གསར་འགོད་གསལ་བསྒྲགས་བྱས་པ་ནས། སྲིད་སྐྱོང་གིས་དབུ་ཁྲིད་པའི་བཀའ་ཤག་གི་ལས་ཀའི་གྲུབ་འབྲས་དང་། སྲིད་སྐྱོང་སྒེར་གྱི་ལས་དོན་བྱེད་སྟངས་ལ་མང་ཚོགས་ནང་དོགས་སློང་དང་ཆབས་ཅིག སྲིད་སྐྱོང་འོས་མི་གཉིས་ཞིབ་བསྡུར་ཞིབ་ནན་བྱེད་པའི་ཚ་རླབས་ཤིག་འཕྱུར་སོང་།

དེ་ལས་མང་བ་། “ད་ནི་ལས་བྱེད་མང་པོས་སྡེབ་གཅིག་ལ་རྩ་དགོངས་ཞུ་བའི་གནས་ཚུལ་ཡང་ཡོང་མི་སྲིད་པ་མ་རེད།” »

ཡོང་ཁུངས། བོད་ཀྱི་དུས་བབ།

དེ་རིང་སྔ་དྲོར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་ནས་བཀའ་བློན་ནས་རྩ་དགོངས་ཞུས་པ་གསལ་བསྒྲགས་གནང་སོང་།

དེ་རིང་སྔ་དྲོའི་ཆུ་ཚོད་ ༡༠ སྟེང་། གངས་སྐྱིད་བོད་ཀྱི་དཔེ་མཛོད་ཁང་གི་ཕྱི་རོལ་དུ། བོད་མིའི་སྒྲིག་འཛུགས་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས། ཁོང་མོས་བཀའ་ཤག་སྐབས་བཅུ་བཞི་པའི་ཕྱི་དྲིལ་བཀའ་བློན་ནས་རྩ་དགོངས་ཞུ་བཞིན་ཡོད་པའི་སྐོར་ལ་གསར་འགོད་གསལ་བསྒྲགས་བསྐྱངས་སོང་།

དེ་ལས་མང་བ་། “ཕྱི་དྲིལ་བཀའ་བློན་མཆོག་ནས་རྩ་དགོངས་ཞུས།” »

—-༧རྒྱལ་དབང་ཀརྨ་པ།

 
གངས་ལྗོངས་ཁུ་བྱུག་སྔོན་མོ་གདུ་བྷེ་རང་རེ་དང་གཏན་དུ་བྲལ་སོང་། ཁོང་གི་སྙན་འཇེབས་ཀྱི་གླུ་རྟའི་ཁྲོད་དུ་འཚར་ལོངས་བྱུང་བའི་མི་ཞིག་ལ་མཚོན་ན་འཚོ་བའི་ཁྲོད་ཀྱི་ཆ་ཤས་གལ་ཆེན་ཞིག་བོར་བརླག་ཏུ་ཕྱིན་པ་དང་མཚུངས།

དེ་ལས་མང་བ་། “༧རྒྱལ་དབང་ཀརྨ་པ་མཆོག་གིས་ཐུགས་སྨོན་གནང་བ།” »

དེང་རབས་སྒྱུ་རྩལ་གྱི་སྡིངས་ཆའི་ཐོག་འོད་དུ་འཚེར་ཞིང་། མདངས་དང་ལྡན་པའི་བོད་ཀྱི་ན་གཞོན་སྒྱུ་རྩལ་བ་བསྟན་འཛིན་བློ་གྲོས་དང་། སྐལ་ཐུབ་ཚེ་རིང་རྣམ་པ་གཉིས་ཀྱི་རྣམ་དཔྱོད་ཀྱི་བསམ་གཞིག་དང་། འཆར་འགོད་ཀྱི་མྱོང་སྟོབས། མཚོན་ཐབས་ཀྱི་ནུས་རྩལ་ལས་བྱུང་བའི་སྒྱུ་རྩལ་བརྩམས་ཆོས་ཁག་ཅིག་འདི་ཟླའི་ཕྱི་ཚེས་བཅུ་དགུ་ཉིན།

དེ་ལས་མང་བ་། “འཚོལ་བ། དེང་དུས་རི་མོའི་སྒྱུ་རྩལ་གྱི་འགྲེམས་སྟོན།༼རྗར་མེ་ནི་བོད་ཀྱི་ཁང་པའི་ནང་།༽” »

སྤྱི་འཐུས་རོང་བོ་བློ་བཟང་སྙན་གྲགས།
 

དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་དང་འབྲེལ་དཔེ་ཁྲིད་དགེ་རྒན་རྣམ་པའི་དཔེ་ཁྲིད་བྱེད་ཕྱོགས་ཀྱི་བསམ་ཚུལ་བརྗེ་རེས་ཀྱི་ཚོགས་འདུ་དཔལ་ལྡན་འབྲས་སྤུངས་སུ་འཚོགས།

དེ་ཡང་ཕྱི་ལོ་༢༠༡༦ ཟླ་༢ ཚེས་༡༩ ཉིན། དགེ་ལུགས་ཡོངས་ཀྱི་༸རྒྱལ་བའི་བརྟན་བཞུགས་དང་བཀའ་དྲིན་རྗེས་དྲན་ཚོགས་ཆུང་གིས་གོ་སྒྲིག་ཞུས་པའི་དགེ་ལུགས་ཡོངས་ཀྱི་༸རྒྱལ་བའི་བཀའ་དྲིན་རྗེས་དྲན་དང་འབྲེལ་དཔེ་ཁྲིད་དགེ་རྒན་རྣམ་པའི་དཔེ་ཁྲིད་བྱེད་ཕྱོགས་ཀྱི་བསམ་ཚུལ་བརྗེ་རེས་ཀྱི་ཚོགས་འདུ་ཞིག་བྱེས་ཀྱི་གདན་ས་ཆེན་པོ་

དེ་ལས་མང་བ་། “དཔེ་ཁྲིད་དགེ་རྒན་རྣམ་པའི་དཔེ་ཁྲིད་བྱེད་ཕྱོགས་ཀྱི་བསམ་ཚུལ་བརྗེ་རེས་ཚོགས་འདུ།” »

ལྕགས་ཟམ་པ།

ད་ལྟ་བརྒྱུད་ལམ་ཁག་ན་སྲིད་སྐྱོང་འོས་མི་གཉིས་ཀྱི་སྐོར་གླེང་སློང་ཤུགས་ཆེ་རུ་འགྲོ་བཞིན་ཡོད་པའི་ནང་། སྲིད་སྐྱོང་བློ་བཟང་སེང་གེའི་སྐབས་ལ་ལས་བྱེད་མང་པོས་རྩ་དགོངས་ཞུས་ཡོད་པ་དང་། ལྷག་པར་ལས་བྱེད་རྒན་པ་མང་པོས་རྩ་དགོངས་ཞུས་ཡོད་སྐོར་དང་། རྩ་དགོངས་ཞུ་མཁན་ཁག་ཅིག་གིས་བློ་ཕམ་འོག་ནས་རྩ་དགོངས་ཞུས་ཡོད་པ་སོགས་གླེང་གིན་འདུག འདིའི་སྐོར་གླེང་མཁན་མང་ཆེ་བས་གྲངས་ཀ་ཏག་ཏག་ཅིག་དང་། རྒྱུ་མཚན་ཏག་ཏག་ཅིག་གཞི་ལ་མ་བཞག་ནས་གླེང་སྟངས་ཀྱིས། མང་ཚོགས་ནང་ལ་དོགས་གནས་མང་པོ་བཟོ་བཞིན་པ་ལྟ་བུ་རེད།

དེ་ལས་མང་བ་། “ཕྱི་ལོ་ ༢༠༡༡ ནས་ ༢༠༡༥ བར་ལས་བྱེད་ ༨༧་རྩ་དགོངས་སོང་འདུག” »